എത്യോ​പ്യ​യിൽ നടന്ന“ദിവ്യ ബോധന” കൺ​വെൻ​ഷൻ—പ്രത്യേക സന്തോ​ഷ​ത്തി​ന്റെ സമയം

അത്‌ നിരോ​ധനം നീക്കിയ ശേഷം എത്യോ​പ്യ​യിൽ നടന്ന ആദ്യത്തെ ഡിസ്‌ട്രി​ക്‌ററ്‌ കൺ​വെൻ​ഷൻ ആയിരു​ന്നില്ല. എങ്കിൽപ്പോ​ലും അതിനു തീർച്ച​യാ​യും പ്രത്യേ​ക​ത​യു​ണ്ടാ​യി​രു​ന്നു. 1991 നവംബർ 11-നു നിയമാ​നു​സൃ​ത​മാ​യി അംഗീ​കാ​രം ലഭിച്ച​തി​നു​ശേഷം യഹോ​വ​യു​ടെ സാക്ഷികൾ ആഡിസ്‌ അബാബ​യു​ടെ ഹൃദയ​ഭാ​ഗത്തു സ്ഥിതി​ചെ​യ്യുന്ന, രാജ്യ​ത്തി​ലെ ഏററവും വലിയ സ്‌റേ​റ​ഡി​യ​മായ സിററി സ്‌റേ​റ​ഡി​യ​ത്തിൽ കൂടി​വ​രു​ന്നത്‌ ഇതു മൂന്നാം തവണയാണ്‌. ഈ കളിക്കളം ഞായറാഴ്‌ച ലഭ്യമ​ല്ലാ​തി​രു​ന്ന​തും ആവശ്യാ​നു​സ​രണം സൗകര്യ​പ്ര​ദ​മായ വേറൊ​രു സ്ഥലം കണ്ടെത്താൻ കഴിയാ​തെ​പോ​യ​തും പ്രോ​ഗ്രാം മൂന്നു ദിവസ​ങ്ങ​ളി​ലാ​യി കുത്തി​നി​റ​ക്കാൻ ഇടയാക്കി. അതായത്‌ 1994 ജനുവരി 13-15 വ്യാഴാ​ഴ്‌ച​മു​തൽ ശനിയാ​ഴ്‌ച​വരെ.

ഈ മൂന്നു ദിവസ​വും നീലാ​കാ​ശ​ത്തിൻകീ​ഴിൽ പ്രശാ​ന്ത​മായ കാലാവസ്ഥ നിലനി​ന്നു. മാത്രമല്ല, “ദിവ്യ ബോധന”ത്തിന്റെ മുഴു ആത്മീയ ഉണർവും ഉൻമേഷം ചൊരി​യു​ക​യും ചെയ്‌തു. ചുററും പുഷ്‌പാ​ലം​കൃ​ത​മായ പ്ലാററ്‌ഫോ​മിൽ കൺ​വെൻ​ഷന്റെ വിഷയം അംഹറിക്‌ ലിപി​ക​ളിൽ തെളി​ഞ്ഞു​നി​ന്നു.

എന്നാൽ എന്താണു കൺ​വെൻ​ഷനെ പ്രത്യേ​ക​ത​യു​ള്ള​താ​ക്കി​ത്തീർത്തത്‌? സമൃദ്ധ​മായ കാര്യ​പ​രി​പാ​ടി​കൾക്കൊ​പ്പം സകലരു​ടെ​യും ചിന്തക​ളും മനോ​ഗ​ത​ങ്ങ​ളും കേന്ദ്രീ​ക​രി​ച്ചതു നമ്മുടെ സ്‌നേ​ഹ​നിർഭ​ര​മായ അന്താരാ​ഷ്‌ട്ര സഹോ​ദ​ര​വർഗ​ത്തിൻമേ​ലും രാജ്യ​വർധ​ന​വി​ലൂ​ടെ ദൈവം തന്റെ ജനങ്ങളിൽ വർഷി​ക്കുന്ന അനുഗ്രഹ പ്രകട​ന​ങ്ങ​ളി​ലു​മാ​യി​രു​ന്നു. 16 രാജ്യ​ങ്ങ​ളിൽനി​ന്നാ​യി ഏകദേശം 270 വിദേശ പ്രതി​നി​ധി​കൾ വന്നു​ചേർന്നു. അതിൽ ജിബൂ​ട്ടി​യും യെമനും​പോ​ലും ഉൾപ്പെ​ടു​ന്നു. പകുതി​യി​ല​ധി​ക​വും യൂറോപ്പ്‌, വടക്കേ അമേരിക്ക എന്നീ ശീതകാ​ലാ​വസ്ഥാ ദേശങ്ങ​ളിൽനി​ന്നു​ള്ള​വ​രാ​യി​രു​ന്നു. സന്ദർശ​ക​രിൽ യഹോ​വ​യു​ടെ സാക്ഷി​ക​ളു​ടെ ഭരണസം​ഘ​ത്തി​ലെ അംഗങ്ങ​ളായ ലോയ്‌ഡ്‌ ബാരി​യും ദാനീ​യേൽ സിഡ്‌ലി​ക്കും ഉൾപ്പെ​ട്ടി​രു​ന്നു.

