അലാസ്‌ക​യു​ടെ അതിർത്തി​ദേ​ശ​ത്തി​ന്റെ മൂടു​പടം നീക്കുന്നു

സ്വർണം​തേ​ടി​യുള്ള പ്രവാ​ഹ​ത്തി​നു പേരു​കേട്ട പട്ടണമായ അലാസ്‌ക​യി​ലെ നോമിൽ ഒരു ചെറിയ മുറി​യിൽ ഞങ്ങൾ നാലു​പേ​രും തിങ്ങി​ക്കൂ​ടി താമസി​ക്കാൻ തുടങ്ങി​യിട്ട്‌ ഇന്നേക്കു രണ്ടു ദിവസ​മാ​യി. 1898-ൽ 40,000-ത്തിലധി​കം ഖനിജാ​ന്വേ​ഷകർ ഇവിടെ ഒരേ ഒരു വസ്‌തു തേടി എത്തി​ച്ചേർന്നു—സ്വർണം! അതിൽനി​ന്നു വിഭി​ന്ന​മാ​യി ഒരു വ്യത്യസ്‌ത നിധി തേടു​ക​യാ​ണു ഞങ്ങൾ.

ബറിങ്‌ സ്‌​ട്രെ​യ്‌റ​റി​നു 300 കിലോ​മീ​ററർ വടക്കുള്ള സെൻറ്‌ ലോറൻസ്‌ ദ്വീപി​ലെ ഗാംബ​ലി​ലും സവൂങ്ക​യി​ലും താമസി​ക്കു​ന്ന​വ​രു​ടെ ഇടയിൽ ഉണ്ടായി​രു​ന്നേ​ക്കാ​വുന്ന “മനോ​ഹ​ര​വ​സ്‌തു”ക്കളിലാ​ണു ഞങ്ങൾ തത്‌കാ​ലം തത്‌പ​ര​രാ​യി​രി​ക്കു​ന്നത്‌. (ഹഗ്ഗായി 2:7) അവിടെ ഇനൂയി​റ​റു​കാർ ഉത്തര​ധ്രു​വ​ത്തി​ലെ ഹിമജ​ലത്തെ ചെറു​ത്തു​നിന്ന്‌ മുൻ സോവി​യ​ററ്‌ യൂണി​യ​നിൽനിന്ന്‌ ഏതാനും കിലോ​മീ​റ​റ​റു​കൾ മാത്രം അകലെ തിമിം​ഗല വേട്ട നടത്തു​ക​യാണ്‌. എന്നാൽ വീശി​യ​ടി​ക്കുന്ന മഞ്ഞും മൂടൽമ​ഞ്ഞി​ന്റെ ഇരുണ്ട കരിമ്പ​ട​വും ഞങ്ങളെ ബന്ധനസ്ഥ​രാ​ക്കി. ഞങ്ങളുടെ വിമാനം നിലത്തി​റ​ക്കി​യി​രി​ക്ക​യാണ്‌.

അങ്ങനെ ഞങ്ങൾ കാത്തി​രി​ക്കു​ന്നേരം കഴിഞ്ഞ ഏതാനും ചില വർഷങ്ങ​ളി​ലെ സംഭവങ്ങൾ ഞാൻ അയവി​റ​ക്കു​ക​യും ജനവാസം തീരെ കുറഞ്ഞ പ്രദേ​ശത്തെ സാക്ഷീ​ക​ര​ണ​ത്തിൽ യഹോവ നൽകിയ അനു​ഗ്ര​ഹ​ങ്ങൾക്ക്‌ അവിടു​ത്തേക്കു നന്ദി പറയു​ക​യു​മാണ്‌. അലാസ്‌ക​യിൽ—ചിലയാ​ളു​കൾ അതിനെ ലോക​ത്തി​ന്റെ ഒടുവി​ലത്തെ അതിർത്തി​ദേശം എന്നു വിളി​ക്കു​ന്നു—16,00,000 ചതുരശ്ര കിലോ​മീ​ററർ വിസ്‌തീർണ​മായ മരുഭൂ​മി​യിൽ യാതൊ​രു വിധ റോഡു​ക​ളാ​ലും ബന്ധിക്ക​പ്പെ​ടാ​തെ ഒററ​പ്പെ​ട്ടു​കി​ട​ക്കുന്ന 150-ലധികം സമൂഹ​ങ്ങ​ളി​ലാ​യി 60,000 സ്വദേ​ശി​ക​ളാ​ണു​ള്ളത്‌. വാച്ച്‌ ടവർ സൊ​സൈ​റ​റി​യു​ടെ വിമാനം ഉപയോ​ഗി​ച്ചു​കൊണ്ട്‌ ഇതി​നോ​ടകം ഈ ഒററപ്പെട്ട ഗ്രാമ​ങ്ങ​ളു​ടെ മൂന്നി​ലൊ​ന്നി​ല​ധി​കം സ്ഥലങ്ങളിൽ ദൈവ​രാ​ജ്യ​ത്തി​ന്റെ സുവാർത്ത​യു​മാ​യി ഞങ്ങൾ എത്തിക്ക​ഴി​ഞ്ഞു.—മത്തായി 24:14.

ഈ വിദൂര അധിവാ​സ​പ്ര​ദേ​ശത്ത്‌ എത്തി​ച്ചേ​രു​ന്ന​തിന്‌ ദേശത്തു ദിവസ​ങ്ങ​ളോ​ളം മൂടി​ക്കി​ട​ക്കുന്ന മേഘങ്ങ​ളി​ലൂ​ടെ​യും മൂടൽമ​ഞ്ഞി​ലൂ​ടെ​യും മിക്ക​പ്പോ​ഴും വിമാനം താഴെ​യി​റ​ക്കേ​ണ്ടി​വ​രും. തറയിൽ എത്തി​യെ​ന്നി​രി​ക്കട്ടെ, തുളച്ചു​ക​യ​റേ​ണ്ടി​വ​രുന്ന മറെറാ​രു മൂടൽമഞ്ഞ്‌ അവി​ടെ​യും ഉണ്ട്‌. ദയയു​ള്ള​വ​രും സമാധാ​ന​പ്രി​യ​രു​മായ ഈ ജനങ്ങളു​ടെ മനസ്സു​ക​ളെ​യും ഹൃദയ​ങ്ങ​ളെ​യും ഒരു മൂടു​പ​ടം​പോ​ലെ അത്‌ ആവരണം ചെയ്‌തി​രി​ക്കു​ന്നു.—താരത​മ്യം ചെയ്യുക: 2 കൊരി​ന്ത്യർ 3:15, 16.

