കുട്ടി​കൾക്ക്‌ ആസ്വദി​ക്കാൻ കഴിയുന്ന ഒരു പദവി

¹ സത്യത്തി​ന്റെ മാർഗ​ത്തിൽ വളർത്ത​പ്പെട്ട, ഇന്ന്‌ മാതാ​പി​താ​ക്ക​ളാ​യി​രി​ക്കുന്ന അനേകർക്കും കുട്ടി​ക​ളാ​യി​രു​ന്ന​പ്പോൾ തങ്ങൾ ആസ്വദിച്ച ഒരു പദവിയെ കുറിച്ച്‌ പ്രിയ​ങ്ക​ര​മായ ഓർമ​ക​ളുണ്ട്‌. മാസി​കാ​ദിന പ്രവർത്തനം ആയിരു​ന്നു അത്‌. ഈ പ്രവർത്തനം തുടങ്ങി​യത്‌ 1949-ലാണ്‌. ആഴ്‌ച​യിൽ ഒരു ദിവസം, തെരു​വു​ക​ളി​ലും വീടു​തോ​റും കടകളി​ലും മറ്റുവി​ധ​ങ്ങ​ളി​ലും വീക്ഷാ​ഗോ​പു​രം, ഉണരുക! മാസി​കകൾ വിതരണം ചെയ്യു​ന്ന​തിൽ എല്ലാ സഭകളി​ലെ​യും പ്രസാ​ധകർ ശ്രദ്ധ​കേ​ന്ദ്രീ​ക​രി​ക്കേ​ണ്ടി​യി​രു​ന്നു. പ്രായം കുറഞ്ഞ പ്രസാ​ധകർ വിശേ​ഷി​ച്ചും ഈ ദിനത്തി​നാ​യി ആകാം​ക്ഷാ​പൂർവം കാത്തി​രു​ന്നു. എന്തു​കൊ​ണ്ടെ​ന്നാൽ, സഭയിലെ മുതിർന്നവർ ഏർപ്പെ​ടുന്ന അതേ പ്രവർത്ത​ന​ത്തിൽ ഏർപ്പെ​ടാൻ അത്‌ അവർക്ക്‌ അവസര​മേകി. ഒരു കുട്ടി​യാ​യി​രു​ന്ന​പ്പോൾ നിങ്ങളു​ടെ കാര്യ​ത്തിൽ ഇതു സത്യമാ​യി​രു​ന്നോ?

² നിങ്ങളു​ടെ കുട്ടി​കളെ ഉൾപ്പെ​ടു​ത്തുക: ഒരു വീട്ടിൽ ചെന്ന്‌ തിരു​വെ​ഴു​ത്തു​പ​ര​മായ ഒരു ചർച്ച തുടങ്ങാൻ കഴിയാത്ത തീരെ കൊച്ചു കുട്ടി​കൾക്കു പോലും മാസി​കകൾ സമർപ്പി​ക്കാ​നാ​കും. അതിന്‌, ചെറിയ ഏതാനും വാചക​ങ്ങ​ള​ട​ങ്ങിയ ഒരു ലളിത​മായ അവതരണം പഠിച്ചാൽ മതി. ഒരുപക്ഷേ കവർച്ചി​ത്രത്തെ കുറിച്ചു ചെറിയ ഒരു അഭി​പ്രാ​യം പറഞ്ഞാൽ മതിയാ​കും. മിക്ക വീട്ടു​കാ​രും നമ്മുടെ കുട്ടി​ക​ളിൽനി​ന്നു മാസി​കകൾ സ്വീക​രി​ക്കാൻ സന്തോ​ഷ​മു​ള്ള​വ​രാണ്‌. പലപ്പോ​ഴും അവരുടെ ആത്മാർഥ​തയെ കുറി​ച്ചും നടത്തയെ കുറി​ച്ചും നല്ല അഭി​പ്രാ​യങ്ങൾ പറഞ്ഞു​കൊ​ണ്ടു തന്നെ. അൽപ്പ​മൊ​ന്നു സഹായി​ക്കു​ക​യാ​ണെ​ങ്കിൽ കുട്ടി​കൾക്കു വളരെ നല്ല വിധത്തിൽ ഈ സേവനം നിർവ​ഹി​ക്കാൻ കഴിയും. അങ്ങനെ രാജ്യ​സ​ന്ദേശം വ്യാപി​പ്പി​ക്കു​ന്ന​തിൽ അവർക്കും വിലപ്പെട്ട ഒരു പങ്കു വഹിക്കാ​നാ​കും. കുട്ടികൾ വളരു​ന്ന​ത​നു​സ​രിച്ച്‌ അവരുടെ സാക്ഷീ​കരണ വൈദ​ഗ്‌ധ്യ​ങ്ങൾ വികസി​പ്പി​ച്ചെ​ടു​ക്കു​ന്ന​തിന്‌ അവരെ സഹായി​ക്കാൻ മാതാ​പി​താ​ക്കൾ തീർച്ച​യാ​യും ആഗ്രഹി​ക്കും.

