“ദൈവ​ത്തി​ന്റെ പർവത”മുള്ള ദേശത്തിൽ ഒരു “സാക്ഷ്യ​ത്തി​ന്റെ കൂമ്പാരം”

ഭൂഖണ്ഡ​ത്തി​ന്റെ ഭൂപട​ത്തിൽ പശ്ചിമാ​ഫ്രി​ക്ക​യു​ടെ സമു​ദ്ര​തീ​രം പിൻപറ്റി, ഗിനി ഉൾക്കട​ലി​നോ​ടു ചേർന്നു കിഴ​ക്കോ​ട്ടു നീങ്ങു​ന്ന​പക്ഷം തീര​പ്ര​ദേശം തെക്കോ​ട്ടു തിരി​യുന്ന ഭാഗത്തു നിങ്ങൾ കാമെ​റൂൺ കണ്ടെത്തും. തീര​പ്ര​ദേ​ശ​ത്തൂ​ടെ തെക്കോ​ട്ടു തുടർന്നു സഞ്ചരി​ക്കു​ന്നെ​ങ്കിൽ നിങ്ങൾ കറുത്ത മണലുള്ള വിസ്‌തൃ​ത​മായ കടൽത്തീ​ര​ങ്ങ​ളിൽ എത്തി​ച്ചേ​രും. കാമെ​റൂൺ കൊടു​മു​ടി​യി​ലെ അഗ്നിപർവത സ്‌ഫോ​ട​ന​ങ്ങ​ളു​ടെ ഫലമാണു കറുത്ത മണൽ.

4,070 മീറ്റർ ഉയരത്തിൽ, കോണാ​കൃ​തി​യി​ലുള്ള ആ പർവതം ആ പ്രദേ​ശത്തു മുഴുവൻ ആധിപ​ത്യം ഉറപ്പി​ച്ചി​രി​ക്കു​ന്നു. അസ്‌തമയ സൂര്യൻ കാമെ​റൂൺ കൊടു​മു​ടി​യു​ടെ ചരിവു​കളെ പ്രകാ​ശ​ത്താൽ കുളി​പ്പി​ക്കു​മ്പോൾ അതു നീല​ലോ​ഹി​തം, ഓറഞ്ച്‌, സൗവർണം, കുങ്കുമം എന്നിങ്ങനെ വിശിഷ്ട വർണങ്ങ​ളാൽ പകി​ട്ടേ​റിയ ദൃശ്യ​മൊ​രു​ക്കു​ന്നു. ആകാശ​വും ഭൂമി​യും വേർതി​രി​ച്ച​റി​യാ​നാ​വാ​ത്ത​വി​ധം കടലും സമീപ​ത്തുള്ള ചതുപ്പു​നി​ല​വും ഈ നിറ​ഭേ​ദ​ങ്ങ​ളെ​യെ​ല്ലാം ഒരു കണ്ണാടി​പോ​ലെ പ്രതി​ഫ​ലി​പ്പി​ക്കു​ന്നു. ആ പ്രദേ​ശത്തെ പ്രപഞ്ചാ​ത്മ​വാ​ദി ഗോ​ത്രങ്ങൾ ആ പർവത​ത്തി​നു മെങ്കോ മാ ലോബാ എന്നു പേരി​ട്ടി​രി​ക്കു​ന്നത്‌ എന്തു​കൊ​ണ്ടാ​ണെന്നു മനസ്സി​ലാ​ക്കുക എളുപ്പ​മാണ്‌. “ദൈവ​ങ്ങ​ളു​ടെ രഥം” അല്ലെങ്കിൽ കൂടുതൽ സാധാ​ര​ണ​മാ​യി “ദൈവ​ത്തി​ന്റെ പർവതം” എന്ന്‌ അതു തർജമ ചെയ്യ​പ്പെ​ട്ടി​രി​ക്കു​ന്നു.

കുറച്ചു​കൂ​ടെ തെക്കു​ഭാ​ഗ​ത്താ​യി കിലോ​മീ​റ്റർ കണക്കിനു വ്യാപി​ച്ചു കിടക്കുന്ന വെള്ളമ​ണൽത്തീ​ര​ങ്ങ​ളു​ടെ ഓരം ചേർന്നു നിരനി​ര​യാ​യി തെങ്ങുകൾ പിടി​പ്പി​ച്ചി​രി​ക്കു​ന്നു. പ്രകൃ​തി​ര​മ​ണീ​യ​മായ തീര​പ്ര​ദേ​ശ​മൊ​ഴി​ച്ചാൽ, രാജ്യ​ത്തി​ന്റെ ഭൂരി​ഭാ​ഗ​വും നിബി​ഢ​മായ ഭൂമധ്യ​രേഖാ വനങ്ങളാൽ നിറഞ്ഞി​രി​ക്കു​ക​യാണ്‌. അതിന്റെ അതിർത്തി കോം​ഗോ, മധ്യ ആഫ്രിക്കൻ റിപ്പബ്ലിക്ക്‌ എന്നിവി​ട​ങ്ങ​ളി​ലേ​ക്കും വടക്ക്‌ നൈജീ​രിയ, സഹാറ​യു​ടെ തെക്കുള്ള ഛാഡ്‌ എന്നിവി​ട​ങ്ങ​ളി​ലേ​ക്കും വ്യാപി​ച്ചു​കി​ട​ക്കു​ന്നു. രാജ്യ​ത്തി​ന്റെ പടിഞ്ഞാ​റു ഭാഗം പർവത​ങ്ങ​ളാണ്‌. അത്‌ യാത്ര​ക്കാ​രെ യൂറോ​പ്പി​ന്റെ ചില ഭാഗങ്ങ​ളെ​ക്കു​റിച്ച്‌ ഓർമി​പ്പി​ക്കു​ന്നു. എന്നിരു​ന്നാ​ലും, ഉഷ്‌ണ​മുള്ള കാലാവസ്ഥ നിങ്ങൾ ഭൂമധ്യ​രേ​ഖ​യിൽനി​ന്നു വിളി​പ്പാ​ട​ക​ലെ​യാ​ണെന്ന വസ്‌തുത മറക്കാൻ നിങ്ങളെ അനുവ​ദി​ക്കു​ക​യില്ല. നാട്ടു​പ്ര​ദേ​ശ​ത്തി​ന്റെ വൈജാ​ത്യം കാമെ​റൂൺ ആഫ്രി​ക്ക​യു​ടെ ഒരു ചെറിയ പകർപ്പാ​ണെന്നു പറയാൻ അനേകം വിനോ​ദ​സ​ഞ്ചാര ഗൈഡു​കളെ പ്രേരി​പ്പി​ക്കു​ന്നു. വ്യത്യസ്‌ത വംശ വിഭാ​ഗ​ങ്ങ​ളും 220-ലധികം അംഗീ​കൃത ഭാഷക​ളും ഉപഭാ​ഷ​ക​ളും ഈ ധാരണയെ അരക്കി​ട്ടു​റ​പ്പി​ക്കു​ന്നു.

