സത്യം ജീവി​ത​ത്തി​നു മാറ്റം​വ​രു​ത്തു​ന്നു

ഇന്നു വളരെ​യ​ധി​കം ആളുക​ളു​ടെ ജീവിതം ക്ലേശപൂർണ​വും ആശയറ്റ​തും ആണെന്നതു സങ്കടക​ര​മായ വസ്‌തു​ത​യാണ്‌. ചിലരു​ടേത്‌ പ്രതി​സ​ന്ധി​യി​ലു​മാണ്‌. അത്തരമാ​ളു​കൾക്കു സന്തുഷ്ടി കണ്ടെത്താ​നാ​കു​മോ? ചിലർ കുറ്റവാ​ളി​ക​ളും മറ്റുള്ള​വരെ ദ്രോ​ഹി​ക്കു​ന്ന​വ​രു​മാണ്‌. അവർക്കെ​ന്നെ​ങ്കി​ലും സമൂഹ​ത്തിൽ സത്യസ​ന്ധ​രായ അംഗങ്ങ​ളാ​യി​ത്തീ​രാ​നാ​കു​മോ? ഈ രണ്ടു ചോദ്യ​ങ്ങൾക്കും ഉത്തരം ഉവ്വ്‌ എന്നാണ്‌. ആളുകൾക്കു മാറ്റം​വ​രു​ത്താ​നാ​കും. ജീവി​തത്തെ രൂപാ​ന്ത​ര​പ്പെ​ടു​ത്താ​നാ​കും. ഇതെങ്ങനെ സാധി​ക്കു​മെന്നു പ്രകട​മാ​ക്കി​ക്കൊണ്ട്‌ പൗലൊസ്‌ അപ്പോ​സ്‌തലൻ എഴുതി: “ഈ ലോക​ത്തി​ന്നു അനുരൂ​പ​മാ​കാ​തെ നന്മയും പ്രസാ​ദ​വും പൂർണ്ണ​ത​യു​മുള്ള ദൈവ​ഹി​തം ഇന്നതെന്നു തിരി​ച്ച​റി​യേ​ണ്ട​തി​ന്നു മനസ്സു പുതുക്കി രൂപാ​ന്ത​ര​പ്പെ​ടു​വിൻ.”—റോമർ 12:2.

പൗലൊസ്‌ ഈ വാക്കുകൾ എഴുതു​ന്ന​തിന്‌ 20-ലധികം വർഷം​മുമ്പ്‌ യേശു ശിഷ്യ​ന്മാ​രോ​ടു പറഞ്ഞ ഒരു സംഗതി​യെ ‘പൂർണ്ണ​ത​യുള്ള ദൈവ​ഹി​തം’ എന്ന ഈ പരാമർശം അനുസ്‌മ​രി​പ്പി​ക്കു​ന്നു. യേശു പറഞ്ഞു: “നിങ്ങൾ സത്യം അറിയു​ക​യും സത്യം നിങ്ങളെ സ്വത​ന്ത്ര​രാ​ക്കു​ക​യും ചെയ്യും.” (യോഹ​ന്നാൻ 8:32, NW) “സത്യം” എന്നതു​കൊണ്ട്‌ യേശു അർഥമാ​ക്കി​യത്‌ ബൈബി​ളിൽ നമുക്കാ​യി സൂക്ഷി​ച്ചി​രി​ക്കുന്ന ദിവ്യ​നി​ശ്വസ്‌ത വിവര​ങ്ങ​ളെ​യാണ്‌, വിശേ​ഷി​ച്ചും ദൈവ​ഹി​തം സംബന്ധിച്ച വിവര​ങ്ങളെ. (യോഹ​ന്നാൻ 17:17) ബൈബിൾസ​ത്യം വാസ്‌ത​വ​ത്തിൽ ആളുകളെ സ്വത​ന്ത്ര​രാ​ക്കു​ന്നു​ണ്ടോ? ദൈവ​ഹി​ത​ത്തി​നു ചേർച്ച​യിൽ ജീവി​ക്കു​ന്നത്‌ വാസ്‌ത​വ​ത്തിൽ ജീവി​ത​ത്തി​നു മാറ്റം​വ​രു​ത്തു​ന്നു​ണ്ടോ? തീർച്ച​യാ​യും ഉണ്ട്‌. ഏതാനും ദൃഷ്ടാ​ന്തങ്ങൾ പരിചി​ന്തി​ക്കുക.

