നാമെ​ല്ലാം ദൈവത്തെ സ്‌തു​തി​ക്കേ​ണ്ടത്‌ എന്തു​കൊണ്ട്‌?

ഹല്ലെലൂ​യ്യാ! ക്രൈ​സ്‌തവ ലോക​ത്തി​ലെ പള്ളിയിൽപോ​ക്കു​കാ​രായ മിക്കവർക്കും ഈ വാക്കു സുപരി​ചി​ത​മാണ്‌. അവരിൽ ചിലർ ഞായറാ​ഴ്‌ചത്തെ ആരാധനാ യോഗ​ങ്ങ​ളിൽ അത്‌ ഉറക്കെ ഉച്ചരി​ക്കു​ന്നു. എന്നാൽ അത്‌ ശരിക്കും എന്താണ്‌ അർഥമാ​ക്കു​ന്ന​തെന്ന്‌ എത്ര പേർക്ക​റി​യാം? വാസ്‌ത​വ​ത്തിൽ, അത്‌ “യാഹിനെ സ്‌തു​തി​ക്കുക!” എന്നതി​നുള്ള എബ്രായ പദമാണ്‌. അതു യഹോവ എന്നു പേരുള്ള സ്രഷ്ടാ​വി​നെ ആഹ്ലാദ​പൂർവം വ്യക്തമാ​യി സ്‌തു​തി​ക്കു​ന്ന​താണ്‌.a

“ഹല്ലെലൂ​യ്യാ” എന്ന പദം ബൈബി​ളിൽ കൂടെ​ക്കൂ​ടെ പ്രത്യ​ക്ഷ​പ്പെ​ടു​ന്നുണ്ട്‌. എന്തു​കൊണ്ട്‌? എന്തു​കൊ​ണ്ടെ​ന്നാൽ ദൈവത്തെ സ്‌തു​തി​ക്കാൻ അനേകം കാരണ​ങ്ങ​ളുണ്ട്‌. യാഹ്‌ (യഹോവ) സ്രഷ്ടാ​വും ബൃഹത്തായ പ്രപഞ്ച​ത്തി​ന്റെ പരിപാ​ല​ക​നും ആണ്‌. (സങ്കീർത്തനം 147:4, 5; 148:3-6) ഭൂമി​യിൽ ജീവിതം സാധ്യ​മാ​ക്കുന്ന ആവാസ​വ്യൂ​ഹങ്ങൾ അവൻ ഉളവാക്കി. (സങ്കീർത്തനം 147:8, 9; 148:7-10) അവൻ മനുഷ്യ​വർഗ​ത്തോ​ടു പ്രത്യേക താത്‌പ​ര്യം കാണി​ക്കു​ന്നു. നാം അവന്റെ ഇഷ്ടം ചെയ്യു​മ്പോൾ, ഈ ജീവി​ത​ത്തിൽ അവൻ നമ്മെ അനു​ഗ്ര​ഹി​ക്കു​ക​യും പിന്തു​ണ​യ്‌ക്കു​ക​യും ചെയ്യുന്നു. കൂടാതെ, വരാനി​രി​ക്കുന്ന മെച്ചപ്പെട്ട ജീവി​ത​ത്തി​ന്റെ ഉറച്ച പ്രത്യാശ നമുക്കു നൽകു​ക​യും ചെയ്യുന്നു. (സങ്കീർത്തനം 148:11-14) “നീതി​മാ​ന്മാർ ഭൂമിയെ അവകാ​ശ​മാ​ക്കി എന്നേക്കും അതിൽ വസിക്കും” എന്ന വാക്കുകൾ നിശ്വ​സ്‌ത​മാ​ക്കി​യത്‌ യാഹ്‌ (യഹോവ) ആണ്‌.—സങ്കീർത്തനം 37:29.

അതു​കൊണ്ട്‌, “ഹല്ലെലൂ​യ്യാ!” “ജനങ്ങളേ, യാഹിനെ സ്‌തു​തി​പ്പിൻ!” എന്ന ആഹ്വാനം എല്ലാവ​രോ​ടു​മാണ്‌. (സങ്കീർത്തനം 104:35, NW അടിക്കു​റിപ്പ്‌) എന്നാൽ ദുഃഖ​ക​ര​മെന്നു പറയട്ടെ, അതി​നോ​ടു പ്രതി​ക​രി​ക്ക​ണ​മെന്ന്‌ എല്ലാവർക്കും തോന്നു​ന്നില്ല. ഇന്ന്‌, ആളുകൾ കഷ്ടപ്പെ​ടു​ക​യാണ്‌. അനേകർ ദരി​ദ്ര​രും രോഗി​ക​ളും മർദി​ത​രു​മാണ്‌. മയക്കു​മ​രു​ന്നു​ക​ളു​ടെ​യോ ലഹരി​പാ​നീ​യ​ങ്ങ​ളു​ടെ​യോ ദുരു​പ​യോ​ഗം ഹേതു​വാ​യി, അല്ലെങ്കിൽ അധാർമി​ക​ത​യു​ടെ​യോ മത്സരത്തി​ന്റെ​യോ ഫലങ്ങൾ നിമിത്തം ഏറെ കഷ്ടപ്പെ​ടുന്ന അനേക​രു​മുണ്ട്‌. അത്തരക്കാർ ദൈവത്തെ സ്‌തു​തി​ക്കാൻ എന്തെങ്കി​ലും കാരണ​മു​ണ്ടോ?

