ബൈബി​ളി​ന്റെ വീക്ഷണം

ക്രിസ്‌ത്യാ​നി​കൾ വധശി​ക്ഷയെ പിന്താ​ങ്ങ​ണ​മോ?

“അതു ധാർമി​ക​മാ​യും സദാചാ​ര​പ​ര​മാ​യും തെറ്റാണ്‌.” “അതു നീതി​നി​ഷ്‌ഠ​വും ഉചിത​വു​മാണ്‌.” ഈ വിപരീത വീക്ഷണങ്ങൾ വന്നതു രണ്ടു നാമധേയ ക്രിസ്‌തീയ പുരോ​ഹി​തൻമാ​രിൽനി​ന്നാണ്‌. ഇന്നത്തെ ജ്വലി​ച്ചു​നിൽക്കുന്ന വിവാ​ദ​പ്ര​ശ്‌ന​ങ്ങ​ളിൽ ഒന്നായ വധശി​ക്ഷയെ സംബന്ധിച്ച്‌ ഉഗ്രതർക്കം നടത്തു​ക​യാ​യി​രു​ന്നു അവർ. അവരെ ഉദ്ധരി​ക്കുന്ന പത്ര​ലേ​ഖനം ഇപ്രകാ​രം കുറി​ക്കൊ​ണ്ടു: “മത നേതാ​ക്കൻമാർ വധശി​ക്ഷയെ കുറിച്ചു സംവാദം നടത്തു​മ്പോൾ, ഇരു പക്ഷവും തങ്ങളുടെ നിലപാ​ടി​നെ പിന്താ​ങ്ങാൻ ബൈബിൾ വാക്യങ്ങൾ ഉദ്ധരി​ക്കു​ന്നു.”

വധശിക്ഷ നിരപ​രാ​ധി​കളെ സംരക്ഷി​ക്കു​ക​യും നീതിയെ ഉന്നമി​പ്പി​ക്കു​ക​യും ഗുരു​ത​ര​മായ കുറ്റകൃ​ത്യ​ത്തെ ഭയപ്പെ​ടു​ത്തി തടയു​ക​യും ചെയ്യു​ന്നു​വെന്നു ചിലർ വാദി​ക്കു​ന്നു. അത്‌ അധാർമി​ക​മാ​ണെന്ന്‌, അക്രമ​ത്തോ​ടു കൂടുതൽ അക്രമം​കൊ​ണ്ടു പ്രതി​ക​രി​ക്കു​ന്ന​തും കുറ്റവാ​ളി​കളെ യഥാസ്ഥാ​ന​പ്പെ​ടു​ത്തുന്ന, സമൂഹ​ത്തി​ലെ ഉപയോ​ഗ​പ്ര​ദ​രായ അംഗങ്ങ​ളാ​ക്കാൻ അവരെ സഹായി​ക്കുന്ന വളരെ ഉദാത്ത​മായ പ്രവർത്ത​ന​ത്തെ​ക്കാൾ വളരെ​യേറെ അധമവു​മാ​ണെന്ന്‌, മറ്റുള്ളവർ വാദി​ക്കു​ന്നു.

ഈ വാദ​പ്ര​തി​വാ​ദം ഐക്യ​നാ​ടു​ക​ളി​ലെ രാഷ്ട്രീ​യ​രം​ഗത്തു വിശേ​ഷാൽ രൂക്ഷമാണ്‌, മത നേതാ​ക്കൻമാർ അതിൽ ഉൾപ്പെ​ടാൻ മടിച്ചു​നി​ന്നി​ട്ടില്ല. എന്നാൽ, ‘വധശിക്ഷ എന്ന വിഷയ​ത്തെ​ക്കു​റി​ച്ചു ബൈബി​ളിന്‌ എന്തെങ്കി​ലും പറയാ​നു​ണ്ടോ?’ എന്നു നിങ്ങൾ അതിശ​യി​ച്ചേ​ക്കാം. യഥാർഥ​ത്തിൽ അതു പറയു​ക​തന്നെ ചെയ്യുന്നു.

