രാജ്യ​പ്ര​ഘോ​ഷകർ റിപ്പോർട്ടു ചെയ്യുന്നു

അവൻ ബൈബിൾ-പരിശീ​ലിത മനസ്സാക്ഷി പിൻപ​റ​റി

“ഞാനോ, എന്റെ നിഷ്‌ക​ള​ങ്ക​ത​യിൽ നടക്കും; എന്നെ വീണ്ടെ​ടു​ത്തു എന്നോടു കൃപ ചെയ്യേ​ണമേ” എന്ന്‌ ഇസ്രാ​യേൽ രാജാ​വാ​യി​രുന്ന ദാവീദ്‌ പറഞ്ഞു. അദ്ദേഹം യഹോ​വ​യു​ടെ സഹായ​ത്തി​നു​വേണ്ടി യാചി​ക്കു​ക​യാ​യി​രു​ന്നു. (സങ്കീർത്തനം 26:11) നിർമലത കാത്തു​കൊ​ള്ളാൻ ദൈവം അദ്ദേഹത്തെ സഹായി​ക്കു​ക​തന്നെ ചെയ്‌തു. സ്വർഗീയ പിതാ​വി​ന്റെ ഇഷ്ടം ചെയ്‌ത​തി​ന്റെ​പേ​രിൽ യഹോവ യേശു​വി​നെ അനു​ഗ്ര​ഹി​ച്ചു. ബൈബിൾ-പരിശീ​ലിത മനസ്സാക്ഷി പിൻപ​ററി ദൈ​വേഷ്ടം ചെയ്യാൻ ദൃഢനി​ശ്ചയം ചെയ്‌ത, കൊളം​ബി​യ​യി​ലെ ഒരു യുവാ​വി​നെ അവിടുന്ന്‌ അനു​ഗ്ര​ഹി​ച്ചു. ഈ യുവാവ്‌ സംഭവം ഇങ്ങനെ വിവരി​ക്കു​ന്നു:

“യഹോ​വ​യു​ടെ സാക്ഷി​ക​ളോ​ടൊ​പ്പം ഞാൻ ബൈബിൾ പഠിക്കാൻ തുടങ്ങിയ സമയം. അന്നു ഞാൻ ഒരു കത്തോ​ലി​ക്കാ സ്‌കൂ​ളി​ലെ വിദ്യാർഥി​യാ​യി​രു​ന്നു. എന്നിരു​ന്നാ​ലും, കുർബാ​ന​യിൽ സംബന്ധി​ക്കു​മ്പോൾ എന്റെ മനസ്സാക്ഷി എന്നെ അലട്ടു​മാ​യി​രു​ന്നു. അതു​കൊണ്ട്‌, ഞാൻ (ഒരു പുരോ​ഹി​ത​നാ​യി​രുന്ന) സ്‌കൂൾ പ്രിൻസി​പ്പൽ, മാർഗ​ദർശനം നൽകുന്ന ഉപദേ​ഷ്ടാവ്‌, എന്റെ ഗ്രൂപ്പി​ന്റെ മോനി​ട്ടർ എന്നിവ​രോട്‌ കുർബാ​ന​യിൽ സംബന്ധി​ക്കു​ന്ന​തിൽനിന്ന്‌ എനിക്ക്‌ ഒഴിവു നൽകണ​മെന്ന്‌ അപേക്ഷി​ച്ചു. ഒഴിവ്‌ കിട്ടി. പക്ഷേ അപ്പോ​ഴും ചിലർ എന്നെ അതിൽ സംബന്ധി​ക്കാൻ നിർബ​ന്ധി​ച്ചു. സ്‌നാ​പ​ന​മേ​ററ്‌ ഒരു യഹോ​വ​യു​ടെ സാക്ഷി​യാ​യി​ത്തീർന്ന​തോ​ടെ സമ്മർദം മുറുകി. സ്‌കൂ​ളിൽനിന്ന്‌ എന്നെ പുറത്താ​ക്കി​യാൽ വീട്ടിൽനി​ന്നും പുറത്താ​ക്കു​മെന്നു ഡാഡി​യു​ടെ ഭീഷണി​യു​ണ്ടാ​യി. ഞാൻ ഒരു യൂണി​വേ​ഴ്‌സി​ററി ബിരുദം കരസ്ഥമാ​ക്കി ഒരു വിദഗ്‌ധ ജീവി​ത​വൃ​ത്തി​യിൽ ഏർപ്പെ​ട​ണ​മെ​ന്നാ​യി​രു​ന്നു അദ്ദേഹ​ത്തി​ന്റെ മനസ്സിൽ.