‘എനിക്കു പ്രത്യാശ നൽകാൻ യഹോ​വ​യ്‌ക്കു മാത്രമേ കഴിഞ്ഞു​ള്ളൂ’

ഉണ്ട്‌, കാരണ​മുണ്ട്‌. തന്നെ അറിയാ​നും, തന്റെ ഇഷ്ടം ചെയ്യാൻ പഠിക്കാ​നും തന്നെ സ്‌തു​തി​ക്കാൻ ആളുകൾ ആഗ്രഹി​ക്കാൻ കാരണ​മാ​കുന്ന അനു​ഗ്ര​ഹങ്ങൾ ആസ്വദി​ക്കാ​നു​മുള്ള ക്ഷണത്തിൽനി​ന്നു യഹോവ ആരെയും ഒഴിവാ​ക്കു​ന്നില്ല. അനേകർ പ്രതി​ക​രി​ക്കു​ന്നുണ്ട്‌. ഉദാഹ​ര​ണ​ത്തിന്‌, ഗ്വാട്ടി​മാ​ലാ​യി​ലെ ആഡ്രി​യാ​ന​യു​ടെ കാര്യ​മെ​ടു​ക്കാം. ആഡ്രി​യാ​ന​യ്‌ക്ക്‌ ഏഴു വയസ്സു​ള്ള​പ്പോൾ അമ്മ മരിച്ചു. അതിനു​ശേഷം ഏറെ താമസി​യാ​തെ പിതാവ്‌ വീടു​വി​ട്ടി​റ​ങ്ങി​പ്പോ​യി. പത്തു വയസ്സു​ള്ള​പ്പോൾ നിത്യ​വൃ​ത്തി​ക്കു​വേണ്ടി അവൾ പണി​യെ​ടു​ക്കാൻ തുടങ്ങി. ദൈവ​ത്തെ​യും സഭയെ​യും സേവി​ക്ക​ണ​മെന്ന്‌ അമ്മ പറഞ്ഞി​രു​ന്ന​തി​നാൽ, ആഡ്രി​യാന വ്യത്യസ്‌ത കത്തോ​ലി​ക്കാ കൂട്ടങ്ങ​ളോ​ടൊ​പ്പം സഹവസി​ച്ചു. 12 വയസ്സാ​യ​പ്പോ​ഴേ​ക്കും, ഇതി​ലെ​ല്ലാം മടുപ്പു​തോ​ന്നിയ അവൾ ഒരു തെരുവു സംഘത്തിൽ ചേർന്നു. പിന്നെ അവൾ പുകവ​ലി​യും മയക്കു​മ​രുന്ന്‌ ഉപയോ​ഗ​വും മോഷ​ണ​വു​മൊ​ക്കെ തുടങ്ങി. അത്തര​മൊ​രു യുവതി എന്തിനു ദൈവത്തെ സ്‌തു​തി​ക്കാൻ ആഗ്രഹി​ക്കണം?

ആഡ്രി​യാ​ന​യു​ടെ സഹോ​ദരി യഹോ​വ​യു​ടെ സാക്ഷി​ക​ളോ​ടൊ​പ്പം ബൈബിൾ പഠിക്കാ​നാ​രം​ഭി​ച്ചു. എന്നാൽ ആഡ്രി​യാന അവളെ പരിഹ​സി​ച്ച​തേ​യു​ള്ളൂ. അങ്ങനെ​യി​രി​ക്കെ അവളുടെ അമ്മായി മരിച്ചു. അവരുടെ ശവസം​സ്‌കാര ചടങ്ങി​നി​ട​യിൽ, ചില കുഴപ്പി​ക്കുന്ന ചോദ്യ​ങ്ങൾ ആഡ്രി​യാ​നയെ അലട്ടി. അവളുടെ അമ്മായി എവിടെ പോയി? അവർ സ്വർഗ​ത്തി​ലാ​യി​രി​ക്കു​മോ? അവർ ഒരു തീനര​ക​ത്തിൽ പോയോ? ആകെ ആശയക്കു​ഴപ്പം. സഹായ​ത്തി​നാ​യി പ്രാർഥി​ക്കാൻ ആഡ്രി​യാന സെമി​ത്തേരി പള്ളിയിൽ പോയി. തന്റെ സഹോ​ദരി പഠിപ്പി​ച്ചി​രു​ന്ന​തു​പോ​ലെ യഹോവ എന്ന ദൈവ​നാ​മം ഉപയോ​ഗി​ച്ചു.

