നഗരത്തി​ലെ അംബര​ചും​ബി​കൾ മുതൽ ഊഷര തുന്ദ്രാ​കൾ വരെ—ആളുകളെ സമീപി​ക്കു​ന്നു

മഴയ്‌ക്കോ മഞ്ഞിനോ ഹിമവർഷ​ത്തി​നോ ചെന്നാ​യ്‌ക്കൾക്കോ പുള്ളി​പ്പു​ലി​കൾക്കോ ശത്രു​താ​മ​നോ​ഭാ​വ​മു​ള്ള​വർക്കോ ഒന്നും അവരുടെ നിശ്ചയ​ദാർഢ്യ​ത്തെ മന്ദീഭ​വി​പ്പി​ക്കാ​നാ​യില്ല. പശ്ചിമ തീര​ത്തേക്ക്‌ അടിയ​ന്തിര തപാൽ കൊണ്ടു​പോ​കാൻ, കൂലം​കു​ത്തി​യൊ​ഴു​കുന്ന നദിക​ളും അഗാധ​മായ താഴ്‌വ​ര​ക​ളും നിരന്ന പുൽപ്ര​ദേ​ശ​വും താണ്ടി 3,000 കിലോ​മീ​റ്റർ ദൂരം അതിശ​യ​ക​ര​മായ വേഗത​യിൽ അവർ കുതി​ര​സ​വാ​രി ചെയ്‌തു. അവർ ആരായി​രു​ന്നു?

പോണി എക്‌സ്‌പ്രസിലെa സാഹസി​ക​രായ യുവ കുതി​ര​സ​വാ​രി​ക്കാർ. ആ ചെറു​പ്പ​ക്കാ​രിൽ അത്ര ശക്തമാ​യൊ​രു മനോ​ഭാ​വം ഉണർത്തി​യത്‌ എന്തായി​രു​ന്നു? തപാൽ എത്തിച്ചു​കൊ​ടു​ക്കു​ന്ന​തി​ലെ വെല്ലു​വി​ളി​യും സാഹസി​ക​ത​യും സംതൃ​പ്‌തി​യു​മാ​യി​രി​ക്കാം. രസാവ​ഹ​മാ​യി, ഓരോ സവാരി​ക്കാ​ര​ന്റെ​യും ജീനി​സ​ഞ്ചി​യിൽ മുൻഗ​ണ​ന​യർഹി​ക്കുന്ന തപാലി​നോ​ടൊ​പ്പം ഒരു ബൈബി​ളു​മു​ണ്ടാ​യി​രു​ന്നു.

ഒരു നൂറ്റാ​ണ്ടി​ല​ധി​കം കഴിഞ്ഞ്‌, കാനഡ​യി​ലു​ട​നീ​ള​മുള്ള 1,13,000 അർപ്പിത രാജ്യ​ഘോ​ഷകർ നിശ്ചയ​ദാർഢ്യ​ത്തി​ന്റെ​യും ഉത്സാഹ​ത്തി​ന്റെ​യും അർപ്പണ​ബോ​ധ​ത്തി​ന്റെ​യും കൂടുതൽ വർധി​ത​മായ ഒരു മനോ​ഭാ​വം പ്രകട​മാ​ക്കു​ന്നു. അവരെ പ്രചോ​ദി​പ്പി​ക്കു​ന്നത്‌ എന്താണ്‌? അച്ചടിച്ച താളു​ക​ളി​ലൂ​ടെ​യും വാമൊ​ഴി​യാ​യും രാജ്യ​സ​ത്യം അറിയി​ക്കാൻ ദൈവ​ത്തോ​ടും അയൽക്കാ​ര​നോ​ടു​മുള്ള സ്‌നേഹം അവരെ പ്രചോ​ദി​പ്പി​ക്കു​ന്നു. പോണി എക്‌സ്‌പ്രസ്‌ എത്തിച്ചു​കൊ​ടു​ത്തി​ട്ടുള്ള ഏതൊരു തപാലി​നെ​ക്കാ​ളും വളരെ​യേറെ അടിയ​ന്തി​ര​മാണ്‌ ഈ ജീവദാ​യക സത്യം. അതേ, പോണി എക്‌സ്‌പ്രസ്‌ സവാരി​ക്കാ​രു​ടെ ജീനി​സ​ഞ്ചി​ക​ളിൽ കാണപ്പെട്ട അതേ പുസ്‌ത​ക​ത്തി​ലെ, വിശുദ്ധ ബൈബി​ളി​ലെ, അമൂല്യ രാജ്യ​സ​ന്ദേ​ശ​മാ​ണത്‌.—സദൃശ​വാ​ക്യ​ങ്ങൾ 2:21, 22; യെശയ്യാ​വു 2:2-4; 61:2; മത്തായി 22:37-39; 24:14.

യഹോ​വ​യോ​ടും ജനങ്ങ​ളോ​ടു​മുള്ള സ്‌നേ​ഹ​ത്താൽ പ്രചോ​ദി​തർ

രാജ്യ​ത്തെ​ക്കു​റിച്ച്‌ ആളുക​ളോ​ടു സംസാ​രി​ക്കാൻ യഹോ​വ​യു​ടെ സാക്ഷികൾ ഇഷ്ടപ്പെ​ടു​ന്നു. നഗരത്തി​ലെ അംബര​ചും​ബി​ക​ളായ ബഹുശാ​ലാ ഭവനങ്ങ​ളി​ലും വിദൂര തുന്ദ്രാ​യി​ലെ ജനസമൂ​ഹ​ങ്ങൾക്കി​ട​യി​ലും വിമാ​ന​ത്താ​വ​ള​ങ്ങ​ളി​ലെ കെട്ടി​ട​ങ്ങ​ളി​ലും തെരു​വി​ലും മറ്റു പൊതു​സ്ഥ​ല​ങ്ങ​ളി​ലും ടെല​ഫോ​ണി​ലൂ​ടെ​യും അവരതു ചെയ്യു​ന്നതു നിങ്ങൾ കണ്ടെത്തും. എന്തു​കൊ​ണ്ടാണ്‌ അത്തരം വിഭിന്ന സ്ഥലങ്ങളിൽ?

