നിങ്ങളു​ടെ അഭാവം അനുഭ​വ​പ്പെ​ടും!

¹ ‘ഞാൻ ഹാജരാ​യി​ല്ലെ​ങ്കി​ലും ആർക്കും എന്റെ അഭാവം അനുഭ​വ​പ്പെ​ടു​ക​യില്ല; ഞാൻ വന്നിട്ടി​ല്ലെ​ന്നുള്ള കാര്യം ആരും ശ്രദ്ധി​ക്കു​ക​പോ​ലു​മില്ല,’ എന്നു ചിന്തി​ച്ചു​കൊണ്ട്‌ ചില​പ്പോ​ഴൊ​ക്കെ നാം ഒന്നോ അതില​ധി​ക​മോ സഭാ​യോ​ഗങ്ങൾ നഷ്ടപ്പെ​ടു​ത്തി​യേ​ക്കാം. എന്നാൽ സത്യമതല്ല! നമ്മുടെ ഭൗതി​ക​ശ​രീ​ര​ത്തി​ലെ ഏതൊരു അവയവ​ത്തി​നും അതി​ന്റേ​തായ പ്രാധാ​ന്യ​മു​ള്ള​തു​പോ​ലെ സഭയുടെ പ്രവർത്ത​ന​ത്തിൽ നമു​ക്കോ​രോ​രു​ത്തർക്കും ഒരു സുപ്ര​ധാന പങ്കുണ്ട്‌. (1 കൊരി. 12:12) ഒരു സഭാ​യോ​ഗ​ത്തിൽ നാം ഹാജരാ​കാ​തി​രി​ക്കു​മ്പോൾ, യോഗ​ത്തിൽ സംബന്ധി​ക്കുന്ന മറ്റുള്ള​വ​രു​ടെ ആത്മീയ ക്ഷേമത്തെ അതിനു ബാധി​ക്കാൻ കഴിയും. നിങ്ങള​വി​ടെ​യി​ല്ലെ​ങ്കിൽ ഒരു സംഗതി ഉറപ്പ്‌—നിങ്ങളു​ടെ അഭാവം അനുഭ​വ​പ്പെ​ടും!

² നിങ്ങൾ വഹിക്കുന്ന സുപ്ര​ധാന പങ്ക്‌: പൗലൊസ്‌ തന്റെ സഹോ​ദ​ര​ങ്ങ​ളു​മാ​യി സഹവസി​ക്കാൻ അതിയാ​യി വാഞ്‌ഛി​ച്ചു. അതിന്റെ കാരണം റോമർ 1:11, 12 വിശദീ​ക​രി​ക്കു​ന്നു: “നിങ്ങളു​ടെ സ്ഥിരീ​ക​ര​ണ​ത്തി​ന്നാ​യി ആത്മിക​വരം വല്ലതും നിങ്ങൾക്കു നല്‌കേ​ണ്ട​തി​ന്നു, അതായതു നിങ്ങൾക്കും എനിക്കും ഒത്തൊ​രു​മി​ച്ചുള്ള വിശ്വാ​സ​ത്താൽ നിങ്ങ​ളോ​ടു​കൂ​ടെ എനിക്കും ആശ്വാസം ലഭി​ക്കേ​ണ്ട​തി​ന്നു.” സമാന​മാ​യി, നമ്മുടെ അഭി​പ്രാ​യ​ങ്ങ​ളാ​ലും യോഗ​ങ്ങ​ളിൽ നാം നടത്തുന്ന പരിപാ​ടി​ക​ളാ​ലും നമ്മുടെ സാന്നി​ധ്യ​ത്താൽപ്പോ​ലും വിശ്വസ്‌ത ഗതിയിൽ തുടരു​ന്ന​തിന്‌ അന്യോ​ന്യം കെട്ടു​പണി ചെയ്യാൻ നാം വളരെ​യേറെ ചെയ്യുന്നു.—1 തെസ്സ. 5:11.

