“അന്വേ​ഷ​ണാ​ത്മക ന്യായ​വി​ധി”—ബൈബി​ള​ധി​ഷ്‌ഠിത ഉപദേ​ശ​മോ?

ഐക്യ​നാ​ടു​ക​ളു​ടെ പൂർവ തീരത്തുള്ള ഏതാണ്ട്‌ 50,000 ആളുകൾക്ക്‌ 1844 ഒക്ടോബർ 22 മഹത്തായ പ്രതീ​ക്ഷ​യു​ടെ ഒരു ദിനമാ​യി​രു​ന്നു. ആ ദിവസം തന്നെ യേശു​ക്രി​സ്‌തു തിരി​ച്ചു​വ​രു​മെന്ന്‌ അവരുടെ ആത്മീയ നേതാ​വായ വില്യം മില്ലർ പ്രസ്‌താ​വി​ച്ചി​രു​ന്നു. മില്ലർമ​ത​ക്കാർ എന്നു വിളി​ക്ക​പ്പെ​ട്ടി​രുന്ന അവർ തങ്ങളുടെ യോഗ​സ്ഥ​ല​ങ്ങ​ളിൽ രാത്രി​യാ​കു​ന്ന​തു​വരെ കാത്തി​രു​ന്നു. പിറ്റേന്നു പ്രഭാതം പൊട്ടി​വി​രി​ഞ്ഞു, പക്ഷേ, കർത്താവു വന്നില്ല. മിഥ്യാ​ബോധ വിമു​ക്ത​രാ​യി അവർ വീട്ടി​ലേക്കു മടങ്ങി. അതിനു​ശേഷം അവർ ആ ദിവസത്തെ “കൊടിയ നിരാശ”യുടെ ദിവസ​മാ​യി സ്‌മരി​ച്ചു.

എന്നിരു​ന്നാ​ലും, നിരാശ പെട്ടെ​ന്നു​തന്നെ പ്രത്യാ​ശ​യ്‌ക്കു വഴിമാ​റി. തങ്ങളുടെ കാലഗണന ശരിയാ​യി​രു​ന്നെന്ന്‌ ദർശന​ങ്ങ​ളിൽ ദൈവം തനിക്കു വെളി​പ്പെ​ടു​ത്തി​യെന്ന്‌ മില്ലർമ​ത​ക്കാ​രിൽ ചെറി​യൊ​രു കൂട്ട​ത്തെ​ക്കൊ​ണ്ടു വിശ്വ​സി​പ്പി​ക്കാൻ എലെൻ ഹാർമൻ എന്ന യുവതി​ക്കു കഴിഞ്ഞു. ആ ദിവസം സുപ്ര​ധാ​ന​മാ​യൊ​രു സംഭവം നടന്നെന്ന്‌, അതായത്‌ “സ്വർഗീയ വിശു​ദ്ധ​മ​ന്ദി​ര​ത്തി​ലെ അതിവി​ശുദ്ധ സ്ഥലത്ത്‌” അന്ന്‌ യേശു പ്രവേ​ശി​ച്ചെന്ന്‌, അവർ വിശ്വ​സി​ച്ചു.

ഒരു ദശകത്തി​ല​ധി​കം കഴിഞ്ഞ്‌, 1844 ഒക്ടോബർ മുതലുള്ള ക്രിസ്‌തു​വി​ന്റെ വേലയു​ടെ സ്വഭാ​വത്തെ വർണി​ക്കു​ന്ന​തിന്‌ (എലെൻ ഹാർമനെ വിവാഹം കഴിച്ച) ജെയിംസ്‌ വൈറ്റ്‌ എന്ന അഡ്‌വെൻറിസ്റ്റ്‌ പ്രസം​ഗകൻ ഒരു പദപ്ര​യോ​ഗം കണ്ടുപി​ടി​ച്ചു. യേശു “അന്വേ​ഷ​ണാ​ത്മക ന്യായ​വി​ധി” ആരംഭി​ച്ചെന്ന്‌ 1857 ജനുവരി 29-ലെ റിവ്യൂ ആൻഡ്‌ ഹെറാൾഡിൽ വൈറ്റ്‌ പറഞ്ഞു. സെവന്ത്‌-ഡേ അഡ്‌വെൻറി​സ്റ്റു​കാർ എന്നു സ്വയം വിളി​ക്കുന്ന ഏതാണ്ട്‌ 70 ലക്ഷം പേരുടെ ഇടയിൽ ഇതൊരു അടിസ്ഥാന വിശ്വാ​സ​മാ​യി തുടർന്നി​രി​ക്കു​ന്നു.

എന്നാൽ, “അന്വേ​ഷ​ണാ​ത്മക ന്യായ​വി​ധി” ഒരു ബൈബി​ള​ധി​ഷ്‌ഠിത ഉപദേ​ശ​മാ​ണോ​യെന്ന്‌ സെവന്ത്‌-ഡേ അഡ്‌വെൻറിസ്റ്റ്‌ (എസ്‌ഡിഎ) സഭയിലെ ആദരണീ​യ​രായ ചില പണ്ഡിതൻമാർ അതിശ​യി​ക്കു​ന്നു. അതേക്കു​റിച്ച്‌ അവർ പുനരാ​ലോ​ചന നടത്താൻ എന്താണു കാരണം? നിങ്ങൾ ഒരു സെവന്ത്‌-ഡേ അഡ്‌വെൻറിസ്റ്റ്‌ ആയിരു​ന്നെ​ങ്കിൽ ഈ ചോദ്യം നിങ്ങൾക്കു താത്‌പ​ര്യ​മു​ള്ള​താ​യി​രി​ക്കു​മാ​യി​രു​ന്നു. എന്നാൽ ആദ്യമാ​യി എന്താണ്‌ “അന്വേ​ഷ​ണാ​ത്മക ന്യായ​വി​ധി”?

അതെന്താണ്‌?

