യഥാർഥ സന്തുഷ്ടി എവിടെ കണ്ടെത്താം?

ഭൗതി​ക​വ​സ്‌തു​ക്കൾ സ്വരു​ക്കൂ​ട്ടു​ന്ന​തി​ലൂ​ടെ സന്തുഷ്ടി കണ്ടെത്താ​നാ​കു​മെ​ന്നാണ്‌ അനേക​മാ​ളു​ക​ളു​ടെ​യും വിചാരം. നിങ്ങൾ അങ്ങനെ കരുതു​ന്നു​ണ്ടോ? തീർച്ച​യാ​യും ഭൗതി​ക​വ​സ്‌തു​ക്കൾ നമ്മുടെ സന്തുഷ്ടി​യിൽ ഒരു പങ്കു വഹിക്കു​ന്നു. എന്നാൽ സന്തുഷ്ടി ഉറപ്പു വരുത്താൻ അവയ്‌ക്കു കഴിയു​ക​യില്ല; ഭൗതിക സുഖസൗ​ക​ര്യ​ങ്ങൾ വിശ്വാ​സത്തെ ബലപ്പെ​ടു​ത്തു​ക​യോ ആത്മീയാ​വ​ശ്യ​ങ്ങൾ നിവർത്തി​ക്കു​ക​യോ ചെയ്യു​ന്നില്ല.

ഗിരി​പ്ര​ഭാ​ഷ​ണ​ത്തിൽ യേശു പറഞ്ഞു: “തങ്ങളുടെ ആത്മീയ ആവശ്യ​ത്തെ​ക്കു​റി​ച്ചു ബോധ​മു​ള്ളവർ സന്തുഷ്ട​രാ​കു​ന്നു, കാരണം സ്വർഗ​രാ​ജ്യം അവർക്കു​ള്ള​താ​കു​ന്നു.” (മത്തായി 5:3, NW) യേശു ഇങ്ങനെ​യും പറഞ്ഞു: “സകല​ദ്ര​വ്യാ​ഗ്ര​ഹ​വും സൂക്ഷിച്ചു ഒഴിഞ്ഞു​കൊൾവിൻ; ഒരുത്തന്നു സമൃദ്ധി ഉണ്ടായാ​ലും അവന്റെ വസ്‌തു​വ​കയല്ല അവന്റെ ജീവന്നു ആധാര​മാ​യി​രി​ക്കു​ന്നതു.”—ലൂക്കൊസ്‌ 12:15.

നിയമ​വി​രു​ദ്ധ ലൈം​ഗി​ക​ത​യി​ലും മറ്റു ‘ജഡത്തിന്റെ പ്രവൃ​ത്തിക’ളിലും ഏർപ്പെ​ട്ടു​കൊ​ണ്ടാ​ണു പലരും സന്തുഷ്ടി തേടു​ന്നത്‌. (ഗലാത്യർ 5:19-21) എന്നാൽ, ജഡിക സുഖങ്ങൾക്കു വഴി​പ്പെ​ടു​ന്ന​തു​കൊണ്ട്‌ യഥാർഥ, നിലനിൽക്കുന്ന സന്തുഷ്ടി ലഭിക്കു​ന്നില്ല. വാസ്‌ത​വ​ത്തിൽ, അത്തരം കാര്യങ്ങൾ പ്രവർത്തി​ക്കു​ന്നവർ ദൈവ​രാ​ജ്യം അവകാ​ശ​മാ​ക്കു​ക​യില്ല.—1 കൊരി​ന്ത്യർ 6:9, 10.

സന്തുഷ്ടി കണ്ടെത്താ​നുള്ള അന്വേ​ഷ​ണ​ത്തിൽ, സ്വന്തം ആത്മമൂ​ല്യം വർധി​പ്പി​ക്കാൻ ശ്രമി​ച്ചു​കൊ​ണ്ടു മറ്റു ചിലർ തങ്ങളി​ലേ​ക്കു​തന്നെ തിരി​യു​ന്നു. ഗ്രന്ഥശാ​ല​ക​ളും പുസ്‌ത​ക​ക്ക​ട​ക​ളും സ്വാശ്രയ ഗ്രന്ഥങ്ങൾക്കൊ​ണ്ടു നിറഞ്ഞി​രി​ക്കു​ന്നു. എന്നാൽ അത്തരം പ്രസി​ദ്ധീ​ക​ര​ണങ്ങൾ ആളുകൾക്കു നിലനിൽക്കുന്ന സന്തുഷ്ടി കൈവ​രു​ത്തി​യി​ട്ടില്ല. അങ്ങനെ​യെ​ങ്കിൽ, യഥാർഥ സന്തുഷ്ടി നമുക്ക്‌ എവിടെ കണ്ടെത്താൻ സാധി​ക്കും?

