ഉയരത്തി​ലുള്ള കാര്യ​ങ്ങ​ളിൽ നിങ്ങളു​ടെ മനസ്സു പതിപ്പി​ച്ചു നിർത്തുക

¹ നമ്മുടെ ചുറ്റു​മുള്ള തലമു​റ​യെ​യും ഭാവി സംബന്ധിച്ച അതിന്റെ വീക്ഷണ​ത്തെ​യും പരാമർശി​ച്ചു​കൊണ്ട്‌ 1994 ഡിസംബർ 31-ലെ ദ ന്യൂ​യോർക്ക്‌ ടൈം​സി​ലെ ഒരു ലേഖനം ഇപ്രകാ​രം പ്രസ്‌താ​വി​ച്ചു: “അവർ ഭാവിയെ ഭയപ്പെ​ടു​ന്നു. ജോലി സംബന്ധ​മാ​യും രോഗ​സം​ബ​ന്ധ​മാ​യും പണസം​ബ​ന്ധ​മാ​യും ലോകാ​വ​സ്ഥ​ക​ളോ​ടുള്ള ബന്ധത്തി​ലും അവർ അതിനെ ഭയപ്പെ​ടു​ന്നു.” എവിടെ നോക്കി​യാ​ലും ജീവി​ത​ത്തെ​ക്കു​റിച്ച്‌ അനിശ്ചി​ത​ത്വ​ത്തി​ന്റെ ഒരു വികാ​ര​മാ​ണു​ള്ളത്‌. യഹോ​വ​യു​ടെ സാക്ഷി​ക​ളെന്ന നിലയി​ലുള്ള നമ്മുടെ ശുശ്രൂഷ ഇപ്രകാ​രം ചിന്തി​ക്കുന്ന ആളുക​ളു​മാ​യി അനുദി​നം നമ്മെ ബന്ധപ്പെ​ടു​ത്തു​ന്നു. അവർക്കുള്ള അതേ പ്രശ്‌നങ്ങൾ തന്നെ നാം അഭിമു​ഖീ​ക​രി​ക്കു​മ്പോൾ ജീവി​ത​ത്തെ​യും മനുഷ്യ​വർഗ​ത്തി​ന്റെ ഭാവി​യെ​യും കുറിച്ചു തികച്ചും വ്യത്യ​സ്‌ത​മായ ഒരു കാഴ്‌ച​പ്പാ​ടു​ണ്ടാ​യി​രി​ക്കാൻ ദൈവ​വ​ച​ന​ത്തി​ലെ ഉറച്ച വാഗ്‌ദാ​ന​ങ്ങ​ളി​ലുള്ള നമ്മുടെ വിശ്വാ​സ​വും ഉറപ്പും നമ്മെ സഹായി​ക്കു​ന്നു.—യെശ. 65:13, 14, 17.

² നമ്മുടെ ശുഭാ​പ്‌തി വിശ്വാ​സ​വും ഉറച്ച പ്രത്യാ​ശ​യോ​ടെ​യുള്ള വീക്ഷണ​വും നിമിത്തം ആത്മാർഥ​ഹൃ​ദ​യ​രായ പലരും നാം കൊണ്ടു​ചെ​ല്ലുന്ന ദൂതു ശ്രദ്ധി​ക്കു​ന്നു. വിഷാ​ദ​മ​ഗ്ന​രും അടിച്ച​മർത്ത​പ്പെ​ട്ടി​രി​ക്കു​ന്ന​വ​രു​മായ അനേക​രും നമ്മളു​മാ​യി സംസാ​രി​ക്കു​ന്ന​തിൽ ആശ്വാസം കണ്ടെത്തു​ന്നു. കാരണം തങ്ങൾ കേൾക്കുന്ന കാര്യങ്ങൾ അവർ ഇഷ്ടപ്പെ​ടു​ന്നു, ചിലർ നമ്മോ​ടൊ​ത്തു ബൈബിൾ പഠിക്കാൻ തയ്യാറാ​കു​ന്നു. എന്നിരു​ന്നാ​ലും ചില​പ്പോൾ തങ്ങളുടെ വ്യക്തി​പ​ര​മായ പ്രശ്‌ന​ങ്ങ​ളെ​ക്കു​റിച്ച്‌ ആദ്യം സംസാ​രി​ക്കാൻ ആളുകൾ ആഗ്രഹി​ച്ചേ​ക്കാം. മറ്റുള്ള​വ​രു​ടെ വ്യക്തി​പ​ര​മായ ഉത്‌ക​ണ്‌ഠ​ക​ളെ​ക്കു​റി​ച്ചു ശ്രദ്ധി​ക്കു​ന്ന​തിന്‌ അല്‌പ​സ​മയം ചെലവ​ഴി​ക്കാ​മെ​ങ്കി​ലും, ദൈവ​വ​ച​ന​ത്തി​ലെ ക്രിയാ​ത്മ​ക​മായ സത്യം ആളുകളെ പഠിപ്പി​ക്കുക എന്ന നമ്മുടെ പ്രധാന ലക്ഷ്യം മറന്നു​ക​ള​യ​രുത്‌.

