വിശ്വസ്‌ത കുടും​ബങ്ങൾ ശ്രീല​ങ്ക​യിൽ വർധനവു ദ്രുത​ഗ​തി​യി​ലാ​ക്കു​ന്നു

സിലോൺ എന്നപേ​രി​ലാണ്‌ 1972 വരെ ശ്രീലങ്ക അറിയ​പ്പെ​ട്ടി​രു​ന്നത്‌. തെങ്ങുകൾ നിരനി​ര​യാ​യി നിൽക്കുന്ന കടൽത്തീ​രങ്ങൾ, പർവത​നി​രകൾ, ചെറിയ മണൽപ്പ​ര​പ്പു​കൾ എന്നിവ​യാൽ മനോ​ജ്ഞ​മായ ഒരു ദ്വീപാ​ണത്‌. ഉന്നത​പ്ര​ദേ​ശത്ത്‌, 2,243 മീറ്റർ ഉയരമുള്ള ആഡംസ്‌ പീക്ക്‌ നാലു പ്രമുഖ മതങ്ങളെ സംബന്ധി​ച്ചി​ട​ത്തോ​ളം ഒരു വിശുദ്ധ സ്ഥലമാണ്‌.a അടുത്താ​ണു വേൾഡ്‌സ്‌ എൻഡ്‌, പാറകൾ നിറഞ്ഞ, കൊക്ക​ക​ളുള്ള 1,500 മീറ്റർ കീഴു​ക്കാ​ന്തൂ​ക്കായ സ്ഥലം. ഈ സ്ഥലം ശ്രീല​ങ്ക​യി​ലെ ഏറ്റവും പകി​ട്ടേ​റിയ ദൃശ്യ​ങ്ങ​ളി​ലൊ​ന്നു പ്രദാ​നം​ചെ​യ്യു​ന്നു.

ശ്രീല​ങ്ക​യി​ലെ 1.8 കോടി​വ​രുന്ന നിവാ​സി​കൾ രസകര​മായ പശ്ചാത്ത​ല​മൊ​രു​ക്കു​ന്നു. പൊ.യു.മു. (പൊതു​യു​ഗ​ത്തി​നു​മുമ്പ്‌) അഞ്ചാം നൂറ്റാണ്ടു മുതൽ വടക്കേ ഇന്ത്യയിൽനിന്ന്‌ ഇന്തോ-യൂറോ​പ്യ വംശത്തി​ലു​ള്ളവർ ഈ ദ്വീപിൽ അധിവ​സി​ക്കാൻ തുടങ്ങി. അവരാണു സിംഹളർ. ജനസം​ഖ്യ​യു​ടെ മുക്കാൽ ഭാഗം അവരാണ്‌. പിന്നീട്‌, ഏതാണ്ടു 12-ാം നൂറ്റാണ്ട്‌ ആയപ്പോ​ഴേ​ക്കും ദക്ഷി​ണേ​ന്ത്യ​യിൽനി​ന്നുള്ള തമിഴ​രു​ടെ ഒരു വലിയ കൂട്ടം​തന്നെ എത്തി​ച്ചേർന്നു; അവർ ഇപ്പോൾ മുഖ്യ​മാ​യും ആ ദ്വീപി​ന്റെ വടക്കും കിഴക്കു​മാ​യി ജീവി​ക്കു​ന്നു. പോർച്ചു​ഗീ​സു​കാ​രും ഡച്ചുകാ​രും ബ്രിട്ടീ​ഷു​കാ​രും കോളനി വാഴ്‌ച​യു​ടെ നാളുകൾ മുതൽ തങ്ങളുടെ മായാത്ത മുദ്ര പതിപ്പി​ച്ചി​ട്ടുണ്ട്‌. അതിനു പുറമേ, അറേബ്യ, മലയ ദ്വീപു​ക​ളിൽനി​ന്നുള്ള കപ്പൽ സഞ്ചാരി​ക​ളായ കച്ചവട​ക്കാ​രും പ്രാ​ദേ​ശി​ക​രു​ടെ ഇടയിൽ താമസം തുടങ്ങി​യി​ട്ടുണ്ട്‌. കൂടാതെ, ഒറ്റപ്പെട്ടു താമസി​ക്കുന്ന യൂറോ​പ്യ​രു​ടെ​യും പാർസി​ക​ളു​ടെ​യും ചൈനാ​ക്കാ​രു​ടെ​യും മറ്റു ചിലരു​ടെ​യും ചെറിയ വിഭാ​ഗങ്ങൾ വേറെ​യു​മുണ്ട്‌.