വേദനാ​ജ​ന​ക​മായ ഒരു പരിവർത്ത​നം

അലാസ്‌ക​യി​ലെ വനപ്ര​ദേ​ശത്ത്‌ ഇനൂയി​റ​റു​കാർ, അല്യൂഷർ, ഇൻഡ്യാ​ക്കാർ എന്നിവ​രാ​ണു വസിക്കു​ന്നത്‌. ഇവയിൽ ഓരോ​ന്നി​നും അതി​ന്റേ​തായ പൈതൃ​ക​ഗു​ണ​ത്തിന്‌ ഒത്ത തനതായ ആചാര​ങ്ങ​ളും സവി​ശേ​ഷ​ത​ക​ളു​മുണ്ട്‌. ഉത്തര​ധ്രു​വ​ത്തി​ലെ തണുപ്പി​നെ അതിജീ​വി​ക്കാൻ വേട്ടയാ​ടി​യും മീൻപി​ടി​ച്ചും തിമിം​ഗലം പിടി​ച്ചും ദേശീയ വിഭവങ്ങൾ ഉപയോ​ഗി​ക്കു​ന്ന​തോ​ടൊ​പ്പം അവയെ സംരക്ഷി​ക്കു​ക​യും ചെയ്‌തു​കൊ​ണ്ടു ജീവി​ക്കാൻ അവർ പഠിച്ചി​ട്ടുണ്ട്‌.

1700-കളുടെ മധ്യത്തിൽ വിദേശ സ്വാധീ​നം അവരു​ടെ​മേൽ വന്നു പതിച്ചു. റഷ്യക്കാ​രായ മൃദു​രോ​മ​ചർമ​ക്ക​ച്ച​വ​ട​ക്കാർ മൃഗ​ത്തോൽ ധരിച്ച​തും സീൽ എണ്ണയുടെ മണമു​ള്ള​തു​മായ ഒരുകൂ​ട്ടം ആളുകളെ കണ്ടെത്തി. അവർ താമസി​ച്ചി​രു​ന്നതു മഞ്ഞിൽ തീർത്ത ഇഗ്ലൂക​ളി​ലല്ല മറിച്ച്‌, പുല്ലു​കൊ​ണ്ടുള്ള മേൽക്കൂ​ര​യും ഭൂമി​ക്ക​ടി​യിൽ പ്രവേ​ശ​ന​ക​വാ​ട​വു​മുള്ള അർധഭൂ​ഗർഭ വീടു​ക​ളി​ലാണ്‌. മൃദു​ഭാ​ഷി​ക​ളും സൗമ്യ​രും എന്നാൽ കരുത്ത​രു​മായ ഈ ആളുക​ളു​ടെ ഇടയിൽ വ്യാപാ​രി​കൾ ചില കുലത്തി​ന്റെ ജനസംഖ്യ പകുതി​യാ​ക്കി​ത്തീർത്ത പുതിയ സംസ്‌കാ​ര​വും പുതിയ രോഗ​ങ്ങ​ളു​മുൾപ്പെടെ ഗൗരവ​ത​ര​മായ അനേകം പ്രശ്‌നങ്ങൾ കൊണ്ടു​വന്നു. മദ്യം ആളുക​ളു​ടെ​മേൽ വളരെ പെട്ടെന്ന്‌ ഒരു ശാപമാ​യി​ത്തീർന്നു. ജീവി​ത​നി​വൃ​ത്തി​ക്കു​ണ്ടെ​ങ്കിൽ മതി എന്ന രീതി​യിൽനിന്ന്‌ പണം കുന്നു​കൂ​ട്ടി​യി​ട്ടു ജീവി​ക്കുക എന്ന വിധത്തി​ലുള്ള മാററം പുതിയ സമ്പദ്‌വ്യ​വസ്ഥ അടി​ച്ചേ​ല്‌പി​ച്ചു. അതൊരു വേദനാ​ജ​ന​ക​മായ പരിവർത്ത​ന​മാ​യി​രു​ന്നു എന്നാണ്‌ ഇന്നും ചിലർ വിചാ​രി​ക്കു​ന്നത്‌.

ക്രൈ​സ്‌ത​വ​ലോ​ക​ത്തി​ലെ മിഷന​റി​മാർ എത്തി​ച്ചേർന്ന​പ്പോൾ മറെറാ​രു വിധത്തി​ലുള്ള മാററം അലാസ്‌ക​യി​ലെ നിവാ​സി​ക​ളു​ടെ​മേൽ അടി​ച്ചേൽപ്പി​ക്ക​പ്പെട്ടു. കാററ്‌, ഹിമം, കരടി, കഴുകൻ തുടങ്ങി​യ​വ​യു​ടെ പരമ്പരാ​ഗ​ത​മായ ആരാധനാ സമ്പ്രദാ​യങ്ങൾ ചിലർ വൈമ​ന​സ്യ​ത്തോ​ടെ ഉപേക്ഷി​ച്ച​പ്പോൾ മററു​ചി​ലർ മതങ്ങളു​ടെ സംയോ​ജ​ന​ത്തി​ലും കുഴച്ചി​ലി​ലും കലാശിച്ച ധാരണ​ക​ളു​ടെ ഒരു കൂട്ടി​ക്ക​ലർത്തൽ വികസി​പ്പി​ച്ചെ​ടു​ത്തു. ഇതെല്ലാം മിക്ക​പ്പോ​ഴും​തന്നെ അപരി​ചി​തരെ സംശയി​ക്കു​ന്ന​തി​നും അവിശ്വ​സി​ക്കു​ന്ന​തി​നും ഇടയാക്കി. ചില ഗ്രാമ​ങ്ങ​ളിൽ സന്ദർശ​കന്‌ എല്ലായ്‌പോ​ഴും സ്വാഗ​ത​മില്ല.

അതു​കൊണ്ട്‌, ഈ വിശാ​ല​മായ അതിർത്തി​ദേ​ശത്തു വ്യാപി​ച്ചു​കി​ട​ക്കുന്ന സ്ഥലവാ​സി​ക​ളു​ടെ പക്കൽ എങ്ങനെ എത്തി​ച്ചേ​രു​മെ​ന്ന​താണ്‌ ഞങ്ങൾ നേരി​ടേ​ണ്ടി​യി​രുന്ന വെല്ലു​വി​ളി. അവരുടെ സംശയത്തെ എങ്ങനെ നിരാ​ക​രി​ക്കാ​നാ​കും? മൂടു​പടം നീക്കു​ന്ന​തി​നു ഞങ്ങൾക്ക്‌ എന്തു​ചെ​യ്യാ​നാ​കും?

