കുടും​ബം—അടിയ​ന്തിര സാഹച​ര്യ​ത്തിൽ!

“അതിനു​ശേഷം അവർ എന്നെന്നും സന്തോ​ഷ​ത്തോ​ടെ ജീവിച്ചു.” പഴങ്കഥ​ക​ളി​ലെ ആ അവസാന വാക്കുകൾ ബാധക​മാ​കുന്ന വിവാ​ഹ​ബ​ന്ധങ്ങൾ ഇക്കാലത്ത്‌ തീരെ കുറഞ്ഞു​കൊ​ണ്ടി​രി​ക്കു​ക​യാണ്‌. ‘ഇരുവ​രും ജീവി​ച്ചി​രി​ക്കു​ന്നി​ട​ത്തോ​ളം കാലം, സുഖത്തി​ലും ദുഃഖ​ത്തി​ലും’ പരസ്‌പരം സ്‌നേ​ഹി​ച്ചു​കൊ​ള്ളാ​മെന്ന വിവാഹ വാഗ്‌ദാ​നം മിക്ക​പ്പോ​ഴും ഒരു ജൽപ്പനം മാത്ര​മാണ്‌. ഒരു സന്തുഷ്ട കുടും​ബം ഉണ്ടായി​രി​ക്കാ​നുള്ള സാധ്യത അതി​നെ​തി​രായ സാധ്യ​ത​യു​മാ​യുള്ള ഒരു ചൂതാ​ട്ടം​പോ​ലെ തോന്നു​ന്നു.

മിക്ക പാശ്ചാത്യ വ്യവസാ​യ​വ​ത്‌കൃത രാജ്യ​ങ്ങ​ളി​ലും 1960-നും 1990-നും ഇടയ്‌ക്ക്‌ വിവാ​ഹ​മോ​ചന നിരക്ക്‌ ഇരട്ടി​യി​ല​ധി​ക​മാ​യി. ചില രാജ്യ​ങ്ങ​ളിൽ അതു നാലി​ര​ട്ടി​യാ​യി. ദൃഷ്ടാ​ന്ത​ത്തിന്‌, സ്വീഡ​നിൽ ഓരോ വർഷവും ഏകദേശം 35,000 വിവാ​ഹങ്ങൾ നടക്കുന്നു. അതിൽ പകുതി​യും തകരുന്നു, 45,000-ത്തിലധി​കം കുട്ടി​കളെ അതു ബാധി​ക്കു​ക​യും ചെയ്യുന്നു. വിവാഹം കൂടാതെ ഒരുമി​ച്ചു പാർക്കുന്ന മിഥു​ന​ങ്ങ​ളു​ടെ ഇടയി​ലാ​കട്ടെ തകരുന്ന ബന്ധങ്ങൾ കൂടു​ത​ലാണ്‌. ഇത്‌ പതിനാ​യി​ര​ക്ക​ണ​ക്കി​നു കുട്ടി​ക​ളെ​യാ​ണു ബാധി​ക്കു​ന്നത്‌. 5-ാം പേജിലെ ചതുര​ത്തിൽനി​ന്നു കാണാ​വു​ന്ന​തു​പോ​ലെ, ലോക​ത്തെ​മ്പാ​ടു​മുള്ള രാജ്യ​ങ്ങ​ളിൽ സമാന​മായ ഒരു പ്രവണത ഉയർന്നു​വ​രു​ന്നു.