എത്യോ​പ്യ​ക്കാ​രു​ടെ പരമ്പരാ​ഗ​ത​മായ അതിഥി​സ​ത്‌കാ​ര​വും സന്ദർശ​ക​രായ സഹോ​ദ​ര​ങ്ങ​ളോട്‌ അവർക്കു​ണ്ടാ​യി​രുന്ന ആത്മാർഥ സ്‌നേ​ഹ​വും ഭാഷാ പ്രതി​ബ​ന്ധ​ങ്ങളെ തരണം​ചെ​യ്‌തു. അഭിവാ​ദ​നങ്ങൾ വെറും കൈ​കൊ​ടു​ക്ക​ലിൽ ഒതുങ്ങി​യില്ല മറിച്ച്‌, ആറു തവണവരെ നീണ്ടു​നിന്ന ആശ്ലേഷ​ണ​ങ്ങ​ളും ചുംബ​ന​ങ്ങ​ളും വഴിയാ​ണു അതു കൈമാ​റി​യത്‌! സന്ദർശ​ക​രിൽ അനേക​രും എത്യോ​പ്യ​യി​ലെ രാജ്യ​വേ​ല​യെ​ക്കു​റി​ച്ചു വായി​ച്ചി​രു​ന്നു. തങ്ങളുടെ എത്യോ​പ്യ​ക്കാ​രായ സഹോ​ദ​രങ്ങൾ തടവു​ശി​ക്ഷ​ക​ളാ​ലും മററു​വി​ധ​ത്തി​ലുള്ള പീഡന​ങ്ങ​ളാ​ലും ശോധന ചെയ്യപ്പെട്ട നിർമ​ല​താ​പാ​ല​ക​രാ​ണെ​ന്നും അവർ അറിഞ്ഞി​രു​ന്നു.a എന്നാൽ അനേക യുവജ​ന​ങ്ങളെ സന്തോ​ഷ​ഭ​രി​ത​രാ​യും മര്യാ​ദ​യു​ള്ള​വ​രാ​യും കണ്ട്‌ സന്ദർശ​ക​രായ പ്രതി​നി​ധി​കൾ അത്ഭുതം​കൂ​റി. കാരണം, മിക്ക നാടു​ക​ളി​ലും ഇന്ന്‌ അതു കുറഞ്ഞു​വ​രി​ക​യാണ്‌. എത്യോ​പ്യ​ക്കാ​രായ ധാരാളം സഹോ​ദ​രി​മാർ, വിദഗ്‌ധ​മാ​യി ചിത്ര​ത്തു​ന്നൽ ചെയ്‌തു​പി​ടി​പ്പിച്ച പരമ്പരാ​ഗ​ത​മായ വെള്ള വസ്‌ത്രങ്ങൾ ധരിച്ചി​രു​ന്നു. അത്‌ ഒരു ഉത്സവ പ്രതീതി ഉളവാക്കി.

ശനിയാ​ഴ്‌ച നടന്ന സ്‌നാ​പനം കോൾമ​യിർ കൊള്ളി​ച്ചു. 10 മുതൽ 80 വരെ വയസ്സുള്ള സമർപ്പി​ത​രായ 530 പേരുടെ ഒരു നിര സ്‌റേ​റ​ഡി​യ​ത്തി​ന്റെ പകുതി​വരെ നീണ്ടു​പോ​യി. രാജ്യത്തെ 7 സാക്ഷി​കൾക്ക്‌ ഒരാൾ എന്നതി​ലും കവിഞ്ഞ ഈ നിരക്ക്‌ ആരും​തന്നെ പ്രതീ​ക്ഷി​ച്ചി​രു​ന്നില്ല. ഇവി​ടെ​യുള്ള യഹോ​വ​യു​ടെ ജനങ്ങളി​ലുള്ള അവന്റെ അനു​ഗ്ര​ഹ​ത്തി​ന്റെ എന്തോരു മികച്ച തെളിവ്‌! അനേക​രും ഈ കാഴ്‌ച​കണ്ട്‌ സന്തോ​ഷാ​ശ്രു​ക്കൾ പൊഴി​ച്ചു. ഇററലി​ക്കാ​രായ 40 പ്രതി​നി​ധി​ക​ളു​ടെ സുന്ദര​മായ ഗീതാ​ലാ​പം ഇതിനു മാററു​കൂ​ട്ടി. അനേക​രും യെശയ്യാ​വു 60:5-ലെ പ്രാവ​ച​നിക വാക്കുകൾ അനുസ്‌മ​രി​ച്ചു: “അപ്പോൾ നീ കണ്ടു ശോഭി​ക്കും; നിന്റെ ഹൃദയം പിടെച്ചു വികസി​ക്കും; സമു​ദ്ര​ത്തി​ന്റെ ധനം നിന്റെ അടുക്കൽ ചേരും; ജാതി​ക​ളു​ടെ സമ്പത്തു നിന്റെ അടുക്കൽ വരും.”

