രാജ്യ​ഘോ​ഷകർ റിപ്പോർട്ടു ചെയ്യുന്നു

യഹോ​വ​യു​ടെ വഴി​യോ​ടു താഴ്‌മ​യോ​ടെ അനുരൂ​പ​പ്പെ​ടൽ

“ഭൂമി​യി​ലെ സകല സൌമ്യ​ന്മാ​രു​മാ​യു​ള്ളോ​രേ, അവനെ [യഹോ​വയെ] അന്വേ​ഷി​പ്പിൻ.” 26-ലധികം നൂറ്റാ​ണ്ടു​കൾക്കു മുമ്പ്‌ എബ്രായ പ്രവാ​ച​ക​നായ സെഫന്യാ​വു ഘോഷിച്ച ഈ ക്ഷണം ഭൂമി​യി​ലെ​മ്പാ​ടു​മുള്ള ആളുകൾക്ക്‌ ഇപ്പോ​ഴും നീട്ടി​ക്കൊ​ടു​ത്തു​കൊ​ണ്ടി​രി​ക്കുക​യാണ്‌. (സെഫന്യാ​വു 2:3) എന്നാൽ യഹോ​വയെ അന്വേ​ഷി​ക്കുക എന്നതിന്റെ അർഥ​മെ​ന്താണ്‌? ജീവനുള്ള ഏകസത്യ​ദൈ​വ​മായ യഹോ​വയെ കുറി​ച്ചുള്ള പരിജ്ഞാ​നം നേടു​ന്ന​താണ്‌ അതിന്റെ പ്രാരംഭ പടി.—യിരെ​മ്യാ​വു 10:10; യോഹ​ന്നാൻ 17:3.

എന്നുവ​രി​കി​ലും, കേവലം പരിജ്ഞാ​നം നേടു​ന്ന​തു​കൊ​ണ്ടു മാത്രം ദൈവ മുമ്പാകെ ഒരു അംഗീ​കൃത നില ലഭ്യമാ​കു​ന്നില്ല. ദൈവ പ്രീതി​ക്കു പാത്ര​മാ​ക​ണ​മെ​ങ്കിൽ ഒരു വ്യക്തി ഈ പരിജ്ഞാ​നം ബാധക​മാ​ക്കുക കൂടി ചെയ്യേ​ണ്ട​തുണ്ട്‌. എങ്ങനെ? അദ്ദേഹ​ത്തി​ന്റെ ചിന്താ​രീ​തി​യെ​യും നടത്ത​യെ​യും ദൈവ​ത്തി​ന്റെ നിലവാ​ര​ങ്ങ​ളോട്‌ താഴ്‌മ​യോ​ടെ അനുരൂ​പ​പ്പെ​ടു​ത്തു​ന്ന​തി​നാൽ ഇതു സാധ്യ​മാ​കും. സുരി​നാ​മിൽ നിന്നുള്ള പിൻവ​രുന്ന അനുഭവം ഇതു ദൃഷ്ടാ​ന്തീ​ക​രി​ക്കു​ന്നു.—എഫെസ്യർ 4:22-24.

30-കളുടെ മധ്യേ പ്രായ​മുള്ള ഒരു സ്‌കൂൾ അധ്യാ​പ​ക​നാണ്‌ എഡി. ‘ഏതൽക്കാല സമൂഹ​ത്തിൽ മതത്തിന്റെ പങ്കെന്ത്‌?,’ ‘പുരാതന ഗ്രന്ഥമായ ബൈബിൾ ആധുനിക ശാസ്‌ത്ര​വു​മാ​യി യോജി​പ്പി​ലാ​ണോ?’ എന്നിങ്ങ​നെ​യുള്ള ചോദ്യ​ങ്ങൾക്കു തൃപ്‌തി​ക​ര​മായ ഉത്തരം ലഭിക്കാൻ അദ്ദേഹം അതിയാ​യി ആഗ്രഹി​ച്ചി​രു​ന്നു. യഹോ​വ​യു​ടെ സാക്ഷികൾ അദ്ദേഹത്തെ സന്ദർശിച്ച്‌ ഈ ചോദ്യ​ങ്ങൾക്കുള്ള ബൈബിൾ അധിഷ്‌ഠിത ഉത്തരങ്ങൾ പ്രദാനം ചെയ്‌ത​പ്പോൾ അദ്ദേഹം അവധാ​ന​പൂർവം ശ്രദ്ധിച്ചു. സാക്ഷി​ക​ളു​ടെ വിശദീ​ക​രണം ഒത്തു​നോ​ക്കാ​നാ​യി അദ്ദേഹം കുറി​പ്പു​കൾ എടുക്കുക പോലും ചെയ്‌തു.

