ലോക​മതം അവസാ​നി​ക്കാൻ പോകു​ന്ന​തി​ന്റെ കാരണം

“എന്റെ ജനമാ​യു​ള്ളോ​രേ, അവളുടെ പാപങ്ങ​ളിൽ കൂട്ടാ​ളി​ക​ളാ​കാ​തെ​യും അവളുടെ ബാധക​ളിൽ ഓഹരി​ക്കാ​രാ​കാ​തെ​യു​മി​രി​പ്പാൻ അവളെ വിട്ടു​പോ​രു​വിൻ.”—വെളി​പ്പാ​ടു 18:4.

1. (എ) ഏതു വിധത്തി​ലാ​ണു മഹാബാ​ബി​ലോൻ വീണി​രി​ക്കു​ന്നത്‌? (ബി) ഈ സംഭവം യഹോ​വ​യു​ടെ സാക്ഷി​കളെ എങ്ങനെ ബാധി​ച്ചി​രി​ക്കു​ന്നു?

“മഹതി​യാം ബാബി​ലോൻ വീണു​പോ​യി!” അതേ, യഹോ​വ​യു​ടെ ദൃഷ്ടി​യിൽ വ്യാജമത ലോക​സാ​മ്രാ​ജ്യം വീണു​പോ​യി​രി​ക്കു​ന്നു. ക്രിസ്‌തു​വി​ന്റെ സഹോ​ദ​ര​ന്മാ​രു​ടെ ശേഷിപ്പ്‌ ഗൂഢാർഥ ബാബി​ലോ​ന്റെ പ്രമുഖ ഭാഗമായ ക്രൈ​സ്‌ത​വ​ലോ​ക​ത്തി​ന്റെ സ്വാധീ​ന​ത്തിൽനി​ന്നു പുറത്തു​വന്ന 1919 മുതൽ അതു സത്യമാണ്‌. തത്‌ഫ​ല​മാ​യി, വ്യാജ​മ​തത്തെ അപലപി​ക്കാ​നും മിശി​ഹൈക രാജ്യം മുഖേ​ന​യുള്ള ദൈവ​ത്തി​ന്റെ നീതി​നി​ഷ്‌ഠ​മായ ഭരണാ​ധി​പ​ത്യ​ത്തെ​ക്കു​റിച്ച്‌ അറിയി​ക്കാ​നും അവർ സ്വത​ന്ത്ര​രാ​യി​രി​ക്കു​ന്നു. ഈ നൂറ്റാ​ണ്ടി​ലു​ട​നീ​ളം, “ലോകത്തെ മുഴവൻ” വഴി​തെ​റ്റി​ക്കാൻ സാത്താൻ വിദഗ്‌ധ​മാ​യി ഉപയോ​ഗി​ച്ചി​രി​ക്കുന്ന അവന്റെ പാവതു​ല്യ​മായ മതസഞ്ച​യത്തെ യഹോ​വ​യു​ടെ വിശ്വസ്‌ത സാക്ഷികൾ തുറന്നു​കാ​ട്ടി​യി​രി​ക്കു​ന്നു.—വെളി​പ്പാ​ടു 12:9; 14:8; 18:2.

മഹാബാ​ബി​ലോൻ വീണി​രി​ക്കു​ന്നത്‌ എങ്ങനെ?

2. ലോക​മ​ത​ങ്ങ​ളു​ടെ ഇപ്പോ​ഴത്തെ അവസ്ഥ എന്താണ്‌?

² എന്നിരു​ന്നാ​ലും, ഒരുവൻ ചോദി​ച്ചേ​ക്കാം, ‘അനേകം നാടു​ക​ളി​ലും മതം തഴച്ചു​വ​ള​രു​ന്ന​താ​യി കാണ​പ്പെ​ടു​മ്പോൾ ബാബി​ലോൻ വീണി​രി​ക്കു​ന്നു​വെന്നു നിങ്ങൾക്ക്‌ എങ്ങനെ പറയാൻ സാധി​ക്കും?’ കത്തോ​ലി​ക്കാ​മ​ത​വും മുഹമ്മ​ദീയ മതവും നൂറു കോടി​യിൽപ്പരം വിശ്വാ​സി​കൾ വീതം ഉള്ളതായി അവകാ​ശ​പ്പെ​ടു​ന്നു. പ്രൊ​ട്ട​സ്റ്റൻറ്‌ മതം അമേരി​ക്ക​ക​ളിൽ ഇപ്പോ​ഴും വളർന്നു​കൊ​ണ്ടി​രി​ക്കു​ന്നു, അവിടെ പുതിയ പള്ളിക​ളും ചാപ്പലു​ക​ളും നിരന്തരം മുളച്ചു​വ​ന്നു​കൊ​ണ്ടി​രി​ക്കു​ന്നു. ബുദ്ധമ​ത​ത്തി​ന്റെ​യും ഹിന്ദു​മ​ത​ത്തി​ന്റെ​യും അനുഷ്‌ഠാ​ന​മു​റകൾ ആചരി​ക്കു​ന്നതു കോടി​ക്ക​ണ​ക്കി​നാ​ളു​ക​ളാണ്‌. എന്നാൽ, ശതകോ​ടി​ക്ക​ണ​ക്കി​നു വരുന്ന ഈ ആളുക​ളു​ടെ പെരു​മാ​റ്റ​ത്തി​ന്മേൽ ഈ മതങ്ങ​ളെ​ല്ലാം എത്ര​ത്തോ​ളം ക്രിയാ​ത്മ​ക​മായ സ്വാധീ​നം ചെലു​ത്തു​ന്നുണ്ട്‌? ഉത്തര അയർല​ണ്ടിൽ പരസ്‌പരം കൊ​ന്നൊ​ടു​ക്കു​ന്ന​തിൽനി​ന്നു കത്തോ​ലി​ക്ക​രെ​യും പ്രൊ​ട്ട​സ്റ്റൻറു​കാ​രെ​യും അതു തടഞ്ഞി​ട്ടു​ണ്ടോ? അതു മധ്യപൂർവ​ദേ​ശത്തു യഹൂദ​ന്മാർക്കും മുസ്ലീ​ങ്ങൾക്കും യഥാർഥ സമാധാ​നം കൈവ​രു​ത്തി​യി​ട്ടു​ണ്ടോ? അത്‌ ഇന്ത്യയിൽ ഹിന്ദു​ക്ക​ളും മുസ്ലീ​ങ്ങ​ളും തമ്മിലുള്ള ഐക്യ​ത്തി​ലേക്കു നയിച്ചി​ട്ടു​ണ്ടോ? കുറെ​ക്കൂ​ടെ അടുത്ത​കാ​ലത്ത്‌, സെർബി​യൻ ഓർത്ത​ഡോ​ക്‌സ്‌ സഭയെ​യും ക്രൊ​യേ​ഷ്യൻ കത്തോ​ലി​ക്ക​രെ​യും ബോസ്‌നി​യൻ മുസ്ലീ​ങ്ങ​ളെ​യും “വംശീയ ശുദ്ധീ​കരണ”വും കൊള്ള​യും ബലാൽസം​ഗ​വും പരസ്‌പ​ര​മുള്ള കശാപ്പും നടത്തു​ന്ന​തിൽനി​ന്നു തടഞ്ഞി​ട്ടു​ണ്ടോ അത്‌? മതം ഒരു ലേബൽ മാത്ര​മാണ്‌, ഏറ്റവും ചെറിയ സമ്മർദ​ത്തിൽ പോലും പൊട്ടി​പ്പോ​കുന്ന മുട്ട​ത്തോ​ടി​ന്റെ കട്ടിയുള്ള ഒരു പുറം​മൂ​ടി​യാണ്‌.—ഗലാത്യർ 5:19-21; യാക്കോബ്‌ 2:10, 11 താരത​മ്യം ചെയ്യുക.

