അറിയിപ്പുകൾ
◼ സാഹിത്യ സമർപ്പണം: ഏപ്രിൽ, മേയ്: വീക്ഷാഗോപുരത്തിന്റെയും ഉണരുക!യുടെയും ഒറ്റ പ്രതികൾ വിശേഷവത്കരിക്കുക. സ്മാരകത്തിനോ മറ്റ് ദിവ്യാധിപത്യ പരിപാടികൾക്കോ ഹാജരാകുന്നവരും എന്നാൽ ഇതുവരെ ക്രമമായി സഭയോടു സഹവസിക്കാത്തവരുമായവർ ഉൾപ്പെടെയുള്ള താത്പര്യക്കാർക്കു മടക്കസന്ദർശനം നടത്തുമ്പോൾ ബൈബിൾ യഥാർഥത്തിൽ എന്തു പഠിപ്പിക്കുന്നു? എന്ന പുതിയ പുസ്തകം സമർപ്പിക്കാൻ പ്രത്യേക ശ്രമം ചെയ്യുക. ആ പുസ്തകം ഉപയോഗിച്ച് ബൈബിളധ്യയനം തുടങ്ങുക എന്നതായിരിക്കണം ലക്ഷ്യം. ജൂൺ: മഹാനായ അധ്യാപകനിൽനിന്നു പഠിക്കുക (ഇംഗ്ലീഷ്) എന്ന പുസ്തകം സമർപ്പിക്കുക. ഈ പുസ്തകം വീട്ടുകാരന്റെ ഭാഷയിൽ ലഭ്യമല്ലെങ്കിൽ ജീവിച്ചിരുന്നിട്ടുള്ളതിലേക്കും ഏറ്റവും മഹാനായ മനുഷ്യൻ പുസ്തകമോ എന്റെ ബൈബിൾ കഥാപുസ്തകമോ സമർപ്പിക്കുക. ജൂലൈ, ആഗസ്റ്റ്: താഴെ കൊടുത്തിരിക്കുന്ന 32 പേജുള്ള ഏതെങ്കിലും ലഘുപത്രിക: ഭൂമിയിൽ എന്നേക്കും ജീവിതം ആസ്വദിക്കുക!, പറുദീസ സ്ഥാപിക്കുന്ന ഗവൺമെന്റ്, “നോക്കൂ! ഞാൻ സകലവും പുതുതാക്കുന്നു,” നിങ്ങൾ ത്രിത്വത്തിൽ വിശ്വസിക്കണമോ?, ദൈവം യഥാർത്ഥത്തിൽ നമ്മെ സംബന്ധിച്ചു കരുതുന്നുവോ?, ജീവിതത്തിന്റെ ഉദ്ദേശ്യം എന്ത്?—അതു നിങ്ങൾക്കെങ്ങനെ കണ്ടെത്താം?, നിങ്ങൾ സ്നേഹിക്കുന്ന ആരെങ്കിലും മരിക്കുമ്പോൾ, ജാഗരൂകരായിരിക്കുവിൻ! ചിലയിടങ്ങളിൽ പിൻവരുന്ന ലഘുപത്രികകൾ സമർപ്പിക്കാവുന്നതാണ്: സകലർക്കും വേണ്ടിയുള്ള ഒരു ഗ്രന്ഥം, യുദ്ധമില്ലാത്ത ഒരു ലോകം എപ്പോഴെങ്കിലും വരുമോ? (ഇംഗ്ലീഷ്), നമ്മുടെ പ്രശ്നങ്ങൾ—അവ പരിഹരിക്കാൻ നമ്മെ ആർ സഹായിക്കും?, മരിച്ചവരുടെ ആത്മാക്കൾ—അവർക്ക് നിങ്ങളെ സഹായിക്കാനോ ഉപദ്രവിക്കാനോ കഴിയുമോ? അവർ യഥാർഥത്തിൽ സ്ഥിതി ചെയ്യുന്നുവോ? (ഇംഗ്ലീഷ്), ഒരു സംതൃപ്ത ജീവിതം—അത് എങ്ങനെ നേടാം?
◼ ഏപ്രിൽ മുതൽ, 2006-ലേക്കുള്ള ഡിസ്ട്രിക്റ്റ് കൺവെൻഷൻ ബാഡ്ജ് കാർഡുകൾ അപേക്ഷയില്ലാതെതന്നെ അയച്ചുതരുന്നതായിരിക്കും. ഓരോ സഭയിലെയും അംഗങ്ങളുടെ എണ്ണം അനുസരിച്ച് 25-ന്റെ ഗുണിതങ്ങളായി ഇവ അയച്ചുതരുന്നതായിരിക്കും. സഭയുടെ പ്രാഥമിക ഭാഷയ്ക്കു പുറമേ മറ്റേതെങ്കിലും ഭാഷയിൽ ഇവ ആവശ്യമാണെങ്കിൽമാത്രം ഇവയ്ക്കായി അപേക്ഷിച്ചാൽ മതിയാകും. സഭയ്ക്ക് ബാഡ്ജ് കാർഡുകൾ കൂടുതലായി ആവശ്യമുണ്ടെങ്കിൽ സാഹിത്യ അപേക്ഷാ ഫാറം (S-14) ഉപയോഗിച്ച് ഇവയ്ക്കു വേണ്ടി ഓർഡർ ചെയ്യേണ്ടതാണ്.
