ലോക​ത്തിൽ ജ്യോ​തി​സ്സു​ക​ളെ​പ്പോ​ലെ പ്രശോ​ഭി​ക്കൽ

ധാർമ്മിക വക്രത​യാ​ലും വികട​ത്ത​ര​ത്താ​ലും ദുഷി​ച്ചു​പോ​യി​രി​ക്കുന്ന ഒരു ലോക​ത്തിൽ ഭൂവ്യാ​പ​ക​മാ​യി സത്യ​ക്രി​സ്‌ത്യാ​നി​കൾ പ്രകാ​ശ​ത്തി​ന്റെ ഉറവു​ക​ളാ​യി​ക്കേ​ണ്ട​താണ്‌. അവർ ഇരുണ്ട ഒരു ലോക​ത്തിൽ ജ്യോ​തി​സ്സു​ക​ളാ​യി​രി​ക്കേ​ണ്ട​താണ്‌. (ഫിലി​പ്പി​യർ 2:15) അനേകാ​യി​രങ്ങൾ പയനി​യർമാർ അഥവാ മുഴു​സമയ പ്രസം​ഗ​ക​രെന്ന നിലയിൽ ഇതു ചെയ്യാൻ സന്നദ്ധരാണ്‌. അവരിൽ ഒരു വലിയ സംഖ്യ സേവന​ത്തിൽ ദീർഘ​വർഷങ്ങൾ ചെലവ​ഴി​ക്കു​ക​യും എല്ലാത്ത​ര​മാ​ളു​ക​ളും യേശു​ക്രി​സ്‌തു​വി​ന്റെ യഥാർത്ഥ ശിഷ്യ​രാ​യി​ത്തീ​രാൻ ജീവി​ത​ത്തിൽ മാററം വരുത്തു​ന്നതു കണ്ടതി​ലൂ​ടെ പ്രതി​ഫലം പ്രാപി​ക്കു​ക​യും ചെയ്‌തി​ട്ടുണ്ട്‌.—മത്തായി 28:19.

ഈ പവിത്ര സേവന​ത്തിൽ തുടരാ​നും തങ്ങളുടെ പഠിപ്പി​ക്കൽ വൈദ​ഗ്‌ദ്ധ്യ​ത്തിൽ മെച്ച​പ്പെ​ടാ​നും ഈ പയനി​യർമാ​രെ പ്രോൽസാ​ഹി​പ്പി​ക്കു​ന്ന​തി​നു യഹോ​വ​യു​ടെ സാക്ഷികൾ പയനി​യർസേ​വ​ന​സ്‌കൂൾ ക്രമീ​ക​രി​ച്ചി​രി​ക്കു​ന്നു. അതു പയനി​യർമാ​രെ മൂന്നു മണ്ഡലങ്ങ​ളിൽ സഹായി​ക്കാൻ ഉദ്ദേശി​ക്ക​പ്പെ​ട്ടി​രി​ക്കുന്ന പത്തു ദിവസത്തെ ഒരു ബൈബി​ള​ധി​ഷ്‌ഠിത പഠനപ​ദ്ധതി ആണ്‌: യേശു​ക്രി​സ്‌തു​വി​ന്റെ അനുഗാ​മി​ക​ളെന്ന നിലയിൽ യഹോ​വ​യോ​ടു​കൂ​ടെ നടക്കു​ന്ന​തിൽ; സഹോ​ദ​രൻമാ​രു​ടെ മുഴു സമൂഹ​ത്തോ​ടു​മുള്ള സ്‌നേഹം വർദ്ധി​ത​മാ​ക്കു​ന്ന​തിൽ; ലോക​ത്തിൽ ജ്യോ​തി​സ്സു​ക​ളെ​പ്പോ​ലെ പ്രശോ​ഭി​ക്കു​ന്ന​തിൽ.

മദ്ധ്യ ആഫ്രിക്കൻ റിപ്പബ്ലി​ക്കിൽ പയനി​യർസ്‌കൂൾ

മദ്ധ്യ ആഫ്രിക്കൻ റിപ്പബ്ലി​ക്കി​ന്റെ തലസ്ഥാ​ന​മായ ബാംഗ്വി​യിൽ 1991 ഓഗസ്‌റ​റിൽ 48 വിദ്യാർത്ഥി​ക​ളും 2 അദ്ധ്യാ​പ​ക​രും ഒരുമി​ച്ചു​കൂ​ടി. വിദ്യാർത്ഥി​കൾക്കു തങ്ങളുടെ വേലക്കു​വേണ്ടി പ്രബോ​ധ​ന​ങ്ങ​ളും പ്രാ​യോ​ഗി​ക​നിർദ്ദേ​ശ​ങ്ങ​ളും സ്വീക​രി​ക്ക​ണ​മാ​യി​രു​ന്നു. ബാംഗ്വി ക്ലാസ്‌ സംബന്ധി​ച്ചു വളരെ ആവേശ​ക​ര​മാ​യി​രു​ന്ന​തെ​ന്താ​യി​രു​ന്നു?