ജീവി​ത​ത്തിന്‌ ഉദ്ദേശ്യം

ജിബ്രാൾട്ട​റി​ലെ മൊയി​സസ്‌ അടുത്ത​കാ​ലം​വരെ വളരെ അസന്തു​ഷ്ട​നാ​യി​രു​ന്നു. അയാൾ പറയുന്നു: “ഞാനൊ​രു മദ്യപാ​നി​യാ​യി​രു​ന്നു. കുടി​ച്ചിട്ട്‌ മിക്കവാ​റും തെരു​വിൽത്ത​ന്നെ​യാ​യി​രു​ന്നു ഉറക്കം. എല്ലാം നശിച്ച​വ​നെ​പ്പോ​ലെ തോന്നിയ ഞാൻ എന്നോടു കരുണ കാട്ടണമേ, ഒരു ദിവസം​കൂ​ടി എനിക്കു സഹിച്ചു​നിൽക്കേ​ണ്ടി​വ​ര​രു​തേ എന്നു ദിവസ​വും രാത്രി ദൈവ​ത്തോ​ടു പ്രാർഥി​ക്കു​മാ​യി​രു​ന്നു. തൊഴി​ലില്ല, കുടും​ബ​മില്ല, സഹായ​ത്തി​നാ​രു​മില്ല, ഒന്നിനും​കൊ​ള്ളാ​ത്തവൻ. ഇങ്ങനെ​യുള്ള ഒരുവ​നാ​യി എന്തിന്‌ ഈ ലോക​ത്തിൽ ജനിച്ചു​വെന്നു ദൈവ​ത്തോ​ടു ചോദി​ച്ചു ഞാൻ കരയാ​റു​ണ്ടാ​യി​രു​ന്നു. ഞാനെ​ന്തി​നു ജീവി​ക്കണം? എന്നായി​രു​ന്നു എന്റെ ചിന്ത.” അങ്ങനെ​യി​രി​ക്കെ ഒരു സംഭവ​മു​ണ്ടാ​യി.

മൊയി​സസ്‌ തുടരു​ന്നു: “യഹോ​വ​യു​ടെ സാക്ഷി​ക​ളിൽപ്പെട്ട ഒരുവ​നായ റോബർട്ടോ​യെ കണ്ടപ്പോൾ എനിക്കു മനസ്സി​ലാ​യി ദൈവം എന്റെ പ്രാർഥന കേട്ടി​രി​ക്കു​ന്നു​വെന്ന്‌. റോബർട്ടോ എനി​ക്കൊ​രു ബൈബി​ളും ദൈവം നമ്മിൽനിന്ന്‌ എന്ത്‌ ആവശ്യ​പ്പെ​ടു​ന്നു? എന്ന ബൈബിൾ പഠനസ​ഹാ​യി​യു​ടെ ഒരു പ്രതി​യും തന്നു.a ഞാൻ അന്തിയു​റ​ങ്ങാ​റുള്ള ബഞ്ചിലി​രുന്ന്‌ ഞങ്ങൾ ദിവസ​വും ബൈബിൾ പഠിച്ചു. ഒരു മാസത്തി​നു​ശേഷം, റോബർട്ടോ എന്നെ യഹോ​വ​യു​ടെ സാക്ഷി​ക​ളു​ടെ പ്രാ​ദേ​ശിക രാജ്യ​ഹാ​ളി​ലെ ഒരു യോഗ​ത്തി​നു കൊണ്ടു​പോ​യി. താമസി​യാ​തെ ബൈബിൾസ​ത്യം എന്റെ വീക്ഷണത്തെ പൂർണ​മാ​യി മാറ്റി​മ​റി​ച്ചു. ഞാനി​പ്പോൾ വെളി​യിൽ അന്തിയു​റ​ങ്ങാ​റില്ല; മദ്യപാ​ന​മോ പുകവ​ലി​യോ ഇല്ല. എന്റെ ജീവി​ത​ത്തി​നു മാറ്റം​വ​ന്നി​രി​ക്കു​ന്നു, ഞാൻ സന്തുഷ്ട​നാണ്‌. താമസി​യാ​തെ സ്‌നാ​പ​ന​മേറ്റ്‌ യഹോ​വ​യു​ടെ സാക്ഷി​ക​ളി​ലൊ​രു​വ​നാ​യി അവനെ സേവി​ക്കാ​മെന്നു ഞാനാ​ശി​ക്കു​ന്നു.