കുടും​ബ​ങ്ങൾ തകരു​ന്ന​തും വിവാ​ഹ​ബ​ന്ധങ്ങൾ വേർപി​രി​യു​ന്ന​തും ചരി​ത്ര​ത്തിൽ ഒരു പുതിയ കാര്യ​മ​ല്ലെ​ന്നു​ള്ളതു സത്യമാണ്‌. ബാബി​ലോ​നി​യ​യിൽ വിവാ​ഹ​മോ​ചനം അനുവ​ദി​ക്കുന്ന നിയമങ്ങൾ പൊ.യു.മു. 18-ാം നൂറ്റാ​ണ്ടി​ലെ ‘ഹമുറാ​ബി​യു​ടെ നിയമ​സം​ഹിത’യിൽ അടങ്ങി​യി​രു​ന്നു. പൊ.യു.മു. 16-ാം നൂറ്റാ​ണ്ടിൽ പ്രാബ​ല്യ​ത്തിൽവന്ന മോ​ശൈക ന്യായ​പ്ര​മാ​ണം​പോ​ലും ഇസ്രാ​യേ​ലിൽ വിവാ​ഹ​മോ​ചനം അനുവ​ദി​ച്ചു. (ആവർത്ത​ന​പു​സ്‌തകം 24:1) എന്നിരു​ന്നാ​ലും, കുടും​ബ​ബ​ന്ധങ്ങൾ മുമ്പൊ​രി​ക്ക​ലും ഈ ഇരുപ​താം നൂറ്റാ​ണ്ടി​ലേ​തു​പോ​ലെ ദുർബ​ല​മാ​യി​രു​ന്നി​ട്ടില്ല. ഒരു പതിറ്റാ​ണ്ടു​മുമ്പ്‌, ഒരു പത്രപം​ക്തീ​കാ​രൻ ഇങ്ങനെ എഴുതി: “ഇന്നേക്ക്‌ അമ്പതു വർഷം കഴിയു​മ്പോൾ, പരമ്പരാ​ഗത അർഥത്തി​ലുള്ള കുടും​ബങ്ങൾ ഒന്നും​തന്നെ ഇല്ലാ​തെ​വ​ന്നേ​ക്കാം. അവയുടെ സ്ഥാനത്ത്‌ വ്യത്യസ്‌ത തരത്തി​ലുള്ള കൂട്ടങ്ങ​ളാ​യി​രി​ക്കാം ഉണ്ടായി​രി​ക്കുക.” അന്നുമു​ത​ലുള്ള പ്രവണ​തകൾ അദ്ദേഹ​ത്തി​ന്റെ ആശയത്തെ സ്ഥിരീ​ക​രി​ക്കു​ന്ന​താ​യി തോന്നു​ന്നു. കുടും​ബം ദ്രുത​ഗ​തി​യിൽ ക്ഷയിച്ചി​രി​ക്കു​ന്ന​തി​നാൽ, “അത്‌ അതിജീ​വി​ക്കു​മോ?” എന്ന ചോദ്യം കൂടുതൽ കൂടുതൽ പ്രസക്ത​മാ​യി​ക്കൊ​ണ്ടി​രി​ക്കു​ന്നു.

പരസ്‌പരം പറ്റിനിൽക്കാ​നും ഒരു ഏകീകൃത കുടും​ബം നിലനിർത്താ​നും ഒട്ടനവധി ദമ്പതി​കൾക്ക്‌ ഇത്രവ​ളരെ ബുദ്ധി​മുട്ട്‌ അനുഭ​വ​പ്പെ​ടു​ന്ന​തെ​ന്തു​കൊണ്ട്‌? വിവാ​ഹ​ത്തി​ന്റെ രജത-സുവർണ ജൂബി​ലി​കൾ സന്തോ​ഷ​പൂർവം ആഘോ​ഷി​ച്ചു​കൊണ്ട്‌ ചിലർ ആജീവ​നാ​ന്തം ഒരുമി​ച്ചു ജീവി​ച്ച​തി​ന്റെ രഹസ്യ​മെ​ന്താണ്‌? സാന്ദർഭി​ക​മാ​യി, പഴയ സോവി​യറ്റ്‌ റിപ്പബ്ലി​ക്കായ അസെർ​ബൈ​ജാ​നി​ലുള്ള ഒരു പുരു​ഷ​നും സ്‌ത്രീ​യും തങ്ങളുടെ 100-ാം വിവാഹ വാർഷി​കം—അവർക്ക്‌ യഥാ​ക്രമം 126-ഉം 116-ഉം വയസ്സു​ണ്ടാ​യി​രു​ന്ന​പ്പോൾ—ആഘോ​ഷി​ച്ച​താ​യി 1983-ൽ റിപ്പോർട്ടു ചെയ്യ​പ്പെട്ടു.

