ബൈബിൾ ചരിത്രം എത്ര കൃത്യ​ത​യു​ള്ള​താണ്‌?

“ഞാൻ . . . ഭോഷ്‌കല്ല, പരമാർത്ഥം തന്നേ പറയുന്നു,” എന്ന്‌ ഒരു ബൈബിൾ എഴുത്തു​കാ​രൻ തന്റെ യുവസു​ഹൃ​ത്തിന്‌ എഴുതി. (1 തിമൊ​ഥെ​യൊസ്‌ 2:7) പൗലോ​സി​ന്റെ ലേഖന​ങ്ങ​ളി​ലുള്ള അത്തരം പ്രസ്‌താ​വ​നകൾ ബൈബിൾ വിമർശ​കർക്ക്‌ ഒരു വെല്ലു​വി​ളി ഉയർത്തു​ന്നു.a പൗലോ​സി​ന്റെ ലേഖനങ്ങൾ എഴുതി​യിട്ട്‌ 1,900-ത്തിൽപ്പരം വർഷങ്ങൾ കടന്നു​പോ​യി​രി​ക്കു​ന്നു. അത്രയും കാലത്തി​നു​ശേ​ഷ​വും ആരും അദ്ദേഹ​ത്തി​ന്റെ ലേഖന​ങ്ങ​ളിൽ ഏതെങ്കി​ലും ഒരാശയം കൃത്യ​ത​യി​ല്ലാ​ത്ത​താ​ണെന്നു വിജയ​ക​ര​മാ​യി സ്ഥാപി​ക്കാൻ മുന്നോ​ട്ടു വന്നിട്ടില്ല.

ബൈബിൾ എഴുത്തു​കാ​ര​നായ ലൂക്കോ​സും കൃത്യ​ത​യി​ലുള്ള താത്‌പ​ര്യം പ്രകടി​പ്പി​ച്ചു. അദ്ദേഹം യേശു​വി​ന്റെ ജീവി​ത​ത്തി​ന്റെ​യും ശുശ്രൂ​ഷ​യു​ടെ​യും ഒരു വിവര​ണ​വും അതി​നെ​തു​ടർന്ന്‌ അപ്പോ​സ്‌ത​ലൻമാ​രു​ടെ പ്രവൃ​ത്തി​കൾ എന്ന പേരി​ലുള്ള തന്റെ വിവര​ണ​വും രേഖ​പ്പെ​ടു​ത്തി. “ആദിമു​തൽ സകലവും സൂക്ഷ്‌മ​മാ​യി പരി​ശോ​ധി​ച്ചു” എന്നു ലൂക്കോസ്‌ എഴുതി.—ലൂക്കൊസ്‌ 1:4.

കൃത്യ​ത​യു​ടെ തെളി​വു​കൾ

പത്തൊ​മ്പ​താം നൂററാ​ണ്ടി​ന്റെ ആരംഭ​ത്തി​ലെ ബൈബിൾ വിമർശകർ ഒരു ചരി​ത്ര​കാ​രൻ എന്നനി​ല​യി​ലുള്ള ലൂക്കോ​സി​ന്റെ കൃത്യ​തയെ വെല്ലു​വി​ളി​ച്ചു. കൂടാതെ അവർ പ്രവൃ​ത്തി​ക​ളി​ലെ ചരിത്രം പൊ.യു. (പൊതു​യു​ഗം) രണ്ടാം നൂററാ​ണ്ടി​ന്റെ മദ്ധ്യ​ത്തോ​ടെ കെട്ടി​ച്ച​മ​ച്ച​താ​ണെന്ന്‌ അവകാ​ശ​പ്പെ​ടു​ക​യും ചെയ്‌തു. ബ്രിട്ടീഷ്‌ പുരാ​വ​സ്‌തു ശാസ്‌ത്ര​ജ്ഞ​നായ സർ വില്യം മിച്ചൽ രാംസേ ഇതു വിശ്വ​സി​ച്ച​യാ​ളാ​യി​രു​ന്നു. എന്നാൽ ലൂക്കോസ്‌ പരാമർശി​ച്ചി​രി​ക്കുന്ന പേരു​ക​ളും സ്ഥലങ്ങളും പരി​ശോ​ധി​ച്ച​ശേഷം അദ്ദേഹം ഇങ്ങനെ സമ്മതി​ച്ചു​പ​റഞ്ഞു: “വിവിധ വിശദാം​ശ​ങ്ങ​ളിൽ വിവരണം വിസ്‌മ​യ​ജ​ന​ക​മായ സത്യത പ്രകട​മാ​ക്കി എന്ന്‌ എനിക്കു ക്രമേണ ബോധ്യ​മാ​യി.”

