മറഞ്ഞി​രി​ക്കുന്ന നിധി അന്വേ​ഷി​ക്കൽ

ആയിര​ത്തെ​ണ്ണൂ​റ​റി​നാൽപ്പെ​ത്തെ​ട്ടിൽ യു.എസ്‌.എ.യിലെ കാലി​ഫോർണി​യ​യി​ലുള്ള സററർ മിൽ സ്ഥിതി ചെയ്‌തി​രുന്ന സ്ഥലത്തു സ്വർണം കണ്ടെത്തി. ആയിര​ത്തെ​ണ്ണൂ​റ​റി​നാൽപ്പ​ത്തൊ​മ്പ​തോ​ടെ, പെട്ടെന്നു ധനിക​രാ​കാൻ മോഹി​ച്ചു​കൊണ്ട്‌ ആയിര​ക്ക​ണ​ക്കി​നാ​ളു​കൾ അവിടെ തടിച്ചു​കൂ​ടു​ക​യാ​യി​രു​ന്നു. ഐക്യ​നാ​ടു​ക​ളു​ടെ ചരി​ത്ര​ത്തി​ലെ സ്വർണ​ത്തി​നാ​യുള്ള ഏററവും വലിയ പരക്കം​പാ​ച്ചിൽ ആരംഭി​ക്കു​ക​യാ​യി​രു​ന്നു. ഒരു വർഷം​കൊണ്ട്‌ ഏററവും അടുത്ത തുറമു​ഖ​മായ സാൻഫ്രാൻസി​സ്‌കോ ഒരു ചെറിയ പട്ടണത്തിൽനിന്ന്‌ 25,000 പേരുള്ള ഒരു നഗരമാ​യി വളർന്നു. പെട്ടെന്നു സമ്പത്തു ലഭിക്കാ​നുള്ള സാധ്യത ഒരു ശക്തമായ വശീക​ര​ണ​മാ​ണെന്നു തെളിഞ്ഞു.

മറഞ്ഞി​രി​ക്കു​ന്ന നിധി​ക്കു​വേണ്ടി മനുഷ്യർ എത്ര ഊർജ​സ്വ​ല​ത​യോ​ടെ കുഴി​ക്കു​മെന്നു പുരാതന ഇസ്ര​യേ​ലി​ലെ ശലോ​മോൻ രാജാവ്‌ അറിഞ്ഞി​രു​ന്നു, അദ്ദേഹം ഇപ്രകാ​രം എഴുതി​യ​പ്പോൾ ഇതിനെ പരാമർശി​ച്ചു: “നീ ബോധ​ത്തി​ന്നാ​യി വിളിച്ചു വിവേ​ക​ത്തി​ന്നാ​യി ശബ്ദം ഉയർത്തു​ന്നു എങ്കിൽ, അതിനെ വെള്ളി​യെ​പ്പോ​ലെ അന്വേ​ഷി​ച്ചു നിക്ഷേ​പ​ങ്ങ​ളെ​പ്പോ​ലെ തിരയു​ന്നു എങ്കിൽ, നീ യഹോ​വ​ഭക്തി ഗ്രഹി​ക്ക​യും ദൈവ​പ​രി​ജ്ഞാ​നം കണ്ടെത്തു​ക​യും ചെയ്യും.”—സദൃശ​വാ​ക്യ​ങ്ങൾ 2:3-5.

സ്വർണം​കൊ​ണ്ടും വെള്ളി​കൊ​ണ്ടും നിങ്ങൾക്കു വളരെ കാര്യങ്ങൾ ചെയ്യാൻ കഴിയും, വിവേ​കം​കൊ​ണ്ടും വിവേ​ച​ന​കൊ​ണ്ടും നിങ്ങൾക്ക്‌ അതിലും കൂടുതൽ ചെയ്യാൻ കഴിയും. ശരിയായ തീരു​മാ​നങ്ങൾ എടുക്കാ​നും പ്രശ്‌നങ്ങൾ പരിഹ​രി​ക്കാ​നും വിവാ​ഹ​ജീ​വി​ത​ത്തിൽ വിജയി​ക്കാ​നും സന്തുഷ്ടി കണ്ടെത്താ​നും ഇവ നിങ്ങളെ സഹായി​ക്കും. (സദൃശ​വാ​ക്യ​ങ്ങൾ 2:11, 12) അതു​പോ​ലെ​തന്നെ, യഥാർഥ അറിവും ജ്ഞാനവും നിങ്ങളു​ടെ സ്രഷ്ടാ​വി​നെ അറിയാ​നും അവിടു​ത്തെ ഉദ്ദേശ്യ​ങ്ങൾ മനസ്സി​ലാ​ക്കാ​നും അവിടു​ത്തെ അനുസ​രി​ക്കാ​നും പ്രസാ​ദി​പ്പി​ക്കാ​നും നിങ്ങളെ സഹായി​ക്കും. ഇവയൊ​ന്നും നിങ്ങൾക്കു നൽകാൻ സ്വർണ​ത്തി​നാ​കില്ല.

ബൈബി​ളി​ലെ വാക്കുകൾ സത്യമാണ്‌: “പണം ഒരു സങ്കേത​മാ​യി​രി​ക്കു​ന്ന​തു​പോ​ലെ ജ്ഞാനം ഒരു സങ്കേത​മാണ്‌, എന്നാൽ പരിജ്ഞാ​ന​ത്തി​ന്റെ മേൻമ ഇതാണ്‌: ജ്ഞാനം അതിന്റെ ഉടമസ്ഥന്റെ ജീവനെ സംരക്ഷി​ക്കു​ന്നു.” (സഭാ​പ്ര​സം​ഗി 7:12, ന്യൂ ഇൻറർനാ​ഷണൽ വേർഷൻ) പെട്ടെ​ന്നു​ണ്ടാ​കുന്ന ധനത്തെ​ക്കു​റി​ച്ചു പലരും സ്വപ്‌നം കാണു​മ്പോൾ ബൈബിൾ തുറന്ന്‌, യഥാർഥ സമ്പത്തായ വിവേ​ച​ന​യ്‌ക്കും വിവേ​ക​ത്തി​നും അറിവി​നും ജ്ഞാനത്തി​നും​വേണ്ടി കുഴി​ക്കു​ന്നത്‌ എത്രയ​ധി​കം ജ്ഞാനപൂർവ​ക​മാ​യി​രി​ക്കും.