പ്രത്യേക ലഘു​ലേഖാ വിതരണം—നവംബർ 10-ഡിസംബർ 7

¹ നവംബർ 10 തിങ്കളാഴ്‌ച ആരംഭി​ക്കുന്ന വാരം മുതൽ നാല്‌ ആഴ്‌ച​ത്തേക്ക്‌, സത്യം—അത്‌ അറിയാൻ നിങ്ങൾ ആഗ്രഹി​ക്കു​ന്നു​വോ? എന്ന ഒരു പുതിയ ലഘുലേഖ നാം വിതരണം ചെയ്യു​ന്ന​താ​യി​രി​ക്കും. ആഗോ​ള​ത​ല​ത്തി​ലുള്ള ഈ പ്രത്യേക വിതര​ണ​പ​രി​പാ​ടി, സത്യത്തി​ന്റെ ഏക ഉറവായ ബൈബി​ളിൽ ആളുക​ളു​ടെ താത്‌പ​ര്യം ഉണർത്തു​മെ​ന്നാണ്‌ നമ്മുടെ പ്രതീക്ഷ.—യോഹ. 17:17.

² ദൈവ​ത്തി​നു നമ്മെക്കു​റി​ച്ചു ചിന്തയു​ണ്ടോ? യുദ്ധവും കഷ്ടപ്പാ​ടും അവസാ​നി​ക്കു​മോ? മരിക്കു​മ്പോൾ എന്തു സംഭവി​ക്കു​ന്നു? മരിച്ച​വരെ സംബന്ധിച്ച്‌ എന്തെങ്കി​ലും പ്രത്യാ​ശ​യു​ണ്ടോ? ദൈവം ഉത്തരം നൽകും​വി​ധം എങ്ങനെ പ്രാർഥി​ക്കാം? സന്തുഷ്ട​ജീ​വി​തം നയിക്കാൻ എങ്ങനെ കഴിയും? തുടങ്ങിയ ആറു സുപ്ര​ധാന ചോദ്യ​ങ്ങൾക്ക്‌ ബൈബിൾ നൽകുന്ന ഉത്തരങ്ങൾ ഹ്രസ്വ​മാ​യി ഈ ലഘുലേഖ പ്രതി​പാ​ദി​ക്കു​ന്നു. ക്രൈ​സ്‌ത​വ​സ​ഭ​ക​ളൊ​ന്നും ഈ ചോദ്യ​ങ്ങൾക്ക്‌ തൃപ്‌തി​ക​ര​മായ ഉത്തരം നൽകി​യി​ട്ടില്ല. അനേകം അ​ക്രൈ​സ്‌ത​വ​രും ഇത്തരം കാര്യ​ങ്ങ​ളെ​ക്കു​റിച്ച്‌ ചിന്തി​ച്ചി​ട്ടുണ്ട്‌. ബൈബി​ളിൽ അവയ്‌ക്കുള്ള കൃത്യ​മായ ഉത്തരം ഉണ്ടെന്ന കാര്യം പക്ഷേ അവർക്ക്‌ അറിയില്ല. അതു​കൊ​ണ്ടു​തന്നെ ഈ ലഘുലേഖ ശ്രദ്ധപി​ടി​ച്ചു​പ​റ്റു​മെന്ന്‌ ഉറപ്പാണ്‌.

³ പ്രദേ​ശത്തു മുഴു​വ​നും വിതരണം ചെയ്യുക: നിയമിത പ്രദേശം മുഴു​വ​നും പ്രവർത്തി​ച്ചു​തീർക്കാൻ ശ്രമി​ക്കുക. പ്രദേശം വലുതാ​ണെ​ങ്കിൽ ആളില്ലാ​ഭ​വ​ന​ങ്ങ​ളിൽ ആദ്യസ​ന്ദർശ​ന​ത്തിൽത്തന്നെ ഒരു ലഘുലേഖ ഇട്ടേച്ചു​പോ​രാൻ മൂപ്പന്മാർ നിർദേ​ശി​ച്ചേ​ക്കാം. അയൽക്കാർക്കും ബന്ധുക്കൾക്കും സഹപാ​ഠി​കൾക്കും സഹപ്ര​വർത്ത​കർക്കും നിങ്ങൾ സാധാരണ സംസാ​രി​ക്കാ​റു​ള്ള​വർക്കു​മെ​ല്ലാം ഇത്‌ നൽകാൻ ഓർക്കുക. നവംബ​റി​ലോ ഡിസം​ബ​റി​ലോ സഹായ​പ​യ​നി​യ​റിങ്‌ ചെയ്യാൻ ഒരുപക്ഷേ നിങ്ങൾക്കു കഴി​ഞ്ഞേ​ക്കും. ആത്മീയ​മാ​യി പുരോ​ഗ​മി​ച്ചു​വ​രു​ന്ന​വ​രും സ്‌നാ​ന​മേ​റ്റി​ട്ടി​ല്ലാത്ത പ്രസാ​ധ​ക​രെന്ന നിലയിൽ ഈ വിതര​ണ​പ​രി​പാ​ടി​യിൽ പങ്കെടു​ക്കാൻ യോഗ്യ​രു​മായ മക്കളോ ബൈബിൾ വിദ്യാർഥി​ക​ളോ നിങ്ങൾക്കു​ണ്ടോ? ഉണ്ടെങ്കിൽ മൂപ്പന്മാ​രെ അറിയി​ക്കുക.

