വാർത്തകൾ സംബന്ധിച്ച ഉൾക്കാ​ഴ്‌ച

“ഏററം അപകട​ക​ര​മായ വസ്‌തു”

രക്തപ്പകർച്ച​ക​ളി​ലൂ​ടെ മാരക​മായ ഒരു രോഗം പിടി​പെട്ട രോഗി​കൾ ഫയൽചെ​യ്യുന്ന കേസുകൾ അനേകം രക്തബാ​ങ്കു​കൾക്ക്‌ പുതിയ ഉത്‌ക്ക​ണ്‌ഠ​യു​ടെ ഒരു തലം അവതരി​പ്പി​ച്ചി​രി​ക്കു​ന്നു. റിപ്പോർട്ട​നു​സ​രിച്ച്‌, 1989ന്റെ മദ്ധ്യമാ​യ​തോ​ടെ ഐക്യ​നാ​ടു​ക​ളിൽ 300ൽപരം കേസുകൾ രക്തബാ​ങ്കു​കൾക്കെ​തി​രാ​യി ഫയൽചെ​യ്യ​പ്പെ​ട്ടി​രി​ക്കു​ന്നു. രക്തബാ​ങ്കു​ക​ളു​ടെ അമേരി​ക്കൻ അസോ​സി​യേ​ഷന്റെ എക്‌സ​ക്കെ​ട്ടീവ്‌ ആയ ഗിൽബെർട്ട്‌ ക്ലാർക്ക്‌ “പൊതു​ജ​ന​ത്തിന്‌ പൂർണ്ണ​മാ​യും സുരക്ഷി​ത​മായ രക്തമാ​ണാ​വ​ശ്യ​മെന്നു” സമ്മതിച്ചു, എന്നാൽ അതിന്‌ ഉറപ്പു​നൽകുക സാദ്ധ്യ​മ​ല്ലെന്ന്‌ അദ്ദേഹം പറഞ്ഞു.

സമാന​മ​യി, “ഒഴിവാ​ക്കുക സാദ്ധ്യ​മ​ല്ലാത്ത വിധം രക്തം അരക്ഷി​ത​മാ​ണെന്ന്‌ പരിഗ​ണി​ക്ക​പ്പെ​ടേ​ണ്ടി​യി​രി​ക്കു​ന്നു” എന്ന്‌ ഡോ. ചാൾസ്‌ ഹഗ്ഗിൻസ്‌ സമ്മതി​ക്കു​ന്ന​താ​യി പരേഡ്‌ മാഗസിൻ റിപ്പോർട്ടു​ചെ​യ്യു​ന്നു. “ചികി​ത്സ​യിൽ നാം ഉപയോ​ഗി​ക്കുന്ന ഏററം അപകട​ക​ര​മായ വസ്‌തു​വാണ്‌ രക്തം” എന്ന്‌ അദ്ദേഹം വർണ്ണി​ക്കു​ന്നു. 1989ന്റെ പ്രാരം​ഭം മുതൽ രക്തബാ​ങ്കു​കൾ മാതൃ​കാ​പ​ര​മാ​യി ടെസ്‌റ​റ്‌ചെ​യ്യുന്ന സാം​ക്ര​മി​ക​രോ​ഗ​ങ്ങ​ളു​ടെ എണ്ണം അഞ്ചായി വർദ്ധി​ച്ചി​രി​ക്കു​ന്നു. (പ്രായ​മു​ള്ള​വ​രു​ടെ ററി-സെൽ ലുക്കേ​മി​യ​യോ​ടു ബന്ധപ്പെട്ട എച്ച്‌റ​റി​എൽവി-1, സിഫി​ലിസ്‌, ഹെപ്പാ​റ​റി​റ​റിസ്‌ ബി, എയ്‌ഡ്‌സ്‌, ഹെപ്പാ​റ​റി​റ​റിസ്‌ സി) എന്നിരു​ന്നാ​ലും, അമേരി​ക്കൻ റെഡ്‌​ക്രോസ്‌ അധികാ​രി​യായ എസ്‌. ജെറാൾഡ്‌ സാൻഡ്‌ലർ പറയു​ന്ന​ത​നു​സ​രിച്ച്‌, “രക്തപ്പകർച്ച​യി​ലൂ​ടെ പകരുന്ന മറെറാ​രു അപൂർവ​രോ​ഗം നാം കണ്ടെത്തു​ന്ന​തിന്‌ കുറെ സമയം വേണ​മെ​ന്നേ​യു​ള്ളു​വെന്ന്‌ തോന്നു​ന്നു.” അങ്ങനെ​യുള്ള മാരക​ശ​ക്തി​യു​ണ്ടാ​യി​രു​ന്നി​ട്ടും 1990ൽ ഏതാണ്ട്‌ നാല്‌പതു ലക്ഷം അമേരി​ക്ക​ക്കാർ രക്തപ്പകർച്ച സ്വീക​രി​ക്കു​മെന്നു പ്രതീ​ക്ഷി​ക്ക​പ്പെ​ട്ടി​രു​ന്നു. പത്രപം​ക്തീ​കാ​ര​നായ ഡബ്ലിയൂ. ജിഫോർഡ്‌-ജോൺസ്‌ പറയു​ന്ന​ത​നു​സ​രിച്ച്‌ “രക്തപ്പകർച്ച​യു​ടെ സാദ്ധ്യ​തയെ സംബന്ധിച്ച്‌ യഹോ​വ​യു​ടെ സാക്ഷി​ക​ളൊ​ഴിച്ച്‌ മിക്ക രോഗി​ക​ളും ഒരിക്ക​ലും ചർച്ച​ചെ​യ്യു​ന്നി​ല്ലെ​ന്നു​ള്ള​താണ്‌” പ്രശ്‌നം.