താമസി​യാ​തെ അവൾ യഹോ​വ​യു​ടെ സാക്ഷി​ക​ളോ​ടൊ​പ്പം ബൈബിൾ പഠിക്കാ​നും അവരുടെ ക്രിസ്‌തീയ യോഗ​ങ്ങ​ളിൽ സംബന്ധി​ക്കാ​നും തുടങ്ങി. ഇത്‌ അവളിൽ ജീവി​ത​ത്തെ​ക്കു​റിച്ച്‌ ഒരു പുതിയ കാഴ്‌ച​പ്പാ​ടു​ണ്ടാ​ക്കി. അവൾ തെരുവു സംഘങ്ങ​ളു​മാ​യുള്ള തന്റെ എല്ലാ ബന്ധങ്ങളും ധൈര്യ​സ​മേതം വേർപെ​ടു​ത്തി. ഇപ്പോൾ 20-കളുടെ മധ്യത്തി​ലെ​ത്തിയ ആഡ്രി​യാന പറയുന്നു: “അത്തരം മോശ​മായ ജീവി​ത​രീ​തി ഉപേക്ഷി​ക്കാൻ എന്നെ പ്രേരി​പ്പി​ച്ചത്‌ യഹോ​വ​യോ​ടുള്ള സ്‌നേഹം മാത്ര​മാ​യി​രു​ന്നു. തന്റെ വലിയ ദയയിൽ യഹോ​വ​യ്‌ക്കു മാത്രമേ എനിക്കു നിത്യ​ജീ​വന്റെ പ്രത്യാശ തരാനാ​വു​മാ​യി​രു​ന്നു​ള്ളൂ.” ജീവി​ത​ത്തി​ലെ ആദ്യകാ​ലം ദുഷ്‌ക​ര​മാ​യി​രു​ന്നെ​ങ്കി​ലും ദൈവത്തെ സ്‌തു​തി​ക്കാൻ ആഡ്രി​യാ​ന​യ്‌ക്കു ശ്രേഷ്‌ഠ​മായ കാരണ​ങ്ങ​ളുണ്ട്‌.

ഇതിലും മോശ​മായ ഒരു സ്ഥിതി​വി​ശേ​ഷ​മാണ്‌ ഉക്രെ​യി​നിൽനി​ന്നു റിപ്പോർട്ടു ചെയ്യു​ന്നത്‌. ഒരാൾ വധശി​ക്ഷ​യും പ്രതീ​ക്ഷിച്ച്‌ തടവിൽ കഴിയു​ക​യാണ്‌. അയാൾ സ്വാനു​താ​പം അനുഭ​വി​ക്കു​ക​യാ​ണോ? വിഷാ​ദ​ചി​ത്ത​നാ​ണോ? അല്ല, നേരെ​മ​റി​ച്ചാണ്‌. ഈയിടെ യഹോ​വ​യു​ടെ സാക്ഷി​ക​ളു​മാ​യുള്ള സമ്പർക്ക​ത്തി​ലൂ​ടെ യഹോ​വ​യെ​ക്കു​റി​ച്ചു കുറെ​യൊ​ക്കെ അറിവ്‌ നേടിയ അയാൾ അവരോ​ടു തന്റെ അമ്മയെ സമീപി​ക്കാൻ ആവശ്യ​പ്പെട്ടു. തന്റെ അപേക്ഷ​യ​നു​സ​രിച്ച്‌ അവർ പ്രവർത്തി​ച്ചു​വെന്നു കേട്ട​പ്പോൾ അയാൾ ഇങ്ങനെ അവർക്ക്‌ എഴുതി: “എന്റെ അമ്മയെ സന്ദർശി​ച്ച​തി​നു നിങ്ങൾക്കു നന്ദി. കഴിഞ്ഞ വർഷം എനിക്കു ലഭിച്ച ഏറ്റവും ആഹ്ലാദ​പ്ര​ദ​മായ വാർത്ത അതായി​രു​ന്നു.”

