ആധുനി​ക​നാ​ളി​ലെ ഏഥൻസിൽ എല്ലാത്തരം ആളുക​ളു​ടെ​യ​ടു​ത്തും എത്തി​ച്ചേ​രൽ

ഏഥൻസി​നു കലാപ​ര​മാ​യി പ്രൗഢ​മായ അതിന്റെ ഭൂതകാ​ല​മ​ഹ​ത്വം നഷ്ടപ്പെ​ട്ടി​രു​ന്നു​വെ​ങ്കി​ലും, പൊ.യു. (പൊതു​യു​ഗം) 50-നോട​ടു​ത്തു പൗലോസ്‌ അപ്പോ​സ്‌തലൻ അവിടം സന്ദർശി​ച്ച​പ്പോൾ ആ നഗരം അപ്പോ​ഴും ഒരു സുപ്ര​ധാന വ്യാപാ​ര​കേ​ന്ദ്ര​മാ​യി​രു​ന്നു. ഒരു ചരി​ത്ര​കൃ​തി ഇങ്ങനെ പ്രസ്‌താ​വി​ക്കു​ന്നു: “[ഏഥൻസ്‌] ഗ്രീസി​ലെ ആത്മീയ​വും കലാപ​ര​വു​മായ ഒരു പ്രധാന നഗരമാ​യി തുടർന്നു. അതു​പോ​ലെ​തന്നെ, അത്‌ അക്കാലത്തെ വിദ്യാ​സ​മ്പ​ന്നർക്കും പ്രബല​ന്മാർക്കും സന്ദർശി​ക്കു​ന്ന​തി​നുള്ള അസൂയ തോന്നി​പ്പി​ക്കുന്ന ഒരു സ്ഥലവു​മാ​യി​രു​ന്നു.”

അവിടെ ആയിരു​ന്ന​പ്പോൾ, യഹൂദ​രോ​ടും പുറജാ​തീയ ഏഥൻസു​കാ​രോ​ടും വ്യത്യസ്‌ത സ്ഥലങ്ങളിൽനി​ന്നുള്ള പലരോ​ടും സുവി​ശേ​ഷി​ക്കു​ന്ന​തി​നുള്ള അവസരം പൗലോ​സി​നു ലഭിച്ചി​രി​ക്കാ​നി​ട​യുണ്ട്‌. അവൻ ജാഗ്ര​ത​യും വൈദ​ഗ്‌ധ്യ​വു​മുള്ള ഒരു അധ്യാ​പ​ക​നാ​യി​രു​ന്നു. അതു​കൊണ്ട്‌, ദൈവം “എല്ലാവർക്കും ജീവനും ശ്വാസ​വും” കൊടു​ത്തു​വെ​ന്നും “ഒരുത്ത​നിൽനി​ന്നു മനുഷ്യ​ജാ​തി​യെ ഒക്കെയും ഉളവാക്കി”യെന്നും “എല്ലായി​ട​ത്തും എല്ലാവ​രും മാനസാ​ന്ത​ര​പ്പെ​ടേണ”മെന്നും, അതിന്റെ കാരണം അവൻ “ലോകത്തെ നീതി​യിൽ ന്യായം വിധിക്കു”മെന്നതാ​ണെ​ന്നും ഒരു പ്രസം​ഗ​ത്തിൽ പൗലോസ്‌ പറയു​ക​യു​ണ്ടാ​യി. (ചെരി​ച്ചെ​ഴു​ത്തു ഞങ്ങളു​ടേത്‌.)—പ്രവൃ​ത്തി​കൾ 17:25-31.

വൈവി​ധ്യ​മാർന്ന ഒരു പ്രദേശം

സമീപ ദശകങ്ങ​ളിൽ ഏഥൻസ്‌ എല്ലായി​ട​ത്തു​മുള്ള ആളുകളെ ആകർഷി​ക്കുന്ന ഒരു നഗരമാ​യി​ത്തീർന്നി​രി​ക്കു​ക​യാണ്‌. വിദേ​ശ​ദൗ​ത്യ​ങ്ങ​ളു​ടെ ഭാഗമാ​യി രാജ്യ​ത​ന്ത്ര​ജ്ഞ​രും സൈനിക അധികാ​രി​ക​ളും ഇവിടെ വന്നിട്ടുണ്ട്‌. ആഫ്രിക്ക, മധ്യപൂർവ​ദേശം എന്നിവി​ട​ങ്ങ​ളിൽനി​ന്നുള്ള യുവജ​നങ്ങൾ സർവക​ലാ​ശാ​ലാ വിദ്യാർഥി​ക​ളാ​യി ഇവിടെ താമസ​മാ​ക്കി​യി​ട്ടുണ്ട്‌. ആഫ്രിക്ക, ഏഷ്യ, പൂർവ​യൂ​റോ​പ്യൻ രാഷ്ട്രങ്ങൾ എന്നിവി​ട​ങ്ങ​ളിൽനി​ന്നുള്ള കുടി​യേറ്റ ജോലി​ക്കാർ ഇവിടെ കൂട്ടമാ​യി വന്നിട്ടുണ്ട്‌. ഫിലി​പ്പീൻസിൽനി​ന്നു​ള്ള​വ​രും തെക്കു​കി​ഴക്കേ ഏഷ്യയിൽനി​ന്നു​ള്ള​വ​രു​മായ അനേകർ വീട്ടു​ജോ​ലി​ക്കാ​രാ​യി തൊഴിൽ തേടി ഇവിടെ വന്നിട്ടുണ്ട്‌. കൂടാതെ, അയൽരാ​ജ്യ​ങ്ങ​ളിൽനി​ന്നും ഗോള​ത്തി​നു ചുറ്റു​മുള്ള പ്രശ്‌ന​ബാ​ധിത പ്രദേ​ശ​ങ്ങ​ളിൽനി​ന്നു​മുള്ള അഭയാർഥി​ക​ളു​ടെ നിരന്ത​ര​പ്ര​വാ​ഹ​വും ഇങ്ങോ​ട്ടുണ്ട്‌.