ഈ ഉപദേ​ശത്തെ പിന്താ​ങ്ങാ​നാ​യി ഉദ്ധരി​ക്ക​പ്പെ​ട്ടി​രി​ക്കുന്ന പ്രമുഖ പാഠം ദാനീ​യേൽ 8:14 ആണ്‌. അതു വായി​ക്കു​ന്നു: “അവൻ എന്നോടു പറഞ്ഞു, രണ്ടായി​ര​ത്തി​മു​ന്നൂറ്‌ ദിവസം വരെ; അപ്പോൾ വിശു​ദ്ധ​മ​ന്ദി​രം ശുദ്ധീ​ക​രി​ക്ക​പ്പെ​ടും.” (ജയിംസ്‌ രാജാ​വി​ന്റെ ഭാഷാ​ന്തരം) “അപ്പോൾ വിശു​ദ്ധ​മ​ന്ദി​രം ശുദ്ധീ​ക​രി​ക്ക​പ്പെ​ടും” എന്ന പ്രയോ​ഗം നിമിത്തം ഒട്ടനവധി അഡ്‌വെൻറി​സ്റ്റു​കാർ ഈ വാക്യത്തെ ലേവ്യ​പു​സ്‌തകം 16-ാം അധ്യാ​യ​വു​മാ​യി ബന്ധിപ്പി​ക്കു​ന്നു. പാപപ​രി​ഹാര ദിനത്തിൽ യഹൂദ മഹാപു​രോ​ഹി​തൻ നടത്തുന്ന വിശു​ദ്ധ​മ​ന്ദിര ശുദ്ധീ​ക​ര​ണ​ത്തെ​ക്കു​റിച്ച്‌ അതു വർണി​ക്കു​ന്നു. യേശു​വി​നെ സ്വർഗ​ത്തി​ലെ വലിയ മഹാപു​രോ​ഹി​ത​നാ​യി വർണി​ക്കുന്ന എബ്രായർ 9-ാം അധ്യാ​യ​ത്തോ​ടും അവർ ദാനീ​യേ​ലി​ന്റെ വാക്കു​കളെ ബന്ധിപ്പി​ക്കു​ന്നു. ഈ ന്യായ​വാ​ദം “തെളിവ്‌ വാക്യ” രീതി​യിൽ അധിഷ്‌ഠി​ത​മാ​ണെന്ന്‌ ഒരു എസ്‌ഡിഎ പണ്ഡിതൻ പറയുന്നു. ഈ രീതി ഉപയോ​ഗി​ക്കുന്ന ഒരാൾ, “വിശു​ദ്ധ​മ​ന്ദി​രം പോലെ ഒരു പ്രത്യേക പദം ദാനീ. 8:14-ലും അതേ പദംതന്നെ ലേവ്യ. 16-ലും എബ്രാ. 7, 8, 9-ലും” കണ്ടുപി​ടി​ച്ചിട്ട്‌ “അവയെ​ല്ലാം ഒരേ കാര്യ​ത്തെ​ക്കു​റി​ച്ചു സംസാ​രി​ക്കു​ന്നു​വെന്നു നിഗമനം ചെയ്യുന്നു.”

അഡ്‌വെൻറി​സ്റ്റു​കാർ ഇങ്ങനെ ന്യായ​വാ​ദം ചെയ്യുന്നു: പുരാതന ഇസ്രാ​യേ​ലി​ലെ പുരോ​ഹി​തൻമാർ വിശുദ്ധം എന്നു വിളി​ക്ക​പ്പെ​ടുന്ന ആലയ പ്രാകാ​ര​ത്തിൽ, പാപ​മോ​ച​ന​ത്തി​നി​ട​യാ​ക്കുന്ന അനുദിന ശുശ്രൂഷ ചെയ്‌തി​രു​ന്നു. പാപപ​രി​ഹാര ദിനത്തിൽ, മഹാപു​രോ​ഹി​തൻ അതിവി​ശു​ദ്ധ​ത്തിൽ (ആലയത്തി​ന്റെ ഏറ്റവും ഉള്ളിലുള്ള മുറി​യിൽ), പാപങ്ങ​ളു​ടെ തുടച്ചു​നീ​ക്ക​ലിൽ കലാശിച്ച വാർഷിക ശുശ്രൂഷ ചെയ്‌തി​രു​ന്നു. യേശു​വി​ന്റെ പൗരോ​ഹി​ത്യ ശുശ്രൂ​ഷ​യിൽ രണ്ടു ഘട്ടങ്ങൾ ഉൾപ്പെ​ടു​ന്നു​വെന്ന്‌ അവർ നിഗമനം ചെയ്യുന്നു. ആദ്യ ഘട്ടം ഒന്നാം നൂറ്റാ​ണ്ടി​ലെ അവന്റെ സ്വർഗാ​രോ​ഹ​ണ​ത്തോ​ടെ തുടങ്ങി 1844-ൽ അവസാ​നി​ച്ചു. അതു പാപങ്ങൾ മോചി​ക്കു​ന്ന​തിൽ കലാശി​ച്ചു. രണ്ടാമ​ത്തേത്‌, അതായത്‌ “ന്യായ​വി​ധി ഘട്ടം” 1844 ഒക്ടോബർ 22-ൽ തുടങ്ങി ഇപ്പോ​ഴും തുടരു​ന്നു. അതു പാപങ്ങ​ളു​ടെ തുടച്ചു​നീ​ക്ക​ലിൽ കലാശി​ക്കും. അത്‌ എങ്ങനെ​യാ​ണു നിർവ​ഹി​ക്ക​പ്പെ​ടു​ന്നത്‌?

വിശ്വാ​സി​ക​ളെന്ന്‌ അവകാ​ശ​പ്പെ​ടു​ന്നവർ നിത്യ​ജീ​വൻ അർഹി​ക്കു​ന്നു​വോ​യെന്നു തീരു​മാ​നി​ക്കാ​നാ​യി യേശു 1844 മുതൽ അവരു​ടെ​യെ​ല്ലാം (ആദ്യം മരിച്ച​വ​രു​ടെ​യും പിന്നീട്‌ ജീവി​ച്ചി​രി​ക്കു​ന്ന​വ​രു​ടെ​യും) ജീവിത രേഖകൾ പരി​ശോ​ധി​ക്കു​ന്നു​വെന്നു പറയ​പ്പെ​ടു​ന്നു. ഈ പരി​ശോ​ധ​ന​യാണ്‌ “അന്വേ​ഷ​ണാ​ത്മക ന്യായ​വി​ധി.” ആളുകൾ അപ്രകാ​രം ന്യായം​വി​ധി​ക്ക​പ്പെട്ട ശേഷം, ഈ പരി​ശോ​ധ​ന​യിൽ വിജയി​ച്ച​വ​രു​ടെ പാപങ്ങൾ രേഖക​ള​ട​ങ്ങിയ പുസ്‌ത​ക​ത്തിൽനിന്ന്‌ തുടച്ചു​നീ​ക്കും. എന്നാൽ, ഈ പരി​ശോ​ധ​ന​യിൽ വിജയി​ക്കാ​ത്ത​വ​രു​ടെ “പേരുകൾ ജീവന്റെ പുസ്‌ത​ക​ത്തിൽനി​ന്നു തുടച്ചു​നീ​ക്കും’ എന്ന്‌ എലെൻ വൈറ്റ്‌ വിശദീ​ക​രി​ച്ചു. അങ്ങനെ, “ജീവനോ മരണത്തി​നോ വേണ്ടി​യുള്ള സകലരു​ടെ​യും വിധി നിർണ​യി​ക്ക​പ്പെ​ടും.” ആ ഘട്ടത്തിൽ സ്വർഗീയ വിശു​ദ്ധ​മ​ന്ദി​രം ശുദ്ധീ​ക​രി​ക്ക​പ്പെ​ടു​ക​യും ദാനീ​യേൽ 8:14 നിവൃ​ത്തി​യേ​റു​ക​യും ചെയ്യും. സെവന്ത്‌-ഡേ അഡ്‌വെൻറി​സ്റ്റു​കാർ പഠിപ്പി​ക്കു​ന്നത്‌ അതാണ്‌. എസ്‌ഡിഎ പ്രസി​ദ്ധീ​ക​ര​ണ​മായ അഡ്‌വെൻറിസ്റ്റ്‌ റിവ്യൂ ഇങ്ങനെ സമ്മതിച്ചു പറയുന്നു: “അന്വേ​ഷ​ണാ​ത്മക ന്യായ​വി​ധി എന്ന പദപ്ര​യോ​ഗം ബൈബി​ളിൽ കാണ​പ്പെ​ടു​ന്നില്ല.”