3. ദൈവ​മു​മ്പാ​കെ മതം ന്യായ​വി​ധി​യി​ലാ​യി​രി​ക്കു​ന്നത്‌ എന്തു​കൊണ്ട്‌?

³ ദൈവ​ത്തി​ന്റെ വീക്ഷണ​ത്തിൽനി​ന്നു നോക്കു​മ്പോൾ, ജനതതി​കൾ മതങ്ങൾക്കു നൽകുന്ന പിന്തുണ ഒഴിച്ചു​കൂ​ടാ​നാ​വാത്ത ഒരു വസ്‌തു​ത​യ്‌ക്കു മാറ്റം വരുത്തു​ന്നില്ല—അതായത്‌, ദൈവ​മു​മ്പാ​കെ എല്ലാ മതവും ന്യായ​വി​ധി​യി​ലാണ്‌. മഹാബാ​ബി​ലോ​ന്റെ ചരിത്രം തെളിവു നൽകു​ന്ന​തു​പോ​ലെ, അവൾ പ്രതി​കൂ​ല​മായ ന്യായ​വി​ധി അർഹി​ക്കു​ന്നു. കാരണം, “അവളുടെ പാപം ആകാശ​ത്തോ​ളം കുന്നി​ച്ചി​രി​ക്കു​ന്നു; അവളുടെ അകൃത്യം ദൈവം ഓർത്തി​ട്ടു​മു​ണ്ടു.” (വെളി​പ്പാ​ടു 18:5) പ്രാവ​ച​നിക ഭാഷയിൽ ഹോശേയ ഇപ്രകാ​ര​മെ​ഴു​തി: “അവർ കാറ്റു വിതെച്ചു, ചുഴലി​ക്കാ​റ്റു കൊയ്യും.” സാത്താന്റെ ലോക​വ്യാ​പ​ക​മാ​യുള്ള വ്യാജ​മ​ത​ങ്ങ​ളെ​ല്ലാം, ദൈവ​ത്തോ​ടും അവന്റെ സ്‌നേ​ഹ​ത്തോ​ടും അവന്റെ നാമ​ത്തോ​ടും അവന്റെ പുത്ര​നോ​ടും വഞ്ചന കാട്ടി​യ​തിന്‌ ആത്യന്തിക വില ഒടു​ക്കേ​ണ്ടി​വ​രും.—ഹോശേയ 8:7; ഗലാത്യർ 6:7; 1 യോഹ​ന്നാൻ 2:22, 23.

നിങ്ങൾ തിര​ഞ്ഞെ​ടു​ക്കേ​ണ്ട​തുണ്ട്‌

4, 5. (എ) നാം ഇന്ന്‌ ഏതവസ്ഥ​ക​ളി​ലാ​ണു ജീവി​ക്കു​ന്നത്‌? (ബി) ഏതെല്ലാം ചോദ്യ​ങ്ങൾക്കു നാം ഉത്തരം നൽകണം?

⁴ നാം ജീവി​ക്കു​ന്നത്‌ “അന്ത്യനാ​ളുക”ളുടെ അന്തിമ​ഭാ​ഗ​ത്താണ്‌. സത്യ​ക്രി​സ്‌ത്യാ​നി​ക​ളെന്ന നിലയിൽ നാം “ഇടപെ​ടാൻ പ്രയാ​സ​മുള്ള ദുർഘ​ട​സ​മയങ്ങ”ളെ അതിജീ​വി​ക്കാൻ പാടു​പെ​ടു​ക​യാണ്‌. (2 തിമോ​ത്തി 3:1-5, NW) ഘാതക​നും ഭോഷ്‌കാ​ളി​യും ഏഷണി പറയു​ന്ന​വ​നു​മായ സാത്താന്റെ ദുഷിച്ച വ്യക്തി​ത്വ​ത്തെ യഥാർഥ​ത്തിൽ പ്രതി​ഫ​ലി​പ്പി​ക്കുന്ന സാത്താന്യ ലോക​ത്തിൽ സത്യ​ക്രി​സ്‌ത്യാ​നി​കൾ താത്‌കാ​ലിക നിവാ​സി​ക​ളാണ്‌. (യോഹ​ന്നാൻ 8:44; 1 പത്രൊസ്‌ 2:11, 12; വെളി​പ്പാ​ടു 12:10) നമുക്കു ചുറ്റു​മു​ള്ളത്‌ അക്രമ​വും ചതിയും വഞ്ചനയും അഴിമ​തി​യും കടുത്ത അധാർമി​ക​ത​യു​മാണ്‌. തത്ത്വങ്ങൾ അവഗണി​ക്ക​പ്പെ​ട്ടി​രി​ക്കു​ന്നു. സുഖ​ലോ​ലു​പ​ത​യും ശീഘ്ര​കാ​ര്യ​സാ​ധ്യ​ത​യും സ്ഥിതി​വി​ശേ​ഷത്തെ വർണി​ക്കുന്ന പദങ്ങളാണ്‌. പല കേസു​ക​ളി​ലും സ്വവർഗ​രതി, പരസംഗം, വ്യഭി​ചാ​രം എന്നിവ സംബന്ധിച്ച ബൈബി​ളി​ന്റെ കുറ്റം​വി​ധി​ക്ക​ലിൽ വെള്ളം ചേർത്തു​കൊ​ണ്ടു പുരോ​ഹി​ത​വർഗം ധാർമിക ദുഷി​പ്പി​നെ വെച്ചു​പൊ​റു​പ്പി​ക്കു​ന്നു. അതു​കൊ​ണ്ടു ചോദ്യ​മി​താണ്‌, നിങ്ങൾ വ്യാജ​മ​തത്തെ പിന്തു​ണ​യ്‌ക്കു​ക​യും അതിനെ വെച്ചു​പൊ​റു​പ്പി​ക്കു​ക​യും ചെയ്യു​ന്നു​വോ, അതോ നിങ്ങൾ സത്യാ​രാ​ധ​ന​യിൽ സജീവ​മാ​യി പങ്കുപ​റ്റു​ന്നു​വോ?—ലേവ്യ​പു​സ്‌തകം 18:22; 20:13; റോമർ 1:26, 27; 1 കൊരി​ന്ത്യർ 6:9-11.

