ഒളിമി​ന്ന​ലു​കൾ—വലുതും ചെറു​തും (ഭാഗം രണ്ട്‌)

“നിന്റെ പ്രകാ​ശ​ത്തിൽ ഞങ്ങൾ പ്രകാശം കാണുന്നു.”—സങ്കീർത്ത​നങ്ങൾ 36:9.

1. വെളി​പാട്‌ പുസ്‌ത​ക​ത്തി​ന്റെ പ്രതീ​കാത്മ സംഗതി​കൾ മനസ്സി​ലാ​ക്കാൻ നടത്തിയ ആദ്യകാല ശ്രമങ്ങൾ ഏതെല്ലാം?

ആദിമ കാലം​തൊ​ട്ടേ ക്രിസ്‌ത്യാ​നി​കളെ ആകാം​ക്ഷാ​ഭ​രി​ത​രാ​ക്കി​യി​ട്ടുള്ള ഒരു പുസ്‌ത​ക​മാ​ണു വെളി​പാട്‌. സത്യ​ത്തെ​ക്കു​റി​ച്ചുള്ള പ്രകാശം എന്നെ​ത്തെ​ക്കാ​ളു​മു​പരി ശോഭി​ച്ചു​കൊ​ണ്ടി​രി​ക്കു​ന്നു എന്നതിന്റെ ഒരു ഉത്തമ മാതൃക അതു പ്രദാനം ചെയ്യുന്നു. 1917-ൽ പൂർത്തി​യായ മർമം (ഇംഗ്ലീഷ്‌) എന്ന പുസ്‌ത​ക​ത്തിൽ യഹോ​വ​യു​ടെ ജനം വെളി​പ്പാ​ടു പുസ്‌ത​ക​ത്തി​ന്റെ ഒരു വിശദീ​ക​രണം പ്രസി​ദ്ധീ​ക​രി​ച്ചു. അതു ക്രൈ​സ്‌ത​വ​ലോ​ക​ത്തി​ലെ മത, രാഷ്‌ട്രീയ നേതാ​ക്കൻമാ​രെ നിർഭയം തുറന്നു​കാ​ട്ടി. എന്നാൽ വിവിധ ഉറവി​ട​ങ്ങ​ളിൽനിന്ന്‌ എടുത്തി​ട്ടു​ള്ള​താ​യി​രു​ന്നു അതിലെ മിക്ക വിശദീ​ക​ര​ണ​ങ്ങ​ളും. എന്നുവ​രി​കി​ലും, യഹോവ ഉപയോ​ഗി​ക്കുന്ന ദൃശ്യ​സ​ര​ണി​യോ​ടുള്ള ബൈബിൾ വിദ്യാർഥി​ക​ളു​ടെ വിശ്വ​സ്‌തത പരി​ശോ​ധി​ക്കാൻ പൂർത്തി​യായ മർമം ഉപകരി​ച്ചു.

2. “ഒരു ജനതയു​ടെ ജനനം” എന്ന ലേഖനം വെളി​പാട്‌ പുസ്‌ത​ക​ത്തിൻമേൽ എന്തു പ്രകാശം ചൊരി​ഞ്ഞു?

² വെളി​പാട്‌ പുസ്‌ത​ക​ത്തിൻമേൽ ഒരു ശ്രദ്ധേ​യ​മായ ഒളിമി​ന്നൽ ലഭിച്ച ഒന്നായി​രു​ന്നു 1925 മാർച്ച്‌ 1-ലെ ദ വാച്ച്‌ ടവറിൽ പ്രസി​ദ്ധീ​ക​രിച്ച “ഒരു ജനതയു​ടെ ജനനം” എന്ന ലേഖനം. വെളി​പ്പാ​ടു 12-ാം അധ്യായം വർണി​ക്കു​ന്നതു പുറജാ​തി റോമും പാപ്പാ​യു​ടെ അധീന​ത​യി​ലുള്ള റോമും തമ്മിലുള്ള യുദ്ധ​ത്തെ​യും ആൺകുട്ടി പ്രതി​നി​ധാ​നം ചെയ്യു​ന്നതു പാപ്പാ​മേ​ധാ​വി​ത്വ​ത്തെ​യും ആണെന്നാ​യി​രു​ന്നു ധരിച്ചി​രു​ന്നത്‌. എന്നാൽ വെളി​പ്പാ​ടു 11:15-18-ന്റെ അടിസ്ഥാ​ന​ത്തിൽ നോക്കു​മ്പോൾ അധ്യായം 12-ന്റെ സൂചന ദൈവ​രാ​ജ്യ​ത്തി​ന്റെ ജനന​ത്തെ​പ്പ​റ​റി​യാ​ണെന്ന്‌ ആ ലേഖനം പ്രകട​മാ​ക്കി.

3. വെളി​പാ​ടിൻമേൽ കൂടു​ത​ലായ പ്രകാശം ചൊരിഞ്ഞ പ്രസി​ദ്ധീ​ക​ര​ണ​ങ്ങ​ളേവ?

³ ഇതി​ന്റെ​യൊ​ക്കെ ഫലമാ​യി​രു​ന്നു വെളി​പാട്‌ പുസ്‌ത​ക​ത്തെ​ക്കു​റി​ച്ചു വളരെ​യ​ധി​കം വ്യക്തമായ ഗ്രാഹ്യം പ്രദാനം ചെയ്യുന്ന പ്രകാശം (ഇംഗ്ലീഷ്‌) എന്ന പുസ്‌ത​ക​ത്തി​ന്റെ പ്രസി​ദ്ധീ​ക​രണം. രണ്ടു വാല്യ​ങ്ങ​ളി​ലുള്ള ഈ പുസ്‌തകം 1930-ലായി​രു​ന്നു പ്രസി​ദ്ധീ​ക​രി​ച്ചത്‌. “മഹാബാ​ബി​ലോൻ വീണി​രി​ക്കു​ന്നു!” ദൈവ​രാ​ജ്യം ഭരിക്കു​ന്നു! (ഇംഗ്ലീഷ്‌, 1963), “ദൈവ​ത്തി​ന്റെ മർമം പൂർത്തി​യാ​യി​രി​ക്കു​ന്നു” (ഇംഗ്ലീഷ്‌ 1969) എന്നിവ​യിൽ കൂടുതൽ പരിഷ്‌ക​രിച്ച വിവരങ്ങൾ പ്രത്യ​ക്ഷ​മാ​യി. എങ്കിലും, വെളി​പാട്‌ എന്ന പ്രാവ​ച​നിക പുസ്‌ത​ക​ത്തെ​പ്പ​ററി പഠിക്കാൻ പിന്നെ​യു​മു​ണ്ടാ​യി​രു​ന്നു ഏറെ കാര്യങ്ങൾ. അതേ, 1988-ൽ വെളി​പാട്‌—അതിന്റെ മഹത്തായ പാരമ്യം സമീപി​ച്ചി​രി​ക്കു​ന്നു! (ഇംഗ്ലീഷ്‌) എന്ന പുസ്‌തകം പ്രസി​ദ്ധീ​ക​രി​ച്ച​തോ​ടെ അതിൻമേൽ കൂടുതൽ ശോഭ​യുള്ള പ്രകാശം ചൊരി​ഞ്ഞു. വെളി​പാ​ടി​ലെ പ്രവച​നങ്ങൾ ബാധക​മാ​കു​ന്നത്‌ 1914-ൽ ആരംഭിച്ച “കർത്താ​വി​ന്റെ ദിവസ”ത്തിലാ​ണെന്ന വസ്‌തു​ത​യാണ്‌ ഈ ക്രമാ​നു​ഗത പ്രബു​ദ്ധ​ത​യ്‌ക്കുള്ള താക്കോൽ എന്നു പറയാം. (വെളി​പാട്‌ 1:10, NW) അതു​കൊണ്ട്‌, ആ ദിവസം പുരോ​ഗ​മി​ക്കു​ന്ന​ത​നു​സ​രിച്ച്‌ വെളി​പാട്‌ പുസ്‌തകം കൂടു​തൽക്കൂ​ടു​തൽ വ്യക്തമാ​യി മനസ്സി​ലാ​ക്കാ​നാ​വും.

