നിങ്ങൾ വഴക്കമു​ള്ള​വ​രും സാഹച​ര്യ​ങ്ങ​ളോ​ടു പൊരു​ത്ത​പ്പെ​ടു​ന്ന​വ​രും ആണോ?

¹ വഴക്കമു​ള്ള​വ​രും സാഹച​ര്യ​ങ്ങ​ളു​മാ​യി പൊരു​ത്ത​പ്പെ​ടു​ന്ന​വ​രും ആയിരി​ക്കാൻ ദിവ്യ​ജ്ഞാ​ന​ത്തി​നും ദൈവ​വ​ച​ന​ത്തി​നും നമ്മെ സഹായി​ക്കാ​നാ​കും. സുവാർത്ത പ്രസം​ഗി​ക്കാ​നുള്ള ദൈവദത്ത നിയോ​ഗം നിറ​വേ​റ്റു​മ്പോൾ ഈ കരുത​ലു​കൾ പ്രയോ​ജ​ന​പ്പെ​ടു​ത്തി​ക്കൊണ്ട്‌ നമുക്ക്‌ അങ്ങനെ​യു​ള്ള​വ​രെന്നു തെളി​യി​ക്കാം. ഒന്നാം നൂറ്റാ​ണ്ടി​ലെ ക്രിസ്‌ത്യാ​നി​കൾ അവരുടെ ദൈവദത്ത നിയോ​ഗം എങ്ങനെ നിറ​വേറ്റി എന്നും അതേസ​മയം അവർ എങ്ങനെ പ്രാ​യോ​ഗിക ജ്ഞാനം പ്രകട​മാ​ക്കി എന്നും പ്രവൃ​ത്തി​ക​ളു​ടെ പുസ്‌തകം കാണി​ച്ചു​ത​രു​ന്നു. (മത്താ. 28:19, 20) ഉദാഹ​ര​ണ​ത്തിന്‌ ഇക്കോന്യ വിട്ടു​പോ​കേ​ണ്ടി​വ​ന്ന​പ്പോൾ പൗലൊസ്‌ മറ്റു സ്ഥലങ്ങളിൽ പോയി സുവാർത്ത പ്രസം​ഗി​ച്ചു. (പ്രവൃ. 14:5-7) സമീപ​ന​രീ​തി​യിൽ മാറ്റം വരുത്തു​ന്ന​താണ്‌ ജ്ഞാനം എന്നു കണ്ടപ്പോൾ പൗലൊ​സും അവന്റെ സഹകാ​രി​ക​ളും ആളുക​ളു​ടെ അടുക്കൽ സുവാർത്ത എത്തിക്കു​ന്ന​തിന്‌ മറ്റു മാർഗങ്ങൾ അവലം​ബി​ച്ചു. (പ്രവൃ. 16:13) നാം എതിരാ​ളി​കളെ പേടി​ക്കു​ന്നില്ല, യഹോ​വയെ അനുസ​രി​ക്കു​ന്ന​തിൽ തുടരു​ക​യും ചെയ്യും. എന്നാൽ മാറ്റം ആവശ്യ​മാ​യി​വ​രുന്ന സാഹച​ര്യ​ങ്ങ​ളിൽ, ചില പ്രത്യേക സാക്ഷീ​കരണ രീതികൾ മാത്രമേ പിന്തു​ടരൂ എന്നു നാം കടും​പി​ടു​ത്തം പിടി​ക്ക​രുത്‌. (ഫിലി. 1:27; പ്രവൃ. 5:29) ഇത്തരത്തിൽ പ്രാ​യോ​ഗി​ക​ജ്ഞാ​നം പ്രകട​മാ​ക്കു​ന്ന​വ​രാ​ണോ നാം?