രാംസേ മേൽപ്പ​റ​ഞ്ഞത്‌ എഴുതി​യ​പ്പോൾ ലൂക്കോ​സി​ന്റെ കൃത്യ​തയെ സംബന്ധിച്ച ഒരു വിവാ​ദ​പ്ര​ശ്‌നം പരിഹാ​ര​മാ​വാ​തെ അവശേ​ഷി​ച്ചു. അത്‌ അന്യോ​ന്യം ബന്ധപ്പെ​ട്ടു​കി​ട​ന്നി​രുന്ന ഇക്കോന്യ, ലുസ്‌ത്ര, ദെർബ്ബ എന്നീ പട്ടണങ്ങളെ സംബന്ധി​ച്ചാ​യി​രു​ന്നു. ലുസ്‌ത്ര, ദെർബ്ബ എന്നീ പട്ടണങ്ങളെ “ലുക്ക​വോ​ന്യ​പ​ട്ട​ണങ്ങൾ” ആയി വർണ്ണി​ച്ചു​കൊണ്ട്‌ ഇക്കോന്യ അവയിൽനി​ന്നു വ്യത്യ​സ്‌ത​മാ​ണെന്നു ലൂക്കോസ്‌ സൂചി​പ്പി​ച്ചു. (പ്രവൃ​ത്തി​കൾ 14:6) എന്നിരു​ന്നാ​ലും, പിൻവ​രുന്ന ഭൂപടം പ്രകട​മാ​ക്കു​ന്ന​തു​പോ​ലെ ലുസ്‌ത്ര ദെർബ്ബ​യെ​ക്കാൾ ഇക്കോ​ന്യ​യോട്‌ അടുത്താ​യി​രു​ന്നു. ചില പുരാതന ചരി​ത്ര​കാ​രൻമാർ ഇക്കോ​ന്യ​യെ ലുക്ക​വോ​ന്യ​യു​ടെ ഒരു ഭാഗമാ​യി വർണിച്ചു; അതു​കൊ​ണ്ടു വിമർശകർ ലൂക്കോ​സും അപ്രകാ​രം ചെയ്യാ​ഞ്ഞ​തിന്‌ അദ്ദേഹത്തെ വെല്ലു​വി​ളി​ച്ചു.

അങ്ങനെ​യി​രി​ക്കെ, 1910-ൽ രാംസേ ഇക്കോ​ന്യ​യു​ടെ ഭാഷ ലുക്ക​വോ​ന്യൻ അല്ലായി​രു​ന്നു, മറിച്ചു ഫ്രൈ​ജി​യ​നാ​യി​രു​ന്നെന്നു പ്രകട​മാ​ക്കുന്ന ഒരു സ്‌മാ​രകം ആ നഗരത്തി​ന്റെ ശൂന്യ​ശി​ഷ്ട​ങ്ങ​ളിൽ കണ്ടെത്തി. “ഇക്കോ​ന്യ​യിൽനി​ന്നും അതിന്റെ പരിസ​ര​പ്ര​ദേ​ശ​ങ്ങ​ളിൽനി​ന്നും കണ്ടെടുത്ത മററു പല ആലേഖ​നങ്ങൾ വർഗപ​ര​മാ​യി ആ പട്ടണത്തെ ഫ്രൈ​ജി​യൻ എന്നു വർണി​ക്കാ​വു​ന്ന​താ​ണെന്ന വസ്‌തു​തയെ തെളി​യി​ക്കു​ന്നു” എന്നു ഡോ. മെരിൽ അൻജർ തന്റെ പുരാ​വ​സ്‌തു​ശാ​സ്‌ത്ര​വും പുതിയ നിയമ​വും (Archaeology and the New Testament) എന്ന പുസ്‌ത​ക​ത്തിൽ പറയുന്നു. നിശ്ചയ​മാ​യും പൗലോ​സി​ന്റെ നാളിലെ ഇക്കോന്യ, സംസ്‌ക്കാ​ര​ത്തിൽ ഫ്രൈ​ജി​യ​നും ജനങ്ങൾ “ലുക്ക​വോ​ന്യ ഭാഷ” സംസാ​രി​ച്ചി​രുന്ന “ലുക്ക​വോ​ന്യ പട്ടണങ്ങ”ളിൽനി​ന്നു വ്യത്യ​സ്‌ത​വു​മാ​യി​രു​ന്നു.—പ്രവൃ​ത്തി​കൾ 14:6, 11.