“ഉന്നത അധികാ​രങ്ങൾ” വ്യക്തമാ​ക്ക​പ്പെ​ട്ടു

4, 5. (എ) ബൈബിൾ വിദ്യാർഥി​കൾ റോമർ 13:1-നെ എങ്ങനെ​യാ​ണു വീക്ഷി​ച്ചി​രു​ന്നത്‌? (ബി) “ഉന്നത അധികാ​രങ്ങൾ” സംബന്ധി​ച്ചുള്ള തിരു​വെ​ഴു​ത്തു നിലപാ​ടി​നെ​ക്കു​റി​ച്ചു പിന്നീട്‌ എന്തു മനസ്സി​ലാ​ക്കി?

⁴ “ഓരോ ദേഹി​യും ഉന്നത അധികാ​ര​ങ്ങൾക്കു [“ശ്രേഷ്‌ഠാ​ധി​കാ​രി​കൾക്കു,” NW] കീഴട​ങ്ങട്ടെ” എന്നു പറയുന്ന റോമർ 13:1-നോടുള്ള ബന്ധത്തിൽ ശോഭാ​ന​മ​യ​മായ ഒരു ഒളിമി​ന്നൽ 1962-ൽ കാണു​ക​യു​ണ്ടാ​യി. (ജയിംസ്‌ രാജാ​വി​ന്റെ ഭാഷാ​ന്തരം) അവിടെ സൂചി​പ്പി​ക്കുന്ന “ഉന്നത അധികാ​രങ്ങൾ” പരാമർശി​ക്കു​ന്നതു ലൗകിക അധികാ​രി​ക​ളെ​യാ​ണെന്ന്‌ ആദ്യകാല ബൈബിൾ വിദ്യാർഥി​കൾ മനസ്സി​ലാ​ക്കി. യുദ്ധത്തി​നു​വേണ്ടി ഒരു ക്രിസ്‌ത്യാ​നി​യെ തിര​ഞ്ഞെ​ടു​ക്കു​ന്നെ​ങ്കിൽ, അയാൾ യൂണി​ഫോ​മിട്ട്‌, തോക്കു​മെ​ടുത്ത്‌ യുദ്ധസ്ഥ​ല​ത്തുള്ള കിടങ്ങു​ക​ളി​ലേക്കു പോകാൻ കടപ്പെ​ട്ട​വ​നാ​ണെന്ന സൂചന​യാണ്‌ ഈ തിരു​വെ​ഴു​ത്തു നൽകു​ന്ന​തെന്ന്‌ അവർ മനസ്സി​ലാ​ക്കി. ക്രിസ്‌ത്യാ​നി​കൾക്ക്‌ ഒരു സഹമനു​ഷ്യ​നെ കൊല്ലാൻ പാടി​ല്ലാ​ത്ത​തു​കൊണ്ട്‌, നിർവാ​ഹ​മി​ല്ലാ​തെ​വ​ന്നാൽ താൻ ആകാശ​ത്തേക്കു നിറ​യൊ​ഴി​ക്കാൻ നിർബ​ന്ധി​ത​നാ​യി​ത്തീ​രു​മെന്ന ചിന്തയാ​യി​രു​ന്നു അവർക്ക്‌.a

⁵ “കൈസർക്കു​ള്ളതു കൈസർക്കും ദൈവ​ത്തി​ന്നു​ള്ളതു ദൈവ​ത്തി​ന്നും കൊടു​പ്പിൻ” എന്ന മത്തായി 22:21-ലെ യേശു​വി​ന്റെ വാക്കുകൾ ചർച്ച​ചെ​യ്‌തു​കൊണ്ട്‌ 1962 നവംബർ 15-ലെയും ഡിസംബർ 1-ലെയും ദ വാച്ച്‌ ടവർ പ്രസ്‌തുത വിഷയം​സം​ബ​ന്ധി​ച്ചു വ്യക്തമായ പ്രകാശം ചൊരി​ഞ്ഞു. “മനുഷ്യ​രെ​ക്കാൾ ദൈവത്തെ അനുസ​രി​ക്കേ​ണ്ട​താ​കു​ന്നു” എന്ന പ്രവൃ​ത്തി​കൾ 5:29-ലെ അപ്പോ​സ്‌ത​ലൻമാ​രു​ടെ വാക്കു​ക​ളും പ്രസക്ത​മാ​യി​രു​ന്നു. ക്രിസ്‌ത്യാ​നി​കൾ “ഉന്നത അധികാ​രങ്ങ”ളായ കൈസ​രി​നു കീഴ്‌പെ​ട്ടി​രി​ക്കു​ന്നു, എന്നാൽ ക്രിസ്‌ത്യാ​നി ദൈവ​നി​യ​മങ്ങൾ ലംഘി​ക്കാൻ ആവശ്യ​പ്പെ​ടാ​തി​രി​ക്കു​ന്നി​ട​ത്തോ​ളം കാലമേ ഇത്‌ അങ്ങനെ​യാ​യി​രി​ക്കു​ന്നു​ള്ളു. കൈസ​റി​നോ​ടുള്ള കീഴ്‌പെടൽ സമ്പൂർണമല്ല, ആപേക്ഷി​ക​മാ​ണെന്നു മനസ്സി​ലാ​ക്കി. ദൈവ​ത്തി​ന്റെ നിബന്ധ​ന​കൾക്ക്‌ എതിര​ല്ലാത്ത സംഗതി​കൾ മാത്രമേ ക്രിസ്‌ത്യാ​നി​കൾ കൈസർക്കു കൊടു​ക്കു​ന്നു​ള്ളു. ആ വിഷയം സംബന്ധി​ച്ചു വ്യക്തമായ പ്രകാശം ലഭിച്ചത്‌ എത്ര സംതൃ​പ്‌തി​ദാ​യ​ക​മാ​യി​രു​ന്നു!

സംഘട​നാ​പ​ര​മായ കാര്യങ്ങൾ സംബന്ധിച്ച ഒളിമി​ന്ന​ലു​കൾ

6. (എ) ക്രൈ​സ്‌ത​വ​ലോ​ക​ത്തിൽ നിലനിൽക്കു​ന്ന​തു​പോ​ലെ​യുള്ള ഒരു അധികാ​ര​ശ്രേണി രൂപം​കൊ​ള്ളാ​തി​രി​ക്കാൻ ഏതു തത്ത്വം സ്വീക​രി​ക്ക​പ്പെട്ടു? (ബി) സഭയുടെ മേൽവി​ചാ​ര​ണ​യു​ള്ള​വരെ തിര​ഞ്ഞെ​ടു​ക്കു​ന്ന​തി​നുള്ള ശരിയായ വിധം അവസാനം ഏതാ​ണെന്നു മനസ്സി​ലാ​യി?