ഭീഷണി എന്താണ്‌?

വ്യഭി​ചാ​രം, മാനസി​ക​മോ ശാരീ​രി​ക​മോ ആയ ക്രൂരത, ഉപേക്ഷി​ക്കൽ, മദ്യാ​സക്തി, ലൈം​ഗി​ക​ജഡത, ഭ്രാന്ത്‌, ദ്വൈ​ഭാ​ര്യ​ത്വം, മയക്കു​മ​രു​ന്നാ​സക്തി എന്നിവ പല രാജ്യ​ങ്ങ​ളി​ലും നിയമ​പ​ര​മായ വിവാ​ഹ​മോ​ച​ന​ത്തി​നുള്ള ചില അടിസ്ഥാ​ന​ങ്ങ​ളാണ്‌. എന്നിരു​ന്നാ​ലും കൂടുതൽ പൊതു​വായ കാരണം, വിവാ​ഹ​ത്തോ​ടും പരമ്പരാ​ഗത കുടും​ബ​ജീ​വി​ത​ത്തോ​ടു​മുള്ള അടിസ്ഥാ​ന​പ​ര​മായ മനോ​ഭാ​വ​ത്തിന്‌, വിശേ​ഷി​ച്ചും ഈ അടുത്ത ദശകങ്ങ​ളിൽ, സമൂല​മാ​റ്റം സംഭവി​ച്ചി​രി​ക്കു​ന്നു​വെ​ന്ന​താണ്‌. ദീർഘ​കാ​ല​മാ​യി പാവന​മെന്നു കരുതി​പ്പോ​ന്നി​രുന്ന വിവാ​ഹ​ക്ര​മീ​ക​ര​ണ​ത്തോ​ടുള്ള ആദരവു മിക്കവാ​റും നഷ്ടമാ​യി​രി​ക്കു​ന്നു. സംഗീതം, ചലച്ചി​ത്രങ്ങൾ, ടെലി​വി​ഷൻ പരമ്പരകൾ, ജനപ്രിയ സാഹി​ത്യ​ങ്ങൾ എന്നിവ​യു​ടെ അത്യാ​ഗ്ര​ഹി​ക​ളായ നിർമാ​താ​ക്കൾ വ്യാജ​മായ ലൈം​ഗിക സ്വാത​ന്ത്ര്യ​ത്തെ​യും അധാർമി​ക​ത​യെ​യും അഴിഞ്ഞ നടത്ത​യെ​യും സ്വാർഥ ജീവി​ത​രീ​തി​യെ​യും മഹത്ത്വീ​ക​രി​ച്ചി​രി​ക്കു​ന്നു. ചെറു​പ്പ​ക്കാ​രു​ടെ​യും പ്രായ​മാ​യ​വ​രു​ടെ​യും മനസ്സി​നെ​യും ഹൃദയ​ത്തെ​യും ഒരു​പോ​ലെ ദുഷി​പ്പി​ച്ചി​രി​ക്കുന്ന ഒരു സംസ്‌കാ​രത്തെ അവർ പ്രോ​ത്സാ​ഹി​പ്പി​ച്ചി​രി​ക്കു​ന്നു.