ഇവി​ടെ​യു​ള്ള രാജ്യ​സു​വാർത്താ പ്രസം​ഗ​കർക്ക്‌ ഈ സാഹച​ര്യം ഒരു വെല്ലു​വി​ളി​യാണ്‌. ഇവിടെ താമസി​ക്കു​ന്ന​വ​രിൽ മിക്കവ​രും ഇംഗ്ലീഷ്‌ സംസാ​രി​ക്കു​ന്ന​വ​രാ​ണെ​ങ്കി​ലും, ചിലർ തങ്ങളുടെ പ്രാ​ദേ​ശിക ഭാഷ മാത്രമേ സംസാ​രി​ക്കു​ക​യു​ള്ളു. ഈ ആളുകൾ സാംസ്‌കാ​രി​ക​വും മതപര​വു​മാ​യി വ്യത്യ​സ്‌ത​തരം പശ്ചാത്ത​ല​ങ്ങ​ളിൽനി​ന്നു​ള്ള​വ​രാണ്‌. സന്ദർശനം നടത്തു​ന്ന​വ​രിൽ, ക്രിസ്‌ത്യാ​നി​ക​ളെന്ന്‌ അവകാ​ശ​പ്പെ​ടു​ന്ന​വ​രെ​യും മുസ്ലീ​ങ്ങ​ളെ​യും ഹിന്ദു​ക്ക​ളെ​യും ബുദ്ധമ​ത​ക്കാ​രെ​യും വിശ്വാ​ത്മ​വാ​ദി​ക​ളെ​യും (animists) അജ്ഞേയ​വാ​ദി​ക​ളെ​യും നിരീ​ശ്വ​ര​വാ​ദി​ക​ളെ​യും കാണാം. പല തരത്തി​ലുള്ള പശ്ചാത്ത​ല​ത്തിൽപ്പെട്ട ഈ ആളുകൾക്ക്‌ ഇണങ്ങും​വി​ധം തങ്ങളുടെ അവതര​ണങ്ങൾ പൊരു​ത്ത​പ്പെ​ടു​ത്താൻ യഹോ​വ​യു​ടെ സാക്ഷികൾ പഠി​ക്കേ​ണ്ട​തുണ്ട്‌.

ഈ നവാഗ​ത​രിൽ പലരും ദുഷ്‌ക​ര​മായ കാലങ്ങ​ളി​ലൂ​ടെ കടന്നു​പോ​ന്നി​ട്ടു​ള്ള​വ​രാണ്‌. അതു​കൊണ്ട്‌, അവർക്കു മിക്ക​പ്പോ​ഴും ജീവി​ത​ത്തി​ന്റെ അർഥ​ത്തെ​ക്കു​റി​ച്ചും ഭാവി​പ്ര​തീ​ക്ഷ​ക​ളെ​ക്കു​റി​ച്ചും ചോദ്യ​ങ്ങ​ളുണ്ട്‌. ചിലർ ബൈബി​ളി​നെ ആഴമായി വിലമ​തി​ക്കു​ന്ന​വ​രാണ്‌. അതു​കൊണ്ട്‌ അതു പറയുന്ന കാര്യങ്ങൾ സ്വീക​രി​ക്കുക അവരെ സംബന്ധി​ച്ചി​ട​ത്തോ​ളം ബുദ്ധി​മു​ട്ടല്ല. വൈവി​ധ്യ​മാർന്ന ഈ പ്രദേ​ശ​ത്തുള്ള മിക്കവ​രും താഴ്‌മ​യും സൗമ്യ​ത​യു​മു​ള്ള​വ​രാണ്‌. അവർ സത്യത്തി​നു വേണ്ടി ദാഹി​ക്കു​ന്ന​വ​രു​മാണ്‌. സത്യം അന്വേ​ഷി​ക്കാൻ അവർക്കു കൂടുതൽ സ്വാത​ന്ത്ര്യ​മുണ്ട്‌. കാരണം, അവർ തങ്ങളുടെ കുടും​ബ​ത്തിൽനി​ന്നും ഭവനാ​ന്ത​രീ​ക്ഷ​ത്തിൽനി​ന്നും അകലെ​യാണ്‌.