എന്തൊരു മാറ്റം! ആളുകൾക്കു പ്രത്യാ​ശ​യി​ല്ലാ​ത്ത​തി​ന്റെ കാരണം മിക്ക​പ്പോ​ഴും അറിവി​ന്റെ അഭാവ​മാണ്‌. അവർക്കു ദൈവ​ത്തെ​യോ അവന്റെ മഹത്തായ ഉദ്ദേശ്യ​ങ്ങ​ളെ​യോ കുറിച്ച്‌ അറിയില്ല. മൊയി​സ​സി​ന്റെ കാര്യ​ത്തിൽ, അയാൾക്കു ലഭിച്ച അറിവാ​യി​രു​ന്നു ജീവി​ത​ത്തി​നു മാറ്റം​വ​രു​ത്തു​ന്ന​തി​നുള്ള ശക്തിയും ധൈര്യ​വും അയാൾക്കു നൽകി​യത്‌. ദൈവ​ത്തോ​ടുള്ള സങ്കീർത്ത​ന​ക്കാ​രന്റെ പ്രാർഥന മൊയി​സ​സി​ന്റെ കാര്യ​ത്തിൽ നിറ​വേറി: “നിന്റെ പ്രകാ​ശ​വും സത്യവും അയച്ചു​ത​രേ​ണമേ; അവ എന്നെ നടത്തു​മാ​റാ​കട്ടെ; നിന്റെ വിശു​ദ്ധ​പർവ്വ​ത​ത്തി​ലേ​ക്കും തിരു​നി​വാ​സ​ത്തി​ലേ​ക്കും അവ എന്നെ എത്തിക്കു​മാ​റാ​കട്ടെ.”—സങ്കീർത്തനം 43:3.

സമാന​മാ​യ അനുഭ​വം​ത​ന്നെ​യാണ്‌ ബെലീ​സി​ലെ ദാനി​യേ​ലി​നു​ണ്ടാ​യി​രു​ന്നത്‌. അയാൾ തെരു​വിൽ അന്തിയു​റ​ങ്ങി​യി​രു​ന്ന​യാ​ളല്ല—അയാൾക്ക്‌ അന്തസ്സു​ള്ളൊ​രു ജോലി​യു​ണ്ടാ​യി​രു​ന്നു. എന്നാൽ 20 വർഷ​ത്തോ​ളം മയക്കു​മ​രു​ന്നി​നും മദ്യത്തി​നും അടിമ​യാ​യി അയാൾ അധാർമിക ജീവിതം നയിച്ചു. ഒരു കത്തോ​ലി​ക്ക​നാ​യി വളർത്ത​പ്പെ​ട്ടി​ട്ടും, ജീവി​ത​ത്തിന്‌ ഒരർഥ​വും കാണാൻ ദാനി​യേ​ലി​നു കഴിഞ്ഞില്ല. ദൈവ​മു​ണ്ടോ എന്ന സംശയ​വു​മു​ണ്ടാ​യി​രു​ന്നു. സഹായം തേടി അയാൾ പല പള്ളിക​ളി​ലും പോയി. പക്ഷേ പള്ളിക്കാ​രായ പല സുഹൃ​ത്തു​ക്ക​ളും ചില വൈദിക സുഹൃ​ത്തു​ക്കൾപോ​ലും മയക്കു​മ​രു​ന്നോ മദ്യമോ ദുരു​പ​യോ​ഗം ചെയ്യു​ന്ന​വ​രാ​ണെന്ന്‌ അയാൾക്കു മനസ്സി​ലാ​യി. അതിനി​ടെ, ഭാര്യ വിവാ​ഹ​മോ​ച​ന​ത്തി​നു തയ്യാ​റെ​ടു​ക്കു​ക​യാ​യി​രു​ന്നു.

