ഫിജി​യി​ലെ വെള്ളങ്ങ​ളിൽ “മീൻപി​ടി​ക്കൽ”

ഫിജി—ആ പേര്‌ ദക്ഷിണ മഹാസ​മു​ദ്ര​ത്തി​ലെ ഒരു പറുദീ​സ​യു​ടെ ദൃശ്യം മനസ്സി​ലേക്കു വിളി​ച്ചു​വ​രു​ത്തു​ന്നു. നീല-ഹരിത ജലാശ​യങ്ങൾ, പവിഴ​പ്പു​റ​റു​കൾ, കാററി​ലു​ല​യുന്ന തെങ്ങുകൾ, ഹരിത​മോ​ഹന മലകൾ, ഉഷ്‌ണ​മേ​ഖലാ മത്സ്യങ്ങൾ, വിദേ​ശ​ത്തു​നി​ന്നു കൊണ്ടു​വന്ന പഴങ്ങളും പൂക്കളും. ഇവയെ​ല്ലാം, ദക്ഷിണ പസഫി​ക്കി​ലെ ന്യൂസി​ലൻഡിന്‌ ഏതാണ്ട്‌ 1,800 കിലോ​മീ​ററർ വടക്കായി സ്ഥിതി​ചെ​യ്യുന്ന 300 ദീപു​ക​ളുള്ള ഈ ദ്വീപ​സ​മൂ​ഹ​ത്തിൽ നിങ്ങൾക്കു സമൃദ്ധ​മാ​യി കാണാൻ കഴിയും. അതിനാൽ ഫിജി സകലരു​ടേ​യും സ്വപ്‌ന​മായ ഒരു ഉഷ്‌ണ​മേ​ഖലാ പറുദീ​സ​യാണ്‌ എന്നു നിങ്ങൾ സമ്മതി​ച്ചേ​ക്കും.

എന്നാൽ, ഫിജി അതിന്റെ പ്രകൃതി സൗന്ദര്യ​ത്തി​ലു​മ​ധി​കം വശ്യസു​ന്ദ​ര​മാണ്‌. അതേ, പവിഴ​പ്പു​റ​റു​ക​ളിൽ നാനാ​ത​ര​ത്തി​ലുള്ള മത്സ്യങ്ങൾ ഉള്ളതു​പോ​ലെ കരയി​ലും വൈവി​ധ്യം കാണാ​വു​ന്ന​താണ്‌. ഫിജി​യി​ലെ ജനക്കൂ​ട്ട​ങ്ങൾക്കി​ട​യി​ലു​ള്ള​തു​പോ​ലത്തെ വ്യത്യാ​സങ്ങൾ ദക്ഷിണ പസഫി​ക്കിൽ വേറൊ​രി​ട​ത്തും കാണാൻ കഴി​ഞ്ഞെ​ന്നു​വ​രില്ല. അവിടെ ഏതാണ്ട്‌ 7,50,000 നിവാ​സി​ക​ളുണ്ട്‌. അവരു​ടെ​യി​ട​യി​ലുള്ള രണ്ടു വലിയ സമൂഹങ്ങൾ മലനേ​ഷ്യാ ഉത്ഭവമുള്ള സ്വദേ​ശി​ക​ളായ ഫിജി​ക്കാ​രും ബ്രിട്ടീഷ്‌ കോള​നി​വാ​ഴ്‌ച​യു​ടെ നാളു​ക​ളിൽ ഇന്ത്യയിൽനി​ന്നു കൊണ്ടു​വന്ന തൊഴി​ലാ​ളി​ക​ളു​ടെ പിൻഗാ​മി​ക​ളായ, ഫിജി​യിൽ ജനിച്ചു​വ​ളർന്ന ഇന്ത്യാ​ക്കാ​രു​മാണ്‌. എന്നാൽ അവരെ​ക്കൂ​ടാ​തെ ബനാബ​ക്കാ​രും ചൈനാ​ക്കാ​രും യൂറോ​പ്യൻമാ​രും ഗിൽബർട്ടു​കാ​രും റോട്ടു​മ​ക്കാ​രും തുവാ​ലു​ക്കാ​രും വേറെ ചിലരും അവി​ടെ​യുണ്ട്‌.

ഈ ബഹുസം​സ്‌കാര സമൂഹ​ത്തിൽ യഹോ​വ​യു​ടെ സാക്ഷികൾ ഒരു “മീൻപി​ടുത്ത”വേലയിൽ തിര​ക്കോ​ടെ ഏർപ്പെ​ട്ടി​രി​ക്കു​ക​യാണ്‌. (മർക്കൊസ്‌ 1:17) നാനാ​പ്ര​കാ​ര​ത്തി​ലുള്ള അത്തര​മൊ​രു സമുദാ​യ​ത്തിൽ ദൈവ​രാ​ജ്യ​ത്തെ​ക്കു​റി​ച്ചുള്ള സുവാർത്ത പ്രസം​ഗി​ക്കു​ന്നത്‌ വളരെ രസാവ​ഹ​മാണ്‌. ആദ്യ​മേ​തന്നെ ഭാഷാ-സംസ്‌കാര പ്രതി​ബ​ന്ധ​ങ്ങളെ തരണം​ചെ​യ്യേ​ണ്ട​തുണ്ട്‌. വ്യവഹാ​ര​ഭാഷ ഇംഗ്ലീ​ഷാണ്‌ എന്നുവ​രി​കി​ലും പലപ്പോ​ഴും ഫിജിയൻ, ഹിന്ദി, റോട്ടു​മൻ എന്നിവ​യോ മററു ചില ഭാഷക​ളോ ഉപയോ​ഗി​ക്കേ​ണ്ട​താ​യി​വ​രും.

വ്യത്യ​സ്‌ത മതപശ്ചാ​ത്ത​ല​ങ്ങ​ളി​ലു​ള്ള​വ​രു​മാ​യി സംഭാ​ഷണം നടത്തു​ന്ന​തി​നും വ്യത്യസ്‌ത സമീപനം സ്വീക​രി​ക്കേ​ണ്ട​താ​യുണ്ട്‌. സ്വദേ​ശി​ക​ളായ അനേകം ഫിജി​ക്കാ​രും മററു ദ്വീപു​വാ​സി​ക​ളും വ്യത്യസ്‌ത ക്രിസ്‌തീയ വിഭാ​ഗ​ങ്ങ​ളിൽപ്പെ​ട്ട​വ​രാണ്‌. ഇന്ത്യാ​ക്കാ​രായ ജനതതി ഹിന്ദു​ക്ക​ളും മുസ്ലീ​ങ്ങ​ളും സിക്കു​കാ​രു​മ​ട​ങ്ങി​യ​താണ്‌. എങ്കിലും ഹിന്ദു​ക്കൾക്കാ​ണു ഭൂരി​പക്ഷം. പട്ടണങ്ങ​ളി​ലും ഗ്രാമ​ങ്ങ​ളി​ലും പള്ളികൾ ധാരാ​ള​മുണ്ട്‌. എന്നാൽ ഫിജി​യു​ടെ വലിയ രണ്ടു ദ്വീപു​ക​ളി​ലുള്ള ഹൈന്ദവ ക്ഷേത്ര​ങ്ങ​ളും മുസ്ലീം മോസ്‌കു​ക​ളും എടുത്തു​പ​റ​യത്തക്ക വ്യത്യാ​സം കാണി​ക്കു​ന്നു.