സാക്ഷ്യം നൽകു​ന്ന​തി​നുള്ള മുൻകാല ശ്രമങ്ങൾ

1960-കളുടെ ആരംഭ​ത്തിൽ അലാസ്‌ക​യി​ലെ കരുത്ത​രായ ഒരു കൂട്ടം സാക്ഷികൾ ധൈര്യ​സ​മേതം ഉഗ്രമായ കാററും പൂജ്യ​ത്തി​ലും താണ താപനി​ല​യും മഞ്ഞുപ​ട​ല​വും സഹിച്ച്‌ വടക്കു​ഭാ​ഗ​ത്താ​യി വ്യാപി​ച്ചു കിടക്കുന്ന ഗ്രാമ​ങ്ങ​ളിൽ പ്രസം​ഗി​ക്കു​ന്ന​തി​നു​വേണ്ടി ഓരോ എഞ്ചിൻ വീതമുള്ള തങ്ങളുടെ സ്വകാര്യ വിമാനം പറത്തി​പ്പോ​യി. ധീരരായ ഈ സഹോ​ദ​രങ്ങൾ തങ്ങളെ​ത്തന്നെ ഒരു വലിയ അപകട​ത്തി​ലാ​ക്കു​ക​യാ​യി​രു​ന്നു എന്നു പിന്തി​രി​ഞ്ഞു​നോ​ക്കി​യാൽ കാണാ​വു​ന്ന​താണ്‌. ഒരു യന്ത്രത്ത​കർച്ച നാശത്തി​ലേക്കു നയിക്കു​മാ​യി​രു​ന്നു​വെ​ന്നതു തീർച്ച​തന്നെ. സുരക്ഷി​ത​മാ​യി താഴെ​യി​റ​ങ്ങാൻ സാധി​ക്കു​മാ​യി​രു​ന്നു​വെ​ങ്കിൽപ്പോ​ലും പൂജ്യ​ത്തി​നു​താ​ഴെ​യുള്ള താപനി​ല​യും യാത്രാ​സൗ​ക​ര്യ​ത്തി​ന്റെ അഭാവ​വും കാരണം സഹായം​തേ​ടുക എളുപ്പ​മാ​യി​രി​ക്കു​മാ​യി​രു​ന്നില്ല. അതിജീ​വനം ഭക്ഷണവും ശരണവും ലഭിക്കു​ന്ന​തി​നെ ആശ്രയി​ച്ചി​രി​ക്കു​മാ​യി​രു​ന്നു, അതു മിക്കവാ​റും ദുർല​ഭ​മാ​യി​രു​ന്നു. ദൈവാ​നു​ഗ്ര​ഹ​ത്താൽ ഗുരു​ത​ര​മായ ഒരു അപകട​വും ഉണ്ടായില്ല. എന്നാൽ, അത്തരം അപകടങ്ങൾ അവഗണി​ക്കാ​വ​താ​യി​രു​ന്നില്ല. അതു​കൊണ്ട്‌ വാച്ച്‌ ടവർ സൊ​സൈ​റ​റി​യു​ടെ അലാസ്‌ക ബ്രാഞ്ച്‌ ഈ സമീപ​നത്തെ നിരു​ത്സാ​ഹ​പ്പെ​ടു​ത്തി.

വേല മുന്നോ​ട്ടു​കൊ​ണ്ടു​പോ​കു​ന്ന​തിന്‌ ഫെയർബാ​ങ്ക്‌സ്‌, നോർത്ത്‌ പോൾ സഭകളി​ലുള്ള സഹോ​ദ​രങ്ങൾ കമേഴ്‌സ്യൽ വിമാ​ന​യാ​ത്രാ​സൗ​ക​ര്യ​മുള്ള നോം, ബാരോ, കട്ട്‌സി​ബ്യൂ എന്നിങ്ങ​നെ​യുള്ള വലിയ ഗ്രാമ​ങ്ങ​ളിൽ തങ്ങളുടെ ശ്രദ്ധ കേന്ദ്രീ​ക​രി​ച്ചു. വടക്കും പടിഞ്ഞാ​റു​മാ​യി 720 കിലോ​മീ​റ​റർവരെ യാത്ര​ചെ​യ്യു​ന്ന​തിന്‌ അവർ തങ്ങളുടെ സ്വന്തം പണമാണ്‌ ഉപയോ​ഗി​ച്ചത്‌. താത്‌പ​ര്യ​മു​ള്ള​വ​രോ​ടൊ​ത്തു ബൈബി​ള​ധ്യ​യനം നടത്തു​ന്ന​തി​നു ചിലർ മാസങ്ങ​ളോ​ളം നോമിൽതന്നെ തങ്ങി. 45 ഡിഗ്രി സെൽഷി​യസ്‌ ന്യൂന ഊഷ്‌മാ​വിൽനിന്ന്‌ അഭയം നേടു​ന്ന​തി​നു ബാരോ​യിൽ ഒരു മുറി വാടക​യ്‌ക്കെ​ടു​ത്തു. ഭൂമി​യു​ടെ അററം​വരെ സുവാർത്ത പ്രസം​ഗി​ക്കു​വാ​നുള്ള യേശു​വി​ന്റെ കല്‌പന ഹൃദയ​ത്തിൽ ഉൾക്കൊ​ണ്ടി​ട്ടുള്ള ആളുകൾ വർഷങ്ങ​ളാ​യി 15,000-ത്തിലധി​കം അമേരി​ക്കൻ ഡോളർ ചെലവ​ഴി​ച്ചി​ട്ടുണ്ട്‌.—മർക്കൊസ്‌ 13:10.

അപ്രതീ​ക്ഷി​ത​മായ സഹായം ലഭ്യമാ​കു​ന്നു

കൂടുതൽ ഒററ​പ്പെ​ട്ടു​കി​ട​ക്കുന്ന പ്രദേ​ശത്ത്‌ എത്തി​ച്ചേ​രാൻവേണ്ട മാർഗ​ത്തി​നുള്ള തിരച്ചിൽ തുടർന്നു, യഹോവ വഴി തുറന്നു​ത​രി​ക​യും ചെയ്‌തു. അലാസ്‌ക​യി​ലെ ദുർഘ​ട​മായ പർവത​നിര കുറുകെ കടക്കു​ന്ന​തിന്‌ ആവശ്യ​മായ രണ്ട്‌ എഞ്ചിനുള്ള വിമാനം ലഭ്യമാ​യി​ത്തീർന്നു. 4,200 മീററ​റി​ല​ധി​കം ഉയരമുള്ള അനേകം പർവതങ്ങൾ അലാസ്‌ക​യിൽ ഉണ്ട്‌, പ്രസി​ദ്ധി​യാർജിച്ച മൗണ്ട്‌ മക്കിൻളി​യു​ടെ (ദനാലി) ഉയരം സമു​ദ്ര​നി​ര​പ്പിൽനിന്ന്‌ 6,193 മീററ​റാണ്‌.