സാമ്പത്തി​ക​വും ജനസം​ഖ്യാ​പ​ര​വു​മായ സാഹച​ര്യ​ങ്ങൾ അടി​ച്ചേൽപ്പി​ക്കുന്ന മാറി​ക്കൊ​ണ്ടി​രി​ക്കുന്ന ജീവി​ത​രീ​തി​കൾ, ആളുകളെ ഭവനങ്ങ​ളിൽ കണ്ടെത്തു​ന്നത്‌ ഒരു കടുത്ത വെല്ലു​വി​ളി​യാ​ക്കി​യി​രി​ക്കു​ന്നു. മിക്ക കേസു​ക​ളി​ലും, കുടും​ബ​ത്തി​ന്റെ അടിസ്ഥാന ആവശ്യ​ങ്ങൾക്കാ​യി കരുതു​ന്ന​തിന്‌ ഭർത്താ​വും ഭാര്യ​യും ജോലി​ചെ​യ്യു​ന്നു. മിക്ക​പ്പോ​ഴും ആത്മീയ ആവശ്യങ്ങൾ അവഗണി​ച്ചു​കൊ​ണ്ടാണ്‌ അപ്രകാ​രം ചെയ്യു​ന്നത്‌. അത്തരം സമ്മർദ​ങ്ങൾക്കും സംഘർഷ​ങ്ങൾക്കും മധ്യേ അവർക്ക്‌ പ്രത്യാ​ശ​യു​ടെ ഹൃദ​യോ​ഷ്‌മള സന്ദേശം അങ്ങേയറ്റം ആവശ്യ​മാണ്‌. യഹോ​വ​യു​ടെ സാക്ഷികൾ ആ ആവശ്യ​ത്തോട്‌ സന്തോ​ഷ​പൂർവം പ്രതി​ക​രി​ക്കു​ന്നു. ആകർഷ​ക​വും ചിന്തോ​ദ്ദീ​പ​ക​വു​മായ വിധത്തിൽ സുവാർത്ത എല്ലാത്തരം ആളുക​ളു​ടെ​യും പക്കൽ എത്തിക്കാൻ വിവേ​ക​വും ദയയും ഉപയോ​ഗിച്ച്‌ അവർ അവസരങ്ങൾ സൃഷ്ടി​ക്കു​ന്നു.—1 തിമൊ​ഥെ​യൊസ്‌ 2:3, 4.

മറ്റു ഭാഷക​ളിൽ: ‘പോയി ശിഷ്യരെ ഉളവാ​ക്കാൻ’ യേശു തന്റെ ശിഷ്യ​ന്മാ​രോ​ടു കൽപ്പി​ച്ച​പ്പോൾ സകല ഭാഷക്കാ​രു​മായ ആളുക​ളു​ടെ പക്കൽ പ്രത്യാ​ശ​യു​ടെ സന്ദേശം എത്തിക്കു​ന്ന​തിന്‌ മുൻ​കൈ​യെ​ടു​ക്കാ​നും നിശ്ചയ​ദാർഢ്യം കാണി​ക്കാ​നും അവൻ അവർക്ക്‌ അവസര​മേകി. (മത്തായി 28:19, 20, NW) മിക്ക രാജ്യ​ങ്ങ​ളെ​യും​പോ​ലെ കാനഡ ഒരു ബഹു​ദേ​ശീയ സമൂഹ​മാ​യി​ത്തീർന്നി​രി​ക്കു​ന്നു. പുതിയ ഭാഷകൾ പഠിച്ചു​കൊണ്ട്‌ അനേകം രാജ്യ​ഘോ​ഷകർ സാഹച​ര്യ​ത്തോട്‌ ഇണങ്ങി​ച്ചേർന്നി​രി​ക്കു​ന്നു.

ദൃഷ്ടാ​ന്ത​മാ​യി, അൽബെ​ട്രാ​യി​ലെ എഡ്‌മോൺടോ​ണിൽ മുഴു​സമയ ശുശ്രൂ​ഷ​ക​രായ ഒരു ദമ്പതി​മാർ തങ്ങളുടെ നഗരത്തിൽ മാൻഡ​റിൻ ചൈനീസ്‌ സംസാ​രി​ക്കുന്ന ആളുക​ളു​ടെ പക്കൽ സുവാർത്ത എത്തി​ക്കേ​ണ്ട​യാ​വ​ശ്യ​മു​ണ്ടെന്നു മനസ്സി​ലാ​ക്കി. എന്നാൽ ആദ്യമാ​യി ഈ ദമ്പതി​മാർ ആ ഭാഷ പഠി​ക്കേ​ണ്ട​തു​ണ്ടാ​യി​രു​ന്നു. അതു​കൊണ്ട്‌, മാൻഡ​റിൻ സംസാ​രി​ക്കുന്ന ഒരു സർവക​ലാ​ശാ​ലാ വിദ്യാർഥി​യു​മാ​യി അവർ ബന്ധപ്പെട്ടു. അവരെ ഭാഷ പഠിപ്പി​ക്കാ​നും അതേസ​മയം അവരിൽനി​ന്നു ബൈബിൾ സത്യങ്ങൾ പഠിക്കാ​നും അദ്ദേഹം സമ്മതിച്ചു. എന്തൊരു ഒത്തിണ​ങ്ങിയ സാഹച​ര്യം! 24 മാസങ്ങൾക്കൊണ്ട്‌ ആ അർപ്പിത രാജ്യ​ഘോ​ഷകർ ഇരുവ​രും മാൻഡ​റിൻ ഭാഷയിൽ പഠിപ്പി​ക്കാൻ പ്രാപ്‌ത​രാ​യി. അതേസ​മയം അവരുടെ അധ്യാ​പകൻ/വിദ്യാർഥി ക്രിസ്‌തീയ സ്‌നാ​പ​ന​ത്തി​നുള്ള യോഗ്യത നേടി.

