നൈജീ​രി​യ​യി​ലെ സുപ്രീം കോടതി മതസ്വാ​ത​ന്ത്ര്യ​ത്തെ ഉയർത്തി​പ്പി​ടി​ക്കു​ന്നു

ഗ്രാമ​വാ​സി​കൾ ഒരു കൃഷി​ക്കാ​രന്റെ വിളവു കൊള്ള​യ​ടി​ക്കു​ന്നു. മററു​ള്ളവർ ഒരു കൽപ്പണി​ക്കാ​രന്റെ ഭവനം ആക്രമി​ക്കു​ക​യും അയാളു​ടെ പണിയാ​യു​ധങ്ങൾ കൈവ​ശ​പ്പെ​ടു​ത്തു​ക​യും ചെയ്യുന്നു. മററു​ചി​ലർ വാങ്ങു​ക​യും വിൽക്കു​ക​യും ചെയ്യു​ന്ന​തിൽനിന്ന്‌ ഒരു സ്‌ത്രീ​യെ തടയുന്നു. അത്തരം ദ്രോഹം എന്തു​കൊണ്ട്‌? അതിനി​ര​യാ​കു​ന്നവർ, എല്ലാവ​രും യഹോ​വ​യു​ടെ സാക്ഷി​കൾതന്നെ, എയ്‌ജ്‌ ഗ്രേഡ്‌ അസോ​സി​യേ​ഷ​നു​ക​ളിൽ പങ്കെടു​ക്കു​ക​യി​ല്ലാ​ത്ത​തു​കൊ​ണ്ടാണ്‌ അതു സംഭവി​ക്കു​ന്നത്‌. ‘എന്തിൽ?’ എന്നു നിങ്ങൾ അതിശ​യി​ച്ചേ​ക്കാം.

ഒരു എയ്‌ജ്‌ ഗ്രേഡ്‌ അസോ​സി​യേഷൻ ഏതാണ്ട്‌ ഒരേ സമയത്ത്‌ ഒരേ ഗ്രാമ​ത്തിൽ ജനിച്ച ആളുകൾ, സാധാ​ര​ണ​ഗ​തി​യിൽ ആണുങ്ങൾ ചേർന്നുള്ള ഒരു സമാജ​മാണ്‌. എയ്‌ജ്‌ ഗ്രേഡ്‌ സമാജങ്ങൾ കിഴക്കൻ നൈജീ​രി​യ​യിൽ സാധാ​ര​ണ​മാണ്‌. അവർ ഒരു സാമൂ​ഹി​ക​പ​ദ്ധതി ഏറെറ​ടു​ത്തു നടത്തി​യേ​ക്കാം, എന്നാൽ അവർ വിഗ്ര​ഹാ​രാ​ധ​ന​യിൽ ഏർപ്പെ​ടു​ക​യും പ്രായ​പൂർത്തി​യാ​യി​രി​ക്കു​ന്നു എന്നു പ്രകട​മാ​ക്കാൻ ആത്മവി​ദ്യാ​ചാ​രങ്ങൾ നടത്തു​ക​യും കൂടെ ചെയ്യുന്നു. ബൈബിൾ അത്തരം ആചാര​ങ്ങളെ സത്യ​ക്രി​സ്‌ത്യാ​നി​കൾക്കു വിലക്കു​ന്ന​തു​കൊണ്ട്‌ യഹോ​വ​യു​ടെ സാക്ഷികൾ അത്തരം സമാജ​ങ്ങ​ളിൽ പങ്കെടു​ക്കു​ന്നില്ല.—1 കൊരി​ന്ത്യർ 10:20, 21; 1 യോഹ​ന്നാൻ 5:21.