“കത്തോ​ലി​ക്ക​രു​ടെ കർത്തവ്യ​ങ്ങൾ അനുഷ്‌ഠി​ക്കാൻ പരാജ​യ​പ്പെ​ടു​ന്ന​വർക്കു പ്രിൻസി​പ്പൽ ആവർത്തി​ച്ചാ​വർത്തി​ച്ചു മുന്നറി​യി​പ്പു​കൾ നൽകി. വർഷാ​രം​ഭ​ത്തി​ലെ കുർബാ​ന​യ്‌ക്കു സമയമാ​യ​പ്പോൾ അതു തീരു​വോ​ളം ഞാൻ ഒളിച്ചി​രു​ന്നു. എന്നിട്ട്‌, സ്‌കൂ​ളും യഹോ​വ​യു​ടെ സാക്ഷി​ക​ളും എന്ന ലഘുപ​ത്രി​ക​യു​ടെ ഒരു പ്രതി (പുരോ​ഹി​ത​നായ) അധ്യാ​പ​കനു നൽകി​യിട്ട്‌, യഹോ​വ​യു​ടെ സാക്ഷി​ക​ളിൽ ഒരുവ​നെന്ന നിലയിൽ എനിക്കു കുർബാ​ന​യിൽ പങ്കെടു​ക്കാൻ കഴിയി​ല്ലാ​യി​രു​ന്നു എന്നു ഞാൻ പറഞ്ഞു. ‘എന്നാൽപ്പി​ന്നെ വേറെ സ്‌കൂൾ നോക്കു​ന്ന​താ​യി​രി​ക്കും നല്ലത്‌’ എന്ന്‌ അദ്ദേഹം എന്നോടു പറഞ്ഞു. സ്‌കൂ​ളിൽനി​ന്നു പുറത്താ​ക്ക​പ്പെ​ട്ടാൽ പിതാവ്‌ എന്നെ വീട്ടിൽനിന്ന്‌ അടിച്ചി​റ​ക്കും. അത്‌ എനിക്ക്‌ അറിയാ​മാ​യി​രു​ന്നു. എങ്കിലും, ഞാൻ യഹോ​വ​യോ​ടു പ്രാർഥി​ക്കു​ക​യും സഹപാ​ഠി​കൾക്കു നിരന്തരം നല്ല സാക്ഷ്യം കൊടു​ക്കു​ക​യും ചെയ്‌തു​പോ​ന്നു.

“പിന്നെ അവധി​ക്കാ​ല​മാ​യി. അതു കഴിഞ്ഞു സ്‌കൂ​ളിൽ തിരി​ച്ചെ​ത്തിയ സമയം. പതിവു​പോ​ലെ കുർബാ​ന​യ്‌ക്കു നേരമാ​യി. കുമ്പസാ​രം കേൾക്കാൻ തയ്യാറാ​യി പ്രിൻസി​പ്പ​ലും മററു പുരോ​ഹി​തൻമാ​രും പള്ളിക്കു മുന്നിൽത്ത​ന്നെ​യുണ്ട്‌. പേടി​ച്ച​ര​ണ്ടു​പോയ ഞാൻ അകത്തു പോയി ഇരുന്നു. പക്ഷേ എന്തോ മനസ്സാക്ഷി എനിക്ക്‌ ഒരു സ്വസ്ഥത​യും തന്നില്ല. പാട്ട്‌ ആരംഭി​ച്ച​പ്പോൾ ഞാൻ ചിന്തിച്ചു, ‘എനി​ക്കെന്താ ഇവിടെ കാര്യം? യഹോ​വ​യാണ്‌ എന്റെ ദൈവം. ഒരു ഭീരു​വാ​യി അവിടു​ത്തെ വഞ്ചിക്കാൻ എനിക്കാ​വില്ല. എനിക്ക്‌ അവിടു​ത്തെ തഴയാ​നാ​വില്ല. അവിടുന്ന്‌ എന്നെ കൈവി​ടു​ക​യില്ല.’ ഞാൻ ധൈര്യ​ത്തി​നു​വേണ്ടി പ്രാർഥി​ച്ചു. എന്നിട്ട്‌, പള്ളിയിൽനി​ന്നി​റങ്ങി കുമ്പസാ​ര​ത്തി​നുള്ള വരിയിൽ വന്നുനിന്ന ഞാൻ പ്രിൻസി​പ്പ​ലിന്‌ അടു​ത്തെ​ത്തി​യ​പ്പോൾ അദ്ദേഹ​ത്തോ​ടു പറഞ്ഞു: ‘ടീച്ചർ, കുമ്പസാ​രി​ക്കാൻ ഞാൻ വരുന്നില്ല.’ അദ്ദേഹം പറഞ്ഞു: ‘ഞാൻ അങ്ങനെ ഊഹി​ച്ചാ​യി​രു​ന്നു.’ ഭവിഷ്യ​ത്തു​കൾ സഹിക്കാൻ ഞാൻ ഒരുക്ക​മാണ്‌, എന്നാൽ കുർബാ​ന​യിൽ പങ്കെടു​ക്കാൻ മനസ്സാക്ഷി എന്നെ അനുവ​ദി​ച്ചി​ല്ലെന്നു ഞാൻ അദ്ദേഹ​ത്തോ​ടു പറഞ്ഞു. ബൈബി​ളിൽനി​ന്നു പഠിച്ച സംഗതി​കൾക്കു വിപരീ​തം പോകാൻ എനിക്കാ​യില്ല.

