ദൂതന്മാർ നമ്മെ സഹായി​ച്ചു​കൊ​ണ്ടി​രി​ക്കു​ന്നു

¹ “ആകയാൽ നിങ്ങൾ പുറ​പ്പെട്ടു . . . ശിഷ്യ​രാ​ക്കി​ക്കൊൾവിൻ” എന്ന കൽപ്പന അനുസ​രി​ക്കുന്ന എല്ലാവ​രെ​യും സംബന്ധി​ച്ചി​ട​ത്തോ​ളം “ഞാനോ ലോകാ​വ​സാ​ന​ത്തോ​ളം എല്ലാനാ​ളും നിങ്ങ​ളോ​ടു​കൂ​ടെ ഉണ്ട്‌” എന്ന യേശു​വി​ന്റെ വാക്കുകൾ എത്ര പ്രോ​ത്സാ​ഹ​ജ​ന​ക​മാണ്‌! (മത്താ. 28:18-20) യേശു സത്യ​ക്രി​സ്‌ത്യാ​നി​ക​ളോ​ടൊത്ത്‌ ആയിരി​ക്കുന്ന ഒരു സുപ്ര​ധാന വിധം അവന്റെ ദൂതന്മാ​രു​ടെ സാന്നി​ധ്യ​ത്തി​ലൂ​ടെ​യാണ്‌. (മത്താ. 13:36-43) ഈ വിശ്വസ്‌ത ആത്മജീ​വി​ക​ളോ​ടൊ​പ്പം “നിത്യ​സു​വി​ശേഷം” ഘോഷി​ക്കു​ന്നത്‌ എത്ര പുളക​പ്ര​ദ​മാണ്‌!—വെളി. 14:6, 7.

² നമ്മുടെ ശുശ്രൂ​ഷ​യിൽ: ദൂതന്മാ​രെ “രക്ഷ പ്രാപി​പ്പാ​നു​ള്ള​വ​രു​ടെ ശുശ്രൂ​ഷെക്കു” വേണ്ടി അയയ്‌ക്കു​ന്ന​താ​യി ബൈബിൾ പറയുന്നു. (എബ്രാ. 1:14) ഒന്നാം നൂറ്റാ​ണ്ടിൽ, രക്ഷയ്‌ക്കു യോഗ്യ​രാ​യ​വ​രു​ടെ അടുക്ക​ലേക്കു യേശു​വി​ന്റെ ശിഷ്യ​ന്മാ​രെ നയിക്കു​ന്ന​തിൽ ദൂതന്മാർക്ക്‌ ഒരു പങ്കുണ്ടാ​യി​രു​ന്നു. (പ്രവൃ. 8:26) ഇന്നും ദൂത വഴിന​ട​ത്തി​പ്പി​ന്റെ തെളി​വു​കൾ ദൈവ​ദാ​സർ കാണു​ന്നുണ്ട്‌. പല സന്ദർഭ​ങ്ങ​ളി​ലും, സാക്ഷികൾ സന്ദർശി​ക്കു​മ്പോൾ തങ്ങൾ സഹായ​ത്തി​നു വേണ്ടി പ്രാർഥി​ച്ചു​കൊ​ണ്ടി​രി​ക്കു​ക​യാ​യി​രു​ന്നു എന്ന്‌ വീട്ടു​കാർ പറഞ്ഞി​ട്ടുണ്ട്‌. അവർ രാജ്യ​സ​ന്ദേ​ശ​ത്തോ​ടു പ്രതി​ക​രി​ക്കു​മ്പോൾ ദൂതന്മാ​രോ​ടൊ​പ്പം നാമും എത്രയ​ധി​കം സന്തോ​ഷി​ക്കു​ന്നു!—ലൂക്കൊ. 15:10.

³ എതിർപ്പുകൾ നേരി​ടു​മ്പോൾ: ദാനീ​യേൽ, അവന്റെ സഹകാ​രി​ക​ളായ മൂന്ന്‌ എബ്രായ യുവാക്കൾ, അപ്പൊ​സ്‌ത​ല​നായ പത്രൊസ്‌ എന്നിവ​രും കഠിന പരി​ശോ​ധ​ന​ക​ളി​ലൂ​ടെ കടന്നു​പോ​യി​ട്ടുള്ള മറ്റനേ​ക​രും, “വീരന്മാ​രായ” അഥവാ ശക്തരായ ദൂതന്മാർ മുഖാ​ന്ത​ര​മുള്ള യഹോ​വ​യു​ടെ സംരക്ഷണം അനുഭ​വി​ച്ചി​ട്ടു​ള്ള​വ​രാണ്‌. (സങ്കീ. 103:20; ദാനീ. 3:28; 6:21, 22; പ്രവൃ. 12:11) എതിർപ്പി​ന്മ​ധ്യേ ചില സമയത്ത്‌ നമുക്കു നിസ്സഹാ​യത അനുഭ​വ​പ്പെ​ട്ടേ​ക്കാ​മെ​ങ്കി​ലും “നമ്മോ​ടു​കൂ​ടെ​യു​ള്ളവർ അവരോ​ടു​കൂ​ടെ​യു​ള്ള​വ​രെ​ക്കാൾ അധികം” എന്നു തിരി​ച്ച​റിഞ്ഞ എലീശാ​യു​ടെ ബാല്യ​ക്കാ​രന്റെ അനുഭ​വ​ത്താൽ നമുക്കു പ്രോ​ത്സാ​ഹി​ത​രാ​കാൻ കഴിയും. (2 രാജാ. 6:15-17) ക്രിസ്‌തീയ സഹോ​ദ​ര​ങ്ങ​ളിൽനി​ന്നു നമ്മെ ബലമായി അകറ്റി​യാ​ലും നാം ഭഗ്നാശ​രാ​കേ​ണ്ട​തില്ല. ദൈവ​വ​ചനം ഇങ്ങനെ ഉറപ്പു​നൽകു​ന്നു: ‘യഹോ​വ​യു​ടെ ദൂതൻ അവന്റെ ഭക്തന്മാ​രു​ടെ ചുററും പാളയ​മി​റ​ങ്ങി​യി​രി​ക്കു​ന്നു.’—സങ്കീ. 34:7.

⁴ പെട്ടെന്നുതന്നെ ദൂത​സൈ​ന്യം, ക്രിസ്‌തു​വി​ന്റെ രാജത്വ​ത്തെ എതിർക്കുന്ന സകലതി​നെ​യും ഉന്മൂലനം ചെയ്യാ​നാ​യി പുറ​പ്പെ​ടും. (വെളി. 19:11, 14, 15) ആ ദിനത്തി​നാ​യി കാത്തി​രി​ക്കവേ, ക്രിസ്‌തു​വി​ന്റെ നായക​ത്വ​ത്തിൻകീ​ഴി​ലുള്ള സ്വർഗീയ സൈന്യ​ങ്ങ​ളു​ടെ ശക്തമായ പിന്തു​ണ​യിൽ പൂർണ വിശ്വാ​സം പ്രകടി​പ്പി​ച്ചു​കൊണ്ട്‌ യഹോ​വയെ സുധീരം സ്‌തു​തി​ക്കു​ന്ന​തിൽ നമുക്കു തുടരാം.—1 പത്രൊ. 3:22.