യഹോ​വ​യു​ടെ സാക്ഷികൾ ലോക​ത്തി​നു​ചു​റ്റും—ന്യൂസി​ലൻഡ

ദ്വീപു​കൾക്കു യഹോ​വയെ സ്‌തു​തി​ക്കാൻ കഴിയു​മോ? യെശയ്യാ​വു 42:10 പറയുന്ന പ്രകാരം, കഴിയും. “ദ്വീപു​ക​ളും അവയിലെ നിവാ​സി​ക​ളും ആയു​ള്ളോ​രേ, യഹോ​വെക്കു ഒരു പുതിയ പാട്ടും ഭൂമി​യു​ടെ അറ്റത്തു​നി​ന്നു അവന്നു സ്‌തു​തി​യും പാടു​വിൻ” എന്ന്‌ അതു പറയുന്നു. ന്യൂസി​ലൻഡ്‌ എന്ന ദ്വീപ​സ​മൂ​ഹം തീർച്ച​യാ​യും യഹോ​വയെ സ്‌തു​തി​ക്കു​ന്നു. തടാകങ്ങൾ, കടലി​ടു​ക്കു​കൾ, തലയെ​ടു​പ്പുള്ള പർവതങ്ങൾ, ഹിമപാ​ളി​കൾ, കടൽത്തീ​രങ്ങൾ, പച്ചപ്പുൽഭൂ​ഷി​ത​മായ മഴവനങ്ങൾ, തഴച്ചു​വ​ള​രുന്ന മേച്ചിൽപ്പു​റങ്ങൾ എന്നിവ​യു​ടെ കാര്യ​ത്തിൽ ലോക​പ്ര​ശ​സ്‌തി​യാർജിച്ച നാടായ ന്യൂസി​ലൻഡ്‌ സ്വർഗ​ത്തി​ന്റെ​യും ഭൂമി​യു​ടെ​യും സ്രഷ്ടാ​വി​ന്റെ പ്രതാ​പ​ത്തെ​യും മഹത്ത്വ​ത്തെ​യും ശക്തമായി വിളി​ച്ച​റി​യി​ക്കു​ന്നു.

ഈ നൂറ്റാണ്ട്‌ ആരംഭി​ച്ച​തോ​ടെ, നിർമ​ലാ​രാ​ധ​ന​യിൽ യഹോ​വ​യി​ലേക്കു തിരിഞ്ഞ്‌ ദൈവ​രാ​ജ്യ​ത്തി​ന്റെ സുവാർത്ത മറ്റുള്ള​വ​രു​മാ​യി പങ്കു​വെച്ച്‌ യഹോ​വയെ സ്‌തു​തി​ക്കു​ന്ന​തിൽ തങ്ങളുടെ സ്വരവും ചേർത്തി​രി​ക്കുന്ന ന്യൂസി​ലൻഡ്‌ നിവാ​സി​ക​ളു​ടെ എണ്ണം കൂടി​ക്കൊ​ണ്ടി​രി​ക്കു​ന്നു. ഈയിടെ, ബന്ധുക്ക​ളോ​ടു സാക്ഷീ​ക​രി​ക്കു​ന്നതു സംബന്ധി​ച്ചു നല്ലൊരു അനുഭവം കേട്ട ഒരു സാക്ഷി തന്റെ കുടും​ബ​ത്തോ​ടു സാക്ഷീ​ക​രി​ക്കാൻ തീരു​മാ​നി​ച്ചു. നിങ്ങൾക്കു ഭൂമി​യി​ലെ പറുദീ​സ​യിൽ എന്നേക്കും ജീവി​ക്കാൻ കഴിയും എന്ന പുസ്‌ത​ക​ത്തി​ന്റെ പ്രതികൾ അയാൾ കുടും​ബാം​ഗ​ങ്ങ​ളിൽ പലർക്കും ദാനമാ​യി കൊടു​ത്തു. ഇതുവ​രെ​യുള്ള ഫലമെ​ന്താണ്‌? ആ സാക്ഷി​യു​ടെ റിപ്പോർട്ട്‌ അനുസ​രിച്ച്‌, ഒരു സഹോ​ദ​രി​യും ഒരു സഹോ​ദ​ര​നും ഇപ്പോൾ ബൈബിൾ പഠിക്കു​ന്നു, ഒരു സഹോ​ദ​ര​പു​ത്രൻ സ്‌നാ​പ​ന​മേറ്റ്‌ ഒരു യഹോ​വ​യു​ടെ സാക്ഷി​യാ​യി, മറ്റുള്ളവർ ദൈവ​വചന സത്യ​ത്തോട്‌ ഏറെ അനുകൂ​ല​മാ​യി​വ​രു​ന്നു. വേല നിർവ​ഹി​ക്കാൻ അയാൾക്കി​പ്പോ​ഴും ഒരു വലിയ പ്രദേ​ശ​മുണ്ട്‌; കാരണം അദ്ദേഹ​ത്തി​നു മാതാ​പി​താ​ക്ക​ളും ആറു സഹോ​ദ​ര​ന്മാ​രും ഒമ്പതു സഹോ​ദ​രി​മാ​രു​മുണ്ട്‌!

