അറിയിപ്പുകൾ
◼ സാഹിത്യ സമർപ്പണം. സെപ്റ്റംബർ: ബൈബിൾ യഥാർഥത്തിൽ എന്തു പഠിപ്പിക്കുന്നു? ആദ്യ സന്ദർശനത്തിൽ ബൈബിളധ്യയനം ആരംഭിക്കാൻ പ്രത്യേക ശ്രമം ചെയ്യുക. വീട്ടുകാരുടെ പക്കൽ ഈ പുസ്തകം ഉണ്ടെങ്കിൽ ഒരു ബൈബിളധ്യയനം ഹ്രസ്വമായി പ്രകടിപ്പിച്ചുകൊണ്ട് അവർക്ക് ഇതിൽനിന്ന് എങ്ങനെ പ്രയോജനം നേടാനാകുമെന്നു കാണിക്കുക. ഒക്ടോബർ: വീക്ഷാഗോപുരം, ഉണരുക! മാസികകൾ. താത്പര്യം കാണിക്കുന്നിടത്ത് ബൈബിളിനെ കുറിച്ച് കൂടുതൽ അറിയാൻ നിങ്ങൾ ആഗ്രഹിക്കുന്നുവോ? എന്ന ലഘുലേഖ നൽകി, അധ്യയനം ആരംഭിക്കുക എന്ന ലക്ഷ്യത്തോടെ അതു ചർച്ചചെയ്യുക. നവംബർ: ബൈബിൾ യഥാർഥത്തിൽ എന്തു പഠിപ്പിക്കുന്നു? ബൈബിളധ്യയനങ്ങൾ ആരംഭിക്കാൻ പ്രത്യേക ശ്രമം ചെയ്യുക. ഡിസംബർ: ജീവിച്ചിരുന്നിട്ടുള്ളതിലേക്കും ഏറ്റവും മഹാനായ മനുഷ്യൻ സമർപ്പിക്കുക. കുട്ടികൾ ഉള്ളവർക്ക് എന്റെ ബൈബിൾ കഥാപുസ്തകം സമർപ്പിക്കുക.
◼ നവംബറിൽ അഞ്ച് വാരാന്തങ്ങൾ ഉള്ളതിനാൽ സഹായ പയനിയറിങ് ചെയ്യാൻ പറ്റിയ മാസമായിരിക്കും.
◼ 2009 സ്മാരക കാലത്തേക്കുള്ള പ്രത്യേക പരസ്യപ്രസംഗം 2009 ഏപ്രിൽ 20-ന് ആരംഭിക്കുന്ന വാരത്തിൽ നടത്തപ്പെടും. പ്രസംഗത്തിന്റെ വിഷയം പിന്നീട് അറിയിക്കുന്നതായിരിക്കും. ആ വാരത്തിൽ സർക്കിട്ട് മേൽവിചാരകന്റെ സന്ദർശനമോ സമ്മേളനമോ ഉള്ള സഭകൾക്ക് തുടർന്നുവരുന്ന വാരത്തിൽ പ്രസംഗം നടത്താവുന്നതാണ്. ഏപ്രിൽ 20-ന് മുമ്പ് ഒരു സഭയും ഈ പ്രത്യേക പ്രസംഗം നടത്തരുത്.
◼ അടുത്ത മാസത്തെ സാഹിത്യ അപേക്ഷയോടൊപ്പം സഭകൾ വീക്ഷാഗോപുര പ്രസിദ്ധീകരണ സൂചിക 2008, വാച്ച്ടവർ ലൈബ്രറി—2008 പതിപ്പിന്റെ (ഇംഗ്ലീഷ്) സിഡി-റോം എന്നിവയ്ക്കുള്ള അപേക്ഷ അയച്ചുതുടങ്ങാവുന്നതാണ്. പ്രസാധകർക്കു മാത്രമുള്ള ഈ സിഡി സഭകളിലൂടെയേ ലഭിക്കുകയുള്ളൂവെന്നതു ദയവായി ശ്രദ്ധിക്കുക.
◼ അധ്യക്ഷ മേൽവിചാരകൻ നിയമിക്കുന്ന ആരെങ്കിലും ജൂൺ, ജൂലൈ, ആഗസ്റ്റ് മാസങ്ങളിലെ സഭാ കണക്കുകൾ ഓഡിറ്റ് ചെയ്യേണ്ടതാണ്. തുടർച്ചയായി ഓഡിറ്റു ചെയ്യുന്നതിന് ഒരേ വ്യക്തിയെത്തന്നെ നിയമിക്കരുത്. അടുത്ത തവണ കണക്കു റിപ്പോർട്ട് വായിക്കുമ്പോൾ ഓഡിറ്റു ചെയ്ത വിവരം സഭയെ അറിയിക്കുക.—സഭാ കണക്കുകൾ സംബന്ധിച്ച നിർദേശങ്ങൾ (S-27) കാണുക.
◼ ലഭ്യമായ പുതിയ പ്രസിദ്ധീകരണങ്ങൾ:
എന്റെ ബൈബിൾ കഥാപുസ്തകം —വലിയ അക്ഷരത്തിൽ അച്ചടിച്ചത് —പഞ്ചാബി