ഭാഷാ​പ​ര​മായ കാണാ​ക്ക​ണ്ണി

ഈ പഠിപ്പി​ക്കൽ ചില അഡ്‌വെൻറി​സ്റ്റു​കാ​രെ കുഴക്കി​യി​ട്ടുണ്ട്‌. “അന്വേ​ഷ​ണാ​ത്മക ന്യായ​വി​ധി​യെ​ക്കു​റി​ച്ചു വിചി​ന്തനം ചെയ്യവേ, നമ്മുടെ അണിക​ളി​ലുള്ള വിശ്വ​സ്‌ത​രായ നേതാ​ക്കൻമാർ മാനസി​കാ​സ്വാ​സ്ഥ്യം അനുഭ​വി​ച്ചി​ട്ടു​ണ്ടെന്നു ചരിത്രം പ്രകട​മാ​ക്കു​ന്നു” എന്ന്‌ ഒരു നിരീ​ക്ഷകൻ പറയുന്നു. ഏതാനും വർഷങ്ങ​ളാ​യി, “വിശു​ദ്ധ​മ​ന്ദി​ര​ത്തെ​ക്കു​റി​ച്ചുള്ള നമ്മുടെ പതിവു വിശദീ​ക​ര​ണ​ത്തി​ലെ ഒട്ടുമിക്ക മുഖ്യ ആധാര​ങ്ങ​ളെ​യും” പണ്ഡിതൻമാർ “ചോദ്യം​ചെ​യ്യാൻ” തുടങ്ങി​യ​തോ​ടെ ആ മാനസി​കാ​സ്വാ​സ്ഥ്യം സംശയ​മാ​യി മാറി​യി​രി​ക്കു​ന്നു​വെന്ന്‌ അദ്ദേഹം കൂട്ടി​ച്ചേർക്കു​ന്നു. അവയിൽ രണ്ടെണ്ണം നമുക്കി​പ്പോൾ പരി​ശോ​ധി​ക്കാം.

ഒന്നാമത്തെ മുഖ്യ ആധാരം: ദാനീ​യേൽ 8-ാം അധ്യായം ലേവ്യ​പു​സ്‌തകം 16-ാം അധ്യാ​യ​വു​മാ​യി ബന്ധപ്പെ​ടു​ത്തി​യി​രി​ക്കു​ന്നു. ഈ മുഖ്യ ആധാരം രണ്ടു പ്രധാന പ്രശ്‌ന​ങ്ങ​ളാൽ ദുർബ​ലീ​ക​രി​ക്ക​പ്പെ​ടു​ന്നു—ഭാഷയും സന്ദർഭ​വും. ആദ്യമാ​യി ഭാഷയു​ടെ കാര്യ​മെ​ടു​ക്കുക. ദാനീ​യേൽ 8-ാം അധ്യാ​യ​ത്തി​ലെ ‘ശുദ്ധീ​ക​രി​ക്ക​പ്പെട്ട വിശു​ദ്ധ​മ​ന്ദി​രം’ ലേവ്യ​പു​സ്‌തകം 16-ാം അധ്യാ​യ​ത്തി​ലെ ‘ശുദ്ധീ​ക​രി​ക്ക​പ്പെട്ട വിശു​ദ്ധ​മ​ന്ദിര’ത്തിന്റെ പ്രതി​മാ​തൃ​ക​യാ​ണെന്ന്‌ അഡ്‌വെൻറി​സ്റ്റു​കാർ വിശ്വ​സി​ക്കു​ന്നു. ജയിംസ്‌ രാജാ​വി​ന്റെ ഭാഷാ​ന്ത​ര​ത്തി​ലെ “ശുദ്ധീ​ക​രിക്ക”പ്പെടും എന്നത്‌ ദാനീ​യേൽ 8:14-ൽ ഉപയോ​ഗി​ച്ചി​രി​ക്കുന്ന റ്റ്‌സാ​ഡാക്‌ (“നീതി​നി​ഷ്‌ഠ​മാ​യി​രി​ക്കുക” എന്നർഥം) എന്ന എബ്രായ ക്രിയ​യു​ടെ തെറ്റായ പരിഭാ​ഷ​യാ​ണെന്നു പരിഭാ​ഷകർ മനസ്സി​ലാ​ക്കു​ന്ന​തു​വരെ ഈ ഭാഗിക സമാനത സ്വീകാ​ര്യ​മാ​യി കാണ​പ്പെട്ടു. ദൈവ​ശാ​സ്‌ത്ര പ്രൊ​ഫ​സ​റായ ആന്തണി എ. ഹോക്കമ അഭി​പ്രാ​യ​പ്പെ​ടു​ന്നു: “പ്രസ്‌തുത പദം ശുദ്ധീ​ക​രി​ക്ക​പ്പെ​ടും എന്നു പരിഭാ​ഷ​പ്പെ​ടു​ത്താൻ ഇടയാ​യതു നിർഭാ​ഗ്യ​ക​ര​മാണ്‌, കാരണം ശുദ്ധീ​ക​രി​ക്ക​പ്പെട്ട എന്നു സാധാരണ പരിഭാ​ഷ​പ്പെ​ടു​ത്തുന്ന എബ്രായ ക്രിയ [തഹെർ] ഇവിടെ ഉപയോ​ഗി​ക്കു​ന്ന​തേ​യില്ല.”a ഇത്‌ ലേവ്യ​പു​സ്‌തകം 16-ാം അധ്യാ​യ​ത്തിൽ ഉപയോ​ഗി​ച്ചി​രി​ക്കു​ന്നു. അവിടെ ജയിംസ്‌ രാജാ​വി​ന്റെ ഭാഷാ​ന്തരം തഹെറി​ന്റെ രൂപങ്ങളെ “ശുദ്ധീ​ക​രി​ക്കുക” എന്നും “ശുദ്ധമാ​കുക” എന്നും പരിഭാ​ഷ​പ്പെ​ടു​ത്തി​യി​രി​ക്കു​ന്നു. (ലേവ്യ​പു​സ്‌തകം 16:19, 30) അതു​കൊണ്ട്‌ ഡോ. ഹോക്കമ ഉചിത​മാ​യി ഇങ്ങനെ നിഗമനം ചെയ്യുന്നു: “പാപപ​രി​ഹാര ദിനത്തിൽ നടന്ന തരത്തി​ലുള്ള ശുദ്ധീ​ക​ര​ണത്തെ ദാനീ​യേൽ അർഥമാ​ക്കി​യി​രു​ന്നെ​ങ്കിൽ അവൻ തഹീറി​നു [തഹെറി​നു] പകരം റ്റ്‌സാ​ഡാക്‌ [റ്റ്‌സാ​ദക്‌] ഉപയോ​ഗി​ക്കു​മാ​യി​രു​ന്നു.” എന്നാൽ, റ്റ്‌സാ​ദക്‌ ലേവ്യ​പു​സ്‌ത​ക​ത്തിൽ കാണ​പ്പെ​ടു​ന്നില്ല, അതു​പോ​ലെ തഹെർ ദാനീ​യേ​ലി​ലും കാണ​പ്പെ​ടു​ന്നില്ല. ഭാഷാ​പ​ര​മായ കണ്ണി കാണാ​നില്ല.