ചില​പ്പോ​ഴൊ​ക്കെ വിവാ​ഹ​ബാ​ഹ്യ ബന്ധങ്ങൾ ദാമ്പത്യ​ജീ​വി​ത​ത്തി​നു ഗുണം​ചെ​യ്‌തേ​ക്കാ​മെന്ന്‌ 22 ശതമാനം അമേരി​ക്ക​ക്കാർ പറയു​ന്ന​താ​യി 1996-ലെ ഒരു അഭി​പ്രാ​യ​വോ​ട്ടെ​ടുപ്പ്‌ പ്രകട​മാ​ക്കി. സ്വീഡ​നി​ലെ ഏറ്റവും പ്രചാ​ര​മേ​റിയ പത്രങ്ങ​ളി​ലൊ​ന്നായ അഫ്‌റ്റോൺബ്ലാ​ഡെ​റ്റി​ന്റെ ഒരു പ്രത്യേക ലക്കം വിവാ​ഹ​മോ​ചനം നേടാൻ സ്‌ത്രീ​കളെ ഉദ്‌ബോ​ധി​പ്പി​ച്ചു, കാരണം “അതു സാഹച​ര്യം മെച്ച​പ്പെ​ടു​ത്തു”മത്രേ. ഏതാനും വർഷങ്ങൾ ഇടവിട്ട്‌ ഇണകളെ മാറാൻ തക്കവണ്ണം മനുഷ്യൻ പരിണാ​മ​ത്താൽ “പ്രോ​ഗ്രാം ചെയ്യ​പ്പെ​ട്ടി​രി​ക്കു​ന്നു” എന്നു​പോ​ലും ജനസമ്മ​ത​രായ ചില മനഃശാ​സ്‌ത്ര​ജ്ഞ​ന്മാ​രും നരവം​ശ​ശാ​സ്‌ത്ര​ജ്ഞ​ന്മാ​രും നിഗമനം ചെയ്‌തി​രി​ക്കു​ന്നു. മറ്റു വാക്കു​ക​ളിൽ പറഞ്ഞാൽ, വിവാ​ഹ​ബാ​ഹ്യ​ബ​ന്ധ​ങ്ങ​ളും വിവാ​ഹ​മോ​ച​ന​ങ്ങ​ളും സ്വാഭാ​വി​ക​മാ​ണെന്ന്‌ അവർ അഭി​പ്രാ​യ​പ്പെ​ടു​ന്നു. മാതാ​പി​താ​ക്ക​ളു​ടെ വിവാ​ഹ​മോ​ചനം കുട്ടി​കൾക്ക്‌ നല്ലതാ​യി​രി​ക്കാ​മെ​ന്നു​പോ​ലും ചിലർ വാദി​ക്കു​ന്നു. കാരണ​മോ, ഭാവി​യിൽ തങ്ങളു​ടെ​തന്നെ വിവാ​ഹ​മോ​ച​നത്തെ നേരി​ടാൻ അതു കുട്ടി​കളെ ഒരുക്കു​മ​ത്രേ!

പിതാ​വും മാതാ​വും കുട്ടി​ക​ളു​മുള്ള പരമ്പരാ​ഗത കുടും​ബ​ജീ​വി​തം അനേകം ചെറു​പ്പ​ക്കാ​രും മേലാൽ ആഗ്രഹി​ക്കു​ന്നില്ല. “ജീവി​ത​കാ​ലം മുഴുവൻ ഒരേ ഇണയുടെ കൂടെ ജീവി​ക്കു​ന്നത്‌ എനിക്കു സങ്കൽപ്പി​ക്കാൻപോ​ലും കഴിയില്ല” എന്നത്‌ ജനപ്രീ​തി​യാർജിച്ച ഒരു വീക്ഷണ​മാണ്‌. “വിവാഹം ക്രിസ്‌തു​മസ്സ്‌ പോ​ലെ​യാണ്‌, വെറു​മൊ​രു കെട്ടുകഥ. ഞാനതിൽ വിശ്വ​സി​ക്കു​ന്നില്ല,” 18 വയസ്സുള്ള ഒരു ഡാനിഷ്‌ ചെറു​പ്പ​ക്കാ​രൻ പറഞ്ഞു. “[പുരു​ഷ​ന്മാ​രോട്‌] ഒപ്പം ജീവിച്ച്‌ എന്തിന്‌ അവരുടെ വിഴു​പ്പ​ല​ക്ക​ണ​മെന്ന ചിന്താ​ഗതി പ്രബലമാ”ണെന്ന്‌ അയർല​ണ്ടി​ലെ ദേശീയ വനിതാ​സ​മി​തി​യി​ലെ നോറിൻ ബേൺ പറഞ്ഞു. “വെറു​തെ​പോ​യി അവരോ​ടൊ​പ്പം ആസ്വാ​ദനം പങ്കിടുക, അത്രമാ​ത്രം. . . . അതിജീ​വ​ന​ത്തിന്‌ തങ്ങൾക്കു പുരു​ഷ​ന്മാ​രു​ടെ ആവശ്യ​മി​ല്ലെന്ന്‌ അനേകം സ്‌ത്രീ​കൾ കരുതു​ന്നു.”