തന്നെക്കു​റി​ച്ചും താൻ സാക്ഷ്യം കൊടു​ത്തി​ട്ടുള്ള സഹതട​വു​കാ​രെ​ക്കു​റി​ച്ചും സംസാ​രി​ക്കവേ, അയാൾ എഴുതു​ന്നു: “ഞങ്ങൾക്കി​പ്പോൾ ദൈവ​ത്തിൽ വിശ്വാ​സ​മുണ്ട്‌. ഞങ്ങളുടെ വിശ്വാ​സ​മ​നു​സ​രി​ച്ചു പ്രവർത്തി​ക്കാൻ ശ്രമി​ക്കു​ന്നു.” അയാൾ എഴുത്ത്‌ ഉപസം​ഹ​രി​ക്കു​ന്നത്‌ ഇങ്ങനെ​യാണ്‌: “സ്‌നേഹം എന്തെന്നു മനസ്സി​ലാ​ക്കാ​നും വിശ്വാ​സ​മാർജി​ക്കാ​നും ഞങ്ങളെ സഹായി​ച്ച​തി​നു നിങ്ങൾക്കു നന്ദി. ജീവ​നോ​ടി​രി​ക്കു​ന്നെ​ങ്കിൽ, ഞാൻ നിങ്ങ​ളെ​യും സഹായി​ക്കും. നിങ്ങൾ അസ്‌തി​ത്വ​ത്തിൽ ഉള്ളതി​ലും ദൈവത്തെ സ്‌നേ​ഹി​ക്കാ​നും അവനിൽ വിശ്വ​സി​ക്കാ​നും നിങ്ങൾ മറ്റുള്ള​വരെ സഹായി​ക്കു​ന്ന​തി​ലും ദൈവ​ത്തി​നു നന്ദി പറയുന്നു.” ഈ മനുഷ്യൻ തന്റെ വധശി​ക്ഷ​യ്‌ക്കെ​തി​രെ അപ്പീൽ കൊടു​ത്തി​രി​ക്കു​ക​യാണ്‌. അയാൾ വധിക്ക​പ്പെ​ട്ടാ​ലും അനേകം വർഷങ്ങൾ ഇനിയും ജയിലിൽ കിടന്നാ​ലും ശരി, അയാൾക്കു വ്യക്തമാ​യും ദൈവത്തെ സ്‌തു​തി​ക്കാൻ കാരണ​മുണ്ട്‌.

‘അന്ധയെ​ങ്കി​ലും എനിക്കു കാണാം’

ചുറു​ചു​റു​ക്കുള്ള ഒരു കൗമാ​ര​പ്രാ​യ​ക്കാ​രി​ക്കു പെട്ടെന്നു കാഴ്‌ച​ശക്തി നഷ്ടപ്പെ​ടു​ന്നു​വെന്നു ചിന്തി​ക്കുക. അർജൻറീ​ന​യിൽ പാർക്കുന്ന ഗ്ലോറി​യ​യ്‌ക്കു സംഭവി​ച്ചത്‌ അതാണ്‌. 19 വയസ്സു​ള്ള​പ്പോൾ ഗ്ലോറി​യ​യ്‌ക്കു പെട്ടെന്ന്‌ അന്ധത ബാധിച്ചു. പിന്നീട്‌ അവൾക്കു കാഴ്‌ച​ശക്തി ഒരിക്ക​ലും തിരി​ച്ചു​കി​ട്ടി​യില്ല. 29-ാമത്തെ വയസ്സിൽ അവൾ വിവാഹം കഴിക്കാ​തെ ഒരു മനുഷ്യ​നു​മൊ​ത്തു താമസ​മാ​രം​ഭി​ച്ചു. അങ്ങനെ ഗർഭവ​തി​യാ​യി. ജീവി​ത​ത്തിന്‌ ഇപ്പോൾ അർഥം കൈവ​ന്നി​രി​ക്കു​ന്ന​താ​യി അവൾക്കു തോന്നി. എന്നാൽ കുട്ടി മരിച്ച​പ്പോൾ അവൾ ചോദ്യ​ങ്ങൾ ചോദി​ക്കാൻ തുടങ്ങി. അവൾ ചിന്തിച്ചു, ‘എനിക്കി​ങ്ങനെ സംഭവി​ക്കു​ന്നത്‌ എന്തു​കൊ​ണ്ടാണ്‌? ഞാൻ എന്തു ചെയ്‌തി​ട്ടാണ്‌? ദൈവം വാസ്‌ത​വ​ത്തിൽ സ്ഥിതി​ചെ​യ്യു​ന്നു​ണ്ടോ?’

