യഹോവ നമുക്കു​വേണ്ടി ചെയ്‌തി​രി​ക്കു​ന്നതു കാണുക!

“അത്തര​മൊ​രു അവസര​ത്തി​നാ​യി ഞങ്ങൾ പതിവാ​യി പ്രാർത്ഥി​ച്ചി​രു​ന്നു,” ഒരു മനുഷ്യൻ പറഞ്ഞു. മറെറാ​രു​വൻ പ്രാർത്ഥി​ക്കാ​നാ​യി എല്ലാ പ്രഭാ​ത​ത്തി​ലും നാലു മണിക്ക്‌ എഴു​ന്നേ​ററു. എന്തിനു​വേണ്ടി? “യഹോ​വയെ സ്വത​ന്ത്ര​മാ​യി ആരാധി​ക്കാൻ ഒരുനാൾ ഞങ്ങൾക്കു സ്വാത​ന്ത്ര്യം ലഭിക്കാൻ വേണ്ടി,” അയാൾ പറഞ്ഞു. ആയിര​ത്തി​തൊ​ള്ളാ​യി​രത്തി തൊണ്ണൂ​റ​റി​രണ്ട്‌ ജനുവ​രി​യിൽ എത്യോ​പ്യ​യി​ലുള്ള യഹോ​വ​യു​ടെ സാക്ഷികൾ അഡിസ്‌ അബാബ​യിൽ തങ്ങളുടെ “സ്വാത​ന്ത്ര്യ സ്‌നേ​ഹി​കൾ” ഡിസ്‌ട്രിക്ട്‌ കൺ​വെൻ​ഷനു കൂടി​വ​ന്ന​പ്പോൾ ഈ എളിയ, ആത്മാർത്ഥ​മായ പ്രാർത്ഥ​ന​കൾക്ക്‌ ഉത്തരം ലഭിച്ചി​രു​ന്നു​വെന്നു വ്യക്തമാ​യി​രു​ന്നു.

എത്യോ​പ്യ​യി​ലെ ആ സമ്മേളനം ആഫ്രി​ക്ക​യിൽ കാര്യ​ങ്ങൾക്ക്‌ എങ്ങനെ മാററം ഭവിച്ചു​കൊ​ണ്ടി​രി​ക്കു​ന്നു എന്നതിന്റെ ഒരു സൂചന​യാ​യി​രു​ന്നു. തങ്ങൾ മുമ്പു നിരോ​ധി​ക്ക​പ്പെ​ടു​ക​യോ നിയ​ന്ത്രി​ക്ക​പ്പെ​ടു​ക​യോ ചെയ്‌തി​രുന്ന അവിടത്തെ 13 ദേശങ്ങ​ളി​ലെ യഹോ​വ​യു​ടെ ജനം സമീപ​വർഷ​ങ്ങ​ളിൽ നിയമ​പ​ര​മായ സ്വാത​ന്ത്ര്യം ലഭിച്ച​തിൽ സന്തോ​ഷി​ച്ചി​രി​ക്കു​ന്നു. എത്യോ​പ്യ​യിൽ 1991 നവംമ്പർ 11-നു ഗവൺമെൻറ്‌ അധികാ​രി​കൾ അംഗീ​കാ​രം നൽകു​ക​യും രജിസ്‌​ട്രേഷൻ നടക്കു​ക​യും ചെയ്‌ത​പ്പോൾ 34 വർഷത്തെ ഔദ്യോ​ഗിക നിരോ​ധനം അവസാ​നി​ച്ചു. ഉടൻതന്നെ, സാക്ഷികൾ ഒരു അന്തർദ്ദേ​ശീയ കൺ​വെൻ​ഷൻ നടത്താൻ ക്രമീ​ക​ര​ണങ്ങൾ ചെയ്‌തു. അഡിസ്‌ അബാബ സിററി സ്‌റേ​റ​ഡി​യ​ത്തിൽ സമ്മേളിച്ച 7,573 പേരുടെ കൂട്ടത്തെ കണ്ടത്‌ ഏതൊ​രു​വ​ന്റെ​യും അതി​പ്രി​യ​ങ്ക​ര​മായ ഭാവന​യ്‌ക്ക്‌ അതീത​മാ​യി​രു​ന്നു. ഹാജരാ​യി​രു​ന്ന​വ​രിൽ അനേകർക്കും അതു സ്വപ്‌നം കാണു​ന്ന​തു​പോ​ലെ​യാ​യി​രു​ന്നു. “സഹോ​ദരാ, നമ്മുടെ ദൈവ​മായ യഹോവ നമുക്കു​വേണ്ടി ചെയ്‌തി​രി​ക്കു​ന്നതു കാണുക!” എന്ന്‌ അവർ വീണ്ടും വീണ്ടും അന്യോ​ന്യം പറഞ്ഞു​കൊ​ണ്ടി​രു​ന്നു.—സങ്കീർത്തനം 66:1-5; 126:1 താരത​മ്യം ചെയ്യുക.