രാജ്യ​ഹാ​ളു​കൾ നിർമി​ക്കാൻ സാക്ഷികൾ ഒത്തൊ​രു​മി​ക്കു​മ്പോൾ, അതിന്റെ ഫലവും യഹോ​വക്കു സ്‌തു​തി​തന്നെ. ഉദാഹ​ര​ണ​ത്തിന്‌, പംക്തി​യെ​ഴു​ത്തു​കാ​ര​നായ റോയ്‌ പെർകിൻസ്‌ 1994 മേയ്‌ 17-ലെ ഓപൊ​റ്റി​കി ന്യൂസിൽ എഴുതി: “തങ്ങളുടെ ദൈവ​സ്‌നേ​ഹ​ത്തെ​പ്രതി നിർമാ​ണ​പ​ദ്ധ​തി​യിൽ വളരെ സമയവും ശ്രമവും തിരി​ച്ചു​വിട്ട എല്ലാ സമർപ്പിത വേലക്കാ​രു​ടെ​യും ജോലി​യും ശ്രമവും ഒരു അവിശ്വാ​സി​യായ എന്നിൽ വലിയ മതിപ്പു​ള​വാ​ക്കി​യി​രി​ക്കു​ന്നു.

“വാരാ​ന്ത്യ​ത്തിൽ ജോലി​ക്കാ​യി ചെലവിട്ട മണിക്കൂ​റു​ക​ളി​ലെ​ല്ലാം ഒരിക്ക​ലും ഒരു തൊഴി​ലാ​ളി​യൂ​ണി​യൻ തർക്കം കാണു​ക​യോ കേൾക്കു​ക​യോ ചെയ്‌തില്ല. . . . കുമ്മായം തേച്ചും പണിസാ​ധ​നങ്ങൾ എടുത്തും പുരു​ഷ​ന്മാ​രോ​ടൊ​പ്പം സ്‌ത്രീ​ക​ളും പണിത്ത​ട്ടു​ക​ളിൽനി​ന്നു പണി​യെ​ടു​ക്കു​ക​യാ​യി​രു​ന്നു. യാതൊ​രു വെപ്രാ​ള​വു​മി​ല്ലാ​തെ എല്ലാവ​രും ഒരു സന്തോ​ഷ​ക​ര​മായ മാനസി​കാ​വ​സ്ഥ​യിൽ.

“സിഗരറ്റു വലിച്ചോ മറ്റേ​തെ​ങ്കി​ലും തരത്തി​ലോ ആരും ഒരു മിനി​റ്റു​പോ​ലും പാഴാ​ക്കി​യില്ല. എല്ലാവ​രും തങ്ങളു​ടേ​തായ പ്രാപ്‌തി​ക​ളിൽ വേല​ചെ​യ്‌തു. പൂശു​മ്പോ​ഴും ഇഷ്ടിക​യെ​ടു​ക്കു​മ്പോ​ഴും​മ​റ്റും ഉണ്ടായ അല്‌പ​സ്വ​ല്‌പം പൊടി​പ​ട​ല​ങ്ങ​ളൊ​ഴി​ച്ചാൽ ശുദ്ധവും നിർമ​ല​വു​മാ​യി​രു​ന്നു ആ അന്തരീക്ഷം.”