ഈ പ്രദേ​ശത്തു പ്രവർത്തി​ക്കു​ന്ന​തി​നു വേണ്ടി 1986-ൽ ഏഥൻസിൽ ആദ്യത്തെ ഇംഗ്ലീഷ്‌ സഭ രൂപീ​ക​രി​ക്കു​ക​യു​ണ്ടാ​യി. വളർച്ച അത്ഭുതാ​വ​ഹ​മാണ്‌. കഴിഞ്ഞ അഞ്ചുവർഷ കാലയ​ള​വിൽ ഏതാണ്ട്‌ 80-ഓളം പേർ സ്‌നാ​പ​ന​മേറ്റു. അതിന്റെ ഫലമായി ഒരു അറബി സഭയും ഒരു പോളീഷ്‌ സഭയും കുറച്ചു കാല​ത്തേക്ക്‌ ഒരു ഫ്രഞ്ച്‌ കൂട്ടവും ഏഥൻസിൽ സ്ഥാപി​ക്ക​പ്പെ​ടു​ക​യു​ണ്ടാ​യി. അത്തരത്തി​ലുള്ള സഭക​ളെ​യും കൂട്ടങ്ങ​ളെ​യും സഹായി​ക്കാ​നാ​യി ഇംഗ്ലീഷ്‌ സഭയിൽനി​ന്നുള്ള ചിലർ വടക്കുള്ള തെസ​ലോ​നി​ക്ക​യി​ലേ​ക്കും ക്രീറ്റി​ലുള്ള ഹെറാ​ക്‌ലി​യോ​ണി​ലേ​ക്കും ഏഥൻസ്‌ തുറമു​ഖ​ത്തുള്ള പൈറി​യ​സി​ലേ​ക്കും താമസം മാറ്റി​യി​ട്ടുണ്ട്‌. ഏഥൻസിൽവെച്ചു സത്യം പഠിച്ച ചില വിദേ​ശി​യരെ പരിച​യ​പ്പെ​ടാൻ നിങ്ങൾക്ക്‌ ഇഷ്ടമാ​ണോ?

ജനതക​ളി​ലെ അഭികാ​മ്യർ വന്നു​കൊ​ണ്ടി​രി​ക്കു​ന്നു

എരി​ത്രി​യ​യി​ലെ ആസ്‌മാ​ര​യിൽ ജനിച്ച തോമസ്‌ മതഭക്തി​യുള്ള ഒരു കത്തോ​ലി​ക്ക​നാ​യാ​ണു വളർന്നു​വ​ന്നത്‌. 15-ാമത്തെ വയസ്സിൽ അവൻ സന്ന്യാ​സി​മ​ഠ​ത്തിൽ ചേർന്നു. മഠാധി​പ​തി​യോട്‌ അവൻ ചോദി​ച്ചു: “ഒരു ദൈവ​ത്തി​നു മൂന്നു ദൈവ​ങ്ങ​ളാ​യി​രി​ക്കാൻ എങ്ങനെ​യാ​ണു സാധി​ക്കുക?” മഠാധി​പതി ഇങ്ങനെ മറുപടി കൊടു​ത്തു: “കാരണം, ആത്മീയ കാര്യങ്ങൾ സംബന്ധി​ച്ചു പാപ്പാ പറയു​ന്നതു ഞങ്ങൾ സ്വീക​രി​ക്കു​ന്നു. സർവോ​പരി, അതൊരു മർമമാണ്‌. അതു മനസ്സി​ലാ​ക്കാ​നുള്ള പ്രായം നിനക്കാ​യി​ട്ടില്ല.” ആശ്രമ​ത്തി​ലെ അഞ്ചു വർഷത്തെ ജീവി​ത​ത്തി​നു​ശേഷം, സഭയുടെ നടത്തയി​ലും പഠിപ്പി​ക്ക​ലു​ക​ളി​ലും താത്‌പ​ര്യം നഷ്ടപ്പെട്ട്‌ നിരാ​ശ​നാ​യി​ത്തീർന്ന അവൻ അവിടം വിട്ടു. പക്ഷേ, സത്യ​ദൈ​വത്തെ കണ്ടെത്താ​നുള്ള അന്വേ​ഷണം അവൻ ഉപേക്ഷി​ച്ചു​ക​ള​ഞ്ഞി​രു​ന്നില്ല.