അവസാനം ഗതി​കെട്ട്‌ ദാനി​യേൽ ഒരു പുനര​ധി​വാ​സ​കേ​ന്ദ്ര​ത്തിൽ അഭയം തേടി. അവി​ടെ​നി​ന്നു പുറത്തു​വ​ന്ന​ശേഷം സഹായം ലഭിക്കു​ന്നി​ല്ലെ​ങ്കിൽ താൻ വീണ്ടും മയക്കു​മ​രു​ന്നിന്‌ അടിമ​യാ​കു​മെന്ന്‌ അയാൾക്ക​റി​യാ​മാ​യി​രു​ന്നു. എന്നാൽ ഏതുതരം സഹായം? 1996 മേയിൽ, പുനര​ധി​വാ​സ​കേ​ന്ദ്ര​ത്തിൽനി​ന്നു പുറത്തു​വന്ന്‌ രണ്ടുദി​വ​സ​ത്തി​നു​ശേഷം, ദാനി​യേൽ യഹോ​വ​യു​ടെ സാക്ഷി​ക​ളിൽപ്പെട്ട ഒരാളെ സമീപിച്ച്‌ അദ്ദേഹത്തെ അതിശ​യി​പ്പി​ച്ചു​കൊണ്ട്‌ അഭ്യർഥി​ച്ചു: “ദയവായി എനി​ക്കൊ​രു ബൈബി​ള​ധ്യ​യനം നടത്തുക.” ദാനി​യേ​ലിന്‌ ആഴ്‌ച​യിൽ രണ്ടു​പ്രാ​വ​ശ്യം​വീ​തം ബൈബി​ള​ധ്യ​യനം നടത്താൻ സാക്ഷി ഏർപ്പാ​ടു​ചെ​യ്‌തു. താമസി​യാ​തെ ദാനി​യേൽ തന്റെ ജീവി​തത്തെ ദൈവ​ഹി​ത​ത്തോട്‌ അനുരൂ​പ​പ്പെ​ടു​ത്താൻ തുടങ്ങി, പഴയ സുഹൃ​ത്തു​ക്കൾക്കു​പ​കരം മയക്കു​മ​രു​ന്നോ മദ്യമോ ദുരു​പ​യോ​ഗം ചെയ്യാ​ത്ത​വ​രും അധാർമി​കത ഒഴിവാ​ക്കി​യ​വ​രു​മായ ക്രിസ്‌ത്യാ​നി​കളെ സുഹൃ​ത്തു​ക്ക​ളാ​യി തിര​ഞ്ഞെ​ടു​ത്തു. അങ്ങനെ ബൈബിൾ പറയു​ന്നത്‌ സത്യമാ​ണെന്നു ദാനി​യേൽ കണ്ടെത്തി: “ജ്ഞാനി​ക​ളോ​ടു​കൂ​ടെ നടക്ക; നീയും ജ്ഞാനി​യാ​കും; ഭോഷ​ന്മാർക്കു കൂട്ടാ​ളി​യാ​യ​വ​നോ വ്യസനി​ക്കേ​ണ്ടി​വ​രും.” (സദൃശ​വാ​ക്യ​ങ്ങൾ 13:20) താമസി​യാ​തെ അയാൾ പറഞ്ഞു: “ശുദ്ധ മനസ്സാ​ക്ഷി​യു​ണ്ടാ​യി​രി​ക്കു​ക​യെ​ന്നാൽ എന്തെന്നു ഞാൻ ജീവി​ത​ത്തിൽ ആദ്യമാ​യി മനസ്സി​ലാ​ക്കു​ക​യാ​ണി​പ്പോൾ.” ദാനി​യേ​ലി​ന്റെ ജീവി​ത​ത്തി​നും മാറ്റം​വന്നു.

പോർട്ടോ​റി​ക്കോ​യിൽ, മറ്റൊരു മനുഷ്യ​നു ശ്രദ്ധേ​യ​മായ മാറ്റമു​ണ്ടാ​യി. നിരവ​ധി​പേരെ കൊന്ന​തി​നു തടവി​ലായ ഇയാളെ വളരെ അപകട​കാ​രി​യാ​യി വീക്ഷി​ച്ചി​രു​ന്നു. ബൈബിൾസ​ത്യ​ത്തിന്‌ അദ്ദേഹ​ത്തിൽ മാറ്റം​വ​രു​ത്താൻ കഴിഞ്ഞോ? തീർച്ച​യാ​യും. യഹോ​വ​യു​ടെ സാക്ഷി​ക​ളിൽപ്പെട്ട ഒരാൾ അയാൾക്കു വീക്ഷാ​ഗോ​പു​രം, ഉണരുക! മാസി​ക​ക​ളു​ടെ ഏതാനും പ്രതികൾ കൊടു​ത്തു. പെട്ടെ​ന്നു​തന്നെ അയാൾ കൂടുതൽ പ്രതികൾ ആവശ്യ​പ്പെട്ടു. അയാളു​മാ​യി ഒരു ബൈബി​ള​ധ്യ​യനം ആരംഭി​ച്ചു. ബൈബിൾസ​ത്യം അയാളു​ടെ ഹൃദയ​ത്തിൽ സ്വാധീ​നം ചെലു​ത്താൻ തുടങ്ങി​യ​പ്പോൾ അയാൾ വരുത്തിയ മാറ്റങ്ങൾ എല്ലാവർക്കും ദൃശ്യ​മാ​യി. അയാളി​ലെ മാറ്റങ്ങ​ളു​ടെ ആദ്യ തെളി​വു​ക​ളി​ലൊ​ന്നാ​യി അയാൾ തന്റെ നീണ്ട മുടി വെട്ടി​യൊ​തു​ക്കി, ദീക്ഷ വടിച്ചു.