◼ സാധാരണ പയനിയർ സേവന അപേക്ഷ (S-205) ഫാറവും സഹായ പയനിയർ സേവന അപേക്ഷ (S-205b) ഫാറവും സഭയിൽ ആവശ്യത്തിന് ഉണ്ടെന്ന് സഭാ സെക്രട്ടറിമാർ ഉറപ്പു വരുത്തണം. സാഹിത്യ അപേക്ഷാ ഫാറം (S-14) ഉപയോഗിച്ച് ഇവയ്ക്കു വേണ്ടി ഓർഡർ ചെയ്യാവുന്നതാണ്. ഒരു വർഷത്തേക്കെങ്കിലും ഉള്ള സ്റ്റോക്ക് സഭയിൽ ഉണ്ടായിരിക്കണം. ബ്രാഞ്ചിലേക്ക് അയയ്ക്കുന്നതിനുമുമ്പ്, എല്ലാ സാധാരണ പയനിയർ അപേക്ഷാ ഫാറങ്ങളും പൂർണമായി പൂരിപ്പിച്ചിട്ടുണ്ടെന്ന് ഉറപ്പു വരുത്തുക.
◼ രാജ്യഹാൾ പുതുക്കുകയോ പുതിയവ നിർമിക്കുകയോ ചെയ്യുന്നതിനു മുമ്പ് മൂപ്പന്മാർ ബ്രാഞ്ച് ഓഫീസിലുള്ള രാജ്യഹാൾ നിർമാണ ഡസ്ക്കുമായി ബന്ധപ്പെടേണ്ടതാണ്. സ്ഥലവും നിർമാണ വസ്തുക്കളും വാങ്ങുന്നതിനോടും മറ്റു കാര്യങ്ങളോടും ഉള്ള ബന്ധത്തിൽ നല്ല തീരുമാനമെടുക്കാൻ സഹായകമായ വിവരങ്ങൾ അവരുടെ പക്കലുണ്ട്.
◼ എല്ലാ അധ്യക്ഷ മേൽവിചാരകന്മാരുടെയും സെക്രട്ടറിമാരുടെയും ഏറ്റവും പുതിയ മേൽവിലാസവും ഫോൺ നമ്പരും ബ്രാഞ്ച് ഓഫീസിൽ സൂക്ഷിക്കേണ്ടത് ആവശ്യമാണ്. അവയ്ക്കു മാറ്റം വന്നിട്ടുണ്ടെങ്കിൽ സേവനക്കമ്മിറ്റി, അധ്യക്ഷ മേൽവിചാരകന്റെ/സെക്രട്ടറിയുടെ മേൽവിലാസ മാറ്റ ഫാറം (S-29) പൂരിപ്പിച്ച്, ഒപ്പിട്ട് ബ്രാഞ്ച് ഓഫീസിലേക്ക് ഉടനടി അയച്ചുകൊടുക്കണം. ടെലിഫോൺ നമ്പരിൽവരുന്ന ഏതൊരു മാറ്റവും ഇതിൽ ഉൾപ്പെടുന്നു.
◼ സാഹിത്യ ഇനങ്ങളുടെ വാർഷിക കലണ്ടർ (Yearly Calendar of Literature Items) അനുസരിച്ച്, സാഹിത്യ അപേക്ഷാ ഫാറത്തിൽ (S-14) പട്ടികപ്പെടുത്തിയിരിക്കുന്നതും അടുത്ത സേവനവർഷത്തേക്കു വേണ്ടിയതുമായ ഫാറങ്ങൾക്ക് അപേക്ഷിക്കേണ്ടത് ഏപ്രിൽ മാസത്തിലാണ്. അതുകൊണ്ട്, സാഹിത്യ അപേക്ഷാ ഫാറത്തിന്റെ (S-14) രണ്ടാം പേജിൽ കൊടുത്തിരിക്കുന്ന ഫാറങ്ങൾ അടുത്ത വർഷത്തേക്ക് എത്രത്തോളം വേണമെന്ന് പരിശോധിച്ച് അടുത്ത മാസത്തെ സാഹിത്യ അപേക്ഷയോടൊപ്പം അയയ്ക്കുക. മിക്കപ്പോഴും ഒന്നോ രണ്ടോ ഫാറങ്ങൾക്കുവേണ്ടി സഭകൾ തിരക്കുകൂട്ടി അപേക്ഷിക്കുന്നതായി ശ്രദ്ധയിൽപ്പെട്ടിട്ടുണ്ട്. സേവന ഫാറങ്ങൾക്കുള്ള അപേക്ഷ സാഹിത്യ അപേക്ഷയോടൊപ്പം അയയ്ക്കാവുന്നതാണ്. അങ്ങനെയാകുമ്പോൾ പണവും സമയവും ലാഭിക്കാം.