അവർ 34 വർഷം നിരോ​ധ​ന​ത്തിൻ കീഴിൽ കഴിഞ്ഞതു ചില അപ്രതീ​ക്ഷിത പ്രശ്‌നങ്ങൾ സൃഷ്ടിച്ചു. മിക്കവർക്കും മനോ​ഹ​ര​മായ രാജ്യ​ഗീ​തങ്ങൾ പരിചി​ത​മാ​യി​രു​ന്നില്ല. കൺ​വെൻ​ഷനു മുമ്പ്‌ അവർ അതെങ്ങനെ പാടാൻ പഠിക്കും? കൺ​വെൻ​ഷൻ പരിപാ​ടി​യിൽ ഉപയോ​ഗിച്ച 17 എണ്ണം ഉൾപ്പെടെ 40 ഗീതങ്ങൾ അമാരിക്ക്‌ ഭാഷയി​ലേക്കു പരിഭാ​ഷ​പ്പെ​ടു​ത്തി. അതിനു​ശേഷം, ഈ ഗീതങ്ങൾ ഓഡി​യോ കാസറ​റു​ക​ളിൽ റെക്കോർഡു ചെയ്യു​ന്ന​തിന്‌ ഒരു പ്രത്യേക ഗായക​സം​ഘത്തെ സംഘടി​പ്പി​ച്ചു. തലസ്ഥാ​ന​ത്തുള്ള ഓരോ സഭയ്‌ക്കും ഈ ടേപ്പിന്റെ ഓരോ കോപ്പി​വീ​തം ലഭിച്ചു, യോഗ​ങ്ങൾക്കു മുമ്പും ശേഷവും ഗീതങ്ങൾ അഭ്യസി​ക്കു​ന്ന​തി​നു മുഴു​സ​ഭ​യും 30 മിനിട്ടു ചെലവ​ഴി​ക്കു​മാ​യി​രു​ന്നു. ഫലമെ​ന്താ​യി​രു​ന്നു? കൺ​വെൻ​ഷൻ സമയത്തു മുഴു​ഹൃ​ദ​യ​ത്തോ​ടു​കൂ​ടിയ, സന്തോ​ഷ​ഭ​രി​ത​മായ ഗീതാ​ലാ​പ​ന​ത്താൽ സ്‌റേ​റ​ഡി​യം നിറഞ്ഞു.

ആ രാജ്യ​ത്തി​ന്റെ കിഴക്കൻഭാ​ഗ​ത്തുള്ള കുഴപ്പങ്ങൾ നിമിത്തം ഡിറി​ഡ​വ​യിൽനി​ന്നും ഹാരറിൽനി​ന്നും തലസ്ഥാ​ന​ത്തേ​ക്കുള്ള വഴി അടച്ചി​രു​ന്നു. അവി​ടെ​നി​ന്നു യാത്ര ചെയ്യാ​നുള്ള ഏകമാർഗ്ഗം വിമാനം വഴിയാ​യി​രു​ന്നു. വിമാ​ന​യാ​ത്ര​ക്കൂ​ലി വഹിക്കാൻ നിവൃ​ത്തി​യി​ല്ലാ​ഞ്ഞി​ട്ടും കൺ​വെൻ​ഷ​നിൽ പങ്കെടു​ക്കാൻ ദൃഢനി​ശ്ചയം ചെയ്‌തി​രുന്ന ഹാരറി​ലെ എട്ടു സഹോ​ദ​രൻമാർ ഒരു പട്ടാള​ത്താ​വ​ള​ത്തി​ലേക്കു ചെന്ന്‌ ഒരു സൈനി​ക​വി​മാ​ന​ത്തിൽ യാത്ര ചെയ്യാ​നുള്ള അനുമ​തി​ക്കാ​യി അപേക്ഷി​ച്ചു. അവർ അതിശ​യി​ച്ചു​പോ​കു​മാറ്‌ അവർക്കു യാത്രാ​നു​മതി ലഭിച്ചു. അവർക്കു കൺ​വെൻ​ഷൻ സ്ഥലത്തേക്ക്‌ ഒരു സൗജന്യ യാത്ര ഏർപ്പാ​ടു​ചെ​യ്‌തു!

കഴിഞ്ഞ മൂന്നു ദശകങ്ങ​ളോ​ളം കഷ്ടതയും പീഡന​വും സഹിച്ചു​നി​ന്ന​വ​രും തങ്ങളുടെ സ്‌നേ​ഹി​തർ വിശ്വാ​സ​ത്തിൻപേ​രിൽ വധിക്ക​പ്പെ​ടു​ന്നതു കാണു​ക​പോ​ലും ചെയ്‌ത​വ​രു​മായ ഈ എത്യോ​പ്യൻ സഹോ​ദ​ര​ങ്ങൾക്കു തങ്ങളുടെ പ്രാർത്ഥ​ന​കൾക്ക്‌ ഉത്തരം ലഭിച്ച​താ​യി കണ്ടതു സന്തോ​ഷാ​ശ്രു​ക്കൾക്ക്‌ ഇടയാക്കി. ഒരു പ്രതി​നി​ധി ഇപ്രകാ​രം പറഞ്ഞു: “കൺ​വെൻ​ഷൻ തുടങ്ങി​യ​തു​മു​തൽ ഞാൻ കരഞ്ഞി​രി​ക്കു​ന്നു.” മറെറാ​രു​വൻ ഇങ്ങനെ അഭി​പ്രാ​യ​പ്പെട്ടു: “ഹൃദയ​ങ്ങളെ മനസ്സി​ലാ​ക്കാ​നുള്ള പ്രാപ്‌തി നിങ്ങൾക്കു​ണ്ടാ​യി​രു​ന്നെ​ങ്കിൽ, ഞാനെത്ര സന്തുഷ്ട​നാ​ണെന്നു നിങ്ങൾ കാണു​മാ​യി​രു​ന്നു.” അതെ, ഈ വിശ്വസ്‌ത സാക്ഷി​കൾക്കാ​യി യഹോവ എന്തൊരു അത്ഭുത​കാ​ര്യ​മാ​ണു ചെയ്‌തത്‌!—സങ്കീർത്തനം 66:16, 19.