മാനുഷ അധികാ​ര​ങ്ങൾക്കു “വാൾ” നൽകൽ

നോഹ​യു​ടെ നാളിലെ പ്രളയത്തെ തുടർന്ന്‌ അൽപ്പം കഴിഞ്ഞ്‌ യഹോവ മാനുഷ ജീവന്റെ അമൂല്യ​തയെ സ്ഥിരീ​ക​രി​ച്ചു​കൊണ്ട്‌ ഇപ്രകാ​രം പ്രസ്‌താ​വി​ച്ചു: “ആരെങ്കി​ലും മമനു​ഷ്യ​ന്റെ രക്തം ചൊരി​യി​ച്ചാൽ അവന്റെ രക്തം മനുഷ്യൻ ചൊരി​യി​ക്കും.” (ഉല്‌പത്തി 9:6) തീർച്ച​യാ​യും ഇതു പ്രതി​കാ​രം നടത്തു​ന്ന​തി​നുള്ള ഒരു അപരി​മിത അനുവാ​ദ​മാ​യി​രു​ന്നില്ല. മറിച്ച്‌, മറ്റുള്ള​വ​രു​ടെ ജീവനെ അപഹരി​ക്കു​ന്ന​വർക്കു വധശിക്ഷ നൽകു​വാൻ നിയമാ​നു​സൃ​തം സ്ഥാപി​ക്ക​പ്പെട്ട മാനുഷ അധികാ​രങ്ങൾ അന്നുമു​തൽ അനുവ​ദി​ക്ക​പ്പെ​ടു​മെ​ന്ന​തി​നെ അത്‌ അർഥമാ​ക്കി.

പുരാതന ഇസ്രാ​യേ​ലിൽ മോശ​യി​ലൂ​ടെ ദൈവം പകർന്നു​കൊ​ടുത്ത നിയമം ചില ഗുരു​ത​ര​മായ കുറ്റങ്ങൾക്കു വധശിക്ഷ വ്യവസ്ഥ ചെയ്‌തി​രു​ന്നു. (ലേവ്യ​പു​സ്‌തകം 18:29) എന്നിരു​ന്നാ​ലും, പ്രസ്‌തുത നിയമം നിഷ്‌പക്ഷ ന്യായ​വി​ധി​യും ദൃക്‌സാ​ക്ഷി തെളി​വും അഴിമ​തി​ക്കെ​തി​രായ നിയ​ന്ത്ര​ണ​വും കൂടെ വ്യവസ്ഥ ചെയ്‌തി​രു​ന്നു. (ലേവ്യ​പു​സ്‌തകം 19:15; ആവർത്ത​ന​പു​സ്‌തകം 16:18-20; 19:15) ന്യായാ​ധി​പൻമാർ അർപ്പിത പുരു​ഷൻമാ​രും ദൈവ​ത്തോ​ടു​തന്നെ കണക്കു​ബോ​ധി​പ്പി​ക്കേ​ണ്ട​വ​രും ആയിരു​ന്നു! (ആവർത്ത​ന​പു​സ്‌തകം 1:16, 17; 2 ദിനവൃ​ത്താ​ന്തം 19:6-10) അങ്ങനെ വധശി​ക്ഷ​യു​ടെ ദുരു​പ​യോ​ഗ​ത്തി​നെ​തി​രാ​യി സംരക്ഷ​ണങ്ങൾ ഉണ്ടായി​രു​ന്നു.

