“സകലതരം മനുഷ്യ​രി​ലേ​ക്കും” എത്തുന്നു—ബൽജി​യ​ത്തിൽ

അപ്പൊ​സ്‌ത​ല​നായ പൗലോസ്‌ “സകലതരം മനുഷ്യ​രും രക്ഷപെ​ട​ണ​മെ​ന്നും സത്യത്തി​ന്റെ സൂക്ഷ്‌മ​പ​രി​ജ്ഞാ​ന​ത്തിൽ എത്തണ”മെന്നു​മുള്ള ദൈ​വേ​ഷ്ട​ത്തെ​ക്കു​റിച്ച്‌ അഭിഷി​ക്ത​രായ തന്റെ സഹക്രി​സ്‌ത്യാ​നി​കളെ ഓർമ്മ​പ്പെ​ടു​ത്തി. കേൾക്കുന്ന കാതുള്ള എല്ലാവ​രോ​ടും രാജ്യ​സു​വാർത്ത ഘോഷി​ക്കാൻ കഴി​യേ​ണ്ട​തിന്‌ “സാവധാ​ന​ത​യും സ്വസ്ഥത​യും ഉള്ള ജീവനം” അനുവ​ദി​ച്ചു​കി​ട്ടു​ന്ന​തി​നു​വേണ്ടി അവർ പ്രാർത്ഥി​ക്കേ​ണ്ടി​യി​രി​ക്കു​ന്നു.—1 തിമൊ​ഥെ​യൊസ്‌ 2:1-4.

ഇന്നു സുവാർത്ത​യു​മാ​യി “സകലതരം മനുഷ്യ​രി​ലേ​ക്കും” എത്തുന്ന​തിൽ ബൽജി​യ​ത്തി​ലെ യഹോ​വ​യു​ടെ സാക്ഷി​കളെ സംബന്ധി​ച്ച​ട​ത്തോ​ളം പ്രത്യേക അർത്ഥമുണ്ട്‌. രണ്ടാം ലോക​മ​ഹാ​യു​ദ്ധം അവസാ​നി​ച്ച​ശേഷം, ററാൻഗ​നിക തടാക​ത്തി​ലോ മിഷിഗൻ തടാക​ത്തി​ന്റെ പകുതി​യി​ലോ ഒതുങ്ങുന്ന ഈ ചെറു​രാ​ജ്യം അതിന്റെ വർഗ്ഗപ​ര​വും സാംസ്‌കാ​രി​ക​വു​മായ ഘടനയിൽ വമ്പിച്ച മാററ​ങ്ങൾക്കു വിധേ​യ​മാ​യി. ഫെമ്ലി​ഷ്‌കാ​രും (ഡച്ച്‌) ഫ്രഞ്ചു​കാ​രും ജർമ്മൻകാ​രും ആയ മൂന്നു പരമ്പരാ​ഗത സമുദാ​യ​ങ്ങൾക്കു പുറമേ ഇപ്പോൾ ബൽജി​യ​ത്തിൽ നിരവധി ഭാഷാ​ക്കൂ​ട്ട​ങ്ങ​ളും സാംസ്‌കാ​രിക സംഘങ്ങ​ളും ഉണ്ട്‌. ഏതാനും ചിലതു പറഞ്ഞാൽ, അവിടെ അറബി​ക​ളും തുർക്കി​ക​ളും ഇന്ത്യക്കാ​രും ചീനക്കാ​രും ഫിലി​പ്പൈൻസു​കാ​രും ആഫ്രി​ക്ക​ക്കാ​രും അമേരി​ക്ക​ക്കാ​രും ഉണ്ട്‌. ബൽജി​യ​ത്തി​ലെ ഓരോ പത്തി​ലൊ​രാ​ളും വിദേശ വംശജ​നാ​ണെന്നു കണക്കാ​ക്ക​പ്പെ​ട്ടി​രി​ക്കു​ന്നു.

അങ്ങനെ ബൽജി​യ​ത്തി​ലെ സാക്ഷികൾ ലോക​ത്തെ​വി​ടെ​യു​മുള്ള അവരുടെ സഹക്രി​സ്‌ത്യാ​നി​ക​ളെ​പ്പോ​ലെ​തന്നെ സുവാർത്ത​യു​മാ​യി “സകലതരം മനുഷ്യ​രി​ലേ​ക്കും” എത്തുന്ന​തി​ന്റെ വെല്ലു​വി​ളി​യെ അഭിമു​ഖീ​ക​രി​ക്കു​ന്നു. അത്തരം വൈവി​ദ്ധ്യ​മാർന്ന ദേശക്കാ​രു​ടെ​യി​ട​യിൽ പ്രസം​ഗി​ക്കു​ന്നത്‌ എങ്ങനെ​യി​രി​ക്കും? മതപര​വും സാംസ്‌കാ​രി​ക​വു​മാ​യി തീർത്തും ഭിന്നമായ പശ്ചാത്ത​ല​മുള്ള വ്യക്തി​കളെ ഒരുവൻ എങ്ങനെ സമീപി​ക്കും? ബൈബിൾദൂ​തി​നോ​ടുള്ള അവരുടെ പ്രതി​ക​രണം എന്താണ്‌?

