അറിയിപ്പുകൾ
◼ സാഹിത്യ സമർപ്പണം: ഡിസംബർ: ജീവിച്ചിരുന്നിട്ടുള്ളതിലേക്കും ഏറ്റവും മഹാനായ മനുഷ്യൻ എന്ന പുസ്തകം സമർപ്പിക്കുക. അല്ലെങ്കിൽ എന്റെ ബൈബിൾ കഥാപുസ്തകം, നിങ്ങൾക്കു ഭൂമിയിലെ പറുദീസയിൽ എന്നേക്കും ജീവിക്കാൻ കഴിയും എന്നിവയിൽ ഏതെങ്കിലും സഭയിൽ സ്റ്റോക്കുണ്ടെങ്കിൽ പകരം സമർപ്പണം എന്ന നിലയിൽ നൽകുക. ജനുവരി: കടലാസ് മഞ്ഞനിറമാകുകയോ നിറംമങ്ങുകയോ ചെയ്യുന്ന 192 പേജുള്ള ഏതെങ്കിലും പുസ്തകമോ 1991-നു മുമ്പു പ്രസിദ്ധീകരിച്ച ഏതെങ്കിലും പുസ്തകമോ സമർപ്പിക്കാവുന്നതാണ്. അത്തരം പുസ്തകങ്ങളൊന്നും ഇല്ലാത്ത സഭകൾക്ക്, പരിജ്ഞാനം പുസ്തകമോ ജാഗരൂകരായിരിക്കുവിൻ! എന്ന ലഘുപത്രികയോ സമർപ്പിക്കാം. ഫെബ്രുവരി: യഹോവയോട് അടുത്തു ചെല്ലുവിൻ പുസ്തകം വിശേഷവത്കരിക്കുക. ഈ പുസ്തകം ലഭ്യമല്ലെങ്കിൽ വെളിപാട് പാരമ്യം പുസ്തകമോ സഭയുടെ സ്റ്റോക്കിൽ അധികമുള്ള മറ്റേതെങ്കിലും പഴയ പ്രസിദ്ധീകരണമോ സമർപ്പിക്കാവുന്നതാണ്. മാർച്ച്: ബൈബിൾ പഠിപ്പിക്കുന്നു പുസ്തകം സമർപ്പിക്കുക, ബൈബിളധ്യയനം ആരംഭിക്കുന്നതിന് പ്രത്യേകശ്രമം ചെയ്യുക. പുസ്തകത്തോടൊപ്പം ബൈബിളിനെ കുറിച്ച് കൂടുതൽ അറിയാൻ നിങ്ങൾ ആഗ്രഹിക്കുന്നുവോ? എന്ന ലഘുലേഖയും കൊടുക്കുക.
◼ 2007-ലേക്കുള്ള സ്മാരക ക്ഷണക്കത്തുകൾ സഭയുടെ പ്രാഥമിക ഭാഷയിൽ താമസിയാതെ അയച്ചുതരുന്നതായിരിക്കും. നിങ്ങളുടെ പ്രദേശത്തു സംസാരിക്കുന്ന മറ്റു ഭാഷകളിൽ ക്ഷണക്കത്തുകൾ ആവശ്യമെങ്കിൽ, സാഹിത്യ അപേക്ഷാഫാറം (S-14) പൂരിപ്പിച്ച് എത്രയും പെട്ടെന്നുതന്നെ ഓർഡർ അയയ്ക്കുക. നിങ്ങളുടെ പ്രദേശത്ത് ആവശ്യമുള്ള ഭാഷകൾക്കു മാത്രം ഓർഡർ ചെയ്യുക. അസമിയ, ഇംഗ്ലീഷ്, കന്നഡ, ഗുജറാത്തി, തമിഴ്, തെലുങ്ക്, നേപ്പാളി, പഞ്ചാബി, ബംഗാളി, മലയാളം, മറാഠി, മിസോ, ഹിന്ദി എന്നീ ഭാഷകളിൽ ഇതു ലഭ്യമാണ്.