തെസ്സ​ലൊ​നീ​ക്യ പട്ടണത്തി​ന്റെ ഭരണാ​ധി​പൻമാർക്കു “നഗരാ​ധി​പൻമാർ” (Politarchs) എന്ന വാക്കു ലൂക്കോസ്‌ ഉപയോ​ഗി​ക്കു​ന്ന​തി​നെ​യും ബൈബിൾ വിമർശകർ ചോദ്യം ചെയ്‌തു. (പ്രവൃ​ത്തി​കൾ 17:6, NW, അടിക്കു​റിപ്പ്‌) യവന സാഹി​ത്യ​ത്തിൽ ഈ പദപ്ര​യോ​ഗം അജ്ഞാത​മാ​യി​രു​ന്നു. അങ്ങനെ​യി​രി​ക്കെ പുരാതന നഗരത്തിൽ “പോളി​റ​റാർക്‌സ്‌” എന്നു വർണി​ക്ക​പ്പെട്ട നഗര ഭരണാ​ധി​പൻമാ​രു​ടെ പേരുകൾ ഉൾക്കൊ​ള്ളുന്ന ഒരു ആർച്ചു കണ്ടെത്തി. ലൂക്കോസ്‌ ഉപയോ​ഗി​ച്ച​തും കൃത്യ​മാ​യും അതേ വാക്കു​തന്നെ. “ലൂക്കോ​സി​ന്റെ കൃത്യത ആ പദത്തിന്റെ ഉപയോ​ഗ​ത്താൽ സംസ്ഥാ​പി​ക്ക​പ്പെ​ട്ടി​രി​ക്കു​ന്നു” എന്നു ഡബ്ലിയു. ഈ. വൈൻ അദ്ദേഹ​ത്തി​ന്റെ എക്‌സ്‌പോ​സി​റ​ററി ഡിക്‌ഷ​നറി ഓഫ്‌ ഓൾഡ്‌ ആൻറ്‌ ന്യൂ ടെസ്‌റ​റ​മെൻറ്‌ വേഡ്‌സ്‌ എന്ന പുസ്‌ത​ക​ത്തിൽ വിശദീ​ക​രി​ക്കു​ന്നു.

ലൂക്കോ​സി​ന്റെ സമു​ദ്ര​യാ​ത്ര

നാവിക വിദഗ്‌ധർ പ്രവൃ​ത്തി​കൾ 27-ാം അധ്യാ​യ​ത്തിൽ വർണ്ണി​ച്ചി​രി​ക്കുന്ന കപ്പലപ​ക​ട​ത്തി​ന്റെ വിശദാം​ശങ്ങൾ പരി​ശോ​ധി​ച്ചു. ലൂക്കോസ്‌ പറയുന്ന പ്രകാരം, അദ്ദേഹ​വും പൗലോ​സും യാത്ര ചെയ്‌തി​രുന്ന വലിയ കപ്പൽ ക്ലൌദ എന്ന ചെറു ദ്വീപി​ന​ടു​ത്തു​വെച്ച്‌ ഒരു വടക്കു​കി​ഴക്കൻ കൊടു​ങ്കാ​റ​റിൽ അകപ്പെട്ടു. നാവികർ ആഫ്രി​ക്ക​യു​ടെ വടക്കെ തീരത്തി​ന​ടു​ത്തുള്ള അപകടം​നി​റഞ്ഞ മണൽത്തി​ട്ട​യിൽ അടിച്ചു​ക​യ​റ​റ​പ്പെ​ടു​മെന്നു ഭയപ്പെട്ടു. (പ്രവൃ​ത്തി​കൾ 27:14, 17, NW, അടിക്കു​റിപ്പ്‌) നാവി​ക​വൈ​ദ​ഗ്‌ധ്യം ഉപയോ​ഗിച്ച്‌ അവർക്ക്‌ ആഫ്രി​ക്ക​യിൽനിന്ന്‌ അകലെ പശ്ചിമ​ദി​ശ​യിൽ കപ്പലിന്റെ ഗതി മാററാൻ കഴിഞ്ഞു. കൊടു​ങ്കാ​ററ്‌ ശമിക്കാ​തെ തുടർന്നു. അവസാനം കപ്പൽ ഏതാണ്ട്‌ 870 കിലോ​മീ​ററർ ദൂരം താണ്ടി മാൾട്ടാ​തീ​രത്ത്‌ അടുത്തു. കൊടു​ങ്കാ​റ​റി​ലൂ​ടെ സഞ്ചരി​ക്കുന്ന ഒരു വലിയ കപ്പലിന്‌ അത്രയും ദൂരം പായി​ക്ക​പ്പെ​ടു​വാൻ 13 ദിവസ​ത്തി​ല​ധി​കം വേണ്ടി​വ​രു​മെന്നു നാവിക വിദഗ്‌ധർ കണക്കാ​ക്കു​ന്നു. അവരുടെ കണക്കു​കൂ​ട്ടൽ 14-ാമത്തെ ദിവസം കപ്പലപ​കടം ഉണ്ടായി എന്ന ലൂക്കോ​സി​ന്റെ വിവര​ണ​വു​മാ​യി യോജി​ക്കു​ന്നു. (പ്രവൃ​ത്തി​കൾ 27:27, 33, 39, 41) ലൂക്കോ​സി​ന്റെ സമു​ദ്ര​യാ​ത്ര​യു​ടെ എല്ലാ വിശദാം​ശ​ങ്ങ​ളും പരി​ശോ​ധി​ച്ച​തി​നു​ശേഷം യാച്‌സ്‌മാൻ ജയിംസ്‌ സ്‌മിത്ത്‌ ഇങ്ങനെ ഉപസം​ഹ​രി​ച്ചു: “അവയിൽ വ്യക്തി​പ​ര​മാ​യി ഉൾപ്പെട്ട ഒരാൾ എഴുതിയ, യഥാർഥ സംഭവ​ങ്ങ​ളു​ടെ ഒരു വിവര​ണ​മാ​ണത്‌ . . . ശരിയായ നിരീ​ക്ഷ​ണ​ത്തിൽനി​ന്ന​ല്ലാ​തെ, അതിന്റെ എല്ലാഭാ​ഗ​ങ്ങ​ളി​ലും അസാമാ​ന്യ യോജി​പ്പോ​ടെ ഒരു സമു​ദ്ര​യാ​ത്രാ​വി​വ​രണം എഴുതാൻ നാവി​ക​ന​ല്ലാത്ത ഒരു മനുഷ്യ​നു കഴിയു​മാ​യി​രു​ന്നില്ല.”