ഓപൊ​റ്റി​കി സഭയിലെ മൂപ്പന്മാ​രു​ടെ സംഘം ഇങ്ങനെ എഴുതി: “മുഴു​പ​രി​പാ​ടി​യും നഗരവാ​സി​കളെ അത്ഭുത​പ്പെ​ടു​ത്തി​ക്ക​ളഞ്ഞു. സകലരു​ടെ​യും സംസാ​ര​വി​ഷയം ഇതാ​ണെന്നു തോന്നു​ന്നു. പല ബൈബി​ള​ധ്യ​യ​നങ്ങൾ തുടങ്ങി. തങ്ങളെ സന്ദർശി​ക്കു​ന്നതു വർഷങ്ങ​ളാ​യി വിലക്കി​യി​രുന്ന, വലിയ മതഭക്ത​രായ ഒരു ദമ്പതി​ക​ളു​ടെ കാര്യം വിശേ​ഷാൽ രസകര​മാണ്‌. ദിവസ​വും അവർ പണിസ്ഥ​ലത്തു വന്നു, പിന്നെ യോഗ​സ്ഥ​ല​ത്തും. പിന്നീട്‌ ഭർത്താവ്‌ പറഞ്ഞു: ‘നിങ്ങൾതന്നെ ദൈവ​ജനം. എനിക്ക്‌ അങ്ങനെയാ തോന്നു​ന്നത്‌. ഇതു​പോ​ലെ​യുള്ള ആളുക​ളു​മാ​യി സഹവസി​ക്കുക എന്നതു മനസ്സിൽ ജീവി​ത​കാ​ലം മുഴുവൻ ഞാൻ സൂക്ഷിച്ച ഉത്‌ക്ക​ട​മായ ഒരു ആഗ്രഹ​മാ​യി​രു​ന്നു.’

ഡ്യു​നെ​ഡി​നിൽ ദ്രുത​ഗ​തി​യിൽ പണിത ഒരു രാജ്യ​ഹാ​ളി​നെ​ക്കു​റി​ച്ചു കഴിഞ്ഞ​വർഷം, ഒറ്റാഗോ ഡെയ്‌ലി ടൈം​സി​ലെ ഒരു പംക്തി​യെ​ഴു​ത്തു​കാ​രൻ ഇങ്ങനെ പറഞ്ഞു: “ശ്രദ്ധേ​യ​മായ ഒരു ഉദ്യമ​മാ​യി​രു​ന്നു അത്‌, പ്രേര​ണ​യു​ടെ​യും സ്വാ​ശ്ര​യ​ത്തി​ന്റെ​യും ഒരു ശ്രദ്ധേ​യ​മായ മാതൃക.” അതേ പത്രം ഇങ്ങനെ അഭി​പ്രാ​യ​പ്പെട്ടു: “തങ്ങളുടെ കൺമു​മ്പിൽ കൂറ്റൻ കെട്ടിടം ഉയർന്നു​വ​രു​ന്ന​തു​കണ്ട നഗരവാ​സി​കൾ അന്തംവി​ട്ടു​പോ​യി. സമാന​മാ​യി, സ്വമേ​ധയാ സേവകർ സഹകരണ മനോ​ഭാ​വ​ത്തോ​ടെ കൂട്ടമാ​യി ഒത്തു​ചേ​രു​ന്നെ​ങ്കിൽ മറ്റെ​ന്തെ​ല്ലാം മാറ്റങ്ങ​ളും ക്രിയാ​ത്മക പദ്ധതി​ക​ളു​മാ​യി​രി​ക്കും നടപ്പി​ലാ​ക്കാൻ സാധി​ക്കുക എന്ന്‌ അനേകർ ചിന്തി​ക്കു​ന്നു​ണ്ടാ​വും. ഫലമണി​യുന്ന ക്രിയാ​ത്മക ശ്രമത്തി​ന്റെ ഒരു അഭിമാ​ന​സ്‌തം​ഭ​മാ​ണു രാജ്യ​ഹാൾ.”