³ സഭാ​യോ​ഗ​ങ്ങ​ളിൽ മറ്റുള്ള​വരെ കാണാൻ നിങ്ങൾ പ്രതീ​ക്ഷ​യോ​ടെ കാത്തി​രി​ക്കാ​റി​ല്ലേ? നിങ്ങൾ അവരുടെ അഭി​പ്രാ​യങ്ങൾ നന്നായി ശ്രദ്ധി​ക്കു​ക​യും വാക്കു​ക​ളി​ലൂ​ടെ​യുള്ള അവരുടെ വിശ്വാ​സ​ത്തിൻ പ്രകട​ന​ങ്ങളെ വിലമ​തി​ക്കു​ക​യും ചെയ്യുന്നു. അവരുടെ ആത്മീയ​വ​രങ്ങൾ നിങ്ങളെ കെട്ടു​പ​ണി​ചെ​യ്യാൻ സഹായി​ക്കു​ന്നു. അവർ യോഗ​ത്തി​നു ഹാജരാ​യി​ല്ലാ​യി​രു​ന്നെ​ങ്കിൽ, സുപ്ര​ധാ​ന​മായ എന്തോ നഷ്ടമാ​യ​തു​പോ​ലെ നിങ്ങൾക്ക്‌ അനുഭ​വ​പ്പെ​ട്ടേനേ. അതു​പോ​ലെ, നിങ്ങളാ​ണു ഹാജരാ​കാ​തി​രി​ക്കു​ന്ന​തെ​ങ്കിൽ നിങ്ങളു​ടെ സഹോ​ദ​രീ​സ​ഹോ​ദ​ര​ന്മാർക്കു നിങ്ങളെ സംബന്ധി​ച്ചും അതേ വിധത്തിൽ അനുഭ​വ​പ്പെ​ടും.

⁴ യോഗങ്ങൾ വഹിക്കുന്ന ജീവത്‌പ്ര​ധാ​ന​മായ പങ്ക്‌: നമ്മുടെ ആത്മീയ അതിജീ​വ​ന​ത്തിന്‌ യോഗങ്ങൾ എത്ര ജീവത്‌പ്ര​ധാ​ന​മായ പങ്കു വഹിക്കു​ന്നു​വെ​ന്ന​തി​നെ സംബന്ധിച്ച്‌ വീക്ഷാ​ഗോ​പു​രം ഒരിക്കൽ ഇങ്ങനെ അഭി​പ്രാ​യ​പ്പെട്ടു: “കലാപ​ബാ​ധി​ത​മായ ഈ അധാർമിക ലോക​ത്തിൽ ക്രിസ്‌തീയ സഭ ഒരു യഥാർഥ അഭയ​കേ​ന്ദ്ര​മാണ്‌ . . . , അതു സമാധാ​ന​ത്തി​ന്റെ​യും സ്‌നേ​ഹ​ത്തി​ന്റെ​യും ഒരു സങ്കേത​മാണ്‌. അതു​കൊ​ണ്ടു സഭയിലെ എല്ലാ യോഗ​ങ്ങൾക്കും ക്രമമാ​യി ഹാജരാ​കുക.” (w93 8/15 11) ഓരോ ദിവസ​വും നമ്മെ ആത്മീയ​മാ​യി തളർത്തി​ക്ക​ള​യുന്ന തരത്തി​ലുള്ള സാഹച​ര്യ​ങ്ങളെ നാം അഭിമു​ഖീ​ക​രി​ക്കു​ന്നു. സൂക്ഷ്‌മ​ത​യു​ള്ള​വ​ര​ല്ലെ​ങ്കിൽ, കൂടുതൽ പ്രാധാ​ന്യ​മർഹി​ക്കുന്ന ആത്മീയ ഉത്തരവാ​ദി​ത്വ​ങ്ങളെ വിസ്‌മ​രി​ച്ചു കളയത്ത​ക്ക​വി​ധം നാം നമ്മു​ടേ​തായ ഉത്‌ക​ണ്‌ഠ​ക​ളിൽ അത്രമാ​ത്രം മുഴു​കി​പ്പോ​യേ​ക്കാം. ദൈവ​സേ​വ​ന​ത്തിൽ ഐക്യ​ത്തോ​ടും തീക്ഷ്‌ണ​ത​യോ​ടും​കൂ​ടെ തുടരാൻ ആവശ്യ​മായ പ്രോ​ത്സാ​ഹ​ന​ത്തി​നു​വേണ്ടി നാമെ​ല്ലാ​വ​രും പരസ്‌പരം ആശ്രയി​ക്കു​ന്നു.—എബ്രാ. 10:24, 25.

⁵ നാം യോഗ​ങ്ങ​ളിൽ ഹാജരാ​കു​ന്നതു ജീവത്‌പ്ര​ധാ​ന​മാണ്‌. രോഗ​മോ മുൻകൂ​ട്ടി​ക്കാ​ണാൻ കഴിയാത്ത സംഭവ​ങ്ങ​ളോ നിമിത്തം വല്ലപ്പോ​ഴു​മൊ​ക്കെ നമുക്കു പോകാൻ കഴിഞ്ഞി​ല്ലെ​ന്നു​വ​രാം. അല്ലാത്ത സാഹച​ര്യ​ങ്ങ​ളി​ലെ​ല്ലാം യഹോ​വയെ ഒത്തൊ​രു​മി​ച്ചു സ്‌തു​തി​ക്കുന്ന സമ്മേളിത ജനത്തോ​ടൊ​പ്പം ഉൾപ്പെ​ടാൻ തക്കവണ്ണം നമുക്കു ദൃഢനി​ശ്ചയം ചെയ്യാം!—സങ്കീ. 26:12.