മതസ്വാ​ത​ന്ത്ര്യം നിങ്ങൾക്ക്‌ എന്ത്‌ അർഥമാ​ക്കു​ന്നു?

ഐക്യനാടുകളിൽ മതസ്വാ​ത​ന്ത്ര്യം ഒരു അടിസ്ഥാന അവകാ​ശ​മാ​യാണ്‌ കരുതു​ന്ന​തെ​ങ്കി​ലും, 1940-കളിൽ ആ രാജ്യ​ത്തു​ട​നീ​ളം യഹോ​വ​യു​ടെ സാക്ഷി​കൾക്കെ​തി​രെ ജനക്കൂട്ട അക്രമ​ത്തി​ന്റെ ഒരു വേലി​യേ​റ്റം​ത​ന്നെ​യു​ണ്ടാ​യി

കോടി​ക്ക​ണ​ക്കി​നാ​ളു​കൾ അതിനാ​യി പോരാ​ടി​യി​ട്ടുണ്ട്‌. ചിലർ അതിനാ​യി ജീവൻ അർപ്പി​ച്ചി​ട്ടുണ്ട്‌. സത്യമാ​യും മനുഷ്യ​വർഗ​ത്തി​ന്റെ ഏറ്റവും അമൂല്യ സമ്പത്തു​ക​ളിൽ ഒന്നാണ്‌ അത്‌. എന്ത്‌? സ്വാത​ന്ത്ര്യം! “തിര​ഞ്ഞെ​ടു​പ്പു​കൾ നടത്താ​നും അവ നിവർത്തി​ക്കാ​നു​മുള്ള പ്രാപ്‌തി” എന്നാണു ദ വേൾഡ്‌ ബുക്ക്‌ എൻ​സൈ​ക്ലോ​പീ​ഡിയ സ്വാത​ന്ത്ര്യ​ത്തെ നിർവ​ചി​ക്കു​ന്നത്‌. അതു തുടർന്നി​ങ്ങനെ പറയുന്നു: “നിയമ​ത്തി​ന്റെ വീക്ഷണ​ത്തിൽ, സമൂഹം ആളുക​ളു​ടെ​മേൽ അന്യാ​യ​മോ അനാവ​ശ്യ​മോ ന്യായ​യു​ക്ത​മ​ല്ലാ​ത്ത​തോ ആയ നിബന്ധ​നകൾ അടി​ച്ചേൽപ്പി​ക്കു​ന്നി​ല്ലെ​ങ്കിൽ ആളുകൾ സ്വത​ന്ത്ര​രാണ്‌. സമൂഹം അവരുടെ അവകാ​ശങ്ങൾ—അതായത്‌ അവരുടെ അടിസ്ഥാന സ്വാത​ന്ത്ര്യ​ങ്ങൾ, പ്രാപ്‌തി​കൾ, പദവികൾ—സംരക്ഷി​ക്കു​ക​യും വേണം.”

ആശയം ലളിത​മാ​യി തോന്നും. എന്നാൽ പ്രയോ​ഗ​ത്തിൽ, കൃത്യ​മാ​യി സ്വാത​ന്ത്ര്യ​ത്തി​ന്റെ പരിധി​കൾ എവിടെ വെക്കണ​മെ​ന്നതു സംബന്ധി​ച്ചു യോജി​പ്പി​ലെ​ത്തു​ന്നത്‌ ആളുകൾക്കു മിക്കവാ​റും​തന്നെ അസാധ്യ​മാ​ണെന്നു തോന്നു​ന്നു. ഉദാഹ​ര​ണ​ത്തിന്‌, പൗരന്മാ​രു​ടെ സ്വാത​ന്ത്ര്യം പരിര​ക്ഷി​ക്കു​ന്ന​തി​നു ഗവൺമെൻറ്‌ നിയമ​നിർമാ​ണം നടത്തണ​മെന്നു ചിലർ വിശ്വ​സി​ക്കു​ന്നു. എന്നാൽ ആ നിയമങ്ങൾ കൂച്ചു​വി​ല​ങ്ങാ​ണെ​ന്നും അതിൽനി​ന്നു പൗരന്മാർക്കു മോചനം ലഭി​ക്കേ​ണ്ട​താ​ണെ​ന്നും മറ്റുള്ളവർ വാദി​ക്കു​ന്നു! വ്യക്തമാ​യും, സ്വാത​ന്ത്ര്യ​ത്തി​നു പലർക്കും പല അർഥമാ​ണു​ള്ളത്‌.