നിങ്ങൾ കാമെ​റൂൺ സന്ദർശി​ക്കു​ന്ന​പക്ഷം, ഡുവാള തുറമു​ഖ​ത്തോ തലസ്ഥാന നഗരി​യായ യാവു​ണ്ടെ​യി​ലോ ഉള്ള വലിയ ഹോട്ട​ലു​ക​ളി​ലൊ​ന്നിൽ താമസി​ച്ചേ​ക്കാം. എന്നാൽ ജനങ്ങളു​ടെ ജീവി​ത​രീ​തി​യെ​ക്കു​റിച്ച്‌, പ്രത്യേ​കി​ച്ചും “ദൈവ​ത്തി​ന്റെ പർവത”മുള്ള ഈ ദേശത്ത്‌ “സാക്ഷ്യ​ത്തി​ന്റെ കൂമ്പാരം” പണിതു​യർത്തു​ന്ന​തിൽ തിരക്കുള്ള 24,000 യഹോ​വ​യു​ടെ സാക്ഷി​ക​ളെ​ക്കു​റിച്ച്‌ അറിയാ​നുള്ള അവസരം നിങ്ങൾ കളഞ്ഞു​കു​ളി​ക്കു​ന്നു​വെന്നു വരാം.a അവരിൽ ചിലരെ കണ്ടുമു​ട്ടു​ന്ന​തി​നു രാജ്യ​ത്തു​ട​നീ​ളം ഒരു യാത്ര നടത്തരു​തോ? ഈ പശ്ചിമാ​ഫ്രി​ക്കൻ ദേശത്തെ നിങ്ങളു​ടെ പര്യടനം തീർച്ച​യാ​യും സമൃദ്ധ​മാ​യി അനു​ഗ്ര​ഹി​ക്ക​പ്പെ​ടും.

ഒറ്റത്തടി​വ​ള്ള​ത്തി​ലോ ബുഷ്‌ ടാക്‌സി​യി​ലോ സൈക്കി​ളി​ലോ?

കാമെ​റൂ​ണി​ലെ ഏറ്റവും നീളമുള്ള നദിയായ സാനഗ കടലിൽ പതിക്കു​ന്നി​ടം ഒരു വലിയ തുരു​ത്താണ്‌. ഈ വിസ്‌തൃ​ത​മായ പ്രദേ​ശത്തെ നിവാ​സി​ക​ളു​ടെ​യെ​ല്ലാം പക്കൽ എത്തി​ച്ചേ​രു​ന്ന​തി​നു യഹോ​വ​യു​ടെ സാക്ഷി​കൾക്കു മിക്ക​പ്പോ​ഴും ഒറ്റത്തടി​വ​ള്ള​ത്തിൽ യാത്ര ചെയ്യേ​ണ്ട​താ​യി​ട്ടുണ്ട്‌. ഒമ്പതു രാജ്യ​പ്ര​സാ​ധ​ക​രുള്ള എംബി​യാ​ക്കോ​യി​ലെ ചെറിയ കൂട്ടം അതാണു ചെയ്യു​ന്നത്‌. അവരിൽ രണ്ടുപേർ അവി​ടെ​നിന്ന്‌ 25 കിലോ​മീ​റ്റർ അകലെ​യുള്ള യോയോ ഗ്രാമ​ത്തി​ലാ​ണു താമസി​ക്കു​ന്നത്‌. വള്ളം ആഞ്ഞു തുഴഞ്ഞാ​ലേ അവർക്ക്‌ എംബി​യാ​ക്കോ​യിൽ എത്തി​ച്ചേ​രാൻ സാധിക്കൂ. എങ്കിലും ക്രിസ്‌തീയ യോഗ​ങ്ങ​ളിൽ അവർ എല്ലായ്‌പോ​ഴും സന്നിഹി​ത​രാണ്‌. ഈ കൂട്ടത്തെ സന്ദർശി​ച്ച​പ്പോൾ ഒരു സഞ്ചാര​മേൽവി​ചാ​രകൻ, യഹോ​വ​യു​ടെ സാക്ഷികൾ—ആ പേരിനു പിമ്പിലെ സ്ഥാപനം (ഇംഗ്ലീഷ്‌) എന്ന വീഡി​യോ കാണി​ക്കു​ന്ന​തി​നെ​ക്കു​റി​ച്ചു നിർദേ​ശി​ച്ചു. എന്നാൽ അതു പറയു​ന്നത്ര എളുപ്പ​മാ​യി​രു​ന്നില്ല. അത്തരം വിദൂര ഗ്രാമ​ത്തിൽ എവി​ടെ​നി​ന്നാ​ണു വീഡി​യോ കാസറ്റ്‌ റെക്കോർഡർ, ടെലി​വി​ഷൻ സെറ്റ്‌, അവ പ്രവർത്തി​പ്പി​ക്കാ​നാ​വ​ശ്യ​മായ വൈദ്യു​തി എന്നിവ ലഭിക്കുക?