ഈ ഘട്ടത്തിൽ യഹോ​വ​യു​ടെ രണ്ടു സാക്ഷികൾ അവളുടെ വീട്ടു​വാ​തിൽക്ക​ലെത്തി. അവൾ ബൈബിൾ പഠിക്കാൻ തുടങ്ങി. പുതിയ ലോക​ത്തിൽ അന്ധർക്കു വീണ്ടും കാഴ്‌ച ലഭിക്കു​മെന്ന അതിലെ വാഗ്‌ദ​ത്ത​ത്തെ​ക്കു​റിച്ച്‌ അവൾ പഠിച്ചു. (യെശയ്യാ​വു 35:5) ഗ്ലോറി​യയെ സംബന്ധി​ച്ചി​ട​ത്തോ​ളം എത്ര അത്ഭുത​ക​ര​മായ ഭാവി​പ്ര​തീക്ഷ! അവൾക്കു വളരെ സന്തോ​ഷ​മാ​യി, വിശേ​ഷി​ച്ചും വിവാഹം നിയമ​പ​ര​മാ​ക്കാ​മെന്നു ഭർത്താവു സമ്മതി​ച്ച​പ്പോൾ. പിന്നീട്‌ ഒരു അപകട​ത്തിൽ ഭർത്താവ്‌ വികലാം​ഗ​നാ​യി. അതോടെ ചക്രക്ക​സേ​ര​യി​ലു​മാ​യി. ഇന്ന്‌ ഈ അന്ധയായ സ്‌ത്രീക്ക്‌ അഹോ​വൃ​ത്തി​ക്കാ​യി കഠിന​വേല ചെയ്യണം. ഒപ്പം വീട്ടു​ജോ​ലി​യും ഭർത്താ​വി​നെ വ്യക്തി​പ​ര​മാ​യി പരിച​രി​ക്ക​ലും. എന്നിട്ടും ഗ്ലോറിയ യഹോ​വയെ സ്‌തു​തി​ക്കു​ന്നു! ക്രിസ്‌തീയ സഹോ​ദ​രീ​സ​ഹോ​ദ​ര​ന്മാ​രു​ടെ സഹായ​ത്താൽ അവൾ അന്ധലി​പി​യിൽ ബൈബിൾ പഠിക്കു​ന്നു. രാജ്യ​ഹാ​ളി​ലെ ക്രിസ്‌തീയ യോഗ​ങ്ങ​ളിൽനിന്ന്‌ അവൾക്കു വലിയ പ്രോ​ത്സാ​ഹനം ലഭിക്കു​ന്നുണ്ട്‌. അവൾ പറയുന്നു: “വിശദീ​ക​രി​ക്കാൻ വിഷമ​മാണ്‌. ഞാൻ അന്ധയാ​ണെ​ങ്കി​ലും എനിക്കു കാണാൻ കഴിയു​ന്ന​തു​പോ​ലെ​യാണ്‌.”

ആളുകൾ ദൈവത്തെ സ്‌തു​തി​ക്കു​മ്പോൾ ചില​പ്പോൾ അവർക്കു പീഡനം നേരി​ടേ​ണ്ടി​വ​രു​ന്നു. ക്രൊ​യേ​ഷ്യ​യി​ലെ ഒരു സ്‌ത്രീ ദൈവ​ത്തെ​ക്കു​റി​ച്ചു പഠിച്ച​പ്പോൾ വലിയ സന്തോ​ഷ​ത്തി​ലാ​യി​രു​ന്നു. എന്നാൽ പുതി​യ​താ​യി ലഭിച്ച വിശ്വാ​സത്തെ എതിർത്ത ഭർത്താവ്‌ അവളെ ഉപേക്ഷിച്ച്‌ അവരുടെ ഒരു വയസ്സുള്ള പുത്രി​യെ​യും​കൊണ്ട്‌ കടന്നു​ക​ളഞ്ഞു. ഭർത്താ​വും വീട്ടു​കാ​രും ഉപേക്ഷിച്ച്‌ തെരു​വി​ലായ അവൾ, വീടോ തൊഴി​ലോ, എന്തിന്‌ തന്റെ കുട്ടി​പോ​ലു​മി​ല്ലാ​തെ, ആദ്യം തകർന്ന​നി​ല​യി​ലാ​യി. എന്നാൽ വളർച്ച​യെ​ത്തു​ന്ന​തു​വരെ കുട്ടി​യു​മാ​യി പരിമി​ത​മായ സമ്പർക്കമേ ഉണ്ടായി​രു​ന്നു​ള്ളു​വെ​ങ്കി​ലും, അവൾക്കു തുണയാ​യത്‌ ദൈവ​ത്തോ​ടുള്ള അവളുടെ സ്‌നേ​ഹ​മാ​യി​രു​ന്നു. ‘വില​യേ​റിയ മുത്ത്‌’ കണ്ടെത്തി​യി​രുന്ന ഈ സ്‌ത്രീ അതു കയ്യിൽനി​ന്നു വഴുതി​പ്പോ​കാൻ അനുവ​ദി​ക്കു​മാ​യി​രു​ന്നില്ല. (മത്തായി 13:45, 46) ഈ ദുഷ്‌കര സമയങ്ങ​ളിൽ അവൾ എങ്ങനെ​യാ​ണു തന്റെ സന്തോഷം നിലനിർത്തി​യത്‌? അവൾ പറയുന്നു: “സന്തോഷം ദൈവാ​ത്മാ​വി​ന്റെ ഫലമാണ്‌. പുറമേ ഏതുതരം കാലാ​വ​സ്ഥ​യാ​യി​രു​ന്നാ​ലും ഒരു ചില്ലു​കൂ​ട്ടിൽ സസ്യങ്ങൾ വളരു​ന്ന​തു​പോ​ലെ, ബാഹ്യ സാഹച​ര്യ​ങ്ങൾ എന്തുത​ന്നെ​യാ​യാ​ലും സന്തോഷം നട്ടുവ​ളർത്താ​നാ​വും.”

