നിങ്ങൾ ഓർമി​ക്കു​ന്നു​വോ?

വീക്ഷാ​ഗോ​പു​ര​ത്തി​ന്റെ അടുത്ത കാലത്തെ ലക്കങ്ങൾ നിങ്ങൾക്കു പ്രാ​യോ​ഗിക മൂല്യ​മു​ള്ള​താ​ണെന്നു നിങ്ങൾ കണ്ടെത്തി​യി​രി​ക്കു​ന്നു​വോ? എങ്കിൽ പിൻവ​രുന്ന ചോദ്യ​ങ്ങ​ളാൽ നിങ്ങളു​ടെ ഓർമ എന്തു​കൊ​ണ്ടു പരി​ശോ​ധി​ച്ചു​കൂ​ടാ:

◻ ക്ഷണിക്ക​പ്പെ​ടാ​തെ ഏതെങ്കി​ലും അധാർമിക ചിന്ത നമ്മുടെ മനസ്സിൽ പ്രവേ​ശി​ച്ചാൽ നാം എന്തു ചെയ്യണം? നാം മാനസി​ക​മാ​യി വിഷയം മാററു​ക​യോ, ഒന്നു നടക്കാൻ പോകു​ക​യോ, എന്തെങ്കി​ലും വായി​ക്കു​ക​യോ, എന്തെങ്കി​ലും വീട്ടു​ജോ​ലി​കൾ ചെയ്യു​ക​യോ വേണം. ഇത്തരം സാഹച​ര്യ​ത്തിൽ പ്രാർഥ​ന​യും ഒരു ശക്തമായ സഹായ​മാണ്‌. (സങ്കീർത്തനം 62:8)—ssbr (വിട്ടുകളഞ്ഞ അധ്യയന ലേഖന​ങ്ങ​ളു​ടെ ലഘുപ​ത്രിക) പേജ്‌ 33.

◻ തങ്ങൾ ശ്രദ്ധി​ക്കു​ന്ന​തരം സംഗീതം സംബന്ധി​ച്ചു യുവജ​നങ്ങൾ ശ്രദ്ധാ​ലു​ക്ക​ളാ​യി​രി​ക്കേ​ണ്ടത്‌ എന്തു​കൊണ്ട്‌? സംഗീ​ത​ത്തി​നു ഇളക്കി​മ​റി​ക്കു​ന്ന​തി​നും വശീക​രി​ക്കു​ന്ന​തി​നും സ്വാധീ​നി​ക്കു​ന്ന​തി​നും ഉള്ള ശക്തിയുണ്ട്‌. ജനപ്രീ​തി​യുള്ള നിരവധി സംഗീത ശകലങ്ങ​ളിൽ ഭീതി​പ്പെ​ടു​ത്തുന്ന അളവിൽ ലൈം​ഗിക വ്യം​ഗ്യോ​ക്തി​ക​ളും ദുർമാർഗ​ത്തി​ന്റെ മൂടു​പ​ട​മ​ണിഞ്ഞ പരാമർശ​ങ്ങ​ളും ഉള്ളതി​നാൽ റിക്കാർഡു​ക​ളും ടേപ്പു​ക​ളും ഡിസ്‌കു​ക​ളും തിര​ഞ്ഞെ​ടു​ക്കു​ന്ന​തിൽ ജാഗ്രത പാലി​ക്ക​ണ​മെ​ന്നതു മനസ്സി​ലാ​ക്കുക വളരെ എളുപ്പമാണ്‌.—ssbr പേജ്‌ 37.

◻ “നമ്മുടെ കർത്താ​വായ യേശു​ക്രി​സ്‌തു​വി​ന്റെ സാന്നി​ദ്ധ്യം” എന്ന പ്രസ്‌താ​വന എന്തർഥ​മാ​ക്കു​ന്നു? (1 തെസ്സ​ലൊ​നീ​ക്യർ 5:23) ഇത്‌ 1914 മുതൽ സ്വർഗ​ത്തി​ലെ തന്റെ സിംഹാ​സ​നാ​രോ​ഹ​ണ​ത്തെ​ത്തു​ടർന്നു രാജാ​വെ​ന്ന​നി​ല​യി​ലുള്ള കർത്താ​വായ യേശു​ക്രി​സ്‌തു​വി​ന്റെ അദൃശ്യ രാജകീയ സാന്നി​ധ്യ​ത്തെ അർഥമാ​ക്കു​ന്നു. (സങ്കീർത്തനം 110:1, 2)—ssbr പേജ്‌ 51.