മതസ്വാ​ത​ന്ത്ര്യ​ത്തി​ന്റെ കാര്യ​മോ?

ഏറ്റവും ചൂടു​പി​ടിച്ച വാദ​പ്ര​തി​വാ​ദം നടന്നി​രി​ക്കുന്ന സ്വാത​ന്ത്ര്യം ഒരുപക്ഷേ മതസ്വാ​ത​ന്ത്ര്യം ആയിരി​ക്കാം. “ഒരാൾക്ക്‌ ഇഷ്ടമു​ള്ളതു വിശ്വ​സി​ക്കാ​നും ആചരി​ക്കാ​നു​മുള്ള അവകാശ”മായി അതിനെ നിർവ​ചി​ച്ചി​രി​ക്കു​ന്നു. ഐക്യ​രാ​ഷ്‌ട്ര​ങ്ങ​ളു​ടെ സാർവ​ദേ​ശീയ മനുഷ്യാ​വ​കാശ പ്രഖ്യാ​പനം പറയു​ന്ന​ത​നു​സ​രിച്ച്‌, “ചിന്താ​സ്വാ​ത​ന്ത്ര്യ​ത്തി​നും മനസ്സാ​ക്ഷി​സ്വാ​ത​ന്ത്ര്യ​ത്തി​നും മതസ്വാ​ത​ന്ത്ര്യ​ത്തി​നു​മുള്ള അവകാശം സകലർക്കു​മുണ്ട്‌.” ഇതിൽ “തന്റെ മതമോ വിശ്വാ​സ​മോ മാറ്റു​ന്ന​തിന്‌” ഒരു വ്യക്തി​ക്കുള്ള അവകാ​ശ​വും “പഠിപ്പി​ക്ക​ലി​ലും ആചാര​ത്തി​ലും ആരാധ​ന​യി​ലും അനുഷ്‌ഠാ​ന​ത്തി​ലും തന്റെ മതമോ വിശ്വാ​സ​മോ പ്രകടി​പ്പി​ക്കു​ന്ന​തി​നുള്ള” സ്വാത​ന്ത്ര്യ​വും ഉൾപ്പെ​ടു​ന്നു.—18-ാം വകുപ്പ്‌.

പ്രജകൾക്കു​വേ​ണ്ടി യഥാർഥ​ത്തിൽ കരുതുന്ന ഏതൊരു രാഷ്‌ട്ര​വും അത്തരം സ്വാത​ന്ത്ര്യം അനുവ​ദി​ക്കാ​നാ​ണു നാം തീർച്ച​യാ​യും പ്രതീ​ക്ഷി​ക്കുക. സങ്കടക​ര​മെന്നു പറയട്ടെ, ഇത്‌ എല്ലായ്‌പോ​ഴും സംഭവി​ക്കു​ന്നില്ല. “മതം അനേകം ആളുക​ളു​ടെ​യും അങ്ങേയറ്റം തീവ്ര​മായ വികാ​ര​ങ്ങളെ സ്‌പർശി​ക്കു​ന്നു,” ദ വേൾഡ്‌ ബുക്ക്‌ എൻ​സൈ​ക്ലോ​പീ​ഡിയ പ്രസ്‌താ​വി​ക്കു​ന്നു. “ഒരു പ്രത്യേക മതവു​മാ​യി അടുത്ത ബന്ധങ്ങളുള്ള ചില ഗവൺമെൻറു​കൾ മറ്റു വിശ്വാ​സ​ത്തിൽപ്പെട്ട ആളുകളെ രാഷ്‌ട്രീയ അധികാ​ര​ത്തി​നു ഭീഷണി​യാ​യി കരുതു​ന്നു. മതങ്ങൾ രാഷ്‌ട്ര​ത്തോ​ടുള്ള അനുസ​ര​ണ​ത്തിന്‌ ഉപരി​യാ​യി ദൈവ​ത്തോ​ടു കൂറു കാട്ടി​യേ​ക്കാം. അതു​കൊ​ണ്ടു​തന്നെ ഒരു ഗവൺമെൻറ്‌ മതം രാഷ്‌ട്രീ​യ​മാ​യി അപകട​ക​ര​മാ​ണെന്നു കരുതി​യേ​ക്കാം.”