ഒടുവിൽ വിമാനം എത്തി​ച്ചേർന്നു. തേഞ്ഞ്‌, നിറം​മങ്ങി, കഷണങ്ങൾ ചേർത്തൊ​ട്ടിച്ച ഒരു പറക്കും യന്ത്രം റൺവേ​യിൽ വന്നുതാ​ണ​പ്പോൾ ഞങ്ങൾക്കു​ണ്ടായ നിരാശ ഒന്ന്‌ ആലോ​ചി​ച്ചു​നോ​ക്കൂ. അതിനു പറക്കാൻ കഴിയു​മോ? നമ്മുടെ സഹോ​ദ​ര​ങ്ങ​ളു​ടെ ജീവൻ അതിനെ ഏൽപ്പി​ക്കാ​നാ​കു​മോ? യഹോ​വ​യു​ടെ കൈ കുറി​യ​ത​ല്ലാ​യി​രു​ന്നു. ലൈസൻസുള്ള മെക്കാ​നി​ക്കു​ക​ളു​ടെ സഹായ​ത്തോ​ടെ 200-ലധികം സഹോ​ദ​രങ്ങൾ ആയിര​ക്ക​ണ​ക്കി​നു മണിക്കൂർ ചെലവി​ട്ടു​കൊ​ണ്ടു വിമാനം പുത്തനാ​ക്കി​യെ​ടു​ക്കു​ന്ന​തി​നുള്ള സ്വമേ​ധയാ സേവന​ത്തിൽ പങ്കു​ചേർന്നു.

വാലിൽ 710WT എന്ന രജിസ്‌​ട്രേഷൻ നമ്പർ വിളക്കി​ച്ചേർത്ത, വെട്ടി​ത്തി​ള​ങ്ങുന്ന, പുതി​യ​തെ​ന്നു​തോ​ന്നി​ക്കുന്ന വിമാനം അലാസ്‌ക​യു​ടെ വിഹാ​യ​സ്സി​ലേക്കു കുതി​ച്ചു​യ​രുന്ന ആ കാഴ്‌ച എത്ര ആനന്ദമു​ള​വാ​ക്കുന്ന ഒന്നായി​രു​ന്നു! 7-ഉം 10-ഉം പൂർണ​തയെ കുറി​ക്കു​ന്ന​തി​നുള്ള പ്രതീ​ക​ങ്ങ​ളാ​യി ബൈബി​ളിൽ ഉപയോ​ഗി​ക്കു​ന്ന​തി​നാൽ അന്ധകാ​രാ​വൃ​ത​മായ ഹൃദയ​ങ്ങ​ളിൽനി​ന്നു മൂടു​പടം മാററു​ന്ന​തി​നു യഹോ​വ​യു​ടെ സ്ഥാപനം നൽകിയ പിന്തുണ ഊന്നി​പ്പ​റ​യു​ന്ന​തിന്‌ 710 തെളി​വാ​യി എടുക്കാ​വു​ന്ന​താണ്‌.

അല്യൂഷൻ ദ്വീപു​ക​ളി​ലേക്ക്‌

വിമാനം കിട്ടി​യ​തു​മു​തൽ 54-ലധികം ഗ്രാമ​ങ്ങ​ളിൽ രാജ്യ​സു​വാർത്ത​യും ബൈബിൾ സാഹി​ത്യ​ങ്ങ​ളും എത്തിച്ചു​കൊ​ണ്ടു ഞങ്ങൾ വിജന​പ്ര​ദേ​ശ​ത്തി​ലൂ​ടെ 80,000 കിലോ​മീ​ററർ യാത്ര​ചെ​യ്‌തു. ഇത്‌ വൻകര​യാ​കുന്ന ഐക്യ​നാ​ടു​കൾ 19 പ്രാവ​ശ്യം കുറുകെ കടക്കു​ന്ന​തി​നു സമമാണ്‌!

ബറിങ്‌ കടലിൽനി​ന്നു പസഫിക്ക്‌ സമു​ദ്രത്തെ വേർതി​രി​ക്കുന്ന, 1,600 കിലോ​മീ​ററർ നീളമുള്ള അല്യൂഷൻ ദ്വീപു​കൾ കടന്നു മൂന്നു പ്രാവ​ശ്യം ഞങ്ങൾ അതിന്റെ അങ്ങേയ​റ​റത്ത്‌ എത്തി. ആ ശൃംഖ​ല​യിൽപ്പെട്ട മിക്കവാ​റും വൃക്ഷശൂ​ന്യ​മായ 200-ലധികം ദ്വീപു​കൾ അല്യൂഷ നിവാ​സി​ക​ളു​ടേതു മാത്രമല്ല, ആയിര​ക്ക​ണ​ക്കി​നു കടൽപ​ക്ഷി​ക​ളു​ടെ​യും മൊട്ട​ത്ത​ലയൻ കഴുകൻമാ​രു​ടെ​യും തൂവെള്ള നിറത്തി​ലുള്ള തലകളും എടുത്ത​റി​യാ​വു​ന്ന​വി​ധം കറുപ്പും വെളു​പ്പും തൂവലുള്ള ചക്രവർത്തി ഗീസു​ക​ളു​ടെ​യും​കൂ​ടി ഭവനമാണ്‌.