⁵ ഇപ്പോൾ വേർതി​രി​ക്ക​ലി​ന്റെ സമയമാണ്‌. അതു​കൊണ്ട്‌, വ്യാജാ​രാ​ധ​ന​യും സത്യാ​രാ​ധ​ന​യും തമ്മിൽ തിരി​ച്ച​റി​യു​ന്ന​തി​നു പൂർവാ​ധി​കം കാരണ​ങ്ങ​ളുണ്ട്‌. ക്രൈ​സ്‌ത​വ​ലോ​ക​ത്തി​ലെ മതങ്ങൾ അവയെ വളരെ നിന്ദ്യ​മാ​ക്കി​ത്തീർക്കുന്ന മറ്റെന്താണ്‌ ചെയ്‌തി​രി​ക്കു​ന്നത്‌?—മലാഖി 3:18; യോഹ​ന്നാൻ 4:23, 24.

വ്യാജ​മതം കുറ്റം വിധി​ക്ക​പ്പെ​ടു​ന്നു

6. ക്രൈ​സ്‌ത​വ​ലോ​കം ദൈവ​രാ​ജ്യ​ത്തെ ഒറ്റി​ക്കൊ​ടു​ത്തി​രി​ക്കു​ന്നത്‌ എങ്ങനെ?

⁶ ക്രൈ​സ്‌ത​വ​ലോ​ക​ത്തി​ലുള്ള കോടി​ക്ക​ണ​ക്കി​നാ​ളു​കൾ പതിവാ​യി കർത്താ​വി​ന്റെ പ്രാർഥന ഉരുവി​ടു​ന്നു, അതിൽ അവർ ദൈവ​രാ​ജ്യം വരാൻ വേണ്ടി പ്രാർഥി​ക്കു​ന്നു. എങ്കിലും, അവർ ആ ദിവ്യാ​ധി​പത്യ ഭരണത്തെ അവഗണി​ച്ചു​കൊണ്ട്‌ എല്ലാ രാഷ്ട്രീയ രൂപങ്ങ​ളെ​യും ഉത്സാഹ​പൂർവം പിന്താ​ങ്ങി​യി​രി​ക്കു​ന്നു. നൂറ്റാ​ണ്ടു​കൾക്കു മുമ്പ്‌, റിഷല്യൂ, മാസ്‌റൻ, വൂൾസി തുടങ്ങിയ കർദി​നാ​ള​ന്മാ​രെ​പ്പോ​ലുള്ള, കത്തോ​ലി​ക്കാ സഭയിലെ, “പ്രഭു​ക്ക​ന്മാർ” ലൗകിക ഭരണത​ന്ത്ര​ജ്ഞ​ന്മാ​രും ഗവൺമെൻറി​ലെ മന്ത്രി​മാ​രു​മാ​യി പ്രവർത്തി​ച്ചു.

7. 50-ലധികം വർഷങ്ങൾക്കു മുമ്പ്‌ ക്രൈ​സ്‌ത​വ​ലോ​ക​ത്തി​ലെ വൈദി​കരെ യഹോ​വ​യു​ടെ സാക്ഷികൾ എങ്ങനെ​യാ​ണു തുറന്നു​കാ​ട്ടി​യത്‌?

⁷ 50-ലധികം വർഷങ്ങൾക്കു മുമ്പ്‌, മതം കൊടു​ങ്കാ​റ്റു കൊയ്യു​ന്നു (ഇംഗ്ലീഷ്‌) എന്ന ചെറു​പു​സ്‌ത​ക​ത്തിൽ യഹോ​വ​യു​ടെ സാക്ഷികൾ രാഷ്ട്രീ​യ​ത്തി​ലെ ക്രൈ​സ്‌ത​വ​ലോ​ക​ത്തി​ന്റെ ഉൾപ്പെ​ട​ലി​നെ തുറന്നു​കാ​ട്ടി.a അന്നു പറഞ്ഞത്‌ ഇന്നും തുല്യ​ശ​ക്തി​യോ​ടെ ബാധക​മാണ്‌: “മുഴു ‘ക്രൈ​സ്‌ത​വ​ലോക’ത്തിലെ​യും മതനേ​താ​ക്ക​ന്മാർ ‘ഇപ്പോ​ഴത്തെ ദുഷ്ട ലോക’ത്തിന്റെ രാഷ്ട്രീ​യ​ത്തിൽ സൂക്ഷ്‌മ താത്‌പ​ര്യ​ത്തോ​ടെ പങ്കെടു​ക്കു​ക​യും അതിന്റെ ലൗകിക കാര്യാ​ദി​ക​ളിൽ തലയി​ടു​ക​യു​മാ​ണെന്ന്‌ എല്ലാ വിഭാ​ഗ​ങ്ങ​ളി​ലു​മുള്ള മത​വൈ​ദി​ക​രു​ടെ നടത്ത സംബന്ധിച്ച സത്യസ​ന്ധ​മായ ഒരു പരി​ശോ​ധന വെളി​പ്പെ​ടു​ത്തും.” അന്ന്‌, പയസ്‌ പന്ത്രണ്ടാ​മൻ പാപ്പാ നാസീ ഹിറ്റ്‌ല​റു​മാ​യും (1933) ഫാസിസ്റ്റ്‌ ഫ്രാൻകോ​യു​മാ​യും (1941) ഉടമ്പടി​കൾ ഉണ്ടാക്കി​യ​തി​നും അതു​പോ​ലെ​തന്നെ, കുപ്ര​സി​ദ്ധ​മായ പേൾ ഹാർബർ ആക്രമ​ണ​ത്തിന്‌ ഏതാനും മാസത്തി​നു​ശേഷം ആക്രമ​ണ​കാ​രി​യായ ജപ്പാൻജ​ന​ത​യു​മാ​യി പാപ്പാ 1942 മാർച്ചിൽ നയതന്ത്ര പ്രതി​നി​ധി​കളെ കൈമാ​റി​യ​തി​നും സാക്ഷികൾ അദ്ദേഹത്തെ നിശി​ത​മാ​യി വിമർശി​ച്ചു. യാക്കോ​ബി​ന്റെ മുന്നറി​യി​പ്പു ചെവി​ക്കൊ​ള്ളാൻ പാപ്പാ പരാജ​യ​പ്പെട്ടു: “വ്യഭി​ചാ​രി​ണി​ക​ളാ​യു​ള്ളോ​രേ, ലോക​സ്‌നേഹം ദൈവ​ത്തോ​ടു ശത്രു​ത്വം ആകുന്നു എന്നു നിങ്ങൾ അറിയു​ന്നി​ല്ല​യോ? ആകയാൽ ലോക​ത്തി​ന്റെ സ്‌നേ​ഹി​തൻ ആകുവാൻ ഇച്ഛിക്കു​ന്ന​വ​നെ​ല്ലാം ദൈവ​ത്തി​ന്റെ ശത്രു​വാ​യി​ത്തീ​രു​ന്നു.”—യാക്കോബ്‌ 4:4.

8. റോമൻ കത്തോ​ലി​ക്കാ​സഭ ഇന്നു രാഷ്ട്രീ​യ​ത്തിൽ ഉൾപ്പെ​ട്ടി​രി​ക്കു​ന്നത്‌ എങ്ങനെ?