² അടുത്ത​യി​ടെ ചില സംസ്ഥാ​ന​ങ്ങ​ളിൽ സംഭവി​ച്ചതു നോക്കി​യാൽ, സത്യാ​രാ​ധ​ന​യ്‌ക്ക്‌ ഇപ്പോ​ഴും ശത്രുക്കൾ ഉണ്ടെന്നു കാണാ​നാ​കും. മതഭ്രാ​ന്ത​ന്മാ​രു​ടെ ലക്ഷ്യങ്ങൾ പലതാ​യി​രി​ക്കാം; എന്നാൽ സാത്താന്‌ അവരെ ഉപയോ​ഗി​ച്ചു​കൊണ്ട്‌ സത്യ​ക്രി​സ്‌ത്യാ​നി​ക​ളു​ടെ പ്രവർത്ത​നങ്ങൾ സംബന്ധിച്ച്‌ മറ്റുള്ള​വ​രിൽ തെറ്റി​ദ്ധാ​രണ ഉളവാ​ക്കാ​നും അങ്ങനെ സുവാർത്ത കേൾക്കു​ന്ന​തിൽനിന്ന്‌ അവരെ തടയാ​നും കഴിയും. പൗലൊ​സി​ന്റെ നാളിൽ എഫെ​സൊ​സിൽ നടന്നത്‌ അതാണ്‌. (പ്രവൃ. 19:23-28) അത്തരം കുത​ന്ത്ര​ങ്ങൾക്കു നടുവി​ലും, നാം യഹോ​വ​യു​ടെ നാമവും അവന്റെ ഉദ്ദേശ്യ​വും പ്രസി​ദ്ധ​മാ​ക്കും എന്ന ദൃഢനി​ശ്ച​യ​മു​ള്ള​വ​രാ​യി​രി​ക്കണം; ഒപ്പം, സാക്ഷീ​ക​ര​ണ​വി​ധ​ങ്ങ​ളിൽ പൊരു​ത്ത​പ്പെ​ടു​ത്ത​ലു​കൾ വരുത്തു​ന്ന​വ​രും വഴക്കമു​ള്ള​വ​രും ആയിരി​ക്കണം.

³ സുസജ്ജർ: നമ്മുടെ പ്രവർത്ത​ന​ത്തി​ലേക്ക്‌ അനാവ​ശ്യ​ശ്രദ്ധ ക്ഷണിച്ചു​വ​രു​ത്താ​തി​രി​ക്കാൻ വയൽസേ​വ​ന​ക്കൂ​ട്ട​ങ്ങ​ളു​ടെ മേൽനോ​ട്ടം​വ​ഹി​ക്കുന്ന മൂപ്പന്മാ​രും ശുശ്രൂ​ഷാ​ദാ​സ​ന്മാ​രും ശ്രദ്ധി​ക്കണം. അതിനാ​യി, നിയമിത പ്രദേ​ശ​ത്തേക്ക്‌ പോകു​ന്ന​തി​നു മുമ്പു​തന്നെ അവർ സഹോ​ദ​ര​ങ്ങളെ തിരി​ച്ചു​വി​ടു​ന്നത്‌ ഉൾപ്പെടെ ആവശ്യ​മായ എല്ലാ ക്രമീ​ക​ര​ണ​ങ്ങ​ളും ചെയ്‌തി​രി​ക്കണം. എവിടെ പ്രവർത്തി​ക്കണം എന്ന നിർദേശം കാത്ത്‌ സഹോ​ദ​രങ്ങൾ വഴിവ​ക്കി​ലും മറ്റും കൂട്ടമാ​യി നിൽക്കു​ന്നത്‌ ബുദ്ധി​യാ​യി​രി​ക്കില്ല. അത്‌ മറ്റുള്ള​വ​രു​ടെ അനാവ​ശ്യ​ശ്രദ്ധ വിളി​ച്ചു​വ​രു​ത്തു​ക​യേ​യു​ള്ളൂ. വയൽസേ​വ​ന​ക്കൂ​ട്ട​ത്തി​നു മേൽനോ​ട്ടം​വ​ഹി​ക്കുന്ന സഹോ​ദരൻ മുന്ന​മേ​തന്നെ കാര്യങ്ങൾ ക്രമീ​ക​രി​ക്കു​ന്നെ​ങ്കിൽ ഓരോ​രു​ത്തർക്കും അവരവ​രു​ടെ നിയമിത പ്രദേ​ശ​ത്തെ​ക്കു​റി​ച്ചുള്ള വിവരങ്ങൾ നൽകാ​നും പ്രദേ​ശത്തു കൂട്ടം​കൂ​ടു​ന്നത്‌ ഒഴിവാ​ക്കാ​നും സാധി​ക്കും.