പശ്ചിമ ആഫ്രി​ക്ക​യി​ലും മദ്ധ്യ ആഫ്രി​ക്ക​യി​ലും വർദ്ധിച്ച സ്വാത​ന്ത്ര്യം

യഹോ​വ​യു​ടെ ജനത്തിന്റെ വേലയ്‌ക്കു സമീപ​കാ​ലത്തു നിയമാം​ഗീ​കാ​രം ലഭിച്ച മറെറാ​രു ദേശമാ​ണു ബനിൻ. സാക്ഷി​കൾക്ക്‌ അതുസം​ബ​ന്ധിച്ച്‌ എങ്ങനെ തോന്നു​ന്നു? അവിടത്തെ ഒരു ക്രിസ്‌തീയ യോഗ​ത്തി​ലെ ഒരു പ്രസം​ഗകൻ ഇപ്രകാ​രം സമ്മതിച്ചു: “ഈ രാജ്യത്തെ ആരാധ​നാ​സ്വാ​ത​ന്ത്ര്യം യഥാർത്ഥ​ത്തിൽ യഹോ​വ​യിൽനി​ന്നുള്ള ഒരു സമ്മാന​മാണ്‌.” അതെ, ആരാധ​ന​യ്‌ക്ക്‌ ഒരുമി​ച്ചു​കൂ​ടു​ന്ന​തി​നും തങ്ങളുടെ അയൽക്കാ​രോ​ടു യഹോ​വ​യു​ടെ രാജ്യ​ത്തേ​ക്കു​റി​ച്ചു സംസാ​രി​ക്കു​ന്ന​തി​നു​മുള്ള അനിയ​ന്ത്രി​ത​സ്വാ​ത​ന്ത്ര്യം ആസ്വദി​ക്കാൻ കഴിയു​ന്ന​തിൽ അവി​ടെ​യുള്ള യഹോ​വ​യു​ടെ ദാസൻമാർ അഗാധ​മായ നന്ദിയു​ള്ള​വ​രാണ്‌—നമ്മിൽ ഒട്ടേ​റെ​പ്പേർ അലക്ഷ്യ​മാ​ക്കുന്ന സ്വാത​ന്ത്ര്യ​ങ്ങൾ തന്നെ.

അവർ തങ്ങളുടെ സന്തോഷം എങ്ങനെ പ്രകട​മാ​ക്കും? മേലു​ദ്ധ​രിച്ച പ്രസം​ഗകൻ ഇങ്ങനെ പറഞ്ഞ​പ്പോൾ ഒരു വിധത്തി​ലേക്കു വിരൽചൂ​ണ്ടി: “പ്രസം​ഗ​വേ​ല​യി​ലെ നമ്മുടെ പങ്കുപ​ററൽ—പ്രത്യേ​കി​ച്ചു നാം വീടു​തോ​റും സുവാർത്ത​യു​മാ​യി പോകു​ന്നത്‌—ഈ സ്വാത​ന്ത്ര്യ​ത്തോ​ടുള്ള നമ്മുടെ വിലമ​തി​പ്പി​നെ പ്രതി​ഫ​ലി​പ്പി​ക്കു​ന്നു.” തീർച്ച​യാ​യും ബനിനിൽ ഇതാണു വാസ്‌ത​വ​മാ​യി​രി​ക്കു​ന്നത്‌. തെളി​വെ​ന്ന​നി​ല​യിൽ, പയനി​യർമാ​രു​ടെ എണ്ണം നോക്കുക. ആയിര​ത്തി​തൊ​ള്ളാ​യി​രത്തി തൊണ്ണൂ​റു ജനുവ​രി​യിൽ, 14 വർഷത്തെ നിരോ​ധനം നീക്കം ചെയ്യപ്പെട്ട മാസം, 77 പ്രസാ​ധകർ നിരന്ത​ര​മു​ഴു​സമയ ശുശ്രൂ​ഷ​യിൽ ഏർപ്പെ​ട്ടി​രു​ന്നു. രണ്ടു വർഷത്തി​നു​ശേഷം ആ സംഖ്യ മൂന്നു​മ​ട​ങ്ങി​ല​ധി​കം വർദ്ധിച്ച്‌ 244 ആയി!

