വായന​ക്കാ​രിൽനി​ന്നുള്ള ചോദ്യ​ങ്ങൾ

ഒരു ക്രിസ്‌ത്യാ​നിക്ക്‌ ഒരു അനു​യോ​ജ്യ വിവാ​ഹ​പ​ങ്കാ​ളി​യെ കണ്ടെത്താൻ കഴിയാ​തെ​വ​രു​മ്പോൾ അയാൾക്ക്‌ അല്ലെങ്കിൽ അവൾക്ക്‌ എന്തു ചെയ്യാൻ കഴിയും?

അർപ്പി​ത​രായ ക്രിസ്‌ത്യാ​നി​ക​ളാ​യി​രി​ക്കു​ന്നെ​ങ്കി​ലും നാം സാക്ഷാ​ത്‌ക​രി​ക്ക​പ്പെ​ടാത്ത എന്തി​നെ​ങ്കി​ലും​വേണ്ടി ആത്മാർത്ഥ​മാ​യി പ്രത്യാ​ശി​ക്കു​മ്പോൾ നാം ദുഃഖി​ത​രാ​യി​ത്തീർന്നേ​ക്കാം. നമ്മുടെ വികാ​രങ്ങൾ സദൃശ​വാ​ക്യ​ങ്ങൾ 13:12-ൽ നന്നായി പ്രകട​മാ​ക്കി​യി​രി​ക്കു​ന്നു: “ആശാവി​ളം​ബനം ഹൃദയത്തെ ക്ഷീണി​പ്പി​ക്കു​ന്നു” എന്ന്‌ അതു പറയുന്നു. വിവാ​ഹം​ചെ​യ്യാൻ ആഗ്രഹി​ച്ചിട്ട്‌ ഒരു അനു​യോ​ജ്യ​പ​ങ്കാ​ളി​യെ കണ്ടെത്താൻ കഴിയാഞ്ഞ ചില ക്രിസ്‌ത്യാ​നി​കൾക്ക്‌ അനുഭ​വ​പ്പെ​ട്ടി​രി​ക്കു​ന്നത്‌ അങ്ങനെ​യാണ്‌. അപ്പോ​സ്‌ത​ല​നായ പൗലോസ്‌ “വികാ​ര​ത്താൽ ജ്വലി​ക്കു​ന്നവർ” എന്നു വർണ്ണി​ച്ച​വരെ സംബന്ധിച്ച്‌ ഇതു വിശേ​ഷാൽ അങ്ങനെ​ത​ന്നെ​യാണ്‌.—1 കൊരി​ന്ത്യർ 7:9, NW.

വിപരീ​ത​ലിം​ഗ​വർഗ്ഗ​ത്തിൽപെട്ട ഒരാളെ ഒരു യഥാർത്ഥ അനുപൂ​ര​ക​മാ​യി കണ്ടെത്താ​നുള്ള ആഗ്രഹം യഹോവ മനുഷ്യ​രിൽ വെച്ചു. അതു​കൊണ്ട്‌, അങ്ങനെ​യുള്ള വികാ​രങ്ങൾ അനേകം അവിവാ​ഹി​ത​ക്രി​സ്‌ത്യാ​നി​ക​ളിൽ ശക്തമായി അനുഭ​വ​പ്പെ​ടു​ന്നത്‌ അതിശ​യമല്ല. (ഉല്‌പത്തി 2:18) വിവാ​ഹ​ത്തിന്‌ (അല്ലെങ്കിൽ ഒരു പ്രത്യേ​ക​പ്രാ​യ​ത്തിൽ വിവാഹം കഴിക്കു​ന്ന​തി​നു) വലിയ ഊന്നൽ കൊടു​ക്കുന്ന സംസ്‌കാ​ര​ങ്ങ​ളിൽ അല്ലെങ്കിൽ അവിവാ​ഹി​ത​ക്രി​സ്‌ത്യാ​നി​കൾ സഭയിലെ സന്തുഷ്ട​ദ​മ്പ​തി​ക​ളാൽ ചുററ​പ്പെ​ടു​മ്പോൾ ഈ സാധാ​ര​ണ​വി​കാ​രങ്ങൾ വർദ്ധി​ത​മാ​യേ​ക്കാം. എന്നിരു​ന്നാ​ലും, ഒരു ദീർഘ​കാ​ലം ഉത്‌ക്കണ്‌ഠ നീണ്ടു​നിൽക്കാൻ അനുവ​ദി​ക്കു​ന്നതു നന്നല്ല. അതു​കൊണ്ട്‌ അമിത​മാ​യി ഉത്‌ക്ക​ണ്‌ഠ​പ്പെ​ടാ​തെ ആത്മാർത്ഥ​ത​യുള്ള ക്രിസ്‌ത്യാ​നി​കൾക്ക്‌ എങ്ങനെ സാഹച​ര്യ​ത്തെ കൈകാ​ര്യം​ചെ​യ്യാൻ കഴിയും?