⁴ ശുശ്രൂ​ഷ​യിൽ ഏർപ്പെ​ടു​മ്പോൾ പൊതു​ജ​ന​ശ്രദ്ധ ആകർഷി​ക്കാ​തി​രി​ക്കു​ന്ന​താണ്‌ ജ്ഞാനം. ധൈര്യ​പൂർവം, ശ്രദ്ധയാ​കർഷി​ക്കും​വി​ധം സേവന​ത്തി​ലേർപ്പെ​ടു​ന്നത്‌ ഒരു കാലത്ത്‌ സാക്ഷ്യം നൽകാ​നു​ത​കി​യി​രു​ന്നെ​ങ്കി​ലും ഇന്ന്‌ സാഹച​ര്യ​ങ്ങൾ മാറി​യി​രി​ക്കു​ന്നു. ഇന്ന്‌ അങ്ങനെ ചെയ്‌താൽ ഒരുപക്ഷേ സുവാർത്ത പ്രസം​ഗി​ക്കാ​നാ​വാത്ത ഒരവസ്ഥ വന്നേക്കാം; നിങ്ങ​ളെ​യും മറ്റുള്ള​വ​രെ​യും അത്‌ അപകട​ത്തി​ലാ​ക്കി​യെ​ന്നും വരാം. സമീപ​ന​ത്തിൽ മാറ്റം​വ​രു​ത്താൻ പരാജ​യ​പ്പെ​ടു​ന്നത്‌ ബുദ്ധി​ശൂ​ന്യ​മാ​യി​രി​ക്കും. വയൽസേ​വ​ന​ക്കൂ​ട്ടങ്ങൾ ചെറു​താ​യി​രി​ക്കണം. ആളുകളെ അലോ​സ​ര​പ്പെ​ടു​ത്തുന്ന വിധത്തിൽ വയൽസേവന പ്രദേ​ശ​ത്തേക്ക്‌ വലിയ കൂട്ടമാ​യി പോക​രുത്‌. ഒരു നിശ്ചിത സമയ​ത്തേ​ക്കോ രണ്ടോ മൂന്നോ ആഴ്‌ച​ത്തേ​ക്കോ പ്രവർത്തി​ക്കാൻ മതിയായ പ്രദേശം ഓരോ​രു​ത്തർക്കും അല്ലെങ്കിൽ ഈരണ്ടു പ്രസാ​ധ​കർക്കു​വീ​തം നൽകുക. അവരുടെ സമയവും സാഹച​ര്യ​വു​മ​നു​സ​രിച്ച്‌ അവിടെ അവർക്കു പ്രവർത്തി​ക്കാം; പക്ഷേ എത്ര​ത്തോ​ളം പ്രവർത്തി​ച്ചു എന്ന്‌ ഗ്രൂപ്പ്‌ മേൽവി​ചാ​ര​കനെ അപ്പപ്പോൾ അറിയി​ക്കണം. ഗ്രൂപ്പ്‌ മേൽവി​ചാ​ര​ക​ന്മാ​രും വയൽസേ​വ​ന​ക്കൂ​ട്ട​ത്തി​നു മേൽനോ​ട്ടം​വ​ഹി​ക്കുന്ന മറ്റെല്ലാ​വ​രും, ഉപയോ​ഗി​ച്ചു​വ​ന്നി​രുന്ന സമീപ​ന​രീ​തി​ക​ളിൽ പൊരു​ത്ത​പ്പെ​ടു​ത്ത​ലു​കൾ വരു​ത്തേ​ണ്ട​തുണ്ട്‌.

⁵ നിങ്ങൾ വഴക്കമു​ള്ള​വ​രാ​ണോ?: സാധ്യ​മാ​കു​ന്നി​ട​ങ്ങ​ളി​ലെ​ല്ലാം വീടു​തോ​റു​മുള്ള വേല ചെയ്യാൻ നാം ആഗ്രഹി​ക്കു​ന്നെ​ങ്കി​ലും ചില പ്രത്യേക സമയങ്ങ​ളി​ലും പ്രദേ​ശ​ങ്ങ​ളി​ലും മറ്റു സാക്ഷീ​കരണ മാർഗങ്ങൾ ഉപയോ​ഗി​ക്കു​ന്ന​താ​യി​രി​ക്കും ജ്ഞാനം. അല്ലെങ്കിൽ, ചില ദേശങ്ങ​ളി​ലെ സഹോ​ദ​രങ്ങൾ ചെയ്‌തി​രി​ക്കു​ന്ന​തു​പോ​ലെ ഒരു വഴിയിൽ ഒരു വീട്ടിൽ കയറുക, എന്നിട്ട്‌ അവിടം വിട്ടു​പോ​യി മറ്റൊരു വഴിയിൽ ഇതു​പോ​ലെ പ്രവർത്തി​ക്കുക. ഇതിന്‌ കൂടുതൽ സമയം എടു​ക്കേ​ണ്ടി​വ​രു​മെ​ങ്കി​ലും വീടു​തോ​റു​മുള്ള നമ്മുടെ സുവാർത്താ​പ്ര​സം​ഗ​ത്തി​നു തടയി​ടാ​നുള്ള എതിരാ​ളി​ക​ളു​ടെ ശ്രമങ്ങൾ നിഷ്‌പ്ര​ഭ​മാ​ക്കാൻ ഇതുമൂ​ലം കഴി​ഞ്ഞേ​ക്കും.