സന്ദർശന ആഴ്‌ച​യിൽ ചില പ്രസാ​ധകർ പ്രാ​ദേ​ശിക പള്ളിയി​ലെ ഒരു ഉപദേ​ശി​യെ സന്ദർശി​ച്ചു. ഉപദേശി അവർക്ക്‌ ഊഷ്‌മ​ള​മായ സ്വാഗ​ത​മ​രു​ളി​യത്‌ അവരെ അതിശ​യി​പ്പി​ച്ചു. അവർ അദ്ദേഹ​ത്തോ​ടൊ​പ്പം സജീവ​മായ ബൈബിൾ ചർച്ചയി​ലേർപ്പെട്ടു. ആ ഉപദേ​ശി​ക്കു സ്വന്തമാ​യി ഒരു വിസിആർ മാത്രമല്ല ഒരു വൈദ്യു​ത ജനറേ​റ്റ​റു​മു​ണ്ടെന്നു മനസ്സി​ലാ​ക്കിയ സഹോ​ദ​രങ്ങൾ ധൈര്യം സംഭരിച്ച്‌ ആ ഉപകര​ണങ്ങൾ തങ്ങൾക്കു വാടക​യ്‌ക്കെ​ടു​ക്കാ​നാ​കു​മോ​യെന്ന്‌ അദ്ദേഹ​ത്തോ​ടു ചോദി​ച്ചു. നേരത്തത്തെ ബൈബിൾ ചർച്ച ആസ്വദിച്ച ഉപദേശി സഹായി​ക്കാ​മെ​ന്നേറ്റു. ശനിയാഴ്‌ച വൈകു​ന്നേരം ഉപദേ​ശി​യും അദ്ദേഹ​ത്തി​ന്റെ പള്ളിയി​ലെ മിക്ക അംഗങ്ങ​ളു​മുൾപ്പെടെ 102 പേർ വീഡി​യോ കാണാൻ എത്തി​ച്ചേർന്നു. യോ​യോ​യിൽനി​ന്നുള്ള രണ്ടു സാക്ഷികൾ രണ്ടു വള്ളങ്ങളിൽ താത്‌പ​ര്യ​ക്കാ​രെ കൊണ്ടു​വന്നു. ഉയരുന്ന വേലി​യേറ്റ പ്രവാ​ഹ​ത്തി​നെ​തി​രെ തുഴയു​ന്നതു ദുഷ്‌ക​ര​മാ​യി അവർ കണക്കാ​ക്കി​യില്ല. വീഡി​യോ കണ്ടുക​ഴി​ഞ്ഞ​പ്പോൾ അവർ അത്യന്തം വികാ​ര​ഭ​രി​ത​രും പ്രോ​ത്സാ​ഹി​ത​രു​മാ​യി. യഹോ​വയെ മഹത്ത്വ​പ്പെ​ടു​ത്തു​ന്നതു ലക്ഷ്യമാ​യുള്ള ഇത്തരം വലിയ സ്ഥാപന​ത്തി​ന്റെ ഭാഗമാ​യി​രി​ക്കു​ന്ന​തിൽ അവർ അഭിമാ​ന​മു​ള്ള​വ​രാ​യി​രു​ന്നു.

ഒറ്റത്തടി​വ​ള്ള​ങ്ങൾക്ക്‌ എത്തി​ച്ചേ​രാ​നാ​കാ​ത്തി​ടത്ത്‌ ഒരുവനു ബുഷ്‌ ടാക്‌സി ഉപയോ​ഗി​ക്കാൻ കഴിയും. ഈ ടാക്‌സി​കൾ യാത്ര​ക്കാ​രെ കാത്തു​കി​ട​ക്കു​ന്നി​ടങ്ങൾ എല്ലായ്‌പോ​ഴും ബഹളമ​യ​മാണ്‌. തണുത്ത വെള്ളം വിൽക്കു​ന്നവർ, പഴം വിൽക്കു​ന്നവർ, ബസ്സിലെ പോർട്ടർമാർ തുടങ്ങി​യ​വ​രു​ടെ ഇടയിൽപ്പെട്ട്‌ ആകെ സംഭ്രാ​ന്ത​രാ​യി​ത്തീ​രാൻ എളുപ്പ​മാണ്‌. കാത്തു​കി​ട​ക്കുന്ന ബുഷ്‌ ടാക്‌സി​യിൽ ആളെ വിളി​ച്ചു​ക​യ​റ്റു​ക​യാ​ണു ബസ്സിലെ പോർട്ടർമാ​രു​ടെ തൊഴിൽ. അവരെ സംബന്ധി​ച്ചി​ട​ത്തോ​ളം എല്ലാ വണ്ടിയും “ഉടൻ പുറ​പ്പെ​ടും.” എന്നിരു​ന്നാ​ലും “ഉടൻ” എന്ന പദത്തിന്‌ അതിന്റെ ഏറ്റവും അകന്ന അർഥമേ നൽകാവൂ. യാത്ര​ക്കാർക്കു മണിക്കൂ​റു​ക​ളോ​ളം, ചില​പ്പോ​ഴൊ​ക്കെ ദിവസ​ങ്ങ​ളോ​ളം, കാത്തി​രി​ക്കേ​ണ്ടി​വ​രു​ന്നു. യാത്ര​ക്കാ​രെ​യെ​ല്ലാം ഉള്ളിൽ കുത്തി​നി​റ​ച്ച​ശേഷം ഡ്രൈവർ യാത്രാ​സാ​മാ​ന​ങ്ങ​ളും ഉത്‌പ​ന്ന​ങ്ങ​ളും ചില​പ്പോ​ഴൊ​ക്കെ ജീവനുള്ള കോഴി​കൾ, ആടുകൾ എന്നിവ​യെ​യും വണ്ടിയു​ടെ മുകളിൽ അടുക്കി​വ​യ്‌ക്കും. അങ്ങനെ ബുഷ്‌ ടാക്‌സി കുണ്ടും കുഴി​യും പൊടി​പ​ട​ല​വും നിറഞ്ഞ വഴിയി​ലൂ​ടെ യാത്ര പുറ​പ്പെ​ടു​ക​യാ​യി.