ഏഥൻസി​ലേ​ക്കു താമസം മാറി ഒരു ദിവസം കഴിഞ്ഞ​പ്പോൾ തന്റെ വാതിൽക്കൽ വീക്ഷാ​ഗോ​പു​ര​ത്തി​ന്റെ ഒരു പ്രതി കിടക്കു​ന്നത്‌ അവൻ കണ്ടു. അതിന്റെ ആമുഖ​വി​ഷയം “ആരോ​ഗ്യ​വും സന്തുഷ്ടി​യും നിങ്ങളു​ടേ​താ​യി​രി​ക്കാൻ കഴിയും” എന്നതാ​യി​രു​ന്നു. അവനതു പല തവണ വായിച്ചു. നാം ദൈവ​ത്തി​ന്റെ രാജ്യ​ത്തി​നും അവന്റെ നീതി​ക്കും വേണ്ടി അന്വേ​ഷി​ക്ക​ണ​മെ​ന്നും അവൻ അതേ മാസി​ക​യിൽത്തന്നെ വായി​ക്കു​ക​യു​ണ്ടാ​യി. (മത്തായി 6:33) അതു ചെയ്യു​ന്നത്‌ എങ്ങനെ​യെന്നു കാട്ടി​ത്ത​രാൻ തോമസ്‌ മുട്ടു​കു​ത്തി ദൈവ​ത്തോട്‌ അപേക്ഷി​ച്ചു. “നിന്റെ രാജ്യ​ത്തെ​ക്കു​റിച്ച്‌ എങ്ങനെ അന്വേ​ഷി​ക്കാ​മെന്ന്‌ എന്നെ കാണി​ച്ചു​ത​ന്നാൽ, നിന്നെ എങ്ങനെ സേവി​ക്കാൻ കഴിയു​മെന്നു പഠിക്കാൻ ആറു മാസം ഞാൻ നീക്കി​വെ​ക്കും” എന്ന്‌ അവൻ ദൈവ​ത്തി​നു വാക്കു കൊടു​ക്കു​ക​യും ചെയ്‌തു. അതു കഴിഞ്ഞുള്ള നാലാ​മത്തെ വാരത്തിൽ, രണ്ടു സാക്ഷികൾ അവന്റെ വാതിൽക്കൽ മുട്ടി. സത്വരം ഒരു ബൈബി​ള​ധ്യ​യനം സ്വീക​രിച്ച തോമസ്‌ പത്തു മാസം കഴിഞ്ഞു സ്‌നാ​പ​ന​മേറ്റു. അവൻ ഇങ്ങനെ പറയുന്നു: “യഹോവ വാസ്‌ത​വ​മാ​യും എന്റെ പ്രാർഥ​ന​യ്‌ക്ക്‌ ഉത്തരം നൽകി. അവന്റെ സാക്ഷി​ക​ളിൽ ഒരുവ​നാ​യി​രി​ക്കാ​നുള്ള അവസരം അവൻ എനിക്കു തന്നു. എന്റെ ജീവി​ത​ത്തിൽ അവന്റെ രാജ്യ​വും നീതി​യും ഒന്നാമത്‌ അന്വേ​ഷി​ക്കാൻ അവന്റെ സ്‌നേഹം എന്നെ പ്രേരി​പ്പി​ക്കു​ന്നു.”

വീടു​തോ​റും പ്രസം​ഗി​ച്ചു​കൊ​ണ്ടി​രി​ക്കവേ, മറ്റു രണ്ടു സാക്ഷികൾ ഒരു ഡോർബെ​ല്ലി​ന​ടുത്ത്‌ ഒരു വിദേ​ശി​യു​ടെ പേരു കണ്ടെത്തി.

“നിങ്ങൾക്ക്‌ എന്താ വേണ്ടത്‌?” ഇൻറർകോ​മി​ലൂ​ടെ ഒരു സ്‌ത്രീ ചോദി​ച്ചു.

ബൈബി​ളിൽ താത്‌പ​ര്യ​മുള്ള ഇംഗ്ലീഷ്‌ സംസാ​രി​ക്കുന്ന ആളുകളെ കണ്ടെത്താൻ ശ്രമി​ക്കു​ക​യാ​ണെന്ന്‌ ഒരു സാക്ഷി പറഞ്ഞു.

“നിങ്ങൾ ഏതു മതക്കാ​രാണ്‌?” ആ സ്‌ത്രീ ചോദി​ച്ചു.

“ഞങ്ങൾ യഹോ​വ​യു​ടെ സാക്ഷി​ക​ളാണ്‌.”

“ഓ, നല്ലതു​തന്നെ! ഏറ്റവും മുകളി​ലത്തെ നിലയി​ലേക്കു കയറി​പ്പോ​ന്നോ​ളൂ.”

അവർ അങ്ങനെ ചെയ്‌തു. ലിഫ്‌റ്റി​ന്റെ വാതിൽ തുറന്ന​പ്പോൾ അവർ കണ്ടത്‌ ആജാനു​ബാ​ഹു​വായ ഒരു മനുഷ്യൻ അത്ര ഇഷ്ടമി​ല്ലാത്ത മനോ​ഭാ​വ​ത്തോ​ടെ അവിടെ നിൽക്കു​ന്ന​താണ്‌. എന്നാൽ സ്‌ത്രീ അകത്തു​നിന്ന്‌ ഉറക്കെ പറഞ്ഞു.

“അവരെ അകത്തേക്കു വിട്ടേക്കൂ. എനിക്ക​വ​രോ​ടു സംസാ​രി​ക്കണം.”