യഥാർഥ അനുതാ​പം പ്രകട​മാ​ക്കി തങ്ങളുടെ ജീവി​ത​രീ​തി​ക്കു മാറ്റം​വ​രു​ത്തുന്ന പാപി​ക​ളോ​ടു ദൈവം ക്ഷമിക്കു​ന്നു​വെന്നു ബൈബിൾ പറയുന്നു. പൗലൊസ്‌ എഴുതി: “അന്യായം ചെയ്യു​ന്നവർ ദൈവ​രാ​ജ്യം അവകാ​ശ​മാ​ക്കു​ക​യില്ല എന്നു അറിയു​ന്നി​ല്ല​യോ? . . . നിങ്ങളും ചിലർ ഈ വകക്കാ​രാ​യി​രു​ന്നു; എങ്കിലും . . . നിങ്ങ​ളെ​ത്തന്നേ കഴുകി ശുദ്ധീ​ക​ര​ണ​വും നീതീ​ക​ര​ണ​വും പ്രാപി​ച്ചി​രി​ക്കു​ന്നു.” (1 കൊരി​ന്ത്യർ 6:9, 11) നിസ്സം​ശ​യ​മാ​യും, ഈ വാക്കു​ക​ളും പ്രവൃ​ത്തി​കൾ 24:15-ഉം ഈ മനുഷ്യന്‌ ആശ്വാസം പ്രദാനം ചെയ്‌തു: “നീതി​മാ​ന്മാ​രു​ടെ​യും നീതി​കെ​ട്ട​വ​രു​ടെ​യും പുനരു​ത്ഥാ​നം ഉണ്ടാകും.” അയാൾ പറഞ്ഞു: “മരിച്ച​വ​രു​ടെ പുനരു​ത്ഥാ​നം നടക്കു​മ്പോൾ ഞാനവി​ടെ വേണം, കൊന്ന​വ​രോട്‌ എനിക്ക​പ്പോൾ ക്ഷമാപണം നടത്താ​മ​ല്ലോ.”

ഒരു പുതിയ കുടും​ബം

അർജൻറീ​ന​യി​ലെ യഹോ​വ​യു​ടെ സാക്ഷി​ക​ളിൽപ്പെട്ട ഒരു മുഴു​സമയ സുവി​ശേ​ഷ​ക​നായ ലൂയിസ്‌ കഷ്ടപ്പാ​ടു​കൾനി​റഞ്ഞ പശ്ചാത്ത​ല​മുള്ള ഒരു യുവാ​വി​നെ പരിച​യ​പ്പെട്ടു. ജനിച്ച ഉടനെ​തന്നെ മാതാ​പി​താ​ക്കൾ അവനെ ഉപേക്ഷി​ച്ചു. പല അഭയ​കേ​ന്ദ്ര​ങ്ങ​ളി​ലാ​യി​ട്ടാണ്‌ അവൻ വളർന്നു​വ​ന്നത്‌. 20 വയസ്സാ​യ​പ്പോൾ, തന്റെ അമ്മ എവി​ടെ​യു​ണ്ടെന്നു മനസ്സി​ലാ​ക്കി അവൻ അതിന​ടു​ത്താ​യി താമസ​മു​റ​പ്പി​ക്കാൻ തീരു​മാ​നി​ച്ചു. കഠിനാ​ധ്വാ​നം ചെയ്‌ത്‌ കുറെ പണം സമ്പാദിച്ച്‌ അമ്മ പാർക്കുന്ന നഗരത്തി​ലേക്ക്‌ അവൻ യാത്ര​യാ​യി. എന്നാൽ അവന്റെ പണം തീരു​ന്ന​തു​വരെ മാത്രമേ അമ്മ അവനെ വീട്ടിൽ താമസി​പ്പി​ച്ചു​ള്ളൂ. അതു തീർന്ന​പ്പോൾ അവനെ വീട്ടിൽനിന്ന്‌ ഇറക്കി​വി​ട്ടു. ഈ നിരാ​ക​രണം അവനെ ആത്മഹത്യ​യു​ടെ വക്കത്തെ​ത്തി​ച്ചു.

എന്നിരു​ന്നാ​ലും, ഈ യുവാ​വു​മാ​യി ബൈബിൾസ​ത്യം പങ്കു​വെ​ക്കാൻ ലൂയി​സി​നു സാധിച്ചു. ആ സത്യത്തിൽ ഈ ഉറപ്പ്‌ ഉൾപ്പെ​ടു​ന്നു: “എന്റെ അപ്പനും അമ്മയും എന്നെ ഉപേക്ഷി​ച്ചി​രി​ക്കു​ന്നു; എങ്കിലും യഹോവ എന്നെ ചേർത്തു​കൊ​ള്ളും.” (സങ്കീർത്തനം 27:10) തന്നെ ഒരിക്ക​ലും ഉപേക്ഷി​ക്കു​ക​യി​ല്ലാത്ത ഒരു സ്വർഗീയ പിതാവ്‌ തനിക്കു​ണ്ടെന്ന്‌ ആ യുവാവ്‌ മനസ്സി​ലാ​ക്കി. ഒരു പുതിയ കുടും​ബ​ത്തി​ന്റെ, അതായത്‌ യഹോ​വ​യു​ടെ കുടും​ബ​ത്തി​ന്റെ ഭാഗമാ​യ​തിൽ അവനി​പ്പോൾ സന്തോ​ഷ​വാ​നാണ്‌.