ഇത്തരം ഗതാഗ​ത​ത്തിൽ മടുപ്പു​തോ​ന്നിയ ഒരു സഞ്ചാര ശുശ്രൂ​ഷകൻ സ്വന്തമാ​യി യാത്രാ​സൗ​ക​ര്യം ഏർപ്പെ​ടു​ത്തി. ഇപ്പോൾ അദ്ദേഹ​ത്തി​ന്റെ യാത്ര മുഴുവൻ സൈക്കി​ളി​ലാണ്‌. അദ്ദേഹം ഇങ്ങനെ പറയുന്നു: “സൈക്കി​ളിൽ സഭകൾതോ​റും സന്ദർശി​ക്കാൻ തീരു​മാ​നി​ച്ച​തോ​ടെ ഞാൻ എപ്പോ​ഴും സമയത്ത്‌ എത്തി​ച്ചേ​രു​ന്നു. യാത്ര​യ്‌ക്കു മണിക്കൂ​റു​കൾ എടു​ത്തേ​ക്കാ​മെ​ന്നതു ശരിതന്നെ. ചുരു​ങ്ങി​യ​പക്ഷം, ബുഷ്‌ ടാക്‌സി​യും കാത്ത്‌ ഒന്നോ രണ്ടോ ദിവസം ചെലവ​ഴി​ക്കേ​ണ്ട​തി​ല്ല​ല്ലോ. മഴക്കാ​ലത്തു വെള്ള​പ്പൊ​ക്കം നിമിത്തം ചില വഴികൾ പാടേ അപ്രത്യ​ക്ഷ​മാ​കു​ന്നു. ചെളി​യും വെള്ളവും നിറഞ്ഞ അത്തരം സ്ഥലങ്ങൾ താണ്ടു​ന്ന​തി​നു ഷൂസ്‌ ഊരാതെ നിവർത്തി​യില്ല. ഒരിക്കൽ എന്റെ ഷൂസി​ലൊ​രെണ്ണം ഒരു അരുവി​യിൽ വീണു. ഏതാനും ആഴ്‌ച​കൾക്കു​ശേഷം സാക്ഷി​ക​ളി​ലൊ​രാ​ളു​ടെ മകൾ മീൻ പിടി​ച്ചു​കൊ​ണ്ടി​രി​ക്കെ അവിചാ​രി​ത​മാ​യി അവൾക്കതു കിട്ടി! ഈ ഷൂസി​ലൊ​രെണ്ണം കുറേ​നാൾ മത്സ്യ​ത്തോ​ടൊ​പ്പം കഴിഞ്ഞ​ശേഷം ഇതുതന്നെ വീണ്ടും ധരിക്കാൻ കഴിഞ്ഞ​തിൽ ഞാൻ സന്തുഷ്ട​നാണ്‌. യഹോ​വ​യു​ടെ സാക്ഷികൾ ഒരിക്ക​ലും പ്രസം​ഗി​ച്ചി​ട്ടി​ല്ലാത്ത സ്ഥലങ്ങളി​ലൂ​ടെ ഞാൻ ചില​പ്പോ​ഴൊ​ക്കെ സഞ്ചരി​ക്കാ​റുണ്ട്‌. ഞാൻ എന്താണു കൊണ്ടു​വ​ന്നി​രി​ക്കു​ന്ന​തെന്നു ഗ്രാമീ​ണർ എല്ലായ്‌പോ​ഴും ചോദി​ക്കും. അതു​കൊ​ണ്ടു ഞാൻ മാസി​ക​ക​ളും ലഘുപ​ത്രി​ക​ക​ളും എടുക്കാ​നെ​ളു​പ്പ​ത്തി​നു വയ്‌ക്കും. ഇടയ്‌ക്കു നിർത്തു​മ്പോ​ഴെ​ല്ലാം ഈ ബൈബി​ള​ധി​ഷ്‌ഠിത പ്രസി​ദ്ധീ​ക​ര​ണങ്ങൾ വാഗ്‌ദാ​നം ചെയ്യു​ന്ന​തോ​ടൊ​പ്പം ഹ്രസ്വ​മായ സാക്ഷ്യ​വും നൽകും. സത്യത്തി​ന്റെ ഈ വിത്തുകൾ വളരാൻ യഹോവ അനുവ​ദി​ക്കു​മെ​ന്നാണ്‌ എന്റെ വിശ്വാ​സം.”

ഏറെ ഉള്ളിൽ

കാമെ​റൂ​ണി​ന്റെ ഉൾഭാ​ഗത്ത്‌, വനാന്ത​ര​ങ്ങ​ളിൽ മറഞ്ഞു​കി​ട​ക്കുന്ന ഗ്രാമ​ങ്ങ​ളിൽപ്പോ​ലും മറ്റുള്ള​വ​രു​മാ​യി രാജ്യ​സു​വാർത്ത പങ്കിടാൻ യഹോ​വ​യു​ടെ സാക്ഷികൾ കിണഞ്ഞു​പ​രി​ശ്ര​മി​ക്കു​ന്നു. അതിനു വളരെ​യ​ധി​കം ശ്രമം ആവശ്യ​മാ​ണെ​ങ്കി​ലും ഫലങ്ങൾ ഹൃദ​യോ​ഷ്‌മ​ള​മാണ്‌.

ഒരു മുഴു​സമയ ശുശ്രൂ​ഷ​ക​യായ മറി, ആർലെറ്റ്‌ എന്നു​പേ​രുള്ള ഒരു പെൺകു​ട്ടി​യോ​ടൊ​പ്പം ബൈബി​ള​ധ്യ​യനം ആരംഭി​ച്ചു. ആദ്യ അധ്യയ​ന​ത്തി​നു​ശേഷം, ആഫ്രി​ക്ക​യു​ടെ ആ ഭാഗത്തെ പതിവ​നു​സ​രിച്ച്‌, വാതിൽവരെ തന്നെ അനുഗ​മി​ക്കു​ന്നോ​യെന്നു മറി ആർലെ​റ്റി​നോട്‌ ചോദി​ച്ചു. പാദങ്ങ​ളി​ലെ വേദന നിമിത്തം തനിക്ക്‌ ഒട്ടും നടക്കാ​നാ​വി​ല്ലെന്ന്‌ ആ പെൺകു​ട്ടി പറഞ്ഞു. ഒരു തരം ചെള്ളു​ബാധ ആർലെ​റ്റി​ന്റെ പാദങ്ങളെ ബാധി​ച്ചി​രു​ന്നു. പെൺചെള്ളു മാംസള ഭാഗത്തു തുളച്ചു​ക​യ​റി​യതു നിമിത്തം വ്രണമാ​യി​രി​ക്കു​ക​യാ​യി​രു​ന്നു. മറി സധൈ​ര്യം ചെള്ളു​കളെ ഒന്നൊ​ന്നാ​യി നീക്കം ചെയ്‌തു. രാത്രി​യിൽ ആ പെൺകു​ട്ടി​യെ ഭൂതങ്ങൾ പീഡി​പ്പി​ച്ചി​രു​ന്ന​താ​യും അവർ പിന്നീടു മനസ്സി​ലാ​ക്കി. യഹോ​വ​യിൽ ആശ്രയ​മർപ്പി​ക്കു​ന്ന​തെ​ങ്ങ​നെ​യെന്നു മറി ക്ഷമാപൂർവം വിശദീ​ക​രി​ച്ചു. പ്രത്യേ​കി​ച്ചും പ്രാർഥി​ക്കു​മ്പോൾ യഹോ​വ​യു​ടെ നാമം ഉച്ചത്തിൽ വിളി​ച്ച​പേ​ക്ഷി​ച്ചു​കൊ​ണ്ടാണ്‌ അതു ചെയ്യേ​ണ്ടത്‌.—സദൃശ​വാ​ക്യ​ങ്ങൾ 18:10.

ആർലെ​റ്റി​ന്റെ പുരോ​ഗതി ത്വരി​ത​ഗ​തി​യി​ലാ​യി​രു​ന്നു. ശാരീ​രി​ക​വും ബൗദ്ധി​ക​വു​മായ അവളുടെ ശ്രദ്ധേ​യ​മായ പുരോ​ഗതി നിമിത്തം അധ്യയ​നം​കൊണ്ട്‌ എന്തെങ്കി​ലും കുഴപ്പ​മു​ള്ള​താ​യി ആദ്യ​മൊ​ന്നും അവളുടെ കുടും​ബ​ത്തി​നു തോന്നി​യില്ല. എന്നാൽ അവൾ യഹോ​വ​യു​ടെ സാക്ഷി​ക​ളി​ലൊ​രാ​ളാ​കാൻ ആഗ്രഹി​ക്കു​ന്നു​വെന്നു മനസ്സി​ലാ​ക്കി​യ​പ്പോൾ അധ്യയനം തുടരു​ന്ന​തിൽനിന്ന്‌ അവർ അവളെ വിലക്കി. മൂന്നാ​ഴ്‌ച​കൾക്കു​ശേഷം, ആർലെ​റ്റി​ന്റെ അമ്മ മകളുടെ ദയനീ​യാ​വ​സ്ഥ​കണ്ടു മറിയു​മാ​യി ബന്ധപ്പെ​ടു​ക​യും അധ്യയനം പുനരാ​രം​ഭി​ക്കാൻ അഭ്യർഥി​ക്കു​ക​യും ചെയ്‌തു.