സ്‌നേ​ഹ​ത്താൽ പ്രേരി​ത​രാ​യി, പോളീഷ്‌, റഷ്യൻ, വിയറ്റ്‌നാ​മീസ്‌ എന്നിങ്ങ​നെ​യുള്ള ഭാഷകൾ പഠിച്ച രാജ്യ​ഘോ​ഷ​ക​രുള്ള മറ്റു നഗരങ്ങ​ളും സമാന​മായ അനുഭ​വങ്ങൾ ആസ്വദി​ക്കു​ന്നു.

റോഡിൽ: ഒറ്റയ്‌ക്കു യാത്ര​ചെ​യ്‌തി​രുന്ന കഴിഞ്ഞ നൂറ്റാ​ണ്ടി​ലെ പോണി എക്‌സ്‌പ്രസ്‌ സവാരി​ക്കാ​രെ​പ്പോ​ലെ, ബ്രിട്ടീഷ്‌ കൊളം​ബി​യ​യു​ടെ ഉൾഭാ​ഗ​ത്തുള്ള ചില രാജ്യ​ഘോ​ഷകർ ഒറ്റക്കാണ്‌ യാത്ര ചെയ്യു​ന്നത്‌. തടിമി​ല്ലു​ക​ളി​ലേക്ക്‌ കാട്ടു​പ്ര​ദേ​ശ​ങ്ങ​ളി​ലൂ​ടെ തടിനി​റച്ച കൂറ്റൻ ട്രക്കുകൾ ഓടി​ച്ചു​കൊണ്ട്‌ തങ്ങളുടെ സമയത്തി​ന്റെ നല്ലൊ​രു​ഭാ​ഗം അവർ ലൗകിക തൊഴി​ലിൽ ചെലവ​ഴി​ക്കു​ന്നു. ഗതാഗത തിരക്കി​നെ​യും റോഡി​ലെ അപകട​ങ്ങ​ളെ​യും കുറിച്ച്‌ ആശയവി​നി​യമം നടത്തി​ക്കൊണ്ട്‌ അവർ മറ്റു ട്രക്ക്‌ ഡ്രൈ​വർമാ​രു​മാ​യി സിബി (സിറ്റിസൺ ബാൻഡ്‌) റേഡി​യോ​യി​ലൂ​ടെ നിരന്തരം ബന്ധപ്പെ​ടേ​ണ്ട​തുണ്ട്‌.

ഈ രാജ്യ​ഘോ​ഷകർ തങ്ങളുടെ സിബി റേഡി​യോ​കൾ അതുല്യ​മാ​യൊ​രു വിധത്തിൽ ഉപയോ​ഗി​ക്കു​ന്നു. സിബി-യിലൂടെ നടപ്പു​സം​ഭ​വ​ങ്ങ​ളെ​ക്കു​റി​ച്ചു പറഞ്ഞു​കൊണ്ട്‌ അവർ ചർച്ചയ്‌ക്കു തുടക്കം കുറി​ക്കു​ന്നു. എന്നിട്ട്‌ സമർഥ​മാ​യി ബൈബി​ളി​ലേക്കു ശ്രദ്ധക്ഷ​ണി​ക്കു​ന്നു. മരിച്ച​വർക്കുള്ള പ്രത്യാ​ശ​യെ​ക്കു​റിച്ച്‌ ബൈബിൾ പറയു​ന്ന​തി​നോട്‌ ഒരിക്കൽ ഒരു സഹ ട്രക്ക്‌ ഡ്രൈവർ പ്രതി​ക​രി​ച്ചു. (യോഹ​ന്നാൻ 5:28, 29; പ്രവൃ​ത്തി​കൾ 24:15) ഒരു ഹൈ​വേ​യിൽവെച്ചു നടന്ന അപകട​ത്തിൽ ഒരു സഹ​ഡ്രൈവർ മരിച്ചത്‌ അദ്ദേഹത്തെ ആഴമായി ബാധി​ച്ചി​രു​ന്നു. അദ്ദേഹം കൃതജ്ഞ​താ​പൂർവം ബൈബി​ള​ധ്യ​യനം സ്വീക​രി​ച്ചു. ഇപ്പോൾ അദ്ദേഹം സഹജോ​ലി​ക്കാ​രോ​ടും സുഹൃ​ത്തു​ക്ക​ളോ​ടും സുവാർത്ത ഘോഷി​ക്കു​ന്നു. അതിനു​പു​റമേ, മരിച്ചു​പോയ തന്റെ സുഹൃ​ത്തി​ന്റെ വിധവ​യു​മാ​യി ഒരു ബൈബി​ള​ധ്യ​യനം ആരംഭി​ച്ചി​രി​ക്കു​ന്നത്‌ അദ്ദേഹ​ത്തി​നു സന്തോഷം നൽകുന്നു. ഈ അസാധാ​രണ വിധത്തിൽ സത്യത്തി​ന്റെ ജീവദാ​യക സന്ദേശം അവതരി​പ്പി​ക്കാൻ മുൻ​കൈ​യെ​ടു​ത്ത​തി​ന്റെ എത്ര നല്ല ഫലം!