ഒരു സംഗതി വിദ്യാർത്ഥി​ക​ളിൽ 21 പേർ അപ്പോ​ഴും ലൗകി​ക​സ്‌കൂ​ളിൽ പോകു​ന്ന​വ​രാ​യി​രു​ന്നു എന്നതാണ്‌. സ്‌കൂ​ളി​ലാ​യി​രി​ക്കെ, അവർക്കു നിരന്ത​ര​പ​യ​നി​യർ സേവന​ത്തി​ലേർപ്പെ​ടാൻ ക്രമീ​ക​ര​ണം​ചെ​യ്യാൻ കഴിഞ്ഞു. അവർ പ്രസം​ഗി​ക്കു​ന്ന​തി​നും പഠിപ്പി​ക്കു​ന്ന​തി​നും തങ്ങളുടെ അവധി​ക്കാ​ല​മാ​സ​ങ്ങ​ളും ഒഴിവുള്ള വാരാ​ന്ത​ങ്ങ​ളും അപരാ​ഹ്ന​ങ്ങ​ളും ഉപയോ​ഗി​ച്ചു.

ഈ യുവജ​നങ്ങൾ തങ്ങളുടെ സ്രഷ്ടാ​വി​നെ ഇപ്പോൾ സേവി​ക്കു​ന്ന​തി​ന്റെ പ്രാധാ​ന്യം കണ്ടിരി​ക്കു​ന്നു. (സഭാ​പ്ര​സം​ഗി 12:1; 1 കൊരി​ന്ത്യർ 7:29 താരത​മ്യ​പ്പെ​ടു​ത്തുക.) അവരിൽ 12 പേർക്ക്‌ അവിശ്വാ​സി​ക​ളായ മാതാ​പി​താ​ക്ക​ളാ​ണു​ണ്ടാ​യി​രു​ന്ന​തെന്ന വസ്‌തുത ശ്രദ്ധാർഹ​മാ​യി​രു​ന്നു. ജഡിക​സ​ഹോ​ദ​രൻമാ​രാ​യി​രുന്ന രണ്ടു ബാലൻമാർ തങ്ങളുടെ വിശ്വാ​സം​നി​മി​ത്തം അവരുടെ പിതാ​വി​നാൽ വീട്ടിൽനിന്ന്‌ ഇറക്കി​വി​ട​പ്പെട്ടു. സഭയിലെ ഒരു യുവദ​മ്പ​തി​കൾ ഈ രണ്ടു ബാലൻമാർക്കു തങ്ങളുടെ വീടു തുറന്നു​കൊ​ടു​ത്തു.

മീക്കേ​യു​ടെ​യും സൂലാ​മിത്ത്‌ കാലേ​ബി​ന്റെ​യും സംഗതി വ്യത്യ​സ്‌ത​മാ​യി​രു​ന്നു. ഇരുവ​രും പയനി​യർമാ​രാ​യി​രു​ന്നു. അവരും സ്‌കൂ​ളിൽ പോകു​ന്നു, എന്നാൽ അവരുടെ മാതാ​പി​താ​ക്കൾ യഹോ​വ​യു​ടെ സാക്ഷി​ക​ളാണ്‌. യഥാർത്ഥ​ത്തിൽ അവരുടെ പിതാവ്‌ അതേ ക്ലാസ്സിൽ ഒരു വിദ്യാർത്ഥി​യാ​യി​രു​ന്നു!

ബാംഗ്വി​യി​ലെ സഭകളും ക്ലാസ്സിൽ പങ്കെടു​ത്തു, ഒരു വ്യത്യസ്‌ത വിധത്തി​ലാ​യി​രു​ന്നു​വെ​ന്നു​മാ​ത്രം. ഭക്ഷണം​പോ​ലെ​യുള്ള ഭൗതി​കാ​വ​ശ്യ​ങ്ങ​ളിൽ അവർ സഹായി​ച്ചു. ക്ലാസ്സിനു ഭക്ഷണം കൊടു​ക്കാൻ പണവും അതു​പോ​ലെ​തന്നെ കോഴി​ക​ളും പഞ്ചസാ​ര​യും അരിയും മരച്ചീ​നി​യും സംഭാ​വ​ന​ചെ​യ്യ​പ്പെട്ടു.