ഒരു സർക്കിട്ട്‌ സമ്മേള​ന​ത്തി​നു സമയമാ​യ​പ്പോൾ, രണ്ടു ദിവസ​വും ആർലെ​റ്റി​നെ കൂട്ടി​ക്കൊ​ണ്ടു​വ​രാൻ മറി ഒരു ടാക്‌സി ഡ്രൈ​വറെ പണം കൊടുത്ത്‌ ഏർപ്പാടു ചെയ്‌തു. ആർലെ​റ്റി​ന്റെ വീട്ടിൽനി​ന്നു നിരത്തി​ലേ​ക്കുള്ള പാതയി​ലൂ​ടെ കടന്നു​പോ​കാൻ വഹിയാ​ത്ത​തി​നാൽ വീടു​വ​രെ​പ്പോ​കാൻ ഡ്രൈവർ വിസമ്മ​തി​ച്ചു. തന്മൂലം ആർലെ​റ്റി​നെ നിരത്തു​വരെ എത്തിക്കാൻ ഒരുവി​ധ​ത്തിൽ മറിക്കു സാധിച്ചു. യഹോവ ആ ശ്രമങ്ങളെ തീർച്ച​യാ​യും അനു​ഗ്ര​ഹി​ച്ചു. ഇന്ന്‌ ആർലെറ്റ്‌ എല്ലാ സഭാ​യോ​ഗ​ങ്ങൾക്കും ഹാജരാ​കു​ന്നുണ്ട്‌. അതിനു സഹായി​ക്കാൻ മറി അക്ഷീണം അവളെ പോയി​ക്കൊ​ണ്ടു​വ​രു​ന്നു. ഒരു വശത്തേക്ക്‌ 75 മിനിറ്റ്‌ അവർ ഒരുമി​ച്ചു നടക്കുന്നു. ഞായറാഴ്‌ച യോഗങ്ങൾ രാവിലെ 8:30-നു തുടങ്ങു​ന്ന​തു​കൊ​ണ്ടു മറി 6:30-നു വീട്ടിൽനി​ന്നി​റ​ങ്ങണം; എന്നിട്ടും ഒരുത​ര​ത്തി​ലേ സമയത്ത്‌ എത്തി​ച്ചേ​രാൻ അവർക്കു കഴിയു​ന്നു​ള്ളൂ. താമസി​യാ​തെ സമർപ്പണം ജലസ്‌നാ​പ​ന​ത്താൽ പ്രതീ​ക​പ്പെ​ടു​ത്താൻ ആർലെറ്റ്‌ പ്രതീ​ക്ഷി​ക്കു​ന്നു. മറി ഇങ്ങനെ പ്രസ്‌താ​വി​ക്കു​ന്നു: “അധ്യയനം തുടങ്ങി​യ​പ്പോൾ അവളെ കണ്ടിട്ടി​ല്ലാ​ത്ത​വർക്ക്‌ അവൾക്ക്‌ എത്രമാ​ത്രം മാറ്റം​വ​ന്നു​വെന്ന്‌ ഊഹി​ക്കാ​നേ കഴിയില്ല. യഹോവ അവളെ അനു​ഗ്ര​ഹി​ച്ചി​രി​ക്കുന്ന വിധത്തി​നു ഞാൻ അവനു നന്ദി കരേറ്റു​ന്നു.” തീർച്ച​യാ​യും, ആത്മത്യാ​ഗ​പ​ര​മായ സ്‌നേ​ഹ​ത്തി​നു നല്ല ദൃഷ്ടാ​ന്ത​മാ​ണു മറി.

അങ്ങു വടക്ക്‌

വടക്കൻ കാമെ​റൂൺ വൈപ​രീ​ത്യ​ങ്ങ​ളും അത്ഭുത​ങ്ങ​ളും​കൊ​ണ്ടു നിറഞ്ഞി​രി​ക്കു​ന്നു. മഴക്കാ​ലത്ത്‌ ഒരു ഭീമമായ, തഴച്ചു​വ​ള​രുന്ന ഉദ്യാ​ന​മാ​യി അതിനു പരിവർത്തനം സംഭവി​ക്കു​ന്നു. എന്നാൽ, ചുട്ടു​പൊ​ള്ളുന്ന സൂര്യന്റെ വരവോ​ടെ പുല്ലുകൾ കരിയു​ന്നു. സൂര്യൻ ജ്വലി​ച്ചു​നിൽക്കുന്ന, തണൽ കണ്ടെത്താൻ ബുദ്ധി​മു​ട്ടുള്ള ഉച്ചനേ​രത്തു വീടു​ക​ളു​ടെ ചെമ്മൺ ഭിത്തി​ക​ളോട്‌ ആടുകൾ ഒട്ടിനിൽക്കും. മണലി​നും കരിഞ്ഞ പുല്ലി​നു​മി​ട​യിൽ ആകെക്കൂ​ടെ​യുള്ള പച്ചപ്പിന്റെ അവശിഷ്ടം ബുബാബ്‌ മരങ്ങളു​ടെ ഏതാനും ഇലകൾ മാത്ര​മാണ്‌. ആ ഇലകൾ ഭൂമധ്യ​രേഖാ വനങ്ങളി​ലുള്ള അതേ ഇനത്തിൽപ്പെട്ട ഇലകളു​ടെ​യ​ത്ര​യും വലുത​ല്ലെ​ങ്കി​ലും അത്രതന്നെ ബലമു​ള്ള​വ​യാണ്‌. പരുക്കൻ ചുറ്റു​പാ​ടു​കളെ അതിജീ​വി​ക്കാ​നുള്ള അവയുടെ കഴിവ്‌, സത്യത്തി​ന്റെ പ്രകാശം പ്രദീ​പ്‌ത​മാ​ക്കു​ന്ന​തിന്‌ അവിടെ പാർക്കാൻ പോയി​രി​ക്കുന്ന സാക്ഷി​ക​ളു​ടെ തീക്ഷ്‌ണ​ത​യെ​യും ധൈര്യ​ത്തെ​യും നന്നായി ചിത്രീ​ക​രി​ക്കു​ന്നു.