സന്ദർഭം എന്താണ്‌ വെളി​പ്പെ​ടു​ത്തു​ന്നത്‌?

ഇപ്പോൾ സന്ദർഭം പരിഗ​ണി​ക്കുക. ദാനീ​യേൽ 8:14 മുൻ വാക്യ​ങ്ങ​ളു​മാ​യി യാതൊ​രു ബന്ധവു​മി​ല്ലാ​തെ “സാന്ദർഭി​ക​മാ​യി ഒറ്റപ്പെ​ട്ടതാ”ണെന്ന്‌ അഡ്‌വെൻറി​സ്റ്റു​കാർ നിഗമനം ചെയ്യുന്നു. “ദാനീ​യേൽ 8:14 സന്ദർഭ​ത്തിൽ” എന്ന ശീർഷ​ക​ത്തോ​ടു​കൂ​ടിയ അനുബന്ധ ചതുരം വായി​ക്കു​മ്പോൾ നിങ്ങൾക്ക്‌ അങ്ങനെ തോന്നു​ന്നു​വോ? 9-ാം വാക്യം ഒരു ആക്രമ​ണ​കാ​രി​യെ, ഒരു ചെറിയ കൊമ്പി​നെ തിരി​ച്ച​റി​യി​ക്കു​ന്നു. ഈ ആക്രമ​ണ​കാ​രി വിശു​ദ്ധ​മ​ന്ദി​രത്തെ ആക്രമി​ക്കു​മെന്ന്‌ 10-12 വാക്യങ്ങൾ വെളി​പ്പെ​ടു​ത്തു​ന്നു. ‘അതി​ക്രമം എത്ര​ത്തോ​ളം തുടരും?’ എന്ന്‌ 13-ാം വാക്യം ചോദി​ക്കു​ന്നു. 14-ാം വാക്യം ഉത്തരം നൽകുന്നു: “രണ്ടായി​ര​ത്തി​മു​ന്നൂ​റു സന്ധ്യയും ഉഷസ്സും തികയു​വോ​ളം തന്നേ; പിന്നെ വിശു​ദ്ധ​മ​ന്ദി​രം യഥാസ്ഥാ​ന​പ്പെ​ടും.” വ്യക്തമാ​യും, 14-ാം വാക്യ​ത്തിൽ ഉത്തരം നൽകി​യി​രി​ക്കുന്ന ഒരു ചോദ്യം 13-ാം വാക്യം ഉന്നയി​ക്കു​ന്നു. ദൈവ​ശാ​സ്‌ത്ര​ജ്ഞ​നായ ഡെസ്‌മൻഡ്‌ ഫോർഡ്‌ പറയുന്നു: “[13-ാം വാക്യ​ത്തി​ലെ “എത്ര​ത്തോ​ളം” എന്ന] ഈ വിലാ​പ​ത്തിൽനിന്ന്‌ ദാനീ​യേൽ 8:14-നെ വേർപെ​ടു​ത്തു​ന്ന​തിന്‌ യാതൊ​രു വിശദീ​കരണ പിന്തു​ണ​യു​മില്ല.”b

എന്തു​കൊ​ണ്ടാണ്‌ അഡ്‌വെൻറി​സ്റ്റു​കാർ 14-ാം വാക്യത്തെ സന്ദർഭ​ത്തിൽനി​ന്നു വേർപെ​ടു​ത്തു​ന്നത്‌? കുഴപ്പി​ക്കുന്ന ഒരു നിഗമനം ഒഴിവാ​ക്കാൻ. 14-ാം വാക്യ​ത്തിൽ പരാമർശി​ച്ചി​രി​ക്കുന്ന വിശു​ദ്ധ​മ​ന്ദി​ര​ത്തി​ന്റെ മലിന​മാ​ക്കൽ ചെറിയ കൊമ്പി​ന്റെ പ്രവർത്തന ഫലമാ​ണെന്നു സന്ദർഭം പറയുന്നു. എന്നാൽ വിശു​ദ്ധ​മ​ന്ദി​ര​ത്തി​ന്റെ മലിന​മാ​ക്കൽ ക്രിസ്‌തു​വി​ന്റെ പ്രവർത്തന ഫലമാ​ണെന്ന്‌ “അന്വേ​ഷ​ണാ​ത്മക ന്യായ​വി​ധി” എന്ന ഉപദേശം പറയുന്നു. വിശ്വാ​സി​ക​ളു​ടെ പാപങ്ങളെ അവൻ സ്വർഗീയ വിശു​ദ്ധ​മ​ന്ദി​ര​ത്തി​ലേക്കു മാറ്റു​ന്ന​താ​യി പറയ​പ്പെ​ട്ടി​രി​ക്കു​ന്നു. അതു​കൊണ്ട്‌, അഡ്‌വെൻറി​സ്റ്റു​കാർ ആ ഉപദേ​ശ​വും സന്ദർഭ​വും സ്വീക​രി​ക്കു​ന്നെ​ങ്കിൽ എന്താണു സംഭവി​ക്കുക? എസ്‌ഡിഎ ബൈബിൾ കമന്ററി​യു​ടെ മുൻകാല സഹപ​ത്രാ​ധി​പ​രും സെവന്ത്‌-ഡേ അഡ്‌വെൻറി​സ്റ്റു​മായ ഡോ. റെയ്‌മണ്ട്‌ എഫ്‌. കോട്രൽ എഴുതു​ന്നു: “എസ്‌ഡിഎ വ്യാഖ്യാ​നം ദാനീ​യേൽ 8:14-നെ സന്ദർഭ​ത്തി​ന്റെ അടിസ്ഥാ​ന​ത്തിൽ പരി​ശോ​ധി​ക്കു​ന്നു​വെന്ന്‌ നാം സ്വയം നടിക്കു​ന്ന​തി​ന്റെ ഫലം ക്രിസ്‌തു​വി​നെ ആ ചെറിയ കൊമ്പാ​യി തിരി​ച്ച​റി​യി​ക്കുക എന്നതാ​യി​രി​ക്കും.” ഡോ. കോട്രൽ സത്യസ​ന്ധ​മാ​യി ഇങ്ങനെ സമ്മതി​ക്കു​ന്നു: “നമുക്കു സന്ദർഭ​വും അഡ്‌വെൻറി​സ്റ്റു​കാ​രു​ടെ വ്യാഖ്യാ​ന​വും തമ്മിൽ യോജി​പ്പി​ക്കാ​നാ​വില്ല.” അതു​കൊണ്ട്‌ “അന്വേ​ഷ​ണാ​ത്മക ന്യായ​വി​ധി” സംബന്ധിച്ച്‌ അഡ്‌വെൻറിസ്റ്റ്‌ സഭ ഒരു തീരു​മാ​നം എടു​ക്കേ​ണ്ട​തുണ്ട്‌—ആ ഉപദേശം സ്വീക​രി​ക്കുക, അല്ലെങ്കിൽ ദാനീ​യേൽ 8:14-ന്റെ സന്ദർഭം സ്വീക​രി​ക്കുക. ദുഃഖ​ക​ര​മെന്നു പറയട്ടെ, അത്‌ ആദ്യ​ത്തേതു സ്വീക​രി​ക്കു​ക​യും രണ്ടാമ​ത്തേതു നിരസി​ക്കു​ക​യും ചെയ്‌തു. “തിരു​വെ​ഴു​ത്തിൽ നിന്നു ലഭിക്കാ”ത്തതിനു​വേണ്ടി “തിരു​വെ​ഴു​ത്തിന്‌ അർഥം ആരോ​പി​ക്കുന്ന”തിനെ​പ്രതി അഭിജ്ഞ​രായ ബൈബിൾ വിദ്യാർഥി​കൾ അഡ്‌വെൻറി​സ്റ്റു​കാ​രെ കുറ്റ​പ്പെ​ടു​ത്തു​ന്ന​തിൽ യാതൊ​രു അതിശ​യ​വു​മി​ല്ലെന്ന്‌ ഡോ. കോട്രൽ പറയുന്നു!