◻ യഹോവ തന്റെ ആത്മീയ ആലയത്തെ ശുദ്ധീ​ക​രി​ച്ച​തി​നാൽ എന്തു​ദ്ദേ​ശ്യം സാധിച്ചു? (മലാഖി 3:1-4) തന്റെ ആലയം ശുദ്ധി​യുള്ള അവസ്ഥയി​ലാ​യി​രി​ക്കാൻ യഹോവ ആഗ്രഹി​ച്ചു. തന്നിമി​ത്തം ഭൗമിക പ്രത്യാ​ശ​യുള്ള പെരു​കി​വ​രുന്ന ആരാധ​കരെ അവി​ടേക്കു വരുത്തു​മ്പോൾ അവർ അവിടു​ത്തെ സാർവ​ത്രിക പരമാ​ധി​കാ​രം ആദരി​ക്ക​പ്പെ​ടുന്ന, അവിടു​ത്തെ ദിവ്യ​നാ​മം വിശു​ദ്ധീ​ക​രി​ക്ക​പ്പെ​ടുന്ന, അവിടു​ത്തെ നീതി​യുള്ള നിയമങ്ങൾ പാലി​ക്ക​പ്പെ​ടുന്ന, ഒരു സ്ഥലം കണ്ടെത്തുമായിരുന്നു.—ssbr പേജ്‌ 56.

◻ ക്രിസ്‌തു​യേശു തന്റെ നിയമിത അടിമക്കു നൽകുന്ന “സ്വത്തുക്കൾ” എന്തൊ​ക്കെ​യാണ്‌? (മത്തായി 24:45-47, NW) ഈ “സ്വത്തുക്കൾ” സ്വർഗീയ രാജാ​വെന്ന നിലയി​ലുള്ള തന്റെ അധികാ​ര​ത്തോ​ടു ബന്ധപ്പെട്ടു ക്രിസ്‌തു​വി​ന്റെ വകയാ​യി​ത്തീർന്ന ഭൂമി​യി​ലെ സകല ആത്മീയ ആസ്‌തി​ക​ളു​മാണ്‌. ഇതിൽ സകല ജനതക​ളി​ലെ​യും ആളുക​ളിൽനി​ന്നു ക്രിസ്‌തു​വി​നു ശിഷ്യരെ ഉളവാ​ക്കാ​നുള്ള നിയോ​ഗ​വും ഉൾപ്പെ​ടും. (മത്തായി 28:19, 20)—ssbr പേജ്‌ 57.

◻ ഒന്നു പത്രോസ്‌ 5:2, (NW) പ്രകാരം ക്രിസ്‌തീയ മൂപ്പൻമാർ എങ്ങനെ​യാ​ണു “മനസ്സോ​ടെ” മേയി​ക്കു​ന്നത്‌? ആടുകളെ പരിപാ​ലി​ക്കുന്ന ഒരു ക്രിസ്‌തീയ മൂപ്പൻ യേശു​ക്രി​സ്‌തു എന്ന നല്ല ഇടയന്റെ മാർഗ​നിർദേ​ശ​ത്തിൻകീ​ഴിൽ, തന്റെ മേയിക്കൽ മനസ്സോ​ടെ, തന്റെ സ്വത​ന്ത്ര​മായ ഇച്ഛപ്ര​കാ​രം, നടത്തും. മനസ്സോ​ടെ സേവി​ക്കുക എന്നതിന്‌ ഒരു ക്രിസ്‌തീയ ഇടയൻ യഹോ​വ​യു​ടെ അധികാ​ര​ത്തി​നു കീഴ്‌പെ​ടു​ന്നു​വെ​ന്നും ദിവ്യാ​ധി​പത്യ ക്രമീ​ക​ര​ണ​ത്തോട്‌ ആദരവു പ്രകട​മാ​ക്കു​ന്നു​വെ​ന്നും കൂടെ അർഥമുണ്ട്‌.—ssbr പേജ്‌ 48.

◻ തന്നെ അനുഗ​മി​ക്കുന്ന ഏവനും “തന്നെത്താൻ ത്യജി“ക്കണമെന്നു യേശു പറഞ്ഞ​പ്പോൾ അവിടുന്ന്‌ എന്താണ്‌ അർഥമാ​ക്കി​യത്‌? (മത്തായി 16:24) ‘നിന്നെ​ത്തന്നെ ത്യജി​ക്കുക’ എന്നതിന്റെ അർഥം നിങ്ങളു​ടെ ഉടമസ്ഥത യഹോ​വക്കു വിട്ടു​കൊ​ടു​ക്കുക എന്നാണ്‌. (1 കൊരി​ന്ത്യർ 6:19, 20) നിങ്ങൾ ജീവി​ക്കു​ന്നതു സ്വയം പ്രീതി​പ്പെ​ടു​ത്താ​നല്ല, മറിച്ചു ദൈവത്തെ പ്രീതി​പ്പെ​ടു​ത്താ​നാണ്‌ എന്ന്‌ അത്‌ അർഥമാ​ക്കു​ന്നു. (റോമർ 14:8)—6⁄1 പേജ്‌ 9.