യഥാർഥ​മാ​യി സന്തുഷ്ട​രാ​യി​രി​ക്കു​ന്ന​തിന്‌, നമ്മുടെ ജന്മസി​ദ്ധ​മായ ആത്മീയാ​വ​ശ്യം നാം തിരി​ച്ച​റി​യേ​ണ്ട​തുണ്ട്‌. യേശു ഇങ്ങനെ പറഞ്ഞു: “തങ്ങളുടെ ആത്മീയ ആവശ്യ​ത്തെ​ക്കു​റി​ച്ചു ബോധ​മു​ള്ളവർ സന്തുഷ്ട​രാ​കു​ന്നു.” തീർച്ച​യാ​യും, ആ ആവശ്യം ഗ്രഹി​ച്ചിട്ട്‌ അതു സംബന്ധിച്ച്‌ ഒന്നും ചെയ്യാ​തി​രു​ന്നാൽ അതു​കൊ​ണ്ടു യാതൊ​രു നേട്ടു​വു​മു​ണ്ടാ​യി​രി​ക്കു​ക​യില്ല. ഇത്‌ ഉദാഹ​രി​ക്കാം: മത്സരത്തി​നു​ശേഷം, ദാഹി​ച്ചു​വ​ല​യുന്ന ഒരു മാര​ത്തോൺ ഓട്ടക്കാ​രൻ വെള്ളം കുടി​ക്കാൻ കൂട്ടാ​ക്കു​ന്നി​ല്ലെ​ങ്കിൽ അയാൾക്ക്‌ എന്തു സംഭവി​ക്കും? അയാളു​ടെ ശരീര​ത്തി​ലെ ജലാംശം നഷ്ടപ്പെ​ടു​ക​യും മറ്റു ഗുരു​ത​ര​മായ ഭവിഷ്യ​ത്തു​കൾ അയാൾക്കു നേരി​ടു​ക​യും ചെയ്യു​ക​യി​ല്ലേ? അതു​പോ​ലെ, ആത്മീയ പോഷ​ണ​ത്തി​നാ​യുള്ള നമ്മുടെ ആവശ്യ​ത്തോ​ടു പ്രതി​ക​രി​ക്കാൻ കൂട്ടാ​ക്കാ​തി​രു​ന്നാൽ അവസാനം നാം ആത്മീയ​മാ​യി വാടി​ക്ക​രി​യും. തത്‌ഫ​ല​മാ​യി, ആനന്ദവും സന്തുഷ്ടി​യും നഷ്ടമാ​കും.

തന്റെ ആത്മീയാ​വ​ശ്യം പൂർണ​മാ​യി തിരി​ച്ച​റിഞ്ഞ യേശു പതിവാ​യി ദൈവ​വ​ചനം പഠിക്കു​ക​യും അതേക്കു​റി​ച്ചു ധ്യാനി​ക്കു​ക​യും ചെയ്‌തു. വിശുദ്ധ തിരു​വെ​ഴു​ത്തു​ക​ളു​ടെ ഭാഗങ്ങൾ അനായാ​സം കണ്ടെത്തി വായി​ക്കാൻ അവനു കഴിഞ്ഞി​രു​ന്നു, അതുതന്നെ ചെയ്യാൻ അവൻ മറ്റുള്ള​വരെ പഠിപ്പി​ക്കു​ക​യും ചെയ്‌തു. (ലൂക്കൊസ്‌ 4:16-21; എഫെസ്യർ 4:20, 21 താരത​മ്യം ചെയ്യുക.) തന്റെ സ്വർഗീയ പിതാ​വി​ന്റെ ഇഷ്ടം ചെയ്യു​ന്ന​തി​നെ യേശു ഭക്ഷണ​ത്തോ​ടാണ്‌ ഉപമി​ച്ചത്‌. ദൈ​വേഷ്ടം ചെയ്യു​ന്നത്‌ അവനു വളരെ​യ​ധി​കം സന്തുഷ്ടി കൈവ​രു​ത്തി.—യോഹ​ന്നാൻ 4:34.

അതേ, ഭൗതി​ക​വ​സ്‌തു​ക്കൾ സ്വരു​ക്കൂ​ട്ടു​ന്ന​തി​ലൂ​ടെ യഥാർഥ സന്തുഷ്ടി കൈവ​രി​ക്കാ​നാ​വില്ല; പാപപൂർണ ജഡത്തിന്റെ മോഹ​ങ്ങളെ തൃപ്‌തി​പ്പെ​ടു​ത്തു​ന്ന​തി​ലൂ​ടെ​യും സന്തുഷ്ടി ലഭിക്കു​ന്നില്ല. യഥാർഥ വിശ്വാ​സ​ത്തി​ലും യഹോ​വ​യാം ദൈവ​വു​മാ​യുള്ള നല്ലൊരു ബന്ധത്തി​ലും അധിഷ്‌ഠി​ത​മായ ഒരു ഹൃദയാ​വ​സ്ഥ​യാ​ണു യഥാർഥ സന്തുഷ്ടി. അതിനാൽ ഉചിത​മാ​യി​ത്തന്നെ സങ്കീർത്ത​ന​ക്കാ​ര​നായ ദാവീദ്‌ പാടി: “യഹോവ ദൈവ​മാ​യി​രി​ക്കുന്ന ജനം സന്തുഷ്ട​രാ​കു​ന്നു.”—സങ്കീർത്തനം 144:15ബി, NW.

[23-ാം പേജിലെ ചിത്രം]

വിശ്വാസവും ദൈവ​വു​മാ​യുള്ള നല്ല ബന്ധവും യഥാർഥ സന്തുഷ്ടി കൈവ​രു​ത്തും