അറിയിപ്പുകൾ
◼ സാഹിത്യ സമർപ്പണം. ഏപ്രിൽ, മേയ്: വീക്ഷാഗോപുരം, ഉണരുക! മാസികകൾ. സ്മാരകാചരണത്തിനും പ്രത്യേക പരസ്യ പ്രസംഗത്തിനും ഹാജരാകുന്നവരും, എന്നാൽ സഭയോടു സജീവമായി സഹവസിക്കുന്നില്ലാത്തവരുമായ താത്പര്യക്കാരെ സന്ദർശിക്കാൻ പ്രത്യേക ശ്രമം ചെയ്യുക. ഇതുവരെയും ബൈബിൾ പഠിക്കാൻ തുടങ്ങിയിട്ടില്ലാത്തവർക്ക് ബൈബിളിനെ കുറിച്ച് കൂടുതൽ അറിയാൻ നിങ്ങൾ ആഗ്രഹിക്കുന്നുവോ? എന്ന ലഘുലേഖ നൽകുകയും ബൈബിളധ്യയനം തുടങ്ങുകയും ചെയ്യുക എന്നതായിരിക്കണം അത്തരം സന്ദർശനങ്ങളുടെ ലക്ഷ്യം. ജൂൺ: ദൈവത്തിനുവേണ്ടിയുള്ള മനുഷ്യവർഗത്തിന്റെ അന്വേഷണം (ഇംഗ്ലീഷ്) അല്ലെങ്കിൽ ബൈബിൾ—ദൈവത്തിന്റെ വചനമോ അതോ മനുഷ്യന്റേതോ? (ഇംഗ്ലീഷ്). ഇവ സ്റ്റോക്കില്ലാത്ത സഭകൾ ഏക സത്യദൈവത്തെ ആരാധിക്കുക എന്ന പുസ്തകം സമർപ്പിക്കുന്നതാണ്.
◼ 2008-ലേക്കുള്ള ഡിസ്ട്രിക്റ്റ് കൺവെൻഷൻ ബാഡ്ജുകൾ 2008 മേയ് മാസത്തോടെ അയച്ചുതരുന്നതായിരിക്കും. പ്രസാധകരുടെ എണ്ണത്തെക്കാൾ കൂടുതൽ ബാഡ്ജുകൾ സഭകളുടെ പ്രാഥമിക ഭാഷയിൽ ലഭിക്കുന്നതായിരിക്കും. അതുകൊണ്ട് പ്രാഥമിക ഭാഷയിലോ മറ്റൊരു ഭാഷയിലോ കൂടുതൽ ബാഡ്ജുകൾ ആവശ്യമായിവരുന്നെങ്കിൽ മാത്രം അപേക്ഷ അയച്ചാൽ മതി. അത്തരം മിതമായ അപേക്ഷകൾ സാഹിത്യ അപേക്ഷാ ഫാറം (S-14) ഉപയോഗിച്ച് ഓർഡർ ചെയ്യാവുന്നതാണ്.
◼ സാധാരണ പയനിയർ സേവന അപേക്ഷ (S-205) ഫാറവും സഹായ പയനിയർ സേവന അപേക്ഷ (S-205b) ഫാറവും സഭയിൽ ആവശ്യത്തിന് ഉണ്ടെന്ന് സഭാ സെക്രട്ടറിമാർ ഉറപ്പുവരുത്തണം. സാഹിത്യ അപേക്ഷാ ഫാറം (S-14) ഉപയോഗിച്ച് ഇവ ഓർഡർ ചെയ്യാവുന്നതാണ്. ഒരു വർഷത്തേക്കെങ്കിലുമുള്ള സ്റ്റോക്ക് സഭയിൽ ഉണ്ടായിരിക്കണം. സാധാരണ പയനിയർ അപേക്ഷാ ഫാറം ബ്രാഞ്ചിലേക്ക് അയയ്ക്കുന്നതിനു മുമ്പ് അതു പൂർണമായി പൂരിപ്പിച്ചിട്ടുണ്ടെന്ന് ഉറപ്പുവരുത്തുക.