ഉദ്യമം ഫലം കൈവ​രു​ത്തു​ന്നു

രാജ്യ സുവാർത്ത​യെ​ക്കു​റിച്ച്‌ “സകലതരം മനുഷ്യ​രോ​ടും” സംസാ​രി​ക്കു​ന്നത്‌ സന്തോ​ഷ​ക​ര​വും പുളക​പ്ര​ദ​വു​മായ ഒരു അനുഭ​വ​മാണ്‌. തിര​ക്കേ​റിയ തെരു​വു​ക​ളി​ലും ചന്തസ്ഥല​ങ്ങ​ളി​ലും പൊതു വാഹന​ങ്ങ​ളി​ലും വീടു​തോ​റു​മുള്ള വേലയി​ലും എല്ലാ ഭൂഖണ്ഡ​ങ്ങ​ളിൽനി​ന്നു​മുള്ള ആളുകളെ കണ്ടെത്തു​ന്നു. അല്‌പ​മായ ഉദ്യമം​കൊ​ണ്ടു രാജ്യ​പ്ര​സാ​ധ​കന്‌ എളുപ്പം ഒരു സംഭാ​ഷണം തുടങ്ങാൻ കഴിയും, പലപ്പോ​ഴും ഇതു കൃതാർത്ഥ​രാ​ക്കുന്ന ഫലങ്ങളി​ലേ​ക്കും നയിക്കു​ന്നു.

ഒരു ബസ്സ്‌ സ്‌റേ​റാ​പ്പിൽ, ഒരു സാക്ഷി കേവലം ഊഷ്‌മ​ള​മാ​യൊ​രു പുഞ്ചി​രി​യോ​ടെ ഒരു ആഫ്രിക്കൻ വനിത​യു​മാ​യി സംഭാ​ഷണം തുടങ്ങി. ആ സ്‌ത്രീ ദൈവ​രാ​ജ്യ​ത്തെ​ക്കു​റി​ച്ചു കേട്ടതിൽ അവരുടെ സന്തോഷം പ്രകട​മാ​ക്കു​ക​യും ബൈബി​ളി​നെ​ക്കു​റി​ച്ചു കൂടുതൽ അറിയാൻ ആഗ്രഹി​ക്കു​ക​യും ചെയ്‌തു. അവർ വീക്ഷാ​ഗോ​പു​രം, ഉണരുക! മാസി​കകൾ സ്വീക​രി​ക്കു​ക​യും അവരുടെ മേൽവി​ലാ​സം സാക്ഷിയെ ഏൽപി​ക്കു​ക​യും ചെയ്‌തു. താൻ താമസി​യാ​തെ അവരെ സന്ദർശി​ക്കാ​മെന്ന്‌ പറഞ്ഞ​പ്പോൾ, “വേണ്ട! വേണ്ട! നിങ്ങൾ വരു​മ്പോൾ ഞാൻ വീട്ടിൽ ഉണ്ടായി​രി​ക്ക​ത്ത​ക്ക​വണ്ണം നമുക്ക്‌ കൃത്യ​മായ ഒരു സമയം നിശ്ചയി​ക്കാം” എന്ന്‌ ആ സ്‌ത്രീ തടസ്സം പറഞ്ഞു.

മൂന്നു ദിവസ​ത്തി​നു​ശേഷം അവിടെ സന്ദർശി​ക്കേണ്ട സമയമാ​യ​പ്പോൾ ആ സ്‌ത്രീ​യു​ടെ മേൽവി​ലാ​സം നഷ്ടപ്പെ​ട്ട​താ​യി സാക്ഷി കണ്ടെത്തി. എന്നാൽ തെരു​വി​ന്റെ പേര്‌ ഓർത്തു​കൊണ്ട്‌, ഒരു ആഫ്രിക്കൻ പേരു കണ്ടെത്താൻ കഴിയു​മോ​യെ​ന്ന​റി​യാൻ അവർ എല്ലാ ഭവനത്തി​ലും പോയി പരി​ശോ​ധന നടത്തി. താൻ അന്വേ​ഷി​ച്ചത്‌ കണ്ടെത്താ​നാ​കാ​തെ അവർ ആ തെരു​വി​ന്റെ അറുതി​യിൽ എത്തി. എത്ര വലി​യൊ​രു നിരാശ! അവർ തിരി​ച്ചു​പോ​കാൻ തയ്യാ​റെ​ടു​ക്കു​മ്പോൾ, പെട്ടെന്ന്‌, പറന്നു​വന്നു നിന്ന​പോ​ലെ അതാ താൻ അന്വേ​ഷി​ച്ചു നടന്ന സ്‌ത്രീ തന്റെ മുമ്പിൽ നിൽക്കു​ന്നു, അത്‌ അവർ സന്ദർശി​ക്കാ​മെന്നു സമ്മതി​ച്ചി​രുന്ന അതേ സമയം​ത​ന്നെ​യാ​യി​രു​ന്നു! ഒരു ഭവന ബൈബി​ള​ദ്ധ്യ​യനം തുടങ്ങി.

