“യഹോ​വ​യു​ടെ സാക്ഷികൾ എന്നെ സംരക്ഷി​ച്ചു!”

അവസാന നാളു​ക​ളിൽ അനേകർ “ക്രൂരൻമാ​രും നൻമയെ വെറു​ക്കു​ന്ന​വരു”മാണെന്നു സ്വയം തെളി​യി​ച്ചി​രി​ക്കു​ന്നു. (2 തിമോ​ത്തേ​യോസ്‌ 3:1, 3, പി.ഒ.സി. ബൈബിൾ) പശ്ചിമാ​ഫ്രി​ക്ക​യി​ലെ വാച്ച്‌ ടവർ സൊ​സൈ​റ​റി​യു​ടെ ബ്രാഞ്ച്‌ ഓഫീ​സി​ലെ ഒരു സ്വമേ​ധയാ ശുശ്രൂ​ഷ​ക​നായ ഐസക്കിന്‌ ഉണ്ടായ അനുഭവം ഇതു ശരിയാ​ണെന്നു തെളി​യി​ക്കു​ന്നു. അദ്ദേഹം ഇങ്ങനെ വിവരി​ക്കു​ന്നു:

“1992 ജനുവ​രി​യി​ലാ​യി​രു​ന്നു സംഭവം. ഞാനും മററ്‌ അഞ്ചു യാത്ര​ക്കാ​രും​കൂ​ടി ഒരു ടാക്‌സി​യിൽ ആളൊ​ഴിഞ്ഞ ഒരു റോഡി​ലൂ​ടെ യാത്ര ചെയ്യു​ക​യാ​യി​രു​ന്നു. എന്റെ അടുത്തി​രുന്ന ഒരു സ്‌ത്രീ​യു​മാ​യി ഞാൻ സംഭാ​ഷ​ണ​മാ​രം​ഭി​ച്ചു. അവൾ സന്തോ​ഷ​പൂർവം ഒരു ബൈബി​ള​ധി​ഷ്‌ഠിത ലഘുപ​ത്രിക സ്വീക​രി​ക്കു​ക​യും ചെയ്‌തു.

“ഉച്ചകഴിഞ്ഞ്‌ നാലു മണിയാ​യി​ക്കാ​ണും, നമ്പർ പ്ലെയ്‌റെ​റാ​ന്നു​മി​ല്ലാ​തെ ചീറി​പ്പാ​ഞ്ഞു​വന്ന ഒരു പുത്തൻ കാർ ഞങ്ങളുടെ കാറിന്റെ മുമ്പിൽ പെട്ടെന്നു നിർത്തി. വല്ലാത്ത ഒരു ശബ്ദമു​ണ്ടാ​ക്കി​ക്കൊണ്ട്‌ പിന്നാലെ ഞങ്ങളുടെ കാറും. അതിൽനി​ന്നു ചാടി​യി​റ​ങ്ങിയ തോക്കു​ധാ​രി​ക​ളായ മൂന്ന്‌ അതികാ​യ​കൻമാർ ഞങ്ങളുടെ കാറിന്റെ വാതിൽ വലിച്ചു​തു​റന്നു. അതി​ലൊ​രാൾ അലറി: ‘ഇറങ്ങെ​ല്ലാ​വ​രും.’

“മറെറാ​രാൾ എന്റെ പുസ്‌ത​ക​ബാ​ഗു തട്ടിപ്പ​റി​ച്ചെ​ടു​ത്തു. അതിൽ ബൈബിൾ സാഹി​ത്യം മാത്ര​മേ​യു​ള്ളൂ എന്നു കണ്ട അയാൾ അതു ദൂരേക്കു വലി​ച്ചെ​റി​ഞ്ഞു. എന്റെ നേരെ തോക്കു ചൂണ്ടി​ക്കൊണ്ട്‌ അയാൾ ചോദി​ച്ചു: ‘വേറെ എന്താ നിന്റെ പക്കലു​ള്ളത്‌?’ ഞാൻ പെട്ടെ​ന്നു​തന്നെ പേഴ്‌സി​ലു​ണ്ടാ​യി​രുന്ന പണം അയാൾക്ക്‌ എടുത്തു​കൊ​ടു​ത്തു. ‘ഇത്രയേ ഉള്ളോ?,’ പിന്നെ​യും അദ്ദേഹ​ത്തി​ന്റെ ചോദ്യം. ഞാൻ യഹോ​വ​യു​ടെ സാക്ഷി​ക​ളിൽ ഒരുവ​നാ​ണെ​ന്നും സാക്ഷികൾ കള്ളം പറയി​ല്ലെ​ന്നും ഞാൻ അദ്ദേഹ​ത്തോ​ടു പറഞ്ഞു. അദ്ദേഹം എന്റെ പേഴ്‌സ്‌ തട്ടിപ്പ​റി​ച്ചെ​ടു​ത്തു. അതിൽ എന്റെ വാച്ച്‌ ടവർ തിരി​ച്ച​റി​യി​ക്കൽ കാർഡ്‌ കണ്ട അദ്ദേഹം പറഞ്ഞു: ‘ഓഹോ, വാച്ച്‌ടവർ. എന്നാൽ ഇങ്ങോട്ടു മാറി​നിൽക്കൂ.’