⁸ ഇന്നത്തെ സ്ഥിതി​വി​ശേ​ഷ​മെ​ന്താണ്‌? വൈദിക-അയ്‌മേനി പ്രതി​നി​ധി​ക​ളി​ലൂ​ടെ​യും പാപ്പാ​ധി​പ​ത്യം ഇപ്പോ​ഴും രാഷ്ട്രീ​യ​ത്തിൽ ഉൾപ്പെ​ടു​ന്നു. അടുത്ത​കാ​ലത്തെ പാപ്പാ​മാർ ലോക​സ​മാ​ധാ​ന​ത്തി​നാ​യുള്ള മനുഷ്യ​നിർമിത വ്യാജ​സ്ഥാ​പ​ന​മായ ഐക്യ​രാ​ഷ്ട്ര​ങ്ങളെ അഭിസം​ബോ​ധന ചെയ്‌തു പ്രസം​ഗി​ച്ചു​കൊണ്ട്‌ അതിനു തങ്ങളുടെ അംഗീ​കാ​രം നൽകി​യി​രി​ക്കു​ന്നു. “വിശുദ്ധ സിംഹാ​സ​ന​ത്തി​ലേ​ക്കുള്ള സ്ഥാനപതി”കളായ, പുതിയ ഏഴു നയത​ന്ത്രജ്ഞർ, തങ്ങളുടെ സാക്ഷ്യ​പ​ത്രങ്ങൾ ‘പരിശുദ്ധ പിതാവി’നു സമർപ്പി​ച്ച​താ​യി വത്തിക്കാ​ന്റെ ഔദ്യോ​ഗിക പത്രമായ ലോ​സ്സേർവാ​റ്റോ​റേ റോമാ​നോ​യു​ടെ അടുത്ത​കാ​ലത്തെ ഒരു ലക്കം അറിയി​ച്ചു. അത്തരം നയത​ന്ത്ര​പ​ര​മായ ഇടപാ​ടു​ക​ളിൽ യേശു​വും പത്രോ​സും ഉൾപ്പെ​ടു​ന്ന​താ​യി നിങ്ങൾക്കു സങ്കൽപ്പി​ക്കാൻ കഴിയു​മോ? യഹൂദ​ന്മാർ യേശു​വി​നെ രാജാ​വാ​ക്കാൻ ശ്രമി​ച്ച​പ്പോൾ അവൻ നിരസി​ക്കു​ക​യും അവന്റെ രാജ്യം ഈ ലോക​ത്തി​ന്റെ ഭാഗമല്ല എന്നു പറയു​ക​യും ചെയ്‌തു.—യോഹ​ന്നാൻ 6:15; 18:36.

9. പ്രൊ​ട്ട​സ്‌റ​റൻറ്‌ മതങ്ങൾ അവയുടെ കത്തോ​ലി​ക്കാ പ്രതി​രൂ​പ​ത്തെ​ക്കാൾ മെച്ചമ​ല്ലെന്നു നമുക്കു പറയാൻ കഴിയു​ന്നത്‌ എന്തു​കൊണ്ട്‌?

⁹ പ്രൊ​ട്ട​സ്റ്റൻറ്‌ നേതാ​ക്ക​ന്മാർ അവരുടെ കത്തോ​ലി​ക്കാ പ്രതി​രൂ​പ​ത്തെ​ക്കാൾ മെച്ച​പ്പെ​ട്ട​വ​രാ​ണോ? ഐക്യ​നാ​ടു​ക​ളിൽ, പല യാഥാ​സ്ഥി​തിക പ്രൊ​ട്ട​സ്റ്റൻറ്‌ മതങ്ങൾക്കും അതു​പോ​ലെ​തന്നെ മോർമൻമാർക്കും നിശ്ചിത രാഷ്ട്രീയ ചായ്‌വു​ള്ള​താ​യി തിരി​ച്ച​റി​യ​പ്പെ​ടു​ന്നു. ക്രിസ്‌തീയ കൊയാ​ലി​ഷൻ എന്ന സംഘടന യു.എസ്‌. രാഷ്ട്രീ​യ​ത്തിൽ ആഴമായി ഉൾപ്പെ​ട്ടി​രി​ക്കു​ന്നു. മറ്റു പ്രൊ​ട്ട​സ്റ്റൻറ്‌ വൈദി​ക​രും വ്യത്യ​സ്‌ത​മായ ഒരു രാഷ്ട്രീയ നിലപാ​ടി​നോ​ടു ബന്ധപ്പെട്ടു നിൽക്കു​ന്നു. ഐക്യ​നാ​ടു​ക​ളിൽ പാറ്റ്‌ റോബർട്ട്‌സ​ണും ജെസ്സി ജാക്‌സ​ണും പോലുള്ള രാഷ്ട്രീയ വക്താക്കൾ “റവറണ്ടു​മാർ” ആണ്‌ അല്ലെങ്കിൽ ആയിരു​ന്നു എന്ന കാര്യം ചില​പ്പോൾ വിസ്‌മ​രി​ക്ക​പ്പെ​ടു​ന്നു, വടക്കൻ അയർല​ണ്ടി​ലെ ബ്രിട്ടീഷ്‌ പാർല​മെൻറ്‌ അംഗമായ ഇയാൻ പേസ്‌ലി​യും അങ്ങനെ​തന്നെ. തങ്ങളുടെ നിലപാ​ടു​കളെ അവർ എങ്ങനെ​യാ​ണു നീതീ​ക​രി​ക്കു​ന്നത്‌?—പ്രവൃ​ത്തി​കൾ 10:34, 35; ഗലാത്യർ 2:6.

10. 1944-ൽ വ്യക്തമായ ഏതു പ്രസ്‌താ​വന നടത്ത​പ്പെട്ടു?

¹⁰ മതം കൊടു​ങ്കാ​റ്റു കൊയ്യു​ന്നു എന്ന ചെറു​പു​സ്‌തകം 1944-ൽ ചോദി​ച്ച​തു​പോ​ലെ, നാം ഇപ്പോൾ ചോദി​ക്കു​ന്നു: “ഈ ലോക​ത്തി​ലെ നേട്ടത്തി​നും അതിൽനി​ന്നുള്ള സംരക്ഷ​ണ​ത്തി​നും ശ്രമി​ച്ചു​കൊണ്ട്‌, ലോക​ശ​ക്തി​ക​ളു​മാ​യി ഉടമ്പടി​ക​ളിൽ ഏർപ്പെ​ടു​ക​യും ഈ ലോക​ത്തി​ന്റെ രാഷ്ട്രീയ കാര്യ​ങ്ങ​ളിൽ സജീവ​മാ​യി ഉൾപ്പെ​ടു​ക​യും ചെയ്യുന്ന ഏതെങ്കി​ലും സംഘട​ന​യ്‌ക്ക്‌ . . . ദൈവ​ത്തി​ന്റെ സഭയാ​യി​രി​ക്കാ​നോ ഭൂമി​യിൽ യേശു​ക്രി​സ്‌തു​വി​നെ പ്രതി​നി​ധാ​നം ചെയ്യാ​നോ സാധി​ക്കു​മോ? . . . വ്യക്തമാ​യും, ഈ ലോക​ത്തി​ലെ രാജ്യ​ങ്ങ​ളു​ടെ പൊതു ലക്ഷ്യങ്ങ​ളിൽ പങ്കുപ​റ്റുന്ന മതസ്ഥർക്കും ക്രിസ്‌തു​യേശു മൂലമുള്ള ദൈവ​രാ​ജ്യ​ത്തെ പ്രതി​നി​ധാ​നം ചെയ്യാ​നാ​വില്ല.”