നിരോ​ധ​നം നീക്ക​പ്പെ​ടു​ന്ന​തി​നു​മു​മ്പു ബനിനി​ലെ സാക്ഷികൾ സജീവ​ര​ല്ലാ​യി​രു​ന്നു എന്നല്ല പറയു​ന്നത്‌. അവരെ അറസ്‌ററു ചെയ്‌തു കൊണ്ടു​വന്ന ക്യാമ്പിൽ നിയോ​ഗി​ക്ക​പ്പെട്ട ഒരു പട്ടാള ഉദ്യോ​ഗ​സ്ഥന്റെ മേൽ അവരുടെ സഹിഷ്‌ണു​തക്ക്‌, തീർച്ച​യാ​യും, ആഴമായ ഫലം ഉളവാ​ക്കാൻ കഴിഞ്ഞു. യഹോ​വയെ സേവി​ക്കാ​നുള്ള അവരുടെ ദൃഢനി​ശ്ചയം കൂടെ​ക്കൂ​ടെ​യുള്ള അറസ്‌റ​റു​ക​ളി​ലേക്കു നയിച്ച​തി​നാൽ, താൻ മിക്ക​പ്പോ​ഴും സാക്ഷി​ക​ളു​മാ​യി നിരന്ത​ര​സ​മ്പർക്ക​ത്തി​ലാ​ണെന്ന്‌ അയാൾ കണ്ടെത്തി. എന്നാൽ ഇത്‌ അവർ നിയമ​പ​ര​മായ സ്വാത​ന്ത്ര്യം ആസ്വദി​ച്ചി​രുന്ന മുൻകാ​ല​ങ്ങ​ളിൽ തനിക്ക്‌ അവരോ​ടൊ​ത്തു​ണ്ടാ​യി​രുന്ന ആസ്വാ​ദ്യ​മായ ബൈബിൾ ചർച്ചക​ളേ​ക്കു​റിച്ച്‌ അയാളെ ഓർമ്മി​പ്പി​ക്കാൻ ഉതകി​യ​തേ​യു​ള്ളു.

ഒടുവിൽ, അവരുടെ ശക്തമായ വിശ്വാ​സം അയാളിൽ ആത്മീയ വിശപ്പി​ന്റെ ഒരു വികാരം ഉണർത്തി. അയാൾ വ്യത്യസ്‌ത സഭകളും വിഭാ​ഗ​ങ്ങ​ളും സന്ദർശി​ച്ചു​വെ​ങ്കി​ലും ഒരിക്ക​ലും ആ വിശപ്പു തൃപ്‌തി​പ്പെ​ടു​ത്താൻ കഴിഞ്ഞില്ല. ആയിര​ത്തി​തൊ​ള്ളാ​യി​രത്തി തൊണ്ണൂ​റു ജനുവ​രി​യിൽ നിരോ​ധനം നീക്കം ചെയ്യ​പ്പെ​ട്ട​തി​നു​ശേഷം മാത്ര​മാണ്‌ അയാൾക്കു സാക്ഷി​ക​ളു​മാ​യി സ്വത​ന്ത്ര​മാ​യി ബൈബിൾചർച്ച നടത്താ​നും തന്റെ ആത്മീയ ആവശ്യ​ത്തി​നു പരിഹാ​രം കണ്ടെത്താ​നും കഴിഞ്ഞത്‌. അയാൾ ഇപ്പോൾ സ്‌നാ​പ​ന​മേ​ററ്‌ ഒരു പയനി​യ​റാ​യി പ്രവർത്തി​ക്കു​ന്നു. ഒരർത്ഥ​ത്തിൽ, അയാളു​ടെ മാററം തർസൊ​സി​ലെ ശൗലിനു വന്ന മാററ​ത്തേ​ക്കു​റി​ച്ചു ബനിനി​ലെ സഹോ​ദ​രൻമാ​രെ ഓർമ്മി​പ്പി​ക്കു​ന്നു: “മുമ്പു നമ്മെ പീഡി​പ്പിച്ച ഈ മനുഷ്യൻ ഇപ്പോൾ വിശ്വാ​സത്തെ സംബന്ധിച്ച സുവാർത്ത പ്രഖ്യാ​പി​ക്കു​ന്നു.”—ഗലാത്യർ 1:23, NW.