ഫിൻലൻഡിൽ, ആറുവ​യ​സ്സു​കാ​രൻ മാർക്ക​സി​നു പേശീ​സം​ബ​ന്ധ​മായ ഒരു മാറാ രോഗം പിടി​പെ​ട്ടി​രി​ക്കു​ക​യാ​ണെന്നു പരി​ശോ​ധ​ന​യിൽനി​ന്നു മനസ്സി​ലാ​യി. താമസി​യാ​തെ ചക്രക്ക​സേ​ര​യാ​യി ആശ്രയം. ഏതാനും വർഷങ്ങൾക്കു​ശേഷം, അവന്റെ അമ്മ അവനെ ഒരു പെന്ത​ക്കോ​സ്‌തു​കാ​രന്റെ അടുക്കൽ കൊണ്ടു​പോ​യി. രോഗി​കളെ സുഖ​പ്പെ​ടു​ത്തു​ന്നു​വെന്ന അവകാ​ശ​വാ​ദ​ത്താൽ വലിയ പ്രസി​ദ്ധി​യാ​യി​രു​ന്നു അയാൾക്ക്‌. എന്നാൽ അത്ഭുത രോഗ​ശാ​ന്തി​യൊ​ന്നും നടന്നില്ല. അങ്ങനെ മാർക്ക​സി​നു ദൈവ​ത്തിൽ താത്‌പ​ര്യ​മി​ല്ലാ​താ​യി. തുടർന്ന്‌ അവൻ ശാസ്‌ത്ര പഠനത്തി​ലേ​ക്കും മറ്റു ലൗകിക മേഖല​യി​ലേ​ക്കും കടന്നു. അങ്ങനെ​യി​രി​ക്കെ ഏതാണ്ട്‌ അഞ്ചു വർഷം മുമ്പ്‌, ഒരു യുവാ​വും ചക്രക്ക​സേ​ര​യി​ലി​രു​ന്നു സഞ്ചരി​ക്കുന്ന ഒരു സ്‌ത്രീ​യും മാർക്കസ്‌ പാർക്കുന്ന വീട്ടിൽ വന്നു. അവർ യഹോ​വ​യു​ടെ സാക്ഷി​ക​ളാ​യി​രു​ന്നു. മാർക്കസ്‌ അപ്പോൾ ഒരു നിരീ​ശ്വ​ര​വാ​ദി​യാ​യി​രു​ന്നു. എന്നാൽ മതത്തെ​ക്കു​റി​ച്ചു സംസാ​രി​ക്കാൻ എതിർപ്പൊ​ന്നു​മി​ല്ലാ​തി​രു​ന്ന​തി​നാൽ അവരെ അകത്തേക്കു ക്ഷണിച്ചു.