വംശീയ സമ്മി​ശ്ര​ണ​ത്തി​നു പുറമേ ഭാഷയും മതവും ശ്രീല​ങ്ക​യിൽ അതിന്റെ വിഭിന്ന പശ്ചാത്തലം പ്രതി​ഫ​ലി​പ്പി​ക്കു​ന്നു. ദ്വീപി​ലെ പ്രമുഖ ഭാഷ സിംഹള, തമിഴ്‌, ഇംഗ്ലീഷ്‌ എന്നിവ​യാണ്‌. അനേകം ശ്രീല​ങ്ക​ക്കാ​രും ഈ മൂന്നു ഭാഷയിൽ രണ്ടെണ്ണ​മെ​ങ്കി​ലും സംസാ​രി​ക്കു​ന്ന​വ​രാണ്‌. ജനങ്ങളു​ടെ മതത്തിൽ വംശീയ പശ്ചാത്ത​ല​വും ഒരു വലിയ പങ്കു വഹിക്കു​ന്നു. സിംഹ​ള​രിൽ മിക്കവ​രും ബുദ്ധമ​ത​ക്കാ​രാണ്‌, അതേസ​മയം തമിഴ​രിൽ മിക്കവ​രും ഹൈന്ദ​വ​രു​മാണ്‌. അറബി​ക​ളോ മലയരോ ആയി ബന്ധമു​ള്ളവർ ഇസ്ലാം മതത്തോ​ടു പറ്റിനിൽക്കു​ന്ന​വ​രാണ്‌. യൂറോ​പ്യൻ പശ്ചാത്ത​ല​മു​ള്ളവർ പൊതു​വെ ക്രൈ​സ്‌തവ സഭകളിൽനി​ന്നുള്ള കത്തോ​ലി​ക്ക​രും പ്രൊ​ട്ട​സ്റ്റൻറു​കാ​രു​മാണ്‌.

വെല്ലു​വി​ളി​കളെ നേരി​ടു​ന്നു

ഇതെല്ലാം ശ്രീല​ങ്ക​യി​ലുള്ള യഹോ​വ​യു​ടെ സാക്ഷി​ക​ളു​ടെ മുമ്പാകെ ശക്തമായ വെല്ലു​വി​ളി ഉയർത്തു​ന്നു. “രാജ്യ​ത്തി​ന്റെ ഈ സുവി​ശേഷം സകലജാ​തി​കൾക്കും സാക്ഷ്യ​മാ​യി ഭൂലോ​ക​ത്തിൽ ഒക്കെയും പ്രസം​ഗി​ക്ക​പ്പെ​ടും” എന്ന യേശു​വി​ന്റെ നിയോ​ഗം നിർവ​ഹി​ക്കു​ന്ന​തിന്‌ ഇവർ കഠിന​മാ​യി പ്രവർത്തി​ക്കു​ന്നു. (മത്തായി 24:14) വ്യത്യസ്‌ത ഭാഷകൾ കൈകാ​ര്യം ചെയ്യണ​മെ​ന്ന​തി​നു പുറമെ സുവാർത്ത​യു​ടെ പ്രസാ​ധ​കർക്കു ബുദ്ധമ​ത​ക്കാ​രോ​ടും ഹൈന്ദ​വ​രോ​ടും ക്രൈ​സ്‌ത​വ​ലോ​ക​ത്തി​ലെ സഭാം​ഗ​ങ്ങ​ളോ​ടും നിരീ​ശ്വ​ര​വാ​ദി​ക​ളോ​ടും സംസാ​രി​ക്കേ​ണ്ടി​യി​രി​ക്കു​ന്നു—എല്ലാം ഏതാനും മണിക്കൂ​റു​നേ​രത്തെ പ്രസം​ഗ​വേ​ല​യ്‌ക്കി​ട​യിൽ.

തങ്ങളുടെ ശുശ്രൂ​ഷ​യിൽ ഫലപ്ര​ദ​രാ​യി​രി​ക്കു​ന്ന​തിന്‌, തമിഴ്‌, സിംഹള, ഇംഗ്ലീഷ്‌ ഭാഷക​ളിൽ വീക്ഷാ​ഗോ​പു​ര​വും ഉണരുക!യും മറ്റു ബൈബിൾ സാഹി​ത്യ​ങ്ങ​ളും പ്രസാ​ധകർ കൈവശം കരുതേണ്ട ആവശ്യ​മുണ്ട്‌. ചുമക്കാൻ പ്രാപ്‌തി​യുള്ള പ്രസാ​ധകർ ആ ഭാഷക​ളി​ലുള്ള ബൈബി​ളു​ക​ളും കൈവശം കരുതു​ന്നു. ഈയിടെ, ദൈവം യഥാർത്ഥ​ത്തിൽ നമ്മെ സംബന്ധി​ച്ചു കരുതു​ന്നു​വോ, നമ്മുടെ പ്രശ്‌നങ്ങൾ—അവ പരിഹ​രി​ക്കാൻ നമ്മെ ആർ സഹായി​ക്കും? എന്നീ ലഘുപ​ത്രി​ക​ക​ളും ഈ ലോകം അതിജീ​വി​ക്കു​മോ? എന്ന ലഘു​ലേ​ഖ​യും അവിടത്തെ മൂന്നു ഭാഷക​ളിൽ ഒരേ സമയം പ്രകാ​ശനം ചെയ്‌ത​പ്പോൾ പ്രസാ​ധകർ മതിമ​റന്നു സന്തോ​ഷി​ച്ചു. ശുശ്രൂ​ഷ​യിൽ കൂടുതൽ ഉപകര​ണങ്ങൾ അതു ലഭ്യമാ​ക്കി.