ആയിര​ത്തി​തൊ​ള്ളാ​യി​രത്തി തൊണ്ണൂ​റ​റി​യൊ​ന്നു ഡിസം​ബ​റിൽ മറെറാ​രു പശ്ചിമാ​ഫ്രി​ക്കൻ രാജ്യ​മായ നൈജ​റിൽ യഹോ​വ​യു​ടെ സക്ഷികൾ ഒരു നിയമാ​നു​സൃത കോർപ്പ​റേഷൻ എന്ന നിലയിൽ രജിസ്‌ററർ ചെയ്യ​പ്പെ​ടു​ക​യും അവരുടെ വേലയിൻമേ​ലുള്ള നിയ​ന്ത്ര​ണങ്ങൾ അവസാ​നി​ക്കു​ക​യും ചെയ്‌തു. ഇവി​ടെ​യും ഒരു സന്തോ​ഷ​ഭ​രി​ത​മായ പ്രതി​ക​രണം ഉണ്ടായി​രു​ന്നു. നൈജ​റി​നു​വേണ്ടി ഉത്തരവാ​ദി​ത്വം വഹിക്കുന്ന നൈജീ​രിയ ബ്രാഞ്ച്‌ ഒരു കൺ​വെൻ​ഷ​നി​ലെ പ്രതി​ക​ര​ണ​ത്തേ​ക്കു​റിച്ച്‌ ഇങ്ങനെ റിപ്പോർട്ടു ചെയ്യുന്നു: “മറോഡി കൺ​വെൻ​ഷ​നി​ലെ വെള്ളി​യാ​ഴ്‌ചത്തെ മുഖ്യ​വി​ഷ​യ​പ്ര​സം​ഗ​ത്തി​നു​ശേഷം നമുക്ക്‌ ഇപ്പോൾ നൈജ​റിൽ നിയമാം​ഗീ​കാ​രം ഉണ്ട്‌ എന്നു സഹോ​ദ​രൻമാ​രെ അറിയി​ച്ചു. അവർ വളരെ ആവേശ​ഭ​രി​ത​രാ​യി​ത്തീ​രു​ക​യും അനേക​മി​നി​ട്ടു​ക​ളോ​ളം കരഘോ​ഷം മുഴക്കു​ക​യും ചെയ്‌തു. സെഷൻ സമാപി​ച്ച​പ്പോൾ സഹോ​ദ​രങ്ങൾ അന്യോ​ന്യം കെട്ടി​പ്പു​ണർന്ന്‌ അത്തര​മൊ​രു സുവാർത്ത​യിൽ സന്തോ​ഷി​ച്ചു​കൊ​ണ്ടു വികാ​ര​പ്ര​ക​ടനം നടത്തി.” ആ രംഗം നമുക്കു ഭാവന​യിൽ കാണാൻ കഴിയും, നാം അവരോ​ടൊ​ത്തു സന്തോ​ഷി​ക്കു​ന്നു.

പുതു​താ​യി ലഭിച്ച തങ്ങളുടെ സ്വാത​ന്ത്ര്യ​ത്തെ അവി​ടെ​യുള്ള സഹോ​ദ​രങ്ങൾ എങ്ങനെ വിനി​യോ​ഗി​ക്കും? ആ ചോദ്യ​ത്തി​ന്റെ ഉത്തരം സംബന്ധി​ച്ചു നൈജ​റി​ലെ ഒരു പയനിയർ സഹോ​ദ​രി​ക്കു യാതൊ​രു സംശയ​വു​മില്ല. അവൾ എഴുതു​ന്നു: “നൈജ​റി​ലെ ഞങ്ങളുടെ പ്രദേ​ശത്ത്‌ അവസാ​ന​ത്തി​നു​മു​മ്പു മഹാബാ​ബി​ലോ​നിൽ നിന്നു പുറത്തു​വ​രാ​നി​രി​ക്കു​ന്ന​വ​രു​ടെ എണ്ണം ധാരാ​ള​മാ​ണെന്നു വസ്‌തു​തകൾ പ്രകട​മാ​ക്കു​ന്നു. ഇതിന്റെ തെളി​വെ​ന്ന​നി​ല​യിൽ, എന്റെ ധാരാളം സന്ദർശ​നങ്ങൾ ഞാൻ മററു പ്രസാ​ധ​കർക്കു കൈമാ​റി​യി​രി​ക്കു​ന്നു എന്ന വസ്‌തുത ഉണ്ടായി​രു​ന്നി​ട്ടും ഓരോ മാസവും 80 മുതൽ 85 വരെ മടക്കസ​ന്ദർശ​നങ്ങൾ റിപ്പോർട്ടു ചെയ്യാ​നും 13-ഓ 14-ഓ ബൈബിൾ അദ്ധ്യയ​നങ്ങൾ നടത്താ​നും എനിക്കു കഴിഞ്ഞി​ട്ടുണ്ട്‌.” ഈ വിശ്വസ്‌ത സഹോ​ദരി ഇങ്ങനെ കൂട്ടി​ച്ചേർക്കു​ന്നു: “എന്റെ ആരോ​ഗ്യ​പ്ര​ശ്‌നങ്ങൾ നിമിത്തം ഞാൻ ആഗ്രഹി​ക്കുന്ന അളവോ​ളം വയൽശു​ശ്രൂ​ഷ​യിൽ പ്രവർത്തി​ക്കാൻ എനിക്കു കഴിയു​ന്നില്ല, എന്നാൽ ഓരോ​രു​ത്ത​രും തന്നാൽ ആവുന്നതു ചെയ്യുന്നു.”