പിന്നീട്‌, ഒരു വിവാ​ഹിത ദമ്പതികൾ അവനെ സന്ദർശി​ച്ചു. ഒരു ബൈബി​ള​ധ്യ​യ​ന​വും തുടങ്ങി. അവസാനം, ബൈബിൾ സത്യത്തി​ന്റെ ശക്തി മാർക്ക​സി​ന്റെ വീക്ഷണ​ഗ​തി​കളെ മാറ്റി​മ​റി​ച്ചു. അംഗ​വൈ​ക​ല്യ​മു​ണ്ടെ​ങ്കിൽപ്പോ​ലും, ദൈവത്തെ സ്‌തു​തി​ക്കു​ന്ന​തി​നു തനിക്കു വാസ്‌ത​വ​ത്തിൽ കാരണ​ങ്ങ​ളു​ണ്ടെന്ന്‌ അവൻ തിരി​ച്ച​റി​ഞ്ഞു. അവൻ പറഞ്ഞു: “എനിക്ക്‌ അതീവ സന്തോ​ഷ​മുണ്ട്‌. കാരണം ഞാൻ സത്യവും യഹോവ ഉപയോ​ഗി​ക്കുന്ന സ്ഥാപന​വും കണ്ടെത്തി​യി​രി​ക്കു​ന്നു. എന്റെ ജീവി​ത​ത്തിന്‌ ഇപ്പോൾ ലക്ഷ്യവും അർഥവു​മുണ്ട്‌. കാണാ​തെ​പോയ മറ്റൊരു ആടിനെ കണ്ടെത്തി​യി​രി​ക്കു​ക​യാണ്‌, ഇനിയതു യഹോ​വ​യു​ടെ ആട്ടിൻകൂ​ട്ടത്തെ വിട്ടു​പോ​കാൻ ആഗ്രഹി​ക്കു​ന്നില്ല!”—മത്തായി 10:6 താരത​മ്യം ചെയ്യുക.

സകലരും ‘യാഹിനെ സ്‌തു​തി​ക്കട്ടെ’

സാഹച​ര്യം എന്തുത​ന്നെ​യാ​യാ​ലും, മനുഷ്യർക്ക്‌ ഇന്നു ദൈവത്തെ സ്‌തു​തി​ക്കാ​നുള്ള കാരണ​മു​ണ്ടെന്നു കാണി​ക്കാൻ പരാമർശി​ക്കാ​വുന്ന എണ്ണമറ്റ അനുഭ​വ​ങ്ങ​ളിൽ ചിലതു മാത്ര​മാ​ണിവ. പൗലൊസ്‌ അപ്പോ​സ്‌തലൻ അതിങ്ങനെ വിശദ​മാ​ക്കു​ക​യു​ണ്ടാ​യി: “ശരീരാ​ഭ്യാ​സം അല്‌പ​പ്ര​യോ​ജ​ന​മു​ള്ള​ത​ത്രേ; ദൈവ​ഭ​ക്തി​യോ ഇപ്പോ​ഴത്തെ ജീവ​ന്റെ​യും വരുവാ​നി​രി​ക്കു​ന്ന​തി​ന്റെ​യും വാഗ്‌ദ​ത്ത​മു​ള്ള​താ​ക​യാൽ സകലത്തി​ന്നും പ്രയോ​ജ​ന​ക​ര​മാ​കു​ന്നു.” (1 തിമൊ​ഥെ​യൊസ്‌ 4:8) നാം ദൈവ​ഹി​തം ചെയ്യു​ന്നെ​ങ്കിൽ, അവൻ ‘ഇപ്പോ​ഴത്തെ ജീവന്റെ വാഗ്‌ദത്തം’ നിവർത്തി​ക്കും. തീർച്ച​യാ​യും, ഈ വ്യവസ്ഥി​തി​യിൽ അവൻ ദരി​ദ്രരെ സമ്പന്നരാ​ക്കു​ക​യോ രോഗി​കളെ ആരോ​ഗ്യ​വാ​ന്മാ​രാ​ക്കു​ക​യോ ചെയ്യു​ക​യില്ല. എന്നാൽ, തന്നെ സേവി​ക്കു​ന്ന​വർക്ക്‌ അവൻ തന്റെ ആത്മാവി​നെ കൊടു​ക്കു​ന്നു. അങ്ങനെ തങ്ങളുടെ സാഹച​ര്യം എന്തുത​ന്നെ​യാ​യാ​ലും സന്തോ​ഷ​വും സംതൃ​പ്‌തി​യും അവർക്കു ലഭിക്കു​ന്നു. അതേ, ‘ഇപ്പോ​ഴത്തെ ജീവി’തത്തിൽപ്പോ​ലും, രോഗി​കൾക്കും മർദി​തർക്കും ദരി​ദ്രർക്കും ദൈവത്തെ സ്‌തു​തി​ക്കാൻ കാരണ​മുണ്ട്‌.

