നിങ്ങൾ മുന്നറി​യി​പ്പി​നു ചെവി​കൊ​ടു​ക്കു​മോ?

ആയിര​ത്തി​ത്തൊ​ള്ളാ​യി​ര​ത്തി​ത്തൊ​ണ്ണൂ​റ്റേഴ്‌ മേയ്‌ 19-ന്‌, ബംഗ്ലാ​ദേ​ശി​ലെ ചിറ്റ​ഗോംഗ്‌ ഡിസ്‌ട്രി​ക്‌റ്റിൽ ഒരു ചുഴലി​ക്കാറ്റ്‌ ആഞ്ഞടിച്ചു. മണിക്കൂ​റിൽ ഏകദേശം 250 കിലോ​മീ​റ്റർ വേഗത്തി​ലുള്ള കാറ്റ്‌, കോക്‌സ്‌ ബസ്സാർ പട്ടണത്തിൽ രേഖ​പ്പെ​ടു​ത്ത​പ്പെട്ടു. ഗ്രാമ​പ്ര​ദേ​ശ​ങ്ങ​ളിൽ പുല്ലു​മേഞ്ഞ കുടി​ലു​ക​ളെ​ല്ലാം അപ്രത്യ​ക്ഷ​മാ​യി. അവയുടെ സ്ഥാനത്ത്‌ ചതുരാ​കൃ​തി​യി​ലുള്ള കൊച്ചു മൺകൂ​നകൾ മാത്രം അവശേ​ഷി​ച്ചു. വൃക്ഷങ്ങ​ളും ടെലി​ഫോൺ പോസ്റ്റു​ക​ളും പിഴു​തെ​റി​യ​പ്പെട്ടു; മറ്റുള്ളവ തീപ്പെട്ടി കൊള്ളി​കൾപോ​ലെ രണ്ടായി ഒടിഞ്ഞു​വീ​ണു. ചുഴലി​ക്കാ​റ്റിൽ 105 പേർ കൊല്ല​പ്പെട്ടു എന്ന്‌ ഭോരാർ കാഗസ്‌ പത്രത്തി​ലെ ഒരു തലവാ​ചകം റിപ്പോർട്ടു ചെയ്‌തു.

ചുഴലി​ക്കാറ്റ്‌ എവിടെ ആഞ്ഞടി​ക്കും എന്നതു സംബന്ധി​ച്ചു മിക്കവാ​റും കൃത്യ​മായ വിവരം കാലാവസ്ഥ നിരീക്ഷണ കേന്ദ്രം 36 മണിക്കൂർ മുമ്പു​തന്നെ പ്രക്ഷേ​പണം ചെയ്‌തി​രു​ന്നു. ചുഴലി​ക്കാ​റ്റു​രോ​ധക കോൺക്രീറ്റ്‌ സങ്കേത​ങ്ങ​ളിൽ ലക്ഷക്കണ​ക്കിന്‌ ആളുകൾ അഭയം തേടി​യ​തി​നാൽ നിസ്സം​ശ​യ​മാ​യും അനേകർ രക്ഷപ്പെട്ടു.

ഏതൊരു ചുഴലി​ക്കാ​റ്റി​നെ​ക്കാ​ളും വളരെ വളരെ മാരക​മായ, ആസന്നമാ​യി​രി​ക്കുന്ന അത്യാ​പ​ത്തി​നെ കുറി​ച്ചുള്ള വാർത്ത ഇപ്പോൾ ഏതാണ്ട്‌ നൂറു വർഷത്തി​ല​ധി​ക​മാ​യി യഹോ​വ​യു​ടെ സാക്ഷികൾ ഘോഷി​ച്ചു​കൊ​ണ്ടി​രി​ക്കു​ക​യാണ്‌. ബൈബിൾ അതിനെ “യഹോ​വ​യു​ടെ വലുതും ഭയങ്കര​വു​മാ​യുള്ള ദിവസം” എന്നു വിളി​ക്കു​ന്നു. (യോവേൽ 2:31) ബൈബി​ളിൽ കാണുന്ന പ്രാവ​ച​നിക മുന്നറി​യി​പ്പു​കൾക്കു ചെവി​കൊ​ടു​ത്തു​കൊണ്ട്‌ നമുക്ക്‌ അതിന്റെ കോപ​ത്തിൽനി​ന്നു രക്ഷപ്പെ​ടാൻ കഴി​ഞ്ഞേ​ക്കും.—സെഫന്യാ​വു 2:2, 3.

യഹോ​വ​യു​ടെ സാക്ഷികൾ വിനാശ പ്രവാ​ച​ക​ന്മാ​രല്ല. അവരു​ടേത്‌ പ്രത്യാ​ശ​യു​ടെ സന്ദേശ​മാണ്‌. ഉടനെ​തന്നെ ഭൂമി​യിൽനി​ന്നു സകല അനീതി​യും നീക്കം ചെയ്യാ​നി​രി​ക്കുന്ന ദൈവ​രാ​ജ്യ​ത്തെ കുറിച്ചു പഠിക്കു​ന്ന​തിന്‌ ആളുകളെ സഹായി​ക്കാൻ അവർ ആഗ്രഹി​ക്കു​ന്നു. ദൈവ​വ​ച​ന​മായ ബൈബിൾ പറയുന്നു: “കുറ​ഞ്ഞോ​ന്നു കഴിഞ്ഞി​ട്ടു ദുഷ്ടൻ ഇല്ല; നീ അവന്റെ ഇടം സൂക്ഷി​ച്ചു​നോ​ക്കും; അവനെ കാണു​ക​യില്ല. എന്നാൽ സൌമ്യ​ത​യു​ള്ളവർ ഭൂമിയെ കൈവ​ശ​മാ​ക്കും; സമാധാ​ന​സ​മൃ​ദ്ധി​യിൽ അവർ ആനന്ദി​ക്കും.”—സങ്കീർത്തനം 37:10, 11.

[32-ാം പേജിലെ ചിത്ര​ത്തിന്‌ കടപ്പാട]

WHO/League of Red Cross