³ ഞെരു​ക്ക​പ്പെ​ടു​ന്ന​വ​രോ​ടു സഹാനു​ഭൂ​തി​യു​ള്ള​വ​രാ​യി​രി​ക്കാൻ നാം ആഗ്രഹി​ക്കു​ന്നു. മത്തായി 11:28-ൽ രേഖ​പ്പെ​ടു​ത്തി​യി​രി​ക്കു​ന്ന​പ്ര​കാ​രം “അദ്ധ്വാ​നി​ക്കു​ന്ന​വ​രും ഭാരം ചുമക്കു​ന്ന​വ​രും ആയു​ള്ളോ​രേ എന്റെ അടുക്കൽ വരുവിൻ” എന്നു പറഞ്ഞ്‌ യേശു മാതൃ​ക​വെച്ചു. സമാന​മായ വിധത്തിൽ ആളുകളെ പ്രോ​ത്സാ​ഹി​പ്പി​ക്കാൻ നാം ആഗ്രഹി​ക്കു​ന്നു. എന്നിരു​ന്നാ​ലും, 28-ാം വാക്യ​ത്തി​ന്റെ അവസാ​ന​ത്തിൽ “ഞാൻ നിങ്ങളെ ആശ്വസി​പ്പി​ക്കും [“നവോൻമേ​ഷി​ത​രാ​ക്കും”, NW]” എന്ന്‌ യേശു പറഞ്ഞതു ശ്രദ്ധി​ക്കുക. അതായി​രി​ക്കണം നമ്മുടെ ഉദ്ദേശ്യം. ദൈവ​വ​ച​ന​ത്തിൽനി​ന്നു നവോൻമേ​ഷ​ദാ​യ​ക​മായ വാഗ്‌ദാ​നങ്ങൾ പങ്കു​വെ​ച്ചു​കൊ​ണ്ടു നാമതു ചെയ്യുന്നു. നല്ല ഒരു ശ്രോ​താ​വാ​യി​രി​ക്കു​ന്നതു നമ്മുടെ വ്യക്തി​പ​ര​മായ താത്‌പ​ര്യ​വും പരിഗ​ണ​ന​യും പ്രകട​മാ​ക്കു​ന്നു. രാജ്യ​ത്തി​ന്റെ സുവാർത്ത പ്രസം​ഗി​ക്കുക എന്ന ഉത്തരവാ​ദി​ത്വം നിറ​വേ​റ്റു​ന്ന​തി​നും മനുഷ്യ​വർഗ​ത്തി​ന്റെ എല്ലാ പ്രശ്‌ന​ങ്ങൾക്കു​മുള്ള സുനി​ശ്ചി​ത​മായ ഒരേ​യൊ​രു പരിഹാ​രം രാജ്യ​മാ​ണെന്നു തിരി​ച്ച​റി​യാൻ മറ്റുള്ള​വരെ സഹായി​ക്കു​ന്ന​തി​നും ഇതു മർമ​പ്ര​ധാ​ന​മാണ്‌.—മത്താ. 24:14.