മാതാ​പി​താ​ക്ക​ളിൽ ഒരാൾ മാത്ര​മുള്ള കുടും​ബങ്ങൾ പെരു​കു​ന്നു

ഈ മനോ​ഭാ​വം യൂറോ​പ്പി​ലു​ട​നീ​ളം ഏകാകി​ക​ളായ അമ്മമാ​രു​ടെ എണ്ണം കുതി​ച്ചു​യ​രാൻ ഇടയാ​ക്കി​യി​രി​ക്കു​ന്നു. വിവാഹം കൂടാ​തെ​യുള്ള ഗർഭധാ​രണം ഒരു പിശക​ല്ലെന്നു കരുതുന്ന കൗമാ​ര​പ്രാ​യ​ക്കാ​രി​ക​ളാണ്‌ ഈ ഏകാകി​ക​ളായ അമ്മമാ​രിൽ ചിലർ. തങ്ങളുടെ കുട്ടി​കളെ ഒറ്റയ്‌ക്കു വളർത്താൻ ആഗ്രഹി​ക്കുന്ന സ്‌ത്രീ​ക​ളാണ്‌ മറ്റു ചിലർ. എന്നാൽ ഭൂരി​പ​ക്ഷ​വും, വിവാഹം കഴിക്കാൻ യാതൊ​രു ഉദ്ദേശ്യ​വു​മി​ല്ലാ​തെ തങ്ങളുടെ കുട്ടി​ക​ളു​ടെ പിതാ​വി​നോ​ടൊ​പ്പം കുറെ​ക്കാ​ല​ത്തേക്കു താമസി​ക്കുന്ന അമ്മമാ​രാണ്‌. “വിവാ​ഹ​ത്തി​ന്റെ അന്ത്യമോ?” എന്ന ചോദ്യ​ത്തെ അധിക​രിച്ച്‌ കഴിഞ്ഞ വർഷം ന്യൂസ്‌വീക്ക്‌ മാഗസിൻ ഒരു കവർസ്റ്റോ​റി പ്രസി​ദ്ധീ​ക​രി​ച്ചു. വിവാഹം കൂടാതെ ജനിക്കുന്ന കുട്ടി​ക​ളു​ടെ നിരക്ക്‌ യൂറോ​പ്പിൽ ദ്രുത​ഗ​തി​യിൽ വർധി​ക്കു​ന്നെ​ന്നും ആരും അത്‌ ഗൗനി​ക്കു​ന്ന​താ​യി തോന്നു​ന്നി​ല്ലെ​ന്നും അതു പ്രസ്‌താ​വി​ച്ചു. സ്വീഡ​നാ​യി​രി​ക്കാം മുൻപ​ന്തി​യിൽ. അവിടെ ജനിക്കുന്ന കുട്ടി​ക​ളിൽ പകുതി​യും അവിവാ​ഹിത മാതാ​പി​താ​ക്ക​ളു​ടേ​താണ്‌. ഡെൻമാർക്കി​ലും നോർവേ​യി​ലും അത്‌ പകുതി​യോ​ട​ടു​ത്താണ്‌. ഫ്രാൻസി​ലും ഇംഗ്ലണ്ടി​ലും ഏകദേശം മൂന്നി​ലൊ​ന്നും.

