മലാവി​യിൽനി​ന്നൊ​രു സദ്‌വാർത്ത!

ദക്ഷിണ​പൂർവാ​ഫ്രി​ക്കൻ രാജ്യ​മായ മലാവി​യിൽ 1993 നവംബർ 15-നു വാച്ച്‌ ടവർ ബൈബിൾ ആൻഡ്‌ ട്രാക്‌ററ്‌ സൊ​സൈ​ററി ഓഫ്‌ പെൻസിൽവേ​നിയ ഔദ്യോ​ഗി​ക​മാ​യി രജിസ്‌ററർ ചെയ്‌തു. ഇതു യഹോ​വ​യു​ടെ സാക്ഷി​കൾക്കു മലാവി​യി​ലെ ആളുക​ളോ​ടു ബൈബിൾ സത്യങ്ങൾ പ്രസം​ഗി​ക്കാ​നുള്ള നിയമ​പ​ര​മായ അംഗീ​കാ​ര​വും സ്വാത​ന്ത്ര്യ​വും നൽകും.

മുമ്പ്‌ 1948-ൽ, മലാവി​യിൽ യഹോ​വ​യു​ടെ സാക്ഷി​ക​ളു​ടെ വേല ഏകോ​പി​പ്പി​ക്കു​ന്ന​തി​നു​വേണ്ടി വാച്ച്‌ ടവർ സൊ​സൈ​റ​റി​യു​ടെ ഒരു ബ്രാഞ്ച്‌ അവിടെ സ്ഥാപി​ച്ചി​രു​ന്നു. എന്നാൽ 1957 ജനുവരി 8-നായി​രു​ന്നു വാച്ച്‌ ടവർ സൊ​സൈ​റ​റി​യു​ടെ രജിസ്‌​ട്രേഷൻ ആദ്യമാ​യി നടന്നത്‌. ഏതാനും വർഷ​ത്തേക്കു യഹോ​വ​യു​ടെ സാക്ഷി​കൾക്ക്‌ ദ്രുത​ഗ​തി​യി​ലുള്ള പുരോ​ഗ​തി​യാ​യി​രു​ന്നു. പക്ഷേ, 1964-ൽ അവർക്കെ​തി​രെ കടുത്ത പീഡനം അഴിച്ചു​വി​ട്ടു. കാരണം?

ദൈവ​ത്തോ​ടു​ള്ള അനുസ​ര​ണം​നി​മി​ത്തം യഹോ​വ​യു​ടെ സാക്ഷികൾ രാഷ്‌ട്രീ​യ​ത്തിൽ കണിശ​മായ നിഷ്‌പക്ഷത പാലിച്ചു. (യോഹ​ന്നാൻ 17:16) തിരു​വെ​ഴു​ത്തു​പ​ര​മായ ഈ നിലപാ​ടു മനസ്സി​ലാ​കാ​ഞ്ഞ​തു​കൊണ്ട്‌, ചിലർ യഹോ​വ​യു​ടെ സാക്ഷികൾ ഒരു വിപ്ലവ മതമാ​ണെ​ന്നും മത്സരി​ക​ളാ​ണെ​ന്നു​മുള്ള തെററി​ധാ​രണ പറഞ്ഞു​പ​രത്തി. അതു​കൊണ്ട്‌, ചിലർക്ക്‌ ഈ സമാധാന പ്രേമി​ക​ളായ ക്രിസ്‌ത്യാ​നി​കളെ പീഡി​പ്പി​ക്കു​ന്ന​തിൽ യാതൊ​രു പന്തി​കേ​ടും തോന്നി​യില്ല. സാക്ഷി​ക​ളായ അനേകർക്കു സംഭവി​ച്ചതു നോക്കുക, ജോലി പോയി, തല്ലു​കൊ​ണ്ടു, അല്ലെങ്കിൽ അവമാ​നി​ത​രാ​യി. തങ്ങളെ ബലമായി കുട്ടി​ക​ളിൽനിന്ന്‌ അകററി​യ​തി​ന്റെ വേദന​യാ​യി​രു​ന്നു മററു ചിലർക്കു സഹി​ക്കേ​ണ്ടി​വ​ന്നത്‌.