ഈ പ്രദേ​ശത്തെ ചില സഭകൾ 500 മുതൽ 800 വരെ കിലോ​മീ​റ്റർ അകലെ​യാ​യ​തി​നാൽ ഒറ്റപ്പെ​ട​ലി​ന്റെ അനുഭവം തികച്ചും യാഥാർഥ്യ​മാണ്‌. എന്നാൽ വളരെ​യ​ധി​കം താത്‌പ​ര്യം അവി​ടെ​യുണ്ട്‌. മറ്റു പ്രദേ​ശ​ങ്ങ​ളിൽനി​ന്നുള്ള സാക്ഷികൾ സഹായി​ക്കാ​നാ​യി ഈ ഭാഗ​ത്തേക്കു മാറി​യി​രി​ക്കു​ന്നു. ശുശ്രൂ​ഷ​യിൽ ഫലപ്ര​ദ​രാ​യി​രി​ക്കു​ന്ന​തിന്‌ അവർ പ്രാ​ദേ​ശി​ക​ഭാ​ഷ​യായ ഫൂഫൂൽഡ പഠി​ച്ചെ​ടു​ക്കേ​ണ്ട​തുണ്ട്‌.

ഗറുവ​യിൽനി​ന്നുള്ള ഒരു സാക്ഷി ഏതാണ്ടു 160 കിലോ​മീ​റ്റർ അകലെ​യുള്ള തന്റെ സ്വന്തം ഗ്രാമ​ത്തിൽ പ്രസം​ഗ​വേ​ല​യിൽ ഏർപ്പെ​ട്ടു​കൊണ്ട്‌ ഏതാനും നാളുകൾ ചെലവ​ഴി​ക്കാൻ തീരു​മാ​നി​ച്ചു. അദ്ദേഹം ചില താത്‌പ​ര്യ​ക്കാ​രെ കണ്ടുമു​ട്ടി. എന്നാൽ വണ്ടിക്കൂ​ലി കൂടു​ത​ലാ​യ​തി​നാൽ അദ്ദേഹ​ത്തി​നു ക്രമമാ​യി മടങ്ങി​ച്ചെ​ല്ലാൻ കഴിഞ്ഞില്ല. ഏതാനും ആഴ്‌ച​കൾക്കു ശേഷം, വീണ്ടും സന്ദർശി​ക്കാൻ അപേക്ഷി​ച്ചു​കൊണ്ട്‌ താത്‌പ​ര്യ​ക്കാ​രി​ലൊ​രാൾ എഴുതിയ കത്ത്‌ അദ്ദേഹ​ത്തി​നു കിട്ടി. എന്നാൽ വണ്ടിക്കൂ​ലി​ക്കു പണമി​ല്ലാ​ഞ്ഞ​തി​നാൽ അദ്ദേഹ​ത്തി​നു പോകാൻ കഴിഞ്ഞില്ല. ആ വ്യക്തി ഗറുവ​യി​ലുള്ള സാക്ഷി​യു​ടെ വീടു സന്ദർശി​ക്കു​ക​യും ഗ്രാമ​ത്തിൽ പത്തുപേർ അദ്ദേഹ​ത്തി​ന്റെ വരവും കാത്തി​രി​ക്കു​ക​യാ​യി​രു​ന്നു​വെന്ന്‌ അറിയി​ക്കു​ക​യും ചെയ്‌ത​പ്പോൾ ആ സാക്ഷി​ക്കു​ണ്ടായ ആശ്ചര്യം ഒന്നു വിഭാ​വ​ന​ചെയ്യൂ!

ഛാഡിന്റെ അതിർത്തി​യി​ലുള്ള മറ്റൊരു ഗ്രാമ​ത്തിൽ 50 പേരട​ങ്ങുന്ന താത്‌പ​ര്യ​ക്കാ​രു​ടെ ഒരു കൂട്ടം സ്വന്തം ബൈബി​ള​ധ്യ​യനം ക്രമീ​ക​രി​ച്ചു. തങ്ങളുടെ കൂട്ടത്തിൽനി​ന്നുള്ള മൂന്നു പേർ അടുത്ത സഭയായ ഛാഡിൽ യോഗ​ങ്ങൾക്കു ഹാജരാ​കാൻവേണ്ട ക്രമീ​ക​ര​ണങ്ങൾ അവർ ചെയ്‌തു. അവർ മടങ്ങി​വന്നു മുഴു കൂട്ട​ത്തോ​ടൊ​പ്പം ബൈബി​ള​ധ്യ​യനം നടത്തു​മാ​യി​രു​ന്നു. വാസ്‌ത​വ​ത്തിൽ, “കൊയ്‌ത്തു വളരെ ഉണ്ടു സത്യം, വേലക്കാ​രോ ചുരുക്കം; ആകയാൽ കൊയ്‌ത്തി​ന്റെ യജമാ​ന​നോ​ടു കൊയ്‌ത്തി​ലേക്കു വേലക്കാ​രെ അയക്കേ​ണ്ട​തി​ന്നു യാചി​പ്പിൻ” എന്ന യേശു​വി​ന്റെ വാക്കുകൾ ഇവിടെ കൃത്യ​മാ​യി ബാധക​മാ​ക്കാ​നാ​വും.—മത്തായി 9:37, 38.

നഗരങ്ങ​ളി​ലെ സാക്ഷീ​ക​ര​ണം

വർഷങ്ങ​ളോ​ള​മു​ണ്ടാ​യി​രുന്ന സാഹിത്യ ദൗർല​ഭ്യ​ത്തി​നു​ശേഷം ഏതാണ്ടു രണ്ടു വർഷം മുമ്പു വീക്ഷാ​ഗോ​പു​രം, ഉണരുക! മാസി​കകൾ കാമെ​റൂ​ണിൽ സുലഭ​മാ​യി ലഭിക്കാൻ തുടങ്ങി. അനേകർ ഈ മാസി​കകൾ ആദ്യമാ​യി വായി​ക്കു​ന്ന​തു​കൊണ്ട്‌ അതിനാ​യുള്ള ഉത്സാഹ​വും താത്‌പ​ര്യ​വും തിരയ​ടി​ക്കു​ന്നു. നഗരങ്ങ​ളി​ലൊ​ന്നി​ലേക്കു നിയമി​ക്ക​പ്പെട്ട പ്രത്യേക പയനി​യർമാ​രായ ഒരു യുവദ​മ്പ​തി​കൾ തങ്ങളുടെ പുതിയ പ്രദേ​ശത്തെ പ്രസം​ഗ​വേ​ല​യിൽ ആദ്യ ദിവസം രാവിലെ 86 മാസി​കകൾ സമർപ്പി​ച്ചു. ചില പ്രസാ​ധകർ ഒറ്റ മാസത്തിൽത്തന്നെ 250 മാസി​കകൾ സമർപ്പി​ക്കു​ന്നു! അവരുടെ വിജയ​ത്തി​ന്റെ രഹസ്യ​മെ​ന്താണ്‌? സകലർക്കും മാസിക വാഗ്‌ദാ​നം ചെയ്യുക.