പുരാതന ഇസ്രാ​യേൽ ചെയ്‌ത​തു​പോ​ലെ ഇന്നു ഭൂമി​യി​ലുള്ള യാതൊ​രു ഭരണകൂ​ട​വും ദിവ്യ നീതിയെ സത്യമാ​യി പ്രതി​നി​ധാ​നം ചെയ്യു​ന്നില്ല. എന്നാൽ ഒരളവു​വരെ ക്രമവും സ്ഥിരത​യും സംരക്ഷി​ച്ചു​കൊ​ണ്ടും ആവശ്യ​മായ പൊതു​ജന സേവനങ്ങൾ പ്രദാനം ചെയ്‌തു​കൊ​ണ്ടും ഭരണകൂ​ടങ്ങൾ പലവി​ധ​ങ്ങ​ളിൽ ദൈവ​ത്തി​ന്റെ ‘ശുശ്രൂ​ഷകർ’ അല്ലെങ്കിൽ ഏജൻറു​മാ​രാ​യി പ്രവർത്തി​ക്കു​ന്നു. ഈ “ശ്രേഷ്‌ഠാ​ധി​കാ​രങ്ങ”ളോട്‌ അനുസ​ര​ണ​മു​ള്ള​വ​രാ​യി​രി​ക്കാൻ അപ്പോ​സ്‌ത​ല​നായ പൗലോസ്‌ ക്രിസ്‌ത്യാ​നി​കളെ ഓർമി​പ്പി​ച്ചു. എന്നിട്ട്‌ അദ്ദേഹം ഇപ്രകാ​രം കൂട്ടി​ച്ചേർത്തു: “നീ തിന്മ ചെയ്‌താ​ലോ ഭയപ്പെ​ടുക; വെറുതെ അല്ല അവൻ [ഭരണകൂ​ടം] വാൾ വഹിക്കു​ന്നതു; അവൻ ദോഷം പ്രവർത്തി​ക്കു​ന്ന​വന്റെ ശിക്ഷെ​ക്കാ​യി പ്രതി​കാ​രി​യായ ദൈവ​ശു​ശ്രൂ​ഷ​ക്കാ​രൻ തന്നെ.”  —റോമർ 13:1-4.

പൗലോസ്‌ പരാമർശിച്ച “വാൾ” കുറ്റവാ​ളി​കളെ, മരണം​കൊ​ണ്ടു പോലും, ശിക്ഷി​ക്കു​വാ​നുള്ള ഭരണകൂ​ട​ത്തി​ന്റെ അവകാ​ശ​ത്തി​ന്റെ പ്രതീ​ക​മാണ്‌. ക്രിസ്‌ത്യാ​നി​കൾ ആ അവകാ​ശത്തെ ആദരി​ക്കു​ന്നു, എന്നാൽ അത്‌ എങ്ങനെ നടത്ത​പ്പെ​ടു​ന്നു എന്നതി​നോ​ടു ബന്ധപ്പെട്ട തീരു​മാ​ന​ങ്ങളെ സ്വാധീ​നി​ക്കു​വാൻ അവർ ശ്രമി​ക്ക​ണ​മോ?

“വാൾ” ദുരു​പ​യോ​ഗി​ക്ക​പ്പെ​ടു​ന്നു

മാനുഷ ഭരണകൂ​ടങ്ങൾ നീതി​ക്കു​വേണ്ടി “വാൾ” നിരവധി തവണ തീർച്ച​യാ​യും ഉപയോ​ഗി​ച്ചി​ട്ടുണ്ട്‌. എന്നാൽ അതു ദുരു​പ​യോ​ഗി​ക്കു​ന്ന​തി​ലും അവർ കുറ്റക്കാ​രാ​യി​രു​ന്നി​ട്ടുണ്ട്‌ എന്നു സമ്മതി​ച്ചേ​തീ​രൂ. (സഭാ​പ്ര​സം​ഗി 8:9) പുരാതന റോമൻ ഭരണകൂ​ടം നീതി​ന്യാ​യ നടത്തി​പ്പി​ന്റെ “വാൾ” ദൈവ​ത്തി​ന്റെ നിർദോഷ ദാസൻമാർക്കെ​തി​രെ പ്രയോ​ഗി​ച്ചതു സംബന്ധി​ച്ചു കുറ്റക്കാ​രാ​യി​രു​ന്നു. യോഹ​ന്നാൻ സ്‌നാ​പ​ക​നും യാക്കോ​ബും യേശു​ക്രി​സ്‌തു പോലും അതിന്റെ ഇരകളിൽ പെടുന്നു.—മത്തായി 14:8-11; മർക്കൊസ്‌ 15:15; പ്രവൃ​ത്തി​കൾ 12:1, 2.

