നമ്മുടെ രാജ്യ ഐക്യം കാത്തു​സൂ​ക്ഷി​ക്കൽ

¹ ദൈവ​രാ​ജ്യം ശക്തിയും അധികാ​ര​വു​മു​ളള ഒരു യഥാർഥ ഗവൺമെൻറാണ്‌. യേശു​വി​ന്റെ പ്രസംഗ വിഷയം അതായി​രു​ന്നു. (മത്താ. 4:17) യേശു​വി​ന്റെ ശുശ്രൂ​ഷ​യു​ടെ മുഖ്യ​ഭാ​ഗം മററു​ള​ള​വരെ പഠിപ്പി​ക്കു​ക​യും രാജ്യ​സ​ത്യ​ത്തി​നു സാക്ഷ്യം വഹിക്കു​ക​യു​മാ​യി​രു​ന്നു. രാജ്യ​ത്തി​നു​വേണ്ടി പ്രാർഥി​ക്കു​ന്ന​തി​നും അത്‌ ഒന്നാമത്‌ അന്വേ​ഷി​ക്കു​ന്ന​തി​നും അവൻ നമ്മെ പഠിപ്പി​ച്ചു. (മത്താ. 6:9, 10, 33) യഹോ​വ​യോ​ടും അവന്റെ സ്ഥാപന​ത്തോ​ടും അടുത്തു​നിൽക്കൽ, നമ്മുടെ പ്രസംഗ നിയോ​ഗം നിവർത്തി​ക്കൽ, ലോക​ത്തിൽനി​ന്നു വേറി​ട്ടു​നിൽക്കൽ ഇവ രാജ്യ ഐക്യം കാത്തു​സൂ​ക്ഷി​ക്കു​ന്ന​തി​നു നമ്മെ പ്രാപ്‌ത​രാ​ക്കു​ന്നു. നമ്മുടെ വാക്കു​ക​ളാ​ലും പ്രവൃ​ത്തി​ക​ളാ​ലും നാം ആ രാജ്യ​ത്തി​ന്റെ ഭാഗത്താ​ണെന്നു പ്രകട​മാ​ക്കു​ന്നു.—യോഹ. 18:37.

² 1914 മുതൽ, രാജ്യം ദശലക്ഷ​ക്ക​ണ​ക്കി​നു പ്രജകൾക്ക്‌ ഒരു യാഥാർഥ്യ​മാ​യി​ത്തീർന്നി​രി​ക്കു​ന്നു. രാജ്യ​ത്തി​ന്റെ ഈ പ്രജകൾ പ്രകട​മാ​ക്കുന്ന ഐക്യം ഒരു ഭിന്നിച്ച ലോക​ത്തിൽ തികച്ചും വ്യത്യ​സ്‌ത​മായ ഒന്നായി നില​കൊ​ള​ളു​ന്നു. രാജ്യം ഒരു ഏകീകരണ പ്രേര​ക​ശ​ക്തി​യാ​യി​രി​ക്ക​ണ​മെ​ങ്കിൽ അതിനെ നമ്മുടെ ജീവി​ത​ത്തിൽ ഒരു യാഥാർഥ്യ​മാ​ക്കി​ത്തീർക്കണം. അതു നമുക്കു യാഥാർഥ്യ​മാ​ക്കി​ത്തീർക്കു​ന്ന​തെ​ന്താണ്‌?