1912-ൽ സാർവ​ദേ​ശീയ ബൈബിൾ വിദ്യാർഥി​ക​ളു​ടെ സംഘട​ന​യു​ടെ അന്നത്തെ പ്രസി​ഡ​ന്റാ​യി​രുന്ന ചാൾസ്‌ റ്റെയ്‌സ്‌ റസ്സൽ സിലോ​ണിൽ ഒരു ഹ്രസ്വ സന്ദർശനം നടത്തി​യ​തു​മു​തൽ സാക്ഷികൾ അവിടെ കഠിനാ​ധ്വാ​നം ചെയ്‌തു​വ​രു​ന്നു. എന്നിരു​ന്നാ​ലും, 1947-ൽ വാച്ച്‌ടവർ ഗിലെ​യാദ്‌ ബൈബിൾ സ്‌കൂ​ളിൽനി​ന്നുള്ള ബിരു​ദ​ധാ​രി​കൾ എത്തി​ച്ചേ​രു​ന്ന​തു​വരെ ശ്രദ്ധേ​യ​മായ വളർച്ച​യ്‌ക്കു കാത്തി​രി​ക്കേ​ണ്ടി​വന്നു. അന്നുമു​തൽ ശ്രീല​ങ്ക​യി​ലുള്ള പ്രസാ​ധകർ തങ്ങളുടെ പ്രസം​ഗ​വേ​ല​യിൽനി​ന്നു നല്ല ഫലങ്ങൾ ആസ്വദി​ച്ചി​രി​ക്കു​ന്നു. 1994-ൽ 1,866 രാജ്യ പ്രസാ​ധകർ മാസം​തോ​റും ശരാശരി 2,551 ഭവന ബൈബി​ള​ധ്യ​യ​നങ്ങൾ നടത്തി. സ്‌മാരക ഹാജർ 6,930 ആയിരു​ന്നു. അത്‌ എല്ലാ സഭയി​ലെ​യും പ്രസാ​ധ​ക​രു​ടെ സംഖ്യ​യു​ടെ ഏതാണ്ടു നാലി​ര​ട്ടി​യാ​യി​രു​ന്നു. എന്തൊരു മഹത്തായ അനു​ഗ്രഹം!

ചില ദേശങ്ങ​ളു​മാ​യി താരത​മ്യം ചെയ്യു​മ്പോൾ ശ്രീല​ങ്ക​യിൽ പുരോ​ഗതി സാവധാ​ന​മാ​ണെന്നു തോന്നി​യേ​ക്കാം. കുടുംബ ബന്ധങ്ങളാണ്‌ ഒരു ഘടകം എന്നു തോന്നു​ന്നു. എന്നിരു​ന്നാ​ലും, അതു മറിച്ചും ഫലം​ചെ​യ്‌തേ​ക്കാം. റോമാ സൈന്യാ​ധി​പ​നാ​യി​രുന്ന കൊർന്നേ​ല്യോസ്‌ സത്യത്തി​നു​വേണ്ടി നില​കൊ​ണ്ട​പ്പോൾ അവന്റെ മുഴു കുടും​ബ​വും അവനോ​ടൊ​പ്പം നില​കൊ​ണ്ടു. (പ്രവൃ​ത്തി​കൾ 10:1, 2, 24, 44) പ്രവൃ​ത്തി​ക​ളു​ടെ പുസ്‌ത​ക​ത്തിൽ ശക്തരായ മറ്റു ക്രിസ്‌തീയ കുടും​ബ​ങ്ങ​ളെ​പ്പ​റ്റി​യും സൂചി​പ്പി​ക്കു​ന്നു. ലുദിയ, ക്രിസ്‌പൊസ്‌, പൗലോ​സി​ന്റെ​യും ശീലാ​സി​ന്റെ​യും കാരാ​ഗൃ​ഹ​പ്ര​മാ​ണി എന്നിവ​രു​ടെ കുടും​ബങ്ങൾ അതിൽ ഉൾപ്പെ​ടു​ന്നു.—പ്രവൃ​ത്തി​കൾ 16:14, 15; 32-34; 18:8.

നല്ല സംഘാ​ട​ന​വും വിശ്വ​സ്‌ത​ത​യോ​ടെ​യുള്ള സ്ഥിരോ​ത്സാ​ഹ​വും ഉള്ളിടത്തു ശക്തമായ കുടുംബ ബന്ധങ്ങൾ പ്രയോ​ജ​കീ​ഭ​വി​ക്കു​ന്നു. ദീർഘ​നാ​ളാ​യി മിഷന​റി​യാ​യി സേവി​ക്കുന്ന റേ മാത്യൂസ്‌ യെശയ്യാ​വു 60:22 മനസ്സിൽപ്പി​ടി​ച്ചു​കൊണ്ട്‌ ഇങ്ങനെ പറയുന്നു: “യഹോവ ഇപ്പോൾ വ്യക്തി​കളെ മാത്രമല്ല കുടും​ബ​ങ്ങ​ളെ​യും ഉപയോ​ഗി​ച്ചു​കൊ​ണ്ടു തക്കസമ​യത്തു കാര്യാ​ദി​കൾ ശീഘ്ര​ഗ​തി​യി​ലാ​ക്കു​ക​യാ​ണെന്നു തോന്നു​ന്നു.”