ശമുവേൽ ഒകോബു നൈജീ​രി​യ​യി​ലെ ആബാ പട്ടണത്തിൽ ഒരു തയ്യൽക്കാ​ര​നാ​യി ജോലി​ചെ​യ്‌തി​രു​ന്നു. ആലായി​യി​ലെ ഉമുങ്കാ​ലു എയ്‌ജ്‌ ഗ്രേഡ്‌ അസോ​സി​യേ​ഷ​നി​ലെ അംഗങ്ങൾ ഒരു ആരോ​ഗ്യ​കേ​ന്ദ്രം പണിയാൻ സഹായി​ക്കു​ന്ന​തിന്‌ അയാൾ ഒരു “നികുതി” കൊടു​ക്ക​ണ​മെന്ന്‌ 1978-ന്റെ ആദ്യഘ​ട്ട​ത്തിൽ ആവശ്യ​പ്പെട്ടു. ഒരു സത്യ​ക്രി​സ്‌ത്യാ​നി​യെ​ന്ന​നി​ല​യിൽ ശമുവേൽ മററ്‌ ആളുകളെ സഹായി​ക്കാൻ കഠിന​യ​ത്‌നം ചെയ്യുന്നു, എന്നാൽ അയാൾ മനഃസാ​ക്ഷി​പൂർവ്വം എയ്‌ജ്‌ ഗ്രേഡ്‌ സമാജ​ത്തിൽ ഉൾപ്പെ​ടു​ന്ന​തി​നു വിസമ്മ​തി​ച്ചു. ആ വർഷം ഏപ്രിൽ 22-ാം തീയതി സംഘത്തി​ലെ ആറ്‌ അംഗങ്ങൾ അയാളു​ടെ കടയി​ലേക്ക്‌ അതി​ക്ര​മി​ച്ചു​ക​യ​റു​ക​യും അയാളു​ടെ തയ്യൽമെ​ഷീൻ എടുത്തു​കൊ​ണ്ടു​പോ​വു​ക​യും ചെയ്‌തു, അയാൾ പണം കൊടു​ക്കു​ന്ന​തു​വരെ അതു പിടി​ച്ചു​വെ​ക്കു​മെന്ന്‌ അവർ പറഞ്ഞു. താൻ അവരുടെ അസോ​സി​യേ​ഷ​നിൽ അംഗമ​ല്ലാ​ത്ത​തി​നാൽ ഒന്നും കൊടു​ക്കാൻ ബാദ്ധ്യ​സ്ഥ​ന​ല്ലെന്നു ശമുവേൽ എതിർത്തു പറഞ്ഞു. അയാൾക്കു തയ്യൽമെ​ഷീൻ വീണ്ടെ​ടു​ക്കാൻ കഴിയാ​തെ വന്നപ്പോൾ ശമുവേൽ പ്രശ്‌നം കോട​തി​യി​ലേക്കു കൊണ്ടു​പോ​യി.

കോട​തി​യിൽനി​ന്നു കോട​തി​യി​ലേക്ക്‌

ശമു​വേ​ലി​ന്റെ പ്രായം നിമിത്തം അയാൾ സ്വയമേവ അവരുടെ ഒരു അംഗമാ​ണെ​ന്നും അവർ തങ്ങളു​ടെ​മേൽത്തന്നെ ചുമത്തുന്ന ഏതു നികു​തി​യും കൊടു​ക്കാൻ അയാൾ ബാദ്ധ്യ​സ്ഥ​നാ​ണെ​ന്നും മുഖ്യ മജിസ്‌​ട്രേ​ററ്‌ കോട​തി​യിൽ എയ്‌ജ്‌ ഗ്രേഡ്‌ സമാജം വാദിച്ചു. ഒരു അംഗം നികു​തി​കൊ​ടു​ത്തി​ല്ലെ​ങ്കിൽ അയാൾ അതു കൊടു​ക്കു​ന്ന​തു​വരെ അയാളു​ടെ സ്വത്തു കൈവ​ശ​പ്പെ​ടു​ത്തുന്ന രീതി പ്രാ​ദേ​ശിക ആചാര​ത്തിൽ ഉണ്ടായി​രു​ന്നു.

കോടതി വിയോ​ജി​ച്ചു. ഒരു എയ്‌ജ്‌ ഗ്രേഡ്‌ സമാജ​ത്തിൽ അംഗമാ​യി​ത്തീ​രാൻ ശമു​വേ​ലി​നെ നിർബ​ന്ധി​ക്കാ​വു​ന്ന​ത​ല്ലെന്ന്‌ 1980 ഫെബ്രു​വരി 28-നു കോടതി വിധിച്ചു. മുഖ്യ മജിസ്‌​ട്രേ​ററ്‌ ഇപ്രകാ​രം പ്രഖ്യാ​പി​ച്ചു: “കൂട്ടാ​യ്‌മ​യു​ടെ കാര്യ​ത്തിൽ തെര​ഞ്ഞെ​ടു​ക്കാ​നുള്ള സ്വാത​ന്ത്ര്യം ഒരു പൗരനു നിഷേ​ധി​ക്കുന്ന ഒരു ആചാരം ഫെഡറൽ റിപ്പബ്ലിക്ക്‌ ഓഫ്‌ നൈജീ​രി​യ​യു​ടെ ഭരണഘ​ട​ന​യു​ടെ 37-ാം വകുപ്പിന്‌ എതിരാണ്‌, അതു​കൊണ്ട്‌ അതിനു നിയമ​പ്രാ​ബ​ല്യ​മില്ല.”