ആ സ്‌ത്രീ തന്റെ ഭർത്താ​വി​ന്റെ സ്‌പോർട്‌സ്‌ ടീമിന്റെ കൂടെ ലോക​യാ​ത്ര ചെയ്‌തു​വെ​ന്നും യഹോ​വ​യു​ടെ സാക്ഷി​കളെ കണ്ടെത്താ​നാ​യി തലേ ദിവസം താൻ പ്രാർഥി​ച്ചി​രു​ന്നു​വെ​ന്നും പറഞ്ഞു. അതു​കൊണ്ട്‌ ഉടൻതന്നെ ബൈബി​ള​ധ്യ​യനം തുടങ്ങി. അവർക്കു ഗ്രീസിൽ തങ്ങേണ്ടി​യി​രുന്ന കാലഘട്ടം ഹ്രസ്വ​മാ​യി​രു​ന്ന​തി​നാൽ വാരത്തിൽ മൂന്നു പ്രാവ​ശ്യം പഠിക്കു​ന്ന​തി​നുള്ള ക്രമീ​ക​ര​ണങ്ങൾ ചെയ്‌തു. വെറും പത്താഴ്‌ച​കൊണ്ട്‌ എന്നേക്കും ജീവി​ക്കാൻ പുസ്‌തകം പഠിച്ചു​തീർത്തു.

അടുത്ത സ്‌പോർട്‌സ്‌ സീസണിൽ അവർ ഗ്രീസിൽ വീണ്ടും വന്നു. അധ്യയനം പുനരാ​രം​ഭിച്ച ആ ഭാര്യ വളരെ നല്ല പുരോ​ഗതി കൈവ​രി​ച്ചു. രണ്ടു മാസം കഴിഞ്ഞ​പ്പോൾ അവൾ സ്‌നാ​പ​ന​മേൽക്കാത്ത ഒരു പ്രസാ​ധിക എന്നനി​ല​യിൽ പ്രസം​ഗ​പ്ര​വർത്ത​ന​ത്തിൽ പങ്കെടു​ക്കാൻ സാക്ഷി​ക​ളോ​ടു ചേർന്നു. താമസി​യാ​തെ അവളുടെ ആദ്യ ബൈബി​ള​ധ്യ​യനം ആരംഭി​ക്കു​ക​യും ചെയ്‌തു. ആരു​മൊത്ത്‌? സാക്ഷി​ക​ളി​ലും അതു​പോ​ലെ​തന്നെ ഭാര്യ കൈ​ക്കൊണ്ട മാറ്റങ്ങ​ളി​ലും വളരെ മതിപ്പു തോന്നിയ അവളുടെ ഭർത്താ​വു​മൊത്ത്‌.

ഒരു പ്രൊ​ട്ട​സ്റ്റൻറ്‌ പാസ്റ്ററു​ടെ മകനായ അലൻ വളർന്നു​വ​ന്നതു ദക്ഷിണാ​ഫ്രി​ക്ക​യി​ലാണ്‌. ബൈബിൾ ദൈവ​ത്തി​ന്റെ നിശ്വസ്‌ത വെളി​പ്പാ​ടാ​ണെന്നു നന്നേ ചെറു​പ്പം​മു​തൽത്തന്നെ അയാൾക്കു ബോധ്യ​മു​ണ്ടാ​യി​രു​ന്നു. തന്റെ മതത്തിൽ തൃപ്‌തി​യ​ട​യാഞ്ഞ അയാൾ തത്ത്വചി​ന്ത​യി​ലേ​ക്കും രാഷ്ട്രീ​യ​ത്തി​ലേ​ക്കും തിരി​യു​ക​യാ​ണു​ണ്ടാ​യത്‌. എന്നാൽ അത്‌ എന്നത്തേ​തി​ലു​മ​ധി​ക​മായ ഒരു ശൂന്യ​താ​ബോ​ധ​മാണ്‌ അയാളിൽ ഉളവാ​ക്കി​യത്‌. ഗ്രീസി​ലേക്കു താമസം മാറ്റി​യ​ശേഷം ആ ശൂന്യ​താ​ബോ​ധം പിന്നെ​യും കൂടി. തന്റെ ജീവി​ത​ത്തിന്‌ ഉദ്ദേശ്യ​മി​ല്ലെ​ന്നും താൻ ഒരിട​ത്തും എത്തുക​യി​ല്ലെ​ന്നും അയാൾക്കു തോന്നി.