അത്തരത്തി​ലു​ള്ള കണ്ടെത്ത​ലു​ക​ളു​ടെ പശ്ചാത്ത​ല​ത്തിൽ, ചില ദൈവ​ശാ​സ്‌ത്ര​ജ്ഞൻമാർ കൃത്യ​ത​യുള്ള ചരി​ത്ര​മെ​ന്ന​നി​ല​യിൽ ക്രിസ്‌തീയ ഗ്രീക്കു തിരു​വെ​ഴു​ത്തു​കൾക്ക​നു​കൂ​ല​മാ​യി വാദി​ക്കാൻ മനസ്സൊ​രു​ക്കം കാണി​ക്കു​ന്നുണ്ട്‌. എന്നാൽ എബ്രായ തിരു​വെ​ഴു​ത്തു​ക​ളിൽ കാണുന്ന കുറേ​ക്കൂ​ടെ നേര​ത്തെ​യുള്ള ചരി​ത്രത്തെ സംബന്ധി​ച്ചെന്ത്‌? പല പുരോ​ഹി​തൻമാ​രും ആധുനിക തത്ത്വശാ​സ്‌ത്ര​ത്തി​നു മുമ്പിൽ മുട്ടു മടക്കി​ക്കൊണ്ട്‌, അവയിൽ കെട്ടു​ക​ഥകൾ അടങ്ങി​യി​രി​ക്കു​ന്നു​വെന്നു പ്രഖ്യാ​പി​ക്കു​ന്നു. എന്നിരു​ന്നാ​ലും, ബൈബി​ളി​ന്റെ ആദിമ​കാല ചരി​ത്ര​ത്തി​ന്റെ നിരവധി വിശദാം​ശങ്ങൾ, വിമർശ​കരെ അമ്പരപ്പി​ച്ചു​കൊണ്ട്‌, സത്യ​മെന്നു സ്ഥിരീ​ക​രി​ക്ക​പ്പെ​ട്ടി​ട്ടു​മുണ്ട്‌. ഉദാഹ​ര​ണ​ത്തിന്‌, ഒരിക്കൽ വിസ്‌മൃ​തി​യി​ലാ​ണ്ടു​പോയ അസ്സീറി​യൻ സാമ്രാ​ജ്യ​ത്തി​ന്റെ കണ്ടെത്തൽ പരിചി​ന്തി​ക്കുക.

[അടിക്കു​റിപ്പ്‌]

[3-ാം പേജിലെ ഭൂപടം]

[പൂർണ​രൂ​പ​ത്തിൽ കാണു​ന്ന​തി​നു പ്രസി​ദ്ധീ​ക​രണം നോക്കുക]

പ്രുഗ്യ

ലുക്കവോന്യ

ഇക്കോന്യ

ലുസ്‌ത്ര

ദെർബ്ബ

മദ്ധ്യധരണി കടൽ

കുപ്രൊസ്‌