വ്യാജ​മ​ത​ത്തി​ന്റെ കയീന്യ മനോ​ഭാ​വം

11. വ്യാജ​മതം കയീന്റെ മാതൃക പിന്തു​ടർന്നി​രി​ക്കു​ന്നത്‌ എങ്ങനെ?

¹¹ തന്റെ സഹോ​ദ​ര​നായ ഹാബേ​ലി​നെ കൊല​പ്പെ​ടു​ത്തിയ, ഭ്രാതൃ​ഹത്യ നടത്തിയ, കയീന്റെ മനോ​ഭാ​വം വ്യാജ​മതം ചരി​ത്ര​ത്തി​ലു​ട​നീ​ളം, പ്രകട​മാ​ക്കി​യി​രി​ക്കു​ന്നു. “ദൈവ​ത്തി​ന്റെ മക്കൾ ആരെന്നും പിശാ​ചി​ന്റെ മക്കൾ ആരെന്നും ഇതിനാൽ തെളി​യു​ന്നു; നീതി പ്രവർത്തി​ക്കാ​ത്തവൻ ആരും സഹോ​ദ​രനെ സ്‌നേ​ഹി​ക്കാ​ത്ത​വ​നും ദൈവ​ത്തിൽനി​ന്നു​ള്ള​വനല്ല. നിങ്ങൾ ആദിമു​തൽ കേട്ട ദൂതു: നാം അന്യോ​ന്യം സ്‌നേ​ഹി​ക്കേണം എന്നല്ലോ ആകുന്നു. കയീൻ ദുഷ്ടനിൽനി​ന്നു​ള്ള​വ​നാ​യി സഹോ​ദ​രനെ കൊന്ന​തു​പോ​ലെ അല്ല; അവനെ കൊല്ലു​വാൻ സംഗതി എന്തു? തന്റെ പ്രവൃത്തി ദോഷ​വും സഹോ​ദ​ര​ന്റേതു നീതി​യു​മു​ള്ള​താ​ക​കൊ​ണ്ട​ത്രേ.” തന്റെ സഹോ​ദ​രന്റെ നിർമ​ല​വും സ്വീകാ​ര്യ​വു​മായ ദൈവാ​രാ​ധ​ന​യിൽ അസഹി​ഷ്‌ണു​വാ​യി കയീൻ അക്രമം അവലം​ബി​ച്ചു—യുക്തി​യു​ക്ത​മായ ഒരു ഉത്തരമി​ല്ലാ​ത്ത​വ​രു​ടെ അവസാ​നത്തെ ആശ്രയ​മാ​ണത്‌.—1 യോഹ​ന്നാൻ 3:10-12.

12. യുദ്ധങ്ങ​ളി​ലും വിദ്വേ​ഷ​ത്തി​ലു​മുള്ള മതത്തിന്റെ പങ്കു സംബന്ധിച്ച്‌ എന്തു തെളി​വുണ്ട്‌?

¹² വ്യാജ​മ​ത​ത്തി​ന്റെ​മേ​ലുള്ള ഈ കുറ്റം​ചു​മ​ത്ത​ലി​നെ വസ്‌തു​തകൾ പിന്താ​ങ്ങു​ന്നു​വോ? മതപ്ര​സം​ഗകർ യുദ്ധത്തെ പിന്താ​ങ്ങു​ന്നു (ഇംഗ്ലീഷ്‌) എന്ന പുസ്‌ത​ക​ത്തിൽ ഗ്രന്ഥകാ​രൻ ഇങ്ങനെ പറഞ്ഞു: “നാഗരി​ക​ത​ക​ളു​ടെ ചരി​ത്ര​ത്തിൽ, . . . ഒരു ഇരട്ട സഖ്യത്തിൽ രണ്ടു ശക്തികൾ എല്ലായ്‌പോ​ഴും ഒന്നിച്ചു​ചേർന്നി​ട്ടുണ്ട്‌. അവയാണ്‌ യുദ്ധവും മതവും. ലോക​ത്തി​ലെ വൻമത​ങ്ങ​ളി​ലെ​ല്ലാം​വെച്ച്‌, . . . [ക്രൈ​സ്‌ത​വ​ലോക]ത്തെക്കാൾ ഒരു മതവും [യുദ്ധത്തിന്‌] അത്രയ​ധി​കം അർപ്പി​ത​മാ​യി​രു​ന്നി​ട്ടില്ല.” ഏതാനും വർഷങ്ങൾക്കു മുമ്പ്‌, കാനഡ​യി​ലെ വാൻകൂ​വ​റി​ലുള്ള ദ സൺ എന്ന പത്രം ഇങ്ങനെ പ്രസ്‌താ​വി​ച്ചു: “സഭ പതാകയെ പിൻപ​റ്റു​ന്നത്‌ ഒരുപക്ഷേ എല്ലാ സംഘടിത മതത്തി​ന്റെ​യും ഒരു ബലഹീ​ന​ത​യാണ്‌ . . . ഇരുപ​ക്ഷ​ത്തും ദൈവ​മു​ണ്ടെന്ന്‌ അവകാ​ശ​പ്പെ​ടാത്ത ഏതു യുദ്ധമാ​ണു നടന്നി​ട്ടു​ള്ളത്‌?” ഏതെങ്കി​ലും പ്രാ​ദേ​ശിക സഭയിൽ നിങ്ങൾ അതിന്റെ തെളിവു കണ്ടിട്ടു​ണ്ടാ​യി​രി​ക്കാം. ഒട്ടുമി​ക്ക​പ്പോ​ഴും, ദേശീയ പതാകകൾ ബലിപീ​ഠത്തെ അലങ്കരി​ക്കു​ന്നു. ഏതു പതാക​യ്‌ക്കു കീഴിൽ യേശു മാർച്ചു ചെയ്യു​മെ​ന്നാ​ണു നിങ്ങൾ വിചാ​രി​ക്കു​ന്നത്‌? നൂറ്റാ​ണ്ടു​ക​ളി​ലു​ട​നീ​ളം, “എന്റെ രാജ്യം ഈ ലോക​ത്തി​ന്റെ ഭാഗമല്ല” എന്ന അവന്റെ വാക്കുകൾ മാറ്റൊ​ലി​ക്കൊ​ണ്ടി​ട്ടുണ്ട്‌!—യോഹ​ന്നാൻ 18:36.

13. (എ) വ്യാജ​മതം ആഫ്രി​ക്ക​യിൽ പരാജ​യ​പ്പെ​ട്ടി​രി​ക്കു​ന്ന​തെ​ങ്ങനെ? (ബി) ക്രിസ്‌ത്യാ​നി​ത്വ​ത്തി​ന്റെ ഏതു തിരി​ച്ച​റി​യി​ക്കൽ അടയാ​ള​മാ​ണു യേശു നൽകി​യത്‌?