⁶ സഭകളിൽ മൂപ്പൻമാ​രാ​യും ഡീക്കൻമാ​രാ​യും സേവി​ക്കേ​ണ്ട​താ​രൊ​ക്കെ​യെന്ന പ്രശ്‌ന​മു​ണ്ടാ​യി​രു​ന്നു. ഓരോ സഭയിലെ അംഗങ്ങ​ളും വോ​ട്ടെ​ടു​പ്പി​ലൂ​ടെ ജനാധി​പ​ത്യ​പ​ര​മാ​യാണ്‌ അവരെ തിര​ഞ്ഞെ​ടു​ക്കേ​ണ്ടത്‌ എന്നും അങ്ങനെ​യാ​വു​മ്പോൾ ക്രൈ​സ്‌ത​വ​ലോ​ക​ത്തിൽ നിലനിൽക്കു​ന്ന​തു​പോ​ലെ​യുള്ള ഒരു അധികാ​ര​ശ്രേണി രൂപം​കൊ​ള്ളി​ല്ലെ​ന്നും നിഗമനം ചെയ്‌തു. ജനനി​യുക്ത മൂപ്പൻമാർ എന്നതു തിരു​വെ​ഴു​ത്തു​പ​ര​മായ ആശയമ​ല്ലെന്ന്‌ 1932 സെപ്‌റ​റം​ബർ 1-ലെയും ഒക്‌ടോ​ബർ 15-ലെയും ദ വാച്ച്‌ട​വ​റി​ലു​ണ്ടാ​യി​രുന്ന കൂടു​ത​ലായ പ്രകാശം പ്രകട​മാ​ക്കി. അതു​കൊണ്ട്‌, അവർക്കു പകരം സേവന​ക്ക​മ്മി​ററി വരിക​യും സേവന ഡയറക്ടറെ സൊ​സൈ​ററി തിര​ഞ്ഞെ​ടു​ക്കു​ക​യും ചെയ്‌തു.

7. സഭയിൽ ശുശ്രൂ​ഷകർ നിയമി​ക്ക​പ്പെ​ടുന്ന വിധത്തിൽ ഒളിമി​ന്ന​ലു​കൾ ഹേതു​വാ​യി ഏതു പുരോ​ഗ​തി​ക​ളു​ണ്ടാ​യി?

⁷ സഭാ​സേ​വ​കരെ തിര​ഞ്ഞെ​ടു​ക്കു​കയല്ല, നിയമി​ക്കു​ക​യാണ്‌, അതായത്‌, ദിവ്യാ​ധി​പ​ത്യ​പ​ര​മാ​യി നിയമി​ക്കു​ക​യാണ്‌ വേണ്ടത്‌ എന്നു പ്രകട​മാ​ക്കുന്ന ഒളിമി​ന്ന​ലു​കൾ അടങ്ങു​ന്ന​താ​യി​രു​ന്നു 1938 ജൂൺ 1-ലെയും ജൂൺ 15-ലെയും ദ വാച്ച്‌ടവർ. ഓരോ സഭയു​ടെ​യും മേൽവി​ചാ​രണ നടത്തേ​ണ്ടത്‌ ഒരു സഭാദാ​സൻ ആയിരി​ക്ക​രുത്‌, മറിച്ച്‌ ഓരോ സഭയു​ടെ​യും മേൽവി​ചാ​രണ യഹോ​വ​യു​ടെ സാക്ഷി​ക​ളു​ടെ ഭരണസം​ഘം നിയമി​ക്കുന്ന മൂപ്പൻമാ​രു​ടെ, മേൽവി​ചാ​ര​കൻമാ​രു​ടെ, സംഘത്തി​നാ​യി​രി​ക്ക​ണ​മെന്ന്‌ 1971-ൽ മറെറാ​രു ഒളിമി​ന്നൽ പ്രകട​മാ​ക്കി. മൂപ്പൻമാ​രും ഇന്നു ശുശ്രൂ​ഷാ​ദാ​സൻമാർ എന്നറി​യ​പ്പെ​ടുന്ന ഡീക്കൻമാ​രും നിയമി​ക്ക​പ്പെ​ടേ​ണ്ടത്‌ “വിശ്വ​സ്‌ത​നും വിവേ​കി​യു​മായ അടിമ”യിലൂടെ, അതിന്റെ ഭരണസം​ഘ​ത്തി​ലൂ​ടെ, ആയിരി​ക്ക​ണ​മെന്ന്‌ ഏതാണ്ടു 40 വർഷം​കൊണ്ട്‌ അധിക​മ​ധി​ക​മാ​യി ലഭിച്ച പ്രകാ​ശ​ത്തി​ലൂ​ടെ വ്യക്തമാ​യി​ത്തീർന്നു. (മത്തായി 24:45-47) ഇത്‌ അപ്പോ​സ്‌ത​ലിക കാലഘ​ട്ട​ത്തിൽ സംഭവി​ച്ച​തി​നോ​ടു ചേർച്ച​യി​ലാ​യി​രു​ന്നു. തിമോ​ത്തി​യും തീത്തോ​സും പോ​ലെ​യുള്ള പുരു​ഷൻമാ​രെ മേൽവി​ചാ​ര​കൻമാ​രാ​യി നിയമി​ച്ചത്‌ ഒന്നാം നൂററാ​ണ്ടി​ലെ ഭരണസം​ഘ​മാ​യി​രു​ന്നു. (1 തിമൊ​ഥെ​യൊസ്‌ 3:1-7; 5:22; തീത്തൊസ്‌ 1:5-9) ഇതെല്ലാം യെശയ്യാ​വു 60:17-ന്റെ ശ്രദ്ധേ​യ​മായ നിവൃ​ത്തി​യാണ്‌: “ഞാൻ താമ്ര​ത്തി​ന്നു പകരം സ്വർണ്ണം വരുത്തും; ഇരിമ്പി​ന്നു പകരം വെള്ളി​യും മരത്തിന്നു പകരം താമ്ര​വും കല്ലിന്നു പകരം ഇരിമ്പും വരുത്തും; ഞാൻ സമാധാ​നത്തെ നിനക്കു നായകൻമാ​രും നീതിയെ നിനക്കു അധിപ​തി​മാ​രും ആക്കും.”

8. (എ) അധിക​മ​ധി​ക​മാ​യി ലഭിച്ച സത്യം സൊ​സൈ​ററി പ്രവർത്തിച്ച വിധത്തിൽ ഏതു പുരോ​ഗ​തി​കൾ വരുത്തി? (ബി) ഭരണസം​ഘ​ത്തി​ലെ കമ്മിറ​റി​കൾ ഏതെല്ലാം, അവരുടെ പ്രവർത്ത​ന​ത്തി​ന്റെ, അഥവാ മേൽവി​ചാ​ര​ണ​യു​ടെ, യഥാ​ക്ര​മ​മാ​യുള്ള മണ്ഡലങ്ങൾ ഏതെല്ലാം?