സമാന​മാ​യ ചിലത്‌ ആധുനിക നാളു​ക​ളിൽ സംഭവി​ച്ചി​രി​ക്കു​ന്നു. ഫയറിങ്‌ സ്‌ക്വാ​ഡി​നാ​ലും ശിര​ച്ഛേ​ദ​ന​യ​ന്ത്ര​ത്താ​ലും തൂക്കു​മ​ര​ത്താ​ലും ഗ്യാസ്‌ ചേംബ​റി​നാ​ലും അനേക രാജ്യ​ങ്ങ​ളിൽ യഹോ​വ​യു​ടെ നിർദോഷ ദാസൻമാർ വധിക്ക​പ്പെ​ട്ടി​ട്ടുണ്ട്‌. ഇവയെ​ല്ലാം ക്രിസ്‌ത്യാ​നി​ത്വ​ത്തെ അടിച്ച​മർത്താൻ ശ്രമി​ച്ചു​കൊ​ണ്ടു ഭരണകൂ​ട​ങ്ങ​ളാൽ “നിയമ​പ​ര​മാ​യി” നടപ്പാ​ക്ക​പ്പെ​ട്ട​വ​യാണ്‌. തങ്ങളുടെ അധികാ​രം ദുരു​പ​യോ​ഗി​ക്കുന്ന എല്ലാ അധികാ​ര​ങ്ങ​ളും ദൈവ​ത്തോ​ടു കണക്കു​ബോ​ധി​പ്പി​ക്കും. എന്തൊരു ഘോര​മായ രക്തപാതക കുറ്റമാണ്‌ അവർ വഹിക്കു​ന്നത്‌!—വെളി​പ്പാ​ടു 6:9, 10.

യഹോ​വ​യാം ദൈവ​ത്തി​ന്റെ മുമ്പാകെ രക്തപാ​ത​ക​ക്കു​റ്റം വഹിക്കാൻ സത്യ​ക്രി​സ്‌ത്യാ​നി​കൾ ഒരിക്ക​ലും ആഗ്രഹി​ക്കു​ക​യില്ല. അങ്ങനെ, “വാൾ” ഉപയോ​ഗി​ക്കാ​നുള്ള ഭരണകൂ​ട​ത്തി​ന്റെ അവകാ​ശത്തെ അവർ ആദരി​ക്കു​മ്പോൾതന്നെ, അത്‌ എപ്രകാ​രം ദുരു​പ​യോ​ഗ​പ്പെ​ടു​ത്തി​യി​രി​ക്കു​ന്നു എന്നതു സംബന്ധിച്ച്‌ അവർ സൂക്ഷ്‌മ ബോധ്യ​മു​ള്ള​വ​രാണ്‌. മർദ്ദന​ത്തി​നുള്ള ഒരു ഉപകര​ണ​മാ​യും ചില​പ്പോൾ ചിലർക്കെ​തി​രെ മുൻവി​ധി​പ​ര​മായ പാരു​ഷ്യ​ത്തോ​ടെ​യും മറ്റുള്ള​വർക്കു​നേരെ അനുചി​ത​മായ അലി​വോ​ടെ​യും അതു പ്രയോ​ഗി​ക്ക​പ്പെ​ട്ടി​രി​ക്കു​ന്നു.a അതു​കൊ​ണ്ടു വധശി​ക്ഷയെ കുറി​ച്ചുള്ള സംവാ​ദ​ത്തോ​ടു ക്രിസ്‌ത്യാ​നി​കൾ പ്രതി​ക​രി​ക്കു​ന്ന​തെ​ങ്ങനെ? അവർ അതിൽ ഉൾപ്പെ​ടു​ക​യും മാറ്റത്തി​നു​വേണ്ടി പ്രേരി​പ്പി​ക്കു​ക​യും വേണമോ?