പ്രദേ​ശ​ത്തെ അനേകം സാക്ഷികൾ പ്രധാ​ന​പ്പെട്ട മൂന്നു ഭാഷകൾ—ഇംഗ്ലീഷ്‌, ഫിജിയൻ, ഹിന്ദി—സംസാ​രി​ക്കാൻപോ​ന്ന​വി​ധ​മാ​ണു വളർന്നു​വ​ന്നത്‌. ഈ സിദ്ധി​യു​ണ്ടാ​യി​രി​ക്കു​ന്നത്‌ “മീൻപി​ടുത്ത”വേലയിൽ വളരെ പ്രയോ​ജനം ചെയ്യു​ന്നുണ്ട്‌. ഒരു ഫിജി​ക്കാ​രൻ സ്‌ഫു​ട​മാ​യി ഹിന്ദി സംസാ​രി​ക്കു​ന്ന​തും ഒരു ഹൈന്ദവൻ ഒഴു​ക്കോ​ടെ ഫിജിയൻ സംസാ​രി​ക്കു​ന്ന​തും കേൾക്കു​മ്പോൾ ചില​പ്പോ​ഴെ​ല്ലാം ആളുകൾക്ക്‌ ആശ്ചര്യം തോന്നാ​റുണ്ട്‌. സാംസ്‌കാ​രി​ക​വും മതപര​വും ഭാഷാ​പ​ര​വു​മായ വ്യത്യാ​സ​ങ്ങളെ തരണം​ചെ​യ്യേ​ണ്ട​തു​ള്ള​തി​നാൽ “[സുവി​ശേ​ഷ​ത്തിൽ] ഒരു പങ്കാളി​യാ​കേ​ണ്ട​തി​ന്നു” വൈവി​ധ്യ​മാർന്ന സമീപനം ആവശ്യ​മാണ്‌.—1 കൊരി​ന്ത്യർ 9:23.

ഒരു ഫിജിയൻ ഗ്രാമ​ത്തി​ലെ “മീൻപി​ടു​ത്തം”

സ്വദേ​ശി​ക​ളായ ഫിജി​ക്കാർ സൗഹൃ​ദ​വും ആതിഥ്യ​മ​ര്യാ​ദ​യു​മുള്ള ജനങ്ങളാണ്‌. ഒരു നൂററാ​ണ്ടിന്‌ അല്‌പം​മു​മ്പു​വരെ ഗോ​ത്ര​യു​ദ്ധം പ്രബല​പ്പെ​ട്ടി​രി​ക്കു​ക​യാ​യി​രു​ന്നു​വെന്നു ചിന്തി​ക്കു​ക​തന്നെ പ്രയാ​സ​മാണ്‌. വാസ്‌ത​വ​ത്തിൽ യൂറോ​പ്യൻമാർ ആദ്യം സമ്പർക്കം സ്ഥാപി​ച്ച​പ്പോൾ നരഭോ​ജി ദ്വീപു​കൾ എന്നാണ്‌ ഫിജി അറിയ​പ്പെ​ട്ടി​രു​ന്നത്‌. കാലക്രമേണ, സർവാ​ധി​കാ​രി​യായ ഒരാൾ അധികാ​ര​ത്തി​ലേക്കു വരിക​യും ക്രിസ്‌ത്യാ​നി​ത്വം സ്വീക​രി​ക്കു​ക​യും ചെയ്‌ത​പ്പോൾ യുദ്ധത്തി​നും നരഭോ​ജ​ന​ത്തി​നും അറുതി​യു​ണ്ടാ​യി. ഗോത്ര വൈപ​രീ​ത്യം വ്യത്യസ്‌ത പ്രവി​ശ്യ​ക​ളി​ലെ പ്രാ​ദേ​ശിക ഭാഷക​ളിൽ മാത്രം നിലനി​ന്നു. എന്നുവ​രി​കി​ലും ബവുവാൻ ഭാഷയാണ്‌ വ്യാപ​ക​മാ​യി ഉപയോ​ഗ​ത്തി​ലു​ള്ളത്‌.

തലസ്ഥാന നഗരി​യായ സുവാ കൂടാതെ അനേകം പട്ടണങ്ങൾ ഫിജി​യി​ലാ​ക​മാ​നം ഉണ്ട്‌. അനേകം ഫിജി​ക്കാ​രും ഒരു ററുറാ​ങ്കാ നീ കോറോ അഥവാ പ്രധാ​നി​യു​ടെ അധീന​ത​യി​ലുള്ള ഗ്രാമ സമൂഹ​ങ്ങ​ളി​ലാ​ണു താമസി​ക്കു​ന്നത്‌. “മീൻപി​ടുത്ത”ത്തിൽ ഏർപ്പെ​ടു​ന്ന​തി​നാ​യി ഒരു ഗ്രാമ​ത്തി​ലുള്ള വ്യത്യസ്‌ത ബൂറേ​ക​ളിൽ അഥവാ പ്രാ​ദേ​ശിക ഭവനങ്ങ​ളിൽ പ്രവേ​ശി​ക്കു​ന്ന​തി​നുള്ള അനുവാ​ദ​ത്തി​നു​വേണ്ടി ഈ മനുഷ്യ​നെ സമീപി​ക്കു​ന്നതു നാട്ടു​ന​ട​പ്പാണ്‌. ചില​പ്പോ​ഴൊ​ക്കെ അനുവാ​ദം കിട്ടാ​റില്ല. പലപ്പോ​ഴും അതിനു​പി​ന്നിൽ സാക്ഷി​ക​ളോ​ടു വിരോ​ധ​മുള്ള ഏതെങ്കി​ലു​മൊ​രു ഗ്രാമ വൈദി​ക​നാ​യി​രി​ക്കും. ഒരു ഫിജി​ക്കാ​രന്റെ ഭവനം സന്ദർശി​ക്കുക എന്നു പറഞ്ഞാൽ എങ്ങനെ​യി​രി​ക്കും?