സാക്ഷികൾ “പള്ളികൾ” പണിയു​ന്നു, അതേസ​മയം തന്റെ മതവി​ഭാ​ഗ​ങ്ങ​ളാ​ണെ​ങ്കി​ലോ അംഗങ്ങൾ കുറയു​ന്ന​തു​കൊണ്ട്‌ അവ വിറ്റു​ക​ള​യു​ന്നു​വെന്ന്‌ പണിസ്ഥലം സന്ദർശിച്ച നൂറു​ക​ണ​ക്കിന്‌ ആളുക​ളിൽ ഒരു മാന്യ​ദേഹം പറഞ്ഞു. “ഒരു പന്ത്രണ്ടു മാസം​കൂ​ടി കാത്തി​രു​ന്നെ​ങ്കിൽ, ഞങ്ങളുടെ ഒരു പള്ളി നിങ്ങൾക്കു വാങ്ങാ​മാ​യി​രു​ന്നു” എന്നു​പോ​ലും അയാൾ പറഞ്ഞു​ക​ളഞ്ഞു. “ഞങ്ങൾക്ക്‌ ഒരെണ്ണം വിൽക്കേ​ണ്ടി​വ​രും. ചെലവു താങ്ങാ​നാ​വു​ന്നില്ല. എന്നാൽ, നിങ്ങൾക്കാ​ണെ​ങ്കി​ലോ, ശമ്പളം​പ​റ്റുന്ന ഒരു പുരോ​ഹി​ത​വർഗ​മേ​യില്ല. . . . തന്നെയു​മല്ല, നിലനിർത്തി​ക്കൊ​ണ്ടു​പോ​കാൻ അസാധ്യ​മായ, ഗോപു​ര​ങ്ങ​ള​ട​ങ്ങിയ ഉയർന്ന കെട്ടി​ട​ങ്ങൾക്കു പകരം സംരക്ഷ​ണ​ച്ചെ​ലവു കുറവായ കെട്ടി​ട​ങ്ങ​ളല്ലേ നിങ്ങളു​ടേത്‌.”

തീർച്ച​യാ​യും ദ്വീപു​കൾക്കു ദൈവത്തെ സ്‌തു​തി​ക്കാ​നാ​വു​മെന്നു വ്യക്തം. സൗന്ദര്യം​മു​റ്റിയ ഈ പസഫിക്‌ ദേശത്തും—കൂടാതെ ലോക​മെ​മ്പാ​ടും—യഹോ​വ​യ്‌ക്കുള്ള സ്‌തു​തി​കൾ തുടർന്നും മുഴങ്ങി​ക്കേൾക്കട്ടെ!

[9-ാം പേജിലെ ചതുരം]

രാജ്യത്തെക്കുറിച്ചുള്ള സംക്ഷി​പ്‌ത​വി​വരം:

1994 സേവന​വർഷം

സാക്ഷീകരിക്കുന്നവരുടെ അത്യു​ച്ച​സം​ഖ്യ: 12,867

അനുപാതം: 1 സാക്ഷിക്ക്‌ 271 പേർ

സ്‌മാരക ഹാജർ: 24,436

ശരാശരി പയനിയർ പ്രസാ​ധകർ: 1,386

ശരാശരി ബൈബി​ള​ധ്യ​യ​നങ്ങൾ: 7,519

സ്‌നാപനമേറ്റവരുടെ എണ്ണം: 568

സഭകളുടെ എണ്ണം: 158

ബ്രാഞ്ച്‌ ഓഫീസ്‌: മാനു​റെവ

[9-ാം പേജിലെ ചിത്രം]

പയനിയർമാർ വയലി​ലേക്ക്‌, ഏതാണ്ട്‌ 1930-ൽ

[9-ാം പേജിലെ ചിത്രം]

മാനുറെവയിലെ ബ്രാഞ്ച്‌ സൗകര്യ​ങ്ങൾ

[9-ാം പേജിലെ ചിത്രം]

ഓക്ക്‌ലൻഡിലെ ദേവൻപോർട്ടിൽ രാജ്യ​സ​ന്ദേശം പ്രസം​ഗി​ക്കു​ന്നു