വായു​മാർഗം: സത്യത്തി​ന്റെ അമൂല്യ സന്ദേശം ഘോഷി​ക്കുന്ന കാര്യം​വ​രു​മ്പോൾ തീക്ഷ്‌ണ​ത​യുള്ള രാജ്യ​ഘോ​ഷകർ ആളുകൾ ഉള്ളത്‌ എവി​ടെ​യാ​യാ​ലും അവിടെ പോകു​ന്നു. അവർ ചെറിയ വിമാ​ന​ങ്ങ​ളിൽ ‘ഗ്രാമ​ങ്ങ​ളിൽ കടക്കുന്നു.’ (മത്തായി 10:11, 12) സുവാർത്ത ഘോഷി​ക്കാ​നുള്ള തീക്ഷ്‌ണ​ത​യാൽ പ്രേരി​ത​രാ​യി രണ്ടു വിമാന സംഘങ്ങൾ കുറച്ചു​കാ​ലം മുമ്പ്‌ സ്വന്തം ചെലവിൽ വിശാ​ല​മായ ഊഷര തുന്ദ്രാ​യി​ലെ ചിതറി​പ്പാർക്കുന്ന ആളുക​ളു​ടെ അടു​ത്തേക്കു പറന്നു. ഓരോ വിമാന സംഘവും ഏതാണ്ട്‌ 3,000 കിലോ​മീ​റ്റർ സഞ്ചരിച്ച്‌ 14 വ്യത്യസ്‌ത ജനസമൂ​ഹങ്ങൾ വസിക്കു​ന്നി​ടത്ത്‌ ഇറങ്ങി. അവർ ഉത്തര​ധ്രു​വ​രേ​ഖ​യ്‌ക്ക്‌ 250 കിലോ​മീ​റ്റർ അടു​ത്തെത്തി. അതിവി​ദൂ​ര​ത​യിൽ ഒറ്റപ്പെ​ട്ടു​കി​ട​ക്കുന്ന ആളുകളെ സമീപി​ക്കാ​നാ​യി ഈ അക്ഷീണ ഘോഷകർ ഏഴു ദിവസം മുഴു​വ​നും വിനി​യോ​ഗി​ച്ചു.

അതെല്ലാം മൂല്യ​വ​ത്താ​യി​രു​ന്നോ? ആ ജനസമൂ​ഹ​ങ്ങ​ളു​ടെ​മേൽ ബൈബിൾ സന്ദേശ​ത്തി​നു​ണ്ടാ​യി​രുന്ന ക്രിയാ​ത്മക ഫലത്തെ​ക്കു​റി​ച്ചൊ​ന്നു ചിന്തി​ക്കുക. സമീപ ഭാവി​യി​ലെ ഒരു പറുദീ​സാ​ഭൂ​മി​യെ​ക്കു​റി​ച്ചുള്ള യഹോ​വ​യു​ടെ ഉദ്ദേശ്യം ഈ സന്ദർശക ശുശ്രൂ​ഷകർ വിവരി​ച്ച​പ്പോൾ ജീവത്‌പ്ര​ധാ​ന​മാ​യൊ​രു ആത്മീയ ആവശ്യം നിറ​വേ​റ്റാൻ അവർ സഹായി​ക്കു​ക​യാ​യി​രു​ന്നു. (മത്തായി 5:3) ആ സന്ദേശ​വാ​ഹകർ തിരി​ച്ചു​പോ​യി വളരെ നാളു​കൾക്കു​ശേ​ഷ​വും, ആ സമൂഹ​ങ്ങ​ളി​ലെ ആത്മാർഥ​ഹൃ​ദ​യ​രാ​യ​വർക്ക്‌, തങ്ങൾക്കു കിട്ടിയ, ബൈബി​ളും ബൈബിൾ പഠനസ​ഹാ​യി​ക​ളും ഉൾപ്പെ​ടെ​യുള്ള 542 പുസ്‌ത​ക​ങ്ങ​ളിൽനി​ന്നും 3,000 മാസി​ക​ക​ളിൽനി​ന്നും രാജ്യ​സ​ത്യം വായി​ച്ച​റി​യാൻ കഴിയു​മാ​യി​രു​ന്നു.—പ്രവൃ​ത്തി​കൾ 12:24 താരത​മ്യം ചെയ്യുക.

ടെല​ഫോ​ണി​ലൂ​ടെ: ആയിര​ക്ക​ണ​ക്കി​നു നഗരവാ​സി​കൾ സങ്കീർണ​മായ സുരക്ഷി​തത്വ സംവി​ധാ​ന​ങ്ങ​ളുള്ള അംബര​ചും​ബി​ക​ളായ ബഹുശാ​ലാ​ഭ​വ​ന​ങ്ങ​ളിൽ താമസി​ക്കു​ന്നു. എന്നിരു​ന്നാ​ലും സമർപ്പിത രാജ്യ​ഘോ​ഷകർ തീക്ഷ്‌ണ​ത​യോ​ടെ​യും വിവേ​ക​ത്തോ​ടെ​യും മുന്നേ​റി​യി​രി​ക്കു​ന്നു. അവർക്ക്‌ ആ ആളുകൾ താമസി​ക്കു​ന്നി​ട​ങ്ങ​ളിൽ എങ്ങനെ പോകാൻ സാധി​ക്കും? ആളുക​ളോ​ടു നേരിട്ടു സംസാ​രി​ക്കാ​നാണ്‌ കൂടുതൽ ഇഷ്ടപ്പെ​ടു​ന്ന​തെ​ങ്കി​ലും, മിക്ക​പ്പോ​ഴും ലോബി​യി​ലുള്ള ഇൻറർകോം ഫലപ്ര​ദ​മാ​യി ഉപയോ​ഗി​ക്കു​ന്നു. അത്‌ സാധ്യ​മ​ല്ലാ​ത്ത​പ്പോൾ ടെല​ഫോൺ ഡയറക്ടറി നോക്കി ആളുകളെ ഫോണിൽ വിളി​ക്കു​ന്നു.