പൊതു​ജ​ന​ത്തി​നു പ്രവേ​ശ​ന​മുള്ള ഒരു ഓഫീ​സിൽ ജോലി ചെയ്യുന്ന ഒരു സാക്ഷി പ്രദർശ​നാർഥം എല്ലായ്‌പോ​ഴും മാസിക വെളി​യിൽ വയ്‌ക്കു​ന്നു. ഒരു സ്‌ത്രീ മാസിക ശ്രദ്ധി​ച്ചെ​ങ്കി​ലും ഒന്നും എടുത്തില്ല. അവരുടെ താത്‌പ​ര്യം കണ്ടറിഞ്ഞ സാക്ഷി അവർക്ക്‌ ഒരു മാസിക വാഗ്‌ദാ​നം ചെയ്‌തു, അത്‌ അവർ സ്വീക​രി​ച്ചു. അവർ പിറ്റേന്നു തിരി​ച്ചെ​ത്തി​യതു സാക്ഷിയെ അതിശ​യി​പ്പി​ച്ചു. അവർ താൻ സ്വീക​രിച്ച മാസി​ക​യു​ടെ വില നൽകാൻ ആഗ്രഹി​ക്കുക മാത്രമല്ല, കൂടുതൽ മാസി​കകൾ ആവശ്യ​പ്പെ​ടു​ക​യും​ചെ​യ്‌തു. എന്തു​കൊണ്ട്‌? ബലാൽസം​ഗ​ത്തിന്‌ ഇരയാ​യി​രുന്ന അവർ ആ വിഷയ​ത്തെ​ക്കു​റി​ച്ചു ചർച്ച​ചെ​യ്യുന്ന മാസിക തിര​ഞ്ഞെ​ടു​ത്തു. അതിൽ കൊടു​ത്തി​രുന്ന ഉപദേശം പലവട്ടം വായി​ച്ചു​കൊണ്ട്‌ അവർ രാത്രി മുഴുവൻ ചെലവ​ഴി​ച്ചു. ആശ്വാസം തോന്നി യഹോ​വ​യു​ടെ സാക്ഷി​ക​ളെ​ക്കു​റി​ച്ചു കൂടുതൽ അറിയാൻ അവർ ആഗ്രഹി​ച്ചു.

ചെറി​യ​കു​ട്ടി​കൾക്കു​പോ​ലും പ്രത്യാ​ശ​യു​ടെ ബൈബിൾ സന്ദേശം പരത്തു​ന്ന​തിൽ പങ്കുപ​റ്റാം. ആറു വയസ്സുള്ള സാക്ഷി​യായ ഒരു പെൺകു​ട്ടി​യോട്‌ അവളുടെ അധ്യാ​പകൻ ഒരു കത്തോ​ലി​ക്കാ ഭക്തിഗാ​നം പാടാൻ പറഞ്ഞ​പ്പോൾ താൻ യഹോ​വ​യു​ടെ സാക്ഷി​ക​ളി​ലൊ​രാ​ളാ​ണെന്നു പറഞ്ഞ്‌ അവൾ അതു നിരസി​ച്ചു. അവളെ ജയിപ്പി​ക്കു​ന്ന​തിന്‌ അവളുടെ മതത്തിന്റെ ഒരു പാട്ടു​പാ​ടാൻ അധ്യാ​പകൻ അവളോട്‌ ആവശ്യ​പ്പെട്ടു. “ദൈവ​ത്തി​ന്റെ പറുദീ​സാ വാഗ്‌ദത്തം” എന്ന ശീർഷ​ക​ത്തി​ലുള്ള ഗീതം അവൾ ഓർമ​യിൽനി​ന്നു പാടി. “നിന്റെ പാട്ടിൽ നീ ഒരു പറുദീ​സ​യെ​ക്കു​റി​ച്ചു സൂചി​പ്പി​ച്ച​ല്ലോ. ആ പറുദീസ എവി​ടെ​യാണ്‌?” എന്ന്‌ അധ്യാ​പകൻ കുട്ടി​യോ​ടു ചോദി​ച്ചു. വളരെ പെട്ടെ​ന്നു​തന്നെ ഭൂമി​യിൽ പറുദീസ സ്ഥാപി​ക്കാ​നുള്ള ദൈ​വോ​ദ്ദേ​ശ്യ​ത്തെ​ക്കു​റി​ച്ചു പെൺകു​ട്ടി വിശദീ​ക​രി​ച്ചു. അവളുടെ ഉത്തരത്തിൽ അത്ഭുത​സ്‌ത​ബ്ധ​നാ​യി, അവൾ പഠിച്ചു​കൊ​ണ്ടി​രുന്ന പുസ്‌തകം കൊടു​ത്ത​യ​യ്‌ക്കാൻ അദ്ദേഹം അവളുടെ മാതാ​പി​താ​ക്ക​ളോട്‌ ആവശ്യ​പ്പെട്ടു. മതപാ​ഠ​ക്ലാ​സ്സു​ക​ളിൽ പഠിപ്പി​ച്ചി​രുന്ന വിവര​ങ്ങൾക്കു പകരം അതിനെ അടിസ്ഥാ​ന​മാ​ക്കി അവളെ ജയിപ്പി​ക്കാൻ അദ്ദേഹം ഒരുക്ക​മാ​യി​രു​ന്നു. അവൾക്കു ശരിയാ​യി മാർക്കി​ടാൻ ആഗ്രഹി​ക്കു​ന്ന​പക്ഷം ആദ്യം അദ്ദേഹം പഠി​ക്കേ​ണ്ട​താ​വ​ശ്യ​മാ​ണെന്നു മാതാ​പി​താ​ക്കൾ അധ്യാ​പ​ക​നോ​ടു നിർദേ​ശി​ച്ചു. അദ്ദേഹ​ത്തോ​ടൊ​പ്പം ഒരു ബൈബി​ള​ധ്യ​യനം തുടങ്ങി.

ഒരു സന്ദർശ​ന​ത്തിന്‌ ആസൂ​ത്രണം ചെയ്യു​ന്നു​വോ?