മദ്ധ്യാ​ഫ്രി​ക്ക​യി​ലുള്ള റുവാ​ണ്ട​യി​ലെ യഹോ​വ​യു​ടെ സാക്ഷി​ക​ളു​ടെ അവസ്ഥയും നാടകീ​യ​മാ​യി മാറി​യി​രി​ക്കു​ന്നു. ഒടുവിൽ അവരെ ഒരു നിയമാ​ധി​ഷ്‌ഠിത സ്ഥാപന​മാ​ക്കി​ക്കൊണ്ട്‌ 1992 ഏപ്രി​ലിൽ ഒരു പ്രമാണം വിളം​ബരം ചെയ്യ​പ്പെട്ടു. ഈ പ്രമാണം സ്‌മാ​ര​ക​ത്തി​ന്റെ അതേ ആഴ്‌ച​യി​ലാണ്‌ ലഭിച്ചത്‌. ആറായി​ര​ത്തി​യി​രു​നൂ​ററി ഇരുപ​ത്തെട്ടു പേർ ഈ സംഭവ​ത്തി​നു ഹാജരാ​യതു കണ്ടതിൽ റുവാ​ണ്ട​യി​ലെ 1,526 പ്രസാ​ധകർ പുളകി​ത​രാ​യി. ഈ പ്രിയ സഹോ​ദ​രങ്ങൾ സുവാർത്ത പ്രസം​ഗി​ക്കു​ന്ന​തി​ലെ കൂടുതൽ പ്രവർത്ത​ന​ത്താൽ തങ്ങളുടെ സന്തോ​ഷ​വും വിലമ​തി​പ്പും പ്രകട​മാ​ക്കു​മോ? അതു വ്യക്തം! അതേ ഏപ്രിൽ മാസത്തിൽ സഭാ​പ്ര​സാ​ധകർ പ്രസം​ഗ​വേ​ല​യിൽ 27.7 മണിക്കൂ​റി​ന്റെ​യും 17 മടക്കസ​ന്ദർശ​ന​ത്തി​ന്റെ​യും ശരാശ​രി​യി​ലെ​ത്തു​ക​യും ശരാശരി 2.4 ബൈബി​ള​ദ്ധ്യ​യ​നങ്ങൾ നടത്തു​ക​യും ചെയ്‌തു. അവരിൽ ഏകദേശം 40 ശതമാനം പേർ ഏതെങ്കി​ലും രൂപത്തി​ലുള്ള മുഴു​സ​മ​യ​സേ​വ​ന​ത്തി​ലാ​യി​രു​ന്നു.

തെക്കൻ ആഫ്രി​ക്ക​യിൽ നിയമാം​ഗീ​കാ​രം ലഭിക്കു​ന്നു

അങ്ങു തെക്കൻ ആഫ്രി​ക്ക​യിൽ രണ്ടു മനോഹര ദേശങ്ങ​ളായ മൊസാം​ബി​ക്കി​ലും അംഗോ​ള​യി​ലും സ്വാത​ന്ത്ര്യ​ത്തി​ന്റെ പുത്തൻ കാററു​കൾ വീശി. മൊസാം​ബി​ക്കിൽ 1991 ഫെബ്രു​വ​രി​യിൽ നിയമാം​ഗീ​കാ​രം നൽക​പ്പെട്ടു. അവിടത്തെ സ്ഥിതി ശാന്തമാ​യ​പ്പോൾ, ആഭ്യന്ത​ര​യു​ദ്ധ​ത്താൽ ദാരു​ണ​മാ​യി തരിപ്പ​ണ​മാ​ക്ക​പ്പെട്ട ആ രാജ്യ​ത്തേക്കു വാച്ച്‌ ടവർ ബൈബിൾ ആൻഡ്‌ ട്രാക്‌ററ്‌ സൊ​സൈ​ററി മിഷണ​റി​മാ​രെ അയച്ചു. ആ മിഷണ​റി​മാർ ഫലഭൂ​യി​ഷ്‌ഠ​മായ മണ്ണു കണ്ടെത്തി. ബൈബിൾസാ​ഹി​ത്യ​ത്തിന്‌—വിശേ​ഷാൽ യുവജ​നങ്ങൾ ചോദി​ക്കുന്ന ചോദ്യ​ങ്ങ​ളും പ്രാ​യോ​ഗി​ക​മായ ഉത്തരങ്ങ​ളും എന്ന പുസ്‌ത​ക​ത്തിന്‌—വർദ്ധിച്ച ആവശ്യ​മുണ്ട്‌. രണ്ടര മണിക്കൂ​റിൽ കുറഞ്ഞ സമയം​കൊണ്ട്‌ 50 പുസ്‌ത​കങ്ങൾ സമർപ്പി​ച്ച​താ​യി ഒരു മിഷനറി സഹോ​ദരി റിപ്പോർട്ടു ചെയ്യുന്നു.

താൽപ​ര്യ​ക്കാ​രാ​യ ആളുകൾ പെട്ടെന്നു പ്രതി​ക​രി​ക്കു​ന്നു. സൊ​സൈ​റ​റി​ക്കു കൊടു​ക്ക​പ്പെട്ട ഒരു മേൽവി​ലാ​സ​ത്തിൽ ഒരു മിഷനറി സന്ദർശനം നടത്തി, അതൊരു പട്ടാള​ക്കാ​ര​ന്റേ​താ​യി​രു​ന്നു. ആ മനുഷ്യ​നു​മാ​യും അയാളു​ടെ രണ്ടു ബന്ധുക്ക​ളു​മാ​യും ഒരു നല്ല ചർച്ച നടത്തി. മടക്കസ​ന്ദർശനം നടത്തി​യ​പ്പോൾ അയാളു​മാ​യും വേറെ അഞ്ചു​പേ​രു​മാ​യും ഫലകര​മായ മറെറാ​രു ചർച്ച നടത്തി. അതിനു​ശേഷം അവർ പരസ്യ​പ്ര​സം​ഗ​ത്തി​നും വീക്ഷാ​ഗോ​പുര അദ്ധ്യയ​ന​ത്തി​നും ഹാജരാ​കു​ന്ന​തി​നുള്ള ക്ഷണം സ്വീക​രി​ച്ചു—എല്ലാം നാലു ദിവസ​ത്തി​നു​ള്ളിൽ.