അതേ രാജ്യത്തെ മറ്റൊ​രാൾ തനിക്കു വീക്ഷാ​ഗോ​പു​രം മാസിക ഇഷ്ടമാ​ണെന്ന്‌ ഒരു യഹോ​വ​യു​ടെ സാക്ഷി​യോ​ടു പറഞ്ഞു. എന്തു​കൊണ്ട്‌? എന്തെന്നാൽ അതായി​രു​ന്നു അയാളു​ടെ വിവാ​ഹത്തെ രക്ഷിച്ചത്‌. ഒരു ദിവസം അയാൾ ജോലി​സ്ഥ​ല​ത്തു​നി​ന്നു മടങ്ങവേ, “വിവാ​ഹ​മോ​ചനം” എന്ന വലിയ ശീർഷ​ക​ത്തോ​ടു​കൂ​ടിയ ഒരു വീക്ഷാ​ഗോ​പു​രം മാസിക ചവറ്റു​കൊ​ട്ട​യിൽ കിടക്കു​ന്നതു കണ്ടുവ​ത്രേ. വിവാ​ഹ​ത്തിൽ താളപ്പി​ഴകൾ വന്നുതു​ട​ങ്ങി​യ​തോ​ടെ അയാളും ഭാര്യ​യും നിയമ​പ​ര​മാ​യി വേർപി​രി​യാ​നുള്ള നടപടി​ക്ര​മങ്ങൾ തുടങ്ങി​യി​രു​ന്നു. അതു​കൊണ്ട്‌, അയാൾ മാസിക എടുത്ത്‌ വായി​ക്കാൻ തുടങ്ങി. അയാൾ അത്‌ വീട്ടിൽ കൊണ്ടു​പോ​യി ഭാര്യ​യോ​ടൊ​പ്പം വായിച്ചു. മാസി​ക​യി​ലെ ബൈബി​ള​ധി​ഷ്‌ഠിത ബുദ്ധ്യു​പ​ദേശം ബാധക​മാ​ക്കാൻ ഇരുവ​രും ശ്രമിച്ചു. (എഫെസ്യർ 5:21–6:4) താമസി​യാ​തെ അവരുടെ ബന്ധം മെച്ച​പ്പെട്ടു. അവർ വേർപി​രി​യ​ലി​നുള്ള നടപടി​ക്ര​മങ്ങൾ അവസാ​നി​പ്പി​ച്ചു. ഇപ്പോൾ അവർ ഐക്യ​മുള്ള വിവാ​ഹിത ദമ്പതി​ക​ളെന്ന നിലയിൽ ബൈബിൾ പഠിക്കു​ക​യാണ്‌.

ഉറു​ഗ്വേ​യിൽ ലൂയിസ്‌ എന്നു​പേ​രായ ഒരാളെ സംബന്ധി​ച്ചി​ട​ത്തോ​ളം സന്തോ​ഷ​മെ​ന്നത്‌ ഒരു മരീചി​ക​യാ​യി​രു​ന്നു. മയക്കു​മ​രു​ന്നാ​സക്തി, ആത്മവിദ്യ, വിഗ്ര​ഹാ​രാ​ധന, മദ്യത്തി​ന്റെ ദുരു​പ​യോ​ഗം എന്നിങ്ങനെ അനവധി സംഗതി​കൾ അയാളു​ടെ ജീവിതം താറു​മാ​റാ​ക്കി​യി​രു​ന്നു. അവസാനം, തികച്ചും നിരാ​ശ​നായ ലൂയിസ്‌ ഒരു നിരീ​ശ്വ​ര​വാ​ദി​യാ​യി. ഒരു സുഹൃത്ത്‌ അയാൾക്ക്‌ ജീവൻ—അത്‌ ഇവിടെ എങ്ങനെ വന്നു? പരിണാ​മ​ത്താ​ലോ സൃഷ്ടി​യാ​ലോ?b (ഇംഗ്ലീഷ്‌) എന്ന പുസ്‌തകം കൊടു​ത്തു. ഇതിന്റെ ഫലമായി ലൂയിസ്‌ യഹോ​വ​യു​ടെ സാക്ഷി​ക​ളു​മാ​യി ചെറിയ തോതിൽ സമ്പർക്ക​ത്തിൽ വന്നെങ്കി​ലും താമസി​യാ​തെ അയാൾ വീണ്ടും മയക്കു​മ​രു​ന്നി​ലേ​ക്കും മദ്യത്തി​ലേ​ക്കും തിരിഞ്ഞു. ഒരിക്കൽ അയാൾ വലിയ മനോ​വേ​ദ​ന​യോ​ടെ ഒരു ചപ്പുച​വ​റു​കൂ​ന​യ്‌ക്ക​രി​കെ ഇരിക്കു​ക​യാ​യി​രു​ന്നു. ദൈവ​നാ​മം അറിയി​ല്ലാ​ത്ത​തി​നാൽ “യേശു​ക്രി​സ്‌തു​വി​ന്റെ പിതാവേ” എന്നുവി​ളിച്ച്‌ അയാൾ പ്രാർഥി​ച്ചു.