അത്‌ എളുപ്പമല്ല, ഈ ഉത്‌ക്ക​ണ്‌ഠയെ കേവലം പെരു​പ്പി​ച്ചു​കാ​ണി​ക്കു​ന്നത്‌ അല്ലെങ്കിൽ ഒരു നിസ്സാര അസൗക​ര്യം എന്നപോ​ലെ മററു​ള്ളവർ കരുത​രുത്‌. എന്നാൽ സാഹച​ര്യ​ത്തെ നേരി​ടാ​നുള്ള അല്ലെങ്കിൽ അതിനു തീരു​മാ​ന​മു​ണ്ടാ​ക്കാ​നുള്ള പ്രാപ്‌തി വലിയ അളവിൽ ആശ്രയി​ച്ചി​രി​ക്കു​ന്നത്‌ അവിവാ​ഹി​ത​നായ ആളിനു സ്വീക​രി​ക്കാൻ കഴിയുന്ന നടപടി​ക​ളി​ലാണ്‌.

“സ്വീക​രി​ക്കു​ന്ന​തി​നെ​ക്കാൾ കൊടു​ക്കു​ന്ന​തിൽ കൂടുതൽ സന്തുഷ്ടി​യുണ്ട്‌” എന്ന പ്രാ​യോ​ഗിക ബൈബിൾത​ത്ത്വ​ത്തിൽ നാം ഒരു താക്കോൽ കണ്ടെത്തു​ന്നു. (പ്രവൃ​ത്തി​കൾ 20:35, NW) അത്‌ അവിവാ​ഹി​ത​മ​നു​ഷ്യ​നാ​യി​രുന്ന യേശു​ക്രി​സ്‌തു​വാ​ണു പറഞ്ഞത്‌, താൻ പറയു​ന്ന​തെ​ന്താ​ണെന്ന്‌ അവന്‌ അറിയാ​മാ​യി​രു​ന്നു. ഒരു നിസ്വാർത്ഥ​മായ ആന്തര​ത്തോ​ടെ മററു​ള്ള​വർക്കു​വേണ്ടി കാര്യങ്ങൾ ചെയ്യു​ന്നതു നീട്ടി​വെ​ക്ക​പ്പെ​ടുന്ന പ്രതീ​ക്ഷ​യിൽനി​ന്നു സംജാ​ത​മാ​കുന്ന വികാ​ര​ങ്ങളെ തരണം​ചെ​യ്യു​ന്ന​തി​നു നമ്മിൽ ഏതൊ​രാ​ളെ​യും സഹായി​ക്കുന്ന ഒരു നടപടി​യാണ്‌. അവിവാ​ഹി​ത​നായ ക്രിസ്‌ത്യാ​നി​യെ​സം​ബ​ന്ധി​ച്ച​ട​ത്തോ​ളം ഇതിന്റെ അർത്ഥ​മെ​ന്താണ്‌?

