വിശ്വാ​സ​ത്തിൽ ആരോ​ഗ്യ​മു​ള്ള​വ​രാ​യി​രി​ക്കുക!

തീത്തോസിൽനിന്നുള്ള സവി​ശേ​ഷാ​ശ​യ​ങ്ങൾ

ക്രേത്ത എന്ന മെഡി​റ​റ​റേ​നി​യൻ ദ്വീപി​ലെ ക്രിസ്‌തീ​യ​സ​ഭ​കൾക്ക്‌ ആത്‌മീ​യ​ശ്രദ്ധ ആവശ്യ​മാ​യി​രു​ന്നു. അവരെ ആർക്കു സഹായി​ക്കാൻ കഴിയും? എന്തിന്‌, അപ്പോ​സ്‌ത​ല​നായ പൗലോ​സി​ന്റെ സഹപ്ര​വർത്ത​ക​നായ തീത്തോ​സി​നു​തന്നെ! അവൻ ധൈര്യ​മു​ള്ള​വ​നും പഠിപ്പി​ക്കാൻ യോഗ്യ​ത​യു​ള്ള​വ​നും സൽപ്ര​വൃ​ത്തി​ക​ളിൽ തീക്ഷ്‌ണ​ത​യു​ള്ള​വ​നും വിശ്വാ​സ​ത്തിൽ ആരോ​ഗ്യ​മു​ള്ള​വ​നു​മാ​യി​രു​ന്നു.

റോമി​ലെ തന്റെ ഒന്നാമ​ത്തെ​യും രണ്ടാമ​ത്തെ​യും തടവു​വാ​സ​ങ്ങൾക്കി​ട​ക്കാണ്‌ പൗലോസ്‌ ക്രേത്ത സന്ദർശി​ച്ചത്‌. ചില കാര്യങ്ങൾ തിരു​ത്തു​ന്ന​തി​നും സഭാമൂ​പ്പൻമാ​രെ നിയമി​ക്കു​ന്ന​തി​നും​വേണ്ടി അവൻ തീത്തോ​സി​നെ ദ്വീപിൽ വിട്ടു. വ്യാ​ജോ​പ​ദേ​ഷ്ടാ​ക്കൻമാ​രെ ശാസി​ക്കാ​നും നല്ല മാതൃ​ക​വെ​ക്കാ​നും​കൂ​ടെ തീത്തോ​സി​നോട്‌ ആവശ്യ​പ്പെട്ടു. തീത്തോ​സി​നുള്ള പൗലോ​സി​ന്റെ ലേഖന​ത്തിൽ ഇതെല്ലാം വെളി​പ്പെ​ടു​ത്തി​യി​രി​ക്കു​ന്നു, അത്‌ ക്രി.വ. 61നും 64നും ഇടക്ക്‌ മക്കദോ​ന്യ​യിൽനി​ന്നാ​യി​രി​ക്കാം അയക്ക​പ്പെ​ട്ടത്‌. അപ്പോ​സ്‌ത​ലന്റെ ബുദ്ധി​യു​പ​ദേ​ശ​ത്തി​ന്റെ ബാധക​മാ​ക്ക​ലിന്‌ ധൈര്യ​വും തീക്ഷ്‌ണ​ത​യും ആത്മീയാ​രോ​ഗ്യ​വു​മു​ള്ള​വ​രാ​യി​രി​ക്കു​ന്ന​തിന്‌ ഇക്കാലത്തെ മേൽവി​ചാ​ര​കൻമാ​രെ​യും സഹവി​ശ്വാ​സി​ക​ളെ​യും സഹായി​ക്കാൻക​ഴി​യും.

മേൽവി​ചാ​ര​കൻമാ​രിൽനിന്ന്‌ എന്താവ​ശ്യ​പ്പെ​ട്ടി​രി​ക്കു​ന്നു?