1967-ൽ ഡോ. കോട്രൽ ദാനീ​യേ​ലി​ന്റെ പുസ്‌തകം സംബന്ധിച്ച്‌ ഒരു ശബത്ത്‌ സ്‌കൂൾ പാഠം തയ്യാറാ​ക്കി. അതു ലോക​ത്തെ​മ്പാ​ടു​മുള്ള എസ്‌ഡിഎ സഭകൾക്ക്‌ അയച്ചു​കൊ​ടു​ത്തു. ദാനീ​യേൽ 8:14 അതിന്റെ സന്ദർഭ​വു​മാ​യി ബന്ധപ്പെ​ട്ടി​രി​ക്കു​ന്നു​വെ​ന്നും ആയതി​നാൽ പ്രസ്‌തുത ‘ശുദ്ധീ​ക​രണം’ വിശ്വാ​സി​കളെ പരാമർശി​ക്കു​ന്നി​ല്ലെ​ന്നും അതു പഠിപ്പി​ച്ചു. അർഥവ​ത്താ​യി, ആ പാഠം “അന്വേ​ഷ​ണാ​ത്മക ന്യായ​വി​ധി”യെ സംബന്ധിച്ച്‌ ഒരു പരാമർശ​വും നടത്തു​ന്നില്ല.

ശ്രദ്ധേ​യ​മായ ചില മറുപ​ടി​കൾ

“അന്വേ​ഷ​ണാ​ത്മക ന്യായ​വി​ധി” ഉപദേ​ശത്തെ പിന്താ​ങ്ങു​ന്ന​തിൽ ഈ മുഖ്യ ആധാരം തികച്ചും ദുർബ​ല​മാ​ണെ​ന്നുള്ള അഡ്‌വെൻറി​സ്റ്റു​കാ​രു​ടെ ബോധ്യം എത്ര വലുതാണ്‌? ‘ദാനീ​യേൽ 8-ാം അധ്യാ​യ​വും ലേവ്യ​പു​സ്‌തകം 16-ാം അധ്യാ​യ​വും തമ്മിലുള്ള ബന്ധത്തിന്‌ ഭാഷാ​പ​ര​മോ സാന്ദർഭി​ക​മോ ആയ എന്തു കാരണ​ങ്ങ​ളാണ്‌ നിങ്ങൾക്കു നൽകാൻ കഴിയു​ന്നത്‌?’ എന്ന്‌ ഡോ. കോട്രൽ നേതൃ​ത്വ​നി​ര​യി​ലുള്ള 27 അഡ്‌വെൻറിസ്റ്റ്‌ ദൈവ​ശാ​സ്‌ത്ര​ജ്ഞൻമാ​രോ​ടു ചോദി​ച്ചു. അവരുടെ പ്രതി​ക​ര​ണ​മോ?

“ദാനീ​യേൽ 8:14-നെ പ്രതി​മാ​തൃ​ക​യി​ലെ പാപപ​രി​ഹാര ദിനത്തി​നും അന്വേ​ഷ​ണാ​ത്മക ന്യായ​വി​ധി​ക്കും ബാധക​മാ​ക്കു​ന്ന​തിന്‌ ഭാഷാ​പ​ര​മോ സാന്ദർഭി​ക​മോ ആയ യാതൊ​രു കാരണ​ങ്ങ​ളും സ്ഥിതി​ചെ​യ്യു​ന്നി​ല്ലെന്ന്‌ ആ ഇരുപ​ത്തേ​ഴു​പേ​രും സ്ഥിരീ​ക​രി​ച്ചു.” ‘ഈ ബന്ധം സൃഷ്ടി​ക്കു​ന്ന​തിന്‌ നിങ്ങൾക്കു മറ്റെ​ന്തെ​ങ്കി​ലും കാരണ​ങ്ങ​ളു​ണ്ടോ?’ എന്ന്‌ അദ്ദേഹം അവരോ​ടു ചോദി​ച്ചു. മറ്റു കാരണ​ങ്ങ​ളൊ​ന്നു​മി​ല്ലെന്ന്‌ മിക്ക അഡ്‌വെൻറിസ്റ്റ്‌ പണ്ഡിതൻമാ​രും പറഞ്ഞു. തങ്ങൾ ഈ ബന്ധം സൃഷ്ടി​ച്ചത്‌ എലെൻ വൈറ്റ്‌ അപ്രകാ​രം ചെയ്‌ത​തു​കൊ​ണ്ടാ​ണെന്ന്‌ അഞ്ചുപേർ പറഞ്ഞു. പരിഭാ​ഷ​യി​ലെ “സൗഭാ​ഗ്യ​ക​ര​മായ യാദൃ​ച്ഛി​കത”യിലാണ്‌ തങ്ങൾ ഈ ഉപദേ​ശത്തെ അടിസ്ഥാ​ന​പ്പെ​ടു​ത്തി​യി​രി​ക്കു​ന്ന​തെന്ന്‌ രണ്ടുപേർ പറഞ്ഞു. ദൈവ​ശാ​സ്‌ത്ര​ജ്ഞ​നായ ഫോർഡ്‌ അഭി​പ്രാ​യ​പ്പെ​ടു​ന്നു: “നമ്മുടെ പണ്ഡിത ശ്രേഷ്‌ഠർ പ്രദാനം ചെയ്‌തി​രി​ക്കുന്ന അത്തരം നിഗമ​നങ്ങൾ, ദാനീ​യേൽ 8:14-നെ കുറി​ച്ചുള്ള നമ്മുടെ പരമ്പരാ​ഗത പഠിപ്പി​ക്കൽ സമർഥി​ക്കാൻ കഴിയാ​ത്ത​താ​ണെന്ന്‌ ഫലത്തിൽ സ്ഥിരീ​ക​രി​ക്കു​ന്നു.”