◼ 2008-ലെ സ്മാരകം മാർച്ച് 22 ശനിയാഴ്ച സൂര്യാസ്തമയശേഷം ആയിരിക്കും എന്നുള്ളതു ദയവായി ശ്രദ്ധിക്കുക. ഒന്നിലധികം സഭകൾ ഒരു രാജ്യഹാൾതന്നെ ഉപയോഗിക്കുമ്പോൾ, സ്മാരകാചരണം മറ്റെവിടെയെങ്കിലും ക്രമീകരിക്കേണ്ടിവരുന്ന സഭകൾക്ക് ആവശ്യമായ ബുക്കിങ്ങും മറ്റും ചെയ്യുന്നതിനു വേണ്ടിയാണു വളരെ മുന്നമേതന്നെ ഇക്കാര്യം അറിയിക്കുന്നത്. കെട്ടിടത്തിലെ മറ്റു പ്രവർത്തനങ്ങൾ നിമിത്തം യാതൊരു ശല്യവും ഉണ്ടായിരിക്കുകയില്ല എന്ന് ഉറപ്പുവരുത്തുന്ന ഒരു ഉടമ്പടി ഹാളിന്റെ ഭാരവാഹികളുമായി മൂപ്പന്മാർ ചെയ്തിരിക്കണം. വളരെ പ്രധാനപ്പെട്ട അവസരമായിരിക്കുന്നതിനാൽ, സ്മാരക പ്രസംഗം നടത്താൻ മൂപ്പന്മാരുടെ സംഘം കൂടുതൽ യോഗ്യതയുള്ള മൂപ്പന്മാരിൽ ഒരാളെ വേണം നിയമിക്കാൻ, അല്ലാതെ അവർ കേവലം തങ്ങളുടെ ഊഴമനുസരിച്ചു നടത്തുകയോ എല്ലാ വർഷവും ഒരേ സഹോദരനെത്തന്നെ നിയമിക്കുകയോ ചെയ്യരുത്. എന്നാൽ പ്രസംഗം നടത്താൻ തക്ക ആരോഗ്യമുള്ള, അഭിഷിക്തരിൽപ്പെട്ട പ്രാപ്തനായ ഒരു മൂപ്പൻ ഉണ്ടെങ്കിൽ നിയമനം അദ്ദേഹത്തിനു നൽകേണ്ടതാണ്.
◼ ലഭ്യമായ പുതിയ പ്രസിദ്ധീകരണങ്ങൾ:
യഹോവയുടെ ദിവസം മനസ്സിൽപ്പിടിച്ചുകൊണ്ടു ജീവിക്കുക —ഇംഗ്ലീഷ്
ഇംഗ്ലീഷിലുള്ള വിശുദ്ധ തിരുവെഴുത്തുകളുടെ പുതിയലോക ഭാഷാന്തരം—കട്ടികുറഞ്ഞ കവറോടുകൂടിയ പോക്കറ്റ്-സൈസ് ബൈബിൾ. കറുപ്പും മെറൂണും നിറങ്ങളിലുള്ള കവറോടുകൂടിയ ഈ ബൈബിൾ പൊതുജനങ്ങളുടെയും പ്രസാധകരുടെയും ഉപയോഗത്തിനുള്ളതാണ്. കൂടുതൽ വിവരങ്ങൾക്കായി 2005 ആഗസ്റ്റ് 1-ലെ ഞങ്ങളുടെ കത്ത് പരിശോധിക്കുക.
വീക്ഷാഗോപുര പ്രസിദ്ധീകരണ സൂചിക 2001-2005 —ഇംഗ്ലീഷ്
ബൈബിൾ യഥാർഥത്തിൽ എന്തു പഠിപ്പിക്കുന്നു? —ഫ്രഞ്ച്