സംഘടിത കുടും​ബം സ്‌തുതി കരേറ്റു​ന്നു

വിശ്വ​സ്‌ത​രായ അത്തരം കുടും​ബങ്ങൾ ഇന്നു ശ്രീല​ങ്ക​യിൽ തീർച്ച​യാ​യും ഉണ്ട്‌. ശ്രീല​ങ്ക​യു​ടെ പ്രമുഖ പട്ടണമായ കൊളം​ബോ​യു​ടെ ഒരു മേഖല​യായ കോട്ട​ഹീ​നാ​യിൽ താമസി​ക്കുന്ന, നല്ല നിലയിൽ സംഘടി​ത​മായ സിന്നപ്പാ കുടും​ബം അതിനു​ദാ​ഹ​ര​ണ​മാണ്‌. കുടുംബത്തലവൻ മാരി​യാൻ മരിച്ചിട്ട്‌ അധിക​നാ​ളാ​യി​ല്ലെ​ന്നു​വ​രി​കി​ലും ഭാര്യ അന്നമ്മയും 13 മുതൽ 33 വരെ വയസ്സി​നി​ട​യി​ലുള്ള 15 മക്കളിൽ 12 പേരും യഹോ​വയെ ഒരു കുടും​ബ​മെന്ന നിലയിൽ സേവി​ക്കു​ന്ന​തിൽ തുടരു​ന്നു. ഇതി​നോ​ടകം എട്ടു മക്കൾ സ്‌നാ​പ​ന​മേറ്റു, അവരിൽ മൂന്നു പേർ നിരന്തര പയനി​യർമാ​രെന്ന നിലയിൽ മുഴു​സമയ ശുശ്രൂ​ഷ​യി​ലാണ്‌. വേറെ മൂന്നു​പേർ ഇടയ്‌ക്കെ​ല്ലാം സഹായ പയനി​യ​റി​ങ്ങി​നു പേർ ചാർത്തി​യി​രു​ന്നു. കുടും​ബ​ത്തിൽ ഇളയ നാലു​പേർ സ്‌നാ​പ​ന​മേൽക്കാത്ത പ്രസാ​ധ​ക​രാണ്‌. അതിനു​പു​റമേ, നാലു പേരക്കി​ടാ​ങ്ങൾ തീരെ ചെറു​പ്പ​മാ​ണെ​ന്നു​വ​രി​കി​ലും ബൈബിൾ പഠിക്കു​ക​യും യഹോ​വ​യു​ടെ സാക്ഷി​ക​ളു​ടെ കൊളം​ബോ നോർത്തു സഭയിൽ യോഗ​ങ്ങൾക്കു ഹാജരാ​കു​ക​യും ചെയ്യുന്നു.

1978-ൽ വീക്ഷാ​ഗോ​പു​ര​ത്തി​ന്റെ ഒരു പ്രതി കൈപ്പ​റ്റി​യ​പ്പോ​ഴാണ്‌ അന്നമ്മ ആദ്യമാ​യി രാജ്യ സുവാർത്ത​യെ​പ്പറ്റി കേട്ടത്‌. ബൈബി​ള​ധ്യ​നം തുടങ്ങി, ബൈബിൾ പഠന സഹായി​യായ നിത്യ​ജീ​വ​നി​ലേക്കു നയിക്കുന്ന സത്യം പഠിച്ചു​ക​ഴി​ഞ്ഞ​പ്പോൾ അന്നമ്മ തന്റെ ജീവിതം യഹോ​വക്കു സമർപ്പിച്ച്‌ സ്‌നാ​പ​ന​മേറ്റു. അങ്ങനെ തന്റെ കുടും​ബ​ത്തി​ലെ അനേകർക്കും മാതൃ​ക​വെച്ചു.

സൈനി​ക​നാ​യി​രുന്ന കൊർന്നേ​ല്യോ​സി​നെ​പ്പോ​ലെ അന്നമ്മയ്‌ക്കും കുടും​ബ​ത്തിൽ നല്ല സംഘാ​ട​ന​മുണ്ട്‌. “ക്രിസ്‌തീയ യോഗ​ങ്ങൾക്കും സമ്മേള​ന​ങ്ങൾക്കും​വേണ്ടി ഞങ്ങൾക്കു ക്രമീ​ക​ര​ണങ്ങൾ നടത്തേ​ണ്ട​തു​ണ്ടാ​യി​രു​ന്നു, സ്‌കൂ​ളി​ന്റെ കാര്യം പറയു​ക​യും​വേണ്ട,” അന്നമ്മ അനുസ്‌മ​രി​ക്കു​ന്നു. “വസ്‌ത്രം ഒരു പ്രശ്‌ന​മാ​യി​രു​ന്നി​ട്ടുണ്ട്‌ എന്നാൽ യഹോ​വ​യു​ടെ അനു​ഗ്ര​ഹ​ത്താൽ ഓരോ സമ്മേള​ന​ത്തി​നും കുറ​ച്ചൊ​ക്കെ പുതിയ വസ്‌ത്രങ്ങൾ സംഘടി​പ്പി​ക്കാൻ ഞങ്ങൾക്കു കഴിഞ്ഞി​ട്ടുണ്ട്‌. മുഴു കുടും​ബ​വും നല്ലവണ്ണം വസ്‌ത്രം ധരിച്ച്‌, നല്ലവണ്ണം ഭക്ഷണം കഴിച്ച്‌—വിടർന്ന പുഞ്ചി​രി​യോ​ടെ—എത്തി​ച്ചേർന്നു.”