ഒരു പ്രഭാ​ത​ത്തിൽ പ്രായ​മായ ഒരു സ്‌ത്രീ ടെല​ഫോ​ണെ​ടു​ത്തു. ഹ്രസ്വ​വും മര്യാ​ദ​യോ​ടു​കൂ​ടി​യ​തു​മായ ഒരു അഭിവാ​ദ​ന​ത്തി​നു​ശേഷം, ആളുകൾക്കു രാത്രി​യിൽ തെരു​വി​ലൂ​ടെ സുരക്ഷി​ത​രാ​യി നടക്കാൻ കഴിയുന്ന ഒരു കാലം വരു​മെന്നു തോന്നു​ന്നു​ണ്ടോ​യെന്ന്‌ അവരോ​ടു ചോദി​ച്ചു. ഭാവി​യിൽ സമൃദ്ധ​മായ സമാധാ​ന​മു​ണ്ടാ​യി​രി​ക്കു​മെന്ന്‌ അവർക്ക്‌ ഉറപ്പു​നൽകാ​നാ​യി തിരു​വെ​ഴു​ത്തു​കൾ വായിച്ചു കേൾപ്പി​ച്ചു. (സങ്കീർത്തനം 37:10, 11; ദാനീ​യേൽ 2:44; മത്തായി 6:9, 10) ദൈവ​ത്തി​ന്റെ വാഗ്‌ദാ​ന​ത്തിൽ നമു​ക്കെ​ന്തു​കൊ​ണ്ടു വിശ്വ​സി​ക്കാ​നാ​കു​മെന്ന്‌ ചർച്ച​ചെ​യ്യാൻ തുടർന്നു​വ​രുന്ന ആഴ്‌ച അതേ സമയത്ത്‌ ഒരു ടെല​ഫോൺ സംഭാ​ഷണം നടത്താ​മെന്ന്‌ അവർ സമ്മതിച്ചു. ബൈബിൾപഠന സഹായി​യിൽനി​ന്നുള്ള ഖണ്ഡികകൾ വായി​ക്കു​ക​യും ഉചിത​മായ ചോദ്യ​ങ്ങൾ ചോദി​ക്കു​ക​യും ചെയ്‌തു​കൊണ്ട്‌ ഒരു മാസക്കാ​ലം ടെല​ഫോ​ണി​ലൂ​ടെ ബൈബിൾ പഠിപ്പി​ച്ചു​ക​ഴി​ഞ്ഞ​പ്പോൾ, ഓരോ ആഴ്‌ച​യും വ്യത്യ​സ്‌ത​ങ്ങ​ളായ നിരവധി ആശയങ്ങൾ അവതരി​പ്പി​ച്ച​തിന്‌ ആ സ്‌ത്രീ രാജ്യ​ഘോ​ഷ​കനെ അഭിന​ന്ദി​ച്ചു. അധ്യയന പുസ്‌ത​ക​ത്തെ​ക്കു​റി​ച്ചു വിവരി​ച്ചു​കൊണ്ട്‌ അവർക്ക്‌ വ്യക്തി​പ​ര​മായ ഒരു പ്രതി വാഗ്‌ദാ​നം ചെയ്യാ​നുള്ള അവസര​മാ​യി​രു​ന്നു അത്‌. എന്നിട്ട്‌ ഇരുവ​രും തമ്മിൽ നേരിട്ടു കണ്ടുമു​ട്ടാ​നുള്ള ക്രമീ​ക​രണം ചെയ്‌തു. തീർച്ച​യാ​യും, യഹോ​വ​യു​ടെ സാക്ഷികൾ ആളുക​ളോ​ടുള്ള തങ്ങളുടെ സ്‌നേഹം പ്രകട​മാ​ക്കി​യി​രി​ക്കു​ന്നു. യഹോവ ഈ ക്രിസ്‌തീയ പ്രസം​ഗ​ക​രോ​ടൊ​പ്പ​മു​ണ്ടെന്ന്‌ മനസ്സി​ലാ​ക്കി​ക്കൊണ്ട്‌ ആളുകൾ പ്രതി​ക​രി​ക്കു​ക​യും ചെയ്യുന്നു.—1 കൊരി​ന്ത്യർ 14:25 താരത​മ്യം ചെയ്യുക.

