രാജ്യ​ഘോ​ഷകർ റിപ്പോർട്ടു ചെയ്യുന്നു

‘അനുകൂല കാലത്തും പ്രതി​കൂല കാലത്തും’ സുവാർത്ത പ്രസം​ഗി​ക്കൽ

യുദ്ധം തേർവാഴ്‌ച നടത്തിയ സമയത്ത്‌ ബോസ്‌നിയ-ഹെർസെ​ഗോ​വി​ന​യിൽ ഉടനീളം ആയിരങ്ങൾ കൊടിയ യാതനകൾ അനുഭ​വി​ച്ചു. യാതനാ​നിർഭ​ര​മായ ആ കാലഘ​ട്ട​ത്തിൽ ആളുകൾക്കു പ്രോ​ത്സാ​ഹ​ന​വും പ്രത്യാ​ശ​യും പ്രദാനം ചെയ്യാൻ യഹോ​വ​യു​ടെ സാക്ഷികൾ സർവ ശ്രമവും ചെയ്‌തു. സാര​യെ​വോ​യിൽ കുറച്ചു കാലമാ​യി സേവനം അനുഷ്‌ഠി​ക്കുന്ന ഒരു സാക്ഷി എഴുതിയ കത്തിന്റെ പ്രസക്ത ഭാഗങ്ങ​ളാ​ണു താഴെ കൊടു​ത്തി​രി​ക്കു​ന്നത്‌.

“ഇവിടെ ജീവിതം ദുഷ്‌ക​ര​മാ​ണെ​ങ്കി​ലും, ആളുകൾ ബൈബിൾ സത്യ​ത്തോ​ടു നന്നായി പ്രതി​ക​രി​ക്കു​ന്നു. സ്ഥിരോ​ത്സാ​ഹ​ത്തി​നു മകു​ടോ​ദാ​ഹ​ര​ണ​മാ​ണു പ്രാ​ദേ​ശിക സാക്ഷികൾ. ഭൗതി​ക​മാ​യി അവർക്കു കാര്യ​മാ​യൊ​ന്നും ഇല്ലെങ്കി​ലും അവർ ഉത്സാഹ​ഭ​രി​ത​രാണ്‌. സഭയി​ലുള്ള യുവജ​ന​ങ്ങ​ളിൽ മിക്കവ​രും മുഴു​സമയ ശുശ്രൂ​ഷ​യിൽ ഏർപ്പെ​ട്ടി​രി​ക്കു​ന്നു. അവരുടെ തീക്ഷ്‌ണത പുതിയ പ്രസാ​ധ​കർക്കു നല്ല പ്രോ​ത്സാ​ഹ​ന​മാണ്‌. തന്മൂലം, സേവന​ത്തി​ലെ ആദ്യ മാസം മുതൽത്തന്നെ പ്രതി​മാ​സം 60-ഓ അതില​ധി​ക​മോ മണിക്കൂർ അവർ ശുശ്രൂ​ഷ​യിൽ ചെലവ​ഴി​ക്കു​ന്നത്‌ അസാധാ​ര​ണമല്ല.

“വീടു​തോ​റു​മുള്ള പ്രസം​ഗ​വേ​ല​യ്‌ക്കു പുറമേ, ആളുക​ളു​ടെ പക്കലെ​ത്താൻ ഞങ്ങൾ മറ്റു പല രീതി​ക​ളും പരീക്ഷി​ച്ചു നോക്കി​യി​ട്ടുണ്ട്‌. ഉദാഹ​ര​ണ​ത്തിന്‌, നഗരത്തി​ലെ നിരവധി സെമി​ത്തേ​രി​ക​ളിൽ നടത്തിയ ബൈബിൾ സാഹിത്യ വിതരണം നല്ല ഫലം കൈവ​രു​ത്തി​യി​രി​ക്കു​ന്നു.

“ആശുപ​ത്രി​ക​ളി​ലും സാക്ഷ്യം നൽകു​ന്നുണ്ട്‌. സാര​യെ​വോ​യി​ലെ ഒരു ആശുപ​ത്രി​യിൽ ഹൃദയ​ചി​കി​ത്സാ വിഭാ​ഗ​ത്തി​ലെ പ്രധാന ഡോക്‌ടർ, 1996 ഡിസംബർ 8 ലക്കം ഉണരുക! സ്വീക​രി​ച്ചു. “ഹൃദയാ​ഘാ​തം—എന്തു ചെയ്യാൻ കഴിയും?” എന്നതാ​യി​രു​ന്നു അതിന്റെ ആമുഖ ലേഖന പരമ്പര. മറ്റു ഡോക്‌ടർമാർക്കു നൽകു​ന്ന​തിന്‌ അദ്ദേഹം കൂടുതൽ പ്രതികൾ ആവശ്യ​പ്പെട്ടു. തന്റെ വിഭാ​ഗ​ത്തി​ലെ എല്ലാ രോഗി​ക​ളെ​യും സന്ദർശി​ക്കാൻ അദ്ദേഹം സാക്ഷി​കൾക്ക്‌ അനുമതി നൽകി. അങ്ങനെ സാക്ഷികൾ രോഗശയ്യ തോറും സന്ദർശിച്ച്‌ ഒരു മണിക്കൂർ കൊണ്ട്‌ 100-ലധികം മാസി​കകൾ വിതരണം ചെയ്‌തു. തങ്ങൾക്കു പ്രോ​ത്സാ​ഹ​ന​വും പ്രത്യാ​ശ​യും പ്രദാനം ചെയ്യാൻ ആരെങ്കി​ലും ആശുപ​ത്രി സന്ദർശി​ക്കു​ന്നത്‌ ആദ്യമാ​യി​ട്ടാണ്‌ എന്നു രോഗി​ക​ളിൽ പലരും പറഞ്ഞു.