കുടും​ബ​ത്തി​ലെ സംഘാ​ട​ന​ത്തെ​പ്പറ്റി കുട്ടികൾ വാത്സല്യ​പൂർവം അനുസ്‌മ​രി​ക്കു​ന്നു. കുടും​ബ​ത്തി​ലെ എല്ലാവ​രെ​യും ക്രിസ്‌തീയ യോഗ​ങ്ങൾക്കു ഹാജരാ​കാൻ സഹായി​ക്കു​ന്ന​തി​നു സാധാ​ര​ണ​ഗ​തി​യിൽ മൂത്തവരെ പ്രത്യേക ഉത്തരവാ​ദി​ത്വ​ങ്ങൾ ഏൽപ്പി​ച്ചി​രു​ന്നു. ഉദാഹ​ര​ണ​ത്തിന്‌, മംഗള വസ്‌ത്രങ്ങൾ കഴുകി, വിനി​ഫ്രെഡ ഇസ്‌തി​രി​യി​ട്ടു. “വീട്ടിൽനി​ന്നി​റ​ങ്ങി​യ​പ്പോൾ എല്ലാവ​രെ​യും കാണാൻ നല്ല ചന്തമാ​യി​രു​ന്നു” എന്ന്‌ ഇളയ കുട്ടി​കളെ വസ്‌ത്ര​മു​ടു​ക്കാ​നും സഹായിച്ച വിനി​ഫ്രെഡ പറയുന്നു.

ആത്മീയ കരുത​ലു​ക​ളും അതു​പോ​ലെ​തന്നെ സുസം​ഘ​ടി​ത​മാ​യി​രു​ന്നു. “ദിവസ​വും ഞങ്ങളുടെ കുടും​ബം ഒരുമി​ച്ചുള്ള ബൈബിൾ വായന​യും ദൈനം​ദിന ബൈബിൾ വാക്യ​ങ്ങ​ളു​ടെ പുനര​വ​ലോ​ക​ന​വും ആസ്വദി​ച്ചു” എന്ന്‌ ഇപ്പോൾ ഒരു നിരന്തര പയനി​യ​റാ​യി​രി​ക്കുന്ന മകൾ പുഷ്‌പം അനുസ്‌മ​രി​ക്കു​ന്നു. അന്നമ്മ കൂട്ടി​ച്ചേർക്കു​ന്നു: “കുട്ടി​കൾക്കോ​രോ​രു​ത്തർക്കും ബൈബി​ളി​ന്റെ​യും വീക്ഷാ​ഗോ​പു​ര​ത്തി​ന്റെ​യും മറ്റു പ്രസി​ദ്ധീ​ക​ര​ണ​ങ്ങ​ളു​ടെ​യും വ്യക്തി​പ​ര​മായ പ്രതികൾ ഉണ്ട്‌. യോഗ​ങ്ങ​ളിൽ അവർ ഉത്തരം നൽകു​മ്പോൾ ഞാൻ ശ്രദ്ധിച്ചു കേൾക്കും. അത്യാ​വ​ശ്യ​മെന്നു തോന്നു​ന്നി​ടത്ത്‌, വീട്ടിൽ വന്നശേഷം അവർക്കു വേണ്ട പ്രോ​ത്സാ​ഹ​ന​വും തിരു​ത്ത​ലും നൽകും. രാത്രി​യിൽ കുടുംബ പ്രാർഥ​ന​യോ​ടെ ദിവസം അവസാ​നി​പ്പി​ക്കു​ന്ന​തി​നു ഞങ്ങൾ കൂടി​വ​രു​ന്നു.”

കുടും​ബ​ത്തി​ലു​ള്ള ഏവർക്കും ക്രിസ്‌തീയ വിദ്യാ​ഭ്യാ​സം നൽകു​ന്ന​തിൽ മൂത്ത കുട്ടികൾ അന്നമ്മക്ക്‌ അമൂല്യ സഹായം പ്രദാ​നം​ചെ​യ്യു​ന്നു. എന്നിരു​ന്നാ​ലും, തിരക്കു​പി​ടിച്ച പട്ടിക കുടും​ബ​ത്തി​നു വെളി​യി​ലു​ള്ള​വ​രു​മാ​യി സുവാർത്ത പങ്കിടു​ന്ന​തിൽനിന്ന്‌ അവരെ തടുക്കു​ന്നില്ല. കുടും​ബ​ത്തി​ലെ വ്യത്യസ്‌ത അംഗങ്ങൾ സമീപ പ്രദേ​ശ​ത്തുള്ള ആളുക​ളു​മാ​യി മൊത്തം 57 ഭവന ബൈബി​ള​ധ്യ​യ​നങ്ങൾ നടത്തുന്നു. “കുടും​ബാം​ഗ​ങ്ങൾക്കു പുരോ​ഗ​തി​യുള്ള ബൈബി​ള​ധ്യ​യ​ന​ങ്ങ​ളുണ്ട്‌. എന്റെ ഭാര്യ പുഷ്‌പ​ത്തിന്‌ അവളുടെ വിദ്യാർഥി​ക​ളിൽ ഒരാൾ തന്റെ ജീവിതം യഹോ​വക്കു സമർപ്പി​ക്കു​ന്നതു കാണു​ന്ന​തി​നുള്ള പദവി ഇപ്പോഴേ ലഭിച്ചി​രി​ക്കു​ന്നു” എന്നു മരുമകൻ രാജൻ പറയുന്നു.