⁸ വാച്ച്‌ ടവർ സൊ​സൈ​റ​റി​യു​ടെ പ്രവർത്തനം സംബന്ധി​ച്ചു​ള്ള​താ​യി​രു​ന്നു മറ്റൊന്ന്‌. വർഷങ്ങ​ളോ​ളം വാച്ച്‌ ടവർ ബൈബിൾ ആൻഡ്‌ ട്രാക്‌ററ്‌ സൊ​സൈ​ററി ഓഫ്‌ പെൻസിൽവേ​നി​യ​യു​ടെ ബോർഡ്‌ ഡയറക്‌ടേ​ഴ്‌സ്‌ത​ന്നെ​യാ​യി​രു​ന്നു യഹോ​വ​യു​ടെ സാക്ഷി​ക​ളു​ടെ ഭരണസം​ഘം. സംഗതി​കൾ ഏറിയ​പ​ങ്കും അതിന്റെ പ്രസി​ഡൻറി​ന്റെ കയ്യിലാ​യി​രു​ന്നു. 1977-ലെ യഹോ​വ​യു​ടെ സാക്ഷി​ക​ളു​ടെ വാർഷി​ക​പ്പു​സ്‌ത​ക​ത്തിൽ (258-9 പേജുകൾ) പ്രകട​മാ​ക്കി​യി​രി​ക്കു​ന്ന​തു​പോ​ലെ, 1976-ൽ, ഭരണസം​ഘം ആറു കമ്മിറ​റി​ക​ളു​മാ​യി ഒത്തു​ചേർന്നു പ്രവർത്തി​ക്കാൻ തുടങ്ങി. ലോക​വ്യാ​പ​ക​വേ​ല​യു​ടെ ഒരു നിശ്ചിത വശത്തു ശ്രദ്ധ കേന്ദ്രീ​ക​രി​ക്കാ​നുള്ള നിയമ​ന​മു​ള്ള​വ​യാ​യി​രു​ന്നു ഓരോ കമ്മിറ​റി​യും. ലോക​വ്യാ​പ​ക​മാ​യുള്ള ബെഥേൽ കുടും​ബ​ങ്ങ​ളിൽ സേവി​ക്കുന്ന സകലരു​ടെ​യും കാര്യ​ങ്ങ​ളുൾപ്പെടെ ജോലി​ക്കാ​രു​ടെ കാര്യങ്ങൾ നോക്കുന്ന പേഴ്‌സണൽ കമ്മിററി. വസ്‌തു​വ​ക​ക​ളും അച്ചടി​യും പോലുള്ള സകല ലൗകി​ക​വും നിയമ​പ​ര​വു​മായ സംഗതി​കൾ നോക്കുന്ന പബ്ലിഷിങ്‌ കമ്മിററി. സാക്ഷ്യ​വേ​ല​യു​ടെ കാര്യം നോക്കു​ക​യും സഞ്ചാര​മേൽവി​ചാ​ര​കൻമാ​രു​ടെ​യും പയനി​യർമാ​രു​ടെ​യും സഭാ പ്രസാ​ധ​ക​രു​ടെ പ്രവർത്ത​ന​ങ്ങ​ളു​ടെ​യും കാര്യം ശ്രദ്ധി​ക്കു​ക​യും ചെയ്യുന്ന സർവീസ്‌ കമ്മിററി. സഭാ​യോ​ഗങ്ങൾ, പ്രത്യേക സമ്മേള​നങ്ങൾ, സർക്കിട്ട്‌ സമ്മേള​നങ്ങൾ, ഡിസ്‌ട്രി​ക്‌ററ്‌, സാർവ​ദേ​ശീയ കൺ​വെൻ​ഷ​നു​കൾ, കൂടാതെ ദൈവ​ജ​ന​ത്തി​ന്റെ ആത്മീയ വിദ്യാ​ഭ്യാ​സ​ത്തി​നാ​യുള്ള വ്യത്യസ്‌ത സ്‌കൂ​ളു​കൾ എന്നിവ​യു​ടെ ഉത്തരവാ​ദി​ത്വ​മുള്ള ടീച്ചിങ്‌ കമ്മിററി. സകല രൂപത്തി​ലു​മുള്ള പ്രസി​ദ്ധീ​ക​ര​ണങ്ങൾ തയ്യാറാ​ക്കു​ക​യും അവയുടെ പരിഭാഷ നിർവ​ഹി​ക്കു​ക​യും സകലതും തിരു​വെ​ഴു​ത്തു​കൾക്കു ചേർച്ച​യി​ലാ​ണെന്ന്‌ ഉറപ്പു​വ​രു​ത്തു​ക​യും ചെയ്യുന്ന റൈറ​റിങ്‌ കമ്മിററി. അടിയ​ന്തിര ഘട്ടങ്ങളു​ടെ​യും അടിയ​ന്തിര സംഗതി​ക​ളു​ടെ​യും കാര്യ​നിർവ​ഹ​ണ​മുള്ള ചെയർമാൻസ്‌ കമ്മിററി. കൂടാതെ, 1970-കളിൽ വാച്ച്‌ ടവർ സൊ​സൈ​റ​റി​യു​ടെ ബ്രാഞ്ച്‌ ഓഫീ​സു​കൾ ഒരു മേൽവി​ചാ​ര​കനു പകരം ഒരു കമ്മിറ​റി​യു​ടെ നിയ​ന്ത്ര​ണ​ത്തിൽ പ്രവർത്തി​ക്കാൻ തുടങ്ങി.b

ക്രിസ്‌തീയ നടത്ത സംബന്ധിച്ച പ്രകാശം

9. ലോക​ഗ​വൺമെൻറു​ക​ളു​മാ​യുള്ള ക്രിസ്‌ത്യാ​നി​ക​ളു​ടെ ബന്ധത്തെ സത്യത്തി​ന്റെ പ്രകാശം എങ്ങനെ ബാധിച്ചു?

⁹ ക്രിസ്‌തീയ നടത്തയെ ബാധി​ക്കുന്ന ഒളിമി​ന്നൽ അനേക​മു​ണ്ടാ​യി. ഉദാഹ​ര​ണ​ത്തിന്‌, നിഷ്‌പ​ക്ഷ​ത​യു​ടെ കാര്യം പരിചി​ന്തി​ക്കുക. വിശേ​ഷി​ച്ചും വർണാ​ഭ​മായ ഒരു ഒളിമി​ന്നൽ ഈ വിഷയ​ത്തിൻമേൽ മിന്നു​ന്ന​താ​യി​രു​ന്നു 1939 നവംബർ 1 ദ വാച്ച്‌ട​വ​റിൽ പ്രത്യ​ക്ഷ​പ്പെട്ട “നിഷ്‌പക്ഷത” എന്ന ലേഖനം. രണ്ടാം ലോക​മ​ഹാ​യു​ദ്ധം തുടങ്ങി​യ​തി​നു​ശേഷം അതു വന്നത്‌ എത്ര കാലോ​ചി​ത​മാ​യി​രു​ന്നു! നിഷ്‌പ​ക്ഷ​തയെ നിർവ​ചി​ക്കു​ന്ന​തും ക്രിസ്‌ത്യാ​നി​കൾ രാഷ്‌ട്ര​ങ്ങ​ളു​ടെ രാഷ്‌ട്രീയ കാര്യ​ങ്ങ​ളി​ലോ പോരാ​ട്ട​ങ്ങ​ളി​ലോ ഉൾപ്പെ​ട​രു​തെന്നു പ്രകട​മാ​ക്കു​ക​യും ചെയ്യു​ന്ന​താ​യി​രു​ന്നു ആ ലേഖനം. (മീഖാ 4:3, 5; യോഹ​ന്നാൻ 17:14, 16) ഇതാണു സകല രാഷ്‌ട്ര​ങ്ങ​ളും അവരെ വെറു​ക്കാ​നി​ട​യാ​ക്കിയ ഒരു ഘടകം. (മത്തായി 24:9) മത്തായി 26:52-ൽ യേശു വ്യക്തമാ​ക്കു​ന്ന​തു​പോ​ലെ, ഇക്കാര്യ​ത്തിൽ പുരാതന ഇസ്രാ​യേ​ലി​ന്റെ യുദ്ധങ്ങൾ ഒരു കീഴ്‌വ​ഴക്കം പ്രദാനം ചെയ്യു​ന്നില്ല. മാത്രമല്ല, പുരാതന ഇസ്രാ​യേ​ലി​ന്റെ കാര്യ​ത്തി​ലെ​ന്ന​പോ​ലെ, ഇന്നത്തെ ഒരു രാഷ്ടീയ ജനതയും ദൈവ​ത്താൽ ഭരിക്ക​പ്പെ​ടു​ന്നില്ല, അതു​കൊ​ണ്ടു​തന്നെ ദിവ്യാ​ധി​പ​ത്യ​വു​മല്ല.

10. ക്രിസ്‌ത്യാ​നി​കൾ രക്തത്തെ എങ്ങനെ വീക്ഷി​ക്ക​ണ​മെ​ന്നതു സംബന്ധിച്ച്‌ ഒളിമി​ന്ന​ലു​കൾ എന്തു വെളി​പ്പെ​ടു​ത്തി?