വ്യത്യ​സ്‌ത ആചാര​ങ്ങ​ളെ​യും വിശ്വാ​സ​ങ്ങ​ളെ​യും പാരമ്പ​ര്യ​ങ്ങ​ളെ​യും സംബന്ധി​ച്ചെന്ത്‌? ഉദാഹ​ര​ണ​ത്തിന്‌, ഹൈന്ദവ വിശ്വാ​സ​ങ്ങളെ സംബന്ധി​ച്ചെന്ത്‌? കൊള്ളാം, താൻ തിരു​വെ​ഴു​ത്തു​ക​ളിൽനിന്ന്‌ ന്യായ​വാ​ദം ചെയ്യൽ എന്ന പുസ്‌ത​ക​ത്തിൽ വായി​ച്ചത്‌ ഒരു പയനിയർ ഓർത്തു. അതു പറയുന്നു: “ഹിന്ദു തത്വശാ​സ്‌ത്ര​ത്തി​ന്റെ സങ്കീർണ്ണ​ത​ക​ളെ​പ്പ​ററി സംസാ​രി​ക്കാൻ ശ്രമി​ക്കു​ന്ന​തി​നു​പ​കരം വിശു​ദ്ധ​ബൈ​ബി​ളിൽ കാണുന്ന സംതൃ​പ്‌തി​ദാ​യ​ക​മായ സത്യങ്ങൾ അവതരി​പ്പി​ക്കുക. . . . അവന്റെ വചനത്തി​ലെ വ്യക്തമായ സത്യങ്ങൾ നീതി​ക്കു​വേണ്ടി വിശക്കു​ക​യും ദാഹി​ക്കു​ക​യും ചെയ്യു​ന്ന​വ​രു​ടെ ഹൃദയ​ങ്ങ​ളിൽ ചെന്നെ​ത്തും.”

ഒരു ബൈബി​ള​ദ്ധ്യ​യനം സ്വീക​രിച്ച ഇന്ത്യക്കാ​രി​യായ കാഷിയെ കണ്ടുമു​ട്ടി​യ​പ്പോൾ പയനിയർ ചെയ്‌തതു കൃത്യ​മാ​യും അതുത​ന്നെ​യാണ്‌. കാഷി ക്രമമാ​യി പുരോ​ഗതി പ്രാപി​ച്ചു, വേഗം​തന്നെ അവർ പഠിച്ചു​കൊ​ണ്ടി​രു​ന്നതു തന്റെ എല്ലാ സ്‌നേ​ഹി​ത​രോ​ടും സംസാ​രി​ച്ചു​തു​ടങ്ങി. ഒരു ദിവസം പയനിയർ ഒരു സ്ഥാനപ​തി​യു​ടെ ഭാര്യയെ കണ്ടുമു​ട്ടി. “നിങ്ങളാ​ണോ കാഷിയെ ബൈബിൾ പഠിപ്പി​ക്കു​ന്നത്‌?” എന്ന്‌ അവർ ചോദി​ച്ചു. “അവൾ എത്ര മികച്ച അദ്ധ്യാ​പി​ക​യാണ്‌! പല ആശയങ്ങ​ളും എന്നെ ബോദ്ധ്യ​പ്പെ​ടു​ത്താൻ അവൾക്കു കഴിഞ്ഞു. ഒരു ഹിന്ദു​വായ അവൾ ഒരു കത്തോ​ലി​ക്ക​യായ എന്നെ ബൈബിൾ പഠിപ്പി​ക്കു​ന്ന​തി​നെ​ക്കു​റിച്ച്‌ ഒന്നു സങ്കൽപി​ച്ചു​നോ​ക്കൂ!” എന്ന്‌ ആ സ്‌ത്രീ പറഞ്ഞ​പ്പോൾ പയനിയർ എത്ര ആശ്ചര്യ​പ്പെ​ട്ടു​പോ​യി.