ഐക്യ​നാ​ടു​ക​ളിൽ കഴിഞ്ഞ ഏതാനും പതിറ്റാ​ണ്ടു​ക​ളി​ലാ​യി മാതാ​പി​താ​ക്കൾ ഇരുവ​രു​മുള്ള കുടും​ബ​ങ്ങ​ളു​ടെ എണ്ണം ശ്രദ്ധേ​യ​മാം​വണ്ണം കുറഞ്ഞി​രി​ക്കു​ന്നു. ഒരു റിപ്പോർട്ട്‌ ഇപ്രകാ​രം പറയുന്നു: “1960-ൽ . . . മൊത്തം കുട്ടി​ക​ളു​ടെ 9 ശതമാനം മാതാ​പി​താ​ക്ക​ളിൽ ഒരാൾ മാത്ര​മുള്ള ഭവനങ്ങ​ളിൽ ജീവി​ച്ചി​രു​ന്നു. 1990 ആയപ്പോ​ഴേ​ക്കും അത്‌ 25 ശതമാ​ന​മാ​യി കുതി​ച്ചു​യർന്നു. ഇന്ന്‌, മൊത്തം അമേരി​ക്കൻ കുട്ടി​ക​ളു​ടെ 27.1 ശതമാനം മാതാ​പി​താ​ക്ക​ളിൽ ഒരാൾ മാത്ര​മുള്ള ഭവനങ്ങ​ളി​ലാണ്‌ ജനിക്കു​ന്നത്‌, ആ എണ്ണം വർധി​ച്ചു​കൊ​ണ്ടി​രി​ക്കു​ക​യു​മാണ്‌. . . . 1970 മുതൽ, മാതാ​പി​താ​ക്ക​ളിൽ ഒരാൾ മാത്ര​മുള്ള കുടും​ബ​ങ്ങ​ളു​ടെ എണ്ണം ഇരട്ടി​യി​ല​ധി​ക​മാ​യി​ട്ടുണ്ട്‌. പരമ്പരാ​ഗത കുടും​ബം ഇന്ന്‌ കടുത്ത ഭീഷണി​യി​ലാണ്‌, അത്‌ സമൂല​നാ​ശ​ത്തി​ന്റെ വക്കിലാണ്‌ എന്ന്‌ ചില ഗവേഷകർ പറയുന്നു.”

റോമൻ കത്തോ​ലി​ക്കാ സഭയ്‌ക്ക്‌ അതിന്റെ ധാർമിക സ്വാധീ​ന​ശക്തി ഏറെയും നഷ്ടപ്പെട്ട രാജ്യ​ങ്ങ​ളിൽ മാതാ​പി​താ​ക്ക​ളിൽ ഒരാൾ മാത്ര​മുള്ള കുടും​ബങ്ങൾ വർധി​ച്ചു​വ​രി​ക​യാണ്‌. പകുതി​യിൽ താഴെ ഇറ്റാലി​യൻ കുടും​ബ​ങ്ങ​ളി​ലേ മാതാ​വും പിതാ​വും കുട്ടി​ക​ളും അടങ്ങി​യി​ട്ടു​ള്ളൂ. പരമ്പരാ​ഗത കുടും​ബങ്ങൾ മാറി തത്‌സ്ഥാ​നത്ത്‌, കുട്ടി​ക​ളി​ല്ലാത്ത ദമ്പതി​ക​ളും മാതാ​പി​താ​ക്ക​ളിൽ ഒരാൾ മാത്ര​മുള്ള കുടും​ബ​ങ്ങ​ളും ഉണ്ടായി​ക്കൊ​ണ്ടി​രി​ക്കു​ന്നു.