¹³ ക്രൈ​സ്‌ത​വ​ലോ​ക​ത്തി​ലെ മതങ്ങൾ തങ്ങളുടെ ആടുകളെ യഥാർഥ സഹോദര സ്‌നേ​ഹ​ത്തെ​ക്കു​റി​ച്ചുള്ള സത്യം പഠിപ്പി​ച്ചി​ട്ടില്ല. പകരം, ദേശീ​യ​വും വർഗപ​ര​വും വംശീ​യ​വു​മായ ഭിന്നതകൾ അവയിലെ അണികളെ ഭിന്നി​പ്പി​ക്കു​ന്നു. റുവാ​ണ്ട​യി​ലെ വർഗീയ നരഹത്യ​യിൽ കലാശിച്ച ഭിന്നത​ക​ളിൽ കത്തോ​ലി​ക്കാ വൈദി​ക​രും ആംഗ്ലിക്കൻ വൈദി​ക​രും ഒരു പങ്കു വഹിച്ച​താ​യി റിപ്പോർട്ടു​കൾ സൂചി​പ്പി​ക്കു​ന്നു. ദ ന്യൂ​യോർക്ക്‌ ടൈംസ്‌ ഇങ്ങനെ റിപ്പോർട്ടു ചെയ്‌തു: “സഭാപു​രോ​ഹി​താ​ധി​പ​ത്യം തങ്ങളെ വഞ്ചിച്ച​താ​യി വിചാ​രി​ക്കാൻ റുവാ​ണ്ട​യി​ലെ കൂട്ട​ക്കൊ​ലകൾ അനേകം റോമൻ കത്തോ​ലി​ക്കരെ പ്രേരി​പ്പി​ച്ചി​രി​ക്കു​ന്നു. ഹൂട്ടു​വും ടൂട്‌സി​യും ആയി സഭ മിക്ക​പ്പോ​ഴും വംശീ​യ​മാ​യി ഭിന്നി​ച്ചി​രു​ന്നു.” ഒരു മേരി​ക്ക്‌നോൾ പുരോ​ഹി​തൻ ഇങ്ങനെ പറഞ്ഞതാ​യി അതേ പത്രം ഉദ്ധരിച്ചു: “സഭ 1994-ൽ റുവാ​ണ്ട​യിൽ അതിദ​യ​നീ​യ​മാ​യി പരാജ​യ​പ്പെട്ടു. ഒരർഥ​ത്തിൽ പല റുവാ​ണ്ട​ക്കാ​രും സഭയെ എഴുതി​ത്ത​ള്ളി​യി​രി​ക്കു​ന്നു. അതിനു മേലാൽ യാതൊ​രു വിശ്വാ​സ​യോ​ഗ്യ​ത​യു​മില്ല.” “നിങ്ങൾക്കു തമ്മിൽ തമ്മിൽ സ്‌നേഹം ഉണ്ടെങ്കിൽ നിങ്ങൾ എന്റെ ശിഷ്യ​ന്മാർ എന്നു എല്ലാവ​രും അറിയും” എന്ന യേശു​വി​ന്റെ വാക്കു​ക​ളു​മാ​യി എന്തൊരു അന്തരം.—യോഹ​ന്നാൻ 13:35.

14. പ്രമുഖ ക്രിസ്‌തീ​യേതര മതങ്ങൾ നടത്ത സംബന്ധിച്ച്‌ എന്തു രേഖയാ​ണു പ്രദാനം ചെയ്യു​ന്നത്‌?

¹⁴ മഹാബാ​ബി​ലോ​നി​ലെ മറ്റു പ്രമുഖ മതങ്ങളും മെച്ചപ്പെട്ട മാതൃക വെച്ചി​ട്ടില്ല. 1947-ലെ വിഭജ​ന​കാ​ലത്ത്‌ ഇന്ത്യയിൽ നടന്ന ക്രൂര​മായ കൂട്ടക്കു​രു​തി​കൾ പ്രകട​മാ​ക്കു​ന്നത്‌ അവിടത്തെ പ്രമുഖ മതങ്ങളും സഹിഷ്‌ണുത ഉളവാ​ക്കി​യി​ട്ടില്ല എന്നാണ്‌. ഇന്ത്യയിൽ തുടർച്ച​യാ​യുള്ള വർഗീയ അക്രമം മിക്ക ആളുക​ളും മാറ്റം വരുത്തി​യി​ട്ടില്ല എന്നു സ്ഥിരീ​ക​രി​ക്കു​ന്നു. ഇന്ത്യാ ടുഡേ എന്ന മാസിക ഇങ്ങനെ അഭി​പ്രാ​യ​പ്പെ​ട്ട​തിൽ അതിശ​യി​ക്കാ​നില്ല: “ഏറ്റവും നിഷ്‌ഠൂ​ര​മായ കുറ്റകൃ​ത്യ​ങ്ങൾ അരങ്ങേ​റി​യി​ട്ടു​ള്ളത്‌ മതമെന്ന കൊടി​ക്കൂ​റ​യു​ടെ കീഴി​ലാണ്‌. . . . ഭയങ്കര അക്രമം അഴിച്ചു​വി​ടുന്ന അത്‌ വളരെ വിനാ​ശ​കാ​രി​യായ ഒരു ശക്തിയാണ്‌.”

“ശ്രദ്ധേ​യ​മായ വിരോ​ധാ​ഭാ​സം”

15. പാശ്ചാ​ത്യ​ലോ​കത്തു മതത്തിന്റെ അവസ്ഥ എന്താണ്‌?

¹⁵ മതേതര ഭാഷ്യ​കാ​ര​ന്മാർ പോലും ബോധ്യ​പ്പെ​ടു​ത്താ​നും യഥാർഥ മൂല്യങ്ങൾ ഉദ്‌ബോ​ധി​പ്പി​ക്കാ​നും മതേത​ര​ത്വ​ത്തി​ന്റെ നുഴഞ്ഞു​ക​യ​റ്റത്തെ ചെറു​ത്തു​നിൽക്കാ​നും മതം പരാജ​യ​പ്പെ​ട്ടി​രി​ക്കു​ന്നതു ശ്രദ്ധി​ച്ചി​ട്ടുണ്ട്‌. നിയ​ന്ത്ര​ണാ​തീ​തം (ഇംഗ്ലീഷ്‌) എന്ന തന്റെ ഗ്രന്ഥത്തിൽ മുൻ യു.എസ്‌. ദേശീയ സുരക്ഷാ ഉപദേ​ഷ്ടാ​വായ സൂബി​ഗ്‌നെഫ്‌ ബ്രേഷിൻസ്‌കി ഇങ്ങനെ എഴുതി: “‘ദൈവം മരിച്ചു​പോ​യി’ എന്ന സിദ്ധാ​ന്ത​ത്തിന്‌ ഏറ്റവും വലിയ വിജയം ലഭിച്ചി​രി​ക്കു​ന്നത്‌ മാർക്‌സിസ്റ്റ്‌ ഭരണമുള്ള രാജ്യ​ങ്ങ​ളി​ലല്ല . . . പിന്നെ​യോ സാംസ്‌കാ​രി​ക​മാ​യി ധാർമിക ഉദാസീ​നത ഊട്ടി​വ​ളർത്തി​യി​രി​ക്കുന്ന ഉദാര​മായ പാശ്ചാത്യ ജനാധി​പത്യ സമൂഹ​ങ്ങ​ളി​ലാണ്‌ എന്നതു ശ്രദ്ധേ​യ​മായ വിരോ​ധാ​ഭാ​സ​മാണ്‌. രണ്ടാമതു പറഞ്ഞി​ടത്ത്‌, മതം ഒരു പ്രമുഖ സാമൂ​ഹിക ശക്തി അല്ലാതാ​യി​ത്തീർന്നി​രി​ക്കു​ന്നു എന്നതാണു വാസ്‌തവം.” അദ്ദേഹം തുടർന്നു: “യൂറോ​പ്യൻ സംസ്‌കാ​ര​ത്തിൻമേൽ മതത്തി​നു​ണ്ടാ​യി​രുന്ന സ്വാധീ​നം ഇന്നു വളരെ​യ​ധി​കം കുറഞ്ഞു​പോ​യി​രി​ക്കു​ന്നു, ഇന്നു യൂറോപ്പ്‌ ഫലത്തിൽ അമേരി​ക്ക​യെ​ക്കാൾ വളരെ​യ​ധി​കം ലൗകി​ക​മായ ഒരു സമുദാ​യ​മാണ്‌.”