നിങ്ങൾ ഫിലി​പ്പൈൻസു​കാ​രെ കണ്ടുമു​ട്ടു​മ്പോൾ അവരിൽ മിക്കവ​രും ബൈബി​ളി​നെ ഇഷ്ടപ്പെ​ടു​ന്നു​വെന്നു നിങ്ങൾ ഉടൻതന്നെ തിരി​ച്ച​റി​യു​ന്നു. അവർ ഹൃദയാ​ലു​ക്ക​ളും അതിഥി​പ്രി​യ​രും ആണ്‌, അവരു​മാ​യി ഒരു സംഭാ​ഷണം തുടങ്ങു​ന്നത്‌ വളരെ എളുപ്പ​വു​മാണ്‌. ഒരു ഫിലി​പ്പൈൻസു​കാ​രി സ്‌ത്രീ നിഷ്‌പ്ര​യാ​സം രണ്ടു മാസി​കകൾ വാങ്ങി, എന്നാൽ ഒരു കത്തോ​ലി​ക്ക​യാ​യ​തു​കൊണ്ട്‌ അവർ അത്‌ എറിഞ്ഞു​ക​ളഞ്ഞു. ചില ആഴ്‌ച​കൾക്കു​ശേഷം അവർ വീണ്ടും രണ്ടു മാസി​കകൾ വാങ്ങി, അത്‌ അവർ ബാഗിൽ ഇട്ടിരു​ന്നു. ഒരു രാത്രി​യിൽ അവർക്ക്‌ എന്തെങ്കി​ലും വായി​ക്ക​ണ​മെന്നു തോന്നി. രസകര​മായ എന്തെങ്കി​ലും കണ്ടെത്താൻ വേണ്ടി അന്വേ​ഷി​ച്ചു​ന​ട​ന്ന​ശേഷം അവർ മാസി​കകൾ കണ്ടെത്തി. മനസ്സി​ല്ലാ​മ​ന​സ്സോ​ടെ അവർ വായി​ച്ചു​തു​ടങ്ങി, അവരുടെ താത്‌പ​ര്യം വർദ്ധിച്ചു. അതിനു​ശേഷം അധികം താമസി​യാ​തെ ഒരു സാക്ഷി അവരുടെ വീടു​സ​ന്ദർശി​ച്ചു, ആ സ്‌ത്രീ പല ചോദ്യ​ങ്ങൾ ചോദി​ക്കു​ക​യും ചെയ്‌തു. അവർ തന്റെ കത്തോ​ലി​ക്കാ വിശ്വാ​സങ്ങൾ ബൈബിൾ പറയു​ന്ന​തു​മാ​യി താരത​മ്യം ചെയ്‌തു നോക്കി​യത്‌ ഇതാദ്യ​മാ​യി​ട്ടാ​യി​രു​ന്നു. സയുക്തി​ക​മായ തിരു​വെ​ഴു​ത്തു ചർച്ചകൾ ഒടുവിൽ താൻ സത്യം കണ്ടെത്തി​യ​താ​യി അവർക്കു ബോദ്ധ്യം വരുത്തി.

“നിങ്ങളു​ടെ അപ്പം എറിയുക”

വിദേ​ശി​ക​ളിൽ പലരും ബൽജി​യ​ത്തിൽ ആയിരി​ക്കു​ന്നതു വ്യാപാര ഉദ്ദേശ്യ​ങ്ങൾക്കോ, 150 അംഗീ​കൃത എംബസി​ക​ളിൽ ഒന്നിലോ യൂറോ​പ്യൻ കമ്മ്യൂ​ണി​ററി കമ്മീഷ​നി​ലോ ജോലി​ചെ​യ്യു​ന്ന​തി​നോ വേണ്ടി​യാണ്‌. അവരിൽ മിക്കവ​രും എതാനും വർഷ​ത്തേ​ക്കു​മാ​ത്രമേ താമസി​ക്കു​ന്നു​ള്ളു. അവരോ​ടു സാക്ഷീ​ക​രി​ക്കു​ന്ന​തും അവരു​മൊത്ത്‌ ബൈബിൾ പഠിക്കു​ന്ന​തും ആദ്യം നിഷ്‌ഫ​ല​മാ​യി തോന്നി​യേ​ക്കാം. എന്നാൽ ബൈബിൾ നമ്മെ ഇപ്രകാ​രം അനുസ്‌മ​രി​പ്പി​ക്കു​ന്നു: “നിന്റെ അപ്പത്തെ വെള്ളത്തിൻമേൽ എറിയുക; ഏറിയ​നാൾ കഴിഞ്ഞിട്ട്‌ നിനക്ക്‌ അതു കിട്ടും.” (സഭാ​പ്ര​സം​ഗി 11:1) മിക്ക​പ്പോ​ഴും ഫലങ്ങൾ ആശ്ചര്യ​ക​ര​മാം​വണ്ണം പ്രതി​ഫ​ല​ദാ​യ​ക​മാണ്‌.