⁶ വയൽസേ​വ​ന​ത്തിൽ ഏർപ്പെ​ടു​മ്പോൾ ചുറ്റും നടക്കുന്ന കാര്യ​ങ്ങ​ളെ​ക്കു​റിച്ച്‌ ജാഗ്ര​ത​യു​ള്ള​വ​രാ​യി​രി​ക്കണം. ചുറ്റു​മു​ള്ള​വ​രു​ടെ നീക്കങ്ങൾ വിവേ​ചി​ക്കാ​നും പ്രശ്‌നങ്ങൾ ഒഴിവാ​ക്കാ​നും അതു നിങ്ങളെ സഹായി​ച്ചേ​ക്കും. സംഭാ​ഷണം ആരംഭി​ക്കു​മ്പോൾത്തന്നെ വീട്ടു​കാ​രന്റെ പ്രതി​ക​രണം നന്നായി ശ്രദ്ധി​ക്കുക. ആമുഖ​മാ​യി പറയുന്ന വാക്കുകൾ നന്നായി ചിന്തി​ച്ചു​റ​പ്പി​ച്ച​താ​യി​രി​ക്കണം. തുടർന്ന്‌ മറുപടി ശ്രദ്ധി​ക്കുക. അങ്ങനെ​യാ​വു​മ്പോൾ ആ വ്യക്തി കുഴപ്പ​ക്കാ​ര​നാ​ണോ അല്ലയോ എന്ന്‌ നിങ്ങൾക്ക്‌ എളുപ്പം മനസ്സി​ലാ​ക്കാ​നാ​കും. നല്ല തയ്യാറാ​കൽ ഒരു സംരക്ഷ​ണ​മാണ്‌. നമ്മെയും നമ്മുടെ ഉദ്ദേശ്യ​ങ്ങ​ളെ​യും കുറിച്ച്‌ ആത്മാർഥ​ത​യോ​ടെ ചോദി​ക്കു​ന്ന​വർക്ക്‌ ഉത്തരം നൽകാൻ, ഉചിത​മാ​യി​രി​ക്കു​ന്നി​ടത്ത്‌ യഹോ​വ​യു​ടെ സാക്ഷികൾ മറുപടി പറയുന്നു എന്ന ലഘുലേഖ ഉപയോ​ഗി​ക്കാ​വു​ന്ന​താണ്‌.

⁷ എല്ലായ്‌പോ​ഴും യഹോ​വ​യാം ദൈവ​ത്തിൽ ആശ്രയി​ക്കുക. നിങ്ങൾ യാചി​ക്കു​ന്നെ​ങ്കിൽ അവൻ തന്റെ പരിശു​ദ്ധാ​ത്മാ​വി​നെ നിങ്ങൾക്കു നൽകും. (ലൂക്കൊ. 11:13) സാക്ഷീ​കരണ വിധങ്ങ​ളിൽ മാറ്റം വരുത്താൻ മനസ്സൊ​രു​ക്കം കാണി​ക്കു​മ്പോൾ, സാഹച​ര്യ​ങ്ങൾക്ക​നു​സ​രി​ച്ചു പ്രവർത്തി​ക്കുന്ന യഹോ​വ​യു​ടെ ഉത്‌കൃ​ഷ്ട​മാ​തൃക അനുക​രി​ക്കു​ക​യാണ്‌ നാം. തന്റെ ഉദ്ദേശ്യ​സാ​ക്ഷാ​ത്‌കാ​ര​ത്തി​നാ​യി ഒരു പ്രത്യേക മാർഗം മാത്രമേ അവലം​ബി​ക്കൂ എന്ന്‌ യഹോവ നിർബ​ന്ധം​പി​ടി​ക്കു​ന്നില്ല; കാരണം മാർഗ​മ​ധ്യേ തടസ്സങ്ങൾ നേരി​ട്ടേ​ക്കാം. എന്നാൽ എന്തൊക്കെ പ്രശ്‌നങ്ങൾ നേരി​ട്ടാ​ലും താൻ ഉദ്ദേശി​ച്ചത്‌ ഒടുവിൽ അവൻ നടപ്പി​ലാ​ക്കു​ക​തന്നെ ചെയ്യും.—യെശ. 55:11; എഫെ. 1:9-11.