“വൃക്ഷത്തി​ന്റെ ആയുസ്സു​പോ​ലെ”

മൂവാ​യി​ര​ത്തി​ല​ധി​കം വർഷം മുമ്പു മോശ ഇപ്രകാ​രം എഴുതി: “ഞങ്ങളുടെ ആയുഷ്‌കാ​ലം എഴുപതു സംവത്സരം; ഏറെ ആയാൽ എൺപതു സംവത്സരം; അതിന്റെ പ്രതാപം പ്രയാ​സ​വും ദുഃഖ​വു​മ​ത്രേ.”—സങ്കീർത്തനം 90:10.

വൈദ്യ​ശാ​സ്‌ത്ര​പ​ര​മായ മുന്നേ​റ​റ​ങ്ങ​ളൊ​ക്കെ​യു​ണ്ടാ​യി​രുന്നി​ട്ടും മമനു​ഷ്യ​ന്റെ ആയുർ​ദൈർഘ്യം ഇന്നും മോശ​യു​ടെ നാളി​ലേതു തന്നെയാണ്‌. എന്നുവ​രി​കി​ലും, എക്കാല​വും മമനു​ഷ്യ​ന്റെ അസ്‌തി​ത്വം അത്തരം നശ്വര​മായ ഒന്നായി​രി​ക്കു​ക​യില്ല. യെശയ്യാവ്‌ എന്ന ബൈബിൾ പുസ്‌ത​ക​ത്തിൽ ദൈവം ഇങ്ങനെ പറഞ്ഞു: “എന്റെ ജനത്തിന്റെ ആയുസ്സു വൃക്ഷത്തി​ന്റെ ആയുസ്സു​പോ​ലെ ആകും; എന്റെ വൃതൻമാർ തന്നേ തങ്ങളുടെ അദ്ധ്വാ​ന​ഫലം അനുഭ​വി​ക്കും.”—യെശയ്യാ​വു 65:22.

ബൈബിൾ ദേശങ്ങ​ളിൽ ഏററവും ദീർഘാ​യു​സ്സുള്ള മരങ്ങളിൽ ഒന്ന്‌ ഒലിവു​മ​ര​മാണ്‌. ഗലീല​യിൽ ഇന്നും തഴച്ചു​വ​ള​രുന്ന ആയിരം വർഷം ആയുസ്സുള്ള അനേക ഒലിവു​മ​ര​ങ്ങ​ളിൽ ഒന്നാണ്‌ ഇവിടെ ചിത്രീ​ക​രി​ച്ചി​രി​ക്കു​ന്നത്‌. മനുഷ്യർക്ക്‌ ഇത്രയും ദീർഘ​മാ​യി എന്നു ജീവി​ക്കാ​നാ​വും? അത്‌ ദൈവം “പുതിയ ആകാശ​വും പുതിയ ഭൂമി​യും” സൃഷ്ടി​ക്കു​മ്പോ​ഴാ​ണെന്ന്‌ അതേ പ്രവചനം വിശദീ​ക​രി​ക്കു​ന്നു.—യെശയ്യാ​വു 65:17.

ഒരു “പുതിയ ആകാശ​വും പുതിയ ഭൂമി​യും” സ്ഥാപി​ത​മാ​കു​ന്നതു സംബന്ധി​ച്ചു വെളി​പാട്‌ പുസ്‌ത​ക​വും പ്രവചി​ക്കു​ന്നു. ദൈവം “അവരുടെ കണ്ണിൽനി​ന്നു കണ്ണുനീർ എല്ലാം തുടെ​ച്ചു​ക​ള​യും. ഇനി മരണം ഉണ്ടാക​യില്ല; ദുഃഖ​വും മുറവി​ളി​യും കഷ്ടതയും ഇനി ഉണ്ടാക​യില്ല” എന്നു മുൻകൂ​ട്ടി​പ്പ​റ​ഞ്ഞി​രി​ക്കുന്ന ഒരു പുതിയ സ്വർഗീയ ഗവൺമെൻറും ഒരു പുതിയ മാനവ സമുദാ​യ​വും സ്ഥാപി​ത​മാ​കു​മ്പോ​ഴാണ്‌ അതു സാധ്യ​മാ​വുക.—വെളി​പ്പാ​ടു 21:1, 4.

ഈ ദിവ്യ വാഗ്‌ദത്തം ഉടനടി നിവൃ​ത്തി​യേ​റും. അപ്പോൾ ഒരു ഒലിവു​മ​ര​ത്തി​ന്റെ ആയുഷ്‌കാ​ലം​പോ​ലും വെറും 24 മണിക്കൂർ ദൈർഘ്യ​മുള്ള ഒരു ദിന​മെ​ന്ന​പോ​ലെ തോന്നി​ക്കും. നമ്മുടെ കരങ്ങളു​ടെ വേല മുഴു​വ​നാ​യി ആസ്വദി​ക്കു​ന്ന​തി​നു നമുക്കു ധാരാളം സമയമു​ണ്ടാ​യി​രി​ക്കും.