അംഗോ​ള​യിൽ സാക്ഷികൾ 1992 ഏപ്രി​ലിൽ തങ്ങളുടെ വേലക്കു നിയമാം​ഗീ​കാ​രം ലഭിക്കു​ന്ന​തിൽ പരമകാഷ്‌ഠ പ്രാപിച്ച, വർദ്ധി​ച്ചു​വ​രുന്ന സ്വാത​ന്ത്ര്യം ആസ്വദി​ച്ചി​രി​ക്കു​ന്നു. അവർ തങ്ങളുടെ വർദ്ധിച്ച സ്വാത​ന്ത്ര്യം എങ്ങനെ​യാണ്‌ ഉപയോ​ഗ​പ്പെ​ടു​ത്തു​ന്നത്‌? അവർ വയൽ സേവന​ത്തിൽ പങ്കുപ​റ​റു​ക​യാണ്‌! അംഗോ​ള​യിൽ 17,000-ത്തോട​ടു​ത്തു പ്രസാ​ധകർ ഉണ്ട്‌, ആ പ്രസാ​ധകർ ഏകദേശം 60,000 ബൈബി​ള​ദ്ധ്യ​യ​നങ്ങൾ നടത്തുന്നു. ഭാവി​വർദ്ധ​ന​വിന്‌ എന്തൊരു പ്രതീക്ഷ!

കുട്ടികൾ സാക്ഷീ​ക​ര​ണ​ത്തിൽ പങ്കെടു​ക്കു​ന്നു

സമീപ​കാ​ലത്തു പ്രസം​ഗ​വേല നിയമ​പ​ര​മാ​ക്ക​പ്പെട്ട ഈ രാജ്യ​ങ്ങ​ളിൽ കുട്ടി​ക​ളും ഇപ്പോ​ഴും സ്‌നാ​പ​ന​മേൽക്കാ​ത്ത​വ​രും പോലും ശുശ്രൂ​ഷ​യി​ലെ പ്രവർത്ത​ന​ത്താൽ തങ്ങളുടെ വിലമ​തി​പ്പു പ്രകട​മാ​ക്കു​ക​യാണ്‌. ആയിര​ത്തി​തൊ​ള്ളാ​യി​രത്തി തൊണ്ണൂ​റു നവംബ​റിൽ യഹോ​വ​യു​ടെ സാക്ഷി​കളെ നിയമ​പ​ര​മാ​യി അംഗീ​ക​രിച്ച കേപ്പ്‌ വെർഡി റിപ്പബ്ലി​ക്കി​ലെ ഒരു കൺ​വെൻ​ഷ​നിൽ വിശ്വാ​സ​ത്തി​ന്റെ ഒരു പരസ്യ​പ്ര​ക​ടനം നടത്താൻ 17 വയസ്സുള്ള ഒരു പെൺകു​ട്ടി എഴു​ന്നേ​ററു നിന്നു. സ്‌നാ​പ​ന​ത്തി​നു​ശേഷം അവളുടെ ചുററും ഒരു ആൾക്കൂട്ടം നിൽക്കു​ന്നത്‌ ഒരു സന്ദർശകൻ കണ്ടു. അവളെ അഭിന​ന്ദി​ക്കാൻ അയാൾ അവളുടെ അടു​ത്തേക്കു പോയി, ആ ആൾക്കൂട്ടം ആരാ​ണെന്ന്‌ അയാൾ തിരക്കി. “ഓ, ഇതെന്റെ ബൈബിൾ അദ്ധ്യയ​ന​ങ്ങ​ളാണ്‌,” അവൾ മറുപടി പറഞ്ഞു. അവൾ ഏഴ്‌ അദ്ധ്യയ​നങ്ങൾ നടത്തി​യി​രു​ന്നു, അവർ അവളുടെ സ്‌നാ​പ​ന​ത്തിൽ അവളെ അഭിന​ന്ദി​ച്ചു​കൊണ്ട്‌ അവിടെ എത്തിയി​രു​ന്നു. അവൾ ഒരു സഹായ​പ​യ​നി​യ​റാ​യി സേവി​ക്കാ​നുള്ള അപേക്ഷ സമർപ്പി​ച്ചി​രു​ന്നു, കാല​ക്ര​മ​ത്തിൽ ഒരു നിരന്തര പയനി​യ​റാ​യി യോഗ്യത നേടു​ന്ന​തി​ലേക്ക്‌ അവൾ നോക്കി​പ്പാർത്തി​രു​ന്നു.

അംഗോ​ള​യി​ലെ പത്തു വയസ്സു​കാ​രി​യായ ഒരു പെൺകു​ട്ടി​യോട്‌ അവൾ ഒരു പ്രസാ​ധ​ക​യാ​ണോ​യെന്നു ചോദി​ച്ചു. അവൾ മറുപടി പറഞ്ഞു: “അതെ.” അവൾ ഏതെങ്കി​ലും ബൈബി​ള​ദ്ധ്യ​യ​നങ്ങൾ നടത്തി​യി​രു​ന്നോ? “തീർച്ച​യാ​യും.” എത്ര? “ഏഴ്‌,” ഈ പത്തു വയസ്സു​കാ​രി ഉത്തരം നൽകി.