വശ്യ​മോ​ഹ​ന​മാ​യ ആ പ്രദേശം അപകട​ര​ഹി​തമല്ല. കടലി​നു​മീ​തെ പറക്കു​മ്പോൾ ഐസു​വെ​ള്ള​ത്തിൽ മൂന്നു മീററർമു​തൽ അഞ്ചു മീററർവരെ വെള്ളി​ത്തി​ര​മാ​ലകൾ നമുക്കു കാണാ​നാ​കും. അതിന്റെ ശൈത്യ​ത്തെ ഒരുവനു വേനൽക്കാ​ല​ത്തു​പോ​ലും 10 മുതൽ 15 വരെ മിനി​റ​റു​മാ​ത്രമേ അതിജീ​വി​ക്കാ​നാ​കൂ. വിമാ​ന​മി​റ​ക്കാൻ നിർബ​ന്ധി​ത​നാ​യാൽ ദുർഘ​ട​മായ പാറ​ക്കെ​ട്ടു​ക​ളാൽ ചുററ​പ്പെട്ട ദ്വീപോ തണുത്തു​മ​ര​വിച്ച മാരക​മായ കടലോ അല്ലാതെ പൈല​റ​റി​നു മറെറാ​രി​ട​മില്ല. വിമാനം ഇത്രയും ഉത്തമമാ​ക്കി​ത്തീർക്കാൻ സ്വമേ​ധയാ സേവന​മ​നു​ഷ്‌ഠിച്ച അംഗീ​കൃത A & E (എയർക്രാഫ്‌ററ്‌ ആൻഡ്‌ എൻജിൻ) മെക്കാ​നി​ക്കു​ക​ളായ നമ്മുടെ പ്രഗത്ഭ​രായ സഹോ​ദ​ര​ങ്ങ​ളോ​ടു നാം എത്ര നന്ദിയു​ള്ള​വ​രാണ്‌!

യാത്രാ​വേ​ള​യിൽ ഒരിക്കൽ ഞങ്ങൾ ഡച്ച്‌ തുറമു​ഖ​ത്തേ​ക്കും അനലാ​സ്‌ക​യി​ലെ മുക്കുവ ഗ്രാമ​ത്തി​ലേ​ക്കും പോയി. ഇതു മണിക്കൂ​റിൽ 70 മുതൽ 100 വരെ കിലോ​മീ​ററർ വേഗത​യുള്ള കാററി​നു പേരു കേട്ട സ്ഥലമാണ്‌. സന്തോ​ഷ​ക​ര​മെന്നു പറയട്ടെ, അന്നത്തെ ദിവസം വളരെ ശാന്തമാ​യി​രു​ന്നു എങ്കിലും പല തവണ ഞങ്ങളെ അനിശ്ചി​താ​വ​സ്ഥ​യി​ലാ​ക്കാൻ പോന്ന​വി​ധം പ്രക്ഷു​ബ്ധ​മാ​യി​രു​ന്നു. വിമാ​ന​മി​റ​ക്കാ​നുള്ള താവളം—പാറനി​റഞ്ഞ മലഞ്ചെ​രു​വിൽ കുത വെട്ടി​യു​ണ്ടാ​ക്കിയ ഒരു പ്രദേശം—കണ്ടപ്പോൾ ഞങ്ങൾക്ക്‌ എന്തൊ​രാ​ശ്ച​ര്യം തോന്നി​യെ​ന്നോ! റൺവേ​യു​ടെ ഒരു വശം കിഴു​ക്കാം​തൂ​ക്കായ പാറയാ​യി​രു​ന്നു, മറുവശം ബറിങ്‌ കടലിന്റെ തണുത്തു​മ​ര​വിച്ച വെള്ളവും! ഞങ്ങൾ ഇറങ്ങി​യ​പ്പോൾ റൺവേ നനഞ്ഞുകിടക്കുകയായി​രു​ന്നു. വർഷത്തിൽ 200-ലധികം ദിവസ​വും അവിടെ മഴയാണ്‌.

ദൈവ​ത്തി​ന്റെ വചനവും ഉദ്ദേശ്യ​വും സംബന്ധിച്ച്‌ ആ പ്രദേ​ശത്തെ നിവാ​സി​ക​ളു​മാ​യി ചർച്ച​ചെ​യ്യുക എന്നത്‌ എത്ര സന്തോ​ഷ​ക​ര​മായ സംഗതി​യാ​യി​രു​ന്നു! പ്രായം​ചെന്ന അനേക​രും യുദ്ധം ഇല്ലാത്ത ഒരു ലോക​ത്തെ​ക്കു​റി​ച്ചു വിലമ​തി​പ്പു പ്രകട​മാ​ക്കി. രണ്ടാം​ലോ​ക​മ​ഹാ​യു​ദ്ധ​ത്തിൽ ഡച്ച്‌ തുറമു​ഖ​ത്തി​നു​മേൽ ജപ്പാൻകാർ നടത്തിയ ബോം​ബാ​ക്ര​മ​ണ​ത്തെ​ക്കു​റിച്ച്‌ അവർക്കു നല്ല ഓർമ​യുണ്ട്‌. സാക്ഷ്യ​വേ​ല​യി​ലെ അത്തരം യാത്ര​ക​ളെ​ക്കു​റി​ച്ചുള്ള ഞങ്ങളുടെ ഓർമ​ക​ളും അതു​പോ​ലെ​തന്നെ അവിസ്‌മ​ര​ണീ​യ​മാണ്‌.

മെല്ലെ ചൂടു​പി​ടി​ച്ചു​വ​രു​ന്നു

കാലാവസ്ഥ വീണ്ടും പരി​ശോ​ധി​ച്ച​പ്പോൾ താപനി​ല​യിൽ പതു​ക്കെ​യുള്ള ഒരു വർധനവു ഞങ്ങൾ നിരീ​ക്ഷി​ച്ചു. ജനങ്ങൾ വിരള​മാ​യി വസിക്കുന്ന സ്ഥലത്തെ ഞങ്ങളുടെ സാക്ഷ്യ​വേ​ല​യെ​ക്കു​റി​ച്ചു ഞാൻ ചിന്തി​ക്കാൻ അത്‌ ഇടയാക്കി. ജനങ്ങളു​ടെ ഹൃദയ​ങ്ങ​ളിൽ മെല്ലെ എന്നാൽ ഉറച്ച ഒരു മാററം ഞങ്ങൾ കണ്ടു.