ബൂറേ​യിൽ പ്രവേ​ശി​ച്ചു കഴിഞ്ഞാ​ലു​ടനെ ഞങ്ങൾ ചമ്പ്രം​പ​ടി​ഞ്ഞു തറയി​ലി​രി​ക്കു​ക​യാ​യി. പാശ്ചാത്യ നാടു​ക​ളിൽ ശ്രദ്ധ പിടി​ച്ചു​പ​റ​റു​ന്ന​തിന്‌ ഉപയോ​ഗി​ക്കാ​റുള്ള സസൂക്ഷ്‌മ പദപ്ര​യോ​ഗം​കൊ​ണ്ടുള്ള ഒരു മുഖവുര ഇവിടെ വേണ്ടി​വ​രു​ന്നില്ല. ദൈവ​ത്തെ​ക്കു​റി​ച്ചു സംസാ​രി​ക്കാൻ വരുന്ന ആർക്കും ഇവിടെ സ്വാഗ​ത​മുണ്ട്‌. ബൈബിൾ എടുക്കു​വാൻ അഭ്യർഥി​ക്കുന്ന ഉടനെ “തൂലോ” (ക്ഷമിക്കണം) എന്നു പറഞ്ഞു​കൊണ്ട്‌ വീട്ടു​കാ​രൻ എഴു​ന്നേ​റ​റു​ക​ഴി​ഞ്ഞു. അലമാ​ര​യി​ലി​രി​ക്കുന്ന ഫിജിയൻ ഭാഷയി​ലുള്ള ബൈബിൾ എടുത്തു​കൊ​ണ്ടു​വ​രി​ക​യും സന്ദർശനം നടത്തുന്ന ശുശ്രൂ​ഷകൻ സൂചി​പ്പി​ക്കുന്ന വാക്യങ്ങൾ ആകാം​ക്ഷ​യോ​ടെ വായി​ക്കു​ക​യും ചെയ്യുന്നു. എന്നിരു​ന്നാ​ലും, ആതിഥ്യ​മ​ര്യാ​ദ​യും ആദരവു​മുള്ള ഫിജി​ക്കാ​രൻ വേറൊ​രു വിധത്തിൽ ഒരു വെല്ലു​വി​ളി ഉയർത്തു​ന്നു. വീട്ടു​കാ​രനെ സംഭാ​ഷ​ണ​ത്തിൽ ഉൾപ്പെ​ടു​ത്തു​ന്ന​തി​നും നടത്തി​ക്കൊ​ണ്ടി​രി​ക്കുന്ന ന്യായ​വാ​ദം പിന്തു​ട​രു​ന്ന​തി​നും തങ്ങളുടെ വിശ്വാ​സങ്ങൾ ബൈബിൾ പഠിപ്പി​ക്ക​ലു​ക​ളു​മാ​യി താരത​മ്യം ചെയ്യു​ന്ന​തി​ന്റെ ആവശ്യം തിരി​ച്ച​റി​യു​വാൻ അവരെ സഹായി​ക്കു​ന്ന​തി​നും ഗണ്യമായ വിവേ​ച​ന​യും നയവും ആവശ്യ​മാണ്‌.

സമുദാ​യ​പ​ര​മാ​യ അവസ്ഥക​ളോ വിഷയ​ങ്ങ​ളോ ചർച്ച​ചെ​യ്യു​ന്ന​തി​നെ​ക്കാൾ താത്ത്വിക വിഷയങ്ങൾ ചർച്ച​ചെ​യ്യു​ന്ന​തി​ലാ​ണു ഫിജി​ക്കാ​രായ വീട്ടു​കാർക്കു പൊതു​വേ താത്‌പ​ര്യം. വാസ്‌ത​വ​ത്തിൽ, നരകം ഏതു തരം സ്ഥലമാണ്‌? സ്വർഗ​ത്തിൽപോ​കു​ന്നത്‌ ആർ? ഭൂമി നശിപ്പി​ക്ക​പ്പെ​ടു​മോ? എന്നീ ചോദ്യ​ങ്ങ​ളു​ടെ​മേ​ലുള്ള ചർച്ചയു​ടെ ഫലമാ​യി​ട്ടാണ്‌ ഫിജി​യി​ലുള്ള 1,400-ൽപ്പരം സജീവ സാക്ഷി​ക​ളിൽ അനേക​രും ബൈബിൾ സത്യങ്ങ​ളിൽ തത്‌പ​ര​രാ​യത്‌. പ്രകടി​പ്പിച്ച താത്‌പ​ര്യം നിലനിർത്തി​ക്കൊ​ണ്ടു​പോ​കു​ന്ന​തി​നു സാഹച​ര്യ​ത്തി​നൊ​ത്തുള്ള പൊരു​ത്ത​പ്പെ​ട​ലും സ്ഥിരത​യും ആവശ്യ​മാണ്‌. പറഞ്ഞൊത്ത സമയത്തു തിരികെ ചെല്ലു​മ്പോൾ മിക്ക​പ്പോ​ഴും വീട്ടു​കാ​രൻ റെറയ്‌റ​റ​യി​ലേ​ക്കോ (തോട്ടം) മറെറ​വി​ടേ​ക്കോ പോയ​താ​യി​രി​ക്കും. സന്ദർശ​ന​ത്തിൽ അവർ വിലമ​തി​പ്പി​ല്ലാ​ത്ത​വ​രാണ്‌ എന്ന്‌ അതിനർഥ​മില്ല മറിച്ച്‌, സമയ​ത്തെ​ക്കു​റി​ച്ചുള്ള അവരുടെ ബോധം വ്യത്യ​സ്‌ത​മാണ്‌ എന്നതാണു കാരണം. പ്രദേ​ശത്തെ സാക്ഷി​കളെ സംബന്ധി​ച്ചി​ട​ത്തോ​ളം ഇത്‌ പുത്തരി​യല്ല. അവർ സ്ഥിരോ​ത്സാ​ഹ​ത്തോ​ടെ മറെറാ​രു സമയത്ത്‌ സന്ദർശി​ക്കു​ന്നു. കുറി​ച്ചി​ടു​ന്ന​തി​നു സ്ഥലപ്പേ​രോ വീട്ടു​ന​മ്പ​രോ ഇല്ല. അതു​കൊണ്ട്‌, മടക്കസ​ന്ദർശനം നടത്തു​മ്പോൾ ഒരുവന്‌ നല്ല ഓർമ​ശക്തി ആവശ്യ​മാണ്‌.