ആഹ്ലാദ​ത്തി​നുള്ള പ്രത്യേക കാരണങ്ങൾ

എത്യോ​പ്യ​യി​ലെ രാജ്യ​വേ​ല​യു​ടെ ചെറിയ തുടക്കം വെള്ളി​യാഴ്‌ച നടന്ന അഭിമു​ഖ​ങ്ങ​ളി​ലൂ​ടെ പുനർവി​ചി​ന്തനം ചെയ്‌തു​കൊണ്ട്‌ യഹോ​വ​യു​ടെ അനു​ഗ്രഹം വീണ്ടും എടുത്തു​കാ​ട്ടു​ക​യു​ണ്ടാ​യി. 1950-കളിലും 1970-കളിലും അവിടെ സേവന​മ​നു​ഷ്‌ഠിച്ച മിഷന​റി​മാ​രെ അണിനി​ര​ത്തി​യാണ്‌ ഇവ നടത്തി​യത്‌. റാ കാസ്സൻ, ജോൺ കാംഫസ്‌, ഹേവുഡ്‌ വാർഡ്‌ എന്നിവർ, 1950 സെപ്‌റ​റം​ബർ 14-ന്‌ ആഡിസ്‌ അബാബ​യിൽ കാലു​കു​ത്തി​യ​തു​മു​തൽ തുടക്ക​മിട്ട തങ്ങളുടെ ബൈബിൾ വിദ്യാ​ഭ്യാ​സ​വേ​ല​യെ​ക്കു​റി​ച്ചു വിവരി​ച്ചത്‌ 8,000-ത്തിലധി​കം​പേർ കേൾക്കു​ക​യു​ണ്ടാ​യി. അവർ പൊതു വിദ്യാ​ഭ്യാ​സ​ത്തിൽ സജീവ​രാ​യി​രി​ക്ക​ണ​മെന്ന്‌ ആ കാലത്തെ രാജകീയ ഗവൺമെൻറ്‌ അവർക്കു കല്‌പന നൽകി​യി​രു​ന്നു. തൻമൂലം അവർ പട്ടണമ​ധ്യേ ഒരു വിദ്യാ​ഭ്യാ​സ കേന്ദ്രം സ്ഥാപിച്ചു, മുതിർന്ന​വരെ വിവിധ വിഷയങ്ങൾ പഠിപ്പി​ക്കാൻവേണ്ടി. എന്നാൽ, ഈ മിഷന​റി​മാർ തങ്ങളുടെ ഒഴിവു​സ​മ​യങ്ങൾ ദിവ്യ​ബോ​ധ​ന​ത്തിൽ അധിഷ്‌ഠി​ത​മായ വിദ്യാ​ഭ്യാ​സം നൽകാൻ വിനി​യോ​ഗി​ച്ചു. 250 അക്ഷരങ്ങ​ളുള്ള വിഷമം​പി​ടിച്ച അംഹറിക്‌ ഭാഷ പഠി​ച്ചെ​ടു​ക്കു​ന്ന​തിന്‌ അവർക്കു കഠിന​ശ്രമം ചെയ്യേ​ണ്ട​തു​ണ്ടാ​യി​രു​ന്നു. ആദ്യത്തെ ബൈബി​ള​ധ്യ​യനം നടത്തു​ന്ന​തിന്‌ അവർക്ക്‌ അരവർഷം കാത്തി​രി​ക്കേ​ണ്ടി​വന്നു. ഏതാണ്ടു 43 വർഷത്തി​നു​ശേ​ഷ​വും ഈ മുൻകാല സ്‌കൂൾ അധ്യാ​പകർ തങ്ങളെ തിരി​ച്ച​റി​യുന്ന ആളുകളെ തെരു​വിൽ കണ്ടുമു​ട്ടി. എന്നാൽ ആത്മീയ മക്കളെ​ന്നും പേരക്കി​ടാ​ങ്ങ​ളെ​ന്നും പറഞ്ഞു​കൊ​ണ്ടു കൺ​വെൻ​ഷൻ സ്ഥലത്തു​വെച്ചു സ്വയം പരിച​യ​പ്പെ​ടു​ത്തിയ, വിശ്വാ​സ​ത്തിൽ ബലിഷ്‌ഠ​രായ, തങ്ങളുടെ ഡസൻക​ണ​ക്കി​നു പഴയ ബൈബിൾ വിദ്യാർഥി​ക​ളു​മാ​യി വീണ്ടും ഒന്നു​ചേ​രാൻ കഴിഞ്ഞ​തിൽ അവർ ആഹ്ലാദ​ഭ​രി​ത​രാ​യി.—1 തെസ്സ​ലൊ​നീ​ക്യർ 2:19, 20.