⁴ താത്‌പ​ര്യം തിരി​ച്ച​റി​യുക: വീട്ടു​കാ​ര​നു​മാ​യി ഒരു സൗഹൃ​ദ​സം​ഭാ​ഷ​ണ​ത്തി​നു തുടക്ക​മി​ടുക. താത്‌പ​ര്യ​മു​ണ്ടോ എന്ന്‌ വേഗം​തന്നെ മനസ്സി​ലാ​ക്കി​യെ​ടു​ക്കണം. ആത്മീയ വിഷയ​ങ്ങ​ളിൽ ആ വ്യക്തിക്കു താത്‌പ​ര്യ​മി​ല്ലെ​ങ്കിൽ സൗഹൃ​ദ​ഭാ​വ​ത്തോ​ടെ അവി​ടെ​നി​ന്നു പോരുക. താത്‌പ​ര്യ​മു​ണ്ടെ​ങ്കിൽ മാത്രം സംഭാ​ഷണം തുടർന്നാൽ മതിയാ​കും.

⁵ എന്തു പറയണം? കൂടുതൽ പേർക്ക്‌ ലഘുലേഖ വിതരണം ചെയ്യാൻ കഴി​യേ​ണ്ട​തിന്‌ ചെറിയ അവതരണം ഉപയോ​ഗി​ക്കു​ന്ന​താണ്‌ നല്ലത്‌. ലഘു​ലേ​ഖ​യു​ടെ പുറത്തുള്ള ആറു ചോദ്യ​ങ്ങ​ളിൽ, വീട്ടു​കാ​രന്‌ ഏറ്റവും യോജിച്ച ഒരു ചോദ്യം തിര​ഞ്ഞെ​ടു​ക്കുക. ആ ചോദ്യം ചോദി​ച്ച​ശേഷം ലഘു​ലേ​ഖ​യിൽനിന്ന്‌ അതിന്റെ ഉത്തരം കാണി​ച്ചു​കൊ​ടു​ക്കുക. പ്രദേ​ശ​ത്തി​നു യോജിച്ച വിധത്തിൽ അവതരണം നടത്താൻ ഇതു സഹായ​ക​മാ​യി​രി​ക്കും. ആരെങ്കി​ലും താത്‌പ​ര്യം കാണി​ച്ചാൽ, അവിടെ മടങ്ങി​ച്ചെ​ല്ലുക. വാരാ​ന്ത​ങ്ങ​ളിൽ ലഘു​ലേ​ഖ​യോ​ടൊ​പ്പം പുതിയ മാസി​ക​ക​ളും സമർപ്പി​ക്കാ​വു​ന്ന​താണ്‌. ഡിസംബർ 7-ന്‌ വിതരണം അവസാ​നി​ച്ച​ശേഷം മഹാനായ മനുഷ്യൻ പുസ്‌തകം നാം സമർപ്പി​ക്കും. ലഘു​ലേ​ഖകൾ മിച്ചമു​ണ്ടെ​ങ്കിൽ മറ്റു ലഘു​ലേ​ഖ​കൾപോ​ലെ അത്‌ ഉപയോ​ഗി​ക്കു​ന്ന​താ​യി​രി​ക്കും.

⁶ ബൈബി​ള​ധ്യ​യനം ആരംഭി​ക്കുക: അധ്യയനം ആരംഭി​ക്കാൻ പ്രത്യേ​കാൽ തയ്യാറാ​ക്കി​യി​ട്ടു​ള്ള​താണ്‌ ഈ ലഘുലേഖ. താത്‌പ​ര്യ​ക്കാ​രെ വീണ്ടും സന്ദർശി​ക്കു​മ്പോൾ ഏതു ബൈബിൾ സത്യമാണ്‌ അവർക്ക്‌ ആശ്വാസം പ്രദാനം ചെയ്‌ത​തെന്നു ചോദി​ക്കാ​വു​ന്ന​താണ്‌. അധ്യയ​ന​ത്തെ​ക്കു​റിച്ച്‌ പറഞ്ഞി​രി​ക്കുന്ന പിൻപേജ്‌ കാണി​ച്ചിട്ട്‌ ബൈബിൾ പഠിപ്പി​ക്കു​ന്നു പുസ്‌തകം വീട്ടു​കാ​രനു കൊടു​ക്കുക. വീട്ടു​കാ​രന്‌ ഇഷ്ടപ്പെട്ട വിഷയ​ത്തെ​ക്കു​റി​ച്ചുള്ള കൂടുതൽ വിവര​ങ്ങ​ള​ട​ങ്ങിയ അധ്യാ​യ​ത്തിൽനിന്ന്‌ ഒന്നോ രണ്ടോ ഖണ്ഡികകൾ ചുരു​ക്ക​മാ​യി ചർച്ച ചെയ്യുക.

⁷ തന്നെ “ആത്മാവി​ലും സത്യത്തി​ലും” ആരാധി​ക്കാൻ ആഗ്രഹി​ക്കു​ന്ന​വരെ തേടു​ക​യാണ്‌ യഹോവ. (യോഹ. 4: 23) നമു​ക്കേ​വർക്കും ഈ പ്രത്യേക വിതര​ണ​പ​രി​പാ​ടി​യിൽ പങ്കുപ​റ്റാം, അങ്ങനെ സത്യം അറിയാൻ മറ്റുള്ള​വരെ സഹായി​ക്കാം.