പ്രകാ​ശ​വാ​ഹകർ എന്നനി​ല​യിൽ നമ്മുടെ മാതൃ​കാ​പു​രു​ഷനെ അനുഗ​മി​ക്കൽ

യേശു തന്നെപ്പ​റ്റി​ത്തന്നെ ഇങ്ങനെ പ്രഖ്യാ​പി​ച്ചു: “ഞാൻ ലോക​ത്തി​ന്റെ പ്രകാ​ശ​മാ​കു​ന്നു.” അവന്റെ മാതൃക പിൻപ​റ്റി​യ​തി​നാൽ, യേശു​വി​ന്റെ ശിഷ്യ​ന്മാ​രും “ലോക​ത്തി​ന്റെ പ്രകാശ”മായി​രു​ന്നു. (മത്താ. 5:14, NW) തന്നെ പിൻപ​റ്റുന്ന സകലർക്കും “ജീവന്റെ പ്രകാശം” ഉണ്ടായി​രി​ക്കു​മെന്ന്‌ “ലോക​ത്തി​ന്റെ പ്രകാശം” എന്നനി​ല​യിൽ യേശു​വി​നു പറയാൻ സാധിച്ചു. (യോഹ. 8:12, NW) അതു നമ്മെ, ആ പ്രകാ​ശത്തെ ഒളിച്ചു​വ​യ്‌ക്കാ​നോ മറയ്‌ക്കാ​നോ യാതൊ​ന്നി​നെ​യും ഒരിക്ക​ലും അനുവ​ദി​ക്കാൻ പാടി​ല്ലാത്ത ആത്മീയ പ്രകാ​ശ​വാ​ഹ​ക​രാ​ക്കു​ന്നു.

² ഫലപ്ര​ദ​രായ പ്രകാ​ശ​വാ​ഹ​ക​രാ​കേ​ണ്ടത്‌ എങ്ങനെ​യെന്നു കാണി​ച്ചു​ത​രാൻ യഹോ​വ​യു​ടെ സ്ഥാപനം നമുക്കു പരിശീ​ലനം തരുന്നു. നമുക്കു ലഭിക്കുന്ന ബുദ്ധ്യു​പ​ദേ​ശ​വും മാർഗ​നിർദേ​ശ​വും നാം അടുത്തു പിൻപ​റ്റു​ന്നെ​ങ്കിൽ, രാജ്യ​സ​ത്യം സംബന്ധിച്ച്‌ എല്ലാത്തരം ആളുക​ളെ​യും പ്രബു​ദ്ധ​രാ​ക്കാൻ നാം പ്രാപ്‌ത​രാ​യി​ത്തീ​രും. (1 തിമൊ. 4:6) ഏത്‌ അവസര​ത്തി​ലും സത്യം സംസാ​രി​ക്കു​ന്നതു മാത്രമല്ല, ക്രിസ്‌ത്യാ​നി​കൾ എന്നനി​ല​യിൽ ഉത്തമ നടത്ത നിലനിർത്തു​ന്ന​തും പ്രകാ​ശ​വാ​ഹ​ക​രാ​യി സേവി​ക്കു​ന്ന​തിൽ ഉൾപ്പെ​ടു​ന്നു. ആരോ​പ​ണാ​തീ​ത​മാ​യി​രു​ന്നു നമ്മുടെ മാതൃ​കാ​പു​രു​ഷന്റെ നടത്ത. അവന്റെ അനുഗാ​മി​കൾ എന്നനി​ല​യിൽ, നമ്മുടെ അനുദിന ജീവി​ത​രീ​തി​യാ​ണു ക്രിസ്‌ത്യാ​നി​ത്വ​മെന്നു നാം പ്രകട​മാ​ക്കണം. (എഫെ. 5:9; തീത്തൊ. 2:7, 8, 10) മറ്റുള​ള​വർക്കു കാണാൻ കഴിയുന്ന നല്ല വേലകൾ നാം ഉളവാ​ക്കണം. അങ്ങനെ​യാ​വു​മ്പോൾ ദൈവത്തെ മഹത്ത്വ​പ്പെ​ടു​ത്താൻ അത്‌ അവരെ പ്രേരി​പ്പി​ക്കും.—മത്താ. 5:16.