ഒരു ദിവസം രാത്രി സവി​ശേ​ഷ​മായ ഒരു സംഗതി ഉണ്ടായി. അലൻ വിവരി​ക്കു​ന്നു: “ഞാൻ മുട്ടിൽനിന്ന്‌ എന്റെ ഹൃദയ​വി​കാ​രങ്ങൾ ദൈവ​ത്തോ​ടു പറഞ്ഞു. എന്റെ ജീവി​ത​ഗതി നിമി​ത്ത​മു​ണ്ടായ ദുഃഖ​ക​ണ്ണീ​രോ​ടെ, അവന്റെ യഥാർഥ അനുഗാ​മി​ക​ളു​ടെ പക്കലേക്ക്‌ എന്നെ നയിക്ക​ണ​മേ​യെന്നു ഞാൻ ദൈവ​ത്തോ​ടു യാചിച്ചു. അവന്റെ വഴിന​ട​ത്തി​പ്പി​ന്റെ വെളി​ച്ച​ത്തിൽ ഞാൻ നടക്കു​മെ​ന്നും വാക്കു കൊടു​ത്തു.” ഒരാഴ്‌ച​യ്‌ക്കു​ള്ളിൽ, അയാ​ളൊ​രു കടയിൽവെച്ച്‌ അതിന്റെ ഉടമയു​മാ​യി സംഭാ​ഷ​ണ​ത്തി​ലേർപ്പെട്ടു. അവർ ഒരു സാക്ഷി​യാ​യി​രു​ന്നു. ആ സംഭാ​ഷണം അലന്റെ ജീവി​ത​ത്തി​ലെ ഒരു യഥാർഥ വഴിത്തി​രി​വാ​യി. “തുടർന്നു​വന്ന ആഴ്‌ച​ക​ളിൽ, ത്രിത്വം, നരകാഗ്നി, ദേഹി​യു​ടെ അമർത്ത്യത തുടങ്ങിയ എന്റെ പ്രിയ​ങ്ക​ര​മായ വിശ്വാ​സങ്ങൾ കടപു​ഴ​കി​വീ​ഴു​ന്നതു ഞാൻ കണ്ടു—വ്യക്തമാ​യും അവയൊ​ന്നും ബൈബിൾ പഠിപ്പി​ക്ക​ലു​ക​ളാ​യി​രു​ന്നില്ല.” രാജ്യ​ഹാ​ളിൽവെച്ച്‌, സാക്ഷി​ക​ളായ ഒരു ദമ്പതികൾ അയാളു​മൊ​ത്തു ബൈബിൾ പഠിക്കാ​മെന്നു സമ്മതിച്ചു. അതു സ്വീക​രിച്ച അയാൾ ത്വരി​ത​ഗ​തി​യിൽ പുരോ​ഗതി കൈവ​രി​ച്ചു. “സത്യം കണ്ടെത്തിയ സന്തോ​ഷം​കൊ​ണ്ടു ഞാൻ കരഞ്ഞു​പോ​യി. അതെന്നെ സ്വത​ന്ത്ര​നാ​ക്കി,” അലൻ അനുസ്‌മ​രി​ക്കു​ന്നു. ഒരു വർഷം കഴിഞ്ഞ​പ്പോൾ അയാൾ സ്‌നാ​പ​ന​മേറ്റു. ഇപ്പോൾ പ്രാ​ദേ​ശിക സഭയിൽ ഒരു ശുശ്രൂ​ഷാ​ദാ​സ​നാ​യി സേവി​ക്കു​ന്ന​തിൽ അയാൾ സന്തോഷം കണ്ടെത്തു​ന്നു.

എലിസ​ബത്ത്‌ നൈജീ​രി​യ​യിൽനി​ന്നു​ള്ള​വ​ളാണ്‌. അവി​ടെ​വെച്ച്‌ അവൾ പല സഭകളി​ലും ദൈവത്തെ കണ്ടെത്താൻ അന്വേ​ഷി​ച്ചി​രു​ന്നു. എന്നാൽ അവയി​ലൊ​ന്നും അവൾക്കു തൃപ്‌തി തോന്നി​യില്ല. അവളെ ഏറ്റവും ഭയപ്പെ​ടു​ത്തി​യതു നരകാ​ഗ്നി​യി​ലെ നിത്യ​ദ​ണ്ഡ​ന​ത്തെ​ക്കു​റി​ച്ചുള്ള ഉപദേ​ശ​മാ​യി​രു​ന്നു. അവൾ തന്റെ കുടും​ബ​ത്തോ​ടൊ​പ്പം ഏഥൻസി​ലേക്കു പോന്ന​പ്പോൾ രണ്ടു സാക്ഷികൾ അവളെ സന്ദർശി​ച്ചു. അങ്ങനെ ഒരു ബൈബി​ള​ധ്യ​യനം ആരംഭി​ച്ചു. ദൈവം ആളുകളെ ദണ്ഡിപ്പി​ക്കു​ന്നി​ല്ലെ​ന്നും എന്നാൽ ഒരു പറുദീ​സാ​ഭൂ​മി​യി​ലെ നിത്യ​ജീ​വന്റെ പ്രത്യാശ അവൻ കൊടു​ക്കു​ന്നു​വെ​ന്നും പഠിച്ച​തിൽ എലിസ​ബ​ത്തി​നു വളരെ സന്തോഷം തോന്നി. അവൾ തന്റെ നാലാ​മത്തെ കുട്ടിയെ ഗർഭം ധരിച്ചി​രി​ക്കു​ക​യാ​യി​രു​ന്നു. ഗർഭച്ഛി​ദ്രം നടത്താൻ അവളാ​ഗ്ര​ഹി​ച്ചു. അപ്പോ​ഴാണ്‌ ജീവന്റെ വിശു​ദ്ധി​യെ സംബന്ധി​ച്ചുള്ള യഹോ​വ​യു​ടെ വീക്ഷണം അവൾ ബൈബി​ളിൽനി​ന്നു പഠിച്ചത്‌. ഇപ്പോൾ അവൾക്കു സുന്ദരി​യായ ഒരു പെൺകു​ട്ടി​യുണ്ട്‌. എലിസ​ബത്ത്‌ വളരെ വേഗം പുരോ​ഗതി പ്രാപിച്ച്‌ സ്‌നാ​പ​ന​മേറ്റു. നാലു കുട്ടി​ക​ളും ഒരു മുഴു​സമയ ജോലി​യും ഉണ്ടെങ്കി​ലും എല്ലാ മാസവും സഹായ​പ​യ​നി​യ​റിങ്‌ നടത്താൻ അവൾക്കു കഴിയു​ന്നുണ്ട്‌. ഭർത്താവു ബൈബിൾ പഠിക്കു​ന്നതു കാണാ​നുള്ള അനു​ഗ്രഹം അവൾക്കുണ്ട്‌. അവൾ ഇങ്ങനെ പറയുന്നു: “യഹോ​വ​യു​ടെ​യും സ്‌നേ​ഹ​മ​സൃ​ണ​മായ അവന്റെ സ്ഥാപന​ത്തി​ന്റെ​യും സഹായ​ത്താൽ, ഞാൻ ഒടുവിൽ സത്യ​ദൈ​വത്തെ കണ്ടെത്തി, ഒപ്പം സത്യാ​രാ​ധ​ന​യും.”