അച്ചടിച്ച താളു​ക​ളി​ലൂ​ടെ: മുഖ്യ​മാ​യും ഫ്രഞ്ചു സംസാ​രി​ക്കുന്ന ക്യൂ​ബെക്ക്‌ പ്രവി​ശ്യ​യി​ലുള്ള രാജ്യ​ഘോ​ഷ​ക​രും ആളുകൾ ഉള്ളിട​ത്തേക്കു പോകു​ന്നു. ഒരു സഞ്ചാര​ശു​ശ്രൂ​ഷകൻ ഇങ്ങനെ അഭി​പ്രാ​യ​പ്പെട്ടു: “പള്ളിയിൽനി​ന്നുള്ള ശക്തമായ എതിർപ്പു​നി​മി​ത്തം യാതൊ​രു പുരോ​ഗ​തി​യു​മി​ല്ലെന്ന്‌ വർഷങ്ങ​ളാ​യി സഹോ​ദ​ര​ന്മാർ വിചാ​രി​ച്ചി​രു​ന്നു. എന്നിരു​ന്നാ​ലും, സഹോ​ദ​രീ​സ​ഹോ​ദ​ര​ന്മാ​രു​ടെ അക്ഷീണ വേലയും ആവർത്തി​ച്ചുള്ള സന്ദർശ​ന​ങ്ങ​ളും നിമിത്തം, ഒരു ന്യൂന​പക്ഷം മാത്രം വായി​ച്ചി​രുന്ന, പ്രാ​യോ​ഗി​ക​മാ​യി പറഞ്ഞാൽ അജ്ഞാത​മാ​യി​രുന്ന ബൈബിൾ ഇന്നു മിക്ക ഭവനങ്ങ​ളി​ലു​മുണ്ട്‌.”

വൈദ്യ​ശാ​സ്‌ത്ര സമൂഹം ഉൾപ്പെടെ, ക്യൂ​ബെക്ക്‌ സമൂഹ​ത്തി​ന്റെ സമസ്‌ത തലങ്ങളിൽനി​ന്നും പുതിയ പ്രസം​ഗകർ എത്തിയ​തോ​ടെ പുളക​പ്ര​ദ​മായ ഫലങ്ങൾ ആസ്വദി​ക്കാൻ കഴിയു​ന്നു. ഒരു ഡോക്ട​റു​ടെ കാര്യ​ത്തിൽ അതാണു സംഭവി​ച്ചത്‌. രാജ്യ​ഘോ​ഷ​ക​യാ​യി​രുന്ന ഭാര്യ ബൈബി​ളി​ലെ പ്രത്യാ​ശ​യെ​ക്കു​റിച്ച്‌ അദ്ദേഹ​വു​മാ​യി കൂടെ​ക്കൂ​ടെ ചർച്ച​ചെ​യ്യു​മാ​യി​രു​ന്നു. ജാഗരൂ​ക​നായ ഒരു സഭാമൂ​പ്പൻ രക്തത്തിനു നിങ്ങളു​ടെ ജീവനെ എങ്ങനെ രക്ഷിക്കാൻ കഴിയും? എന്ന ലഘുപ​ത്രിക പഠിക്കുന്ന സമയത്ത്‌ സഭാ​യോ​ഗ​ത്തി​നു വരാൻ ഡോക്ടറെ ക്ഷണിച്ചു. അദ്ദേഹം വരിക​മാ​ത്രമല്ല പങ്കെടു​ക്കു​ക​യും ചെയ്‌തു. ചർച്ചക​ളു​ടെ നിലവാ​ര​ത്തി​ലും ആത്മീയ അഗാധ​ത​യി​ലും മതിപ്പു​തോ​ന്നിയ അദ്ദേഹം വ്യക്തി​പ​ര​മായ ഒരു ബൈബി​ള​ധ്യ​യനം സ്വീക​രി​ച്ചു. ഇപ്പോൾ അദ്ദേഹ​വും ഒരു രാജ്യ​ഘോ​ഷ​ക​നാണ്‌.

ആളുകളെ ബൈബി​ളി​ലേക്ക്‌ ആകർഷി​ക്കു​ന്ന​തിൽ മാസി​ക​ക​ളു​ടെ ഫലപ്ര​ദ​മായ ഉപയോ​ഗം ഒരു സുപ്ര​ധാന പങ്കുവ​ഹി​ച്ചി​ട്ടുണ്ട്‌. ഒരുവനെ സത്യത്തി​ലേക്ക്‌ ആകർഷി​ക്കുന്ന ഘടകമാ​യി വർത്തി​ക്കു​ന്നത്‌ ഏതു ലേഖന​മാ​യി​രി​ക്കു​മെന്ന്‌ ആർക്കും ഒരിക്ക​ലും പറയാ​നാ​വില്ല. സന്ദേശം ശ്രദ്ധി​ക്കാൻ ആഗ്രഹി​ക്കാഞ്ഞ, എന്നാൽ ഷഡ്‌പദ ലോക​ത്തെ​ക്കു​റി​ച്ചുള്ള കാര്യ​ങ്ങ​ളിൽ താത്‌പ​ര്യ​മു​ണ്ടാ​യി​രുന്ന ഒരു അയൽക്കാ​രിക്ക്‌ ഒരു രാജ്യ​ഘോ​ഷക ഉണരുക!യുടെ ഒരു ലക്കം നൽകി. 1992 നവംബർ 22 ഉണരുക!യിലെ (ഇംഗ്ലീഷ്‌) “ചാഗസ്‌ രോഗം—മരണത്തി​ന്റെ ചുംബനം” എന്ന ലേഖന​ത്തി​ലെ ചിത്രം അവരിൽ താത്‌പ​ര്യ​മു​ള​വാ​ക്കി. താൻ വായി​ച്ച​തിൽ മതിപ്പു​തോ​ന്നിയ അവർ കൂടുതൽ മാസി​കകൾ ചോദി​ച്ചു. ഒരു ബൈബി​ള​ധ്യ​യനം ആരംഭി​ച്ചു. ആറുമാ​സ​ത്തി​നു​ള്ളിൽ അവർ മറ്റുള്ള​വ​രോട്‌ സാക്ഷീ​ക​രി​ച്ചു തുടങ്ങി.