തന്റെ അസ്‌തി​ത്വ​ത്തിന്‌ എന്തെങ്കി​ലും ഉദ്ദേശ്യ​മു​ണ്ടെ​ങ്കിൽ അതു തന്നെ എങ്ങനെ​യെ​ങ്കി​ലും ബോധ്യ​പ്പെ​ടു​ത്തി​ത്ത​ര​ണ​മെന്ന്‌ അയാൾ ദൈവ​ത്തോട്‌ അപേക്ഷി​ച്ചു. അയാൾ പറയുന്നു: “തൊട്ട​ടുത്ത ദിവസം​തന്നെ, ഒരു പരിച​യ​ക്കാ​രൻ ഉപയോ​ഗ​ശൂ​ന്യ​മെന്ന്‌ അയാൾക്കു തോന്നിയ ഒരു പുസ്‌തകം എനിക്കു തന്നു. അതിന്റെ ശീർഷകം? വെളി​പാട്‌—അതിന്റെ മഹത്തായ പാരമ്യം സമീപി​ച്ചി​രി​ക്കു​ന്നു!”c ആ പുസ്‌തകം അയാളു​ടെ ചോദ്യ​ങ്ങൾക്ക്‌ ഉത്തരം കണ്ടെത്താൻ സഹായി​ച്ചു. ദൈവത്തെ എങ്ങനെ സേവി​ക്കാ​മെന്നു കാണി​ച്ചു​ത​രുന്ന മതം കണ്ടെത്താൻ സഹായി​ക്കേ​ണമേ എന്നു ലൂയിസ്‌ പിന്നെ​യും പ്രാർഥി​ച്ചു. എന്തൊ​ര​തി​ശയം! കോളി​ങ്‌ബെൽ ശബ്ദിച്ചു. വാതിൽക്കൽ രണ്ടു യഹോ​വ​യു​ടെ സാക്ഷികൾ. ലൂയിസ്‌ ഉടനെ​തന്നെ അവരു​മൊ​ത്തു ബൈബിൾ പഠിക്കാ​നാ​രം​ഭി​ച്ചു. വളരെ പെട്ടെന്നു പുരോ​ഗതി നേടിയ അയാൾ ഇപ്പോൾ സ്‌നാ​പ​ന​മേറ്റ സാക്ഷി​യാ​യി​രി​ക്കു​ന്നത്‌ ഒരനു​ഗ്ര​ഹ​മാ​യി വീക്ഷി​ക്കു​ക​യാണ്‌. ശുദ്ധമായ ജീവിതം നയിക്കുന്ന അയാൾ ജീവി​ത​ത്തിൽ ഉദ്ദേശ്യം കണ്ടെത്താൻ മറ്റുള്ള​വ​രെ​യും സഹായി​ക്കു​ന്നു. അയാളെ സംബന്ധി​ച്ചി​ട​ത്തോ​ളം സങ്കീർത്തനം 65:2-ലെ വാക്കുകൾ അന്വർഥ​മാ​യി​ത്തീർന്നി​രി​ക്കു​ന്നു: “പ്രാർത്ഥന കേൾക്കു​ന്ന​വ​നാ​യു​ള്ളോ​വേ, സകലജ​ഡ​വും നിന്റെ അടുക്ക​ലേക്കു വരുന്നു.”