മേൽവി​ചാ​ര​കൻമാ​രെ നിയമി​ക്കേ​ണ്ട​തും ഗുരു​ത​ര​മായ ചില പ്രശ്‌നങ്ങൾ കൈകാ​ര്യം​ചെ​യ്യേ​ണ്ട​തും ആവശ്യ​മാ​യി​രു​ന്നു. (തീത്തോസ്‌ 1:1-16) ഒരു മേൽവി​ചാ​ര​ക​നാ​യുള്ള നിയമ​ന​ത്തിന്‌, ഒരു മനുഷ്യൻ കുററാ​രോ​പ​ണ​വി​മു​ക്ത​നും വ്യക്തി​പ​ര​വും കുടും​ബ​പ​ര​വു​മായ ജീവി​ത​ത്തിൽ മാതൃ​കാ​യോ​ഗ്യ​നും അതിഥി​പ്രി​യ​നും സമനി​ല​യു​ള്ള​വ​നും ആത്മനി​യ​ന്ത്ര​ണ​മു​ള്ള​വ​നും ആയിരി​ക്കേ​ണ്ടി​യി​രു​ന്നു. അവൻ സത്യം പഠിപ്പി​ക്കു​ക​യും വിരു​ദ്ധ​വീ​ക്ഷ​ണങ്ങൾ പുലർത്തു​ന്ന​വരെ ഉദ്‌ബോ​ധി​പ്പി​ക്കു​ക​യും ശാസി​ക്കു​ക​യും ചെയ്യണ​മാ​യി​രു​ന്നു. ധൈര്യം വേണമാ​യി​രു​ന്നു. കാരണം സഭകളി​ലെ അനുസ​ര​ണം​കെ​ട്ട​വരെ നിശ്ശബ്ദ​രാ​ക്ക​ണ​മാ​യി​രു​ന്നു. പരിച്‌ഛേ​ദ​ന​യോ​ടു പററി​നി​ന്ന​വരെ സംബന്ധിച്ച്‌ വിശേ​ഷാൽ അങ്ങനെ​ത​ന്നെ​യാ​യി​രു​ന്നു, എന്തു​കൊ​ണ്ടെ​ന്നാൽ അവർ മുഴു​കു​ടും​ബ​ങ്ങ​ളെ​യും മറിച്ചു​ക​ള​ഞ്ഞി​രു​ന്നു. സഭകൾ ആത്മീയാ​രോ​ഗ്യ​മു​ള്ള​വ​യാ​യി നില​കൊ​ള്ളു​ന്ന​തിന്‌, സഗൗര​വ​മായ ശാസന ആവശ്യ​മാ​യി​രു​ന്നു. സഭയെ പുഷ്ടി​പ്പെ​ടു​ത്തു​ന്ന​തിന്‌ ശാസന​യും പ്രബോ​ധ​ന​വും കൊടു​ക്കാ​നുള്ള ധൈര്യം ഇന്ന്‌ ക്രിസ്‌തീയ മേൽവി​ചാ​ര​കൻമാർക്കും ഉണ്ടായി​രി​ക്കേ​ണ്ട​താണ്‌.