മുൻ മിഷന​റി​മാ​രു​മാ​യി നടത്തിയ അഭിമു​ഖ​ങ്ങൾക്കു മാത്രമല്ല ബ്രിട്ടൻ, കാനഡ, ജർമനി, ഇസ്രാ​യേൽ, ഇററലി, കെനിയ, നെതർലൻഡ്‌സ്‌, ഐക്യ​നാ​ടു​കൾ എന്നിവി​ട​ങ്ങ​ളിൽനി​ന്നും വിദേശ പ്രതി​നി​ധി​കൾ കൊണ്ടു​വന്ന റിപ്പോർട്ടു​കൾക്കും അഭിവാ​ദ​ന​ങ്ങൾക്കും ആനന്ദഭ​രി​ത​രാ​യി​രുന്ന, സസൂക്ഷ്‌മം ശ്രദ്ധി​ച്ചി​രുന്ന ശ്രോ​താ​ക്കൾ നീണ്ട കരഘോ​ഷം മുഴക്കി. ദൈവ​ജ​ന​ത്തി​ന്റെ ലോക​വ്യാ​പ​ക​മായ സ്‌നേ​ഹ​പു​ര​സ്സ​ര​മായ സാഹോ​ദ​ര്യ​ത്തെ ഇതും അടിവ​ര​യി​ട്ടു​കാ​ണി​ച്ചു. ഭരണസം​ഘ​ത്തിൽപ്പെട്ട അഭിഷിക്ത സഹോ​ദ​രങ്ങൾ നൽകിയ മുഖ്യ പ്രസം​ഗ​വും ഹൃദയ​സ്‌പർശി​യായ അവരുടെ പ്രാർഥ​ന​ക​ളും സദസ്സിനെ ആഴമായി സ്‌പർശി​ച്ചു. സ്രഷ്ടാ​വി​നെ ഓർമി​ക്കുന്ന യുവജ​ന​ങ്ങ​ളെ​ക്കു​റി​ച്ചുള്ള നാടക​ത്തി​ലെ കഥാപാ​ത്ര​ങ്ങ​ളു​ടെ സ്ഥാനത്തു സ്‌റേ​റ​ഡി​യ​ത്തി​ലി​രുന്ന യുവജ​നങ്ങൾ തങ്ങളെ​ത്തന്നെ ഭാവന​യിൽക്കണ്ടു. വളരെ സ്വാഭാ​വി​ക​വും ഊർജ​സ്വ​ല​വു​മായ രീതി​യിൽ നാടകം അവതരി​പ്പി​ക്കു​ക​യു​ണ്ടാ​യി. ഇംഗ്ലീ​ഷി​ലുള്ള പുതിയ റിലീ​സു​കൾക്കു​പു​റമേ അംഹറിക്‌ ഭാഷയി​ലുള്ള മൂന്നു പുതിയ റിലീ​സു​ക​ളും വളരെ ആവേശം ജനിപ്പി​ക്കു​ക​യു​ണ്ടാ​യി.b

ഇടവേ​ള​ക​ളി​ലും മററു ചില സന്ദർഭ​ങ്ങ​ളി​ലും വിശി​ഷ്ട​രായ അനേകം വ്യക്തി​ക​ളു​മാ​യി പരിച​യ​പ്പെ​ടു​ന്ന​തി​നു പററിയ അവസര​ങ്ങ​ളു​ണ്ടാ​യി​രു​ന്നു. ഉദാഹ​ര​ണ​ത്തിന്‌, ഏററവും മുൻനി​ര​യിൽ, കൈ​കൊ​ണ്ടു നെയ്‌തെ​ടുത്ത ചൂരൽക്ക​സേ​ര​യി​ലാ​യി​രു​ന്നു എത്യോ​പ്യ​യി​ലെ ഏററവും പ്രായം​ചെന്ന പ്രസാ​ധ​ക​നായ തൂളു മെക്കൂ​റിയ ഇരുന്നത്‌. കഴിഞ്ഞ​വർഷം പടുവാർധ​ക്യ​ത്തിൽ, 113-ാം വയസ്സിൽ അദ്ദേഹം യഹോ​വ​യു​ടെ സാക്ഷി​ക​ളി​ലൊ​രാ​ളാ​യി സ്‌നാ​പ​ന​മേ​ററു. 80 വയസ്സുള്ള ഭാര്യ അദ്ദേഹ​ത്തി​ന്റെ മാതൃക പിൻപ​ററി ഈ കൺ​വെൻ​ഷ​നിൽവെച്ചു സ്‌നാ​പ​ന​മേ​ററ്‌ തന്റെ ആത്മീയ സഹോ​ദ​രി​കൂ​ടി ആയിത്തീ​രു​ന്നതു കാണു​ന്ന​തി​നുള്ള സന്തോ​ഷ​വും അദ്ദേഹ​ത്തി​നു​ണ്ടാ​യി. പരിപാ​ടി​യി​ലു​ട​നീ​ളം അദ്ദേഹ​ത്തി​ന്റെ സാന്നി​ധ്യം ചെറു​പ്പ​ക്കാർക്ക്‌ ഒരു പ്രചോ​ദ​ന​മാ​യി​രു​ന്നു. അതി​ലൊ​രാ​ളാ​യി​രു​ന്നു 16 വയസ്സുള്ള യോഹാ​നസ്‌ ഗോറംസ്‌. ഈ പ്രസാ​ധകൻ സ്‌കൂൾ വിദ്യാർഥി​യാ​യി​രി​ക്കെ​ത്തന്നെ നിരന്ത​ര​പ​യ​നി​യ​റാ​യി സേവി​ക്കാൻ തുടങ്ങി​യിട്ട്‌ ഇപ്പോൾ നാലു വർഷം കഴിഞ്ഞു. അവനും അവനെ​ക്കാൾ പ്രായം​കു​റഞ്ഞ, സ്‌കൂൾ പ്രായ​ത്തി​ലുള്ള പയനി​യർമാ​രും സമയം വിലയ്‌ക്കു വാങ്ങാൻ പഠിച്ചി​രി​ക്കു​ന്നു. അതിരാ​വി​ലെ സ്‌കൂ​ളി​ലേക്കു പോകു​ന്ന​വ​ഴി​യും, ഇടവേ​ള​ക​ളി​ലും സ്‌കൂൾ കഴിഞ്ഞുള്ള സമയങ്ങ​ളി​ലും അവർ സാക്ഷ്യം​കൊ​ടു​ക്കു​ന്നു.