ദൈവ​വ​ച​നം പ്രവൃ​ത്തി​കൾ 15:28, 29; 21:25 എന്നിവി​ട​ങ്ങ​ളിൽ കല്‌പി​ക്കു​ന്ന​തു​പോ​ലെ ദശാബ്‌ദ​ങ്ങ​ളാ​യി യഹോ​വ​യു​ടെ സാക്ഷികൾ വിശ്വ​സ്‌ത​മാ​യി ഏതു രൂപത്തി​ലു​മുള്ള ‘രക്തം വർജ്ജി​ച്ചി​രി​ക്കു​ന്നു.’ ഇത്‌ രക്തത്തി​ലൂ​ടെ പകരുന്ന മാരക​രോ​ഗ​ങ്ങ​ളിൽനിന്ന്‌ അവർക്ക്‌ പ്രദാ​നം​ചെ​യ്‌തി​രി​ക്കുന്ന സംരക്ഷണം യഹോ​വ​യാം ദൈവ​ത്തി​ന്റെ നിയമ​ങ്ങ​ളോ​ടുള്ള അവരുടെ അനുസ​ര​ണ​ത്തി​ന്റെ ശരിയെ ഉദാഹ​രി​ക്കു​ക​മാ​ത്രമേ ചെയ്യു​ന്നു​ള്ളു.

ഗൗനി​ക്ക​പ്പെ​ടാ​തെ അപ്രത്യ​ക്ഷ​പ്പെ​ടു​ക​യോ?