“മീൻപി​ടി​ക്കൽ” പോളി​നേ​ഷ്യാ രീതി​യിൽ

നമുക്കി​പ്പോൾ, ഒരു സഞ്ചാര​മേൽവി​ചാ​ര​ക​നോ​ടൊ​പ്പം അഥവാ ഒരു സർക്കിട്ട്‌ മേൽവി​ചാ​ര​ക​നോ​ടൊ​പ്പം ‘മീൻപി​ടി​ക്കാൻ’ പോകാം. അദ്ദേഹം റോട്ടു​മ​യി​ലെ ചെറിയ സഭ സന്ദർശി​ക്കു​ക​യാണ്‌. അഗ്നിപർവത ദീപു​ക​ളു​ടെ ഈ കൂട്ടം ഫിജി​യിൽനിന്ന്‌ 500 കിലോ​മീ​ററർ വടക്കു സ്ഥിതി​ചെ​യ്യു​ന്നു. അവിടെ എത്തുന്ന​തിന്‌ 19 സീററു​ക​ളുള്ള ഒരു വിമാ​ന​ത്തിൽ നാം യാത്ര​ചെ​യ്യു​ന്നു. പ്രധാന ദ്വീപി​ന്റെ വ്യാപ്‌തി 50 ചതുരശ്ര കിലോ​മീ​ററർ ആണ്‌. അവിടത്തെ മൊത്തം ജനസംഖ്യ 3,000-ഉം. ഏതാണ്ട്‌ 20 ഗ്രാമ​ങ്ങളെ ബന്ധിപ്പി​ച്ചു​കൊണ്ട്‌ തീര​ത്തോ​ടു ചേർന്ന്‌ ഒരു ചരൽപാത പോകു​ന്നു. റോട്ടുമ ഫിജി​യു​ടെ ഭരണത്തിൻകീ​ഴി​ലാ​ണെ​ങ്കി​ലും അവിടത്തെ സംസ്‌കാ​ര​ത്തി​ലും ഭാഷയി​ലും വ്യത്യാ​സ​മുണ്ട്‌. പോളി​നേ​ഷ്യാ ഉത്ഭവം ഉള്ളതി​നാൽ അവിടത്തെ ജനങ്ങളും മലനേ​ഷ്യ​ക്കാ​രായ ഫിജി​ക്കാ​രും തമ്മിൽ ആകാര​ത്തിൽ വ്യത്യാ​സ​മുണ്ട്‌. കൂടു​തൽപേ​രും റോമൻ കത്തോ​ലി​ക്ക​രോ മെഥഡി​സ്‌റ​റു​കാ​രോ ആണ്‌.

നിലത്തി​റ​ക്കാ​നു​ള്ള ഒരുക്ക​ത്തിൽ വിമാനം താഴു​മ്പോൾ ദ്വീപിൽ തഴച്ചു​വ​ള​രുന്ന വൃക്ഷസ​സ്യാ​ദി​കൾ നമ്മുടെ ദൃഷ്ടി​യിൽപ്പെ​ടു​ന്നു. തെങ്ങിന്റെ തൂവൽപോ​ലുള്ള ഓലമടൽ എല്ലായി​ട​ത്തും കാണാൻ കഴിയും. ആഴ്‌ച​യി​ലൊ​രി​ക്കൽ വന്നെത്തുന്ന വിമാ​നത്തെ സ്വാഗതം ചെയ്യു​ന്ന​തിന്‌ ഒരു വലിയ പുരു​ഷാ​രം സന്നിഹി​ത​രാണ്‌. അക്കൂട്ട​ത്തിൽ ഒരു കൂട്ടം സാക്ഷി​ക​ളു​മുണ്ട്‌. നമുക്ക്‌ ഊഷ്‌മ​ള​മായ സ്വാഗ​ത​മ​രു​ള​പ്പെ​ടു​ന്നു. നമ്മുടെ ദാഹശ​മ​ന​ത്തി​നാ​യി “കണ്ണ്‌” ചെത്തി​ത്തു​റന്ന അനേകം കരിക്കു​കൾ നമുക്കു തരിക​യാ​യി.

ഹ്രസ്വ​യാ​ത്ര​യ്‌ക്കു​ശേഷം ഇതാ, നാം താമസ​സ്ഥ​ല​ങ്ങ​ളി​ലെ​ത്തി​ക്ക​ഴി​ഞ്ഞു. നിലം കുഴി​ച്ചു​ണ്ടാ​ക്കിയ അടുപ്പിൽ പാകം​ചെയ്‌ത ഒരു ഊണ്‌ തയ്യാറാ​യി​രി​ക്കും. പൊരിച്ച പന്നിയും കോഴി​യും വറുത്ത മീനും ചിററ​ക്കൊ​ഞ്ചും പ്രാ​ദേ​ശിക കിഴങ്ങും ചേമ്പും നമ്മുടെ മുമ്പിൽ നിരത്തു​ന്നു. എന്തൊരു സദ്യയും സജ്ജീക​ര​ണ​ങ്ങ​ളു​മാണ്‌, തൈ​ത്തെ​ങ്ങു​ക​ളു​ടെ കീഴിലെ പറുദീ​സാ സജ്ജീക​രണം!

അടുത്ത​ദി​വ​സം നാം റോട്ടു​മ​യിൽ ഹുവാങ്കാ എന്നു​പേ​രുള്ള ഗ്രാമ​ങ്ങ​ളി​ലെ ജനങ്ങളെ സന്ദർശി​ക്കു​ന്നു. ആദ്യത്തെ വീടി​നോ​ടു സമീപി​ക്കവേ കൂട്ടിൽനി​ന്നു രക്ഷപെട്ട ഒരു കുട്ടി​പ്പന്നി നിലവി​ളി​ച്ചു​കൊ​ണ്ടു വിര​ണ്ടോ​ടു​ക​യാണ്‌. നാം വരുന്നതു വീട്ടു​കാ​രൻ കണ്ടിട്ട്‌ ഒരു മന്ദസ്‌മി​ത​ത്തോ​ടെ വാതിൽതു​റന്ന്‌ റോട്ടുമ ഭാഷയിൽ “നോയ!” എന്നു പറഞ്ഞു​കൊ​ണ്ടു നമ്മെ അഭിവാ​ദനം ചെയ്യുന്നു. പിന്നീട്‌ നമ്മോട്‌ ഇരിക്കാൻ അഭ്യർഥി​ക്കു​ന്നു. നമ്മുടെ മുമ്പിൽ ഒരു പ്ലേററു​നി​റയെ നേന്ത്ര​പ്പഴം വെച്ചി​രി​ക്കു​ന്നു. കരിക്കിൻവെള്ളം കുടി​ക്കാ​നും നമ്മെ ക്ഷണിക്കു​ന്നുണ്ട്‌. റോട്ടു​മ​യിൽ അതിഥി​സ​ത്‌കാ​രം കഴി​ഞ്ഞേ​യു​ള്ളൂ ബാക്കി എന്തും.