¹⁰ രക്തത്തിന്റെ വിശുദ്ധി സംബന്ധി​ച്ചും പ്രകാശം ചൊരി​യു​ക​യു​ണ്ടാ​യി. പ്രവൃ​ത്തി​കൾ 15:28, 29-ലെ രക്തം ഭക്ഷിക്കു​ന്ന​തി​നെ​തി​രായ വിലക്ക്‌ യഹൂദ ക്രിസ്‌ത്യാ​നി​കൾക്കു മാത്ര​മാ​യി പരിമി​ത​പ്പെ​ടു​ത്തി​യി​രു​ന്നു എന്നാണു ചില ബൈബിൾ വിദ്യാർഥി​കൾ വിചാ​രി​ച്ചി​രു​ന്നത്‌. എന്നാൽ, അപ്പോ​സ്‌ത​ലിക കാലഘ​ട്ട​ത്തിൽ വിശ്വാ​സി​ക​ളാ​യി​ത്തീർന്ന ജനതകൾക്കും ഈ കൽപ്പന ബാധക​മാ​ക്കി​യെന്നു പ്രവൃ​ത്തി​കൾ 21:25 പ്രകട​മാ​ക്കു​ന്നു. അതു​കൊണ്ട്‌, 1945 ജൂലൈ 1 ദ വാച്ച്‌ട​വ​റിൽ പ്രകട​മാ​ക്കി​യി​രി​ക്കു​ന്ന​തു​പോ​ലെ, രക്തത്തിന്റെ വിശുദ്ധി സകല ക്രിസ്‌ത്യാ​നി​കൾക്കും ബാധക​മാണ്‌. രക്ഷ സോസി​ജി​ന്റെ കാര്യ​ത്തിൽ ചെയ്യു​ന്ന​തു​പോ​ലെ മൃഗരക്തം ഭക്ഷിക്കു​ന്നതു വർജി​ക്ക​ണ​മെന്നു മാത്രമല്ല, രക്തപ്പകർച്ച​യു​ടെ കാര്യ​ത്തിൽ മനുഷ്യ​ര​ക്ത​വും വർജി​ക്ക​ണ​മെ​ന്നാണ്‌ അതിന്റെ അർഥം.

11. പുകയി​ല​യു​ടെ ഉപയോ​ഗം സംബന്ധി​ച്ചുള്ള ക്രിസ്‌ത്യാ​നി​യു​ടെ വീക്ഷണ​ത്തെ​ക്കു​റിച്ച്‌ എന്തു മനസ്സി​ലാ​യി?

¹¹ കൂടു​ത​ലായ പ്രകാശം ലഭിച്ച​തി​ന്റെ ഫലമായി, ആദ്യം നിസ്സാ​ര​മെന്നു കരുതി​യി​രുന്ന ശീലങ്ങൾ പിന്നീട്‌ ഉചിത​മായ ഗൗരവ​ത്തോ​ടെ കൈകാ​ര്യം ചെയ്യ​പ്പെട്ടു. ഇതിനുള്ള ഒരു ഉദാഹ​രണം പുകയി​ല​യു​ടെ ഉപയോ​ഗം സംബന്ധി​ച്ചു​ള്ള​താ​യി​രു​ന്നു. 1895 ആഗസ്‌ററ്‌ 1-ലെ സീയോ​ന്റെ വീക്ഷാ​ഗോ​പു​ര​ത്തിൽ 1 കൊരി​ന്ത്യർ 10:31-ലേക്കും 2 കൊരി​ന്ത്യർ 7:1-ലേക്കും ശ്രദ്ധ ക്ഷണിച്ചു​കൊണ്ട്‌ റസ്സൽ സഹോ​ദരൻ ഇങ്ങനെ എഴുതി: “ഒരു ക്രിസ്‌ത്യാ​നി ഏതെങ്കി​ലും തരത്തി​ലുള്ള പുകയില ഉപയോ​ഗി​ക്കു​ന്നെ​ങ്കിൽ അതു ദൈവ​ത്തി​ന്റെ മഹത്ത്വ​ത്തി​നോ ആ വ്യക്തി​യു​ടെ​തന്നെ സ്വന്തം മെച്ചത്തി​നോ എങ്ങനെ ഉപകരി​ക്കു​മെന്ന്‌ എനിക്കു മനസ്സി​ലാ​ക്കാ​നാ​വു​ന്നില്ല.” പുകയില ഉപയോ​ഗി​ക്കുന്ന യാതൊ​രാൾക്കും ഒരു യഹോ​വ​യു​ടെ സാക്ഷി​യാ​യി​രി​ക്കാൻ കഴിയി​ല്ലെന്ന്‌ 1973 മുതൽ വ്യക്തമാ​യി മനസ്സി​ലാ​യി​രി​ക്കു​ക​യാണ്‌. ഒരു സാക്ഷിക്കു ചൂതാ​ട്ട​ങ്ങ​ളിൽ പങ്കെടു​ക്കാ​നും അതേസ​മയം സഭയിൽ തുടരാ​നും സാധി​ക്കി​ല്ലെന്ന്‌ 1976-ൽ വ്യക്തമാ​ക്ക​പ്പെട്ടു.

മററു ശുദ്ധി​വ​രു​ത്ത​ലു​കൾ

12. (എ) പത്രോ​സി​നെ ഏൽപ്പിച്ച താക്കോ​ലു​ക​ളു​ടെ എണ്ണത്തെ​ക്കു​റിച്ച്‌ ഒരു ഒളിമി​ന്നൽ എന്തു വെളി​പ്പെ​ടു​ത്തി? (ബി) പത്രോസ്‌ ഓരോ താക്കോ​ലും ഉപയോ​ഗിച്ച സാഹച​ര്യ​ങ്ങൾ ഏവ?

¹² യേശു പത്രോ​സി​നു കൊടുത്ത പ്രതീ​കാ​ത്മക താക്കോ​ലു​ക​ളു​ടെ എണ്ണത്തെ സംബന്ധി​ച്ചും വർധിച്ച പ്രകാശം ലഭിക്കു​ക​യു​ണ്ടാ​യി. പത്രോ​സി​നു രണ്ടു താക്കോ​ലു​കൾ ലഭിച്ചു​വെ​ന്നാ​യി​രു​ന്നു ബൈബിൾ വിദ്യാർഥി​ക​ളു​ടെ ധാരണ. രാജ്യാ​വ​കാ​ശി​കൾ ആയിത്തീ​രാൻ ആളുകൾക്കു വഴിതു​റന്നു കൊടു​ക്കാൻ യഹൂദൻമാർക്കു​വേണ്ടി പൊ.യു. 33-ൽ പെന്ത​ക്കോ​സ്‌ത്‌ ദിവസം ഉപയോ​ഗി​ച്ച​താ​യി​രു​ന്നു ഒരെണ്ണം. മറെറാ​ന്നു പൊ.യു. 36-ൽ വിജാ​തി​യർക്കു​വേണ്ടി ഉപയോ​ഗി​ച്ചു. പത്രോസ്‌ കൊർന്നേ​ലി​യ​സി​നോ​ടു പ്രസം​ഗി​ച്ച​പ്പോ​ഴാ​യി​രു​ന്നു വിജാ​തി​യർക്കു​വേണ്ടി അത്‌ ആദ്യമാ​യി ഉപയോ​ഗി​ക്ക​പ്പെ​ട്ടത്‌. (പ്രവൃ​ത്തി​കൾ 2:14-41; 10:34-48) എന്നാൽ ശമര്യ​ക്കാർ എന്നൊരു മൂന്നാ​മത്തെ കൂട്ടം​കൂ​ടി ഉൾപ്പെ​ട്ടി​രു​ന്ന​താ​യി കാല​ക്ര​മേണ മനസ്സി​ലാ​യി. അവർക്കു രാജ്യാ​വ​സരം തുറന്നു​കൊ​ടു​ത്തു​കൊണ്ട്‌ പത്രോസ്‌ രണ്ടാമത്തെ താക്കോൽ ഉപയോ​ഗി​ച്ചു. (പ്രവൃ​ത്തി​കൾ 8:14-17) അങ്ങനെ, പത്രോസ്‌ കൊർന്നേ​ലി​യ​സി​നോ​ടു പ്രസം​ഗി​ച്ച​പ്പോൾ മൂന്നാ​മത്തെ താക്കോൽ ഉപയോ​ഗി​ക്ക​പ്പെട്ടു.—ദ വാച്ച്‌ടവർ 1979 ഒക്‌ടോ​ബർ 1, പേജുകൾ 16-22, 26.