◻ ഒരു വ്യക്തിയെ സന്തുഷ്ട​നാ​ക്കു​ന്ന​തിന്‌ ആവശ്യ​മാ​യി​രി​ക്കു​ന്നത്‌ എന്താണ്‌? യഹോ​വ​യു​മാ​യി ഒരു നല്ല ബന്ധം ആസ്വദി​ക്കു​ന്ന​തും അവിടു​ത്തെ സേവന​ത്തിൽ തിരക്കു​ള്ള​വ​നാ​യി​രി​ക്കു​ന്ന​തു​മാണ്‌ ഒരു വ്യക്തി​യു​ടെ ജീവി​ത​ത്തിൽ യഥാർഥ സന്തോഷം കൈവ​രു​ത്തു​ന്നത്‌.—6⁄1, പേജ്‌ 22.

◻ സോ​ദോ​മി​നെ നശിപ്പി​ക്കാ​നുള്ള തന്റെ ഉദ്ദേശ്യ​ത്തെ​ക്കു​റി​ച്ചു സംസാ​രി​ക്കവെ, യഹോവ എന്തു​കൊ​ണ്ടാണ്‌ അബ്രാ​ഹാ​മി​നെ അത്ര സ്വത​ന്ത്ര​മാ​യി തന്നോടു സംസാ​രി​ക്കാൻ അനുവ​ദി​ച്ചത്‌? (ഉൽപ്പത്തി 18:22-32) അബ്രാ​ഹാം ദൈവ​ത്തി​ന്റെ സ്‌നേ​ഹി​ത​നാ​യി​രു​ന്നു​വെ​ന്ന​താണ്‌ ഒരു കാരണം. (യാക്കോബ്‌ 2:23) കൂടാതെ യഹോ​വക്ക്‌ അബ്രാ​ഹാ​മി​ന്റെ ശോകാ​കു​ല​മായ വികാ​രങ്ങൾ അറിയാ​മാ​യി​രു​ന്നു. അബ്രാ​ഹാ​മി​ന്റെ സഹോ​ദ​ര​പു​ത്ര​നായ ലോത്ത്‌ സോ​ദോ​മിൽ ജീവി​ക്കു​ന്നു​ണ്ടെ​ന്നും അദ്ദേഹ​ത്തി​ന്റെ സുരക്ഷി​ത​ത്വം സംബന്ധിച്ച്‌ അബ്രാ​ഹാം വളരെ ചിന്തയു​ള്ള​വ​നാ​ണെ​ന്നും യഹോ​വക്ക്‌ അറിയാ​മാ​യി​രു​ന്നു. ഇക്കാര​ണ​ങ്ങ​ളാൽ സോ​ദോ​മി​നെ നശിപ്പി​ക്കാ​നുള്ള തന്റെ ഉദ്ദേശ്യം സംബന്ധി​ച്ചുള്ള അബ്രാ​ഹാ​മി​ന്റെ ചോദ്യ​ങ്ങൾക്കു മറുപടി നൽകാൻ യഹോവ മനസ്സു​ള്ള​വ​നാ​യി​രു​ന്നു.—6⁄15, പേജ്‌ 16.

◻ പതിനാ​റാം നൂററാ​ണ്ടി​ലെ പ്രോ​ട്ട​സ്‌റ​റൻറ്‌ നവീക​രണം സത്യ​ക്രി​സ്‌ത്യാ​നി​ത്വ​ത്തി​ലേ​ക്കുള്ള ഒരു തിരി​ച്ചു​വ​ര​വി​നെ സൂചി​പ്പി​ച്ചോ? ഇല്ല, അതു തിരി​ച്ചു​വ​ര​വി​നെ സൂചി​പ്പി​ച്ചില്ല! സത്യ​ക്രി​സ്‌ത്യാ​നി​ത്വ​ത്തി​ലേ​ക്കുള്ള തിരി​ച്ചു​വ​ര​വി​നു പകരം നവീക​രണം രാഷ്‌ട്ര​ങ്ങ​ളു​ടെ പ്രീതി നേടു​ക​യും അവരുടെ യുദ്ധങ്ങ​ളിൽ അവരെ സജീവ​മാ​യി പിന്താ​ങ്ങു​ക​യും ചെയ്‌ത ദേശീ​യ​മോ പ്രാ​ദേ​ശി​ക​മോ ആയ ഒരു പററം സഭകളെ ഉളവാക്കി.—7⁄1 പേജ്‌ 10-11.