നിർമ​ല​ത​യു​ടെ എത്ര നല്ല ദൃഷ്ടാ​ന്തങ്ങൾ!

മുൻകാല ഗവൺമെൻറു​ക​ളു​ടെ കീഴി​ലാ​യി​രു​ന്ന​പ്പോൾ തടവും പീഡന​വും അനുഭ​വിച്ച നൂറു​ക​ണ​ക്കി​നു​പേർ സദസ്യ​രിൽ ഉണ്ടായി​രു​ന്നു. മാൻഡ​ഫ്രോ യിഫ്‌റു അത്തരം അഞ്ചു വർഷം ചെലവ​ഴി​ച്ച​യാ​ളാണ്‌. എന്നാൽ അദ്ദേഹം ഇന്ന്‌ ആഡിസ്‌ അബാബ​യിൽ പുതു​താ​യി സ്ഥാപിച്ച ഓഫീ​സിൽ വേല​ചെ​യ്യു​ന്ന​തിൽ സന്തോ​ഷി​ക്കു​ന്നു. അതാണ്‌ പരിഭാഷ, അച്ചടി, ഷിപ്പിങ്‌, എന്നിവ കൈകാ​ര്യം ചെയ്യു​ന്നത്‌. അദ്ദേഹ​ത്തോ​ടൊ​പ്പം സേവി​ക്കുന്ന വേറൊ​രു ചെറു​പ്പ​ക്കാ​രന്റെ പേരാണ്‌ സെക്കറി​യാസ്‌ എഷത്തു. ക്രിസ്‌തീയ നിഷ്‌പക്ഷത മുറു​കെ​പ്പി​ടി​ച്ച​തു​കാ​രണം എട്ടുവർഷം മുമ്പ്‌ തന്റെ പിതാവ്‌ മൂന്നു വർഷക്കാല തടവി​നി​ട​യിൽ കൊല​ചെ​യ്യ​പ്പെ​ട്ടി​ട്ടും അവൻ തന്റെ നിർമ​ല​ത​യിൽനി​ന്നു വ്യതി​ച​ലി​ച്ചില്ല. അഞ്ചുമ​ക്ക​ളിൽ ഒരാളായ സെക്കറി​യാ​സി​നു പത്തു വയസ്സു​ള്ള​പ്പോ​ഴാ​ണു പിതാവ്‌ ജയിലിൽ അടയ്‌ക്ക​പ്പെ​ട്ടത്‌. കൗമാ​രാ​ന്ത്യ​ത്തി​ലെ​ത്തിയ, ഇപ്പോ​ഴും സ്‌കൂ​ളിൽ പഠിച്ചു​കൊ​ണ്ടി​രി​ക്കുന്ന മസ്‌വാ​ററ്‌ ജർമയും സഹോ​ദരി യോല​നും പിതാ​വി​നെ ഫോ​ട്ടോ​ക​ളി​ലൂ​ടെ മാത്രമേ ഓർമി​ക്കു​ന്നു​ള്ളൂ, കാരണം നിഷ്‌പക്ഷത നിമിത്തം അദ്ദേഹം കൊല​ചെ​യ്യ​പ്പെ​ട്ട​പ്പോൾ അവർ തീരെ കുഞ്ഞാ​യി​രു​ന്നു. അദ്ദേഹ​ത്തി​ന്റെ വിശ്വ​സ്‌തത അവർക്കു പ്രചോ​ദ​ന​മേകി. പിതാവ്‌ മരണകാ​ലത്തു ചെയ്‌തി​രു​ന്ന​പോ​ലെ അവരും നിരന്തര പയനി​യർമാ​രാ​യി സേവന​മ​നു​ഷ്‌ഠി​ക്കു​ന്നു.