ഒരു സാക്ഷി​യിൽനി​ന്നു ക്രമമാ​യി മാസി​കകൾ ലഭിച്ചു​കൊ​ണ്ടി​രുന്ന ഒരു അമേരി​ക്ക​ക്കാ​രി​യു​ടെ സംഗതി ഇതായി​രു​ന്നു. ബൈബിൾ ക്രമമാ​യി പഠിക്കു​ന്ന​തി​ന്റെ പ്രയോ​ജനം സാക്ഷി തക്കസമ​യത്തു ചൂണ്ടി​ക്കാ​ണി​ച്ചു, അവരോ​ടൊ​ത്തു പഠിക്കാ​മെന്നു സഹോ​ദരി വാഗ്‌ദാ​നം ചെയ്‌തു. സ്‌ത്രീ വാഗ്‌ദാ​നം സ്വീക​രി​ക്കു​ക​യും ത്വരി​ത​പു​രോ​ഗതി വരുത്തു​ക​യും ചെയ്‌തു. വേഗം​തന്നെ സത്യമ​ത​വും വ്യാജ​മ​ത​വും തമ്മിലുള്ള വ്യത്യാ​സം അവർ മനസ്സി​ലാ​ക്കി. അതു​കൊണ്ട്‌ അവർ ഭവനത്തിൽനിന്ന്‌ എല്ലാ മതപ്ര​തി​മ​ക​ളും നീക്കം​ചെ​യ്‌തു. അപ്പോൾ അവർ ഐക്യ​നാ​ടു​ക​ളി​ലേക്കു തിരി​ച്ചു​പോ​കു​ന്ന​തി​നുള്ള സമയമാ​യി. അത്‌ അവരുടെ ആത്മീയ പുരോ​ഗതി അവസാ​നി​ച്ചു​വെന്ന്‌ അർത്ഥമാ​ക്കി​യോ? ആ സ്‌ത്രീ അവരുടെ അദ്ധ്യയനം തുടർന്നു​വെ​ന്നും യഹോ​വ​യാം ദൈവ​ത്തി​നു തന്റെ ജീവിതം സമർപ്പി​ച്ചു​വെ​ന്നും സ്‌നാ​പ​ന​മേ​റ​റു​വെ​ന്നും ഐക്യ​നാ​ടു​ക​ളി​ലെ ഒരു സാക്ഷി ഇവി​ടെ​യുള്ള സാക്ഷിയെ ഫോൺചെ​യ്‌ത്‌ അറിയി​ച്ച​പ്പോൾ അവരുടെ സന്തോ​ഷ​വും ആശ്ചര്യ​വും ഒന്നു ഭാവന​യിൽ കാണുക! വാസ്‌ത​വ​ത്തിൽ, അവർ ഒരു സഹായ​പ​യ​നി​യർ ശുശ്രൂ​ഷ​ക​യാ​യി അപ്പോൾതന്നെ സേവനം അനുഷ്‌ഠി​ക്കു​ക​യാ​യി​രു​ന്നു.

ഇന്ത്യക്കാ​രി​യാ​യ കാഷി​യു​ടെ കാര്യ​ത്തി​ലും മുമ്പു പരാമർശിച്ച ഫിലി​പ്പൈൻസു​കാ​രി സ്‌ത്രീ​യു​ടെ കാര്യ​ത്തി​ലും അതുതന്നെ സംഭവി​ച്ചു. കാഷി ഇന്ത്യയി​ലേക്കു തിരി​ച്ചു​പോ​യ​പ്പോൾ അവരും ഭർത്താ​വും അവരുടെ ബൈബി​ള​ദ്ധ്യ​യനം പുനരാ​രം​ഭി​ച്ചു. ഒടുവിൽ അവർ ഇരുവ​രും തങ്ങളെ​ത്തന്നെ യഹോ​വക്കു സമർപ്പി​ക്കു​ക​യും പ്രസം​ഗ​വേ​ല​യിൽ പങ്കെടു​ക്കു​ക​യും ചെയ്‌തു. അവർ മററു സാക്ഷി​ക​ളാ​രും ഇല്ലാഞ്ഞ ഒരു പ്രദേ​ശത്തു താമസി​ച്ചി​രു​ന്ന​തു​കൊണ്ട്‌ അവർ തങ്ങളുടെ ഭവനം ഒരു സഭാപു​സ്‌ത​കാ​ദ്ധ്യ​യ​ന​ത്തി​നു വിട്ടു​കൊ​ടു​ത്തു. കാഷി തന്റെ ആരോ​ഗ്യം അനുവ​ദി​ക്കുന്ന അളവോ​ളം ഒരു സഹായ​പ​യ​നി​യ​റാ​യി സേവിച്ചു, മൊത്തം 31 പേർ ഉൾപ്പെ​ടുന്ന ആറു ബൈബി​ള​ദ്ധ്യ​യ​നങ്ങൾ അവർ നടത്തി​ക്കൊ​ണ്ടി​രു​ന്നു. അതു​പോ​ലെ​തന്നെ കുറെ​ക്കാ​ല​ത്തി​നു​ശേഷം ഫിലി​പ്പൈൻസു​കാ​രി സ്‌ത്രീ ഐക്യ​നാ​ടു​ക​ളി​ലേക്ക്‌ താമസം മാററി, സമർപ്പ​ണ​ത്തി​ലേ​ക്കും സ്‌നാ​പ​ന​ത്തി​ലേ​ക്കും പുരോ​ഗ​മി​ക്കു​ക​യും ഒരു നിരന്തര പയനി​യ​റാ​യി​ത്തീ​രു​ക​യും ചെയ്‌തു. ഇവ ബൽജി​യ​ത്തി​ലെ രാജ്യ​പ്ര​ഘോ​ഷകർ തങ്ങളുടെ പ്രദേ​ശ​ത്തുള്ള ആളുക​ളോ​ടു സാക്ഷീ​ക​രി​ക്കു​ന്ന​തിൽ തുടരു​മ്പോൾ അവർ ആസ്വദി​ക്കുന്ന അനേകം സന്തോ​ഷ​ക​ര​മായ ഫലങ്ങളിൽ ചിലതാണ്‌.