³ മററു ഗവൺമെൻറു​ക​ളെ​പ്പോ​ലെ​തന്നെ, ആ രാജ്യ​ത്തിന്‌ വ്യവസ്ഥ ചെയ്യ​പ്പെ​ട്ടി​രി​ക്കുന്ന നിയമ​ങ്ങ​ളുണ്ട്‌. എന്നാൽ, അതിന്റെ നിയമങ്ങൾ ബൈബി​ളിൽ കാണ​പ്പെ​ടു​ന്ന​തി​നാൽ അതു വ്യത്യ​സ്‌ത​മാ​യി​രി​ക്കു​ന്നു. ദൈവ​വ​ച​ന​ത്തി​ന്റെ ക്രമമായ വായന, രാജ്യ​ത്തി​ന്റെ പ്രജക​ളെന്ന നിലയിൽ അതു നമ്മിൽനിന്ന്‌ എന്താവ​ശ്യ​പ്പെ​ടു​ന്നു​വെ​ന്നു​ളള ഓർമി​പ്പി​ക്ക​ലു​കൾ നമുക്കു തരുന്നു. നമ്മുടെ പ്രസി​ദ്ധീ​ക​ര​ണ​ങ്ങ​ളു​ടെ വ്യക്തി​പ​ര​മായ പഠനവും “വിശ്വ​സ്‌ത​നും വിവേ​കി​യു​മായ അടിമ”യിൽ നിന്നുളള നിർദേ​ശ​ങ്ങ​ളും ദൈവ​നി​യ​മങ്ങൾ നമ്മുടെ ദൈനം​ദിന ജീവി​ത​ത്തിൽ ബാധക​മാ​ക്കാൻ നമ്മെ സഹായി​ക്കു​ന്നു. (മത്താ. 24:45, NW) നാം അത്തരം വ്യക്തി​പ​ര​മായ ബാധക​മാ​ക്കൽ നടത്തു​മ്പോൾ രാജ്യം നമുക്ക്‌ അധിക​മ​ധി​കം യാഥാർഥ്യ​മാ​യി​ത്തീ​രു​ന്നു, ലോക​വ്യാ​പക സഹോ​ദ​ര​വർഗ​ത്തോ​ടു നമ്മെ കൂടുതൽ അടുപ്പി​ച്ചു​കൊണ്ട്‌ യേശു​വി​ന്റെ ഭരണത്തിൻകീ​ഴി​ലെ ആരാധ​ക​രു​ടെ ഒരു ഏകീകൃത കുടും​ബം ആക്കി​ക്കൊ​ണ്ടു​തന്നെ.

⁴ ഐക്യം രാജ്യ​പ്ര​സം​ഗം മുഖേന: രാജ്യ​ത്തി​ന്റെ സുവാർത്ത “ഭൂമി​യു​ടെ അററത്തോ”ളം പ്രസം​ഗി​ക്കുക എന്നതാണു നമ്മുടെ നിയോ​ഗം. (പ്രവൃ. 1:8) നാം യഹോ​വയെ ‘മഹത്ത്വ’പ്പെടു​ത്താൻ പരി​ശ്ര​മി​ക്കു​മ്പോൾ ‘ഏകസ്വര’ത്തിലുളള പ്രസം​ഗ​പ്ര​വർത്തനം നമ്മെ ഏകീക​രി​ക്കു​ന്നു. (റോമ. 15:5, 6, NW) ലോക​വ്യാ​പ​ക​മായ നമ്മുടെ സഹപ്ര​വർത്ത​ക​രോ​ടൊ​ത്തു തീക്ഷ്‌ണ​മാ​യി പങ്കുപ​റ​റു​ന്നതു നമ്മുടെ വിശ്വാ​സത്തെ ബലിഷ്‌ഠ​മാ​ക്കു​ക​യും യഹോ​വ​യു​ടെ ഇഷ്ടം പൂർത്തീ​ക​രി​ക്കു​ന്ന​തിന്‌ അവന്റെ ആത്മാവ്‌ നമ്മിലൂ​ടെ പ്രവർത്തി​ക്കു​ന്ന​തിന്‌ അനുവ​ദി​ക്കു​ക​യും ചെയ്യുന്നു. “കർത്താ​വി​ന്റെ വേലയിൽ ധാരാളം ചെയ്യാ​നു​ളളവ”രായി​രി​ക്കു​ന്നത്‌ നമ്മെ “ഉറപ്പു​ള​ള​വ​രും കുലു​ങ്ങാ​ത്ത​വ​രും” ആക്കുന്നു.—1 കൊരി. 15:58, NW.