ഇത്ര വലിയ ഒരു കുടും​ബം റോമൻ കത്തോ​ലി​ക്കാ സഭ വിട്ടു​പോ​ന്നതു കോട്ട​ഹീ​നാ​യെ പിടിച്ചു കുലുക്കി. ആ കുടും​ബം സഭ വിട്ടതി​ന്റെ കാരണം തിരക്കി പുരോ​ഹി​തൻ അവരെ ഇതുവരെ സന്ദർശി​ച്ചി​ട്ടി​ല്ലെ​ങ്കി​ലും സഭയിലെ അംഗങ്ങ​ളോ​ടു കാരണ​മ​ന്വേ​ഷി​ക്കാൻ അഭ്യർഥി​ച്ചു. ചർച്ചകൾ പലവട്ടം നടന്നു, അതിൽ മിക്കതും ത്രി​ത്വോ​പ​ദേ​ശ​ത്തെ​ക്കു​റി​ച്ചാ​യി​രു​ന്നു. തന്റെ വിശ്വാ​സ​ത്തി​നു പ്രതി​വാ​ദം പറയാൻ അന്നമ്മ എപ്പോ​ഴും യഹോ​വ​യി​ലും ബൈബി​ളി​ലും ആശ്രയി​ച്ചു. അവരുടെ ഇഷ്ടവാ​ക്യം യോഹ​ന്നാൻ 17:3 ആയിരു​ന്നു.

നല്ല സംഘാ​ട​ന​വും നിർത്താ​തെ​യുള്ള ശ്രമവും സംതൃ​പ്‌തി​ദാ​യ​ക​മായ ഫലങ്ങൾ കൈവ​രു​ത്തു​മെന്നു സിന്നപ്പാ കുടും​ബം വ്യക്തമാ​യി പ്രകട​മാ​ക്കു​ന്നു. അവരുടെ തീക്ഷ്‌ണ​മായ ശ്രമത്തി​ന്റെ ഫലമായി രാജ്യ പ്രസാ​ധ​ക​രു​ടെ ഒരു പുതിയ തലമുറ വളർന്നു​വ​രി​ക​യാണ്‌, സകലതും യഹോ​വ​യു​ടെ സ്‌തു​തി​യിൽ കലാശി​ച്ചു​കൊ​ണ്ടു​തന്നെ.

എതിർപ്പു​കൾ കുടും​ബത്തെ സത്യാ​രാ​ധ​ന​യിൽ ഏകീഭ​വി​പ്പി​ക്കു​ന്നു

സിന്നപ്പാ കുടും​ബം താമസി​ക്കുന്ന അതേ റോഡിൽത്തന്നെ ഏതാനും കിലോ​മീ​റ്റർ അകലെ, കൊളം​ബോ​യു​ടെ മറ്റൊരു മേഖല​യായ നാരെൻപി​ട്ടി​യ​യി​ലാ​ണു രത്‌ന​വും കുടും​ബ​വും താമസി​ക്കു​ന്നത്‌. അവരും മുമ്പു കത്തോ​ലി​ക്ക​രാ​യി​രു​ന്നു. 1982-ൽ വീടു​തോ​റു​മുള്ള വേലയിൽ ഏർപ്പെ​ട്ടി​രുന്ന സാക്ഷികൾ അവിടത്തെ മൂത്ത മകൾ ഫാത്തി​മ​യു​ടെ ഭർത്താ​വായ ബാലേ​ന്ദ്രനെ കണ്ടുമു​ട്ടി. മുഴു കുടും​ബ​ത്തോ​ടു​മൊ​പ്പം ഒരു ബൈബി​ള​ധ്യ​നം തുടങ്ങി. താമസി​യാ​തെ, അവരുടെ മൂന്നു കുട്ടികൾ വല്ല്യമ്മ ഇഗ്നാസി​മ​ളി​നോ​ടു ദൈവ​ത്തി​ന്റെ പേരി​നെ​പ്പറ്റി ചോദി​ച്ചു. “യഹോവ” എന്നാ​ണെന്നു ഉത്തരം നൽകി​ക്കൊ​ണ്ടു കുട്ടികൾ അവരിൽ താത്‌പ​ര്യം ജനിപ്പി​ച്ചു. പിന്നീട്‌, അവരുടെ പെൺമ​ക്ക​ളിൽ രണ്ടുപേർ, ജീവക​ല​യും സ്റ്റെല്ലയും അധ്യയ​ന​ത്തി​നു ചേർന്നു. 1988 ആയപ്പോ​ഴേ​ക്കും അവർ മൂന്നു​പേ​രും സ്‌നാ​പ​ന​മേറ്റു.