നിർമ​ല​താ​പാ​ല​ക​നായ മറെറാ​രു വ്യക്തി​യാണ്‌ താമി​രാത്ത്‌ യാഡററ്‌. അദ്ദേഹം ഇപ്പോൾ പ്രത്യേക പയനി​യ​റെ​ന്ന​നി​ല​യിൽ റിഫ്‌ററ്‌ വാലി​യി​ലെ ഒരു മനോ​ഹ​ര​മായ പ്രദേ​ശത്തു സേവന​മ​നു​ഷ്‌ഠി​ക്കു​ന്നു. ക്രിസ്‌തീയ നിഷ്‌പക്ഷത നിമിത്തം അദ്ദേഹം ഏഴു വ്യത്യസ്‌ത ജയിലു​ക​ളി​ലാ​യി മൂന്നു വർഷം ചെലവ​ഴി​ച്ചു. ചില​പ്പോ​ഴെ​ല്ലാം ചങ്ങലയിൽ ബന്ധനസ്ഥ​നാ​യി, കഠിന​മർദനം ഏൽക്കേ​ണ്ടി​വന്നു. എങ്കിലും, ജയിലിൽവെച്ച്‌ അദ്ദേഹം ഒരു ഡസനി​ല​ധി​കം ആളുകളെ ദൈവ​രാ​ജ്യ​ത്തി​നു​വേണ്ടി നില​കൊ​ള്ളാൻ സഹായി​ച്ചു.

ഇപ്പോൾ ഒരു സർക്കിട്ട്‌ മേൽവി​ചാ​ര​ക​നാ​യി സേവന​മ​നു​ഷ്‌ഠി​ക്കുന്ന റെറസ്‌ഫു ററമൽസോ ഒരു പ്രത്യേക പയനിയർ ആയിരി​ക്കു​മ്പോൾ 17 പ്രാവ​ശ്യം ജയിലി​ല​ട​യ്‌ക്ക​പ്പെട്ടു. അടിയു​ടെ പാടുകൾ ഇപ്പോ​ഴു​മു​ണ്ടെ​ങ്കി​ലും തന്റെ നേരത്തത്തെ നിയമ​ന​സ്ഥ​ലത്തു സഭകളു​ള്ളത്‌ അദ്ദേഹത്തെ കോൾമ​യിർ കൊള്ളി​ക്കു​ന്നു. അക്കാക്കീ സഭയിലെ ഡസൻക​ണ​ക്കി​നു സഹോ​ദ​രീ​സ​ഹോ​ദ​രൻമാർ ജയിൽവാ​സ​വും ക്രൂര​ത​യും അനുഭ​വി​ക്കേ​ണ്ടി​വന്നു. എന്നുവ​രി​കി​ലും സഭയിലെ പ്രസാ​ധ​ക​രു​ടെ എണ്ണം നൂറി​ല​ധി​ക​മാ​യി ഉയർന്നി​രി​ക്കു​ന്നു. അവർ എത്യോ​പ്യ​യിൽ ആദ്യത്തെ രാജ്യ​ഹാൾ നിർമി​ച്ചി​രി​ക്കു​ന്നു. തലസ്ഥാന നഗരി​യിൽനി​ന്നു 300 കിലോ​മീ​ററർ അകലെ സ്ഥിതി​ചെ​യ്യുന്ന പ്രകൃ​തി​ര​മ​ണീ​യ​മായ ഡാസാ പട്ടണത്തിൽനിന്ന്‌ അഞ്ചു​പേ​ര​ട​ങ്ങുന്ന ഒരു ഗ്രൂപ്പ്‌ വരുക​യു​ണ്ടാ​യി. അവർ മരണത്തെ അഭിമു​ഖീ​ക​രി​ച്ച​വ​രാണ്‌. തന്നെയു​മല്ല, കഠിന​യാ​ത​ന​യ​നു​ഭ​വിച്ച്‌ സ്ഥലത്തെ ഒരു സഹോ​ദരൻ മരിക്കു​ന്നത്‌ അവർ കണ്ടതു​മാണ്‌. ആറു വർഷത്തെ ജയിൽവാ​സം തനിക്കു സഹിക്കാൻ കഴിഞ്ഞതു താൻ ഏതെങ്കി​ലും രീതി​യിൽ പ്രത്യേ​ക​ത​യു​ള്ള​വ​നാ​യി​രു​ന്ന​തു​കൊ​ണ്ടല്ല മറിച്ച്‌, യഹോ​വ​യിൽ ആശ്രയി​ക്കാൻ പഠിച്ച​തു​കൊ​ണ്ടാണ്‌ എന്ന്‌ അവരിൽ ഒരു മൂപ്പനായ മസെറെഷ കാസ വിശദീ​ക​രി​ച്ചു.—റോമർ 8:35-39; താരത​മ്യം ചെയ്യുക: പ്രവൃ​ത്തി​കൾ 8:1.