അജ്ഞേയ​താ​വാ​ദി​ക​ളോ പരിണാ​മ​വാ​ദി​ക​ളോ ഇവി​ടെ​യില്ല. സകലരും ബൈബി​ളിൽ വിശ്വ​സി​ക്കു​ന്നു. ഭൂമി​യോ​ടുള്ള ബന്ധത്തിൽ ദൈവ​ത്തി​നുള്ള ഉദ്ദേശ്യം​പോ​ലത്തെ വിഷയങ്ങൾ എളുപ്പ​ത്തിൽ അവരുടെ ശ്രദ്ധ പിടി​ച്ചു​പ​റ​റും. ഭൂമി നശിപ്പി​ക്ക​പ്പെ​ടു​ക​യില്ല മറിച്ച്‌, നീതി​മാൻമാ​രായ ആളുകൾ എന്നെ​ന്നേ​ക്കും അതിൽ അധിവ​സി​ക്കു​മെന്നു കേൾക്കു​മ്പോൾ വീട്ടു​കാ​രൻ അതിശ​യം​കൂ​റു​ന്നു. (സങ്കീർത്തനം 37:29) ഈ ആശയത്തെ സംസ്ഥാ​പി​ക്കുന്ന തിരു​വെ​ഴു​ത്തു​കൾ ബൈബി​ളിൽനി​ന്നു വായി​ക്കു​മ്പോൾ അയാൾ സസൂക്ഷ്‌മം ശ്രദ്ധി​ക്കു​ക​യും നാം നൽകുന്ന ബൈബിൾ സാഹി​ത്യ​ങ്ങൾ ആകാം​ക്ഷ​യോ​ടെ സ്വീക​രി​ക്കു​ക​യും ചെയ്യുന്നു. നാം പുറ​പ്പെ​ടാൻ തുടങ്ങു​മ്പോൾ അത്തര​മൊ​രു സന്ദർശനം നടത്തി​യ​തി​നു നമുക്കു നന്ദി നൽകു​ന്ന​തോ​ടൊ​പ്പം വഴിയിൽവെച്ചു തിന്നു​ന്ന​തിന്‌ ഒരു പ്ലാസ്‌റ​റിക്ക്‌ കൂടു നിറയെ നേന്ത്ര​പ്പ​ഴ​വും നൽകുന്നു. ഇവിടെ പ്രസം​ഗ​വേ​ല​യിൽ ഏർപ്പെ​ടു​ന്ന​തു​മൂ​ലം ഒരുവന്‌ എളുപ്പം വണ്ണംവ​യ്‌ക്കാൻ കഴിയും!

ഇന്ത്യാ​ക്കാ​രു​ടെ സമുദാ​യ​ത്തോട്‌ പൊരു​ത്ത​പ്പെ​ടു​ന്നു

ദക്ഷിണ പസഫി​ക്കി​ലെ മററ​നേകം ദ്വീപു രാജ്യ​ങ്ങ​ളും പലജന​വർഗ​ങ്ങ​ളു​ള്ള​താ​ണെ​ങ്കി​ലും ഇക്കാര്യ​ത്തിൽ ഫിജി മുൻപ​ന്തി​യിൽ നിൽക്കു​ന്നു. മലനേഷ്യ, മൈ​ക്രോ​നേഷ്യ, പോളി​നേഷ്യ സംസ്‌കാ​ര​ങ്ങ​ളോ​ടു തൊട്ടു​തൊ​ട്ടാ​യി നിൽക്കു​ന്ന​താണ്‌ ഏഷ്യയിൽനി​ന്നു പറിച്ചു​നട്ട ഒന്ന്‌. 1879-നും 1916-നും ഇടയിൽ കരാറ​ടി​സ്ഥാ​ന​ത്തിൽ തൊഴിൽചെ​യ്യു​ന്ന​തിന്‌ ഇന്ത്യാ​ക്കാ​രെ കരിമ്പിൻതോ​ട്ട​ങ്ങ​ളിൽ കൊണ്ടു​വ​ന്നി​രു​ന്നു. ഗിർമിത്ത്‌ (കരാർ) എന്നു പേർപ​റ​യുന്ന ഈ ക്രമീ​ക​ര​ണ​ത്തി​ന്റെ ഫലമായി ആയിര​ക്ക​ണ​ക്കിന്‌ ഇന്ത്യാ​ക്കാർ ഫിജി​യി​ലെത്തി. ഈ തൊഴി​ലാ​ളി​ക​ളു​ടെ പിൻഗാ​മി​കൾ ദേശത്തി​ലെ ജനസം​ഖ്യ​യു​ടെ ഒരു വലിയ ഭാഗമാ​യി​ത്തീർന്നു. അവർ തങ്ങളുടെ സംസ്‌കാ​ര​വും ഭാഷയും മതവും നിലനിർത്തി.

ഫിജി​യു​ടെ പ്രധാന ദ്വീപി​ന്റെ കാററു​ത​ട്ടാത്ത ഭാഗത്താ​ണു ലൗട്ടോക്ക പട്ടണം സ്ഥിതി​ചെ​യ്യു​ന്നത്‌. ഇത്‌ ഫിജി​യു​ടെ കരിമ്പു വ്യവസാ​യ​കേ​ന്ദ്ര​വും ദേശത്തെ ഇന്ത്യൻ ജനസമൂ​ഹ​ത്തിൽ മിക്കവ​രു​ടെ ഭവനവും കൂടി​യാണ്‌. യഹോ​വ​യു​ടെ സാക്ഷി​ക​ളു​ടെ മൂന്നു സഭകളി​ലുള്ള അംഗങ്ങൾ തങ്ങളുടെ “മീൻപി​ടി​ക്കൽ”വേലയിൽ വളരെ വഴക്കമു​ള്ള​വ​രാ​യി​ക്കേ​ണ്ട​തുണ്ട്‌. വീടു​തോ​റും സന്ദർശി​ക്കു​മ്പോൾ വീട്ടു​കാ​രന്റെ വംശവും മതവും അടിസ്ഥാ​ന​പ്പെ​ടു​ത്തി തന്റെ ചർച്ചാ​വി​ഷയം അനുരൂ​പ​പ്പെ​ടു​ത്തണം. ലൗട്ടോ​ക്ക​യ്‌ക്കു പുറത്തുള്ള കരിമ്പിൻതോ​ട്ട​ങ്ങ​ളിൽ ചിതറി​ക്കി​ട​ക്കുന്ന ഭവനങ്ങ​ളിൽ സന്ദർശനം നടത്തുന്ന പ്രദേ​ശത്തെ ഒരു കൂട്ടം സാക്ഷി​ക​ളോ​ടൊ​പ്പം നമുക്കും പങ്കു​ചേ​രാം.