പൊതു​സ്ഥ​ല​ങ്ങ​ളി​ലേക്ക്‌: കാനഡ​യി​ലെ നിയമം വിമാ​ന​ത്താ​വളം പോ​ലെ​യുള്ള പൊതു​സ്ഥ​ല​ങ്ങ​ളിൽ സംസാ​ര​സ്വാ​ത​ന്ത്ര്യം അനുവ​ദി​ക്കു​ന്നു. ഹാലി​ഫസ്‌ അന്തർദേ​ശീയ വിമാ​ന​ത്താ​വ​ള​ത്തിൽ, ഫ്‌​ളൈ​റ്റു​കൾക്കി​ട​യ്‌ക്കുള്ള സമയത്ത്‌ രാജ്യ​ഘോ​ഷകർ വിവേ​ക​പൂർവം യാത്ര​ക്കാ​രെ സമീപിച്ച്‌ സംഭാ​ഷ​ണ​ത്തി​ലേർപ്പെ​ടു​ന്നു. സംഭാ​ഷ​ണത്തെ ബൈബി​ളി​ലേക്കു നയിക്കാൻ കാലോ​ചി​ത​മായ മാർഗ​നിർദേശക ചോദ്യ​ങ്ങൾ ഉപയോ​ഗി​ക്കു​ന്നു. പോക്കറ്റ്‌ ബൈബി​ളും സാഹി​ത്യ​ങ്ങ​ളും കൂടെ​ക​രു​തു​ന്ന​തി​നാൽ അവർക്ക്‌ ആത്മീയ ആവശ്യ​ങ്ങ​ളോ​ടു പ്രതി​ക​രി​ക്കാൻ കഴിയു​ന്നു. അനേകർ ഈ വിധത്തിൽ രാജ്യ​സ​ന്ദേശം കേൾക്കു​ക​യും ഉൾനട​പ്പെട്ട സത്യത്തി​ന്റെ വിത്തു​ക​ളു​മാ​യി വിദൂര സ്ഥലങ്ങളി​ലേക്കു പോകു​ക​യും ചെയ്‌തി​ട്ടുണ്ട്‌. അവരിൽ ശസ്‌ത്ര​ക്രി​യാ വിദഗ്‌ധർ, ശാസ്‌ത്ര​ജ്ഞ​ന്മാർ, അഭിഭാ​ഷകർ, പൈല​റ്റു​മാർ, പുരോ​ഹി​ത​ന്മാർ, പൊലീ​സു​കാർ, ടാക്‌സി ഡ്രൈ​വർമാർ, എഞ്ചിനീ​യർമാർ, അധ്യാ​പകർ, പട്ടാള​ക്കാർ, വിദേശ രാജ്യ​ങ്ങ​ളിൽനി​ന്നുള്ള രാഷ്‌ട്രീ​യ​ക്കാർ എന്നിവർ ഉൾപ്പെ​ടു​ന്നു.—കൊ​ലൊ​സ്സ്യർ 1:6.

അതിരാ​വി​ലെ വിമാ​ന​ത്താ​വ​ള​ത്തിൽവെച്ച്‌ ഒരു മനുഷ്യൻ വീക്ഷാ​ഗോ​പു​രം, ഉണരുക! മാസി​കകൾ സ്വീക​രി​ച്ചു. എന്നിട്ട്‌ ശാന്തമാ​യി താഴ്‌ന്ന സ്വരത്തിൽ അദ്ദേഹം പറഞ്ഞു: “ഹോ, യഹോ​വ​യു​ടെ സാക്ഷി​ക​ളോ!” അത്തര​മൊ​രു പ്രതി​ക​ര​ണ​ത്തി​നു കാരണ​മെ​ന്താ​യി​രു​ന്നു? ഒരു മുസ്ലീം മതഭക്ത​നാ​യി​രുന്ന അദ്ദേഹം അൽപ്പസ​മയം മുമ്പ്‌ വിമാ​ന​ത്താ​വ​ള​ത്തി​ലെ പള്ളിയിൽ പ്രാർഥി​ക്കു​ക​യാ​യി​രു​ന്നു. തനിക്ക്‌ ജ്ഞാനവും ഉൾക്കാ​ഴ്‌ച​യും സത്യവും കാണി​ച്ചു​ത​ര​ണ​മെന്ന്‌ അദ്ദേഹം ദൈവ​ത്തോ​ടു യാചിച്ചു. തന്റെ പ്രാർഥ​ന​യ്‌ക്കുള്ള തത്‌ക്ഷണ ഉത്തരം യഹോ​വ​യു​ടെ സാക്ഷി​ക​ളാ​യി​രു​ന്നു​വെന്ന ചിന്ത അദ്ദേഹത്തെ ആശ്ചര്യ​ഭ​രി​ത​നാ​ക്കി.