ദൈവം മനുഷ്യ​ക്കു​ര​ങ്ങു​ക​ളിൽ വരുത്തിയ പരിഷ്‌കാ​ര​ങ്ങ​ളു​ടെ അന്തിമ ഫലമാണ്‌ മനുഷ്യൻ എന്നു പഠിപ്പി​ച്ചി​രുന്ന ഒരു മതത്തോ​ടൊത്ത്‌ ആയിരു​ന്നു എഡി നേരത്തെ സഹവസി​ച്ചി​രു​ന്നത്‌. അതു​കൊണ്ട്‌, സാക്ഷികൾ വാഗ്‌ദാ​നം ചെയ്‌ത ജീവൻ—അത്‌ ഇവിടെ എങ്ങനെ വന്നു? പരിണാ​മ​ത്താ​ലോ സൃഷ്ടി​യാ​ലോ? എന്ന പുസ്‌തകം അദ്ദേഹം ഉടനടി സ്വീക​രി​ച്ചു. ബൈബി​ളി​ലെ സൃഷ്ടി​പ്പിൻ വിവര​ണത്തെ കുറി​ച്ചുള്ള ആ പുസ്‌ത​ക​ത്തി​ന്റെ വ്യക്തമായ വിശദീ​ക​രണം അദ്ദേഹ​ത്തിൽ മതിപ്പു​ള​വാ​ക്കി. ബൈബിൾ പഠനത്തി​ലൂ​ടെ, താൻ സത്യം കണ്ടെത്തി​യി​രി​ക്കു​ന്നു എന്ന്‌ അദ്ദേഹ​ത്തി​നു ബോധ്യ​പ്പെട്ടു!

എന്നാൽ ഇപ്പോൾ അദ്ദേഹ​ത്തിന്‌ ഒരു പരി​ശോ​ധന നേരിട്ടു. മോഷ​ണ​വും സത്യസന്ധത ഇല്ലായ്‌മ​യും തൊഴി​ലാ​ക്കിയ ചില​രോ​ടൊത്ത്‌ ആയിരു​ന്നു അദ്ദേഹ​ത്തി​ന്റെ താമസം. അതു​കൊണ്ട്‌ അദ്ദേഹ​ത്തിന്‌ ഒരു തിര​ഞ്ഞെ​ടു​പ്പു നടത്തേ​ണ്ടി​വന്നു: ഒന്നുകിൽ തന്നോ​ടൊ​പ്പം താമസി​ക്കു​ന്ന​വ​രു​ടെ ദുഷിച്ച ജീവിത രീതി പിന്തു​ട​രുക, അല്ലെങ്കിൽ ദൈവ​ത്തി​നു മഹത്ത്വം കരേറ്റുന്ന ഒരു ജീവിത രീതി തിര​ഞ്ഞെ​ടു​ക്കാ​നാ​യി അത്‌ ഉപേക്ഷി​ക്കുക. ജ്ഞാനപൂർവം, എഡി രണ്ടാമത്തെ വഴിയാ​ണു തിര​ഞ്ഞെ​ടു​ത്തത്‌. മോശ​മായ സഹവാസം പാടേ ഉപേക്ഷിച്ച അദ്ദേഹം അവിടെ നിന്നു മാറി​ത്താ​മ​സി​ച്ചു.—1 കൊരി​ന്ത്യർ 15:33, 34.

