നിങ്ങൾ ഇവയിൽ ഒന്നു​പോ​ലെ​യാ​ണോ?

‘ഒരു ദിവസ​ത്തേക്കു ഒരു സിംഹ​മാ​യി​രി​ക്കു​ന്നത്‌ ഒരായി​രം വർഷം ഒരു കുഞ്ഞാ​ടാ​യി​രി​ക്കു​ന്ന​തി​നെ​ക്കാൾ നല്ലതാണ്‌.’ ഒരു കാലത്ത്‌ ഇററലി​യി​ലെ സ്വേച്ഛാ​ധി​പ​തി​യാ​യി​രുന്ന ബെനി​റേറാ മുസ്സോ​ളി​നി പറഞ്ഞതാണ്‌ ഈ വാക്കുകൾ എന്നു പ്രസ്‌താ​വി​ക്ക​പ്പെ​ടു​ന്നു.

അനേകർ കുഞ്ഞാ​ടു​ക​ളും ആടുക​ളു​മാ​യി തരംതി​രി​ക്ക​പ്പെ​ടു​ന്ന​തി​നെ മുസ്സോ​ളി​നി​യെ​പ്പോ​ലെ എതിർക്കും. എന്നിരു​ന്നാ​ലും, പുരാതന സങ്കീർത്ത​ന​ക്കാ​രൻ-രാജാ​വാ​യി​രുന്ന ദാവീദ്‌ ഇങ്ങനെ പ്രഖ്യാ​പി​ച്ചു: “യഹോവ എന്റെ ഇടയനാ​കു​ന്നു. . . . സ്വസ്ഥത​യുള്ള വെള്ളത്തി​ന്ന​രി​ക​ത്തേക്കു എന്നെ നടത്തുന്നു.” (സങ്കീർത്തനം 23:1, 2) അതേ, യഹോ​വ​യാം ദൈവ​മാ​ണു വലിയ ഇടയൻ, അവിടു​ന്നു തന്റെ ജനം നിരു​പ​ദ്ര​വി​ക​ളായ ആടുക​ളാ​യി​രി​ക്കു​ന്ന​തു​പോ​ലെ അവർക്കു സ്‌നേ​ഹ​പൂർവ​ക​മായ പരിച​രണം കൊടു​ക്കു​ന്നു.

ദൈവ​ജ​നം സങ്കീർത്തനം 95:7-ൽ ആലങ്കാ​രിക ആടുക​ളാ​യി​രി​ക്കു​ന്ന​താ​യി പറയ​പ്പെ​ട്ടി​രി​ക്കു​ന്നു, അവിടെ നാം ഇങ്ങനെ വായി​ക്കു​ന്നു: “[യഹോവ] നമ്മുടെ ദൈവ​മാ​കു​ന്നു; നാമോ അവൻ മേയി​ക്കുന്ന ജനവും അവന്റെ കൈക്കലെ ആടുക​ളും തന്നേ.” സങ്കീർത്ത​ന​ക്കാ​രൻ “അവൻ മേയി​ക്കുന്ന ആടുകളെ”ക്കുറി​ച്ചും “അവന്റെ കൈക്കലെ ജന”ത്തെക്കു​റി​ച്ചും പറയാൻ ചിലർ പ്രതീ​ക്ഷി​ച്ചി​രി​ക്കാം. എന്നാൽ ഇവിടെ കാര്യങ്ങൾ നേരേ തിരി​ഞ്ഞി​രി​ക്കു​ന്നു, അങ്ങനെ യഹോ​വ​യു​ടെ ജനംതന്നെ അവന്റെ ആടുക​ളാ​യി തിരി​ച്ച​റി​യി​ക്ക​പ്പെ​ട്ടി​രി​ക്കു​ന്നു. അവർ ദൈവ​ത്തി​ന്റെ മേച്ചിൽസ്ഥ​ല​ത്തി​ന്റെ പ്രയോ​ജ​നങ്ങൾ ആസ്വദി​ക്കു​ക​യും അവന്റെ സ്‌നേ​ഹം​നി​റഞ്ഞ കൈയാൽ നടത്ത​പ്പെ​ടു​ക​യും ചെയ്യുന്നു.

