വായന​ക്കാ​രിൽനി​ന്നുള്ള ചോദ്യ​ങ്ങൾ

കുറ്റവാളികളുടെ വധശി​ക്ഷ​യെ​ക്കു​റി​ച്ചു ബൈബിൾ എന്തു സൂചി​പ്പി​ക്കു​ന്നു?

ജീവി​ത​ത്തി​ലെ നമ്മുടെ അനുഭ​വ​ത്തിൽ അല്ലെങ്കിൽ സാഹച​ര്യ​ത്തിൽ അധിഷ്‌ഠി​ത​മായ, വ്യക്തി​പ​ര​മായ വികാ​രങ്ങൾ നമു​ക്കോ​രോ​രു​ത്തർക്കും ഉണ്ടായി​രു​ന്നേ​ക്കാ​മെ​ന്നതു മനസ്സി​ലാ​ക്കാ​വു​ന്ന​തേ​യു​ള്ളൂ. എന്നിരു​ന്നാ​ലും, ഈ വിവാ​ദ​വി​ഷ​യ​ത്തിൽ അനേക​രും സ്വീക​രി​ക്കുന്ന രാഷ്‌ട്രീയ നിലപാ​ടു​കൾ സംബന്ധി​ച്ചു നിഷ്‌പ​ക്ഷ​രാ​യി നിലനിൽക്ക​വേ​തന്നെ, യഹോ​വ​യു​ടെ സാക്ഷി​ക​ളെന്ന നിലയിൽ നാം വധശിക്ഷ സംബന്ധി​ച്ചുള്ള ദൈവ​ത്തി​ന്റെ ചിന്തക​ളോ​ടു പൊരു​ത്ത​പ്പെ​ടേ​ണ്ട​തുണ്ട്‌.

കൃത്യ​മാ​യി പറഞ്ഞാൽ, വധശിക്ഷ തെറ്റാ​ണെന്നു തന്റെ ലിഖിത വചനത്തിൽ ദൈവം സൂചി​പ്പി​ക്കു​ന്നില്ല.

ഉല്‌പത്തി 9-ാം അധ്യാ​യ​ത്തിൽ നാം വായി​ക്കു​ന്ന​തു​പോ​ലെ, ഇക്കാര്യം സംബന്ധി​ച്ചുള്ള തന്റെ ചിന്തകൾ മനുഷ്യ​ച​രി​ത്ര​ത്തി​ന്റെ ആരംഭ​ത്തിൽ യഹോവ പ്രകടി​പ്പി​ക്കു​ക​യു​ണ്ടാ​യി. മുഴു മനുഷ്യ​വർഗ​ത്തി​ന്റെ​യും പൂർവി​ക​രാ​യി​ത്തീർന്ന നോഹ​യും കുടും​ബ​വും അതിൽ ഉൾപ്പെ​ട്ടി​രു​ന്നു. അവർ പെട്ടക​ത്തിൽനി​ന്നു പുറത്തു​വ​ന്ന​ശേഷം, മൃഗങ്ങളെ ഭക്ഷിക്കാ​മെന്ന്‌—അതായത്‌, കൊന്ന്‌ രക്തം ചോർത്തി​ക്ക​ളഞ്ഞ്‌ തിന്നാ​മെന്ന്‌—ദൈവം പറഞ്ഞു. എന്നിട്ട്‌, ഉല്‌പത്തി 9:5, 6-ൽ ദൈവം പറഞ്ഞു: “നിങ്ങളു​ടെ പ്രാണ​നാ​യി​രി​ക്കുന്ന നിങ്ങളു​ടെ രക്തത്തിന്നു ഞാൻ പകരം ചോദി​ക്കും; സകലമൃ​ഗ​ത്തോ​ടും മനുഷ്യ​നോ​ടും ചോദി​ക്കും; അവനവന്റെ സഹോ​ദ​ര​നോ​ടും ഞാൻ മമനു​ഷ്യ​ന്റെ പ്രാണന്നു പകരം ചോദി​ക്കും. ആരെങ്കി​ലും മമനു​ഷ്യ​ന്റെ രക്തം ചൊരി​യി​ച്ചാൽ അവന്റെ രക്തം മനുഷ്യൻ ചൊരി​യി​ക്കും; ദൈവ​ത്തി​ന്റെ സ്വരൂ​പ​ത്തി​ല​ല്ലോ മനുഷ്യ​നെ ഉണ്ടാക്കി​യതു.” അതു​കൊണ്ട്‌, കൊല​പാ​ത​കി​ക​ളു​ടെ കാര്യ​ത്തിൽ യഹോവ വധശി​ക്ഷ​യ്‌ക്ക്‌ അധികാ​രം നൽകി.