വൈവി​ധ്യ​ങ്ങൾ നിറഞ്ഞ ഈ പ്രദേ​ശത്തെ ആളുക​ളിൽ പലരെ​യും കണ്ടുമു​ട്ടു​ന്നതു തെരു​വു​വേ​ല​യി​ലൂ​ടെ​യാണ്‌. എന്നാൽ അവരുടെ താത്‌പ​ര്യം വളർത്തി​യെ​ടു​ക്കു​ന്ന​തി​നു സ്ഥിരോ​ത്സാ​ഹം ആവശ്യ​മാണ്‌. സീയെറാ ലിയോ​ണിൽനി​ന്നുള്ള സാലെയ്‌ എന്ന ഒരു യുവതി​യു​ടെ കാര്യ​ത്തിൽ അതു സത്യമാ​യി​രു​ന്നു. ഒരു സാക്ഷി അവൾക്ക്‌ ഒരു ലഘുലേഖ നൽകി, മേൽവി​ലാ​സ​വും വാങ്ങി. കൂടാതെ അവളെ സന്ദർശി​ക്കു​ന്ന​തി​നുള്ള ക്രമീ​ക​ര​ണ​വും ചെയ്‌തു. താത്‌പ​ര്യം തോന്നിയ സാലെയ്‌ ബൈബി​ള​ധ്യ​യ​ന​ത്തി​നു സമ്മതിച്ചു. എന്നാൽ ജോലി​യും മറ്റു വിഷമ​ത​ക​ളും നിമി​ത്ത​മുള്ള സമ്മർദം മൂലം അധ്യയനം ക്രമമാ​യി നടത്തി​യി​രു​ന്നില്ല. പിന്നീ​ടവൾ പുതിയ മേൽവി​ലാ​സം തരാതെ അവി​ടെ​നി​ന്നും മറ്റൊ​രി​ട​ത്തേക്കു പോയി. അവളെ കാണാൻ പഴയ മേൽവി​ലാ​സ​ത്തിൽ പോയി​ക്കൊണ്ട്‌ സാക്ഷി സ്ഥിരോ​ത്സാ​ഹം കാട്ടി. ഒടുവിൽ, തന്റെ പുതിയ വീട്ടി​ലേക്കു വരാൻ സാലെയ്‌ സാക്ഷിക്ക്‌ ഒരു സന്ദേശം കൊടു​ത്തു.

സാലെ​യു​ടെ പ്രസവം അടുത്തി​രുന്ന മാസങ്ങ​ളാ​യി​രു​ന്നി​ട്ടും അധ്യയനം ഏറെ ക്രമമു​ള്ള​താ​യി​ത്തീർന്നു. കുട്ടി പിറന്ന​ശേഷം സാലെയ്‌ സ്‌നാ​പ​ന​മേൽക്കാത്ത ഒരു പ്രസാ​ധി​ക​യാ​യി. ഇവയൊ​ന്നും അത്ര എളുപ്പ​മാ​യി​രു​ന്നില്ല. കുട്ടിയെ നേഴ്‌സ​റി​യിൽ കൊണ്ടാ​ക്കാ​നുള്ള അര മണിക്കൂർ യാത്ര​യ്‌ക്കാ​യി അവൾ രാവിലെ 6:30-ന്‌ ഒരുങ്ങി​യി​രി​ക്കണം. കുട്ടിയെ നേഴ്‌സ​റി​യിൽ ആക്കിയിട്ട്‌ ജോലി​ക്കു പോകാൻ ഒരു മണിക്കൂർ വീണ്ടും യാത്ര ചെയ്യണം. തന്റെ ശുചീ​കരണ ജോലി​ക്കു​ശേഷം പിന്നെ വീട്ടി​ലേ​ക്കുള്ള മടക്കയാ​ത്ര. യോഗ​ങ്ങ​ളുള്ള രാത്രി​ക​ളിൽ അല്ലെങ്കിൽ വയൽസേ​വ​ന​ത്തി​നു പോകു​മ്പോൾ ഒരു ദിശയിൽ മാത്രം ഒരു മണിക്കൂർ അവൾ വീണ്ടും യാത്ര ചെയ്യണ​മാ​യി​രു​ന്നു. ഇതെല്ലാം അവൾ ചെയ്‌തത്‌ ഭർത്താ​വി​ന്റെ എതിർപ്പ്‌ ഉണ്ടായി​രു​ന്നി​ട്ടു​കൂ​ടി​യാണ്‌. അദ്ദേഹ​ത്തോ​ടു സ്‌നേ​ഹ​വും ക്ഷമയും കാട്ടു​മ്പോൾത്തന്നെ, സമർപ്പി​ച്ചു സ്‌നാ​പ​ന​മേൽക്കുന്ന പടി​യോ​ളം അവൾ പുരോ​ഗ​മി​ച്ചു. അവളുടെ ഭർത്താ​വി​ന്റെ കാര്യ​മോ? അദ്ദേഹം ക്രിസ്‌തു​വി​ന്റെ മരണത്തി​ന്റെ സ്‌മാ​ര​ക​ത്തിൽ സംബന്ധി​ക്കു​ക​യും ഒരു ബൈബി​ള​ധ്യ​യ​ന​ത്തി​നു സമ്മതി​ക്കു​ക​യും ചെയ്‌തു.

