ഉള്ളടക്കം

വെല്ലു​വി​ളി​കൾ ഉണ്ടാകു​മ്പോൾ സഹായ​ത്തി​നാ​യി യഹോ​വ​യി​ലേക്കു നോക്കാൻ 2017-ലെ വാർഷി​ക​വാ​ക്യം പ്രോ​ത്സാ​ഹി​പ്പി​ക്കു​ന്നത്‌ എങ്ങനെ​യാ​ണെന്ന്‌ ഈ ലേഖനം കാണി​ച്ചു​ത​രു​ന്നു. പ്രശ്‌നങ്ങൾ പരിഹ​രി​ക്കാ​നും മറ്റുള്ള​വരെ സഹായി​ക്കാ​നും വേണ്ട നടപടി​കൾ സ്വീക​രി​ക്കു​മ്പോൾ നമ്മുടെ ശ്രമങ്ങളെ പിന്തു​ണ​യ്‌ക്കാ​നാ​യി യഹോ​വ​യിൽ എങ്ങനെ ആശ്രയി​ക്കാ​മെ​ന്നും നമ്മൾ പഠിക്കും. ഇക്കാര്യ​ത്തിൽ പുരാ​ത​ന​കാ​ലത്തെ വിശ്വ​സ്‌ത​രു​ടെ മാതൃ​ക​ക​ളും നമ്മൾ ചിന്തി​ക്കും.

ഈ ലേഖന​ത്തിൽ ഇച്ഛാസ്വാ​ത​ന്ത്ര്യ​മെന്ന സമ്മാനം ദൈവ​ത്തിന്‌ ഇഷ്ടപ്പെട്ട രീതി​യിൽ വിനി​യോ​ഗി​ച്ചു​കൊണ്ട്‌ ആ സമ്മാനത്തെ എങ്ങനെ വിലമ​തി​ക്കാ​മെന്നു നമ്മൾ പഠിക്കും. മറ്റുള്ളവർ അവരുടെ ഇച്ഛാസ്വാ​ത​ന്ത്ര്യം എന്ന സമ്മാനം ഉപയോ​ഗി​ക്കുന്ന വിധത്തെ എങ്ങനെ ആദരി​ക്കാ​മെ​ന്നും നമ്മൾ പഠിക്കും.

എളിമ​യെന്ന ആകർഷ​ക​മായ ഗുണ​ത്തെ​ക്കു​റിച്ച്‌ കൂടുതൽ നന്നായി മനസ്സി​ലാ​ക്കാൻ ഈ ലേഖനങ്ങൾ നമ്മളെ സഹായി​ക്കും. എളിമ എന്താ​ണെ​ന്നും അത്‌ എന്തല്ല​യെ​ന്നും ആദ്യത്തെ ലേഖനം വിശദീ​ക​രി​ക്കും. പരി​ശോ​ധ​നകൾ ഉണ്ടായാ​ലും എളിമ​യു​ള്ള​വ​രാ​യി നിൽക്കാൻ എങ്ങനെ കഴിയു​മെന്നു രണ്ടാമത്തെ ലേഖനം നമ്മളെ പഠിപ്പി​ക്കും.

ഒരു തലമുറ മറ്റൊ​ന്നി​നു വഴി മാറു​മ്പോൾ പ്രായ​മാ​യ​വ​രു​ടെ ഉത്തരവാ​ദി​ത്വ​ങ്ങൾ ചെറു​പ്പ​ക്കാർ ഏറ്റെടു​ക്കും. ഈ മാറ്റങ്ങ​ളു​മാ​യി ചെറു​പ്പ​ക്കാർക്കും പ്രായ​മാ​യ​വർക്കും എങ്ങനെ പൊരു​ത്ത​പ്പെ​ടാ​നാ​കു​മെന്ന്‌ ഈ ലേഖനം ചർച്ച ചെയ്യും.