13. യോഹ​ന്നാൻ 10-ാം അധ്യാ​യ​ത്തിൽ പ്രതി​പാ​ദി​ച്ചി​രി​ക്കുന്ന തൊഴു​ത്തു​ക​ളെ​ക്കു​റി​ച്ചു ഒളിമി​ന്ന​ലു​കൾ എന്തു വെളി​പ്പെ​ടു​ത്തി?

¹³ കേവലം രണ്ടു തൊഴു​ത്തു​ക​ളെയല്ല, മൂന്നു തൊഴു​ത്തു​ക​ളെ​ക്കു​റി​ച്ചു യേശു പരാമർശി​ച്ചു​വെന്നു മറെറാ​രു പ്രകാ​ശ​ര​ശ്‌മി കാണി​ച്ചു​തന്നു. (യോഹ​ന്നാൻ, അധ്യായം 10) അവ ഇതൊ​ക്കെ​യാണ്‌: (1) സ്‌നാ​പ​ക​യോ​ഹ​ന്നാൻ വാതിൽക്കാ​വൽക്കാ​ര​നാ​യി​രുന്ന യഹൂദ​തൊ​ഴുത്ത്‌, (2) അഭിഷിക്ത രാജ്യാ​വ​കാ​ശി​ക​ളു​ടെ തൊഴുത്ത്‌, (3) ഭൗമിക പ്രത്യാ​ശ​യുള്ള “വേറെ ആടുകളു”ടെ തൊഴുത്ത്‌.—യോഹ​ന്നാൻ 10:2, 3, 15, 16; ദ വാച്ച്‌ടവർ 1984 ഫെബ്രു​വരി 15, പേജ്‌ 10-20.

14. വർധിച്ച പ്രകാശം പ്രതി​മാ​തൃ​ക​യി​ലുള്ള ജൂബി​ലി​യു​ടെ ആരംഭം സംബന്ധിച്ച സംഗതി​കൾ വ്യക്തമാ​ക്കി​യ​തെ​ങ്ങനെ?

¹⁴ പ്രതി​മാ​തൃ​ക​യി​ലുള്ള ജൂബി​ലി​യെ​ക്കു​റി​ച്ചുള്ള ഗ്രാഹ്യം കുറേ​ക്കൂ​ടി വ്യക്തമാ​ക്ക​പ്പെട്ടു. ന്യായ​പ്ര​മാ​ണ​ത്തിൻകീ​ഴിൽ ഓരോ 50-ാം വർഷവും മഹാ ജൂബിലി വർഷമാ​യി​രി​ക്ക​ണ​മാ​യി​രു​ന്നു. അന്യാ​ധീ​ന​പ്പെ​ട്ടു​പോയ വസ്‌തു​ക്ക​ളെ​ല്ലാം അന്നു യഥാർഥ ഉടമസ്ഥനു തിരികെ ലഭിക്കു​മാ​യി​രു​ന്നു. (ലേവ്യ​പു​സ്‌തകം 25:10) ക്രിസ്‌തു​വി​ന്റെ ആയിരം​വർഷ ഭരണത്തെ മുൻനി​ഴ​ലാ​ക്കു​ന്ന​താ​യി​രു​ന്നു ഇതെന്നു മുമ്പു​തന്നെ മനസ്സി​ലാ​ക്കി​യി​രു​ന്നു. എന്നാൽ പകരപ്പെട്ട പരിശു​ദ്ധാ​ത്മാ​വി​നെ സ്വീക​രി​ച്ചവർ മോ​ശൈക ന്യായ​പ്ര​മാണ ഉടമ്പടി​യു​ടെ നുകത്തിൽനി​ന്നു മോചി​ത​രാ​ക്ക​പ്പെട്ട സമയമായ പൊ.യു. 33-ലെ പെന്ത​ക്കോ​സ്‌തിൽ പ്രതി​മാ​തൃ​ക​യി​ലുള്ള ജൂബിലി വാസ്‌ത​വ​ത്തിൽ തുടങ്ങി​യെന്നു കുറേ​ക്കൂ​ടെ അടുത്ത കാലത്തു മനസ്സി​ലാ​ക്കി.—ദ വാച്ച്‌ടവർ 1987 ജനുവരി 1, പേജ്‌ 18-28.

സാങ്കേ​തിക പദങ്ങൾ സംബന്ധി​ച്ചുള്ള കൂടു​ത​ലായ പ്രകാശം

15. “പദ്ധതി” എന്ന പദത്തിന്റെ ഉപയോ​ഗ​ത്തിൻമേൽ ഏതു പ്രകാശം ചൊരി​യ​പ്പെട്ടു?

¹⁵ “ഇമ്പമാ​യുള്ള വാക്കു​ക​ളും നേരായി എഴുതി​യി​രി​ക്കു​ന്ന​വ​യും സത്യമാ​യുള്ള വചനങ്ങ​ളും കണ്ടെത്തു​വാൻ സഭാ​പ്ര​സം​ഗി ഉത്സാഹി​ച്ചു.” (സഭാ​പ്ര​സം​ഗി 12:10) നമ്മുടെ വിഷയ​ത്തോ​ടു നന്നായി ബന്ധിപ്പി​ക്കാ​വു​ന്ന​താണ്‌ ഈ വാക്കുകൾ. കാരണം പഠിപ്പി​ക്ക​ലും നടത്തയും​പോ​ലുള്ള പ്രധാന സംഗതി​ക​ളിൽ മാത്രമല്ല, ക്രിസ്‌തീയ സാങ്കേ​തിക പദങ്ങളി​ലും അവയുടെ കൃത്യ​മായ അർഥങ്ങ​ളി​ലും പ്രകാശം ചൊരി​ഞ്ഞി​രി​ക്കു​ന്നു. ഉദാഹ​ര​ണ​ത്തിന്‌, തിരു​വെ​ഴു​ത്തു​കൾ സംബന്ധി​ച്ചുള്ള പഠനങ്ങൾ എന്ന വാല്യ​ങ്ങ​ളിൽ ആദ്യ​ത്തേ​തായ യുഗങ്ങ​ളി​ലെ ദിവ്യ​പ​ദ്ധതി എന്ന ശീർഷ​ക​ത്തി​ലുള്ള വാല്യം ബൈബിൾ വിദ്യാർഥി​കൾക്ക്‌ ഏററവും ഇഷ്ടപ്പെട്ട പ്രസി​ദ്ധീ​ക​ര​ണ​ങ്ങ​ളിൽ ഒന്നായി​രു​ന്നു. എന്നാൽ പദ്ധതി​ക​ളി​ടു​ന്ന​വ​രാ​യി മനുഷ്യ​രെ​ക്കു​റി​ച്ചു മാത്രമേ ദൈവ​വ​ചനം സംസാ​രി​ക്കു​ന്നു​ള്ളു​വെന്നു കാല​ക്ര​മ​ത്തിൽ തിരി​ച്ച​റി​ഞ്ഞു. (സദൃശ​വാ​ക്യ​ങ്ങൾ 19:21) യഹോവ പദ്ധതി​യി​ടു​ന്ന​താ​യി തിരു​വെ​ഴു​ത്തു​കൾ ഒരിക്ക​ലും പറയു​ന്നില്ല. അവനു പദ്ധതി​യി​ടേ​ണ്ട​യാ​വ​ശ്യ​മില്ല. അവന്റെ അനന്ത ജ്ഞാനവും ശക്തിയും നിമിത്തം അവൻ ഉദ്ദേശി​ക്കു​ന്ന​തെ​ന്തും വിജയി​ക്കു​മെന്ന്‌ ഉറപ്പാണ്‌. ഇതുത​ന്നെ​യാ​ണു നാം എഫേസ്യർ 1:9, 10 [NW]-ൽ വായി​ക്കു​ന്നത്‌: “തന്റെ സദ്‌ഹി​ത​മ​നു​സ​രിച്ച്‌, അവൻ നിയമിത സമയത്തി​ന്റെ പൂർണ​ത​യിൽ ഒരു ഭരണത്തി​നു​വേണ്ടി സ്വയം ഉദ്ദേശി​ച്ചി​രി​ക്കു​ന്നു.” അങ്ങനെ, യഹോ​വയെ പരാമർശി​ക്കു​മ്പോൾ “ഉദ്ദേശ്യം” എന്ന പദം കൂടുതൽ ഉചിത​മാ​ണെന്നു ക്രമാ​നു​ഗ​ത​മാ​യി മനസ്സി​ലാ​യി.