“വരുവാ​നി​രി​ക്കുന്ന” ജീവന്റെ കാര്യ​മോ? അതി​നെ​ക്കു​റി​ച്ചുള്ള ചിന്തതന്നെ അതീവ ആവേശ​ത്തോ​ടെ ദൈവത്തെ സ്‌തു​തി​ക്കാൻ നമ്മെ പ്രേരി​പ്പി​ക്കണം! ദാരി​ദ്ര്യം ഒരിട​ത്തും ഇല്ലാതി​രി​ക്കുന്ന, “നിവാ​സി​ക​ളി​ലാ​രും താൻ രോഗി​യാ​ണെന്നു പറയു​ക​യി​ല്ലാ”ത്ത, യഹോ​വ​യാം ദൈവം “അവരുടെ മിഴി​ക​ളിൽനി​ന്നു കണ്ണീർ തുടച്ചു​നീ​ക്കു”ന്ന, “ഇനി മരണം ഉണ്ടായി​രി​ക്കു​ക​യി​ല്ലാ”ത്ത, “ഇനിമേൽ ദുഃഖ​മോ മുറവി​ളി​യോ വേദന​യോ ഉണ്ടാവു​ക​യി​ല്ലാ”ത്ത, “പഴയ​തെ​ല്ലാം കടന്നു​പോ”കുന്ന സമയ​ത്തെ​ക്കു​റി​ച്ചു ചിന്തി​ക്കു​ന്ന​തിൽ നാം പുളക​മ​ണി​യു​ന്നു. (യെശയ്യാ​വു 33:24; വെളി​പ്പാ​ടു 21:3, 4; സങ്കീർത്തനം 72:16; പി.ഒ.സി. ബൈബിൾ) ദൈവ​ത്തിൽനി​ന്നുള്ള ഈ വാഗ്‌ദ​ത്ത​ങ്ങളെ നിങ്ങൾ എങ്ങനെ വീക്ഷി​ക്കു​ന്നു?

ഇവയിൽ ചില സംഗതി​കൾ വിശദ​മാ​ക്കുന്ന ഒരു ബൈബിൾ ലഘുലേഖ എൽ സാൽവ​ഡോ​റി​ലെ ഒരു യുവാ​വി​നു കിട്ടി. അതു തന്ന സാക്ഷി​യോട്‌ അയാൾ പറഞ്ഞു: “ശ്രീമതീ, ഇത്‌ സംഗതി അതിഗം​ഭീ​രം​തന്നെ, പക്ഷേ നടക്കുന്ന കാര്യമല്ല.” അനേക​രു​ടെ​യും പ്രതി​ക​രണം അങ്ങനെ​യാണ്‌. എങ്കിലും, ഇവ പ്രപഞ്ചം സൃഷ്ടി​ച്ച​വന്റെ, നമ്മുടെ ഭൂമി​യു​ടെ സ്വാഭാ​വിക പരിവൃ​ത്തി​കൾക്കു രൂപം​കൊ​ടു​ത്ത​വന്റെ, ദരി​ദ്ര​രെ​യും രോഗി​ക​ളെ​യും​പോ​ലും സന്തോഷം കണ്ടെത്താൻ സഹായി​ക്കു​ന്ന​വന്റെ വാഗ്‌ദ​ത്ത​ങ്ങ​ളാണ്‌. അവൻ പറയു​ന്നതു നമുക്കു വിശ്വ​സി​ക്കാ​നാ​വും. മേൽപ്പറഞ്ഞ യുവാവ്‌ യഹോ​വ​യു​ടെ സാക്ഷി​ക​ളോ​ടൊ​പ്പം ബൈബിൾ പഠിച്ച്‌ ഇതു സത്യമാ​ണെന്നു മനസ്സി​ലാ​ക്കി. നിങ്ങൾ ബൈബിൾ പഠിക്കാൻ തുടങ്ങി​യി​ട്ടി​ല്ലെ​ങ്കിൽ, അതു ചെയ്യാൻ ഞങ്ങൾ നിങ്ങളെ പ്രോ​ത്സാ​ഹി​പ്പി​ക്കു​ക​യാണ്‌. അങ്ങനെ, ഈ ദുഷ്ടവ്യ​വ​സ്ഥി​തി നീങ്ങി​പ്പോ​കു​മ്പോൾ, “ഹല്ലെലൂ​യ്യാ!” “ജനങ്ങളേ, യാഹിനെ സ്‌തു​തി​പ്പിൻ!” എന്ന ഉദ്‌ഘോ​ഷ​ത്തിൽ സകല സൃഷ്ടി​യും പങ്കുപ​റ്റു​മ്പോൾ നിങ്ങളും അവിടെ ഉണ്ടായി​രി​ക്കു​മാ​റാ​കട്ടെ.—സങ്കീർത്തനം 112:1; 135:1, NW.

[അടിക്കു​റി​പ്പു​കൾ]

[5-ാം പേജിലെ ചിത്രം]

“ഹല്ലെലൂ​യ്യാ!” എന്ന ഉദ്‌ഘോ​ഷ​ത്തിൽ സകല സൃഷ്ടി​യും പങ്കുപ​റ്റു​മ്പോൾ നിങ്ങളും അവിടെ ഉണ്ടായി​രി​ക്കു​മാ​റാ​കട്ടെ