1972-ൽ 30,000-ത്തിലധി​കം സാക്ഷി​കൾക്കും അവരോ​ടൊ​ത്തു ബൈബിൾ പഠിച്ചി​രുന്ന ചിലർക്കും ജീവനെ ഭയന്നു രാജ്യം വിട്ടു​പോ​കേ​ണ്ടി​വന്നു. അടുത്ത രാജ്യ​മായ മൊസാ​മ്പി​ക്കി​ലെ അഭയാർഥി ക്യാമ്പു​ക​ളിൽ ചെന്നു​കൂ​ടി​യത്‌ ആയിര​ങ്ങ​ളാ​യി​രു​ന്നു. എന്നാൽ 1975-ൽ മലാവി​യി​ലേക്കു തിരി​ച്ച​യ​യ്‌ക്ക​പ്പെട്ട ഇവർക്ക്‌ അവിടെ കൂടു​ത​ലായ പീഡനങ്ങൾ അനുഭ​വി​ക്കേ​ണ്ടി​വന്നു. പലരും തടങ്കൽപ്പാ​ള​യ​ങ്ങ​ളി​ലാ​യി. ഈ കുഴപ്പ​ങ്ങൾക്കി​ട​യിൽ മലാവി​യി​ലെ നിയമ​പ​ര​മായ സംഘട​ന​ക​ളു​ടെ ഔദ്യോ​ഗിക ലിസ്‌റ​റിൽനി​ന്നു വാച്ച്‌ ടവർ സൊ​സൈ​റ​റി​യു​ടെ പേരു വെട്ടി. അന്നുമു​തൽ ആ രാജ്യത്ത്‌ യഹോ​വ​യു​ടെ സാക്ഷി​ക​ളും അവരുടെ നിയമ​പ​ര​മായ സ്ഥാപന​ങ്ങ​ളും നിരോ​ധ​ന​ത്തിൻ കീഴി​ലാ​യി.

ഈ സംഭവ​വി​കാ​സങ്ങൾ ഒക്കെയു​ണ്ടാ​യി​രു​ന്നി​ട്ടും യഹോ​വ​യു​ടെ സാക്ഷികൾ തിരി​ച്ച​ടി​ച്ചില്ല. അവർ ഗവൺമെൻറി​നെ​തി​രെ ആളെ കൂട്ടു​ക​യോ പ്രതി​ഷേധം പ്രകടി​പ്പി​ക്കാൻ ലഹള അഴിച്ചു​വി​ടു​ക​യോ ചെയ്‌തില്ല. അതിനു​പ​കരം, “ശ്രേഷ്‌ഠാ​ധി​കാ​രങ്ങ”ളായ ഗവൺമെൻറു​ക​ളോ​ടു ശരിയായ ബഹുമാ​ന​വും ആദരവും കാണി​ക്കാ​നുള്ള തങ്ങളുടെ ക്രിസ്‌തീയ കടമ അവർ പ്രാർഥ​നാ​പൂർവം നിറ​വേ​ററി. (റോമർ 13:1-7; 1 തിമൊ​ഥെ​യൊസ്‌ 2:1, 2) സാക്ഷികൾ ബൈബി​ളിൽ പറഞ്ഞി​രി​ക്കുന്ന ക്രിസ്‌തീയ ജീവി​ത​ത്തി​ന്റെ ഉന്നത നിലവാ​രങ്ങൾ ഉയർത്തി​പ്പി​ടി​ക്കു​ക​യും ചെയ്‌തു. അങ്ങനെ അവർ നടത്തയിൽ മികച്ച മാതൃക വെച്ചു.

ഇപ്പോൾ സ്വാത​ന്ത്ര്യം നേടി​യി​രി​ക്കു​ന്ന​തി​നാൽ “സാഹച​ര്യ​ങ്ങൾ അനുകൂ​ലമാ”യിരി​ക്കുന്ന ഈ ഘട്ടത്തിൽ ബൈബിൾ സത്യങ്ങൾ അടിയ​ന്തി​ര​ത​യോ​ടെ പ്രസം​ഗി​ക്കു​ന്ന​തിൽ തുടരാൻ മലാവി​യി​ലെ സാക്ഷികൾ ദൃഢചി​ത്ത​രാണ്‌.—2 തിമോ​ത്തേ​യോസ്‌ 4:2, പി.ഒ.സി. ബൈബിൾ.

[31-ാം പേജിലെ ചിത്രം]

1960-കളിൽ മലാവി​യി​ലെ ബെഥേൽ കുടും​ബ​ത്തോ​ടൊ​പ്പം എം. ജി. ഹെൻഷൽ