◻ മത്തായി 6:20-ൽ യേശു പറഞ്ഞ ‘സ്വർഗ്ഗ​ത്തി​ലെ നിക്ഷേ​പങ്ങൾ’ എന്താണ്‌? അത്‌ യഹോ​വ​യു​ടെ മുമ്പാ​കെ​യുള്ള ഒരു നല്ല പേരും വിശ്വ​സ്‌ത​മായ ക്രിസ്‌തീയ ശുശ്രൂ​ഷ​യു​ടെ ഒരു രേഖയും ഉൾപ്പെ​ടുന്ന ഒരിക്ക​ലും ക്ഷയിക്കാത്ത നിക്ഷേ​പ​ങ്ങ​ളാണ്‌. ഇവ യഹോവ ഒരിക്ക​ലും മറക്കാത്ത കാര്യ​ങ്ങ​ളിൽ പെടു​ന്ന​വ​യാണ്‌. (എബ്രായർ 6:10)—7⁄1, പേജ്‌ 32.

◻ നമ്മുടെ വിശ്വാ​സ​ത്തി​ന്റെ അനിവാ​ര്യ ഘടകങ്ങ​ളെ​ന്ന​നി​ല​യിൽ ഏതു ഗുണങ്ങ​ളെ​ക്കു​റി​ച്ചാ​ണു പത്രോസ്‌ പറയു​ന്നത്‌? (2 പത്രൊസ്‌ 1:5-7) നമ്മുടെ വിശ്വാ​സ​ത്തി​നു സദ്‌ഗു​ണ​വും അറിവും ആത്മനി​യ​ന്ത്ര​ണ​വും സഹിഷ്‌ണു​ത​യും ദൈവ​ഭ​ക്തി​യും സഹോ​ദ​ര​പ്രീ​തി​യും സ്‌നേ​ഹ​വും പ്രദാനം ചെയ്യാ​നാ​ണു പത്രോസ്‌ പറഞ്ഞത്‌.—7⁄15, പേജ്‌ 13.

◻ ബത്ത്‌-ശേബയു​മാ​യുള്ള ദാവീ​ദി​ന്റെ പാപത്തി​ന്റെ വിവര​ണ​ത്തിൽ ദൈവ​ത്തി​ന്റെ ദാസൻമാർക്കാ​യി എന്തു മുന്നറി​യി​പ്പാണ്‌ അടങ്ങി​യി​രി​ക്കു​ന്നത്‌? (2 ശമൂവേൽ 11:2-4) തന്റെ സ്വന്തം വിവാ​ഹ​ബ​ന്ധ​ത്തി​നു​ള്ളിൽ ഉല്ലാസം ആസ്വദി​ക്കാൻ സ്വത​ന്ത്ര​നാ​യി​രു​ന്നെ​ങ്കി​ലും അവിഹിത ലൈം​ഗിക തൃഷ്‌ണ വളരാൻ ദാവീദ്‌ അനുവ​ദി​ച്ചു. ഊരി​യാ​വി​ന്റെ ഭാര്യ എത്ര ആകർഷ​ക​ത്വ​മു​ള്ള​വ​ളാ​ണെന്നു കണ്ട്‌ അവളിൽ അവിഹിത ഹർഷം കണ്ടെത്താൻ അദ്ദേഹം തന്റെ ചിന്തയു​ടെ​യും—പ്രവൃ​ത്തി​യു​ടെ​യും—കടിഞ്ഞാൺ ഊരി​വി​ട്ടു. ഇമ്മാതി​രി​യുള്ള അത്യാ​ഗ്ര​ഹ​ത്തിൽനിന്ന്‌ ഒഴിഞ്ഞു​നിൽക്കു​ന്നി​ല്ലെ​ങ്കിൽ ദൈവ​ത്തി​ന്റെ ദാസൻമാ​രിൽ ഏതൊ​രാൾക്കും ഇതുതന്നെ സംഭവി​ക്കാം. (യാക്കോബ്‌ 1:14, 15)—8⁄1, പേജ്‌ 14.