എബ്രാ​യ​റിൽനിന്ന്‌ എന്തെങ്കി​ലും പിന്തു​ണ​യു​ണ്ടോ?

രണ്ടാമത്തെ മുഖ്യ ആധാരം: ദാനീ​യേൽ 8:14-നെ എബ്രായർ 9-ാം അധ്യാ​യ​വു​മാ​യി ബന്ധപ്പെ​ടു​ത്തി​യി​രി​ക്കു​ന്നു. “ദാനീ​യേൽ 8:14-നെ വിശദീ​ക​രി​ക്കു​മ്പോൾ, നമ്മുടെ ആദിമ​കാല ശ്രമങ്ങ​ളെ​ല്ലാം എബ്രാ. 9-നെ വളരെ​യേറെ പ്രയോ​ജ​ന​പ്പെ​ടു​ത്തു​ന്നു”വെന്ന്‌ ദൈവ​ശാ​സ്‌ത്ര​ജ്ഞ​നായ ഫോർഡ്‌ പറയുന്നു. ഈ കണ്ണി ജന്മം​കൊ​ണ്ടത്‌ 1844-ലെ “കൊടിയ നിരാശ”യ്‌ക്കു ശേഷമാണ്‌. മില്ലർ മതക്കാ​ര​നായ ഹൈറം എഡ്‌സൻ മാർഗ​നിർദേ​ശ​ത്തി​നാ​യി പരതവേ, തന്റെ ബൈബിൾ തുറന്നു വീഴേ​ണ്ട​തിന്‌ മേശപ്പു​റ​ത്തേ​ക്കി​ട്ടു. ഫലമോ? എബ്രായർ 8-ഉം 9-ഉം അധ്യാ​യങ്ങൾ തുറന്നു​വന്നു. ഫോർഡ്‌ പറയുന്നു: “ഈ അധ്യാ​യങ്ങൾ 1844-ന്റെയും ദാനീ. 8:14-ന്റെയും അർഥത്തെ വിശദീ​ക​രി​ക്കുന്ന താക്കോ​ലാ​ണെന്ന അഡ്‌വെൻറി​സ്റ്റു​കാ​രു​ടെ അവകാ​ശ​വാ​ദ​ത്തിന്‌ ഇതി​നെ​ക്കാൾ ഉചിത​വും പ്രതീ​കാ​ത്മ​ക​വു​മാ​യി​ക്കാൻ മറ്റെന്തി​നു കഴിയും!”

“ആ അവകാ​ശ​വാ​ദം സെവന്ത്‌-ഡേ അഡ്‌വെൻറി​സ്റ്റു​കാ​രു​ടെ സംബന്ധി​ച്ചി​ട​ത്തോ​ളം നിർണാ​യക”മാണെന്ന്‌, ദാനീ​യേൽ 8:14-ഉം പാപപ​രി​ഹാര ദിനവും അന്വേ​ഷ​ണാ​ത്മക ന്യായ​വി​ധി​യും എന്ന പുസ്‌ത​ക​ത്തിൽ ഡോ. ഫോർഡ്‌ കൂട്ടി​ച്ചേർക്കു​ന്നു. “ഞങ്ങളെ സംബന്ധി​ച്ചി​ട​ത്തോ​ളം വളരെ മർമ​പ്ര​ധാ​ന​മായ വിശു​ദ്ധ​മ​ന്ദിര ഉപദേ​ശ​ത്തി​ന്റെ . . . പ്രാധാ​ന്യ​ത്തെ​ക്കു​റി​ച്ചുള്ള സവിസ്‌തര വിശദീ​ക​രണം കാണാൻ കഴിയു​ന്നത്‌ . . . എബ്രാ. 9-ൽ മാത്ര​മാണ്‌.” അതേ, ലേവ്യ​പു​സ്‌തകം 16-ാം അധ്യാ​യ​ത്തി​ന്റെ പ്രാവ​ച​നിക അർഥം വിശദീ​ക​രി​ക്കാ​നുള്ള “പുതിയ നിയമ”ത്തിലെ ഏക അധ്യായം എബ്രായർ 9 ആണ്‌. എന്നാൽ അപ്രകാ​രം ചെയ്യുന്ന, “പഴയ നിയമ”ത്തിലെ ഏക വാക്യം ദാനീ​യേൽ 8:14 ആണെന്നും അഡ്‌വെൻറി​സ്റ്റു​കാർ പറയുന്നു. രണ്ടു പ്രസ്‌താ​വ​ന​ക​ളും ശരിയാ​ണെ​ങ്കിൽ, എബ്രായർ 9-ാം അധ്യാ​യ​വും ദാനീ​യേൽ 8-ാം അധ്യാ​യ​വും തമ്മിലും ഒരു ബന്ധമു​ണ്ടാ​യി​രി​ക്കണം

ഡെസ്‌മണ്ട്‌ ഫോർഡ്‌ അഭി​പ്രാ​യ​പ്പെ​ടു​ന്നു: “ഒരുവൻ എബ്രാ. 9 വായി​ക്കു​മ്പോൾത്തന്നെ ചില കാര്യങ്ങൾ വ്യക്തമാണ്‌. അതിനു ദാനീ​യേ​ലി​ന്റെ പുസ്‌ത​ക​വു​മാ​യി, നിശ്ചയ​മാ​യും ദാനീ. 8:14-മായി, . . . വ്യക്തമായ പരോ​ക്ഷ​ബ​ന്ധ​മൊ​ന്നു​മില്ല. ആ അധ്യായം മൊത്ത​ത്തിൽ ലേവ്യ. 16-ന്റെ ഒരു ബാധക​മാ​ക്ക​ലാണ്‌.” അദ്ദേഹം പ്രസ്‌താ​വി​ക്കു​ന്നു: “വിശു​ദ്ധ​മ​ന്ദിര സേവന​ങ്ങ​ളു​ടെ പ്രാധാ​ന്യം ചർച്ച​ചെ​യ്യുന്ന പുതിയ നിയമ​ത്തി​ലെ എബ്രാ​യ​റു​ടെ പുസ്‌ത​ക​ത്തിൽ നമ്മുടെ വിശു​ദ്ധ​മ​ന്ദിര പഠിപ്പി​ക്കൽ കാണാ​നാ​വില്ല. ലോക​ത്തി​നു ചുറ്റു​മുള്ള വിഖ്യാ​ത​രായ അഡ്‌വെൻറിസ്റ്റ്‌ എഴുത്തു​കാർ ഇതു സമ്മതി​ച്ചി​ട്ടുണ്ട്‌.” അതു​കൊണ്ട്‌, ഈ കുഴപ്പം​പി​ടിച്ച ഉപദേ​ശത്തെ പിന്താ​ങ്ങു​ന്ന​തിൽ രണ്ടാമത്തെ മുഖ്യ ആധാര​വും തികച്ചും ദുർബ​ല​മാണ്‌.