വാസ്‌ത​വ​ത്തിൽ ചില രാജ്യ​ങ്ങ​ളി​ലെ ക്ഷേമവ്യ​വസ്ഥ വിവാഹം കഴിക്കാ​തി​രി​ക്കാൻ ആളുകളെ പ്രോ​ത്സാ​ഹി​പ്പി​ക്കു​ന്നു. ഗവൺമെൻറ്‌ സഹായം ലഭിക്കുന്ന ഏകാകി​ക​ളായ അമ്മമാർ വിവാഹം കഴിച്ചാൽ അവർക്കു സഹായം നഷ്ടമാ​കും. ഡെൻമാർക്കി​ലെ ഏകാകി​ക​ളായ അമ്മമാർക്കു കൂടു​ത​ലായ ശിശു​സം​രക്ഷണ ഇളവുകൾ ലഭിക്കു​ന്നു. ചില സമൂഹ​ങ്ങ​ളിൽ, പ്രായ​പൂർത്തി​യാ​കാത്ത അമ്മമാർക്ക്‌ പണം കിട്ടുന്നു, അവർക്കു​വേണ്ടി വീട്ടു​വാ​ട​ക​യും അടയ്‌ക്കു​ന്നു. അതു​കൊണ്ട്‌ പണവും ഉൾപ്പെ​ട്ടി​രി​ക്കു​ന്നു. സ്വീഡ​നിൽ ഒരു വിവാ​ഹ​മോ​ചനം നടക്കു​മ്പോൾ, സാമ്പത്തിക ഇളവുകൾ, താമസ അലവൻസ്‌, സാമൂ​ഹിക സഹായം എന്നിവ​യു​ടെ രൂപത്തിൽ നികു​തി​ദാ​യ​കർക്ക്‌ 2.5 ലക്ഷംമു​തൽ 3.75 ലക്ഷംവരെ ഡോളർ നഷ്ടമാ​കു​ന്നു​വെന്ന്‌ അൽഫ്‌ ബി. സ്‌വെൻസൺ അവകാ​ശ​പ്പെ​ടു​ന്നു.

കുടും​ബ​ങ്ങ​ളി​ലെ ഈ നാശക​ര​മായ പ്രവണ​ത​യു​ടെ ഗതി തിരി​ച്ചു​വി​ടാ​നാ​യി ക്രൈ​സ്‌ത​വ​ലോ​ക​ത്തി​ലെ സഭകൾ ഒന്നും​തന്നെ ചെയ്യു​ന്നു​ണ്ടെന്നു തോന്നു​ന്നില്ല. മിക്ക പാസ്റ്റർമാ​രും പുരോ​ഹി​ത​ന്മാ​രും സ്വന്തം കുടും​ബ​പ്ര​തി​സ​ന്ധി​ക​ളു​മാ​യി മല്ലിടു​ക​യാണ്‌. അതു​കൊണ്ട്‌ മറ്റുള്ള​വരെ സഹായി​ക്കാൻ തങ്ങൾക്കാ​വി​ല്ലെന്ന്‌ അവർക്കു തോന്നു​ന്നു. ചിലർ വിവാ​ഹ​മോ​ച​ന​ത്തി​ന്റെ പ്രചാ​ര​ക​രാ​യി​പ്പോ​ലും വർത്തി​ക്കു​ന്ന​താ​യി തോന്നു​ന്നു. ഇംഗ്ലണ്ടി​ലെ ബ്രാഡ്‌ഫോർഡിൽനി​ന്നുള്ള ഒരു പാസ്റ്ററായ സ്റ്റെവൻ അലൻ ഒരു പ്രത്യേക വിവാ​ഹ​മോ​ചന ചടങ്ങ്‌ സംഘടി​പ്പി​ക്കു​ക​യും എല്ലാ ബ്രിട്ടീഷ്‌ സഭകളി​ലും അത്‌ ഒരു ഔദ്യോ​ഗിക വിവാ​ഹ​മോ​ചന ശുശ്രൂ​ഷ​യാ​യി ഉതകണ​മെന്നു നിർദേ​ശി​ക്കു​ക​യും ചെയ്‌തെന്ന്‌ 1996 ഏപ്രിൽ 15-ലെ അഫ്‌റ്റോൺബ്ലാ​ഡെറ്റ്‌ റിപ്പോർട്ടു ചെയ്‌തു. “തങ്ങൾക്കു സംഭവി​ച്ചി​രി​ക്കു​ന്നത്‌ സമ്മതി​ക്കാ​നും അതി​നോ​ടു പൊരു​ത്ത​പ്പെ​ടാ​നും ഒരുവനെ സഹായി​ക്കാ​നുള്ള ഒരു സൗഖ്യ​മാ​ക്കൽ ശുശ്രൂ​ഷ​യാ​ണിത്‌. ദൈവം ഇപ്പോ​ഴും തങ്ങളെ സ്‌നേ​ഹി​ക്കു​ന്നെ​ന്നും ദോഷ​മു​ക്ത​രാ​ക്കു​ന്നെ​ന്നും മനസ്സി​ലാ​ക്കാൻ അത്‌ അവരെ സഹായി​ക്കു​ന്നു.”