16, 17. (എ) തന്റെ നാളിലെ വൈദി​ക​രെ​ക്കു​റിച്ച്‌ യേശു എന്തു ബുദ്ധ്യു​പ​ദേ​ശ​മാ​ണു നൽകി​യത്‌? (ബി) ഫലം സംബന്ധിച്ച്‌ യേശു എന്തു നല്ല തത്ത്വമാ​ണു നൽകി​യത്‌?

¹⁶ തന്റെ നാളിലെ യഹൂദ വൈദി​ക​രെ​ക്കു​റിച്ച്‌ യേശു എന്താണു പറഞ്ഞത്‌? “ശാസ്‌ത്രി​മാ​രും പരീശൻമാ​രും മോ​ശെ​യു​ടെ പീഠത്തിൽ ഇരിക്കു​ന്നു. ആകയാൽ അവർ നിങ്ങ​ളോ​ടു പറയു​ന്നതു ഒക്കെയും പ്രമാ​ണി​ച്ചു ചെയ്‌വിൻ; അവരുടെ പ്രവൃ​ത്തി​കൾപോ​ലെ ചെയ്യരു​തു താനും. അവർ പറയു​ന്ന​ത​ല്ലാ​തെ ചെയ്യു​ന്നി​ല്ല​ല്ലോ.” മതപര​മായ കാപട്യം പുത്തരി​യല്ല.—മത്തായി 23:2, 3.

¹⁷ വ്യാജ​മ​ത​ത്തി​ന്റെ ഫലം അതിനെ കുറ്റം വിധി​ക്കു​ന്നു. അങ്ങനെ യേശു നൽകിയ നിയമം ബാധക​മാണ്‌: “നല്ല വൃക്ഷം ഒക്കെയും നല്ല ഫലം കായ്‌ക്കു​ന്നു; ആകാത്ത വൃക്ഷമോ ആകാത്ത ഫലം കായ്‌ക്കു​ന്നു. നല്ല വൃക്ഷത്തി​ന്നു ആകാത്ത ഫലവും ആകാത്ത വൃക്ഷത്തി​ന്നു നല്ല ഫലവും കായ്‌പാൻ കഴിക​യില്ല. നല്ല ഫലം കായ്‌ക്കാത്ത വൃക്ഷം ഒക്കെയും വെട്ടി തീയിൽ ഇടുന്നു. ആകയാൽ അവരുടെ ഫലത്താൽ നിങ്ങൾ അവരെ തിരി​ച്ച​റി​യും.”—മത്തായി 7:17-20.

18. ക്രൈ​സ്‌ത​വ​ലോ​കം അതിന്റെ അണികളെ എങ്ങനെ ശുദ്ധി​യു​ള്ള​താ​യി നിർത്ത​ണ​മാ​യി​രു​ന്നു?

¹⁸ ക്രൈ​സ്‌ത​വ​ലോ​ക​ത്തി​ലെ മതങ്ങൾ അവയുടെ അംഗങ്ങൾ എന്ന്‌ അവകാ​ശ​പ്പെ​ടു​ന്നവർ ചെയ്യുന്ന നിയമ​വി​രു​ദ്ധ​മായ സകല നടപടി​കൾക്കും പുറത്താ​ക്കൽ അഥവാ ഭ്രഷ്ട്‌ കൽപ്പിക്കൽ എന്ന ക്രിസ്‌തീയ ശിക്ഷണം നീതി​ബോ​ധ​ത്തോ​ടെ ബാധക​മാ​ക്കി​യി​രു​ന്നെ​ങ്കിൽ എന്തു സംഭവി​ക്കു​മാ​യി​രു​ന്നു? അനുതാ​പ​മി​ല്ലാത്ത ഭോഷ്‌കാ​ളി​കൾ, പരസം​ഗ​ക്കാർ, വ്യഭി​ചാ​രി​കൾ, സ്വവർഗ​ഭോ​ഗി​കൾ, ചതിച്ചു പണം പിടു​ങ്ങു​ന്നവർ, കുറ്റവാ​ളി​കൾ, മയക്കു​മ​രുന്ന്‌ ഇടപാ​ടു​കാർ, മയക്കു​മ​രുന്ന്‌ ആസക്തർ, സംഘടി​ത​കു​റ്റ​കൃ​ത്യം നടത്തു​ന്നവർ എന്നിവർക്കെ​ല്ലാം എന്തു സംഭവി​ക്കും? നിസ്സം​ശ​യ​മാ​യും, ക്രൈ​സ്‌ത​വ​ലോ​ക​ത്തി​ന്റെ ജീർണ ഫലം ദൈവ​ത്താ​ലുള്ള നാശത്തി​നു മാത്രം അതിനെ യോഗ്യ​മാ​ക്കു​ന്നു.—1 കൊരി​ന്ത്യർ 5:9-13; 2 യോഹ​ന്നാൻ 10, 11.

19. മതനേ​തൃ​ത്വം സംബന്ധിച്ച്‌ എന്തു സമ്മതങ്ങ​ളാ​ണു നടത്തി​യി​രി​ക്കു​ന്നത്‌?