നല്ല ഫലങ്ങളാൽ അനു​ഗ്ര​ഹി​ക്ക​പ്പെ​ടു​ന്നു

ഇവരിൽ മിക്കവരെ സംബന്ധി​ച്ചും ഏഥൻസി​ലെ താമസം താത്‌കാ​ലി​ക​മാണ്‌. ബന്ധുക്ക​ളോ​ടും സ്‌നേ​ഹി​ത​രോ​ടും സുവാർത്ത പറയാൻ പലരും സ്വന്ത​ദേ​ശ​ത്തേക്കു തിരി​ച്ചു​പോ​കു​ന്നു. മറ്റുള്ളവർ പല പാശ്ചാത്യ രാഷ്ട്ര​ങ്ങ​ളി​ലേക്കു പോയി യഹോ​വയെ സേവി​ക്കു​ന്ന​തിൽ തുടരു​ന്നു. ഗ്രീസിൽത്തന്നെ താമസി​ക്കു​ന്നവർ അവിടെ കുടി​യേ​റി​പ്പാർക്കു​ന്ന​വ​രായ ഗ്രാമീ​ണ​രോ​ടു സാക്ഷീ​ക​രി​ക്കു​ന്ന​തിൽനി​ന്നു നല്ല ഫലങ്ങൾ ആസ്വദി​ക്കു​ന്നു. മറ്റു ചില കേസു​ക​ളിൽ സത്യത്തി​ന്റെ വിത്തുകൾ ഫലം പുറ​പ്പെ​ടു​വി​ക്കു​ന്നതു സന്ദർശകർ മറ്റു രാഷ്ട്ര​ങ്ങ​ളി​ലേക്കു പോയ​ശേഷം അവി​ടെ​വെച്ചു സാക്ഷി​കളെ കണ്ടുമു​ട്ടു​മ്പോ​ഴാണ്‌.

ഇതെല്ലാം തെളി​യി​ക്കു​ന്നതു യഹോവ പക്ഷപാ​തി​ത്വ​മു​ള്ള​വനല്ല എന്നാണ്‌. അവനെ ഭയപ്പെ​ടു​ക​യും നീതിയെ സ്‌നേ​ഹി​ക്കു​ക​യും ചെയ്യുന്ന ഏതു ജനതയി​ലും നിന്നു​ള്ള​വരെ അവൻ അംഗീ​ക​രി​ക്കു​ന്നു. (പ്രവൃ​ത്തി​കൾ 10:34, 35) ചെമ്മരി​യാ​ടു​തു​ല്യ​രായ അത്തരം ആളുകളെ സംബന്ധി​ച്ചി​ട​ത്തോ​ളം, ഭൗതിക നേട്ടത്തി​നു വേണ്ടി മറ്റൊരു രാജ്യ​ത്തേക്കു മാറി​പ്പാർത്തതു തങ്ങൾ പ്രതീ​ക്ഷി​ച്ച​തി​ലും വലിയ അനു​ഗ്ര​ഹ​ങ്ങ​ളിൽ, അതായത്‌ സത്യ​ദൈ​വ​മായ യഹോ​വ​യെ​ക്കു​റി​ച്ചുള്ള അറിവി​ലും നീതി​യുള്ള ഒരു പുതിയ ലോക​ത്തി​ലെ നിത്യ​ജീ​വന്റെ വാഗ്‌ദ​ത്ത​ത്തി​ലും കലാശി​ച്ചു. ഉവ്വ്‌, ആധുനി​ക​നാ​ളി​ലെ ഏഥൻസിൽ വിദേ​ശ​ഭാഷ സംസാ​രി​ക്കുന്ന ആളുക​ളു​ടെ അടുക്കൽ എത്തി​ച്ചേ​രാ​നുള്ള ശ്രമങ്ങളെ യഹോവ തീർച്ച​യാ​യും അനു​ഗ്ര​ഹി​ച്ചി​രി​ക്കു​ന്നു!

[16-ാം പേജിലെ ചിത്രങ്ങൾ]

പല ദേശക്കാ​രായ ആളുകൾ ഏഥൻസിൽ സുവാർത്ത കേൾക്കു​ക​യാണ്‌