16. ലൂക്കൊസ്‌ 2:14-ന്റെ ശരിയായ ഗ്രാഹ്യം ക്രമേണ എന്താ​ണെന്നു മനസ്സി​ലാ​യി?

¹⁶ പിന്നെ, ലൂക്കൊസ്‌ 2:14 സംബന്ധി​ച്ചു കൂടുതൽ വ്യക്തമായ ഗ്രാഹ്യം ലഭി​ക്കേ​ണ്ട​തു​ണ്ടാ​യി​രു​ന്നു. ജയിംസ്‌ രാജാ​വി​ന്റെ ഭാഷാ​ന്ത​ര​മ​നു​സ​രിച്ച്‌, അതിങ്ങനെ വായി​ക്ക​പ്പെ​ടു​ന്നു: “അത്യു​ന്ന​ത​ങ്ങ​ളിൽ ദൈവ​ത്തി​നു മഹത്ത്വം, ഭൂമി​യിൽ സമാധാ​നം, മനുഷ്യ​രോ​ടു സൻമനസ്സ്‌.” ഇതു ശരിയായ ചിന്ത പ്രതി​ഫ​ലി​പ്പി​ക്കു​ന്നി​ല്ലെന്നു മനസ്സി​ലാ​യി, കാരണം ദുഷ്ടൻമാ​രു​ടെ നേർക്കു ദൈവ​ത്തി​ന്റെ സൻമനസ്സ്‌ പ്രകടി​പ്പി​ക്ക​പ്പെ​ടു​ന്നില്ല. അതു​കൊണ്ട്‌ ദൈവ​ത്തോ​ടു സൻമനസ്സു കാട്ടു​ന്ന​വർക്കുള്ള സമാധാ​ന​മാ​യി സാക്ഷികൾ ഇതിനെ വീക്ഷിച്ചു. അങ്ങനെ ബൈബി​ളിൽ താത്‌പ​ര്യ​മു​ള്ള​വരെ സൻമന​സ്സുള്ള വ്യക്തി​ക​ളാ​യി അവർ വിശേ​ഷി​പ്പി​ച്ചു​കൊ​ണ്ടി​രു​ന്നു. എന്നാൽ ഉൾപ്പെ​ട്ടി​രി​ക്കു​ന്നതു മനുഷ്യ​രു​ടെ ഭാഗത്തെ സൻമനസ്സല്ല, ദൈവ​ത്തി​ന്റെ ഭാഗ​ത്തെ​യാ​ണെന്നു പിന്നീ​ടാ​ണു മനസ്സി​ലാ​കു​ന്നത്‌. അതു​കൊ​ണ്ടാണ്‌ പുതി​യ​ലോക ഭാഷാ​ന്തരം ലൂക്കോസ്‌ 2:14-ന്റെ അടിക്കു​റി​പ്പിൽ “[ദൈവം] അംഗീ​ക​രി​ക്കുന്ന മനുഷ്യ​രെ”ക്കുറിച്ചു പറയു​ന്നത്‌. തങ്ങളുടെ സമർപ്പ​ണ​ത്തി​നു ചേർച്ച​യിൽ ജീവി​ക്കുന്ന സകല ക്രിസ്‌ത്യാ​നി​കൾക്കും ദൈവ​ത്തി​ന്റെ സൻമന​സ്സുണ്ട്‌.

17, 18. യഹോവ എന്തു സംസ്ഥാ​പി​ക്കും, അവൻ എന്തു വിശു​ദ്ധീ​ക​രി​ക്കും?

¹⁷ അതു​പോ​ലെ, ദീർഘ​നാ​ളു​ക​ളോ​ളം സാക്ഷികൾ യഹോ​വ​യു​ടെ നാമത്തി​ന്റെ സംസ്ഥാ​പ​ന​ത്തെ​പ്പ​ററി പറഞ്ഞി​രു​ന്നു. എന്നാൽ സാത്താൻ ചോദ്യം ചെയ്‌തതു യഹോ​വ​യു​ടെ നാമ​ത്തെ​യാ​യി​രു​ന്നോ? ആ നാമത്തി​നുള്ള അവകാ​ശ​മി​ല്ലെ​ന്ന​മ​ട്ടിൽ, അത്തര​മൊ​രു കാര്യം സാത്താന്റെ ഏജൻറു​മാർ ആരെങ്കി​ലും ചെയ്‌തി​ട്ടു​ണ്ടോ? തീർച്ച​യാ​യും ഇല്ല. സംസ്ഥാ​പി​ക്ക​പ്പെ​ടേണ്ട ആവശ്യം​വ​രാൻ വെല്ലു​വി​ളി​ക്ക​പ്പെ​ട്ടതു യഹോ​വ​യു​ടെ നാമമാ​യി​രു​ന്നില്ല. അതു​കൊ​ണ്ടാ​ണു വാച്ച്‌ ടവർ സൊ​സൈ​റ​റി​യു​ടെ അടുത്ത​കാ​ലത്തെ പ്രസി​ദ്ധീ​ക​ര​ണ​ങ്ങ​ളിൽ യഹോ​വ​യു​ടെ നാമം സംസ്ഥാ​പി​ക്ക​പ്പെ​ടു​ന്ന​താ​യി പറയാ​ത്തത്‌. അവ യഹോ​വ​യു​ടെ പരമാ​ധി​കാ​രം സംസ്ഥാ​പി​ക്ക​പ്പെ​ടു​ന്ന​തി​നെ​യും അവന്റെ നാമം വിശു​ദ്ധീ​ക​രി​ക്ക​പ്പെ​ടു​ന്ന​തി​നെ​യും കുറിച്ചു പറയുന്നു. ഇതു “നിന്റെ നാമം വിശു​ദ്ധീ​ക​രി​ക്ക​പ്പെ​ടേ​ണമേ” എന്നു യേശു നമ്മോടു പ്രാർഥി​ക്കാൻ പറഞ്ഞതി​നു ചേർച്ച​യി​ലാണ്‌. (മത്തായി 6:9) ഇസ്രാ​യേ​ല്യർ ആ നാമത്തെ വെല്ലു​വി​ളി​ച്ചി​ല്ലെ​ങ്കി​ലും അതിൻമേൽ നിന്ദ വരുത്തി​യ​പ്പോൾ, താൻ തന്റെ നാമം വിശു​ദ്ധീ​ക​രി​ക്കാൻ പോകു​ക​യാ​ണെന്നു യഹോവ ആവർത്തി​ച്ചു​പ​റ​യു​ക​യു​ണ്ടാ​യി.—യെഹെ​സ്‌കേൽ 20:9, 14, 22; 36:23.