എന്നാൽ ഈ നിഗമനം നവീനമല്ല. ഡോ. കോട്രൽ പറയുന്നു: “ദാനീ​യേൽ 8:14-ഉം എബ്രായർ 9-ഉം സംബന്ധിച്ച ഞങ്ങളുടെ പരമ്പരാ​ഗത വ്യാഖ്യാ​നം നേരി​ടുന്ന വിശദീ​കരണ പ്രശ്‌ന​ങ്ങ​ളെ​ക്കു​റിച്ച്‌ സഭയിലെ ബൈബിൾ പണ്ഡിതൻമാർക്ക്‌” അനേക വർഷങ്ങ​ളാ​യി “നല്ല ബോധ്യ​മുണ്ട്‌.” സ്വാധീ​ന​ശ​ക്തി​യുള്ള സെവന്ത്‌-ഡേ അഡ്‌വെൻറി​സ്റ്റായ ഈ. ജെ. വാഗ്നർ ഏതാണ്ട്‌ 80 വർഷം മുമ്പ്‌ എഴുതി: “വിശു​ദ്ധ​മ​ന്ദി​ര​ത്തെ​യും ‘അന്വേ​ഷ​ണാ​ത്മക ന്യായ​വി​ധി’യെയും സംബന്ധി​ച്ചുള്ള അഡ്‌വെൻറിസ്റ്റ്‌ പഠിപ്പി​ക്കൽ . . . , ഫലത്തിൽ പാപപ​രി​ഹാ​ര​ത്തി​ന്റെ ഒരു നിരസ​ന​മാണ്‌.” (കൺഫെഷൻ ഓഫ്‌ ഫെയ്‌ത്ത്‌) ഏതാണ്ട്‌ 30-ലധികം വർഷം മുമ്പ്‌ അത്തരം പ്രശ്‌നങ്ങൾ എസ്‌ഡിഎ സഭയുടെ നേതൃ​ത്വ​സ​മി​തി​യായ ജനറൽ കോൺഫ​റൻസിൽ അവതരി​പ്പി​ച്ചു.

പ്രശ്‌ന​ങ്ങ​ളും ഒരു സ്‌തം​ഭ​നാ​വ​സ്ഥ​യും

“ദാനീ​യേ​ലി​ന്റെ പുസ്‌ത​ക​ത്തി​ലെ പ്രശ്‌ന​ങ്ങളെ സംബന്ധി​ച്ചു” പഠിക്കാൻ ജനറൽ കോൺഫ​റൻസ്‌ ഒരു “കമ്മിറ്റി”യെ നിയമി​ച്ചു. ദാനീ​യേൽ 8:14-നെ ചുറ്റി​പ്പ​റ്റി​യുള്ള വിഷമ​തകൾ എങ്ങനെ പരിഹ​രി​ക്കാ​മെ​ന്ന​തി​നെ​ക്കു​റിച്ച്‌ ഒരു റിപ്പോർട്ടു തയ്യാറാ​ക്കാ​നാ​യി​രു​ന്നു അത്‌. 14 കമ്മിറ്റി​യം​ഗങ്ങൾ അഞ്ചു വർഷം പ്രസ്‌തുത പ്രശ്‌നം പഠിച്ചു. പക്ഷേ, ഏകകണ്‌ഠ​മായ ഒരു പരിഹാ​രം നിർദേ​ശി​ക്കു​ന്ന​തിൽ അവർ പരാജ​യ​പ്പെട്ടു. ദാനീ​യേൽ 8:14-ന്റെ അഡ്‌വെൻറിസ്റ്റ്‌ വ്യാഖ്യാ​നം “അനുമാ​ന​ങ്ങ​ളു​ടെ” ഒരു പരമ്പര​യാൽ “തൃപ്‌തി​ക​ര​മാ​യി സ്ഥാപിക്കാ”വുന്നതാ​ണെ​ന്നും ആ പ്രശ്‌നങ്ങൾ “വിസ്‌മ​രി​ക്ക​പ്പെടണ”മെന്നു​മാണ്‌ മിക്ക കമ്മിറ്റി​യം​ഗ​ങ്ങൾക്കും തോന്നി​യ​തെന്നു കമ്മിറ്റി​യം​ഗ​മായ കോട്രൽ 1980-ൽ പറഞ്ഞു. അദ്ദേഹം കൂട്ടി​ച്ചേർത്തു: “ദാനീ​യേ​ലി​ന്റെ പുസ്‌ത​ക​ത്തി​ലെ പ്രശ്‌നങ്ങൾ സംബന്ധിച്ച കമ്മിറ്റി എന്നതാ​യി​രു​ന്നു ആ കമ്മിറ്റി​യു​ടെ പേരെന്ന്‌ ഓർമി​ക്കുക. തങ്ങൾ പ്രശ്‌നങ്ങൾ വിസ്‌മ​രി​ച്ചെ​ന്നും അവയെ​ക്കു​റിച്ച്‌ യാതൊ​ന്നും പറയാ​തി​രി​ക്ക​ണ​മെ​ന്നും മിക്കവ​രും നിർദേ​ശി​ക്കു​ക​യാ​യി​രു​ന്നു.” “ഞങ്ങൾക്ക്‌ യാതൊ​രു ഉത്തരവു​മി​ല്ലെന്ന്‌ സമ്മതി​ക്കു​ന്ന​തി​നു” തുല്യ​മാ​യി​രി​ക്കു​മാ​യി​രു​ന്നു അത്‌. അതു​കൊണ്ട്‌, ഒരു ന്യൂന​പക്ഷം ഭൂരി​പ​ക്ഷ​ത്തി​ന്റെ വീക്ഷണത്തെ പിന്താ​ങ്ങാൻ വിസമ്മ​തി​ച്ചു, ഒരു ഔദ്യോ​ഗിക റിപ്പോർട്ടും ഉണ്ടായില്ല. ഉപദേ​ശ​പ​ര​മായ ആ പ്രശ്‌നം പരിഹ​രി​ക്ക​പ്പെ​ടാ​ത്ത​താ​യി തുടർന്നു.