ഇനി ഫിലി​പ്പീൻസി​ലെ അലൻ എന്നൊരു വിദ്യാർഥി​യു​ടെ കാര്യം. “ഭാവി തലമു​റകൾ സമത്വം ആസ്വദി​ക്കേ​ണ്ട​തിന്‌ ഗവൺമെൻറി​നെ താഴെ​യി​റ​ക്കുക” എന്ന ഉദ്ദേശ്യ​ത്തിൽ പ്രവർത്തി​ക്കുന്ന ഒരു വിപ്ലവ​പ്ര​സ്ഥാ​ന​ത്തി​ലെ അംഗമാ​യി​രു​ന്നു അവൻ. എന്നാൽ ഒരു ദിവസം യഹോ​വ​യു​ടെ സാക്ഷി​ക​ളു​മാ​യി സമ്പർക്ക​ത്തിൽ വന്നപ്പോൾ, മനുഷ്യ​വർഗ​ത്തി​നു​വേ​ണ്ടി​യുള്ള ദൈ​വോ​ദ്ദേ​ശ്യം അവൻ ബൈബി​ളിൽനി​ന്നു മനസ്സി​ലാ​ക്കി. ആ ഉദ്ദേശ്യ​ത്തിൽ ഈ നിശ്വസ്‌ത വാഗ്‌ദാ​നം ഉൾപ്പെ​ടു​ന്നു: “കുറ​ഞ്ഞോ​ന്നു കഴിഞ്ഞി​ട്ടു ദുഷ്ടൻ ഇല്ല; നീ അവന്റെ ഇടം സൂക്ഷി​ച്ചു​നോ​ക്കും; അവനെ കാണു​ക​യില്ല. എന്നാൽ സൌമ്യ​ത​യു​ള്ളവർ ഭൂമിയെ കൈവ​ശ​മാ​ക്കും; സമാധാ​ന​സ​മൃ​ദ്ധി​യിൽ അവർ ആനന്ദി​ക്കും.” (സങ്കീർത്തനം 37:10, 11) അലൻ പറഞ്ഞു: “ഞങ്ങളുടെ പ്രസ്ഥാനം പോരാ​ടു​ന്നത്‌ എന്തിനു​വേ​ണ്ടി​യാ​ണോ അത്‌ ദീർഘ​നാൾമു​മ്പേ ബൈബിൾ വാഗ്‌ദാ​നം ചെയ്‌തി​ട്ടു​ണ്ടെന്ന്‌ എനിക്കു പെട്ടെന്നു മനസ്സി​ലാ​യി. നമ്മൾ അതിയാ​യി ആഗ്രഹി​ക്കു​ന്ന​തെ​ല്ലാം ദൈവ​രാ​ജ്യ​ത്തിൽ സാക്ഷാ​ത്‌ക​രി​ക്ക​പ്പെ​ടും.” അലൻ ഇപ്പോൾ ദൈവ​രാ​ജ്യ​ത്തെ പിന്തു​ണ​യ്‌ക്കു​ക​യും ബൈബിൾസ​ത്യ​ത്തിൽ വിശ്വാ​സം പ്രകട​മാ​ക്കാൻ മറ്റുള്ള​വരെ സഹായി​ക്കു​ക​യും ചെയ്യുന്നു.

അതേ, ദൈവ​വ​ച​ന​മായ ബൈബി​ളി​ലെ സത്യത്തിന്‌ ആളുകൾ ചെവി​കൊ​ടു​ക്കു​മ്പോൾ ജീവി​ത​ത്തി​നു മാറ്റം​വ​രു​ന്നു. തീർച്ച​യാ​യും, അതിജീ​വി​ക്കുന്ന സകലമ​നു​ഷ്യ​രും തങ്ങളുടെ ജീവിതം ദൈവ​ഹി​ത​ത്തോട്‌ അനുരൂ​പ​പ്പെ​ടു​ത്തുന്ന സമയം ആഗതമാ​കു​ക​യാണ്‌. അതെ​ന്തൊ​രു മാറ്റമാ​യി​രി​ക്കും! അപ്പോൾ ഈ പ്രവചനം നിവൃ​ത്തി​യേ​റും: “സമുദ്രം വെള്ളം​കൊ​ണ്ടു നിറഞ്ഞി​രി​ക്കു​ന്ന​തു​പോ​ലെ ഭൂമി യഹോ​വ​യു​ടെ പരിജ്ഞാ​നം​കൊ​ണ്ടു പൂർണ്ണ​മാ​യി​രി​ക്ക​യാൽ എന്റെ വിശു​ദ്ധ​പർവ്വ​ത​ത്തിൽ എങ്ങും ഒരു ദോഷ​മോ നാശമോ ആരും ചെയ്‌ക​യില്ല.”—യെശയ്യാ​വു 11:9.

[അടിക്കു​റിപ്പ്‌]