ഈ അടുത്ത​യി​ടെ​പോ​ലും മററു​ചി​ലർ പരി​ശോ​ധ​ന​യിൻകീ​ഴിൽ തങ്ങളുടെ വിശ്വ​സ്‌തത പ്രകടി​പ്പി​ച്ചു. സമീപ​ത്തുള്ള ഒരു രാജ്യ​ത്തു​നിന്ന്‌ ഒരു വലിയ കൂട്ടം സാക്ഷികൾ വന്നു. നിഷ്‌പക്ഷത നിമിത്തം അവിടെ സാക്ഷി​കൾക്ക്‌ പൊലീസ്‌ സംരക്ഷണം, യാത്രാ രേഖകൾ, വിവാഹ സർട്ടി​ഫി​ക്ക​റ​റു​കൾ, ആശുപ​ത്രി ചികിത്സ, തൊഴി​ലു​കൾ തുടങ്ങി​യവ നിഷേ​ധി​ക്ക​പ്പെട്ടു. ചെങ്കട​ലി​ലെ ഒരു എറി​ട്രി​യൻ തുറമു​ഖ​മായ മസാവ​യിൽ യുദ്ധം നടന്നു​കൊ​ണ്ടി​രു​ന്ന​പ്പോൾ കുട്ടി​ക​ളുൾപ്പെടെ 39 പേരട​ങ്ങുന്ന ഒരു മുഴു സഭയും നാലു മാസ​ത്തോ​ളം മരുഭൂ​മി​യി​ലുള്ള ഒരു പാലത്തി​നു കീഴിൽ അഭയം തേടി. തങ്ങളുടെ ഭവനങ്ങ​ളു​ടെ​മേൽ മുൻ ഗവൺമെൻറ്‌ വർഷി​ക്കുന്ന ബോം​ബു​ക​ളിൽനി​ന്നു രക്ഷപ്പെ​ടു​ന്ന​തി​നു​വേ​ണ്ടി​യാണ്‌ അവർ ഇങ്ങനെ ചെയ്‌തത്‌. ചൂടും ബുദ്ധി​മു​ട്ടും നിറഞ്ഞ ഈ ചുററു​പാ​ടിൽപ്പോ​ലും അവർ ദിനവാ​ക്യ ചർച്ചയും മീററിം​ഗു​ക​ളും നടത്തി. അത്‌ അവർക്ക്‌ വളരെ ബലം നൽകി. തന്നെയു​മല്ല യഹോ​വ​യോ​ടും അന്യോ​ന്യ​വും അടുത്ത ബന്ധം ആസ്വദി​ക്കു​ന്ന​തി​നും അവർക്കു കഴിഞ്ഞു. നൈൽന​ദി​യു​ടെ ഉത്ഭവസ്ഥാ​ന​ത്തി​നു സമീപം സേവന​മ​നു​ഷ്‌ഠി​ക്കുന്ന രണ്ടു പ്രത്യേക പയനിയർ സഹോ​ദ​രി​മാർ ജനക്കൂ​ട്ട​ത്തി​ന്റെ ഭീഷണി​യും ഉപദ്ര​വ​വും സഹി​ക്കേ​ണ്ടി​വന്നു. ഓർത്ത​ഡോ​ക്‌സ്‌ സഭ ഇളക്കി​വി​ട്ട​താ​യി​രു​ന്നു ഇത്‌. എന്നാൽ അവർ സ്ഥിരോ​ത്സാ​ഹ​ത്തോ​ടെ പ്രവർത്തി​ച്ച​തി​നാൽ ഈ കൺ​വെൻ​ഷ​നിൽ തങ്ങളുടെ അനേകം ബൈബിൾ വിദ്യാർഥി​കൾ ജലസ്‌നാ​പ​ന​ത്താൽ സമർപ്പ​ണത്തെ പ്രതീ​ക​പ്പെ​ടു​ത്തു​ന്നത്‌ അവർക്കു കാണാൻ കഴിഞ്ഞു.

സൊമാ​ലി​യ​യിൽനിന്ന്‌ അധികം ദൂരത്ത​ല്ലാ​തെ സ്ഥിതി​ചെ​യ്യുന്ന വരണ്ട ഒഗാതൻ പ്രദേ​ശത്ത്‌ ഏകാന്ത വിചാ​ര​ണ​യു​ടെ കാലയ​ള​വിൽ തൊഴി​ലിൽ ഏർപ്പെ​ട്ടി​രുന്ന ഒരു സഹോ​ദരൻ അതേപ്പ​ററി അനുസ്‌മ​രി​ച്ചു. പ്രസം​ഗ​വേ​ല​യിൽ ഏർപ്പെ​ട്ടു​കൊ​ണ്ടും താത്‌പ​ര്യ​ക്കാ​രു​മൊ​ത്തു യോഗങ്ങൾ നടത്തി​ക്കൊ​ണ്ടും അദ്ദേഹം ആത്മീയ​മാ​യി ഉണർന്നി​രു​ന്നു. അതിൽ ദിവ്യ ബോധ​ന​ത്തിൽനി​ന്നു പ്രയോ​ജനം നേടു​ക​യും ഇപ്പോൾ മററു​ള്ള​വരെ പഠിപ്പി​ക്കു​ക​യും ചെയ്യുന്ന ഡോക്ടർമാ​രും ഉൾപ്പെ​ട്ടി​രു​ന്നു. നിർമ​ലതാ പാലന​ത്തി​ന്റെ മറെറാ​രു ദൃഷ്ടാ​ന്ത​മാണ്‌ ആഡിസ്‌ അബാബ​യിൽ സേവന​മ​നു​ഷ്‌ഠി​ച്ചു​കൊ​ണ്ടി​രുന്ന ഒരു പ്രത്യേക പയനിയർ. 1992-ൽ ഓർത്ത​ഡോ​ക്‌സ്‌ പുരോ​ഹി​തൻമാർ ഇളക്കി​വിട്ട ജനക്കൂട്ടം അദ്ദേഹത്തെ അടിച്ച്‌ അവശനാ​ക്കി ചാകാ​നാ​യി ഉപേക്ഷി​ച്ചി​ട്ടു​പോ​യി. സന്തോ​ഷ​ക​ര​മെന്നു പറയട്ടെ, അദ്ദേഹം സുഖം​പ്രാ​പി​ക്കു​ക​യും അതേ പ്രദേ​ശ​ത്തു​തന്നെ സേവി​ക്കു​ക​യും ചെയ്യുന്നു. ആ മുഖത്തു പ്രകട​മാ​കുന്ന മന്ദസ്‌മി​ത​ത്തിൽ വിദ്വേ​ഷ​ത്തി​ന്റെ ലാഞ്ചന​പോ​ലു​മില്ല. പരി​ശോ​ധ​ന​കൾക്കു വിധേ​യ​രായ മറെറ​ല്ലാ​വ​രു​ടെ​യും പുതി​യ​വ​രു​ടെ​യും കാര്യ​ത്തി​ലെ​ന്ന​പോ​ലെ അദ്ദേഹ​ത്തി​നും “ദിവ്യ ബോധന” കൺ​വെൻ​ഷൻ ഒരു ആനന്ദക​ര​മായ ഉത്സവമാ​യി​രു​ന്നു.