ആദ്യത്തെ വീടി​നോ​ടു സമീപി​ക്കവേ, മതിൽക്കെ​ട്ടി​ന്റെ മുന്നി​ലത്തെ മൂലയി​ലാ​യി അററത്തു ചുവന്ന തുണി​ക്ക​ഷ​ണങ്ങൾ കെട്ടിയ ഏതാനും നീണ്ട മുളക്കു​റ​റി​കൾ നാം ശ്രദ്ധി​ക്കു​ന്നു. ഇത്‌ ഒരു ഹൈന്ദവ കുടും​ബ​മാണ്‌ എന്നു തിരി​ച്ച​റി​യി​ക്കു​ന്നു. മിക്കവാ​റും എല്ലാ ഹൈന്ദവ കുടും​ബ​ങ്ങ​ളും തങ്ങളുടെ ദൈവ​ങ്ങ​ളു​ടെ ചിത്ര​ങ്ങ​ളാൽ അലങ്കൃ​ത​മാണ്‌. അനേകർക്കും കൃഷ്‌ണ​നെ​പ്പോ​ലുള്ള ഇഷ്ടദേ​വ​നുണ്ട്‌. മിക്ക​പ്പോ​ഴും വീട്ടി​നു​ള്ളിൽതന്നെ ഒരു ചെറിയ ക്ഷേത്ര​വു​മു​ണ്ടാ​കും.a

എല്ലാ മതങ്ങളും നല്ലതാ​ണെ​ന്നും അവ ആരാധ​ന​യ്‌ക്കു​വേ​ണ്ടി​യുള്ള വ്യത്യസ്‌ത പാതകൾ മാത്ര​മാ​ണെ​ന്നും മിക്ക ഹൈന്ദ​വ​രും വിശ്വ​സി​ക്കു​ന്നു. അതു​കൊണ്ട്‌ ഒരു വീട്ടു​കാ​രൻ മര്യാ​ദ​യോ​ടെ ശ്രദ്ധനൽകു​ക​യും ചില സാഹി​ത്യ​ങ്ങൾ സ്വീക​രി​ക്കു​ക​യും ശീതള​പാ​നീ​യങ്ങൾ നൽകു​ക​യും ചെയ്‌തേ​ക്കാം. അങ്ങനെ തന്റെ കൃത്യം നിർവ​ഹി​ച്ച​താ​യി അയാൾക്കു തോന്നു​ന്നു. വീട്ടു​കാ​രനെ അർഥസ​മ്പൂർണ​മായ ചർച്ചക​ളിൽ ഉൾപ്പെ​ടു​ത്തു​വാൻ ഉചിത​മായ ചോദ്യ​ങ്ങൾ ഉന്നയി​ക്കു​ന്ന​തിന്‌ അവരുടെ വിശ്വാ​സ​ത്തി​ന്റെ ഭാഗമാ​യി​രി​ക്കുന്ന ചില കഥകൾ അറിഞ്ഞി​രി​ക്കു​ന്നതു മിക്ക​പ്പോ​ഴും സഹായ​ക​ര​മാണ്‌. ഉദാഹ​ര​ണ​ത്തിന്‌ അവരുടെ ദൈവങ്ങൾ അനേകർ ചോദ്യം​ചെ​യ്യുന്ന തരത്തി​ലുള്ള പ്രവൃ​ത്തി​ക​ളിൽ ഏർപ്പെ​ടു​ന്ന​താ​യി അവരുടെ ചില കഥകൾ ചിത്രീ​ക​രി​ക്കു​ന്നു​വെന്ന്‌ നമുക്ക്‌ അറിയാ​മെ​ങ്കിൽ അവരോട്‌ ഇങ്ങനെ ചോദി​ക്കാൻ കഴിയും: “നിങ്ങളു​ടെ ഭാര്യ​യു​ടെ (ഭർത്താ​വി​ന്റെ) അത്തരം നടത്തയ്‌ക്കു നിങ്ങൾ അനുമതി നൽകു​മോ?” “ഇല്ല, തീർച്ച​യാ​യും ഇല്ല!” എന്നാണു സാധാ​ര​ണ​മാ​യുള്ള ഉത്തരം. പിന്നീട്‌, വ്യക്തി​യോട്‌ ഇങ്ങനെ ചോദി​ക്കാ​വു​ന്ന​താണ്‌: “എങ്കിൽപ്പി​ന്നെ ഒരു ദൈവം ഇങ്ങനെ പ്രവർത്തി​ക്കാൻ പാടു​ണ്ടോ?” അത്തരം ചർച്ചകൾ മിക്ക​പ്പോ​ഴും ബൈബി​ളി​ന്റെ മൂല്യം തിരി​ച്ച​റി​യു​ന്ന​തി​നുള്ള അവസരം തുറന്നു​കൊ​ടു​ക്കു​ന്നു.

ഹിന്ദു​മ​ത​ത്തി​ന്റെ മറെറാ​രു പ്രത്യേ​ക​ത​യായ പുനർജൻമ​ത്തി​ലുള്ള വിശ്വാ​സം ചർച്ചയ്‌ക്കുള്ള ഫലപ്ര​ദ​മായ ഒരു വിഷയ​മാണ്‌. അടുത്ത​യി​ടെ പിതാവു മരിച്ചു​പോയ വിദ്യാ​സ​മ്പ​ന്ന​യായ ഒരു സ്‌ത്രീ​യോട്‌ ഇങ്ങനെ ചോദി​ക്കു​ക​യു​ണ്ടാ​യി: “നിങ്ങളു​ടെ പിതാ​വി​നെ മുമ്പ്‌ ആയിരു​ന്ന​തു​പോ​ലെ​തന്നെ വീണ്ടും കാണാൻ നിങ്ങൾ ആഗ്രഹി​ക്കു​മോ?” അവർ ഉത്തരം പറഞ്ഞു: “തീർച്ച​യാ​യും, അത്‌ മഹത്തായ ഒരു കാര്യ​മാ​യി​രി​ക്കും.” തന്റെ പിതാവ്‌ മറേറ​തെ​ങ്കി​ലും രൂപത്തിൽ ജീവി​ച്ചി​രി​ക്കു​ന്നു​വെ​ന്നും അദ്ദേഹത്തെ വീണ്ടും അറിയു​ക​യില്ല എന്നുമുള്ള വിശ്വാ​സ​ത്തിൽ അവർ സംതൃ​പ്‌തയല്ല എന്ന്‌ അവരുടെ പ്രതി​ക​ര​ണ​ത്തിൽനി​ന്നും തുടർന്നുള്ള സംസാ​ര​ത്തിൽനി​ന്നും വ്യക്തമാ​യി​രു​ന്നു. എന്നാൽ പുനരു​ത്ഥാ​ന​ത്തെ​ക്കു​റി​ച്ചുള്ള ബൈബി​ളി​ന്റെ മഹത്തായ പഠിപ്പി​ക്കൽ അവളുടെ ഹൃദയത്തെ സ്‌പർശി​ച്ചു.