തന്റെ ജനമെ​ന്ന​നി​ല​യിൽ ദൈവം ഇസ്രാ​യേ​ലി​നോട്‌ ഇടപെ​ട്ടു​കൊ​ണ്ടി​രു​ന്ന​പ്പോൾ ദിവ്യ നിയമ​ത്തി​നെ​തി​രാ​യുള്ള ഗുരു​ത​ര​മായ മറ്റു കുറ്റകൃ​ത്യ​ങ്ങൾക്കും മരണമാ​യി​രു​ന്നു ശിക്ഷ. സംഖ്യാ​പു​സ്‌തകം 15:30-ൽ ഈ പൊതു പ്രസ്‌താ​വന നാം വായി​ക്കു​ന്നു: “എന്നാൽ സ്വദേ​ശി​ക​ളി​ലോ പരദേ​ശി​ക​ളി​ലോ ആരെങ്കി​ലും കരുതി​ക്കൂ​ട്ടി​ക്കൊ​ണ്ടു ചെയ്‌താൽ അവൻ യഹോ​വയെ ദുഷി​ക്കു​ന്നു; അവനെ അവന്റെ ജനത്തിൽനി​ന്നു ഛേദി​ച്ചു​ക​ള​യേണം.”

എന്നാൽ ക്രിസ്‌തീയ സഭ നിലവിൽവ​ന്ന​തി​നു​ശേ​ഷ​മോ? മനുഷ്യ ഗവൺമെൻറു​കൾ നിലനിൽക്കാൻ യഹോവ അധികാ​രം നൽകി എന്നു നമുക്ക​റി​യാം. അവൻ അവയെ ശ്രേഷ്‌ഠാ​ധി​കാ​രങ്ങൾ എന്നു വിളി​ക്കു​ക​യും ചെയ്‌തു. വാസ്‌ത​വ​ത്തിൽ, അത്തരം ഗവൺമെൻറ്‌ അധികാ​രി​കളെ അനുസ​രി​ക്കാൻ ക്രിസ്‌ത്യാ​നി​കളെ പ്രോ​ത്സാ​ഹി​പ്പി​ച്ച​ശേഷം അത്തരം അധികാ​രി​ക​ളെ​ക്കു​റിച്ച്‌, “നിന്റെ നന്മെക്കാ​യി​ട്ട​ല്ലോ അവൻ ദൈവ​ശു​ശ്രൂ​ഷ​ക്കാ​ര​നാ​യി​രി​ക്കു​ന്നതു. നീ തിന്മ ചെയ്‌താ​ലോ ഭയപ്പെ​ടുക; വെറുതെ അല്ല അവൻ വാൾ വഹിക്കു​ന്നതു; അവൻ ദോഷം പ്രവർത്തി​ക്കു​ന്ന​വന്റെ ശിക്ഷെ​ക്കാ​യി പ്രതി​കാ​രി​യായ ദൈവ​ശു​ശ്രൂ​ഷ​ക്കാ​രൻ തന്നേ” എന്നു ബൈബിൾ പറയുന്നു.—റോമർ 13:1-4.