എയ്‌ജ്‌ ഗ്രേഡ്‌ സമാജം ഈ വിധി​ക്കെ​തി​രെ ഹൈ​ക്കോ​ട​തി​യിൽ അപ്പീൽ കൊടു​ക്കു​ക​യും വിജയി​ക്കു​ക​യും ചെയ്‌തു. അവിടെ ജഡ്‌ജി നികു​തി​കൊ​ടു​ക്കാൻ ശമു​വേ​ലി​നോട്‌ ആവശ്യ​പ്പെട്ടു, അത്‌ തന്റെ ജൻമസ​മു​ദാ​യ​ത്തി​ന്റെ പുരോ​ഗ​തി​ക്കു സംഭാവന ചെയ്യുന്ന ഒരു വിധം മാത്ര​മാ​ണെന്നു പ്രസ്‌താ​വി​ച്ചു​കൊ​ണ്ടു​തന്നെ.

അപ്പോൾ ശമുവേൽ ഒരു അനീതി​യാ​യി താൻ കണക്കാ​ക്കി​യ​തി​നെ​തി​രെ അപ്പീൽ കൊടു​ത്തു. അപ്പീൽകോ​ടതി ഹൈ​ക്കോ​ട​തി​യു​ടെ വിധി റദ്ദാക്കി​ക്കൊണ്ട്‌ ശമു​വേ​ലി​നു അനുകൂ​ല​മാ​യി തീർപ്പു​ക​ല്‌പി​ച്ചു. പരാജയം സമ്മതി​ക്കാൻ മനസ്സി​ല്ലാ​തെ എയ്‌ജ്‌ ഗ്രേഡ്‌ സമാജം നൈജീ​രി​യ​യി​ലെ സുപ്രീം​കോ​ട​തി​യിൽ കേസു കൊടു​ത്തു.

അതേസ​മ​യം, സമാജ​ത്തി​ലെ അംഗങ്ങൾ ശമു​വേ​ലി​ന്റെ ഗ്രാമ​ത്തിൽ ഓടി​ന​ട​ക്കു​ക​യാ​യി​രു​ന്നു. സാക്ഷികൾ എല്ലാ സാമു​ദാ​യിക പദ്ധതി​കൾക്കും എതിരാ​ണെന്നു വാദി​ച്ചു​കൊണ്ട്‌ ആ പ്രദേ​ശത്ത്‌ യഹോ​വ​യു​ടെ സാക്ഷി​ക​ളു​ടെ പ്രവർത്തനം നിരോ​ധി​ക്കാൻ അവർ ഗ്രാമ​ത്ത​ല​വനെ വശീക​രി​ച്ചു. പട്ടണത്തിൽ തീരു​മാ​നങ്ങൾ പ്രസി​ദ്ധ​മാ​ക്കുന്ന ഉദ്യോ​ഗസ്ഥൻ, യഹോ​വ​യു​ടെ സാക്ഷി​ക​ളു​മാ​യി ഇടപാ​ടു​കൾ നടത്തുന്ന ഏതൊ​രു​വ​നിൽനി​ന്നും പിഴ ഈടാ​ക്കു​മെന്നു വിളം​ബ​രം​ചെ​യ്‌തു. അയൽപ​ട്ട​ണ​ങ്ങ​ളിൽനി​ന്നുള്ള സാക്ഷികൾ ഇടപെ​ടു​ക​യും ഗ്രാമ മൂപ്പൻമാർക്കു കാര്യം വിശദ​മാ​ക്കി​ക്കൊ​ടു​ക്കു​ക​യും ചെയ്‌തു. ദൈവ​ത്തി​ന്റെ ജനം സാമു​ദാ​യിക പുരോ​ഗ​തിക്ക്‌ ഒരിക്ക​ലും എതിര​ല്ലെന്ന്‌ അവർ വിശദീ​ക​രി​ച്ചു. വാസ്‌ത​വ​ത്തിൽ, ശമുവേൽ എയ്‌ജ്‌ ഗ്രേഡ്‌ സമാജ​ങ്ങ​ളു​ടെ ഉത്തരവാ​ദി​ത്വ​ത്തി​ല​ല്ലാ​തെ​യുള്ള സാമു​ദാ​യിക പദ്ധതി​കൾക്ക്‌ സംഭാ​വ​ന​കൊ​ടു​ത്തി​ട്ടു​ണ്ടെന്നു തെളി​യി​ക്കുന്ന രസീതു​കൾ കോട​തി​യിൽ ഹാജരാ​ക്കി​യി​രു​ന്നു. ഗ്രാമ മൂപ്പൻമാർ അതിനു​ശേഷം സാക്ഷി​കൾക്കു സമുദാ​യ​ഭ്രഷ്ടു കല്‌പി​ക്കുന്ന തീരു​മാ​നം അസ്ഥിര​പ്പെ​ടു​ത്തി.