“അദ്ദേഹം എന്നെ തുറി​ച്ചു​നോ​ക്കി, പിന്നെ പുഞ്ചി​രി​ച്ചു​കൊ​ണ്ടു പറഞ്ഞു: ‘എനിക്കു നിന്നോ​ടു ആദരവു​തോ​ന്നു​ന്നു. സാക്ഷി​ക​ളായ നിങ്ങൾ ഓരോ​രു​ത്ത​രും ആദരവ്‌ അർഹി​ക്കു​ന്ന​വ​രാണ്‌. നിങ്ങൾ ദൈവ​ത്തി​നു പ്രഥമ​സ്ഥാ​നം നൽകുന്നു, എന്തു സംഭവി​ച്ചാ​ലും വേണ്ടില്ല നിങ്ങൾ അവിടു​ത്തെ കൽപ്പനകൾ അനുസ​രി​ക്കാൻ തയ്യാർ. അങ്ങനെ​തന്നെ ചെയ്‌തോ​ളൂ. വളരെ നല്ല കാര്യ​മാ​ണു നിങ്ങൾ ചെയ്യു​ന്നത്‌. ദൈവ​ത്തോ​ടു നിങ്ങൾ കാട്ടുന്ന തീക്ഷ്‌ണ​ത​യും സ്‌നേ​ഹ​വും, എല്ലാ കത്തോ​ലി​ക്ക​രും നിങ്ങ​ളെ​പ്പോ​ലെ ആയിരു​ന്നെ​ങ്കിൽ എന്നു ഞാൻ ആശിച്ചു​പോ​കു​ക​യാണ്‌. ഇനിമു​തൽ ഞങ്ങളുടെ മതപര​മായ ചടങ്ങു​ക​ളിൽ പങ്കെടു​ക്കു​ന്ന​തിൽനി​ന്നു നിന്നെ ഒഴിവാ​ക്കി​യി​രി​ക്ക​യാണ്‌.’ എന്തൊരു സന്തോ​ഷ​മാ​യി​രു​ന്നെ​ന്നോ എനിക്ക്‌! ബൈബിൾ-പരിശീ​ലിത മനസ്സാ​ക്ഷി​യെ അനുസ​രി​ക്കാ​നുള്ള എന്റെ ദൃഢനി​ശ്ച​യത്തെ യഹോവ അനു​ഗ്ര​ഹി​ച്ചി​രു​ന്നു.

“അടുത്ത ദിവസം പ്രിൻസി​പ്പൽ വിദ്യാർഥി​ക​ളോ​ടാ​യി പറഞ്ഞു: ‘മററുള്ള മതങ്ങൾ നമുക്കു മുമ്പി​ലാണ്‌. നാം അവരെ​പ്പോ​ലെ തീക്ഷ്‌ണ​ത​യു​ള്ള​വരല്ല, നമുക്കു ദൈവ​ത്തോട്‌ ആഴത്തി​ലുള്ള സ്‌നേ​ഹ​മില്ല, മറെറ​ല്ലാ​റ​റി​നും ഉപരി​യാ​യി അവിടു​ത്തെ സേവി​ക്ക​ണ​മെന്ന ആഗ്രഹ​വു​മില്ല, എന്തു​കൊ​ണ്ടാ​ണു നാം അവരെ​പ്പോ​ലെ അല്ലാത്തത്‌? ഇതൊക്കെ നമ്മുടെ ഹൃദയ​ത്തിൽനി​ന്നു വരേണ്ട കാര്യ​മാണ്‌.’

“അവസാനം ആ പ്രിൻസി​പ്പൽ റോമി​ലേക്കു സ്ഥലം മാറി​പ്പോ​യി, ഞാൻ പങ്കെടു​ക്കാ​ത്ത​തൊ​ന്നും പുതിയ പ്രിൻസി​പ്പൽ കാര്യ​മാ​ക്കി​യില്ല. എന്റെ പിതാ​വിന്‌ വീടു വിട്ട്‌ അകലേക്കു പോ​കേ​ണ്ടി​വന്നു. ബിരു​ദാ​ന​ന്തരം മുഴു​സമയ ശുശ്രൂഷ എന്ന ലക്ഷ്യം​വെച്ചു പ്രവർത്തി​ക്കാ​നുള്ള അവസരം എനിക്ക​ങ്ങനെ കൈവ​രു​ക​യും ചെയ്‌തു.”

ബൈബിൾ-പരിശീ​ലിത മനസ്സാ​ക്ഷി​യെ പിൻപ​റ​റിയ ഈ യുവാ​വി​നെ യഹോവ അനു​ഗ്ര​ഹി​ച്ചു. അതു​പോ​ലെ അവിടു​ത്തെ ഇഷ്ടം നിറ​വേ​റ​റാൻ തുനി​യുന്ന സകല​രെ​യും അവിടുന്ന്‌ അനു​ഗ്ര​ഹി​ക്കും.—സദൃശ​വാ​ക്യ​ങ്ങൾ 3:5, 6.