പുറം​നാ​ട്ടു​കാ​രെ​ക്കു​റി​ച്ചു ജനങ്ങൾക്കുള്ള സംശയ​വും വിദ്വേ​ഷ​വും മാറു​ന്ന​തി​നു സമയ​മെ​ടു​ത്തു. ഞങ്ങളുടെ ആദ്യ ഉദ്യമ​ങ്ങ​ളിൽ ഗ്രാമ​ത്തി​ലെ പള്ളി​നേ​താ​ക്കൻമാർ വിമാ​ന​ത്തി​നു സമീപം വന്നു ഞങ്ങളുടെ സന്ദർശ​ന​ത്തി​ന്റെ ഉദ്ദേശ്യ​മെ​ന്തെന്ന്‌ അന്വേ​ഷി​ക്കു​ന്ന​തും പിന്നെ അവിടം വിടാൻ തിടു​ക്ക​ത്തിൽ ആവശ്യ​പ്പെ​ടു​ന്ന​തും അസാധാ​ര​ണ​മ​ല്ലാ​യി​രു​ന്നു. അത്തരത്തി​ലുള്ള സ്വീക​രണം തീർച്ച​യാ​യും നിരാ​ശാ​ജ​ന​ക​മാ​യി​രു​ന്നു. എന്നാൽ “പാമ്പി​നെ​പ്പോ​ലെ ബുദ്ധി​യു​ള്ള​വ​രും പ്രാവി​നെ​പ്പോ​ലെ കളങ്കമി​ല്ലാ​ത്ത​വ​രും ആയിരി​പ്പിൻ” എന്നു മത്തായി 10:16-ൽ യേശു നൽകി​യി​രി​ക്കുന്ന ബുദ്ധ്യു​പ​ദേശം ഞങ്ങൾ അനുസ്‌മ​രി​ച്ചു. അതു​കൊ​ണ്ടു വിമാനം നിറയെ പുത്തൻ പച്ചടി​ക്കീ​ര​യും തക്കാളി​യും ചെറിയ ഇനം മത്തങ്ങയും അതു​പോ​ലെ അവിടെ ലഭ്യമ​ല്ലാത്ത മററു​ചില സാധന​ങ്ങ​ളു​മാ​യി ഞങ്ങൾ തിരികെ ചെന്നു. മുമ്പു പകയു​ണ്ടാ​യി​രുന്ന നിവാ​സി​കൾ ഞങ്ങളുടെ ചരക്കു​വി​മാ​നം കണ്ടതിൽ ആനന്ദഭ​രി​ത​രാ​യി​ത്തീർന്നു.

ഈ പുത്തൻ സാധന​ങ്ങ​ളു​ടെ വിതര​ണ​ത്തി​നു സംഭാ​വ​നകൾ സ്വീക​രിച്ച്‌ ഒരു സഹോ​ദരൻ “കട”യിലി​രി​ക്കു​മ്പോൾ മററ​നേകം സഹോ​ദ​ര​ങ്ങ​ളും പുതിയ ചരക്കു വിമാ​ന​ത്തെ​ക്കു​റി​ച്ചു പറയു​ന്ന​തി​നു വീടു​തോ​റും പോകും. വാതിൽക്കൽ അവർ ഇങ്ങനെ​യും അന്വേ​ഷി​ച്ചു: “ആകട്ടെ, ഇതൊ​ക്കെ​യാ​ണെ​ങ്കി​ലും നിങ്ങൾ ഒരു ബൈബിൾ വായന​ക്കാ​ര​നാ​ണോ? ദൈവം നമുക്കു പറുദീസ വാഗ്‌ദത്തം ചെയ്‌തി​രി​ക്കു​ന്നു​വെന്നു കാണി​ക്കുന്ന ഈ ബൈബിൾ പഠന സഹായി നിങ്ങൾക്ക്‌ ആസ്വാ​ദ്യ​മാ​യി​രി​ക്കു​മെന്ന്‌ എനിക്ക​റി​യാം.” പ്രലോ​ഭ​ന​ക​ര​മായ അത്തര​മൊ​രു വാഗ്‌ദാ​നം ആർക്കു നിരസി​ക്കാ​നാ​കും? എല്ലാവ​രും ഭൗതി​ക​വും ആത്മീയ​വു​മായ ഭക്ഷണത്തെ വിലമ​തി​ച്ചു. സ്വീക​രണം ആനന്ദക​ര​മാ​യി​രു​ന്നു. അനേകം സാഹി​ത്യ​ങ്ങൾ സമർപ്പി​ച്ചു, കൂടാതെ ചുരുക്കം ചിലരു​ടെ ഹൃദയ​ത്തെ​യും ഊഷ്‌മ​ള​മാ​ക്കി.

അതിർത്തി​ക്ക​പ്പു​റം കടക്കുന്നു

കാനഡ​യി​ലേക്കു “കടന്നു​വന്നു” വടക്കു പടിഞ്ഞാ​റു പ്രദേ​ശത്തെ വിദൂ​ര​സ്ഥ​ല​ങ്ങ​ളിൽ ചില പ്രദേ​ശങ്ങൾ സന്ദർശി​ക്കാൻ യൂക്കോൺ പ്രദേ​ശ​ത്തുള്ള വൈറ​റ്‌ഹോ​ഴ്‌സ്‌ സഭ ഞങ്ങൾക്ക്‌ ഒരു “മക്കദോ​ന്യ”വിളി നൽകി. (പ്രവൃ​ത്തി​കൾ 16:9) ഉത്തര​ധ്രു​വ​ത്തി​നു വടക്ക്‌ ബ്യൂ​ഫോർട്ടു കടലിലെ മക്കൻസീ കടലി​ടു​ക്കി​ലുള്ള ഒരു ഗ്രാമ​മായ ടൂക്‌ട്ടോ​യാ​ക്ക്‌ടൂ​ക്കി​ലേക്കു പോകാൻ ഞങ്ങൾ 5 പേർ യാത്ര​തി​രി​ച്ചു.

‘വിചി​ത്ര​മായ ഈ പേരിന്റെ ഉച്ചാര​ണ​മെ​ന്താ​യി​രി​ക്കും?’ എന്ന്‌ അവിടെ എത്തിയ​പ്പോൾ ഞങ്ങൾ ആലോ​ചി​ക്കു​ക​യാ​യി​രു​ന്നു.

ഒരു ചെറു​പ്പ​ക്കാ​രൻ ഒരു വലിയ ചിരി സമ്മാനി​ച്ചു​കൊണ്ട്‌ “ടൂക്ക്‌” എന്ന്‌ ഉത്തരം നൽകി.

“നാം എന്തു​കൊണ്ട്‌ അങ്ങനെ ചിന്തി​ച്ചില്ല?” എന്നു ഞങ്ങൾ വിസ്‌മ​യി​ച്ചു.