³ വീടു​തോ​റും പൊയ്‌ക്കൊ​ണ്ടി​രി​ക്കു​ന്ന​തി​നി​ട​യിൽ ഒരു സാക്ഷിക്ക്‌ ഒരു അസാധാ​രണ അഭ്യർഥ​നയെ അഭിമു​ഖീ​ക​രി​ക്കേ​ണ്ടി​വന്നു. വീട്ടു​കാ​ര​നും അദ്ദേഹ​ത്തി​ന്റെ ഭാര്യ​യ്‌ക്കും എന്തോ കാര്യ​മായ അസുഖം. അവർക്കു കുറച്ചു പണം ബാങ്കിൽ നിക്ഷേ​പി​ക്ക​ണ​മാ​യി​രു​ന്നു. അതു ചെയ്‌തു​ത​രാ​മോ എന്ന്‌ അവർ സാക്ഷി​യോ​ടു ചോദി​ച്ചു. അതു സമ്മതിച്ച അദ്ദേഹ​ത്തിന്‌ അവർ ബാങ്കി​ലി​ടാ​നാ​യി 2,000 ഡോളർ കൊടു​ത്തു! തിരി​ച്ചു​വ​ന്ന​പ്പോൾ അദ്ദേഹം ചോദി​ച്ചു: “പരിച​യം​പോ​ലു​മി​ല്ലാത്ത എന്നെ നിങ്ങൾക്കെ​ങ്ങനെ വിശ്വ​സി​ക്കാൻ കഴിഞ്ഞു?” ഇതായി​രു​ന്നു ഉത്തരം: “വിശ്വ​സി​ക്കാൻ കൊള​ളാ​വു​ന്നതു യഹോ​വ​യു​ടെ സാക്ഷി​കളെ മാത്ര​മാ​ണെന്നു ഞങ്ങൾക്ക​റി​യാം, അതു സകലർക്കും അറിയാം.” ബൈബി​ളി​ന്റെ ധാർമിക തത്ത്വങ്ങ​ളോ​ടു നാം അടുത്തു പറ്റിനിൽക്കു​ന്നതു ദൈവ​മ​ഹ​ത്ത്വം കൈവ​രു​ത്തുന്ന അത്തരം സൽപ്പേര്‌ ഉളവാ​ക്കു​ന്ന​തിൽ നമുക്ക്‌ എത്ര നന്ദിയു​ള​ള​വ​രാ​യി​രി​ക്കാൻ കഴിയും!

⁴ ആറു വയസ്സുളള ഒരു സാക്ഷി സകല വിശു​ദ്ധ​ന്മാ​രു​ടെ ദിനവു​മാ​യി ബന്ധപ്പെട്ട ചിത്ര​ര​ച​ന​യിൽ പങ്കെടു​ക്കാ​ത്ത​തി​ന്റെ കാരണം ഒന്നാം ക്ലാസ്സിലെ ഒരു അധ്യാ​പിക തന്റെ ക്ലാസി​നോ​ടു വിശദീ​ക​രി​ച്ചു. താൻ വിശ്വ​സി​ക്കു​ന്ന​തി​ന്റെ പേരിൽ വ്യത്യ​സ്‌തത പുലർത്താൻ ധൈര്യം കാട്ടുന്ന അവളെ​ക്കു​റി​ച്ചു തനിക്കു വലിയ അഭിമാ​നം തോന്നു​ന്നു​വെന്ന്‌ ആ അധ്യാ​പിക പറഞ്ഞു. നാം എന്തെങ്കി​ലും ഉറപ്പായി വിശ്വ​സി​ക്കു​ന്നെ​ങ്കിൽ, അതിനു​വേണ്ടി നില​കൊ​ള​ളാ​നു​ളള ധൈര്യം നമുക്കു​ണ്ടാ​ക​ണ​മെന്ന്‌ അധ്യാ​പിക അഭി​പ്രാ​യ​പ്പെട്ടു. ആ രാത്രി സ്വന്തം വിശ്വാ​സങ്ങൾ അപഗ്ര​ഥി​ച്ചു​നോ​ക്കിയ ആ അധ്യാ​പിക തന്റെ ബോധ്യ​ങ്ങൾക്കു​വേണ്ടി നില​കൊ​ള​ളു​ന്ന​തിൽ അതേ ധൈര്യം കാട്ടി​യി​ട്ടി​ല്ലെന്നു സമ്മതി​ക്കേ​ണ്ടി​വന്നു. ഭാവി​യി​ലു​ളള വിശേ​ഷ​ദിന ആഘോ​ഷ​ങ്ങ​ളിൽ തന്റെ ക്ലാസ്സിനെ ഉൾപ്പെ​ടു​ത്താൻ താൻ ഉദ്ദേശി​ക്കു​ന്നി​ല്ലെന്ന്‌ അവർ പിറ്റേ ദിവസം പ്രഖ്യാ​പി​ച്ചു. അത്തരം ചില ആഘോ​ഷ​ങ്ങ​ളിൽ അവർക്കു​തന്നെ വിശ്വാ​സ​മി​ല്ലാ​യി​രു​ന്നു!