രാജ്യ​ത്തെ​ക്കു​റി​ച്ചുള്ള അമൂല്യ സന്ദേശം അറിയി​ക്കു​ന്ന​തിൽനി​ന്നു തങ്ങളെ തടയാൻ കാനഡ​യി​ലെ ധൈര്യ​ശാ​ലി​ക​ളായ രാജ്യ​ഘോ​ഷകർ തീർച്ച​യാ​യും യാതൊ​ന്നി​നെ​യും അനുവ​ദി​ക്കു​ന്നില്ല. വിദേശ ഭാഷയോ കുണ്ടും കുഴി​യും ചെളി​യു​മുള്ള റോഡു​ക​ളോ ഒറ്റപ്പെ​ട്ടു​കി​ട​ക്കുന്ന സമൂഹ​ങ്ങ​ളോ സങ്കീർണ സുരക്ഷി​തത്വ സംവി​ധാ​ന​ങ്ങ​ളുള്ള നഗരത്തി​ലെ ബഹുശാ​ലാ ഭവനങ്ങ​ളോ തങ്ങൾക്കു പ്രതി​ബ​ന്ധ​മാ​കാൻ അവർ അനുവ​ദി​ക്കു​ന്നില്ല. ദൈവ​ത്തിൽനി​ന്നുള്ള ജീവസ​ന്ദേശം ആത്മാർഥ​ഹൃ​ദ​യ​രായ സത്യാ​ന്വേ​ഷി​കൾക്ക്‌ എത്തിച്ചു​കൊ​ടു​ക്കാൻ അവർ ദൃഢനി​ശ്ച​യ​മു​ള്ള​വ​രാണ്‌. സഹവേ​ല​ക്കാ​രു​ടെ ലോക​വ്യാ​പക സഹോ​ദ​ര​വർഗ​ത്തോ​ടൊ​പ്പം അവർ, ‘പോയി ശിഷ്യരെ ഉളവാക്കാ’നുള്ള യേശു​വി​ന്റെ കൽപ്പന നിസ്വാർഥ​മാ​യി അനുസ​രി​ക്കു​ന്നു.

[അടിക്കു​റി​പ്പു​കൾ]

[27-ാം പേജിലെ ചതുരം]

വിജയ​പ്ര​ദ​രായ രാജ്യ​ഘോ​ഷകർ ടെല​ഫോൺ ഉപയോ​ഗി​ക്കു​ന്നു

ചിലർ ഇങ്ങനെ പറഞ്ഞി​ട്ടുണ്ട്‌: “ഹലോ, എന്റെ പേര്‌ [പേരു പറയുക]. എങ്ങനെ സമാധാ​നം നേടാ​നാ​കു​മെന്ന്‌ നിങ്ങളു​ടെ കെട്ടി​ട​ത്തി​ലുള്ള ആളുക​ളു​മാ​യി ഞാൻ ചുരു​ക്ക​മാ​യി സംസാ​രി​ക്കു​ക​യാ​യി​രു​ന്നു. എന്നെങ്കി​ലും ലോക​വ്യാ​പ​ക​മാ​യി സമാധാ​ന​മു​ണ്ടാ​കു​മെന്ന്‌ നിങ്ങൾ കരുതു​ന്നു​ണ്ടോ? [പ്രതി​ക​രി​ക്കാൻ അനുവ​ദി​ക്കുക.] പേടി​ക്കാ​നൊ​ന്നു​മില്ല, ഞാൻ ഒരു സർവേ നടത്തു​ക​യോ എന്തെങ്കി​ലും വിൽക്കു​ക​യോ ഒന്നുമല്ല. മറിച്ച്‌, ദൈവം വാസ്‌ത​വ​മാ​യും സമാധാ​നം കൊണ്ടു​വ​രു​മെന്ന വിശുദ്ധ തിരു​വെ​ഴു​ത്തു​ക​ളിൽനി​ന്നുള്ള ആശയം ഞാൻ പങ്കു​വെ​ക്കു​ക​യാണ്‌.” എന്നിട്ട്‌ ഹ്രസ്വ​മാ​യൊ​രു തിരു​വെ​ഴു​ത്തു ചർച്ചയി​ലൂ​ടെ സംഭാ​ഷണം തുടരാ​വു​ന്ന​താണ്‌.

മറ്റുചി​ലർ ഇങ്ങനെ പറഞ്ഞി​രി​ക്കു​ന്നു: “നമസ്‌ക്കാ​രം. എന്റെ പേര്‌ [പേരു പറയുക]. ഞാൻ നിങ്ങളു​ടെ പ്രദേ​ശ​ത്തുള്ള ഒരു സന്നദ്ധ​സേ​വ​ക​നാണ്‌. നിങ്ങളു​ടെ കെട്ടി​ട​ത്തിൽ താമസി​ക്കുന്ന ആളുക​ളു​ടെ അഭി​പ്രാ​യങ്ങൾ ഞാൻ ആരായു​ക​യാണ്‌. നമ്മുടെ പ്രദേ​ശത്ത്‌ അക്രമങ്ങൾ കുതി​ച്ചു​യ​രു​ന്ന​തി​നാൽ അനേകർ തങ്ങളുടെ വ്യക്തിഗത സുരക്ഷി​ത​ത്വ​ത്തെ​ക്കു​റിച്ച്‌ ഉത്‌ക​ണ്‌ഠ​യു​ള്ള​വ​രാണ്‌. അത്‌ നിങ്ങൾക്കും ഉത്‌ക​ണ്‌ഠ​യു​ള​വാ​ക്കു​ന്നു​ണ്ടോ? [പ്രതി​ക​രി​ക്കാൻ അനുവ​ദി​ക്കുക.] മുഴു​ലോ​ക​വും സുരക്ഷി​ത​ത്വം അനുഭ​വി​ക്കുന്ന ഒരു കാലം എന്നെങ്കി​ലും വരു​മെന്നു നിങ്ങൾ കരുതു​ന്നു​ണ്ടോ?” മറുപടി പറയാൻ അനുവ​ദി​ച്ചിട്ട്‌ തിരു​വെ​ഴു​ത്തു സന്ദേശം ചർച്ച​ചെ​യ്‌തു​കൊണ്ട്‌ സംഭാ​ഷണം തുടരുക.