ലളിത​മെ​ങ്കി​ലും രുചി​ക​ര​മായ ഭക്ഷണം തയ്യാറാ​ക്കു​ന്ന​തിന്‌ അടുത്തുള്ള സഭകൾ അടുക്ക​ള​ജോ​ലി​ക്കാ​രെ സംഘടി​പ്പി​ച്ചു. മദ്ധ്യാ​ഫ്രി​ക്കൻ റിപ്പബ്ലിക്ക്‌ എല്ലാവ​രും വിലമ​തി​ക്കുന്ന ഒരു ഭോജ​ന​മായ എൻഗൂൺസാ​യി​ക്കു പ്രസി​ദ്ധ​മാണ്‌. അതിന്റെ പാചക​വി​ധി എന്താണ്‌? മരച്ചീ​നി​യില, പാമോ​യിൽ, ഉള്ളി, ധാരാളം വെളു​ത്തു​ള്ളി, ഗണ്യമായ അളവിൽ നിലക്കടല നെയ്യ്‌ എന്നിവ​യും നന്നായി വേകാ​ന​നു​വ​ദി​ക്കു​ന്ന​തി​നുള്ള ക്ഷമയും. ഓരോ അടുക്ക​ള​ജോ​ലി​സം​ഘ​ത്തി​നും അതു പാചകം​ചെ​യ്യു​ന്ന​തി​നുള്ള സ്വന്തം പ്രത്യേക രീതി ഉണ്ടായി​രു​ന്നു. അത്‌ ഒരു വലിയ വിജയ​മാ​യി​രു​ന്നു; ആർക്കും അതു വേണ്ടെന്നു പറയാൻ കഴിയു​മാ​യി​രു​ന്നില്ല.

ബാംഗ്വി​ക്കു വെളി​യിൽ രണ്ടു ക്ലാസ്സുകൾ നടത്ത​പ്പെട്ടു, ഒന്നു ബ്വാറി​ലും ഒന്നു ബാംബാ​റി​യി​ലും; അങ്ങനെ വിദ്യാർത്ഥി​ക​ളു​ടെ മൊത്തം സംഖ്യ 68 ആയി. കഴിഞ്ഞ രണ്ടു വർഷക്കാ​ലത്ത്‌, മദ്ധ്യാ​ഫ്രി​ക്കൻ റിപ്പബ്ലി​ക്കിൽ പയനി​യർമാ​രു​ടെ എണ്ണത്തിൽ ഒരു വർദ്ധന​വു​ണ്ടാ​യി. ആയിര​ത്തി​ത്തൊ​ള്ളാ​യി​ര​ത്തി​ത്തൊ​ണ്ണൂ​റ​റി​രണ്ടു ജനുവ​രി​യിൽ 149 നിരന്തര പയനി​യർമാ​രും 17 പ്രത്യേക പയനി​യർമാ​രും 78 സഹായ പയനി​യർമാ​രും ഉണ്ടായി​രു​ന്നു. ഇതു പ്രസം​ഗ​ക​രു​ടെ​യും മണിക്കൂ​റു​ക​ളു​ടെ​യും മടക്കസ​ന്ദർശ​ന​ങ്ങ​ളു​ടെ​യും ബൈബി​ള​ദ്ധ്യ​യ​ന​ങ്ങ​ളു​ടെ​യും പുതിയ അത്യു​ച്ചങ്ങൾ സഹിതം മുഴു രാജ്യ​ത്തും വർദ്ധിച്ച പ്രവർത്ത​ന​ത്തിൽ കലാശി​ച്ചു. കൂടുതൽ പ്രവർത്ത​ക​രു​ള്ള​പ്പോൾ, കൊയ്‌ത്തു വർദ്ധി​ക്കു​ന്നു.—യെശയ്യാ​വു 60:21, 22; മത്തായി 9:37, 38.

ഈ കരുത​ലു​കൾക്കു​വേണ്ടി നാം യഹോ​വ​യാം ദൈവ​ത്തി​നും ഈ ക്ലാസ്സുകൾ ക്രമീ​ക​രി​ച്ച​തിന്‌ അവന്റെ ഭൗമി​ക​സ്ഥാ​പ​ന​ത്തി​നും നന്ദി കൊടു​ക്കു​ന്നു. ഈ അന്ധകാ​ര​ലോ​ക​ത്തിൽ ജ്യോ​തി​സ്സു​ക​ളെ​പ്പോ​ലെ പ്രശോ​ഭി​ക്കാൻ അവ വിദ്യാർത്ഥി​ക​ളെ​യും അദ്ധ്യാ​പ​ക​രെ​യും ഒരു​പോ​ലെ സഹായി​ക്കു​ന്നു.

[24-ാം പേജിലെ ചിത്രം]

ഇപ്പോഴും ഹൈസ്‌കൂ​ളിൽ പഠിക്കുന്ന ഇരുപ​ത്തൊ​ന്നു പയനിയർ-സ്‌കൂൾ വിദ്യാർത്ഥി​കൾ

25-ാം പേജിലെ ചിത്രം]

ഈ രണ്ടു ബാലൻമാർ സത്യം നിമിത്തം വീടു​വി​ട്ടു​പോ​കേ​ണ്ടി​വന്നു