“പിന്നെ അദ്ദേഹം തിരി​ഞ്ഞത്‌ ടാക്‌സി​യിൽവെച്ചു ഞാൻ സംസാ​രിച്ച സ്‌ത്രീ​യു​ടെ അടു​ത്തേ​ക്കാ​യി​രു​ന്നു. ഒട്ടും​താ​മ​സി​ച്ചില്ല, അവൾ നെക്ക്‌ലെ​യ്‌സും പേഴ്‌സി​ലു​ണ്ടാ​യി​രുന്ന പണവും എടുത്തു​കൊ​ടു​ത്തു. അവളുടെ വിറയ്‌ക്കുന്ന കയ്യിൽ ലഘുപ​ത്രിക കണ്ടപ്പോൾ അവളും എന്റെ കൂട്ടത്തിൽപ്പെ​ട്ട​താ​യി​രി​ക്കും എന്നു പിടി​ച്ചു​പ​റി​ക്കാ​രനു തോന്നി. അതു​കൊണ്ട്‌, അയാൾ അവളെ എന്റെ അടു​ത്തേക്കു നീക്കി​നിർത്തി.

“അതിനി​ടെ, ആയുധ​ധാ​രി​ക​ളായ മററു കൊള്ള​ക്കാർ ഞങ്ങളുടെ സഹയാ​ത്രി​കരെ നിഷ്‌ക​രു​ണം ആക്രമി​ച്ചു. ഡ്രൈ​വ​റെ​യും ഞങ്ങളോ​ടൊ​പ്പം ഉണ്ടായി​രുന്ന മറെറാ​രു മനുഷ്യ​നെ​യും അവർ അടിക്കു​ക​യും അവരുടെ പണമെ​ല്ലാം തട്ടി​യെ​ടു​ക്കു​ക​യും ചെയ്‌തു. ഒരു തസ്‌കരൻ രണ്ടാമത്തെ സ്‌ത്രീ​യു​ടെ മാലയിൽ കടന്നു​പി​ടി​ച്ചു. ചെറു​ക്കാൻ ശ്രമിച്ച അവളോട്‌ അവർ ഒരു ദയയും കാണി​ച്ചില്ല. തലയ്‌ക്കും മാറത്തും തോക്കി​ന്റെ പാത്തി​കൊണ്ട്‌ അടി​യേററ അവൾ മരിച്ചു​വീ​ണു. മൂന്നാ​മത്തെ സ്‌ത്രീ​യെ വണ്ടിയിൽനി​ന്നു വലിച്ചി​ഴച്ചു പുറത്തു​കൊ​ണ്ടു​വന്നു. അവർ അവളുടെ നെഞ്ചത്തു നിറ​യൊ​ഴി​ച്ചു. കഷ്ടം, അവളും മരിച്ചു. ഒട്ടും പരി​ക്കേൽക്കാ​തെ അവശേ​ഷി​ച്ചതു ഞാനും ആ ചെറു​പ്പ​ക്കാ​രി​യും മാത്രം.

“കുറെ കഴിഞ്ഞ​പ്പോൾ ഞങ്ങൾക്ക്‌ അതുവഴി വന്ന മറെറാ​രു വണ്ടി കിട്ടി. അതിൽ യാത്ര ചെയ്യവേ, പേടി​ച്ചു​വി​റ​ങ്ങ​ലിച്ച ആ സ്‌ത്രീ വീണ്ടും വീണ്ടും ഇങ്ങനെ പറഞ്ഞു​കൊ​ണ്ടി​രു​ന്നു, ‘യഹോ​വ​യു​ടെ സാക്ഷികൾ എന്നെ സംരക്ഷി​ച്ചു!’”