ടൂക്‌ട്ടോ​യാ​ക്ക്‌ടൂ​ക്കി​ലെ ജനങ്ങൾ തിരു​വെ​ഴു​ത്തു​മാ​യി സുപരി​ചി​ത​രാ​ണെന്ന വസ്‌തുത ഞങ്ങളെ അതിശ​യി​പ്പി​ച്ചു. തദ്‌ഫ​ല​മാ​യി ഞങ്ങൾക്ക്‌ അനേകം സൗഹൃദ സംഭാ​ഷ​ണ​ത്തി​ലേർപ്പെ​ടു​ന്ന​തി​നും ധാരാളം സാഹി​ത്യ​ങ്ങൾ സമർപ്പി​ക്കു​ന്ന​തി​നും കഴിഞ്ഞു. ഞങ്ങളുടെ യുവ പയനി​യർമാ​രിൽ ഒരാൾക്ക്‌ ഒരു വീട്ടു​കാ​ര​നു​മാ​യി പ്രചോ​ദ​നാ​ത്മ​ക​മായ ഒരു സംഭാ​ഷ​ണ​ത്തി​ലേർപ്പെ​ടാൻ കഴിഞ്ഞു.

“ഞാൻ ഒരു ആംഗ്ലിക്കൻ സഭക്കാ​ര​നാണ്‌” എന്നു വീട്ടു​കാ​രൻ പറഞ്ഞു.

“ആംഗ്ലിക്കൻ സഭ സ്വവർഗ​സം​ഭോ​ഗം അനുവ​ദി​ക്കു​ന്നു​വെ​ന്ന​കാ​ര്യം നിങ്ങൾക്ക​റി​യാ​മോ?” നമ്മുടെ പയനിയർ ചോദി​ച്ചു.

“നേരോ?” അയാൾ ചോദി​ച്ചു. “എങ്കിൽ മേലാൽ ഞാൻ ഒരു ആംഗ്ലിക്കൻ സഭക്കാ​ര​നാ​യി​രി​ക്കു​ന്നില്ല.” ബൈബി​ളി​ലെ സുവാർത്ത കൈ​ക്കൊ​ള്ളു​ന്ന​തിന്‌ ഒരാളു​ടെ​യും​കൂ​ടെ ഹൃദയം തുറക്കു​ക​യാ​യി​രു​ന്നി​രി​ക്കണം.—എഫെസ്യർ 1:18.

ആ ഭാഗത്തുള്ള എല്ലാ വീടും സന്ദർശി​ക്ക​ണ​മെന്ന ഞങ്ങളുടെ തീരു​മാ​നം പ്രായ​മുള്ള ഒരാൾക്കു നന്നേ ബോധി​ച്ചു. ഞങ്ങളുടെ വേലയി​ലു​ട​നീ​ളം ഞങ്ങൾ കാൽന​ട​യാ​യി പോക​ണ​മാ​യി​രു​ന്നു. വിമാനം നിർത്തി​യി​രി​ക്കു​ന്നി​ട​ത്തു​നി​ന്നും ഗ്രാമ​ത്തി​ലേക്ക്‌ ഒന്നോ അതില​ധി​ക​മോ കിലോ​മീ​ററർ നടക്കണം. പിന്നെ ഓരോ വീട്ടി​ലും എത്തുന്ന​തിന്‌ ചരലോ ചെളി​യോ നിറഞ്ഞ പാതയി​ലൂ​ടെ ആയാസ​പ്പെട്ടു നടക്കേ​ണ്ടി​യി​രു​ന്നു. ഈ മനുഷ്യൻ തന്റെ ട്രക്ക്‌ തത്‌കാ​ലോ​പ​യോ​ഗ​ത്തി​നാ​യി ഞങ്ങൾക്കു നൽകി. അത്‌ എന്തോരു അനു​ഗ്ര​ഹ​മാ​യി​രു​ന്നു! അതിർത്തി​യി​ലേക്കു കടന്നു ചെന്ന്‌ കാനഡ​യു​ടെ പ്രദേ​ശത്തു സഹായം നൽകാൻ കഴിഞ്ഞത്‌ ഒരു മികച്ച പദവി​യാ​യി​രു​ന്നു.

അതു തക്ക ഫലമു​ള്ള​തോ?

മോശ​മായ കാലാ​വ​സ്ഥ​യാൽ ഞങ്ങൾ നിരാ​ലം​ബ​രോ ഞങ്ങളുടെ ഇപ്പോ​ഴത്തെ അവസ്ഥ​പോ​ലെ അനിശ്ചി​ത​മാ​യി വൈകു​ക​യോ ചെയ്യു​ക​യാണ്‌, അതല്ല, ഒരു മുഴു​ദി​വ​സ​ത്തെ​യും സാക്ഷ്യ​വേല താത്‌പ​ര്യ​മി​ല്ലാ​യ്‌മ​യോ വെറു​പ്പോ പോലു​മാണ്‌ ഉളവാ​ക്കു​ന്നത്‌ എങ്കിൽ ചെലവ​ഴി​ക്കുന്ന സമയവും ഊർജ​വും പണവു​മെ​ല്ലാം തക്ക ഫലമു​ള്ള​താ​ണോ എന്ന്‌ അപ്പോൾ ഞങ്ങൾ ചിന്തി​ക്കാൻ തുടങ്ങും. താത്‌പ​ര്യം കാണി​ക്കു​ക​യും കത്തിട​പാ​ടു​ക​ളി​ലൂ​ടെ ബൈബി​ള​ധ്യ​യനം നടത്താ​മെന്നു വാഗ്‌ദാ​നം ചെയ്‌തിട്ട്‌ അതിനു മെന​ക്കെ​ടാ​ത്ത​തു​മായ വ്യക്തി​ക​ളെ​ക്കു​റി​ച്ചു ഞങ്ങൾ ചിന്തി​ച്ചേ​ക്കാം. കത്തെഴു​തുക എന്നത്‌ അനേക ദേശക്കാ​രു​ടെ​യും ആചാര​മ​ല്ലെ​ന്നും സൗഹൃ​ദത്തെ ബൈബിൾ സന്ദേശ​ത്തി​ലുള്ള താത്‌പ​ര്യ​മെന്ന്‌ എളുപ്പ​ത്തിൽ തെററി​ദ്ധ​രി​ച്ചേ​ക്കാ​മെ​ന്നും പിന്നീടു ഞങ്ങൾ ഓർമി​ക്കു​ന്നു. ചില​പ്പോ​ഴെ​ല്ലാം വിജയ​ത്തി​ന്റെ അളവു കുറി​ക്കു​ക​യെ​ന്നതു വളരെ പ്രയാ​സ​ക​ര​മാ​യി തോന്നു​ന്നു.