നിങ്ങളു​ടെ സ്വന്തം കുടും​ബ​ത്തി​നു​വേ​ണ്ടി​യും സഭയിലെ മററു​ള്ള​വർക്കു​വേ​ണ്ടി​യും ദയാ​പ്ര​വൃ​ത്തി​കൾ ചെയ്യാൻ ശ്രമി​ക്കു​ക​യും നിങ്ങളു​ടെ ശുശ്രൂ​ഷാ​പ്ര​വർത്ത​നത്തെ മെച്ച​പ്പെ​ടു​ത്തു​ക​യും ചെയ്യുക. ഈ ബുദ്ധ്യു​പ​ദേശം ‘തിരക്കു​ണ്ടാ​യി​രി​ക്കുക, അപ്പോൾ വിവാ​ഹം​ചെ​യ്യാ​നുള്ള ആഗ്രഹം നിങ്ങൾ മറക്കും’ എന്നു പറയുന്ന ഒരു രീതി മാത്രമല്ല. അല്ല. ഈ ഫലപ്ര​ദ​മായ ക്രിസ്‌തീയ വ്യാപാ​ര​ങ്ങ​ളിൽ ഏർപ്പെ​ടു​ന്ന​തി​നാൽ നിങ്ങൾ ‘നിങ്ങളു​ടെ സ്വന്തം ഇച്ഛാശ​ക്തി​യു​ടെ​മേ​ലുള്ള അധികാ​ര​ത്തോ​ടെ ഹൃദയ​ത്തിൽ ഉറച്ചവ​രാ​യി’ത്തീരു​ന്ന​താ​യും നിങ്ങളു​ടെ ഇപ്പോ​ഴത്തെ സാഹച​ര്യ​ങ്ങളെ പ്രയോ​ജ​ന​ക​ര​മായ വിധത്തിൽ ഉപയോ​ഗി​ക്കാൻ കഴിയു​ന്ന​താ​യും നിങ്ങൾ കണ്ടെത്തി​യേ​ക്കാം.—1 കൊരി​ന്ത്യർ 7:37, NW.

വിവാ​ഹം​ചെ​യ്യാൻ അതിയാ​യി ആഗ്രഹി​ച്ചി​ട്ടുള്ള ചിലർ അത്‌ ഒരു തീക്ഷ്‌ണ​മായ ശ്രദ്ധാ​വി​ഷ​യ​മാ​യി​ത്തീ​രാൻ അനുവ​ദി​ച്ചി​രി​ക്കു​ന്നു. അവർ ഇണകൾക്കു​വേണ്ടി പത്രങ്ങ​ളിൽ പരസ്യം​കൊ​ടു​ക്കാൻവരെ മുതിർന്നി​രി​ക്കു​ന്നു. എന്നാൽ അവിവാ​ഹി​താ​വ​സ്ഥ​യു​ടെ കാലത്തു​നി​ന്നു ലഭിക്കാ​വുന്ന പ്രയോ​ജ​ന​ങ്ങളെ വിലമ​തി​ക്കു​ന്ന​തി​നു കൂടുതൽ ഊന്നൽ കൊടു​ക്കു​ന്നത്‌ എത്രയോ മെച്ചമാ​യി​രി​ക്കും.—ദയവായി 1988 മെയ്‌ 1-ലെ വീക്ഷാ​ഗോ​പു​ര​ത്തി​ലെ “അവിവാ​ഹി​ത​രെ​ങ്കി​ലും ദൈവ​സേ​വ​ന​ത്തി​നു​വേണ്ടി പൂർണ്ണ​ത​യു​ള്ളവർ,” “ഏകാകി​ത്വം—പ്രതി​ഫ​ല​ദാ​യ​ക​മായ ഒരു ജീവി​ത​രീ​തി” എന്നീ ലേഖന​ങ്ങ​ളും 1992 ഓഗസ്‌ററ്‌ 15-ലെ വീക്ഷാ​ഗോ​പു​ര​ത്തി​ലെ “വിവാഹം സന്തുഷ്ടി​യു​ടെ ഏക താക്കോ​ലാ​ണോ?” എന്ന ലേഖന​വും കാണുക.