യഹോ​വ​യു​ടെ പുത്ര​നായ യേശു​ക്രി​സ്‌തു​വാ​ണു നല്ല ഇടയൻ. അവിടു​ന്നു മിക്ക​പ്പോ​ഴും ആളുകളെ ആടുക​ളാ​യി പരാമർശി​ച്ചു. ഉദാഹ​ര​ണ​ത്തിന്‌, യേശു “ചെറിയ ആട്ടിൻകൂട്ട”ത്തെക്കു​റി​ച്ചും തന്റെ “വേറെ ആടുകളെ”ക്കുറി​ച്ചും പ്രസ്‌താ​വി​ച്ചു. (ലൂക്കൊസ്‌ 12:32; യോഹ​ന്നാൻ 10:14-16) തന്റെ വിനീ​ത​രായ ആടുതു​ല്യ​ശി​ഷ്യ​രെ​ക്കു​റി​ച്ചു യേശു പറഞ്ഞു: “ഞാൻ അവയെ അറിക​യും അവ എന്നെ അനുഗ​മി​ക്ക​യും ചെയ്യുന്നു. ഞാൻ അവെക്കു നിത്യ​ജീ​വൻ കൊടു​ക്കു​ന്നു; അവ ഒരുനാ​ളും നശിച്ചു​പോ​ക​യില്ല; ആരും അവയെ എന്റെ കയ്യിൽനി​ന്നു പിടി​ച്ചു​പ​റി​ക്ക​യും ഇല്ല.” (യോഹ​ന്നാൻ 10:27, 28) ഉദാര​നായ ഒരു ഭരണാ​ധി​കാ​രി​യു​ടെ കയ്യിൽ, പ്രജകൾ അവന്റെ ശക്തിയിൽനി​ന്നും പ്രീതി​യിൽനി​ന്നും മാർഗ്ഗ​നിർദ്ദേ​ശ​ത്തിൽനി​ന്നും സംരക്ഷ​ണ​ത്തിൽനി​ന്നും പ്രയോ​ജ​ന​മ​നു​ഭ​വി​ക്കു​ന്നു.—വെളി​പ്പാ​ടു 1:16, 20; 2:1.

യഥാർത്ഥ​ത്തിൽ ആടുതു​ല്യ​രായ ആളുകളെ യേശു​വി​ന്റെ സംരക്ഷ​ണാ​ത്മ​ക​മായ കയ്യിൽനിന്ന്‌ ആർക്കും പിടി​ച്ചു​പ​റി​ക്കാൻ കഴിക​യില്ല. ഇന്ന്‌, ഒന്നുകിൽ തന്റെ പ്രീതി​യി​ല്ലാത്ത “കോലാ​ടുക”ളായോ അല്ലെങ്കിൽ ദൈവ​ത്തി​ന്റെ സ്വർഗ്ഗീ​യ​രാ​ജ്യ​ത്തി​ന്റെ ഭരണത്തിൻകീ​ഴിൽ നിത്യ​ജീ​വൻ ആസ്വദി​ക്കാ​നി​രി​ക്കുന്ന “ചെമ്മരി​യാ​ടു​കൾ” ആയോ അവിടുന്ന്‌ ആളുകളെ വേർതി​രി​ച്ചു​കൊ​ണ്ടി​രി​ക്കു​ക​യാണ്‌. (മത്തായി 25:31-46) നിങ്ങൾ ആ അനുഗൃ​ഹീത ചെമ്മരി​യാ​ടു​ക​ളിൽ ഒന്നാ​ണെന്നു തെളി​യു​മോ?

[32-ാം പേജിലെ ചിത്ര​ത്തിന്‌ കടപ്പാട്‌]

Garo Nalbandian