ഇതിനി​ട​യിൽ, ബാലേ​ന്ദ്ര​നും ഫാത്തി​മ​യും ഫാത്തി​മ​യു​ടെ മറ്റൊരു സഹോ​ദരി മല്ലിക​യ്‌ക്കും ഭർത്താവ്‌ യോഗ​നാ​ഥ​നും സത്യം പങ്കിട്ടു. 1987 ആയപ്പോ​ഴേ​ക്കും ഈ ദമ്പതികൾ സ്‌നാ​പ​ന​മേറ്റു. അവർ തങ്ങളുടെ രണ്ടു മക്കളു​ടെ​യും മനസ്സിൽ യഹോ​വ​യോ​ടുള്ള വളരുന്ന സ്‌നേഹം നട്ടുവ​ളർത്തി. അടുത്ത​താ​യി ഫാത്തി​മ​യു​ടെ മറ്റൊരു സഹോ​ദരി പുഷ്‌പ സത്യത്തിൽവന്നു. 1990-ൽ അവൾ സമർപ്പണം നടത്തി സ്‌നാ​പ​ന​മേറ്റു. അവളുടെ ഭർത്താവ്‌ ഏക ടോക്കി​യോ​യിൽ ഒരു ഇംഗ്ലീഷ്‌ സഭയോ​ടൊ​ത്തു സേവി​ക്കവേ പുഷ്‌പ തന്റെ ഇളയ മകൻ ആൽഫ്ര​ഡി​നെ യഹോ​വ​യു​ടെ വഴിക​ളിൽ വളർത്തി​ക്കൊ​ണ്ടു​വ​രാൻ സഹായി​ച്ചു.

അങ്ങനെ രത്‌നം കുടും​ബ​ത്തി​ലെ പത്തു മക്കളിൽ നാലു​പേർ ഇതി​നോ​ടകം സത്യാ​രാ​ധ​ന​യ്‌ക്കു​വേണ്ടി തങ്ങളുടെ നിലപാ​ടു സ്വീക​രി​ച്ചി​രി​ക്കു​ന്നു. വേറെ​യും മൂന്നു​പേർ തങ്ങളുടെ വ്യക്തിഗത ബൈബി​ള​ധ്യ​യ​ന​ത്തിൽ നല്ല പുരോ​ഗതി പ്രാപി​ക്കു​ന്നു​വെ​ന്നതു സന്തോ​ഷ​ജ​ന​ക​മാണ്‌. 11 പേരക്കി​ടാ​ങ്ങ​ളിൽ ഒരു പെൺകു​ട്ടി, പ്രദീപ സ്‌നാ​പ​ന​മേറ്റു കഴിഞ്ഞു. ഇളയവ​രിൽ മറ്റ്‌ ഏഴുപേർ തങ്ങളുടെ ഭവന ബൈബി​ള​ധ്യ​യ​ന​ത്തി​ലൂ​ടെ ക്രമമാ​യി പ്രബോ​ധി​പ്പി​ക്ക​പ്പെ​ടു​ന്നു. അതിനു​പു​റമേ, അയൽപ​ക്ക​ത്തുള്ള താത്‌പ​ര്യ​ക്കാ​രായ ആളുക​ളോ​ടൊ​പ്പം മൊത്തം 24 ഭവന ബൈബി​ള​ധ്യ​യനം നടത്തി​ക്കൊ​ണ്ടി​രി​ക്കു​ന്നു.

ഇതെല്ലാം അത്ര എളുപ്പം സംഭവി​ച്ചതല്ല. തുടക്ക​ത്തിൽ കുടുംബ എതിർപ്പു​കൾ ഉണ്ടായി​രു​ന്നു. പിതാവ്‌ മുത്തു​പ്പി​ള്ള​യും മൂത്ത സഹോ​ദ​രൻമാ​രും ആരെങ്കി​ലും രാജ്യ​ഹാ​ളിൽ യോഗ​ങ്ങൾക്കു ഹാജരാ​കു​ന്ന​തി​നെ​യും പരസ്യ പ്രസം​ഗ​വേ​ല​യിൽ ഏർപ്പെ​ടു​ന്ന​തി​നെ​യും വളരെ​യ​ധി​കം എതിർത്തി​രു​ന്നു. അതിനു ചില കാരണം വ്യക്തി​പ​ര​മായ സുരക്ഷ​യാ​യി​രു​ന്നു​വെ​ന്നു​വ​രി​കി​ലും, “ഞാൻ എന്നെ മുഴു​വ​നാ​യി ‘പുണ്യാ​ളൻമാർക്കു’ സമർപ്പി​ച്ചി​രു​ന്നു, കൂടാതെ, എന്റെ കുടും​ബം കത്തോ​ലി​ക്കാ സഭ വിടു​ന്ന​തിന്‌ ഞാൻ അനുവ​ദി​ച്ചില്ല” എന്നു മുത്തു​പ്പിള്ള കൂട്ടി​ച്ചേർക്കു​ന്നു. എന്നിരു​ന്നാ​ലും, ഇപ്പോൾ അവർ സത്യ ദൈവ​ത്തെ​യാണ്‌ ആരാധി​ക്കു​ന്ന​തെന്ന്‌ അദ്ദേഹം വിശ്വ​സി​ക്കു​ന്നു, കാരണം തങ്ങളുടെ വിശ്വാ​സം കൈവ​രു​ത്തി​യി​രി​ക്കുന്ന പ്രയോ​ജ​നങ്ങൾ അദ്ദേഹ​ത്തി​നു കാണാൻ കഴിയു​ന്നുണ്ട്‌.