ക്രിസ്‌തീയ നിഷ്‌പ​ക്ഷത

ആരംഭ​ത്തിൽ പരാമർശി​ച്ചി​രി​ക്കുന്ന പുരോ​ഹി​തൻമാ​രിൽനി​ന്നു വ്യത്യ​സ്‌ത​മാ​യി സത്യ ക്രിസ്‌ത്യാ​നി​കൾ ഒരു പ്രധാ​ന​പ്പെട്ട തത്ത്വം മനസ്സിൽ പിടി​ക്കു​വാൻ ശ്രമി​ക്കു​ന്നു: തന്റെ ശിഷ്യൻമാ​രോ​ടു “ലോക​ത്തി​ന്റെ ഭാഗമല്ലാ”തിരി​ക്ക​ണ​മെന്നു യേശു​ക്രി​സ്‌തു പറഞ്ഞു.—യോഹ​ന്നാൻ 15:19; 17:16, NW.

ഒരു ക്രിസ്‌ത്യാ​നിക്ക്‌ ആ നിരോ​ധ​ന​കൽപ്പന അനുസ​രി​ക്കു​വാ​നും അതേസ​മയം വധശി​ക്ഷ​യെ​ക്കു​റി​ച്ചുള്ള സംവാ​ദ​ത്തിൽ പങ്കു​ചേ​രു​വാ​നും കഴിയു​മോ? സ്‌പഷ്ട​മാ​യും ഇല്ല. ഇതൊരു സാമൂ​ഹിക രാഷ്ട്രീയ വിവാ​ദ​മാണ്‌. ഐക്യ​നാ​ടു​ക​ളിൽ രാഷ്ട്രീയ അധികാ​ര​സ്ഥാ​ന​ങ്ങ​ളി​ലേ​ക്കുള്ള സ്ഥാനാർഥി​കൾ വധശി​ക്ഷക്ക്‌ അനുകൂ​ല​മോ പ്രതി​കൂ​ല​മോ ആയ തങ്ങളുടെ നിലപാ​ടി​നെ തങ്ങളുടെ നയപ്ര​ഖ്യാ​പന പ്രചര​ണ​ത്തി​ലെ ഒരു പ്രധാന വിഷയ​മാ​യി ഉപയോ​ഗി​ക്കു​ന്നു. അവർ പ്രസ്‌തുത വിഷയ​ത്തെ​ക്കു​റി​ച്ചു ചൂടു​പി​ടിച്ച സംവാദം നടത്തു​ക​യും ഈ വിഷയം സാധാ​ര​ണ​മാ​യി ഇളക്കി​വി​ടുന്ന വൈകാ​രിക തീവ്ര​തയെ, തങ്ങളുടെ പക്ഷത്തെ പിന്തു​ണ​ക്കാൻ സമ്മതി​ദാ​യ​കരെ സ്വാധീ​നി​ക്കു​ന്ന​തിന്‌ ഉപയോ​ഗി​ക്കു​ക​യും ചെയ്യുന്നു.

ഒരു ക്രിസ്‌ത്യാ​നി പരിചി​ന്തി​ക്കേണ്ട ചോദ്യ​മി​താ​യി​രി​ക്കാം: ഈ ലോകത്തെ ഭരണകൂ​ടങ്ങൾ “വാൾ” എങ്ങനെ ഉപയോ​ഗി​ക്കു​ന്നു എന്നതു​സം​ബ​ന്ധിച്ച വിവാ​ദ​ത്തിൽ യേശു സ്വയം ഉൾപ്പെ​ടു​മാ​യി​രു​ന്നു​വോ? യേശു​വി​ന്റെ നാട്ടു​കാർ അവനെ രാഷ്ട്രീ​യ​ത്തിൽ ഉൾപ്പെ​ടു​ത്താൻ ശ്രമി​ച്ച​പ്പോൾ അവൻ “പിന്നെ​യും തനിച്ചു മലയി​ലേക്കു വാങ്ങി​പ്പോ​യി” എന്ന്‌ ഓർമി​ക്കുക. (യോഹ​ന്നാൻ 6:15) അപ്പോൾ സർവസാ​ധ്യ​ത​യു​മ​നു​സ​രിച്ച്‌, അവൻ ഈ സംഗതി​യെ ദൈവം അതിനെ വെച്ചയി​ടത്തു, ഭരണകൂ​ട​ങ്ങ​ളു​ടെ കരങ്ങളിൽ, വിടു​മാ​യി​രു​ന്നു.