ഒന്നാം നൂററാ​ണ്ടിൽ ഒരു സമയത്ത്‌, “യെഹൂദ്യ, ഗലീല, ശമര്യ എന്നീ ദേശങ്ങ​ളിൽ ഒക്കെയും സഭെക്കു സമാധാ​നം ഉണ്ടായി, അത്‌ ആത്മിക​വർദ്ധന പ്രാപി​ച്ചും കർത്താ​വി​നോ​ടുള്ള ഭക്തിയി​ലും പരിശു​ദ്ധാ​ത്മാ​വി​ന്റെ പ്രബോ​ധ​ന​യി​ലും നടന്നും പെരു​കി​ക്കൊ​ണ്ടി​രു​ന്നു” എന്നു നാം അപ്പൊ​സ്‌ത​ല​പ്ര​വൃ​ത്തി​ക​ളു​ടെ പുസ്‌ത​ക​ത്തിൽ വായി​ക്കു​ന്നു. (പ്രവൃ​ത്തി​കൾ 9:31) ആഫ്രി​ക്ക​യി​ലെ നമ്മുടെ സഹോ​ദ​ര​ങ്ങൾക്ക്‌ ഇതും സാമാ​ധാ​ന​ത്തി​ന്റെ ഒരു കാലഘ​ട്ട​മാ​യി പരിണ​മി​ക്കട്ടെ എന്നു ഞങ്ങൾ പ്രാർത്ഥി​ക്കു​ന്നു. അവർ കെട്ടു​പണി ചെയ്യ​പ്പെ​ടു​മ്പോൾ നാം അവരോ​ടൊ​ത്തു സന്തോ​ഷി​ക്കു​ന്നു, അവർ തങ്ങളുടെ സ്വാത​ന്ത്ര്യം സുവാർത്ത വ്യാപി​പ്പി​ക്കാൻ പ്രയോ​ജ​ന​പ്പെ​ടു​ത്തു​ക​യും വർദ്ധി​ച്ചു​വ​രി​ക​യും ചെയ്യു​മ്പോൾ യഹോ​വ​യു​ടെ ആത്മാവ്‌ അവരു​ടെ​മേൽ ഉണ്ടായി​രി​ക്ക​ട്ടെ​യെന്നു ഞങ്ങൾ പ്രാർത്ഥി​ക്കു​ന്നു.

[24-ാം പേജിലെ ഭൂപടം]

[പൂർണ​രൂ​പ​ത്തിൽ കാണു​ന്ന​തി​നു പ്രസി​ദ്ധീ​ക​രണം നോക്കുക]

യഹോവയുടെ സാക്ഷിൾക്കു നിയമാം​ഗീ​കാ​രം കൊടു​ക്ക​പ്പെ​ട്ട​തോ അവരു​ടെ​മേ​ലുള്ള നിയ​ന്ത്ര​ണങ്ങൾ നീക്കം​ചെ​യ്യ​പ്പെ​ട്ട​തോ ആയ ദേശങ്ങൾ

1. ഗാംബിയ, ഡിസംബർ 1989

2. ബനിൻ, ജനുവരി 1990

3. കേപ്പ്‌ വെർഡി റിപ്പബ്ലിക്ക്‌, നവംബർ 1990

4. മൊസാം​ബിക്‌, ഫെബ്രു​വരി 1991

5. ഘാന, നവംബർ 1991

6. എത്യോ​പ്യ, നവംബർ 1991

7. കോം​ഗോ, നവംബർ 1991

8. നൈജർ, ഡിസംബർ 1991

9. ടോഗോ, ഡിസംബർ 1991

10. ചാഡ്‌, ജനുവരി 1992

11. കെനിയ, മാർച്ച്‌ 1992

12. അംഗോള, ഏപ്രിൽ 1992

13. റുവാണ്ട, ഏപ്രിൽ 1992

[23-ാം പേജിലെ ചിത്രം]

ബനിനിൽ ഒരു രാജ്യ​പ്ര​സാ​ധകൻ സംസാ​രി​ക്കുന്ന തന്റെ ചെണ്ടയിൽ മത്തായി 24:14-ലെ വാക്കുകൾ കൊട്ടി​ഘോ​ഷി​ക്കു​ന്നു

[25-ാം പേജിലെ ചിത്രം]

ആഫ്രിക്കയിലെ അനേകം ദേശങ്ങ​ളിൽ സത്യ​ക്രി​സ്‌ത്യാ​നി​കൾ പുതു​താ​യി തങ്ങൾക്കു ലഭിച്ച സ്വാത​ന്ത്രത്തെ നന്നായി ഉപയോ​ഗ​പ്പെ​ടു​ത്തു​ന്നു

[26-ാം പേജിലെ ചിത്രം]

പുതിയ സാക്ഷികൾ യഹോ​വ​ക്കുള്ള തങ്ങളുടെ സമർപ്പ​ണത്തെ ജലസ്‌നാ​പ​ന​ത്താൽ പ്രതീ​ക​പ്പെ​ടു​ത്തു​ന്നു