മററു രാജ്യ​പ്ര​സാ​ധ​ക​രു​ടെ നല്ല അനുഭ​വങ്ങൾ അനുസ്‌മ​രി​ക്കു​മ്പോൾ ഇപ്രകാ​ര​മുള്ള നിഷേ​ധാ​ത്മക ചിന്തകൾ പെട്ടെന്ന്‌ അപ്രത്യ​ക്ഷ​മാ​കു​ന്നു. ദൃഷ്ടാ​ന്ത​ത്തിന്‌, ഫെയർബാ​ങ്ക്‌സിൽ നിന്നുള്ള ഒരു സാക്ഷി വടക്കേ അററത്തുള്ള ബാരോ ഗ്രാമ​ത്തിൽ പ്രസം​ഗി​ച്ചു. അവിടെ അവൾ കാലി​ഫോർണി​യ​യി​ലെ കോ​ളെ​ജിൽനിന്ന്‌ അവധി​ക്കു​വ​ന്നി​രി​ക്കുന്ന ഒരു കൗമാ​ര​പ്രാ​യ​ക്കാ​രി​യെ കണ്ടുമു​ട്ടി. കത്തിട​പാ​ടു​ക​ളി​ലൂ​ടെ സഹോ​ദരി അവളുടെ താത്‌പ​ര്യം നിലനിർത്തു​ക​യും കോ​ളെ​ജി​ലേക്കു തിരി​കെ​പോ​യ​ശേ​ഷ​വും ആ പെൺകു​ട്ടി​യെ തുടർന്നു പ്രോ​ത്സാ​ഹി​പ്പി​ക്കു​ക​യും ചെയ്‌തു. ഇന്ന്‌ ആ യുവതി യഹോ​വ​യു​ടെ സന്തുഷ്ടി​യുള്ള സ്‌നാ​പ​ന​മേററ സേവി​ക​യാണ്‌.

കതകി​ലൊ​രു മുട്ട്‌, അത്‌ എന്നെ ഓർമ​യിൽനി​ന്നു തട്ടിയു​ണർത്തി. ഏതു ശ്രമവും ഫലം ചെയ്യു​ന്നു​വെ​ന്ന​തിന്‌ ഒരു തെളി​വു​കൂ​ടി നൽകുന്നു. വാതിൽക്കൽ നിൽക്കു​ന്നതു സമർപ്പിച്ച്‌ സ്‌നാ​പ​ന​മേററ നോമി​ലെ ഏക ഇനൂയി​റ​റു​കാ​ര​നായ സാക്ഷി എൽമർ ആണ്‌.

“താങ്കൾ ശുശ്രൂ​ഷ​യിൽ പങ്കുപ​റ​റാൻ പുറത്തു​പോ​കു​ന്നു​ണ്ടെ​ങ്കിൽ ഞാനും പോരട്ടെ?” എന്ന്‌ അദ്ദേഹം ചോദി​ച്ചു. തൊട്ട​ടുത്ത സഭയിൽനിന്ന്‌ 800 കിലോ​മീ​ററർ ദൂരെ ഒററ​പ്പെട്ടു താമസി​ക്കുന്ന അദ്ദേഹം അവസരം ഒത്തുവ​ന്ന​പ്പോൾ തന്റെ സഹോ​ദ​ര​ങ്ങ​ളോ​ടൊ​പ്പം പ്രവർത്തി​ക്കാൻ ആഗ്രഹി​ക്കു​ന്നു.

സൂര്യ​കി​ര​ണ​ങ്ങൾ മേഘപാ​ളി​കളെ കീറി​മു​റി​ച്ചു പ്രകാശം പരത്താൻ തുടങ്ങി. പുറ​പ്പെ​ടാ​നുള്ള അവസരം ഉടനെ ലഭിക്കു​മെന്നു ഞങ്ങൾക്ക​റി​യാം. വിമാ​ന​ത്തി​ലേക്കു പ്രവേ​ശി​ക്കു​മ്പോ​ഴത്തെ എൽമറി​ന്റെ സന്തോഷം സ്‌ഫു​രി​ക്കുന്ന മുഖം ഞങ്ങളെ ഉത്സാഹ​പൂർണ​രാ​ക്കു​ന്നു. എൽമറിന്‌ ഇത്‌ പ്രത്യേ​ക​ദി​ന​മാണ്‌. അദ്ദേഹം ലോക​ത്തി​ന്റെ ഒടുവി​ലത്തെ അതിർത്തി​ദേ​ശ​ത്തി​ലെ ജനങ്ങളു​ടെ ഹൃദയ​ങ്ങ​ളി​ലെ മൂടു​പടം മാററാ​നുള്ള ഞങ്ങളുടെ ഉദ്യമ​ത്തിൽ ചേർന്നു​കൊണ്ട്‌ ഞങ്ങൾ ലക്ഷ്യമി​ട്ടി​രി​ക്കുന്ന ഗ്രാമ​ത്തിൽ അദ്ദേഹ​ത്തി​ന്റെ നാട്ടു​കാ​രായ ഇനൂയി​റ​റു​കാ​രോ​ടു പ്രസം​ഗി​ക്കാൻ പോരു​ക​യാണ്‌.—സംഭാ​വ​ന​ചെ​യ്‌തത്‌.

[23-ാം പേജിലെ ഭൂപടം]

(പൂർണ​രൂ​പ​ത്തിൽ കാണു​ന്ന​തി​നു പ്രസി​ദ്ധീ​ക​രണം നോക്കുക.)

1. ഗാംബൽ

2. സവൂങ്കാ

3. നോം

4. കട്ട്‌സി​ബ്യൂ

5. ബാരോ

6. ടൂക്‌ട്ടോ​യാ​ക്ക്‌ടൂക്ക്‌

7. ഫെയർബാ​ങ്ക്‌സ്‌

8. അങ്കറിജ്‌

9. അനലാ​സ്‌ക

10. ഡച്ച്‌ തുറമു​ഖം

[24-ാം പേജിലെ ചിത്രം]

ഒററപ്പെട്ട സമൂഹ​ങ്ങ​ളിൽ ചെന്നെ​ത്തു​ന്ന​തിന്‌ അലാസ്‌ക​യി​ലെ അനവധി പർവത​നി​ര​ക​ളിൽ ഒരെണ്ണം കുറുകെ കടക്കുക മിക്ക​പ്പോ​ഴും ആവശ്യ​മാണ്‌

[25-ാം പേജിലെ ചിത്രം]

ബെററി ഹോവ്‌സും, സോഫി മെസാ​ക്കും, ക്യാരി ററീപ്പിൾസും ചേർന്ന്‌ 30 വർഷത്തി​ല​ധി​കം മുഴു​സ​മ​യ​സേ​വനം അനുഷ്‌ഠി​ച്ചി​രി​ക്കു​ന്നു