ഇക്കാര​ണ​ങ്ങ​ളാൽ ചില ഗവൺമെൻറു​കൾ മതത്തിന്റെ ആചരണ​ത്തിൽ വിലക്കു​കൾ ഏർപ്പെ​ടു​ത്തു​ന്നു. ഏതെങ്കി​ലും ഒരു മതവി​ശ്വാ​സം ആചരി​ക്കു​ന്ന​തു​പോ​ലും ചുരു​ക്കം​ചില ഗവൺമെൻറു​കൾ നിരു​ത്സാ​ഹ​പ്പെ​ടു​ത്തു​ന്നു. മറ്റു ഗവൺമെൻറു​ക​ളാ​കട്ടെ, ആരാധനാ സ്വാത​ന്ത്ര്യം ഉയർത്തി​പ്പി​ടി​ക്കു​ന്നു​വെന്ന്‌ അവകാ​ശ​പ്പെ​ടു​മ്പോൾത്തന്നെ എല്ലാ മതപ്ര​വർത്ത​ന​ങ്ങ​ളും കർശന​മാ​യി നിയ​ന്ത്രി​ക്കു​ന്നു.

ഉദാഹ​ര​ണ​ത്തിന്‌, അനേകം വർഷങ്ങ​ളാ​യി മെക്‌സി​ക്കോ​യിൽ നിലനി​ന്നി​രുന്ന സ്ഥിതി​വി​ശേഷം പരിചി​ന്തി​ക്കുക. ഭരണഘടന മതസ്വാ​ത​ന്ത്ര്യം ഉറപ്പു​നൽകി​യി​ട്ടു​ണ്ടെ​ങ്കി​ലും, അത്‌ ഇത്തര​മൊ​രു നിബന്ധന വെച്ചു: “പൊതു ആരാധ​ന​യ്‌ക്കാ​യി ഉപയോ​ഗി​ക്കുന്ന പള്ളികൾ ഫെഡറൽ ഗവൺമെൻറി​നാൽ പ്രതി​നി​ധാ​നം ചെയ്യ​പ്പെ​ടുന്ന രാഷ്‌ട്ര​ത്തി​ന്റെ സ്വത്താണ്‌. പ്രസ്‌തുത ആവശ്യ​ത്തി​നാ​യി ഏതെല്ലാം പള്ളികൾ തുടർന്ന്‌ ഉപയോ​ഗി​ക്ക​പ്പെ​ടു​മെന്നു തീരു​മാ​നി​ക്കു​ന്നത്‌ ഗവൺമെൻറാ​യി​രി​ക്കും.” 1991-ൽ ഭരണഘടന ഭേദഗതി ചെയ്‌ത്‌ ഈ നിബന്ധന എടുത്തു​മാ​റ്റി​യെ​ങ്കി​ലും, മതസ്വാ​ത​ന്ത്ര്യം വിവിധ രാജ്യ​ങ്ങ​ളിൽ വ്യത്യ​സ്‌ത​മാ​യി വ്യാഖ്യാ​നി​ക്ക​പ്പെ​ടാ​മെന്ന്‌ ഈ ദൃഷ്ടാന്തം കാണി​ക്കു​ന്നു.