ഭാഷക​ളു​ടെ വെല്ലു​വി​ളി

“സകലതരം മനുഷ്യ​രോ​ടും” പ്രസം​ഗി​ക്കു​ന്ന​തി​നുള്ള ചുമതല നിറ​വേ​റ​റു​ന്ന​തിന്‌ ബ്രാ​ഞ്ചോ​ഫീ​സി​നു നൂറി​ല​ധി​കം ഭാഷക​ളിൽ ബൈബിൾ സാഹി​ത്യ​ങ്ങൾ കൈവ​ശം​വെ​ക്കേ​ണ്ടി​യി​രി​ക്കു​ന്നു. ഇപ്പോൾ ബൽജിയൻ സഭകൾ പത്തു ഭാഷക​ളിൽ ഉണ്ട്‌. മുന്നൂ​ററി നാല്‌പ​ത്തി​യൊ​ന്നു സഭകളിൽ 61 എണ്ണം വിദേശ ഭാഷക​ളി​ലാണ്‌, 26,000 രാജ്യ പ്രസാ​ധ​ക​രിൽ 5,000 പേർ വിദേ​ശ​പൗ​രൻമാ​രാണ്‌. ഒരു സഭയിൽ 25 വ്യത്യസ്‌ത രാജ്യ​ങ്ങ​ളിൽനി​ന്നുള്ള സ്‌ത്രീ​പു​രു​ഷൻമാർ ഉൾപ്പെ​ടു​ന്നു. അവരുടെ യോഗ​ങ്ങ​ളി​ലെ ബഹുനി​റ​ങ്ങ​ളും നാനാ​ത്വ​ങ്ങ​ളും ഭാവന​യിൽ കാണുക! എങ്കിലും സഹോ​ദ​ര​ങ്ങ​ളു​ടെ ഇടയി​ലുള്ള സ്‌നേ​ഹ​വും ഐക്യ​വും സത്യ​ക്രി​സ്‌തീയ ശിഷ്യ​ത്വ​ത്തി​നുള്ള ശക്തമായ ഒരു സാക്ഷ്യ​മാണ്‌.—യോഹ​ന്നാൻ 13:34, 35.

ബൽജി​യ​ത്തിൽ വിദേ​ശ​ഭാ​ഷ​ക​ളിൽ സുവാർത്ത കേൾക്കേണ്ട അനേകം താമസ​ക്കാർ ഉള്ളതു​കൊ​ണ്ടു ചില പ്രസാ​ധകർ തുർക്കി​യും അറബി​യും ചൈനീ​സും പോലെ പ്രയാ​സ​മുള്ള ഭാഷകൾ പഠിക്കു​ന്ന​തി​ന്റെ വെല്ലു​വി​ളി സ്വീക​രി​ച്ചി​രി​ക്കു​ന്നു. അവരുടെ ശ്രമങ്ങൾക്കു സമൃദ്ധ​മായ പ്രതി​ഫലം ലഭിച്ചി​ട്ടുണ്ട്‌.

അറബി​ക​ളു​ടെ​യി​ട​യിൽ പ്രവർത്തി​ക്കു​ന്നവർ ബൈബി​ളി​ന്റെ പ്രാ​യോ​ഗി​ക​മൂ​ല്യം എടുത്തു​കാ​ണി​ച്ചു​കൊ​ണ്ടു തങ്ങൾക്കു മിക്ക​പ്പോ​ഴും അതിൽ താത്‌പ​ര്യം ഉണർത്താൻ കഴിയു​മെന്നു കണ്ടെത്തു​ന്നു. ഒരു രാജ്യ​പ്ര​സാ​ധ​കന്‌ ഒരു അറബി പ്രൊ​ഫ​സ​റു​മാ​യി രസകര​മായ ഒരു ചർച്ച നടത്താൻ കഴിഞ്ഞു, അതിനു​ശേഷം മൂന്നു​വർഷ​ത്തേക്ക്‌ പ്രൊ​ഫ​സറെ വീണ്ടും കണ്ടുമു​ട്ടാൻ കഴിഞ്ഞില്ല. വേഗത്തിൽ നിരു​ത്സാ​ഹി​ത​നാ​കാ​തെ, പ്രസാ​ധകൻ പ്രൊ​ഫ​സർക്കു ചില ബൈബിൾ ചോദ്യ​ങ്ങ​ളു​മാ​യി ഒരു കുറിപ്പു വച്ചിട്ടു​പോ​രാൻ തീരു​മാ​നി​ച്ചു. അയാൾ ബൈബി​ളി​ന്റെ വസ്‌തു​നി​ഷ്‌ഠ​മായ ഒരു പരി​ശോ​ധന നടത്താൻ മനസ്സു​ള്ള​വ​നാ​യി​ത്തീ​ര​ത്ത​ക്ക​വണ്ണം ഇത്‌ അയാളെ വളരെ വിസ്‌മ​യി​പ്പി​ച്ചു. അയാളും ഭാര്യ​യും ഒരുമി​ച്ചി​രു​ന്നു ബൈബിൾ വായി​ക്കാൻ ചില സായാ​ഹ്നങ്ങൾ വേർതി​രി​ക്ക​ത്ത​ക്ക​വണ്ണം താൻ കണ്ടെത്തി​യത്‌ അയാളെ വളരെ വിസ്‌മ​യി​പ്പി​ച്ചു, ഇരുവ​രും മുസ്ലീ​ങ്ങൾതന്നെ.