ചില ഹിന്ദു​ക്കളെ സംബന്ധി​ച്ചി​ട​ത്തോ​ളം ചോദ്യ​ങ്ങൾ ഉണ്ടെന്നു​മാ​ത്രമല്ല അവർ സംതൃ​പ്‌തി​ക​ര​മായ ഉത്തരങ്ങൾ തേടു​ക​യു​മാണ്‌. ഒരു സാക്ഷി ഒരു ഹൈന്ദ​വന്റെ വീടു സന്ദർശി​ച്ച​പ്പോൾ അദ്ദേഹം ചോദി​ച്ചു: “നിങ്ങളു​ടെ ദൈവ​ത്തി​ന്റെ പേർ എന്താണ്‌?” ദൈവ​ത്തി​ന്റെ പേർ യഹോവ എന്നാ​ണെന്നു സങ്കീർത്തനം 83:18-ൽനിന്നു വായിച്ചു കേൾപ്പി​ച്ചു. റോമർ 10:13 പറയു​ന്ന​ത​നു​സ​രിച്ച്‌, രക്ഷ പ്രാപി​ക്കു​ന്ന​തി​നു നാം ദൈവ​നാ​മ​ത്തിൽ വിളി​ച്ച​പേ​ക്ഷി​ക്കേ​ണ്ടത്‌ ആവശ്യ​മാ​ണെ​ന്നും സാക്ഷി വിശദീ​ക​രി​ച്ചു. അതിൽ മതിപ്പു​തോ​ന്നിയ ആ മനുഷ്യ​നു കൂടു​ത​ല​റി​യാൻ ആഗ്രഹ​മാ​യി. വാസ്‌ത​വ​ത്തിൽ അയാൾക്ക്‌ അറി​ഞ്ഞേ​പ​ററൂ എന്നായി. തങ്ങളുടെ കുടുംബ വിഗ്ര​ഹ​ത്തോ​ടു വളരെ അർപ്പണ​ബോ​ധ​മു​ണ്ടാ​യി​രുന്ന അദ്ദേഹ​ത്തി​ന്റെ പിതാവ്‌ അതി​ന്റെ​മു​മ്പിൽവച്ച്‌ ആരാധന അർപ്പി​ച്ച​തി​നു​ശേഷം രോഗ​ബാ​ധി​ത​നാ​യെ​ന്നും താമസി​യാ​തെ മരി​ച്ചെ​ന്നും അദ്ദേഹം വിശദീ​ക​രി​ച്ചു. അദ്ദേഹ​ത്തി​ന്റെ സഹോ​ദ​രന്റെ കാര്യ​ത്തി​ലും അങ്ങനെ​തന്നെ സംഭവി​ച്ചു. “ആ വിഗ്രഹം ഞങ്ങൾക്കു ജീവനല്ല മരണമാ​ണു കൈവ​രു​ത്തു​ന്നത്‌. അതു​കൊണ്ട്‌ അതിനെ ആരാധി​ക്കു​ന്ന​തിൽ എന്തെങ്കി​ലും പിശകു​കാ​ണണം. ഒരുപക്ഷേ, ഈ ദൈവ​ത്തിന്‌, യഹോ​വക്ക്‌, ജീവനി​ലേ​ക്കുള്ള മാർഗം കണ്ടുപി​ടി​ക്കു​ന്ന​തി​നു ഞങ്ങളെ സഹായി​ക്കാൻ കഴി​ഞ്ഞേ​ക്കും” എന്ന്‌ അദ്ദേഹം കൂട്ടി​ച്ചേർത്തു. അങ്ങനെ അദ്ദേഹ​ത്തോ​ടും ഭാര്യ​യോ​ടും രണ്ടു മക്കളോ​ടു​മൊ​പ്പം ബൈബി​ള​ധ്യ​യനം തുടങ്ങി. അവർ ത്വരി​ത​ഗ​തി​യിൽ പുരോ​ഗ​മി​ക്കു​ക​യും പെട്ടെന്നു സ്‌നാ​പ​ന​മേൽക്കു​ക​യും ചെയ്‌തു. അവർ തങ്ങളുടെ വിഗ്ര​ഹ​ങ്ങ​ളെ​ല്ലാം ഉപേക്ഷിച്ച്‌ ഇപ്പോൾ ജീവന്റെ ദൈവ​മായ യഹോ​വ​യു​ടെ മാർഗ​ത്തിൽ നടക്കു​ക​യാണ്‌.

അടുത്ത​താ​യി നാം ഒരു മുസ്ലീം കുടും​ബ​ത്തിൽ വന്നെത്തി​യി​രി​ക്കു​ന്നു. അതേ ആതിഥ്യ​മ​ര്യാ​ദ ഇവി​ടെ​യും വ്യക്തമാണ്‌. ഉടൻതന്നെ ശീതള​പാ​നീ​യ​വും കൈയിൽ പിടി​ച്ചു​കൊണ്ട്‌ നാം ഇരിപ്പാ​യി. അറബി ലിപി​യിൽ എഴുതി ഫ്രെയിം ചെയ്‌തു​വ​ച്ചി​രി​ക്കുന്ന ചെറിയ വാക്യങ്ങൾ മാത്രമേ നാം ഭിത്തി​യിൽ കാണു​ന്നു​ള്ളൂ. അല്ലാതെ യാതൊ​രു മത ചിത്ര​ങ്ങ​ളും അവി​ടെ​യില്ല. ബൈബി​ളും ഖുറാ​നും തമ്മിൽ ഗോ​ത്ര​പി​താ​വായ അബ്രഹാ​മി​ലൂ​ടെ പൊതു​വായ ഒരു ബന്ധമുണ്ട്‌ എന്നും തന്റെ സന്തതി​മു​ഖാ​ന്തരം സകല ജനതക​ളും അനു​ഗ്ര​ഹി​ക്ക​പ്പെ​ടു​മെന്നു ദൈവം വാഗ്‌ദത്തം ചെയ്‌തി​രി​ക്കു​ന്നു​വെ​ന്നും നാം സൂചി​പ്പി​ക്കു​ന്നു. ഈ വാഗ്‌ദത്തം തന്റെ പുത്ര​നായ യേശു​ക്രി​സ്‌തു​വിൽ നിവൃ​ത്തി​യേ​റേ​ണ്ട​താണ്‌. ദൈവ​ത്തിന്‌ ഒരു പുത്ര​നുണ്ട്‌ എന്ന ആശയ​ത്തോ​ടു ചില മുസ്ലീ​ങ്ങൾക്ക്‌ എതിർപ്പാണ്‌. ആദ്യമ​നു​ഷ്യ​നായ ആദാം ദൈവ​ത്താൽ സൃഷ്ടി​ക്ക​പ്പെ​ട്ട​തി​നാൽ ദൈവ​പു​ത്ര​നെന്നു വിളി​ക്ക​പ്പെ​ടു​ന്ന​തു​പോ​ലെ​തന്നെ യേശു​വും ദൈവ​പു​ത്ര​നെന്നു വിളി​ക്ക​പ്പെ​ടു​ന്നു​വെന്നു നാം വിശദീ​ക​രി​ക്കു​ന്നു. അത്തരം പുത്രൻമാ​രെ സൃഷ്ടി​ക്കു​ന്ന​തിന്‌ അക്ഷരീ​യ​മായ ഭാര്യ​മാ​രെ ദൈവ​ത്തിന്‌ ആവശ്യ​മില്ല. മുസ്ലീങ്ങൾ ത്രി​ത്വോ​പ​ദേ​ശ​ത്തിൽ വിശ്വ​സി​ക്കു​ന്നി​ല്ലാ​ത്ത​തി​നാൽ യഹോ​വ​യാം ദൈവ​മാ​ണു പരമോ​ന്ന​ത​നെന്നു കാണി​ക്കു​ന്ന​തി​നു നാം ഈ പൊതു പശ്ചാത്തലം ഉപയോ​ഗി​ക്കു​ന്നു.