⁴ ആരോഗ്യ പരിപാ​ലന വിദഗ്‌ധ​രു​ടേ​തു​പോ​ലെ​യുള്ള ഒരു വേലയല്ല നമ്മു​ടേത്‌. പകരം, 1 തിമോ​ത്തി 4:6-ൽ [NW] കാണി​ച്ചി​രി​ക്കുന്ന പ്രകാരം അപ്പോ​സ്‌ത​ല​നായ പൗലോസ്‌ വിവരിച്ച “നല്ല പഠിപ്പിക്ക”ലിൽ—ദൈവ​വ​ച​ന​ത്തിൽ കാണ​പ്പെ​ടുന്ന പഠിപ്പി​ക്ക​ലു​ക​ളിൽ—കേന്ദ്രീ​ക​രി​ക്കുന്ന ഒരു ശുശ്രൂ​ഷ​യാ​ണത്‌. വ്യക്തി​പ​ര​മോ വൈകാ​രി​ക​മോ ആയ പ്രശ്‌ന​ങ്ങ​ളു​ള്ളവർ യഹോ​വ​യി​ലാ​ശ്ര​യി​ക്കാൻ പ്രോ​ത്സാ​ഹി​പ്പി​ക്ക​പ്പെ​ടേ​ണ്ട​തുണ്ട്‌. “ഉയരത്തി​ലുള്ള കാര്യ​ങ്ങ​ളിൽ”—രാജ്യ​പ്ര​ത്യാ​ശ​യോ​ടു ബന്ധപ്പെട്ട കാര്യ​ങ്ങ​ളിൽ—“മനസ്സു​പ​തി​പ്പി”ച്ചു നിർത്താൻ അവരെ പഠിപ്പി​ക്കുക. (കൊലോ. 3:2, NW) ആളുകൾ തങ്ങളുടെ ശ്രദ്ധ ദൈവ​വ​ച​ന​ത്തിൽ കേന്ദ്രീ​ക​രി​ച്ചു​കൊ​ണ്ടി​രി​ക്കു​മ്പോൾ, തങ്ങളുടെ ജീവി​ത​ത്തിൽ അതു ചെലു​ത്തുന്ന ശക്തമായ സ്വാധീ​ന​ത്താൽ അവർ കെട്ടു​പണി ചെയ്യ​പ്പെ​ടും.—എബ്രാ. 4:12.

⁵ അതു​കൊണ്ട്‌ ‘നീതി​നി​ഷ്‌ഠ​വും നിർമ​ല​വും പ്രിയ​ങ്ക​ര​വും സ്‌തു​ത്യർഹ​വും’ ആയ കാര്യ​ങ്ങ​ളിൽ തങ്ങളുടെ ചിന്ത കേന്ദ്രീ​ക​രി​ക്കാൻ ആളുകളെ സഹായി​ക്കു​ക​യാ​ണു നമ്മുടെ ലക്ഷ്യം. (ഫിലി. 4:8, NW) രാജ്യ​പ്ര​ത്യാ​ശ​യിൽ ശ്രദ്ധ കേന്ദ്രീ​ക​രി​ക്കു​ന്നെ​ങ്കിൽ നമ്മെ​പ്പോ​ലെ​തന്നെ അവരും അനു​ഗ്ര​ഹി​ക്ക​പ്പെ​ടും. തന്റെ രാജ്യം മുഖാ​ന്തരം യഹോവ തങ്ങളുടെ എല്ലാ പ്രശ്‌ന​ങ്ങ​ളും ഒടുവിൽ പരിഹ​രി​ക്കും എന്ന അറിവിൽ നിന്നു​ണ്ടാ​കുന്ന സന്തോഷം അവരും അനുഭ​വി​ക്കും.—സങ്കീ. 145:16.