പ്രമുഖ നഗരങ്ങ​ളി​ലുള്ള വലിയ ചൈനീസ്‌ സമൂഹത്തെ സഹായി​ക്കാൻ ശ്രമി​ക്കു​ന്ന​വർക്കു ഭാഷാ​ത​ട​സ്സ​ത്തി​നു പുറമേ മറെറാ​രു പ്രതി​ബ​ന്ധ​വും തരണം​ചെ​യ്യേ​ണ്ട​താ​യി വന്നു. മിക്ക ചൈന​ക്കാ​രും സ്രഷ്ടാ​വെ​ന്ന​നി​ല​യിൽ ദൈവ​ത്തി​ലോ ദൈവ​വ​ച​ന​മെന്ന നിലയിൽ ബൈബി​ളി​ലോ വിശ്വ​സി​ക്കു​ന്നില്ല. എങ്കിലും, അവർ ആകാം​ക്ഷ​യു​ള്ള​വ​രും അതി​നെ​ക്കു​റി​ച്ചെ​ല്ലാം അറിയാൻ ആഗ്രഹി​ക്കു​ന്ന​വ​രും ആണ്‌. അവർ ആർത്തി​യോ​ടെ വായി​ക്കു​ന്ന​വ​രു​മാണ്‌. ഏതു ബൈബിൾ സാഹി​ത്യം അവർക്കു കൊടു​ത്താ​ലും അഥവാ ബൈബി​ളി​ന്റെ അധിക​ഭാ​ഗ​വും​പോ​ലും ഏതാനും ദിവസ​ങ്ങൾക്കു​ള്ളിൽ അവർ വായിച്ചു തീർക്കു​ന്നത്‌ അസാധാ​ര​ണമല്ല. അവരുടെ ഹൃദയം നേരു​ള്ള​താ​ണെ​ങ്കിൽ ദൈവ​വ​ച​ന​ത്തി​ന്റെ ശക്തിയാൽ അവർ പ്രചോ​ദി​പ്പി​ക്ക​പ്പെ​ടു​ന്നു.

ഒരു സ്രഷ്ടാ​വി​ന്റെ ആശയം സ്വീക​രി​ക്കു​ന്നത്‌ വളരെ പ്രയാ​സ​മാ​യി ഒരു ചൈന​ക്കാ​രി സ്‌ത്രീ കണ്ടെത്തി. എന്നാൽ അവരുടെ രണ്ടാമത്തെ അദ്ധ്യയ​ന​ത്തിൽ, “ഇപ്പോൾ ഞാൻ യഹോ​വ​യാം ദൈവ​ത്തിൽ വിശ്വ​സി​ക്കു​ന്നു, എന്തു​കൊ​ണ്ടെ​ന്നാൽ 40 വ്യത്യസ്‌ത മനുഷ്യർ 1,600 വർഷങ്ങ​ളു​ടെ ഒരു കാലഘ​ട്ടം​കൊ​ണ്ടു ബൈബിൾ എഴുതു​ക​യും എങ്കിലും ഒരു പ്രതി​പാ​ദ്യ​വി​ഷ​യ​ത്തോ​ടെ അതു പൂർണ്ണ​യോ​ജി​പ്പു​ള്ള​താ​യി​രി​ക്കു​ക​യും ചെയ്യു​ന്നെ​ങ്കിൽ അപ്പോൾ എഴുത്തി​നെ നയിച്ചത്‌ യഹോ​വ​യാം ദൈവ​മാ​യി​രി​ക്കണം. അതു വളരെ യുക്തി​പൂർവ്വ​ക​മാണ്‌!” എന്നു പറഞ്ഞ​പ്പോൾ അവരുടെ കണ്ണുനി​റഞ്ഞു.