മതസ്വാ​ത​ന്ത്ര്യം വിജയി​ക്കു​ന്നു

നൈജീ​രി​യൻ സുപ്രീം​കോ​ട​തി​യി​ലെ അഞ്ചു ജഡ്‌ജി​മാർ 1991 ഒക്‌ടോ​ബർ 21-ാം തീയതി ശമു​വേ​ലിന്‌ അനുകൂ​ല​മാ​യി ഏകകണ്‌ഠ​മായ വിധി പുറ​പ്പെ​ടു​വി​ച്ചു. ജസ്‌റ​റിസ്‌ പോൾ നൊ​ക്കേ​ഡി​യു​ടെ പ്രധാ​ന​വി​ധി വിശദീ​ക​രി​ച്ചു​കൊ​ണ്ടു ജസ്‌റ​റിസ്‌ അബുബക്കർ വാലി ഇപ്രകാ​രം പ്രസ്‌താ​വി​ച്ചു: “പ്രതിക്ക്‌ [ശമുവേൽ] എതിർപ്പു​ള്ളത്‌ ചുമത്തിയ നികു​തി​യോ​ടല്ല, പിന്നെ​യോ അയാൾ യഹോ​വ​യു​ടെ സാക്ഷി​ക​ളി​ലെ ഒരു അംഗമാ​യ​തു​കൊണ്ട്‌ അയാളു​ടെ മതവി​ശ്വാ​സ​ത്തിന്‌ എതിരാ​ക​യാൽ ഏതെങ്കി​ലും സമുദാ​യ​ത്തി​ന്റെ​യോ ക്ലബ്ബി​ന്റെ​യോ എയ്‌ജ്‌ ഗ്രേഡി​ന്റെ​യോ ഒരു അംഗമാ​യി​രു​ന്നു​കൊണ്ട്‌ അതു കൊടു​ക്കു​ന്ന​തി​നോ​ടാണ്‌.”

ജഡ്‌ജി ഇപ്രകാ​രം തുടർന്നു: “എല്ലാ നൈജീ​രി​യൻ പൗരൻമാർക്കും 1963-ലെ ഭരണഘ​ട​ന​യു​ടെ സെക്‌ഷൻ 24 (1) മനഃസാ​ക്ഷി, ചിന്ത, മതം എന്നിവ​യിൽ സ്വാത​ന്ത്ര്യം ഉറപ്പു​നൽകു​ന്നു. പ്രതിക്കു തന്റെ മതവി​ശ്വാ​സ​വും ചിന്താ​ഗ​തി​യും മനഃസാ​ക്ഷി​യും പിടി​ച്ചു​കൊ​ള്ളു​ന്ന​തിന്‌ അവകാശം നൽകി​യി​രി​ക്കു​ന്നു, അവ എയ്‌ജ്‌ ഗ്രേഡിൽ ചേരു​ന്ന​തിൽനിന്ന്‌ അയാളെ തടയുന്നു. മറി​ച്ചൊ​രു കാര്യം അടി​ച്ചേൽപി​ക്കുന്ന ഏത്‌ ആചാര​വും ഭരണഘ​ട​നക്ക്‌ എതിരാണ്‌ അതു​കൊണ്ട്‌ ആ അളവിൽ അസാധു​വും നിരർത്ഥ​ക​വു​മാണ്‌.”

ചുരു​ക്കി​പ്പ​റ​ഞ്ഞാൽ, അംഗത്വം ഒരു സാമു​ദാ​യിക ആചാര​മാ​യി​രി​ക്കാ​മെ​ങ്കി​ലും എയ്‌ജ്‌ ഗ്രേഡ്‌ സമാജ​ത്തിൽ ചേരു​ന്ന​തിന്‌ ഒരാ​ളെ​യും നിർബ്ബ​ന്ധി​ക്കാ​വു​ന്ന​ത​ല്ലെന്ന്‌ കോടതി വിധി​യെ​ഴു​തി. താൻ അംഗമ​ല്ലാത്ത ഒരു അസോ​സി​യേ​ഷ​നിൽകൂ​ടെ നികുതി കൊടു​പ്പാൻ യാതൊ​രാ​ളെ​യും നിർബ്ബ​ന്ധി​ക്കാ​വു​ന്ന​ത​ല്ലെ​ന്നും അതു വിധിച്ചു, ആ നികു​തി​കൾ സാമു​ദാ​യിക പുരോ​ഗ​തി​ക്കു​വേണ്ടി ആയിരി​ക്കു​മ്പോൾപോ​ലും അതാണു സംഗതി. അങ്ങനെ, ബാഹ്യ​ദൃ​ഷ്ട്യാ ഈ നിസ്സാര കാര്യ​ത്തിൽപോ​ലും എല്ലാ നൈജീ​രി​യ​ക്കാർക്കു​മുള്ള മതസ്വാ​ത​ന്ത്ര്യം മുറു​കെ​പി​ടി​ക്ക​പ്പെട്ടു.