ഇപ്പോൾ ഉച്ചയൂ​ണി​നു സമയമാ​യി. കൂട്ടത്തിൽപ്പെട്ട മററം​ഗങ്ങൾ പട്ടണത്തി​ലേ​ക്കുള്ള ബസ്‌ കിട്ടു​ന്ന​തി​നു​വേണ്ടി കരിമ്പിൻതോ​ട്ട​ങ്ങ​ളിൽനി​ന്നു റോഡി​ലേക്കു തിരികെ വരുന്നു. അല്‌പം ക്ഷീണി​ത​രെ​ങ്കി​ലും രാവി​ലത്തെ “മീൻപി​ടി​ക്കൽ” പ്രവർത്തനം സംബന്ധി​ച്ചു സകലരും ആവേശ​ഭ​രി​ത​രാണ്‌. അഭിമു​ഖീ​ക​രി​ക്കേ​ണ്ടി​വന്ന വ്യത്യസ്‌ത സാഹച​ര്യ​ങ്ങ​ളോ​ടും വിശ്വാ​സ​ങ്ങ​ളോ​ടും പൊരു​ത്ത​പ്പെ​ടു​വാൻ നടത്തിയ ശ്രമം തക്ക ഫലം ചെയ്യു​ന്ന​താ​യി​രു​ന്നു.

ഫിജി​യി​ലെ വെള്ളങ്ങ​ളും പവിഴ​പു​റ​റു​ക​ളും വ്യത്യസ്‌ത തരത്തി​ലുള്ള മത്സ്യങ്ങ​ളാൽ സമ്പന്നമാണ്‌. വിജയ​പ്ര​ദ​രാ​യി​രി​ക്കു​ന്ന​തി​നു ഫിജി​യി​ലെ ങ്കൊനൻഡോ (മുക്കുവൻ) തന്റെ തൊഴി​ലിൽ നിപു​ണ​നാ​യി​രി​ക്കേ​ണ്ട​തുണ്ട്‌. യേശു​ക്രി​സ്‌തു തന്റെ ശിഷ്യൻമാർക്കു നിയോ​ഗം നൽകി​യി​രി​ക്കുന്ന “മീൻപി​ടി​ക്കൽ” വേലയു​ടെ കാര്യ​ത്തി​ലും ഇതു വാസ്‌ത​വ​മാണ്‌. “മനുഷ്യ​രെ പിടി​ക്കുന്ന” ക്രിസ്‌തീ​യർ നിപു​ണ​രാ​യി​രി​ക്കണം. ജനതതി​യു​ടെ വ്യത്യസ്‌ത വിശ്വാ​സ​ങ്ങ​ളു​മാ​യി ഒത്തു​പോ​കു​ന്ന​തി​നു തങ്ങളുടെ അവതര​ണ​വും വാദഗ​തി​യും സാഹച​ര്യ​ത്തി​നൊ​ത്ത​വണ്ണം അനു​യോ​ജ്യ​മാ​ക്കു​ന്ന​തിൽ വൈഭ​വ​മു​ള്ള​വ​രാ​യി​രി​ക്കണം. (മത്തായി 4:19) ഇതു ഫിജി​യിൽ തീർച്ച​യാ​യും ആവശ്യ​മാണ്‌. അതിന്റെ ഫലം യഹോ​വ​യു​ടെ സാക്ഷി​ക​ളു​ടെ വാർഷിക കൺ​വെൻ​ഷ​നു​ക​ളിൽ തെളി​വാ​യി കാണാ​വു​ന്ന​താണ്‌. അവിടെ ഫിജി​ക്കാ​രും ഇന്ത്യാ​ക്കാ​രും റോട്ടു​മ​ക്കാ​രും മിശ്ര​വംശ പശ്ചാത്ത​ല​മുള്ള ആളുക​ളും യഹോ​വയെ ഐക്യ​ത്തിൽ ആരാധി​ക്കു​ക​യാണ്‌. അതേ, ഫിജി​യി​ലെ വെള്ളങ്ങ​ളി​ലുള്ള ഈ “മീൻപി​ടി​ക്കൽ”വേലയിൽ യഹോ​വ​യു​ടെ അനു​ഗ്ര​ഹ​മുണ്ട്‌.

[അടിക്കു​റി​പ്പു​കൾ]

[23-ാം പേജിലെ ഭൂപടം]

(പൂർണ​രൂ​പ​ത്തിൽ കാണു​ന്ന​തി​നു പ്രസി​ദ്ധീ​ക​രണം നോക്കുക.)

വിററി ലെവു

വനുവ ലെവു

സുവ

ലൗട്ടോക്ക

നാണ്ടി

0 100 കി.മീ.

0 100 മൈ.

18°

180°

[24-ാം പേജിലെ ചിത്രം]

ഒരു ബൂറേ അഥവാ പ്രാ​ദേ​ശിക ഭവനം

[24-ാം പേജിലെ ചിത്രം]

ഫിജിയിലെ ഒരു ഹൈന്ദവ ക്ഷേത്രം

[25-ാം പേജിലെ ചിത്രം]

ഫിജിയിൽ മനുഷ്യർക്കു​വേ​ണ്ടി​യുള്ള വിജയ​ക​ര​മായ “മീൻപി​ടി​ക്കൽ”

[24-ാം പേജിലെ ചിത്ര​ത്തിന്‌ കടപ്പാട]

Fiji Visitors Bureau