ഉദാഹ​ര​ണ​ത്തിന്‌, ഒരിക്കൽ അവരുടെ ബുദ്ധമ​ത​ക്കാ​ര​നായ വീട്ടുടമ മന്ത്രവി​ദ്യ ഉപയോ​ഗി​ച്ചു​കൊണ്ട്‌ അവരെ വീട്ടിൽനിന്ന്‌ ഇറക്കാൻ ശ്രമിച്ചു. അയാൾ ഒരു രാത്രി​യിൽ “മന്ത്ര​മോ​തിയ” നാരങ്ങ വീടി​നു​ചു​റ്റും വെച്ചി​ട്ടു​പോ​യി. രത്‌നം കുടും​ബ​ത്തി​ന്റെ​മേൽ എന്തെങ്കി​ലും അത്യാ​ഹി​തം ഭവിക്കു​മെ​ന്നോർത്ത്‌ അന്ധവി​ശ്വാ​സി​ക​ളായ അയൽപ​ക്ക​ക്കാ​രെ​ല്ലാം ഭയചകി​ത​രാ​യി. എന്നാൽ, ഇഗ്നാസി​മൾ ഇതു കണ്ടുപി​ടി​ച്ച​പ്പോൾ അവരും മക്കളും ചേർന്നു യാതൊ​രു ഭയമോ വിറയ​ലോ കൂടാതെ നാരങ്ങ പെറു​ക്കി​ക്ക​ളഞ്ഞു—അവർക്കു തിന്മയാ​യി​ട്ടൊ​ന്നും ഭവിച്ചില്ല. അവരുടെ ധീര പ്രവൃത്തി ആ പ്രദേ​ശത്തു നല്ല സാക്ഷ്യ​മാ​യി, ആളുകൾക്ക്‌ അവരോ​ടു വളരെ ആദരവു​ണ്ടാ​യി. അടുത്ത നിരക​ളി​ലുള്ള വീടു​ക​ളിൽ രണ്ടു ബൈബി​ള​ധ്യ​യനം തുടങ്ങാൻ സ്റ്റെല്ലയ്‌ക്കു കഴിഞ്ഞു. ഇതിൽ പ്രോ​ത്സാ​ഹി​ത​യാ​യി മരുമകൾ നാസീ​റ​യും ഒരു ബൈബി​ള​ധ്യ​യ​ന​ത്തി​നു സമ്മതിച്ചു.

തന്റെ കുടും​ബ​ത്തി​ലു​ണ്ടായ അനേക അനു​ഗ്ര​ഹങ്ങൾ അനുസ്‌മ​രി​ച്ചു​കൊണ്ട്‌ ഇഗ്നാസി​മൾ പറയുന്നു: “എന്റെ കുടും​ബ​ത്തി​ലെ ആത്മീയ വളർച്ച​യിൽ ഞാൻ അതീവ സന്തുഷ്ട​യാണ്‌. ഞങ്ങളെ യഹോവ അനു​ഗ്ര​ഹി​ച്ചി​രി​ക്കു​ന്നു, കാരണം എതിർപ്പ്‌ മയപ്പെട്ടു, കുടുംബ ഐക്യം വർധി​ക്കു​ക​യും ചെയ്‌തി​രി​ക്കു​ന്നു.”

ഈ വലിയ കുടും​ബങ്ങൾ എത്ര അനു​ഗ്ര​ഹ​മെന്നു തെളി​ഞ്ഞി​രി​ക്കു​ന്നു. രാജ്യ സുവാർത്ത​യു​ടെ പ്രഘോ​ഷണം “സമുജ്ജ്വല ദേശം” എന്നർഥ​മുള്ള ശ്രീല​ങ്ക​യിൽ ശീഘ്ര​ഗ​തി​യി​ലാ​ക്കു​ന്ന​തി​നു കഠിന​മാ​യി ശ്രമി​ക്കുന്ന ചെറിയ കുടും​ബ​ങ്ങ​ളു​ടെ, അതായത്‌ മാതാ​പി​താ​ക്ക​ളിൽ ഒരാൾ ഉള്ളതും ക്രിസ്‌ത്യാ​നി​യാ​യി ഒരാൾ മാത്ര​മു​ള്ള​തു​മായ കുടും​ബ​ങ്ങ​ളു​ടെ സ്വര​ത്തോട്‌, അവർ തങ്ങളുടെ സ്വരം കൂട്ടി​ച്ചേർത്തി​രി​ക്കു​ന്നു. ലോക​വ്യാ​പ​ക​മാ​യുള്ള തങ്ങളുടെ സഹ ക്രിസ്‌ത്യാ​നി​ക​ളോ​ടൊ​പ്പം ശ്രീല​ങ്ക​യി​ലെ സാക്ഷികൾ പറുദീ​സ​യു​ടെ പുനഃ​സ്ഥാ​പ​ന​ത്തി​നാ​യി നോക്കി​പ്പാർത്തി​രി​ക്കു​ന്നു. ശ്രീല​ങ്ക​യു​ടെ കടൽ തീരങ്ങ​ളും പർവത​ങ്ങ​ളും കാണു​മ്പോൾ ഇപ്പോൾപോ​ലും അതു നമ്മുടെ മനസ്സിൽ ഉണരുന്നു.

[അടിക്കു​റി​പ്പു​കൾ]

[24, 25 പേജു​ക​ളി​ലെ ചിത്രങ്ങൾ]

ശ്രീലങ്കയിൽ അനേകർ ക്രിസ്‌തീയ പ്രസംഗ-പഠിപ്പി​ക്കൽ വേല​യോ​ടു പ്രതി​ക​രി​ക്കു​ന്നുണ്ട്‌