³ മൂന്നു വയസ്സു​ള്ള​പ്പോൾ മാനു​വെൽ വീടു​തോ​റു​മുള്ള വേലയിൽ പങ്കെടു​ക്കാൻ തുടങ്ങി. ഒരു ചെറിയ അവതരണം അവന്റെ മാതാ​പി​താ​ക്കൾ അവനെ പഠിപ്പി​ച്ചി​രു​ന്നു. ഇപ്പോൾ അവൻ അവരോ​ടൊ​ത്തു സാക്ഷീ​കരണ വേലയിൽ തീക്ഷ്‌ണ​മാ​യി പങ്കുപ​റ്റു​ക​യും അനേകം മാസി​ക​ക​ളും ലഘുപ​ത്രി​ക​ക​ളും ലഘു​ലേ​ഖ​ക​ളും സമർപ്പി​ക്കു​ക​യും ചെയ്യുന്നു. അവൻ അനൗപ​ചാ​രി​ക​മാ​യും സാക്ഷീ​ക​രി​ക്കാ​റുണ്ട്‌. ഒരിക്കൽ മാതാ​പി​താ​ക്ക​ളോ​ടൊ​പ്പം, കളിക്കാൻ പാർക്കിൽ പോയ​പ്പോൾ മാനു​വെൽ മുൻ​കൈ​യെ​ടുത്ത്‌ അവിടെ ഉണ്ടായി​രുന്ന മറ്റാളു​കൾക്ക്‌ ഏതാനും ലഘു​ലേ​ഖകൾ നൽകി. അവൻ ഇപ്പോ​ഴും കൊച്ചു​കു​ട്ടി​യാ​ണെ​ങ്കി​ലും, ശുശ്രൂ​ഷ​യി​ലെ അവന്റെ തീക്ഷ്‌ണത മാനു​വെ​ലി​ന്റെ മാതാ​പി​താ​ക്കൾക്കും മുഴു സഭയ്‌ക്കും യഥാർഥ പ്രോ​ത്സാ​ഹ​ന​ത്തി​ന്റെ ഒരു ഉറവാണ്‌.—സദൃ. 22:6.

⁴ യഹോ​വ​യു​ടെ സാക്ഷി​ക​ളു​ടെ കലണ്ടർ—2000-ൽ എല്ലാ ശനിയാ​ഴ്‌ച​യെ​യും “മാസിക ദിനം” ആയി വേർതി​രി​ച്ചി​രി​ക്കു​ന്നു. മാതാ​പി​താ​ക്കളേ, ഈ സേവന​പ​ദ​വി​യിൽ സാധി​ക്കു​ന്നി​ട​ത്തോ​ളം ക്രമമാ​യി ഏർപ്പെ​ടാൻ നിങ്ങളു​ടെ കുട്ടി​കളെ സഹായി​ച്ചു​കൊണ്ട്‌ ഈ വേലയി​ലെ നിങ്ങളു​ടെ ഉത്സാഹം പുതു​ക്കാൻ ഞങ്ങൾ പ്രോ​ത്സാ​ഹി​പ്പി​ക്കു​ക​യാണ്‌.