നിങ്ങളു​ടെ അയൽക്കാ​രനെ സ്‌നേ​ഹി​ക്കേ​ണ്ടത്‌ എന്തു​കൊണ്ട്‌?

നിത്യ​ജീ​വൻ ദൈവ​ത്തോ​ടും അയൽക്കാ​ര​നോ​ടും ഉള്ള നമ്മുടെ സ്‌നേ​ഹ​ത്തിൽ ആശ്രയി​ച്ചി​രി​ക്കു​ന്നു. ഏകദേശം 2,000 വർഷം മുമ്പു നടന്ന ഒരു സംഭാ​ഷ​ണ​ത്തിൽ ആ ആശയം സ്ഥാപി​ക്ക​പ്പെട്ടു.

മോശ​യു​ടെ ന്യായ​പ്ര​മാ​ണം സംബന്ധിച്ച്‌ അഭിജ്ഞ​നാ​യി​രുന്ന ഒരു മനുഷ്യൻ യേശു​ക്രി​സ്‌തു​വി​നോട്‌: “ഞാൻ നിത്യ​ജീ​വന്നു അവകാശി ആയിത്തീ​രു​വാൻ എന്തു ചെയ്യേണം” എന്നു ചോദി​ച്ചു. യേശു മറുപടി നൽകി: “ന്യായ​പ്ര​മാ​ണ​ത്തിൽ എന്തു എഴുതി​യി​രി​ക്കു​ന്നു; നീ എങ്ങനെ വായി​ക്കു​ന്നു?” ന്യായ​പ്ര​മാ​ണം ഉദ്ധരി​ച്ചു​കൊണ്ട്‌ അയാൾ പറഞ്ഞു: “നിന്റെ ദൈവ​മായ കർത്താ​വി​നെ (യഹോവയെ, NW) നീ പൂർണ്ണ​ഹൃ​ദ​യ​ത്തോ​ടും പൂർണ്ണാ​ത്മാ​വോ​ടും പൂർണ്ണ​ശ​ക്തി​യോ​ടും പൂർണ്ണ​മ​ന​സ്സോ​ടും കൂടെ സ്‌നേ​ഹി​ക്കേണം എന്നും കൂട്ടു​കാ​രനെ നിന്നെ​പ്പോ​ലെ​തന്നെ സ്‌നേ​ഹി​ക്കേണം എന്നും തന്നെ.” “നീ പറഞ്ഞ ഉത്തരം ശരി; അങ്ങനെ ചെയ്‌ക; എന്നാൽ നീ ജീവി​ക്കും (ജീവൻ കിട്ടും, NW)” എന്നു യേശു പറഞ്ഞു.—ലൂക്കൊസ്‌ 10:25-28.

അപ്പോൾ, യേശു​വി​നോട്‌ അന്വേ​ഷണം നടത്തിയ ആൾ: “എന്റെ കൂട്ടു​കാ​രൻ (അയൽക്കാരൻ, NW) ആർ” എന്നു ചോദി​ച്ചു. നേരിട്ടു മറുപടി നൽകു​ന്ന​തി​നു പകരം യേശു, അപഹരി​ക്ക​പ്പെട്ട്‌, അടി​യേ​ററ്‌, അർധ​പ്രാ​ണ​നാ​യി ഉപേക്ഷി​ക്ക​പ്പെട്ട ഒരു യഹൂദന്റെ ദൃഷ്ടാന്ത കഥ പറഞ്ഞു. രണ്ടു യഹൂദൻമാർ ആ വഴി വന്നു—ആദ്യം ഒരു പുരോ​ഹി​ത​നും പിന്നെ ഒരു ലേവ്യ​നും. അവർ ഇരുവ​രും തങ്ങളുടെ സഹയഹൂ​ദന്റെ അവസ്ഥ കണ്ടു​വെ​ങ്കി​ലും അയാൾക്ക്‌ ഒരു സഹായ​വും ചെയ്‌തില്ല. അടുത്ത​താ​യി ഒരു ശമര്യാ​ക്കാ​രൻ വന്നു. കനിവു തോന്നി അയാൾ പരി​ക്കേററ യഹൂദന്റെ മുറി​വു​കൾ വെച്ചു​കെട്ടി അയാളെ ഒരു വഴിയ​മ്പ​ല​ത്തി​ലേക്കു കൊണ്ടു​പോ​കു​ക​യും അയാളു​ടെ കൂടു​ത​ലായ പരിര​ക്ഷ​ക്കു​വേണ്ടി പണം നൽകു​ക​യും ചെയ്‌തു.

യേശു അന്വേ​ഷി​യോട്‌: “കള്ളൻമാ​രു​ടെ കയ്യിൽ അകപ്പെ​ട്ട​വന്നു ഈ മൂവരിൽ ഏവൻ കൂട്ടു​കാ​ര​നാ​യി​ത്തീർന്നു എന്നു നിനക്കു തോന്നു​ന്നു?” എന്നു ചോദി​ച്ചു. അതു ദയാലു​വായ ശമര്യാ​ക്കാ​ര​നാ​യി​രു​ന്നെന്നു വ്യക്തമാണ്‌. അങ്ങനെ, യഥാർഥ അയൽസ്‌നേഹം വംശീയ അതിർവ​ര​മ്പു​കൾക്ക​തീ​ത​മാ​യി പോകു​ന്നു​വെന്നു യേശു പ്രകട​മാ​ക്കി.—ലൂക്കൊസ്‌ 10:29-37.