¹⁸ രസകര​മെന്നു പറയട്ടെ, 1971-ൽ “ഞാൻ യഹോ​വ​യാ​ണെന്ന്‌ ജനതകൾ അറിയും”—എങ്ങനെ? (ഇംഗ്ലീഷ്‌) എന്ന പുസ്‌തകം ഈ വ്യത്യാ​സം പ്രകടി​പ്പി​ക്കു​ക​യു​ണ്ടാ​യി: “. . . യഹോ​വ​യു​ടെ സാർവ​ത്രിക പരമാ​ധി​കാ​ര​ത്തി​നും യഹോ​വ​യു​ടെ നാമത്തി​ന്റെ മഹത്ത്വീ​ക​ര​ണ​ത്തി​നും​വേണ്ടി യേശു പോരാ​ടു​ന്നു.” (364-5 പേജുകൾ) 1973-ൽ ആയിരം​വർഷത്തെ ദൈവ​രാ​ജ്യം സമീപി​ച്ചി​രി​ക്കു​ന്നു എന്ന പുസ്‌തകം പ്രസ്‌താ​വി​ച്ചു: “സർവശ​ക്ത​നായ ദൈവ​മായ യഹോ​വക്കു തന്റെ സാർവ​ത്രിക പരമാ​ധി​കാ​രം സംസ്ഥാ​പി​ക്കാ​നും തന്റെ വിശിഷ്ട നാമം വിശു​ദ്ധീ​ക​രി​ക്കാ​നു​മുള്ള സമയമാ​ണു ‘വരാനി​രി​ക്കുന്ന മഹോ​പ​ദ്രവം.’” (പേജ്‌ 409) പിന്നെ 1975-ൽ, ലോകാ​രി​ഷ്ട​ത​ക​ളിൽനി​ന്നുള്ള മമനു​ഷ്യ​ന്റെ രക്ഷ സമീപി​ച്ചി​രി​ക്കു​ന്നു! (ഇംഗ്ലീഷ്‌) എന്ന പുസ്‌തകം പ്രസ്‌താ​വി​ച്ചു: “അഖിലാണ്ഡ ചരി​ത്ര​ത്തി​ലെ ഏററവും വലിയ സംഭവം അപ്പോൾ പൂർത്തീ​ക​രി​ച്ചി​രി​ക്കും, യഹോ​വ​യു​ടെ സാർവ​ത്രിക പരമാ​ധി​കാ​ര​ത്തി​ന്റെ സംസ്ഥാ​പ​ന​വും അവന്റെ വിശുദ്ധ നാമത്തി​ന്റെ വിശു​ദ്ധീ​ക​ര​ണ​വും.”—പേജ്‌ 281.

19, 20. ആത്മീയ ഒളിമി​ന്ന​ലു​ക​ളോ​ടുള്ള നമ്മുടെ വിലമ​തി​പ്പു നമുക്ക്‌ എങ്ങനെ പ്രകട​മാ​ക്കാ​നാ​വും?

¹⁹ ഈ ആത്മീയ പ്രകാ​ശ​ത്തിൽ കുടി​കൊ​ള്ളാൻ സാധി​ക്കുന്ന യഹോ​വ​യു​ടെ ജനം എത്ര അനുഗൃ​ഹീ​ത​രാണ്‌! ഇതിനു കടകവി​രു​ദ്ധ​മാ​യി, ക്രൈ​സ്‌ത​വ​ലോ​ക​ത്തി​ലെ നേതാ​ക്കൻമാർ അകപ്പെ​ട്ടി​രി​ക്കുന്ന ആത്മീയ അന്ധകാ​രത്തെ പ്രതി​ഫ​ലി​പ്പി​ക്കു​ന്ന​താണ്‌ ഒരു പുരോ​ഹി​ത​ന്റേ​തായ ഈ പ്രസ്‌താ​വന: “പാപം എന്തു​കൊണ്ട്‌? കഷ്ടപ്പാ​ടു​കൾ എന്തു​കൊണ്ട്‌? പിശാച്‌ എന്തു​കൊണ്ട്‌? ഞാൻ സ്വർഗ​ത്തി​ലെ​ത്തു​മ്പോൾ കർത്താ​വി​നോ​ടു ചോദി​ക്കാൻ ആഗ്രഹി​ക്കുന്ന ചോദ്യ​ങ്ങ​ളാ​ണിവ?” എന്നാൽ എന്തു​കൊ​ണ്ടെന്ന്‌ അദ്ദേഹ​ത്തോ​ടു പറയാൻ യഹോ​വ​യു​ടെ സാക്ഷി​കൾക്കു സാധി​ക്കും: ഇതിനു കാരണം യഹോ​വ​യു​ടെ പരമാ​ധി​കാ​ര​ത്തി​ന്റെ ഔചി​ത്യം സംബന്ധിച്ച വിവാ​ദ​വും പിശാ​ചി​ന്റെ എതിർപ്പു​ണ്ടാ​യി​രു​ന്നാ​ലും ദൈവ​ത്തോ​ടു നിർമലത കാത്തു​കൊ​ള്ളാൻ മനുഷ്യ​സൃ​ഷ്ടി​കൾക്കു സാധി​ക്കു​മോ എന്ന പ്രശ്‌ന​വും ഉണ്ടെന്ന​താണ്‌.

²⁰ വർഷങ്ങ​ളി​ലൂ​ടെ, വലുതും ചെറു​തു​മായ ഒളിമി​ന്ന​ലു​കൾ യഹോ​വ​യു​ടെ സമർപ്പിത ദാസൻമാ​രു​ടെ പാതയെ പ്രകാ​ശ​മാ​ന​മാ​ക്കി​ക്കൊ​ണ്ടി​രി​ക്കു​ക​യാണ്‌. ഇതു സങ്കീർത്തനം 97:11-ഉം സദൃശ​വാ​ക്യ​ങ്ങൾ 4:18-ഉം പോ​ലെ​യുള്ള തിരു​വെ​ഴു​ത്തു​ക​ളു​ടെ നിവൃ​ത്തി​യാണ്‌. എന്നാൽ പ്രകാ​ശ​ത്തിൽ നടക്കു​ക​യെ​ന്ന​തി​ന്റെ അർഥം കൂടു​ത​ലാ​യി ലഭിച്ച പ്രകാ​ശ​ത്തോ​ടു വിലമ​തി​പ്പു​ണ്ടാ​യി​രി​ക്കുക എന്നതും അതി​നോ​ടുള്ള ചേർച്ച​യിൽ ജീവി​ക്കുക എന്നതു​മാ​ണെന്നു നമുക്ക്‌ ഒരിക്ക​ലും മറക്കാ​തി​രി​ക്കാം. നാം മനസ്സി​ലാ​ക്കി​യ​തു​പോ​ലെ, കൂടു​ത​ലാ​യി ലഭിച്ച ഈ പ്രകാ​ശ​ത്തിൽ നമ്മുടെ നടത്തയും പ്രസം​ഗി​ക്കാ​നുള്ള നമ്മുടെ നിയോ​ഗ​വും ഉൾപ്പെ​ടു​ന്നു.

[അടിക്കു​റി​പ്പു​കൾ]

നിങ്ങൾ ഓർമി​ക്കു​ന്നു​വോ?

◻ “ഉന്നത അധികാ​രങ്ങ”ളോടുള്ള കീഴ്‌പെടൽ സംബന്ധിച്ച്‌ എന്തു പ്രകാശം ചൊരി​യ​പ്പെട്ടു?

◻ ഒളിമി​ന്ന​ലു​കൾ ഹേതു​വാ​യി സംഘട​നാ​പ​ര​മായ ഏതെല്ലാം വികാ​സ​ങ്ങ​ളു​ണ്ടാ​യി?

◻ കൂടു​ത​ലായ പ്രകാശം ക്രിസ്‌തീയ നടത്തയെ എങ്ങനെ ബാധിച്ചു?

◻ ചില തിരു​വെ​ഴുത്ത്‌ ആശയങ്ങ​ളെ​ക്കു​റി​ച്ചുള്ള നമ്മുടെ ഗ്രാഹ്യ​ത്തിൽ ആത്മീയ പ്രകാശം ഹേതു​വാ​യി ഏതെല്ലാം ശുദ്ധി​വ​രു​ത്ത​ലു​ക​ളു​ണ്ടാ​യി?

[25-ാം പേജിലെ ചിത്ര​ത്തിന്‌ കടപ്പാട]

Keys on page 24: Drawing based on photo taken in Cooper-Hewitt, National Design Museum, Smithsonian Institution