ഗുരു​ത​ര​മാ​യ തെറ്റു ചെയ്യുന്ന കുറ്റവാ​ളി​ക​ളു​ടെ ജീവ​നെ​ടു​ക്കാൻപോ​ലും ഗവൺമെൻറു​കൾക്ക്‌ അധികാ​ര​മു​ണ്ടെ​ന്നാ​ണോ അതിന്റെ അർഥം? അതേ. 1 പത്രൊസ്‌ 4:15-ലെ വാക്കു​ക​ളിൽനി​ന്നു നാം അങ്ങനെ നിഗമനം ചെയ്യേ​ണ്ടി​യി​രി​ക്കു​ന്നു. ആ വാക്യ​ഭാ​ഗത്ത്‌ അപ്പോ​സ്‌തലൻ തന്റെ സഹോ​ദ​രൻമാ​രെ ഇങ്ങനെ പ്രബോ​ധി​പ്പി​ച്ചു: “നിങ്ങളിൽ ആരും കുലപാ​ത​ക​നോ കള്ളനോ ദുഷ്‌പ്ര​വൃ​ത്തി​ക്കാ​ര​നോ ആയിട്ടല്ല കഷ്ടം സഹി​ക്കേ​ണ്ടതു; പരകാ​ര്യ​ത്തിൽ ഇടപെ​ടു​ന്ന​വ​നാ​യി​ട്ടു​മല്ല.” ‘നിങ്ങളിൽ ആരും കുലപാ​ത​ക​നാ​യി​ട്ടല്ല കഷ്ടം സഹി​ക്കേ​ണ്ടത്‌’ എന്നതു നിങ്ങൾ ശ്രദ്ധി​ച്ചോ? തന്റെ കുറ്റകൃ​ത്യ​ത്തിന്‌ ഒരു കൊല​പാ​തകി കഷ്ടം സഹിക്കാൻ ഇടയാ​ക്കാൻ ഗവൺമെൻറു​കൾക്ക്‌ അധികാ​ര​മി​ല്ലെന്നു പത്രൊസ്‌ സൂചി​പ്പി​ച്ചില്ല. നേരേ​മ​റിച്ച്‌, ഒരു കൊല​പാ​ത​കിക്ക്‌ അർഹമായ ശിക്ഷ ഉചിത​മാ​യി ലഭിക്കാ​മെന്ന്‌ അവൻ സൂചി​പ്പി​ച്ചു. അതിൽ മരണശിക്ഷ ഉൾപ്പെ​ടു​മോ?

ഉൾപ്പെ​ടാം. പ്രവൃ​ത്തി​കൾ 25-ാം അധ്യാ​യ​ത്തിൽ കാണുന്ന പൗലൊ​സി​ന്റെ വാക്കു​ക​ളിൽനിന്ന്‌ അതു വ്യക്തമാണ്‌. തങ്ങളുടെ ന്യായ​പ്ര​മാ​ണ​ത്തി​നെ​തി​രായ തെറ്റു​കൾക്ക്‌ യഹൂദൻമാർ പൗലൊ​സി​നെ കുറ്റ​പ്പെ​ടു​ത്തി​യി​രു​ന്നു. തന്റെ തടവു​കാ​ര​നായ പൗലൊ​സി​നെ റോമൻ ദേശാ​ധി​പ​തി​യു​ടെ അടു​ത്തേക്ക്‌ അയച്ച​പ്പോൾ, പ്രവൃ​ത്തി​കൾ 23:29-ൽ രേഖപ്പ​ടു​ത്തി​യി​രി​ക്കു​ന്ന​തു​പോ​ലെ, സഹസ്രാ​ധി​പൻ ഇങ്ങനെ റിപ്പോർട്ടു ചെയ്‌തു: “അവരുടെ ന്യായ​പ്ര​മാ​ണം സംബന്ധി​ച്ചുള്ള തർക്കങ്ങ​ളെ​ക്കു​റി​ച്ചു കുററം ചുമത്തു​ന്ന​ത​ല്ലാ​തെ മരണത്തി​ന്നോ ചങ്ങലെ​ക്കോ യോഗ്യ​മാ​യതു ഒന്നും ഇല്ല എന്നു [ഞാൻ] കണ്ടു.” (ചെരി​ച്ചെ​ഴു​ത്തു ഞങ്ങളു​ടേത്‌.) രണ്ടു വർഷത്തി​നു​ശേഷം പൗലൊസ്‌ ദേശാ​ധി​പ​തി​യായ ഫെസ്‌തൊ​സി​ന്റെ മുമ്പി​ലെത്തി. പ്രവൃ​ത്തി​കൾ 25:8-ൽ നാം ഇപ്രകാ​രം വായി​ക്കു​ന്നു: ‘പൌ​ലൊ​സോ: യെഹൂ​ദ​ന്മാ​രു​ടെ ന്യായ​പ്ര​മാ​ണ​ത്തോ​ടാ​കട്ടെ ദൈവാ​ല​യ​ത്തോ​ടാ​കട്ടെ കൈസ​രോ​ടാ​കട്ടെ ഞാൻ ഒരു കുററ​വും ചെയ്‌തി​ട്ടില്ല എന്നു പ്രതി​വാ​ദി​ച്ചു.’ എന്നാൽ ഇപ്പോൾ ശിക്ഷ​യെ​ക്കു​റി​ച്ചുള്ള, മരണശി​ക്ഷ​യെ​ക്കു​റി​ച്ചു​പോ​ലു​മുള്ള, അവന്റെ അഭി​പ്രാ​യ​ങ്ങ​ളിൽ ശ്രദ്ധ കേന്ദ്രീ​ക​രി​ക്കുക. പ്രവൃ​ത്തി​കൾ 25:10-12-ൽ പൗലൊസ്‌ ഇങ്ങനെ പറഞ്ഞതാ​യി നാം വായി​ക്കു​ന്നു:

“ഞാൻ കൈസ​രു​ടെ ന്യായാ​സ​ന​ത്തി​ന്നു മുമ്പാകെ നില്‌ക്കു​ന്നു; അവിടെ എന്നെ വിസ്‌ത​രി​ക്കേ​ണ്ട​താ​കു​ന്നു; യെഹൂ​ദ​ന്മാ​രോ​ടു ഞാൻ ഒരു അന്യാ​യ​വും ചെയ്‌തി​ട്ടില്ല; അതു നീയും നല്ലവണ്ണം അറിഞ്ഞി​രി​ക്കു​ന്നു. ഞാൻ അന്യായം ചെയ്‌തു മരണ​യോ​ഗ്യ​മാ​യതു വല്ലതും പ്രവൃ​ത്തി​ച്ചി​ട്ടു​ണ്ടെ​ങ്കിൽ മരണശിക്ഷ ഏല്‌ക്കു​ന്ന​തി​ന്നു എനിക്കു വിരോ​ധ​മില്ല. ഇവർ എന്റെ​നേരെ ബോധി​പ്പി​ക്കുന്ന അന്യായം നേരല്ല എന്നു വരികി​ലോ എന്നെ അവർക്കു ഏല്‌പി​ച്ചു​കൊ​ടു​പ്പാൻ ആർക്കും കഴിയു​ന്നതല്ല; ഞാൻ കൈസറെ അഭയം​ചൊ​ല്ലു​ന്നു.” (ചെരി​ച്ചെ​ഴു​ത്തു ഞങ്ങളു​ടേത്‌.)

ദുഷ്‌പ്ര​വൃ​ത്തി​ക്കാ​രെ ശിക്ഷി​ക്കാ​നുള്ള, അവരെ വധിക്കാൻ പോലു​മുള്ള അധികാ​രം കൈസർക്കു​ണ്ടെന്നു നിയുക്ത അധികാ​രി​യു​ടെ മുമ്പിൽ നിൽക്കവേ പൗലൊസ്‌ സമ്മതിച്ചു. താൻ കുറ്റക്കാ​ര​നാ​യി​രു​ന്നെ​ങ്കിൽ തന്നെ ശിക്ഷി​ക്കു​ന്ന​തിൽ അവന്‌ എതിർപ്പി​ല്ലാ​യി​രു​ന്നു. കൊല​പാ​ത​കി​കൾക്കു വേണ്ടി മാത്രമേ കൈസർക്കു മരണശിക്ഷ ഉചിത​മാ​യി ഉപയോ​ഗി​ക്കാൻ സാധി​ക്കു​ക​യു​ള്ളു​വെ​ന്നും അവൻ പറഞ്ഞില്ല.