ആരോ​ഗ്യാ​വ​ഹ​മായ പഠിപ്പി​ക്കൽ ബാധക​മാ​ക്കു​ക

തീത്തോസ്‌ ആത്മീയ​മാ​യി ആരോ​ഗ്യാ​വ​ഹ​മായ പഠിപ്പി​ക്കൽ ബാധക​മാ​ക്ക​ണ​മാ​യി​രു​ന്നു. (2:1-15) വൃദ്ധൻമാർ മിതശീ​ല​ത്തി​ലും ഗൗരവ​ത്തി​ലും സുബോ​ധ​ത്തി​ലും വിശ്വാ​സ​ത്തി​ലും സ്‌നേ​ഹ​ത്തി​ലും സഹിഷ്‌ണു​ത​യി​ലും മാതൃ​കാ​യോ​ഗ്യ​രാ​യി​രി​ക്ക​ണ​മാ​യി​രു​ന്നു. വൃദ്ധസ്‌ത്രീ​കൾ “പെരു​മാ​റ​റ​ത്തിൽ ആദരണീ​യർ” ആയിരി​ക്ക​ണ​മാ​യി​രു​ന്നു. “നൻമ പഠിപ്പി​ക്കു​ന്നവർ” എന്ന നിലയിൽ അവർക്ക്‌ ഭാര്യ​മാ​രും അമ്മമാ​രു​മെന്ന നിലയിൽ തങ്ങളുടെ കടമക​ളെ​ക്കു​റിച്ച്‌ ശരിയായ വീക്ഷണ​മു​ണ്ടാ​യി​രി​ക്കാൻ ഇളയ സ്‌ത്രീ​കളെ സഹായി​ക്കാൻ കഴിയു​മാ​യി​രു​ന്നു. ചെറു​പ്പ​ക്കാ​രായ പുരു​ഷൻമാർ സുബോ​ധ​മു​ള്ള​വ​രാ​യി​രി​ക്ക​ണ​മാ​യി​രു​ന്നു. അടിമകൾ ദൈവ​ത്തി​ന്റെ ഉപദേ​ശ​ത്തിന്‌ ഭൂഷണ​മാ​യി​രി​ക്കുന്ന ഒരു രീതി​യിൽ തങ്ങളുടെ ഉടമകൾക്ക്‌ കീഴ്‌പെ​ട്ടി​രി​ക്ക​ണ​മാ​യി​രു​ന്നു. ക്രിസ്‌ത്യാ​നി​ക​ളെ​ല്ലാം അഭക്തി പരിത്യ​ജി​ക്കു​ക​യും ഈ വ്യവസ്ഥി​തി​യിൽ സുബോ​ധ​ത്തോ​ടെ ജീവി​ക്കു​ക​യും ചെയ്യണ​മാ​യി​രു​ന്നു. അതേസ​മയം അവർ ദൈവ​ത്തി​ന്റെ​യും യേശു​ക്രി​സ്‌തു​വി​ന്റെ​യും മഹത്തായ പ്രത്യ​ക്ഷ​ത​ക്കു​വേണ്ടി കാത്തി​രി​ക്ക​ണ​മാ​യി​രു​ന്നു. ക്രിസ്‌തു “സകലതരം അധർമ്മ​ത്തിൽനി​ന്നും നമ്മെ വിടു​വി​ക്കേ​ണ്ട​തി​നും വിശേ​ഷാൽ തന്റെ സ്വന്തവും സൽപ്ര​വൃ​ത്തി​കൾക്കു തീക്ഷ്‌ണ​ത​യു​ള്ള​തു​മായ ഒരു ജനത്തെ തനിക്കു​വേണ്ടി ശുദ്ധീ​ക​രി​ക്കേ​ണ്ട​തി​നും തന്നെത്താൻ നമുക്കു​വേണ്ടി ഏൽപ്പി​ച്ചു​തന്നു.” അങ്ങനെ​യുള്ള ആരോ​ഗ്യാ​വ​ഹ​മായ ബുദ്ധി​യു​പ​ദേശം ബാധക​മാ​ക്കി​ക്കൊണ്ട്‌ നമുക്കും ‘ദൈവ​ത്തി​ന്റെ ഉപദേ​ശത്തെ അലങ്കരി​ക്കാം.’

പൗലോ​സി​ന്റെ സമാപ​ന​ബു​ദ്ധി​യു​പ​ദേശം ആത്മീയാ​രോ​ഗ്യ​ത്തെ പ്രോൽസാ​ഹി​പ്പി​ക്കു​ന്നു. (3:1-15) ഭരണാ​ധി​പൻമാ​രോട്‌ ഉചിത​മായ കീഴ്‌പെടൽ പ്രകട​മാ​ക്കേ​ണ്ട​തും ന്യായ​ബോ​ധം നട്ടുവ​ളർത്തേ​ണ്ട​തും ആവശ്യ​മാണ്‌. ക്രിസ്‌ത്യാ​നി​കൾക്ക്‌ നിത്യ​ജീ​വന്റെ പ്രത്യാ​ശ​യുണ്ട്‌. അവരുടെ മനസ്സുകൾ സൽപ്ര​വൃ​ത്തി​ക​ളിൽ പതിപ്പി​ക്കാൻ പ്രോൽസാ​ഹി​പ്പി​ക്കു​ന്ന​തിന്‌ പൗലോ​സി​ന്റെ വാക്കുകൾ ഊന്നി​പ്പ​റ​യ​ണ​മാ​യി​രു​ന്നു. വിമൂ​ഢ​മായ ചോദ്യ​ങ്ങ​ളും ന്യായ​പ്ര​മാ​ണം സംബന്ധിച്ച തർക്കങ്ങ​ളും ഒഴിവാ​ക്ക​ണ​മാ​യി​രു​ന്നു. കക്ഷിപി​രി​വി​നു പ്രോൽസാ​ഹി​പ്പി​ക്കുന്ന ഒരുവനെ രണ്ടു പ്രാവ​ശ്യം ബുദ്ധി​യു​പ​ദേ​ശിച്ച ശേഷം തള്ളണമാ​യി​രു​ന്നു. മൂപ്പൻമാർ ഇന്ന്‌ അങ്ങനെ​യുള്ള ബുദ്ധി​യു​പ​ദേ​ശങ്ങൾ ബാധക​മാ​ക്കു​മ്പോൾ അവരും അവരുടെ സഹവി​ശ്വാ​സി​ക​ളും വിശ്വാ​സ​ത്തിൽ ആരോ​ഗ്യ​മു​ള്ള​വ​രാ​യി നില​കൊ​ള്ളും. (w91 2⁄15)