¹⁹ ഐക്യ​നാ​ടു​ക​ളി​ലെ പ്രസ്‌ബി​റ്റേ​റി​യൻ സഭയുടെ പൊതു സമ്മേളനം ഇങ്ങനെ സമ്മതിച്ചു: “അളവി​ലും അർഥത്തി​ലും ഭയങ്കര​മായ ഒരു പ്രതി​സ​ന്ധി​യെ നാം നേരി​ടു​ക​യാണ്‌. . . . ദേശവ്യാ​പ​ക​മാ​യി 10-നും 23-നും ഇടയ്‌ക്കു ശതമാനം വൈദി​കർ ഇടവക​ക്കാർ, ഇടപാ​ടു​കാർ, ജോലി​ക്കാർ എന്നിങ്ങ​നെ​യു​ള്ള​വ​രു​മാ​യി ലൈം​ഗി​ക​ച്ചുവ കലർന്ന പെരു​മാ​റ്റ​ത്തി​ലോ ലൈം​ഗി​ക​മായ അടുപ്പ​ത്തി​ലോ ഏർപ്പെ​ട്ടി​രി​ക്കു​ന്നു.” ഒരു യു.എസ്‌. ബിസി​ന​സു​കാ​രൻ കാര്യത്തെ ഇങ്ങനെ നന്നായി സംഗ്ര​ഹി​ച്ചു പറഞ്ഞു: “തങ്ങളുടെ ചരി​ത്ര​പ്രാ​ധാ​ന്യ​മുള്ള മൂല്യങ്ങൾ പകർന്നു​കൊ​ടു​ക്കാൻ മതസ്ഥാ​പ​നങ്ങൾ പരാജ​യ​പ്പെ​ട്ടി​രി​ക്കു​ന്നു, പല കേസു​ക​ളി​ലും അവ പ്രശ്‌ന​ത്തി​ന്റെ ഭാഗം തന്നെയാ​യി മാറി​യി​രി​ക്കു​ന്നു.”

20, 21. (എ) യേശു​വും പൗലോ​സും കാപട്യ​ത്തെ എങ്ങനെ​യാണ്‌ അപലപി​ച്ചത്‌? (ബി) ഏതെല്ലാം ചോദ്യ​ങ്ങൾക്ക്‌ ഉത്തരം ലഭി​ക്കേ​ണ്ട​തുണ്ട്‌?

²⁰ മതപര​മായ കാപട്യം സംബന്ധിച്ച യേശു​വി​ന്റെ അപലപനം അന്നത്തെ​പ്പോ​ലെ ഇന്നും സത്യമാ​യി നിലനിൽക്കു​ന്നു: ‘കപടഭ​ക്തി​ക്കാ​രേ, നിങ്ങ​ളെ​ക്കു​റി​ച്ചു യെശയ്യാ​വു: “ഈ ജനം അധരം​കൊ​ണ്ടു എന്നെ ബഹുമാ​നി​ക്കു​ന്നു; എങ്കിലും അവരുടെ ഹൃദയം എന്നെ വിട്ടു അകന്നി​രി​ക്കു​ന്നു. മാനു​ഷ​ക​ല്‌പ​ന​ക​ളായ ഉപദേ​ശ​ങ്ങളെ അവർ പഠിപ്പി​ക്കു​ന്ന​തു​കൊ​ണ്ടു എന്നെ വ്യർത്ഥ​മാ​യി ഭജിക്കു​ന്നു” എന്നിങ്ങനെ പ്രവചി​ച്ചതു ഒത്തിരി​ക്കു​ന്നു.’ (മത്തായി 15:7-9) തീത്തോ​സി​നുള്ള പൗലോ​സി​ന്റെ വാക്കു​ക​ളും നമ്മുടെ ആധുനിക സ്ഥിതി​വി​ശേ​ഷത്തെ വിവരി​ക്കു​ന്നു: “അവർ ദൈവത്തെ അറിയു​ന്നു എന്നു പറയു​ന്നു​വെ​ങ്കി​ലും പ്രവൃ​ത്തി​ക​ളാൽ അവനെ നിഷേ​ധി​ക്കു​ന്നു. അവർ അറെക്ക​ത്ത​ക്ക​വ​രും അനുസ​രണം കെട്ടവ​രും യാതൊ​രു നല്ല കാര്യ​ത്തി​നും കൊള്ള​രു​താ​ത്ത​വ​രു​മാ​കു​ന്നു.”—തീത്തൊസ്‌ 1:16.

²¹ കുരുടൻ കുരു​ടനെ വഴിന​ട​ത്തി​യാൽ ഇരുവ​രും കുഴി​യിൽ വീഴു​മെന്ന്‌ യേശു പറഞ്ഞു. (മത്തായി 15:14) മഹാബാ​ബി​ലോ​നോ​ടൊ​പ്പം നശിക്കാൻ നിങ്ങൾ ആഗ്രഹി​ക്കു​ന്നു​വോ? അതോ, കണ്ണുകൾ തുറന്നു നേർപാ​ത​ക​ളിൽ നടക്കാ​നും യഹോ​വ​യു​ടെ അനു​ഗ്രഹം ആസ്വദി​ക്കാ​നും നിങ്ങളാ​ഗ്ര​ഹി​ക്കു​ന്നു​വോ? ഇപ്പോൾ നാം അഭിമു​ഖീ​ക​രി​ക്കുന്ന ചോദ്യ​ങ്ങൾ, ദൈവിക ഫലം പുറ​പ്പെ​ടു​വി​ക്കുന്ന മതം ഉണ്ടെങ്കിൽ അത്‌ ഏതാണ്‌? ദൈവ​ത്തി​നു സ്വീകാ​ര്യ​മായ സത്യാ​രാ​ധന നമു​ക്കെ​ങ്ങനെ തിരി​ച്ച​റി​യാം? എന്നിവ​യാണ്‌.—സങ്കീർത്തനം 119:105.

[അടിക്കു​റിപ്പ്‌]

നിങ്ങൾ ഓർമി​ക്കു​ന്നു​വോ?

◻ ഇപ്പോൾ ദൈവ​മു​മ്പാ​കെ മഹാബാ​ബി​ലോ​നുള്ള നില എന്താണ്‌?

◻ ഏതടി​സ്ഥാ​ന​ത്തി​ലാ​ണു വ്യാജ​മതം കുറ്റം വിധി​ക്ക​പ്പെ​ട്ടി​രി​ക്കു​ന്നത്‌?

◻ എങ്ങനെ​യാ​ണു വ്യാജ​മതം കയീന്റെ മനോ​ഭാ​വം കാട്ടി​യി​രി​ക്കു​ന്നത്‌?

◻ ഏതു മതത്തെ​യും വിധി​ക്കു​ന്ന​തി​നുള്ള എന്തു തത്ത്വമാ​ണു യേശു നൽകി​യത്‌?

[13-ാം പേജിലെ ചിത്രം]

ചരിത്രത്തിലുടനീളം മതനേ​താ​ക്ക​ന്മാർ രാഷ്ട്രീ​യ​ത്തിൽ കൈക​ട​ത്തി​യി​രി​ക്കു​ന്നു

[15-ാം പേജിലെ ചിത്രം]

ഈ വൈദി​കർ പ്രബല​രായ ഭരണത​ന്ത്ര​ജ്ഞ​രു​മാ​യി​രു​ന്നു

കർദിനാൾ മാസ്‌റൻ

കർദിനാൾ റിഷല്യൂ

കർദിനാൾ വൂൾസി

[കടപ്പാട്‌]

Cardinal Mazarin and Cardinal Richelieu: From the book Ridpath’s History of the World (Vol. VI and Vol. V respectively). Cardinal Wolsey: From the book The History of Protestantism (Vol. I).