രാജ്യ​ഹാ​ളിൽ യോഗ​ങ്ങൾക്കു സംബന്ധി​ക്കാൻ തുടങ്ങി​യ​തിൽ പിന്നെ എഡി സത്വര പുരോ​ഗതി കൈവ​രി​ച്ചു. വേഷവി​ധാ​ന​ത്തി​ന്റെ കാര്യ​ത്തിൽ ചിട്ട​പ്പെ​ടു​ത്ത​ലു​കൾ വരുത്തിയ അദ്ദേഹം താൻ പഠിക്കുന്ന കാര്യ​ങ്ങളെ കുറിച്ചു ബന്ധുമി​ത്രാ​ദി​ക​ളോ​ടു സംസാ​രി​ക്കാ​നും തുടങ്ങി. പിന്നീട്‌, “സുവി​ശേഷ” പ്രസം​ഗ​ത്തിൽ പരസ്യ​മാ​യി ഏർപ്പെ​ടാ​നുള്ള അംഗീ​കാ​രം ലഭിച്ച​പ്പോൾ അദ്ദേഹ​ത്തി​നു വളരെ സന്തോ​ഷ​മാ​യി. (മത്തായി 24:14; പ്രവൃ​ത്തി​കൾ 20:20) 1996 ഡിസം​ബ​റിൽ, ജല സ്‌നാ​പ​ന​ത്താൽ യഹോ​വ​യ്‌ക്കുള്ള തന്റെ സമർപ്പണം പ്രതീ​ക​പ്പെ​ടു​ത്തി​യ​പ്പോൾ നാളു​ക​ളാ​യി കാത്തി​രുന്ന ആ ദിനം വന്നെത്തി.

“യഹോ​വയെ അന്വേഷി”ക്കാനുള്ള ക്ഷണത്തോട്‌ ഓരോ വർഷവും ലക്ഷക്കണ​ക്കി​നു പരമാർഥ ഹൃദയി​കൾ പ്രതി​ക​രി​ക്കു​ന്നു. അങ്ങനെ ചെയ്യു​ക​യിൽ, അവർ സദൃശ​വാ​ക്യ​ങ്ങൾ 22:4-ന്റെ സത്യത അനുഭ​വിച്ച്‌ അറിയു​ന്നു. അവിടെ ഇങ്ങനെ പ്രസ്‌താ​വി​ക്കു​ന്നു: “താഴ്‌മെ​ക്കും യഹോ​വ​ഭ​ക്ഷി​ക്കും ഉള്ള പ്രതി​ഫലം ധനവും മാനവും ജീവനും ആകുന്നു.” അതേ, യഹോ​വ​യു​ടെ വഴി​യോ​ടു താഴ്‌മ​യോ​ടെ അനുരൂ​പ​പ്പെ​ടു​ന്ന​തി​നാൽ സത്യസ്‌നേ​ഹി​കൾ ഇപ്പോൾ അത്തരം അനു​ഗ്ര​ഹങ്ങൾ ആസ്വദി​ക്കു​ന്നു. കൂടാതെ ഈ ഭൂമി​യിൽ അനന്ത സൗഭാ​ഗ്യ​ങ്ങൾ അനുഭ​വി​ക്കാ​നാ​യി അവർ ദൃഢവി​ശ്വാ​സ​ത്തോ​ടെ നോക്കി​പ്പാർത്തി​രി​ക്കു​ന്നു.—സങ്കീർത്തനം 37:29.

[18-ാം പേജിലെ ഭൂപടങ്ങൾ]

(For fully formatted text, see publication.)

കരീബിയൻ കടൽ

സുരിനാം

ഗയാന

ഫ്രഞ്ച്‌ ഗയാന

ബ്രസീൽ

[കടപ്പാട]

ഭൂഗോളം: Mountain High Maps ® Copyright © 1997 Digital Wisdom, Inc.