ഈ സ്‌തം​ഭ​നാ​വ​സ്ഥ​യെ​ക്കു​റിച്ച്‌ അഭി​പ്രാ​യ​പ്പെ​ട്ടു​കൊണ്ട്‌ ഡോ. കോട്രൽ പറയുന്നു: “ദാനീ​യേൽ 8:14-നെക്കു​റി​ച്ചുള്ള വിവാ​ദ​പ്ര​ശ്‌നം ഇപ്പോ​ഴും ഞങ്ങളോ​ടൊ​പ്പ​മുണ്ട്‌, കാരണം, തികച്ചും വാസ്‌ത​വി​ക​മായ ഒരു വിശദീ​കരണ പ്രശ്‌നം സ്ഥിതി​ചെ​യ്യു​ന്നു​വെന്ന യാഥാർഥ്യ​ത്തെ നേരി​ടാൻ ഞങ്ങൾക്കി​പ്പോ​ഴും മനസ്സില്ല. യാതൊ​രു പ്രശ്‌ന​വു​മി​ല്ലെന്ന്‌ ഞങ്ങൾ നടിക്കു​ന്നി​ട​ത്തോ​ളം കാലം, ഞങ്ങളുടെ പൂർവാ​ഭി​പ്രാ​യങ്ങൾ അന്ധമായി സ്വീക​രി​ക്ക​ണ​മെന്ന്‌ ഞങ്ങൾ വ്യക്തി​പ​ര​മാ​യും കൂട്ടമാ​യും ശഠിക്കു​ന്നി​ട​ത്തോ​ളം കാലം, ആ വിവാ​ദ​പ്ര​ശ്‌നം നീങ്ങി​പ്പോ​കില്ല.”—സ്‌പെ​ക്‌ട്രം, അസോ​സി​യേഷൻ ഓഫ്‌ അഡ്‌വെൻറിസ്റ്റ്‌ ഫോറം പ്രസി​ദ്ധീ​ക​രിച്ച ഒരു മാസിക.

“അഡ്‌വെൻറിസ്റ്റ്‌ വിശ്വാ​സം അനിവാ​ര്യ​മായ തിരു​വെ​ഴു​ത്തു പാഠമാ​യ​തി​നാൽ, ഇതി​നെ​ക്കു​റി​ച്ചുള്ള വ്യാഖ്യാ​ന​ങ്ങൾക്ക്‌ തങ്ങൾ അടിസ്ഥാ​ന​മാ​ക്കി​യി​രി​ക്കുന്ന മൗലിക അനുമാ​ന​ങ്ങ​ളു​ടെ​യും വ്യാഖ്യാ​ന തത്ത്വങ്ങ​ളു​ടെ​യും ശ്രദ്ധാ​പൂർവ​ക​മായ ഒരു പുനഃ​പ​രി​ശോ​ധന” നടത്താൻ ഡോ. കോട്രൽ അഡ്‌വെൻറി​സ്റ്റു​കാ​രെ ഉദ്‌ബോ​ധി​പ്പി​ക്കു​ന്നു. “അന്വേ​ഷ​ണാ​ത്മക ന്യായ​വി​ധി”യുടെ മുഖ്യ ആധാര​ങ്ങൾക്ക്‌ ബൈബി​ളിൽ ഉറച്ച അടിസ്ഥാ​ന​മു​ണ്ടോ അതോ, അതു പാരമ്പ​ര്യ​ത്തി​ന്റെ അസ്ഥിര​മായ മണലിൽ അധിഷ്‌ഠി​ത​മാ​ണോ എന്നു മനസ്സി​ലാ​ക്കാ​നാ​യി ആ ഉപദേ​ശത്തെ പരി​ശോ​ധി​ക്കാൻ ഞങ്ങൾ അഡ്‌വെൻറി​സ്റ്റു​കാ​രെ പ്രോ​ത്സാ​ഹി​പ്പി​ക്കു​ക​യാണ്‌.c അപ്പോ​സ്‌ത​ല​നായ പൗലൊസ്‌ ജ്ഞാനപൂർവം ഉദ്‌ബോ​ധി​പ്പി​ച്ചു: “സകലവും ശോധന ചെയ്‌തു നല്ലതു മുറുകെ പിടി​പ്പിൻ.”—1 തെസ്സ​ലൊ​നീ​ക്യർ 5:21.

[അടിക്കു​റി​പ്പു​കൾ]

[27-ാം പേജിലെ ചിത്രം]

ദാനീയേൽ 8:14 സന്ദർഭ​ത്തിൽ

ദാനീ​യേൽ 8:9 “അവയിൽ ഒന്നിൽനി​ന്നു ഒരു ചെറിയ കൊമ്പു പുറ​പ്പെട്ടു; അതു തെക്കോ​ട്ടും കിഴ​ക്കോ​ട്ടും മനോ​ഹ​ര​ദേ​ശ​ത്തി​ന്നു നേരെ​യും ഏററവും വലുതാ​യി​ത്തീർന്നു. 10 അതു ആകാശ​ത്തി​ലെ സൈന്യ​ത്തോ​ളം വലുതാ​യി​ത്തീർന്നു, സൈന്യ​ത്തി​ലും നക്ഷത്ര​ങ്ങ​ളി​ലും ചിലതി​നെ നിലത്തു തള്ളിയി​ട്ടു ചവിട്ടി​ക്ക​ളഞ്ഞു. 11 അതു സൈന്യ​ത്തി​ന്റെ അധിപ​തി​യോ​ളം തന്നെത്താൻ വലുതാ​ക്കി, അവന്നുള്ള നിരന്ത​ര​ഹോ​മ​യാ​ഗം അപഹരി​ക്ക​യും അവന്റെ വിശു​ദ്ധ​മ​ന്ദി​രം ഇടിച്ചു​ക​ള​ക​യും ചെയ്‌തു. 12 അതി​ക്രമം ഹേതു​വാ​യി നിരന്ത​ര​ഹോ​മ​യാ​ഗ​ത്തി​ന്നെ​തി​രാ​യി ഒരു സേവ നിയമി​ക്ക​പ്പെ​ടും; അതു സത്യത്തെ നിലത്തു തള്ളിയി​ടു​ക​യും കാര്യം നടത്തി സാധി​പ്പി​ക്ക​യും ചെയ്യും.

“13 അനന്തരം ഒരു വിശുദ്ധൻ സംസാ​രി​ക്കു​ന്നതു ഞാൻ കേട്ടു; സംസാ​രി​ച്ചു​കൊ​ണ്ടി​രുന്ന വിശു​ദ്ധ​നോ​ടു മറെറാ​രു വിശുദ്ധൻ: വിശു​ദ്ധ​മ​ന്ദി​ര​ത്തെ​യും സേവ​യെ​യും ചവിട്ടി​ക്ക​ള​യേ​ണ്ട​തി​ന്നു ഏല്‌പി​ച്ചു​കൊ​ടു​പ്പാൻ തക്കവണ്ണം നിരന്ത​ര​ഹോ​മ​യാ​ഗ​ത്തെ​യും ശൂന്യ​മാ​ക്കുന്ന അതി​ക്ര​മ​ത്തെ​യും​കു​റി​ച്ചു ദർശന​ത്തിൽ കണ്ടിരി​ക്കു​ന്നതു എത്ര​ത്തോ​ളം എന്നു ചോദി​ച്ചു. 14 അതിന്നു അവൻ അവനോ​ടു: രണ്ടായി​ര​ത്തി​മു​ന്നൂ​റു സന്ധ്യയും ഉഷസ്സും തികയു​വോ​ളം തന്നേ; പിന്നെ വിശു​ദ്ധ​മ​ന്ദി​രം യഥാസ്ഥാ​ന​പ്പെ​ടും.” (ചെരി​ച്ചെ​ഴു​ത്തു ഞങ്ങളു​ടേത്‌.)—സത്യവേദ പുസ്‌തകം.