⁵ അനേകം ദേശങ്ങ​ളിൽ സാത്താൻ നമ്മുടെ പ്രസം​ഗ​പ്ര​വർത്ത​ന​ത്തിൽ കൈക​ട​ത്തി​ക്കൊ​ണ്ടു നമ്മുടെ ഐക്യത്തെ ഭഞ്‌ജി​ക്കാൻ ശ്രമി​ക്കു​ന്നു. പിണക്ക​വും വഴക്കും ഉണ്ടാക്കു​ന്ന​തി​നു വേണ്ടി ഭിന്നിപ്പു വിതയ്‌ക്കു​ന്ന​തി​നും തെററി​ദ്ധാ​ര​ണകൾ ഉളവാ​ക്കു​ന്ന​തി​നും തനിക്കു സാധ്യ​മായ ഏതൊരു മാർഗ​വും അവൻ ഉപയോ​ഗി​ക്കു​ന്നു. (സദൃ. 6:19; ഗലാ. 5:19-21, 26) ലോക​ത്തി​ന്റെ വാദ​കോ​ലാ​ഹ​ല​ങ്ങ​ളിൽ നാം ഉൾപ്പെ​ടു​ന്ന​തി​നും രാഷ്‌ട്രീ​യ​വും സാമൂ​ഹി​ക​വു​മായ കാര്യ​ങ്ങ​ളിൽ നാം ഒരു പക്ഷം ചേരു​ന്ന​തി​നു​പോ​ലും അവൻ ആഗ്രഹി​ക്കു​ന്നു. (യാക്കോ. 3:14-16) അവന്റെ സ്വാധീ​നത്തെ എതിർക്കാൻ തിരു​വെ​ഴു​ത്തു​കൾ നമ്മെ പ്രബോ​ധി​പ്പി​ക്കു​ന്നു; അല്ലെങ്കിൽ അവന്റെ ഇര എന്നനി​ല​യിൽ അവൻ നമ്മെ വിഴു​ങ്ങി​ക്ക​ള​യും. (1 പത്രൊ. 5:8, 9) രാജ്യ​പ്ര​ത്യാ​ശ​യു​ടെ യാഥാർഥ്യം നമ്മുടെ ഹൃദയ​ത്തിൽനി​ന്നും മനസ്സിൽനി​ന്നും മങ്ങി​പ്പോ​കാൻ നാം അനുവ​ദി​ക്ക​രുത്‌.

⁶ ഐക്യം കാത്തു​സൂ​ക്ഷി​ക്കു​ന്ന​തിന്‌ സുബോ​ധ​വും ഉയരത്തിൽനി​ന്നു​ളള ജ്ഞാനവും ആവശ്യ​മാണ്‌. പ്രയാ​സ​മു​ളള സാഹച​ര്യ​ങ്ങൾ ഉടലെ​ടു​ക്കു​മ്പോൾ, പ്രത്യേ​കി​ച്ചും അവ നമ്മുടെ സഹോ​ദ​രങ്ങൾ ഉൾപ്പെ​ടു​ന്ന​താ​ണെ​ങ്കിൽ, സമാധാ​നം നിലനിർത്തു​ന്ന​തി​നു നാം ആത്മാവി​ന്റെ ഫലങ്ങൾ പ്രകട​മാ​ക്കണം. ലൗകിക സ്വഭാ​വ​വി​ശേ​ഷ​ങ്ങ​ളായ അഹങ്കാരം, പക, അഹംഭാ​വം ഇവ ഭിന്നാ​ത്മ​ക​മാണ്‌, അവയെ നാം തരണം ചെയ്യേ​ണ്ട​താണ്‌. (എഫെ. 4:1-3; കൊലൊ. 3:5-10, 12-14) നമ്മുടെ മനസ്സു​കളെ ക്രിയാ​ത്മ​ക​വും പരിപു​ഷ്ടി​പ്പെ​ടു​ത്തു​ന്ന​തു​മായ ചിന്തക​ളാൽ നാം നിറയ്‌ക്കേ​ണ്ട​തുണ്ട്‌. രാജ്യം നമ്മുടെ ജീവി​ത​ത്തിൽ ഒരു യാഥാർഥ്യ​മാണ്‌! എന്നാൽ അത്‌ അങ്ങനെ​തന്നെ നിലനിർത്തു​ന്ന​തി​നു നാം ജാഗരൂ​ക​രാ​യി​രി​ക്കേ​ണ്ട​തുണ്ട്‌!—എഫെ. 6:11, 13.

⁷ നമ്മുടെ അത്ഭുത​ക​ര​മായ രാജ്യ​പ്ര​ത്യാ​ശ​യു​ടെ യാഥാർഥ്യം ഒരിക്ക​ലും അവസാ​നി​ക്കു​ക​യി​ല്ലാത്ത ഏകത്വ​ത്തി​ന്റെ ആത്മാവിൽ നമ്മെ ഏകീക​രി​ക്കു​ന്നു.—സങ്കീ. 133:1.