സമാന​മാ​യി ഇന്ന്‌, ഈ വിഷയ​ത്തെ​പ്പ​റ്റി​യുള്ള തർക്കത്തിൽ ഉൾപ്പെ​ടാ​തി​രി​ക്കു​ന്ന​തിൽ ക്രിസ്‌ത്യാ​നി​കൾ ജാഗ്ര​ത​യു​ള്ള​വ​രാ​യി​രി​ക്കു​മെന്ന്‌ ഒരുവൻ പ്രതീ​ക്ഷി​ക്കണം. തങ്ങൾ ആഗ്രഹി​ക്കുന്ന വിധത്തിൽ പ്രവർത്തി​ക്കാ​നുള്ള ഭരണകൂ​ട​ങ്ങ​ളു​ടെ അവകാ​ശത്തെ അവർ തിരി​ച്ച​റി​യണം. എന്നാൽ ലോക​ത്തി​ന്റെ ഭാഗമ​ല്ലാത്ത ക്രിസ്‌തീയ ശുശ്രൂ​ഷ​ക​രെ​ന്ന​നി​ല​യിൽ അവർ വധശി​ക്ഷക്കു പരസ്യ​മാ​യി പിന്തുണ പ്രഖ്യാ​പി​ക്കു​ക​യോ അതിന്റെ റദ്ദാക്ക​ലി​നെ പ്രോ​ത്സാ​ഹി​പ്പി​ക്കു​ക​യോ ഇല്ല.

പകരം, സഭാ​പ്ര​സം​ഗി 8:4-ലെ വാക്കുകൾ അവർ മനസ്സിൽ പിടി​ക്കു​ന്നു: “രാജക​ല്‌പന ബലമു​ള്ളതു; നീ എന്തു ചെയ്യുന്നു എന്നു ആർ അവനോ​ടു ചോദി​ക്കും?” ഉവ്വ്‌, തങ്ങളുടെ സ്വന്തം ഇഷ്ടം നടപ്പാ​ക്കു​ന്ന​തി​നുള്ള അധികാ​രം ലോകത്തെ ‘രാജാ​ക്കൻമാർ’ക്ക്‌ അഥവാ രാഷ്ട്രീയ ഭരണാ​ധി​കാ​രി​കൾക്കു നൽക​പ്പെ​ട്ടി​രി​ക്കു​ന്നു. ഒരു ക്രിസ്‌ത്യാ​നി​ക്കും അവരെ ശാസി​ക്കു​ന്ന​തിന്‌ അധികാ​ര​മില്ല. എന്നാൽ യഹോ​വ​യ്‌ക്കു കഴിയും. അവനതു പ്രവർത്തി​ക്കു​ക​യും ചെയ്യും. ഈ പഴയ​ലോ​ക​ത്തി​ലെ “വാളി”ന്റെ എല്ലാ കുറ്റകൃ​ത്യ​ത്തി​നും ദുരു​പ​യോ​ഗ​ത്തി​നു​മെ​തി​രെ ദൈവം അന്തിമ​നീ​തി നടപ്പാ​ക്കുന്ന ദിവസ​ത്തി​നാ​യി നോക്കി​പ്പാർത്തി​രി​ക്കാൻ ബൈബിൾ നമ്മെ അനുവ​ദി​ക്കു​ന്നു.—യിരെ​മ്യാ​വു 25:31-33; വെളി​പ്പാ​ടു 19:11-21.

[അടിക്കു​റിപ്പ്‌]

[22-ാം പേജിലെ ചിത്ര​ത്തിന്‌ കടപ്പാട്‌]

The Bettmann Archive