“മറ്റൊ​രി​ക്കൽ കുട്ടി​കൾക്കു പറ്റിയ ലേഖന​ങ്ങ​ളുള്ള മാസി​ക​യു​മാ​യി ശിശു​രോഗ ചികിത്സാ വിഭാഗം സന്ദർശി​ക്കു​ക​യു​ണ്ടാ​യി. അവിടു​ത്തെ പ്രധാന ഡോക്‌ടർ വായനാ മുറി​യിൽ വെക്കാൻ എന്റെ ബൈബിൾ കഥാ പുസ്‌ത​ക​ത്തി​ന്റെ ഏതാനും പ്രതി​ക​ളും സ്വീക​രി​ച്ചു. ഇപ്പോൾ, ആശുപ​ത്രി​യിൽ കുട്ടി​കളെ സന്ദർശി​ക്കാൻ വരുന്ന അമ്മമാർ ദിവസേന അവർക്കു ബൈബിൾ കഥകൾ വായി​ച്ചു​കൊ​ടു​ക്കു​ന്നു. ആ ഡോക്‌ടറെ വീട്ടിൽ ചെന്നു കാണാ​നും ഏർപ്പാടു ചെയ്യ​പ്പെട്ടു.

“വ്യത്യസ്‌ത ദേശക്കാ​രായ ആയിര​ക്ക​ണ​ക്കി​നു നാറ്റോ [നോർത്ത്‌ അറ്റ്‌ലാ​ന്റിക്‌ ട്രീറ്റി ഓർഗ​നൈ​സേഷൻ] സൈനി​കർ സാര​യെ​വോ​യിൽ ഉണ്ട്‌. അവർക്കും നല്ല സാക്ഷ്യം ലഭിച്ചി​രി​ക്കു​ന്നു. ചില​പ്പോ​ഴൊ​ക്കെ ഞങ്ങൾ, സകല ജനതകൾക്കു​മുള്ള സുവാർത്ത എന്ന ചെറു​പു​സ്‌ത​ക​ത്തോ​ടൊ​പ്പം വ്യത്യസ്‌ത ഭാഷക​ളി​ലുള്ള വീക്ഷാ​ഗോ​പു​ര​വും ഉണരുക!യുമായി സായുധ വാഹനങ്ങൾ തോറും പോകാ​റുണ്ട്‌. ഇറ്റാലി​യൻ സൈനിക പാളയ​ങ്ങ​ളിൽ ഇതി​നോ​ടകം 200-ലധികം മാസി​കകൾ വിതരണം ചെയ്‌തി​രി​ക്കു​ന്നു. രസകര​മെന്നു പറയട്ടെ, തങ്ങൾ മുമ്പൊ​രി​ക്ക​ലും യഹോ​വ​യു​ടെ സാക്ഷി​ക​ളു​മാ​യി സംസാ​രി​ച്ചി​ട്ടില്ല എന്നു സൈനി​ക​രിൽ പലരും പറഞ്ഞു. ഞങ്ങൾ അവരെ സാര​യെ​വോ​യിൽ കണ്ടെത്തി​യെന്നു പറഞ്ഞാൽ മതിയ​ല്ലോ.

“ഒരു ദിവസം റോഡ​രി​കിൽ ഒരു സായുധ വാഹനം പാർക്ക്‌ ചെയ്‌തി​രി​ക്കു​ക​യാ​യി​രു​ന്നു. ഞാൻ കുട​കൊണ്ട്‌ കാറിൽ മുട്ടി വിളിച്ചു, അപ്പോൾ ഒരു സൈനി​കൻ പുറ​ത്തേക്കു വന്നു. ‘സമാധാന സന്ദേശ​വാ​ഹകർ—ആരാണ്‌ അവർ?’ എന്ന ശീർഷ​ക​ത്തി​ലുള്ള വീക്ഷാ​ഗോ​പു​രം ഞാൻ അദ്ദേഹത്തെ കാണിച്ചു. ആ സൈനി​കൻ എന്നോടു ചോദി​ച്ചു, ‘താങ്കൾ യഹോ​വ​യു​ടെ സാക്ഷി​യ​ല്ല​ല്ലോ?’ ഞാൻ സാക്ഷി​യാ​ണെന്ന്‌ അറിഞ്ഞ​പ്പോൾ അദ്ദേഹം പറഞ്ഞു, ‘നിങ്ങൾ ഇവി​ടെ​യും ഉണ്ടെന്നോ! എനിക്കു വിശ്വ​സി​ക്കാ​നാ​കു​ന്നില്ല; ഭൂമി​യിൽ സാക്ഷികൾ ഇല്ലാത്ത ഏതെങ്കി​ലും സ്ഥലമു​ണ്ടോ?’”

“വചനം പ്രസം​ഗി​ക്കുക, അനുകൂല കാലത്തും പ്രതി​കൂല കാലത്തും അടിയ​ന്തി​ര​ത​യോ​ടെ അതു ചെയ്യുക” എന്ന്‌ പൗലൊസ്‌ അപ്പൊ​സ്‌തലൻ ഉദ്‌ബോ​ധി​പ്പി​ച്ചു. (2 തിമൊ​ഥെ​യൊസ്‌ 4:2, NW) ലോക​മെ​മ്പാ​ടു​മുള്ള തങ്ങളുടെ സഹ വിശ്വാ​സി​കളെ പോലെ സാര​യെ​വോ​യി​ലുള്ള യഹോ​വ​യു​ടെ സാക്ഷി​ക​ളും അതു ചെയ്യുന്നു—രോഗശയ്യ തോറും സായുധ വാഹനങ്ങൾ തോറും പോയി​ക്കൊ​ണ്ടു​പോ​ലും!