അയൽസ്‌നേ​ഹ​ത്തി​ന്റെ കുറവ്‌

ഇന്നു വ്യത്യസ്‌ത വംശീ​യ​സ​മൂ​ഹ​ങ്ങ​ളിൽപ്പെട്ട ആളുകൾക്കി​ട​യിൽ വർധി​ച്ചു​വ​രുന്ന ശത്രു​ത​യുണ്ട്‌. ഉദാഹ​ര​ണ​ത്തിന്‌, അടുത്ത​കാ​ലത്തു ജർമനി​യിൽ നവീന​നാ​സി​കൾ ഒരു മനുഷ്യ​നെ നിലത്തു​ത​ള്ളി​യി​ട്ടു തങ്ങളുടെ ഭാരിച്ച ബൂട്ടിട്ടു ചവിട്ടി അയാളു​ടെ എല്ലുകൾ എല്ലാം​തന്നെ ഒടിച്ചു. എന്നിട്ട്‌ അവർ അയാളു​ടെ​മേൽ വീര്യം കൂടിയ മദ്യ​മൊ​ഴി​ച്ചു തീകൊ​ളു​ത്തി. മരിക്കാ​നാ​യി ഉപേക്ഷി​ക്ക​പ്പെട്ട ആ മനുഷ്യൻ ഒരു യഹൂദ​നാ​ണെന്നു വിചാ​രി​ച്ച​തു​കൊ​ണ്ടാണ്‌ ആക്രമി​ക്ക​പ്പെ​ട്ടത്‌. ഇതി​നോ​ടു ബന്ധമി​ല്ലാത്ത മറെറാ​രു സംഭവ​ത്തിൽ, ഹാം​ബേർഗി​ന​ടു​ത്തുള്ള ഒരു വീട്ടിൽ ബോം​ബെ​റിഞ്ഞ്‌ തുർക്കി വംശജ​രായ മൂന്നു​പേരെ അഗ്നിക്കി​ര​യാ​ക്കി—അവരിൽ ഒരാൾ പത്തു വയസ്സുള്ള ഒരു പെൺകു​ട്ടി​യാ​യി​രു​ന്നു.

അതിനി​ടെ, ബാൾക്കൻസി​ലും അതിനു കിഴക്കും വംശീയ യുദ്ധങ്ങൾ ആയിര​ക്ക​ണ​ക്കി​നു ജീവൻ അപഹരി​ക്കു​ക​യാ​യി​രു​ന്നു. മററു ചിലർ ബംഗ്ലാ​ദേ​ശി​ലും ഇൻഡ്യ​യി​ലും പാക്കി​സ്ഥാ​നി​ലും വ്യത്യസ്‌ത പശ്ചാത്ത​ല​ങ്ങ​ളിൽനി​ന്നുള്ള ആളുകൾക്കി​ട​യി​ലെ ലഹളക​ളിൽ മരണമ​ടഞ്ഞു. ആഫ്രി​ക്ക​യിൽ ഗോ​ത്ര​പ​ര​വും വർഗീ​യ​വു​മായ ലഹളകൾ മററന​വധി ആളുക​ളു​ടെ കൂടെ ജീവൻ അപഹരി​ച്ചു.

മിക്കയാ​ളു​ക​ളും ഇത്തരം അക്രമ​ങ്ങ​ളാൽ സംഭീ​ത​രാ​യി​ത്തീ​രു​ന്നു, അവർ തങ്ങളുടെ അയൽക്കാ​രെ ഉപദ്ര​വി​ക്കു​ന്ന​തി​നു യാതൊ​ന്നും ചെയ്യു​ക​യില്ല. വാസ്‌ത​വ​ത്തിൽ ജർമനി​യിൽ കൂററൻ പ്രകട​നങ്ങൾ അവിടത്തെ വംശീയ അക്രമ​ങ്ങളെ അപലപി​ച്ചി​ട്ടുണ്ട്‌. എന്നിരു​ന്നാ​ലും, ദ ന്യൂ എൻ​സൈ​ക്ലോ​പീ​ഡിയ ബ്രിട്ടാ​നി​ക്കാ പറയുന്നു: “ലോക​ത്തി​ലെ മിക്കവാ​റും എല്ലാ സംസ്‌കാ​ര​ങ്ങ​ളി​ലും​പെട്ട അംഗങ്ങൾ തങ്ങളുടെ സ്വന്തം ജീവി​ത​രീ​തി​യെ അടുത്ത ബന്ധമുള്ള അയൽക്കാ​രു​ടേ​തി​നെ​ക്കാൾപ്പോ​ലും വളരെ മേൻമ​യു​ള്ള​താ​യി കരുതു​ന്നു.” ഇത്തരം വീക്ഷണങ്ങൾ അയൽസ്‌നേ​ഹത്തെ തടസ്സ​പ്പെ​ടു​ത്തു​ന്നു. ഇക്കാര്യ​ത്തിൽ എന്തെങ്കി​ലും ചെയ്യാൻ കഴിയു​മോ, വിശേ​ഷി​ച്ചു ജീവൻ ദൈവ​ത്തോ​ടും അയൽക്കാ​ര​നോ​ടു​മുള്ള സ്‌നേ​ഹ​ത്തിൽ ആശ്രയി​ച്ചി​രി​ക്കു​ന്നു എന്നു യേശു പറഞ്ഞതു​കൊണ്ട്‌?

[2-ാം പേജിലെ ചിത്ര​ത്തിന്‌ കടപ്പാട്‌]

Cover: Jules Pelcog/Die Heilige Schrift

[3-ാം പേജിലെ ചിത്ര​ത്തിന്‌ കടപ്പാട്‌]

The Good Samaritan/The Doré Bible Illustrations/Dover Publications, Inc.