◼ എല്ലാ അധ്യക്ഷ മേൽവിചാരകന്മാരുടെയും സെക്രട്ടറിമാരുടെയും ഏറ്റവും പുതിയ മേൽവിലാസവും ഫോൺ നമ്പരും ബ്രാഞ്ചോഫീസിൽ സൂക്ഷിക്കേണ്ടത് ആവശ്യമാണ്. അവയ്ക്കു മാറ്റം വന്നിട്ടുണ്ടെങ്കിൽ സേവനക്കമ്മിറ്റി, അധ്യക്ഷ മേൽവിചാരകന്റെ/സെക്രട്ടറിയുടെ മേൽവിലാസ മാറ്റ ഫാറം (S-29) പൂരിപ്പിച്ച്, ഒപ്പിട്ട് ബ്രാഞ്ചോഫീസിലേക്ക് ഉടനടി അയച്ചുകൊടുക്കണം. ഫോൺ നമ്പരിന്റെ കോഡിൽ വരുന്ന മാറ്റവും ഇതിൽ ഉൾപ്പെടുന്നു.
◼ നിങ്ങളുടെ യാത്രയിൽ മറ്റൊരു രാജ്യത്തെ സഭായോഗങ്ങളിലോ സമ്മേളനത്തിലോ ഡിസ്ട്രിക്റ്റ് കൺവെൻഷനിലോ സംബന്ധിക്കുന്നത് ഉൾപ്പെട്ടിരിക്കുമ്പോൾ തീയതി, സമയം, സ്ഥലം എന്നിവ സംബന്ധിച്ച വിവരങ്ങൾക്കായി പ്രസ്തുത രാജ്യത്തെ വേലയ്ക്കു മേൽനോട്ടം വഹിക്കുന്ന ബ്രാഞ്ചോഫീസുമായാണു ബന്ധപ്പെടേണ്ടത്. പുതിയ വാർഷികപുസ്തകത്തിന്റെ അവസാനപേജിൽ ബ്രാഞ്ചോഫീസുകളുടെ മേൽവിലാസങ്ങൾ നൽകിയിട്ടുണ്ട്.
◼ ബൈബിളിനെ കുറിച്ച് കൂടുതൽ അറിയാൻ നിങ്ങൾ ആഗ്രഹിക്കുന്നുവോ? എന്ന ലഘുലേഖ എല്ലാ സഭകൾക്കും അയച്ചുതരുന്നതായിരിക്കും. അവ കൂടെക്കൊണ്ടുപോകാനും അവയുപയോഗിച്ച് ബൈബിളധ്യയനങ്ങൾ തുടങ്ങാനും ശ്രമിക്കുക. എതിർപ്പുള്ള സ്ഥലങ്ങളിൽ, വീട്ടുകാരനു താത്പര്യമുണ്ടോയെന്ന് ഉറപ്പുവരുത്തിയശേഷം ലഘുലേഖ നൽകുക.
◼ ലഭ്യമായ പുതിയ പ്രസിദ്ധീകരണങ്ങൾ:
ബൈബിൾ ചർച്ചകൾ തുടങ്ങാനും തുടരാനും ഉള്ള മാർഗം —ബംഗാളി
“എന്റെ ബൈബിൾ കഥാപുസ്തക”ത്തിനുള്ള അധ്യയന ചോദ്യങ്ങൾ —ബംഗാളി, ഗുജറാത്തി, മറാഠി
സഭാ പുസ്തകാധ്യയനത്തിനുവേണ്ടി മേൽപ്പറഞ്ഞ ചെറുപുസ്തകത്തിന്റെ ആവശ്യത്തിനു കോപ്പികൾക്കായി സഭകൾ അപേക്ഷിക്കേണ്ടതാണ്. ഏപ്രിൽ മാസത്തെ സാഹിത്യ അപേക്ഷയ്ക്കൊപ്പം പ്രസ്തുത ഓർഡർ അയയ്ക്കുക.