ലോക​ത്തി​ന്റെ നിരവധി ഭാഗങ്ങ​ളിൽ ഇന്നു ജനങ്ങൾ രാജ്യ​സു​വാർത്ത​യു​ടെ കാര്യ​ത്തിൽ ഉദാസീ​ന​രാണ്‌. ദൈവ​ത്തി​ലോ ബൈബി​ളി​ലോ അവർക്കു താത്‌പ​ര്യ​മില്ല. മറ്റു ചിലർ ഭയപര​വ​ശ​രാ​യി​രി​ക്കു​ന്ന​തി​നാൽ വീട്ടു​വാ​തിൽക്കൽ വരുന്ന ഏതൊ​ര​പ​രി​ചി​ത​നും ചെവി​ചാ​യ്‌ക്കാൻ വിസമ്മ​തി​ക്കു​ന്നു. ഇതെല്ലാം യഹോ​വ​യു​ടെ സാക്ഷി​കൾക്കു തങ്ങളുടെ ശുശ്രൂ​ഷ​യിൽ യഥാർഥ വെല്ലു​വി​ളി ഉയർത്തു​ന്നു. എന്നാൽ കാമെ​റൂ​ണി​ലെ അവസ്ഥ എത്ര വിഭി​ന്ന​മാണ്‌!

വീടു​തോ​റു​മുള്ള പ്രസം​ഗ​വേല ഇവിടെ ആമോ​ദ​ദാ​യ​ക​മാണ്‌. കതകിൽ മുട്ടു​ന്ന​തി​നു പകരം “കോങ്‌, കോങ്‌, കോങ്‌” എന്നു വിളിച്ചു പറയു​ക​യാണ്‌ ഇവിടത്തെ പതിവ്‌. അപ്പോൾ അകത്തു​നിന്ന്‌, “ആരാണത്‌?” എന്ന മറുപടി വരുന്നു. അതിനു​ശേഷം ഞങ്ങൾ യഹോ​വ​യു​ടെ സാക്ഷി​ക​ളാ​ണെന്നു സ്വയം പരിച​യ​പ്പെ​ടു​ത്തു​ന്നു. സാധാരണ ഒരു മരത്തണ​ലിൽ, ഒരുപക്ഷേ മാവിൻചു​വ​ട്ടിൽ, ബെഞ്ചെ​ടു​ത്തി​ടു​വാൻ മാതാ​പി​താ​ക്കൾ കുട്ടി​ക​ളോട്‌ ആവശ്യ​പ്പെ​ടു​ന്നു. പിന്നീട്‌, ദൈവ​രാ​ജ്യ​മെ​ന്താ​ണെ​ന്നും മനുഷ്യ​വർഗ​ത്തി​ന്റെ ദാരു​ണ​മായ സ്ഥിതി​വി​ശേ​ഷ​ത്തിന്‌ അറുതി​വ​രു​ത്താൻ അത്‌ എന്തു ചെയ്യു​മെ​ന്നും വിശദീ​ക​രി​ച്ചു​കൊണ്ട്‌ ഉല്ലാസ​ക​ര​മാ​യി സമയം ചെലവി​ടു​ന്നു.

അത്തര​മൊ​രു ചർച്ചയിൽ ഒരു സ്‌ത്രീ ഇങ്ങനെ പറഞ്ഞു​കൊ​ണ്ടു തന്റെ ഹൃദയം തുറന്നു: “ഞാൻ തേടി​ക്കൊ​ണ്ടി​രുന്ന സത്യം ഞാൻ പിറന്നു​വീണ, ഈ പ്രായ​മെ​ല്ലാം ചെലവ​ഴിച്ച മതത്തിൽ ഇല്ലെന്നു കാണു​ന്ന​തിൽ എനിക്കു ദുഃഖ​മുണ്ട്‌. സത്യം എനിക്കു കാണിച്ചു തന്നതിൽ ഞാൻ ദൈവ​ത്തി​നു നന്ദി പറയുന്നു. ഞാൻ എന്റെ പള്ളിയിൽ ഒരു ശുശ്രൂ​ഷ​ക​യാ​യി​രു​ന്നു. കന്യാ​മ​റി​യ​ത്തി​ന്റെ പ്രതിമ സഭാശു​ശ്രൂ​ഷ​ക​രു​ടെ ഓരോ​രു​ത്ത​രു​ടെ​യും വീട്ടിൽ ഒരാഴ്‌ച വീതം വയ്‌ക്കു​ന്ന​തു​മൂ​ലം ഓരോ​രു​ത്തർക്കും ആവശ്യങ്ങൾ അവളെ അറിയി​ക്കാൻ കഴിയു​മാ​യി​രു​ന്നു. എന്നെ സംബന്ധി​ച്ചി​ട​ത്തോ​ളം സത്യം കണ്ടെത്താൻ എന്നെ സഹായി​ക്ക​ണ​മെന്നു ഞാൻ മറിയ​യോട്‌ എപ്പോ​ഴും പ്രാർഥി​ക്കു​മാ​യി​രു​ന്നു. എന്നാൽ സത്യം അവളുടെ പക്കല​ല്ലെന്ന്‌ ഇപ്പോൾ ദൈവം എനിക്കു കാണി​ച്ചു​ത​ന്നി​രി​ക്കു​ന്നു. ഞാൻ യഹോ​വ​യ്‌ക്കു നന്ദി പറയുന്നു.”

അതു​കൊണ്ട്‌, ദൈവ​രാ​ജ്യ​ത്തി​ന്റെ സുവാർത്ത പ്രസം​ഗി​ക്കു​ന്ന​തിൽ അദമ്യ​മായ ആനന്ദം അനുഭ​വി​ക്കാൻ നിങ്ങൾ എന്നെങ്കി​ലും ആഗ്രഹി​ക്കു​ന്നു​വെ​ങ്കിൽ പശ്ചിമാ​ഫ്രി​ക്ക​യു​ടെ ഈ പ്രദേശം സന്ദർശി​ക്ക​രു​തോ? “ആഫ്രി​ക്ക​യു​ടെ കൊച്ചു പകർപ്പ്‌” കണ്ടെത്തു​ന്ന​തി​നു പുറമേ, വള്ളമോ ബുഷ്‌ ടാക്‌സി​യോ സൈക്കി​ളോ ഉപയോ​ഗി​ച്ചു​കൊണ്ട്‌ “ദൈവ​ത്തി​ന്റെ പർവത”മുള്ള ദേശത്തെ “സാക്ഷ്യ​ത്തി​ന്റെ കൂമ്പാര”ത്തിനു നിങ്ങളും സംഭാവന ചെയ്യു​ക​യാ​യി​രി​ക്കും.

[അടിക്കു​റിപ്പ]

[22-ാം പേജിലെ ചിത്ര​ത്തിന്‌ കടപ്പാട്‌]

Map: Mountain High Maps® Copyright © 1995 Digital Wisdom, Inc.