അതു​കൊണ്ട്‌ ഇന്നു കുടും​ബ​ത്തി​ന്റെ പോക്ക്‌ എങ്ങോ​ട്ടാണ്‌? അതിന്‌ അതിജീ​വന പ്രതീ​ക്ഷ​യു​ണ്ടോ? അത്തരം കടുത്ത ഭീഷണി​യിൻകീ​ഴി​ലാ​യി​രി​ക്കു​മ്പോൾ പോലും ഒറ്റപ്പെട്ട കുടും​ബ​ങ്ങൾക്ക്‌ തങ്ങളുടെ ഐക്യം കാത്തു​സൂ​ക്ഷി​ക്കാൻ കഴിയു​മോ? ദയവായി അടുത്ത ലേഖനം വായി​ക്കുക.

[5-ാം പേജിലെ ചാർട്ട്‌]

ചില രാജ്യ​ങ്ങ​ളിൽ വർഷം​തോ​റു​മുള്ള വിവാ​ഹങ്ങൾ വിവാ​ഹ​മോ​ച​ന​ങ്ങ​ളോ​ടുള്ള താരത​മ്യ​ത്തിൽ

രാജ്യം വർഷം വിവാ​ഹങ്ങൾ വിവാഹ മോച​ന​ങ്ങൾ

എസ്‌തോണിയ 1993 7,745 5,757

ഐക്യനാടുകൾ 1993 23,34,000 11,87,000

ഓസ്‌ട്രേലിയ 1993 1,13,255 48,324

കാനഡ 1992 1,64,573 77,031

ക്യൂബ 1992 1,91,837 63,432

ചെക്ക്‌ റിപ്പബ്ലിക്ക്‌ 1993 66,033 30,227

ജപ്പാൻ 1993 7,92,658 1,88,297

ജർമനി 1993 4,42,605 1,56,425

ഡെൻമാർക്ക്‌ 1993 31,507 12,991

നോർവേ 1993 19,464 10,943

പോർട്ടോറിക്കോ 1992 34,222 14,227

മാലദ്വീപ്‌ 1991 4,065 2,659

ഫ്രാൻസ്‌ 1991 2,80,175 1,08,086

ബ്രിട്ടൺ 1992 3,56,013 1,74,717

റഷ്യൻ ഫെഡറേഷൻ1993 11,06,723 6,63,282

സ്വീഡൻ 1993 34,005 21,673

(ന്യൂ​യോർക്കി​ലെ ഐക്യ​രാ​ഷ്‌ട്ര​ങ്ങ​ളു​ടെ 1996-ലെ 1994 ജനസം​ഖ്യാ വാർഷി​ക​പു​സ്‌ത​ക​ത്തിൽ അധിഷ്‌ഠി​തം)