അവിവാ​ഹി​താ​വ​സ്ഥ​യിൽ പിടി​ച്ചു​നിൽക്കു​ന്ന​തി​നുള്ള സഹായ​ത്തി​നു​വേണ്ടി യഹോ​വ​യോ​ടു പ്രാർത്ഥി​ക്കുക. (ഫിലി​പ്പി​യർ 4:6, 7, 13) ദൈവ​വ​ചനം പഠിക്കു​ന്ന​തി​നും വിചി​ന്തനം ചെയ്യു​ന്ന​തി​നും ക്രിസ്‌തീ​യ​യോ​ഗ​ങ്ങ​ളിൽ ഹാജരാ​കു​ന്ന​തി​നും പങ്കുപ​റ​റു​ന്ന​തി​നും തങ്ങളുടെ സമയം ഉപയോ​ഗി​ക്കു​ന്ന​തി​നാൽ, യേശു തന്നെ അനുഗ​മി​ക്കു​ന്ന​വർക്കു വാഗ്‌ദത്തം ചെയ്‌ത​തു​പോ​ലെ, തങ്ങൾ കൂടു​ത​ലാ​യി ‘ദേഹിക്കു നവോൻമേഷം’ അനുഭ​വി​ച്ചി​ട്ടു​ണ്ടെന്ന്‌ അനേകം അവിവാ​ഹി​ത​ക്രി​സ്‌ത്യാ​നി​കൾ കണ്ടെത്തി​യി​രി​ക്കു​ന്നു. (മത്തായി 11:28-30) കാല​ക്ര​മ​ത്തിൽ ഒരു അനു​യോ​ജ്യ ഇണയെ കണ്ടെത്തു​ക​തന്നെ ചെയ്യു​ന്നു​വെ​ങ്കിൽ മെച്ചപ്പെട്ട ഭർത്താ​ക്കൻമാ​രോ ഭാര്യ​മാ​രോ ആയിരി​ക്ക​ത്ത​ക്ക​വണ്ണം ആത്മീയ​മാ​യി വികാസം പ്രാപി​ക്കാൻ ഇതു അവരെ സഹായി​ച്ചി​ട്ടുണ്ട്‌.

തന്നെ സേവി​ക്കുന്ന സകല അവിവാ​ഹി​ത​രു​ടെ​യും സാഹച​ര്യം യഹോ​വക്കു മനസ്സി​ലാ​കു​ന്നു​ണ്ടെന്ന്‌ ഒരിക്ക​ലും മറക്കരുത്‌. നിങ്ങളു​ടെ ഇപ്പോ​ഴത്തെ സാഹച​ര്യ​ങ്ങൾ നിങ്ങൾ ഏറെ ഇഷ്ടപ്പെ​ടു​ന്ന​താ​ണെന്നു നിങ്ങൾ വിചാ​രി​ക്കാ​തി​രു​ന്നേ​ക്കാ​മെന്നു അവിടുന്ന്‌ അറിയു​ന്നുണ്ട്‌. നിങ്ങൾക്ക്‌ ആത്മീയ​മാ​യും വൈകാ​രി​ക​മാ​യും നിലനിൽക്കുന്ന പ്രയോ​ജ​നങ്ങൾ കൈവ​രു​ത്തു​ന്ന​തെ​ന്തെ​ന്നും നമ്മുടെ സ്‌നേ​ഹ​വാ​നായ സ്വർഗ്ഗീയ പിതാ​വി​ന​റി​യാം. ക്രമത്തിൽ ഇതു നിങ്ങൾക്കു തീർച്ച​യാ​യും അറിയാൻക​ഴി​യും: യഹോ​വ​ക്കാ​യി ക്ഷമയോ​ടെ കാത്തി​രി​ക്കു​ന്ന​തി​നാ​ലും അവിടത്തെ വചനത്തി​ലെ തത്ത്വങ്ങൾ അനുദി​ന​ജീ​വി​ത​ത്തിൽ ബാധക​മാ​ക്കു​ന്ന​തി​നാ​ലും നിങ്ങളു​ടെ നിത്യ​നൻമ​ക്കാ​യി​രി​ക്കുന്ന ഒരു വിധത്തിൽ അവിടു​ന്നു നിങ്ങളു​ടെ അതി​പ്ര​ധാ​ന​മായ ആവശ്യങ്ങൾ നിറ​വേ​റ​റു​മെന്നു നിങ്ങൾക്ക്‌ ഉറപ്പു​ണ്ടാ​യി​രി​ക്കാൻ കഴിയും.—സങ്കീർത്തനം 145:16 താരത​മ്യ​പ്പെ​ടു​ത്തുക.