മറെറാ​രു ചൈന​ക്കാ​രി​യെ ട്രാം​വ​ണ്ടി​യിൽ ഒരു സാക്ഷി സമീപി​ച്ചു. “നിങ്ങൾ ഒരു ക്രിസ്‌ത്യാ​നി​യാ​ണോ?” അവർ സാക്ഷി​യോ​ടു ചോദി​ച്ചു. ക്രിസ്‌ത്യാ​നി​ക​ളെന്ന്‌ അവകാ​ശ​പ്പെ​ടു​ന്ന​വ​രു​ടെ ഇടയിൽ വളരെ​യ​ധി​കം വൈരു​ദ്ധ്യ​ങ്ങൾ കാണു​ന്ന​തിൽ താൻ വളരെ ഭഗ്നാശ​യാ​ണെന്ന്‌ അപ്പോൾ അവർ പറഞ്ഞു. അവർ പറഞ്ഞതി​നോ​ടു സാക്ഷി യോജി​ക്കു​ക​യും എന്നാൽ ബൈബിൾ പരസ്‌പര വിരു​ദ്ധ​മ​ല്ലെന്നു വിശദീ​ക​രി​ക്കു​ക​യും ചെയ്‌തു. അപ്പോ​ഴേ​ക്കും ആ സ്‌ത്രീക്ക്‌ ഇറങ്ങേ​ണ്ടി​വന്നു. അവർ സാക്ഷിക്കു തന്റെ മേൽവി​ലാ​സം കൊടു​ത്തു, തുടർന്നു സാക്ഷി അവരെ സന്ദർശി​ച്ച​പ്പോൾ ആ സ്‌ത്രീ ഇപ്രകാ​രം പറഞ്ഞു: “ഇത്‌ അറിഞ്ഞി​രു​ന്നെ​ങ്കിൽ ഞാൻ ഒരു വർഷം മുമ്പേ ട്രാം​വ​ണ്ടി​യിൽ യാത്ര​ചെ​യ്യു​മാ​യി​രു​ന്നു!” അവർ എന്താണർത്ഥ​മാ​ക്കി​യ​തെന്നു ചോദി​ച്ച​പ്പോൾ ആ സ്‌ത്രീ ഇപ്രകാ​രം വിശദീ​ക​രി​ച്ചു: “ഞാൻ സർവ്വക​ലാ​ശാ​ല​യി​ലേക്കു ട്രാം​വ​ണ്ടി​യിൽ പോയത്‌ ആദ്യമാ​യി​ട്ടാ​യി​രു​ന്നു. നിങ്ങൾക്ക്‌ ഊഹി​ക്കാൻ കഴിയു​മോ? ഞാൻ ഒരുവർഷം കളഞ്ഞു​കു​ളി​ച്ചു!” ചൈന​യി​ലേക്കു തിരി​ച്ചു​പോ​കു​ന്ന​തി​നു​മുമ്പ്‌ ഏതാനും മാസ​ത്തേ​ക്കാ​ണെ​ങ്കി​ലും ബൈബിൾ പഠിക്കാൻ കഴിഞ്ഞ​തിൽ അവർ വളരെ സന്തോ​ഷ​വ​തി​യാ​യി​രു​ന്നു.

ഇത്തരത്തി​ലു​ള്ള അനുഭ​വങ്ങൾ ബൽജിയൻ സാക്ഷി​കളെ ഒരു പാഠം പഠിപ്പി​ച്ചി​രി​ക്കു​ന്നു. “രാവിലെ നിന്റെ വിത്തു വിതക്ക; വൈകു​ന്നേ​രത്തു നിന്റെ കൈ ഇളെച്ചി​രി​ക്ക​രുത്‌; ഇതോ, അതോ, ഏതു സഫലമാ​കും എന്നും രണ്ടും ഒരു​പോ​ലെ നന്നായി​രി​ക്കു​മോ എന്നും നീ അറിയു​ന്നി​ല്ല​ല്ലോ,” എന്ന്‌ ബൈബിൾ പറയുന്നു. (സഭാ​പ്ര​സം​ഗി 11:6) ഭാഷയു​ടെ​യും ആചാര​ത്തി​ന്റെ​യും പാരമ്പ​ര്യ​ത്തി​ന്റെ​യും പ്രതി​ബ​ന്ധ​ങ്ങളെ തരണം​ചെ​യ്യാൻ നടത്തുന്ന ശ്രമങ്ങൾ ഫലങ്ങൾ അർഹി​ക്കു​ന്ന​വ​ത​ന്നെ​യാണ്‌. ഉൻമേഷം കൈവ​രു​ത്തുന്ന പ്രതി​ക​ര​ണങ്ങൾ എല്ലാറ​റി​നു​മു​പരി ദൈവ​ത്തി​നു സത്യത്തിൽ “മുഖപ​ക്ഷ​മി​ല്ലെ​ന്നും ഏതു ജാതി​യി​ലും അവനെ ഭയപ്പെട്ടു നീതി പ്രവർത്തി​ക്കു​ന്ന​വനെ അവൻ അംഗീ​ക​രി​ക്കു​ന്നു എന്നും” തെളി​യി​ക്കു​ന്നു.—പ്രവൃ​ത്തി​കൾ 10:34, 35.