റോമൻ നീതി​ന്യാ​യ സംവി​ധാ​നം പൂർണ​ത​യു​ള്ള​താ​യി​രു​ന്നി​ല്ലെന്നു സമ്മതി​ക്കു​ന്നു; ഇന്നത്തെ മാനുഷ കോടതി വ്യവസ്ഥ​ക​ളും പൂർണമല്ല. നിഷ്‌ക​ള​ങ്ക​രായ ചിലർ അന്നും ഇന്നും കുറ്റം വിധി​ക്ക​പ്പെട്ട്‌ ശിക്ഷ സഹി​ക്കേ​ണ്ടി​വ​ന്നി​ട്ടുണ്ട്‌. പീലാ​ത്തൊസ്‌ പോലും യേശു​വി​നെ​ക്കു​റിച്ച്‌ ഇങ്ങനെ പറഞ്ഞു: “മരണ​യോ​ഗ്യ​മാ​യതു ഒന്നും അവനിൽ കണ്ടില്ല; അതു​കൊ​ണ്ടു ഞാൻ അവനെ അടിപ്പി​ച്ചു വിട്ടയ​ക്കും.” അതേ, യേശു നിരപ​രാ​ധി​യാ​യി​രു​ന്നെന്ന്‌ ഗവൺമെൻറ്‌ അധികാ​രി സമ്മതി​ച്ചെ​ങ്കിൽപോ​ലും, നിരപ​രാ​ധി​യായ ആ മനുഷ്യൻ വധിക്ക​പ്പെട്ടു.—ലൂക്കൊസ്‌ 23:22-25.

മരണശിക്ഷ അടിസ്ഥാ​ന​പ​ര​മാ​യി അധാർമി​ക​മാ​ണെന്നു വാദി​ക്കാൻ അത്തരം അനീതി​കൾ പൗലൊ​സി​നെ​യോ പത്രൊ​സി​നെ​യോ പ്രേരി​പ്പി​ച്ചില്ല. മറിച്ച്‌, ശ്രേഷ്‌ഠാ​ധി​കാ​രങ്ങൾ നിലനിൽക്കു​ന്നി​ട​ത്തോ​ളം കാലം അവ ‘തിന്മ പ്രവർത്തി​ക്കു​ന്ന​വ​രു​ടെ മേൽ ക്രോധം ചൊരി​യാ​നുള്ള വാൾ വഹിക്കു​ന്നു’ എന്നതാണ്‌ ഇക്കാര്യം സംബന്ധിച്ച ദൈവ​ത്തി​ന്റെ ചിന്ത. മരണശിക്ഷ നൽകുക എന്ന അർഥത്തിൽ വാൾ പ്രയോ​ഗി​ക്കു​ന്ന​തും അതിൽ ഉൾപ്പെ​ടു​ന്നു. ഈ ലോക​ത്തി​ലെ ഏതെങ്കി​ലും ഗവൺമെൻറ്‌, ഘാതകരെ വധിക്കാ​നുള്ള അതിന്റെ അവകാശം പ്രയു​ക്ത​മാ​ക്ക​ണ​മോ​യെന്ന വിവാ​ദ​പ​ര​മായ ചോദ്യം ഉയർന്നു​വ​രു​മ്പോൾ യഥാർഥ ക്രിസ്‌ത്യാ​നി​കൾ ശ്രദ്ധാ​പൂർവം നിഷ്‌പ​ക്ഷ​രാ​യി നില​കൊ​ള്ളു​ന്നു. ക്രൈ​സ്‌ത​വ​ലോ​ക​ത്തി​ലെ പുരോ​ഹി​ത​വർഗ​ത്തിൽനി​ന്നു വ്യത്യ​സ്‌ത​രാ​യി, ഈ വിഷയം സംബന്ധിച്ച ഏതു തർക്കത്തിൽനി​ന്നും അവർ ഒഴിഞ്ഞു​നിൽക്കു​ന്നു.