ആയിര​ത്തി​ത്തൊ​ള്ളാ​യി​ര​ത്തി​എൺപ​ത്തൊൻപത്‌ ഫെബ്രു​വ​രി​യിൽ ജർമ്മനി​യിൽ കൊ​ളോ​ണി​ലെ പുതിയ ആർച്ച്‌ ബിഷപ്പാ​യി വാഴി​ക്ക​പ്പെ​ട്ട​പ്പോൾ ഒരു വിവാ​ദ​പു​രു​ഷ​നാ​യി​രുന്ന യോവാ​ക്കിം കാർഡി​നൽ മീസ്‌നർ തന്റെ ഏററവും വലിയ ഭയം സഭ ഒരു ദിവസം “ഒരുപക്ഷേ സമുദാ​യ​ത്താൽ ഗൗനി​ക്ക​പ്പെ​ടാ​തെ അപ്രത്യ​ക്ഷ​പ്പെ​ട്ടേ​ക്കാം” എന്നതാ​ണെന്ന്‌ അടുത്ത കാലത്ത്‌ പറയു​ക​യു​ണ്ടാ​യി. ജർമ്മൻ പത്രമായ റീനിചെ പോസ്‌ററ്‌ പറഞ്ഞ​പ്ര​കാ​രം, “സമുദാ​യം സഭയെ അപ്രധാ​ന​മാ​യി വീക്ഷി​ക്കാ​നി​ട​യാ​യി​രി​ക്കു​ന്ന​തിൽ എന്റെ ദേഹി വിഷാ​ദ​മ​ഗ്ന​മാണ്‌” എന്ന്‌ മീസ്‌നെർ പറയു​ക​യു​ണ്ടാ​യി. സാദ്ധ്യ​ത​യുള്ള ഒരു കാരണം “നാം സ്വർഗ്ഗ​ത്തെ​ക്കു​റിച്ച്‌ വേണ്ടത്ര പറയാതെ ഭൂമി​യെ​ക്കു​റി​ച്ചു വളരെ​ക്കൂ​ടു​തൽ സംസാ​രി​ക്കു​ന്നു​വെ​ന്ന​തും നിത്യ​ത​യെ​ക്കു​റിച്ച്‌ വളരെ​ക്കു​റച്ച്‌ സംസാ​രി​ച്ചു​കൊണ്ട്‌ ഏതൽക്കാ​ല​ത്തെ​ക്കു​റിച്ച്‌ വളരെ​ക്കൂ​ടു​തൽ സംസാ​രി​ക്കു​ന്നു​വെ​ന്ന​തു​മാണ്‌” എന്ന്‌ അദ്ദേഹം കുറി​ക്കൊ​ണ്ടു.

ലോക​പ്ര​ശ്‌ന​ങ്ങൾ പരിഹ​രി​ക്കു​ന്ന​തി​നുള്ള സ്വർഗ്ഗീ​യ​ശ​ക്തി​യെ ആശ്രയി​ക്കു​ന്ന​തി​നു​പ​കരം ഭൂമി​യി​ലെ രാഷ്‌ട്രീ​യ​വും വ്യാപാ​ര​പ​ര​വു​മായ മൂലക​ങ്ങ​ളു​മാ​യി സഖ്യത്തി​ലേർപ്പെ​ട്ടു​കൊണ്ട്‌ ക്രൈ​സ്‌ത​വ​ലോ​ക​ത്തി​ലെ മതങ്ങൾ തങ്ങൾ ദൈവി​ക​താ​ത്‌പ​ര്യ​ങ്ങളെ പ്രതി​നി​ധാ​നം​ചെ​യ്യു​ന്നു​വെ​ന്നുള്ള അവകാ​ശ​വാ​ദത്തെ വ്യാജ​മെന്നു തെളി​യി​ച്ചി​രി​ക്കു​ന്നു. ഇതിന്‌ ഗൗരവ​മായ പരിണ​ത​ഫ​ല​ങ്ങ​ളു​ണ്ടാ​യി​രി​ക്കും. ബൈബിൾ പറയു​ന്ന​ത​നു​സ​രിച്ച്‌ സകല വ്യാജ​മ​ത​ങ്ങ​ളും പെട്ടെന്ന്‌ അപ്രത്യ​ക്ഷ​പ്പെ​ടും—അത്‌ “ഭൂമി​യി​ലെ രാജാ​ക്കൻമാ​രും” “ഭൂമി​യി​ലെ സഞ്ചാര​വ്യാ​പാ​രി​ക​ളും” ഗൗനി​ക്കാത്ത ഒരു സംഭവ​മാ​യി​രി​ക്ക​യില്ല. ഈ വികാസം നിമിത്തം അവർ കരയു​ന്ന​താ​യി​രി​ക്കും. അതു​കൊണ്ട്‌ നീതി​പ്രേ​മി​കൾ ഈ വാക്കുകൾ അനുസ​രി​ക്കേണ്ട ആവശ്യ​മുണ്ട്‌: “നിങ്ങൾ അവളുടെ പാപങ്ങ​ളിൽ പങ്കുപ​റ​റാ​നാ​ഗ്ര​ഹി​ക്കു​ന്നി​ല്ലെ​ങ്കിൽ, നിങ്ങൾ അവളുടെ ബാധക​ളു​ടെ ഓഹരി ലഭിക്കാ​നാ​ഗ്ര​ഹി​ക്കു​ന്നി​ല്ലെ​ങ്കിൽ, [വ്യാജ​മ​തത്തെ] വിട്ടു​പോ​രുക.”—വെളി​പ്പാട്‌ 18:4, 9, 11. (w90 7⁄15)