[10-ാം പേജിലെ ചതുരം/ചിത്രം]

വീഞ്ഞിന്‌ അടിമ​പ്പെ​ടാ​ത്തവർ: സ്‌ത്രീ​കൾ സഭയിലെ പുരു​ഷൻമാ​രെ പഠിപ്പി​ക്കാൻപാ​ടി​ല്ലെ​ങ്കി​ലും പ്രായ​ക്കൂ​ടു​ത​ലുള്ള സ്‌ത്രീ​കൾക്ക്‌ ഇളയസ്‌ത്രീ​കളെ സ്വകാ​ര്യ​മാ​യി ഉപദേ​ശി​ക്കാൻ കഴിയും. എന്നാൽ ഈ കാര്യ​ത്തിൽ ഫലപ്ര​ദ​രാ​യി​രി​ക്കു​ന്ന​തിന്‌ പ്രായ​ക്കൂ​ടു​ത​ലുള്ള സ്‌ത്രീ​കൾ പൗലോ​സി​ന്റെ ഈ വാക്കുകൾ അനുസ​രി​ക്കണം: “പ്രായ​മുള്ള സ്‌ത്രീ​കൾ പെരു​മാ​റ​റ​ത്തിൽ ആദരണീ​യ​രും ഏഷണി പറയാ​ത്ത​വ​രും ധാരാളം വീഞ്ഞിന്‌ അടിമ​പ്പെ​ടാ​ത്ത​വ​രും നൻമ പഠിപ്പി​ക്കു​ന്ന​വ​രു​മാ​യി​രി​ക്കട്ടെ.” (തീത്തോസ്‌ 2:1-5; 1 തിമൊ​ഥെ​യോസ്‌ 2:11-14) കുടി​യു​ടെ ഫലങ്ങളെ സംബന്ധിച്ച ഉൽക്കണ്‌ഠ നിമിത്തം മേൽവി​ചാ​ര​കൻമാ​രും ശുശ്രൂ​ഷാ​ദാ​സൻമാ​രും പ്രായ​ക്കൂ​ടു​ത​ലുള്ള സ്‌ത്രീ​ക​ളും ധാരാളം വീഞ്ഞിന്‌ തങ്ങളെ​ത്തന്നെ വിട്ടു​കൊ​ടു​ക്കാ​തെ മിതത്വ​മു​ള്ള​വ​രാ​യി​രി​ക്കണം. (1തിമൊഥെയോസ്‌ 3:2,3, 8, 11) എല്ലാ ക്രിസ്‌ത്യാ​നി​ക​ളും മദ്യമത്ത്‌ ഒഴിവാ​ക്കു​ക​യും സുവാർത്താ​പ്ര​സം​ഗ​മാ​കുന്ന “വിശു​ദ്ധ​വേല” ചെയ്യു​മ്പോൾ ലഹരി​പാ​നീ​യങ്ങൾ കുടി​ക്കു​ന്ന​തിൽനിന്ന്‌ വിട്ടു​നിൽക്കു​ക​യും വേണം.—റോമർ 15:16; സദൃശ​വാ​ക്യ​ങ്ങൾ 23:20, 21.