⁵ തങ്ങൾ എവിടെ ആയിരു​ന്നാ​ലും, തങ്ങളുടെ പ്രകാശം ശോഭി​പ്പി​ക്കാൻ യഹോ​വ​യു​ടെ ജനം ഉത്സുക​രാണ്‌. സ്‌കൂ​ളി​ലെ യുവ​പ്രാ​യ​ക്കാ​രു​ടെ മാതൃ​കാ​യോ​ഗ്യ​മായ പെരു​മാ​റ്റം ഗുണക​ര​മാം​വി​ധം സഹവി​ദ്യാർഥി​ക​ളി​ലും അധ്യാ​പ​ക​രി​ലും മതിപ്പു​ള​വാ​ക്കി​യി​രി​ക്കു​ന്നു. അയൽവ​ക്കത്തു നല്ല പെരു​മാ​റ്റം കാഴ്‌ച​വെ​ക്കുന്ന മുതിർന്ന സാക്ഷികൾ നിമിത്തം മറ്റുള​ളവർ രാജ്യ​സ​ന്ദേ​ശ​ത്തെ​ക്കു​റിച്ച്‌ അനുകൂ​ല​മാ​യി സംസാ​രി​ക്കാൻ ഇടവരു​ന്നു. അനേകം സാഹച​ര്യ​ങ്ങ​ളിൽ നടത്തുന്ന അനൗപ​ചാ​രിക സാക്ഷീ​ക​രണം കൂടുതൽ പഠിക്കാൻ ആഗ്രഹ​മു​ളള ആത്മാർഥ​രായ ആളുകളെ ആകർഷി​ക്കു​ന്നു. ലൗകിക ജോലി​സ്ഥ​ല​ത്തു​ളള നമ്മുടെ ശുഷ്‌കാ​ന്തി​യും സത്യസ​ന്ധ​ത​യും​പോ​ലും ഒരു സാക്ഷ്യ​മാണ്‌. അതേ, നാം എവിടെ ആയാലും, അല്ലെങ്കിൽ എന്തു ചെയ്‌താ​ലും സത്യത്തിൽ താത്‌പ​ര്യ​മു​ണർത്താൻ നമുക്കു സാധി​ക്കും.

⁶ നമ്മുടെ ശ്രേഷ്‌ഠ മാതൃ​കാ​പു​രു​ഷന്റെ കറതീർന്ന ജീവി​ത​രീ​തി​യിൽ നമ്മുടെ ദൃഷ്ടികൾ പതിപ്പി​ച്ചു​കൊണ്ട്‌, അവന്റെ ശിഷ്യൻമാർ എന്നനി​ല​യിൽ നമുക്കു നമ്മുടെ വൈദ​ഗ്‌ധ്യ​ങ്ങൾക്കു മികവു കൂട്ടു​ന്ന​തിൽ തുടരാം. അവന്റെ മാതൃക അനുക​രി​ക്കു​ന്നതു നമ്മുടെ പ്രകാശം “സകലരു​ടെ​യും​മേൽ പ്രകാ​ശി​ക്കു​ന്നു”വെന്ന്‌ ഉറപ്പു​വ​രു​ത്തും.—മത്താ. 5:15, NW; 1 പത്രൊ. 2:21.