മറ്റൊ​രു​തരം മതസ്വാ​ത​ന്ത്ര്യം

നിങ്ങൾ പാർക്കുന്ന രാജ്യത്തു മതസ്വാ​ത​ന്ത്ര്യം നിലനിൽക്കു​ന്നു​ണ്ടോ? ഉണ്ടെങ്കിൽ, അതിനെ എങ്ങനെ നിർവ​ചി​ച്ചി​രി​ക്കു​ന്നു? നിങ്ങൾക്കി​ഷ്ട​പ്പെട്ട രീതി​യിൽ നിങ്ങൾക്കു ദൈവത്തെ ആരാധി​ക്കാൻ കഴിയു​ന്നു​ണ്ടോ, അതോ അതു നിങ്ങളെ രാഷ്‌ട്ര​മ​ത​ത്തിൽ ഒരംഗ​മാ​കാൻ നിർബ​ന്ധി​ക്കു​ക​യാ​ണോ? മതസാ​ഹി​ത്യ​ങ്ങൾ വായി​ക്കാ​നും വിതരണം ചെയ്യാ​നും നിങ്ങൾക്ക്‌ അനുവാ​ദ​മു​ണ്ടോ, അതോ അത്തരം അച്ചടിച്ച വിവരങ്ങൾ ഗവൺമെൻറ്‌ നിരോ​ധി​ച്ചി​രി​ക്കു​ക​യാ​ണോ? നിങ്ങളു​ടെ മതവി​ശ്വാ​സ​ത്തെ​ക്കു​റി​ച്ചു നിങ്ങൾക്കു മറ്റുള്ള​വ​രോ​ടു സംസാ​രി​ക്കാൻ സാധി​ക്കു​ന്നു​ണ്ടോ, അതോ അത്‌ അവിടെ അവരുടെ മതപര​മായ അവകാ​ശ​ങ്ങ​ളു​ടെ​മേ​ലുള്ള ഒരു കടന്നു​ക​യ​റ്റ​മാ​യാ​ണോ കരുതു​ന്നത്‌?

ഈ ചോദ്യ​ങ്ങൾക്കുള്ള ഉത്തരം നിങ്ങൾ എവിടെ പാർക്കു​ന്നു എന്നതിനെ ആശ്രയി​ച്ചി​രി​ക്കു​ന്നു. എന്നിരു​ന്നാ​ലും രസകര​മെന്നു പറയട്ടെ, പ്രദേ​ശ​വു​മാ​യി യാതൊ​രു ബന്ധവു​മി​ല്ലാത്ത ഒരുതരം മതസ്വാ​ത​ന്ത്ര്യം ഉണ്ട്‌. പൊ.യു. (പൊതു​യു​ഗം) 32-ൽ യെരൂ​ശ​ലേ​മിൽവെച്ച്‌ യേശു തന്റെ അനുഗാ​മി​ക​ളോ​ടു പറഞ്ഞു: “എന്റെ വചനത്തിൽ നിലനി​ല്‌ക്കു​ന്നു എങ്കിൽ നിങ്ങൾ വാസ്‌ത​വ​മാ​യി എന്റെ ശിഷ്യൻമാ​രാ​യി, സത്യം അറിക​യും സത്യം നിങ്ങളെ സ്വത​ന്ത്രൻമാ​രാ​ക്കു​ക​യും ചെയ്യും.”—യോഹ​ന്നാൻ 8:31, 32.

ഈ പ്രസ്‌താ​വ​ന​യി​ലൂ​ടെ യേശു എന്താണ്‌ അർഥമാ​ക്കി​യത്‌? അവന്റെ യഹൂദ ശ്രോ​താ​ക്കൾ റോമൻ ഭരണത്തിൽനി​ന്നുള്ള മോചനം അതിയാ​യി ആഗ്രഹി​ച്ചി​രു​ന്നു. എന്നാൽ യേശു രാഷ്‌ട്രീയ മർദന​ത്തിൽനി​ന്നുള്ള സ്വാത​ന്ത്ര്യ​ത്തെ​ക്കു​റി​ച്ചു ചർച്ച​ചെ​യ്യു​ക​യാ​യി​രു​ന്നില്ല. മറിച്ച്‌, നാം അടുത്ത ലേഖന​ത്തിൽ കാണാൻ പോകു​ന്ന​തു​പോ​ലെ, തന്റെ ശിഷ്യ​ന്മാർക്ക്‌ അവൻ ഏറെ മെച്ചപ്പെട്ട ഒന്നു വാഗ്‌ദാ​നം ചെയ്യു​ക​യാ​യി​രു​ന്നു.