കൺ​വെൻ​ഷൻ സംഘാ​ടനം വളരെ നന്നായി പ്രവർത്തി​ച്ചു. ഇതിൽ ഏർപ്പെ​ട്ടി​രുന്ന സ്വമേ​ധയാ സേവകർക്ക്‌ അനേക വർഷത്തെ അനുഭവ പരിചയം ഉണ്ടെന്ന തോന്നൽ ഇതു സന്ദർശ​ക​രിൽ ഉളവാക്കി. വാസ്‌ത​വ​ത്തിൽ, കഴിഞ്ഞ രണ്ടു വർഷം​കൊണ്ട്‌ അവർ ദ്രുത​ഗ​തി​യിൽ പുരോ​ഗ​മി​ച്ച​താ​യി​രു​ന്നു. ത്രിദിന കൺ​വെൻ​ഷൻ പെട്ടെന്ന്‌ അവസാ​നി​ച്ച​പോ​ലെ​തോ​ന്നി. ഞായറാ​ഴ്‌ചത്തെ അത്യുച്ച ഹാജർ 9,556 ആയിരു​ന്നു. ദേശീയ ടെലി​വി​ഷൻ, റേഡി​യോ, പത്രങ്ങൾ എന്നിവ അനുകൂ​ല​മാ​യി റിപ്പോർട്ടു ചെയ്യു​ക​യു​ണ്ടാ​യി. യഹോവ തന്റെ ജനത്തെ ആത്മീയ​മാ​യി സമ്പന്നരാ​ക്കു​ക​യാ​ണെന്നു സകലർക്കും കാണാൻ കഴിഞ്ഞു. “ദിവ്യ ബോധന”ത്തിൽനി​ന്നു പ്രയോ​ജനം നേടാൻ തുടങ്ങിയ ആയിരങ്ങൾ സദസ്യ​രിൽ ഉൾപ്പെ​ട്ടി​രു​ന്നു. അഞ്ചു​കോ​ടി ജനങ്ങളുള്ള ഈ രാജ്യത്ത്‌ യഹോ​വ​യു​ടെ സാക്ഷി​കൾക്കാ​യി ഒരു വലിയ വയൽ തുറന്നി​രി​ക്കു​ന്നു. ദിവ്യ ബോധ​ന​ത്തിൽനി​ന്നു പ്രയോ​ജനം നേടാൻ ആത്മാർഥ​രായ ആളുകളെ സഹായി​ക്കാൻവേണ്ടി ഈ വ്യവസ്ഥി​തി​യിൽ അവശേ​ഷി​ച്ചി​രി​ക്കുന്ന സമയം ഉപയോ​ഗി​ക്കു​ന്ന​തി​നുള്ള സകലരു​ടെ​യും തീരു​മാ​നത്തെ ഈ കൺ​വെൻ​ഷൻ ബലപ്പെ​ടു​ത്തി.

[അടിക്കു​റി​പ്പു​കൾ]

[23-ാം പേജിലെ ചിത്രം]

ആഡിസ്‌ അബാബ, 1994 ജനുവരി 13-15

[24-ാം പേജിലെ ചിത്രം]

ആഡിസ്‌ അബാബ​യിൽ ഒരുകൂ​ട്ടം പയനി​യർമാർ (വലത്ത്‌); ജയിലി​ല​ട​യ്‌ക്ക​പ്പെട്ട നിർമ​ല​താ​പാ​ലകർ (താഴെ), 113 വയസ്സുള്ള സാക്ഷി​യും ഭാര്യ​യും